رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل السابع والعشرون

تم النشر الجمعة

13/12/2024

وقف يزن في مكانه متغاظ ومتضايق 

ومشي اتحرك ف طريقه لعربيته 

وف الوقت دا جاله اتصال من دنيا 

فرد 

الو صباح الخير يا انسة دنيا 

دنيا حاولت ترقق صوتها وتتكلم بمسكنة

يزن 

كويس انك صحيت بدري محتاجاك اوي 

يزن 

اه اكيد بصحى بدري علشان شغلي.. خير فيه ايه 

دنيا 

لا مش هينفع ف الفون انا لازم اقابلك ونتكلم ضروري انا ف مشكلة ومش عارفة اخرج منها ازاي وف نفس الوقت معنديش حد اشكيله ويقدر يساعدني غيرك هتساعدني يا يزن 

يزن 

اكيد متأخرش عنك يا دنيا بس الاول لما اعرف ايه المشكلة 

دنيا 

علشان كدا بقولك نتقابل علشان اقدر احكيلك انا اكيد مش هقدر احكي موضوع حساس زي دا ف الشركة 

اتنهد يزن بانزعاج ودا لانه عارف كويس دنيا بتتحجج باي حجة وخلاص علشان تقابله ومفيش اي مشكلة ولا حاجة 

ااا على فكرة الشركة انسب مكان تقولي مشكلتك محدش هيقدر يسمع احنا بنتكلم في ايه 

دنيا 

لا انا مكنتش اعرف انك بخيل يا يزن 

مش عايز تعزمني ع الفطار ولا ايه تؤتؤ انت كدا هتخليني اغير فكرتي عنك 

يزن بضيق 

لالا لو ع الفطار احلى فطار ليكي اكيد بس انا عامة مش بفطر دلوقتي لسه بدري 

دنيا 

طب تحب نتقابل امتا ونفطر او نتغدى سوا لو انت مش فاضي دلوقتي 

يزن 

ممم افهم من كدا ان الموضوع مش مهم ولا مستعجل زي ما ظنيت ف الأول 

دنيا بارتباك 

ها لالا طبعا مهم بس انا مش عايزة اشغلك يا يزن مش عايزة اكون سبب ف اني اعطلك انا عايزة مصلحتك قبل أي حاجة مش مهم انا..

اتنهد يزن وقال وهو بيفتكر لوجي وصدها ليه 

عامة ماشي انا موافق اقابلك دلوقتي تحبي نتقابل فين علشان تقولي مشكلتك 

فرحت دينا اوي 

بجد يا يزن هتسيب شغلك وكل اللي في ايدك علشان تسمعني انا مش مصدقة نفسي انت جنتل مان اوي يا بختي بيك انا مبسوطة اننا اصحاب 

❈-❈-❈

قررت شوق تنزل تروح المدرسة اللي كانت بتشتغل فيها وسابت شغلها من فترة بسبب انشغالها مع وعد ومع رائد وسفرها للبلد 

لكن النهاردة قررت تزور المدرسة وتعمل جولة بين البنات زي ما هي متعودة وتقرب منهم 

وصلها رائد ف طريقه للمستشفى ولما وصلت عند مدرستها قالت 

شكرا يا دكتور متحرمش منك 

بصلها رائد بابتسامة 

خدي بالك من نفسك يا شوق 

شوق بابتسامة صافية 

ايه يا دكتور خايف عليا من الطلبة بتوعي ولا ايه 

رائد وان مخفتش على حبيبتي اخاف على مين بس 

شوق 

لاه يا دكتور الكلام الجميل ديه انا مش قده 

رائد 

الكلام الجميل بيخرج من القلب لوحده لما يقابل جمال روحك يا شوق 

شوق 

لاه اني اكده هتغر وهمشي كيف الطاووس مع البنات ف المدرسة ومحدش هيعرف يكلمني 

ضحك رائد 

اصدق اي حد يعمل كدا الا انتي يا شوق انتي مفيش ف تواضعك وبساطتك وطيبة قلبك 

شوق بفرحة 

الحمد لله انك شايفني اكده ربنا يجلعني ليك كيف ما تحب دايما وابدا 

رائد 

انا كل يوم بحمد ربنا انه رزقني بيكي  انتي هدية غالية تستوجب الشكر 

ولسه شوق هتتكلم سمعت صوت مشرفة المدرسة بترحب بيها 

ابلة شوق لا انا مش مصدقة نفسي لما سمعت من المديرة ان حضرتك جاية النهاردة نورتينيا والله 

بصلها رائد بغيظ لانه مكانش عايز شوق تمشي دلوقتي 

فقالت شوق 

طب استأذن اني يا دكتور وعلشان تروح انت لمصلحتك 

رائد تمام يا شوق لما تلخصي رني عليا هعدي اخدك عايز نتغدى انا وانتي ف اي مكان برا البيت 

شوق 

حاضر هكلمك اول ما اخلص ف امان الله 

وانطلق رائد بعربيته 

وشوق لفت للمشرفة واتكلمت معاها ودخلت المدرسة 

❈-❈-❈

مهند كان قاعد في مكتبه بيتابع شغله فشاف باب المكتب بيتفتح فجأة وبدأ يشم ريحة برفيوم هو مش تايه عنه هو عارفه قبل كدا بس استغرب مجيئها ف الوقت دا 

فرفع وشه لقاها قدامه بتدخل وبتقفل الباب وراها 

فقال بانزعاج 

انتي ... من فضلك سيبي الباب مفتوح 

قسمت 

لا طبعا انا عايزة اقدر اقعد معاك براحتي 

مهند 

دخلتي ازاي وفين السكرتيرة اللي برا 

قسمت

 استغليت انشغالها بطابعة الورق ودخلت ليك 

مهند 

عايزة ايه يا قسمت انا سبق وقولتلك ردي مليون مرة ع طلبك ...ايه مزهقتيش 

قسمت قربت من الكرسي وقعدت وعنيها مسلطة ع مهند 

انا عمري ما ازهق منك يا مهند مهما عملت ومهما قولت على قلبي زي العسل انت بس توافق وتلين 

مهند بانزعاج 

استغفر الله العظيم يارب يا بنت الناس ارحميني انا ليا طاقة بردو 

قسمت 

مهند ارجوك وافق بقا ع طلبي انا بقالي سنتين بستناك طول عمري من اول ما فتحت عيني ع الدنيا وانا بحلم بيك انت وبس وما صدقت الفرصة تسمح ليا علشان اقرب منك ارجوك متضيعهاش عليا 

مهند 

يا ستي انا متجوز.. متجوز  وبحب مراتي اقولك ايه تاني 

هنا قامت من مكانها ولفت ناحيته وقربت منه 

وانا قولتلك اني موافقة اكون زوجة تانية وموافقة كمان متعدلش ما بينا حتى لو هتجيني يوم واحد ف الشهر انا موافقة المهم اكون جنبك ولو لمرة واحدة قبل ما اموت يا مهند .. مهند انا بحبك بحبك اعمل ايه تاني علشان تصدق 

بعد مهند خطوة عنها واخد نفس طويل 

دي اسميها مراهقة متأخرة دي ولا ايه ما هو اصل مفيش كدا 

قسمت سميها زي ما تسميها انا مش عارفة مالي بحبك ومش ذنبي يا مهند انت ليه عايز تعاقبني على حبي ليك 

مهند 

بس انا مش بحبك يا قسمت انا بحب مراتي بحبها ومش بس كدا بعشقها كمان 

قسمت 

وانا قولتلك خليني ليك انا كمان انا مش هكون انانية وهقولك كون ليا لوحدي مع أن دا منى عيني بس انا موافقة ع اي حاجة تقولها ها وافق بقا ارجوك علشان خاطري يا مهند والله اللي تقول عليه هوافق بيه مش هعترض حتى لو جيتلي مرة ف السنة حتى لو قولت جوازنا يفضل ف السر موافقة ع كل حاجة 

مهند 

ايوا بس لو ميار عرفت هتزعل وانا مقدرش ازعلها مقدرش اوجعها 

قسمت بلا مبالاة المهم تفوز بمهند 

ايه اللي يزعل ان واحدة جوزها اتجوز عليها مش فاهمة

مهند

 انتي كنتي توافقي ان ممدوح يتجوز عليكي 

قالت بدون تفكير 

لا طبعا دا انا كنت اولع فيه دا انا كنت متحملاه بالعافية وف الاخر يتجوز عليا 

مهند قال بسخرية 

هه يعني مش بتحبيه ومش قادرة تتحملي فكرة جوازه عليكي طب بالله عليكي ميار تعمل ايه وانا وهي بنحب بعض استحالة استحالة افكر اني اوجعها او حتى اضايقها بمجرد التفكير في الموضوع 

هنا اتغاظت قسمت وقالت بانزعاج 

بطل بقا كلمتك المستفزة دي كل مرة بحبها واخاف ع زعلها ومش عايز اوجعها انت ايه مش بتحس خالص مش قادر تشوف عشقي ليك فيها ايه ميار دي احلى مني لا جسمها زي جسمي ولا تقدر تسعدك زيي هي ساحرالك والا ايه مش فاهمة انت ايه بجد 

مهند 

صحيح ميار مش زيك ولا عمرها هتكون زيك ابدا... ميار نقية بريئة قلبها صافي كانت صفحة بيضة وانا اللي شكلتها ..كل خبرتها في الحياة انا اللي عملتها ووجهتها 

ضحكت قسمت باستفزاز 

هه عرفت بقا انها ساذجة ومتعرفش حاجات كتير انا عارفاها انا مش فاهمة انت متحمل دا ازاي حد غيرك كان اتجوز عليها من تاني يوم 

منهد باستخفاف 

عمري ما هتفهمي يعني ايه جواز... الجواز مش علشان متعة بس... منكرش ان دا اهم سبب من اسباب الجواز... لكن اللي انتي متعرفيهوش ان الجواز يعني استقرار سكن أمان كفاية اني ارجع من البيت وشايل هموم الدنيا فابص ف وشها البرىء انسى هموم الدنيا كلها... كفاية اشوف نظرة الاهتمام والخوف عليا وعلشاني في وشها... كفاية اشوف ابتسامتها اللي بتنور ليا حياتي كفاية بس احترامها ليا كفاية ادبها كفاية حاجتها ليا استكانتها بين ايديا كفاية تكون زعلانة وبمجرد ما اخدها ف حضني حزنها وخوفها يزول... الجواز كبير اوي ومعقد مش زي ما انتي متخيلاه وعمرك ما هتقدري تفهمي قصدي ايه لانك ببساطة بتدوري ع سعادة لحظية مش سعادة تدوم للأبد .. انا لو كنت بفكر ف اللي بتفكري فيه دا كان زماني بتجوز كل يوم واحدة وبطلقها وانتي عارفة انا كنت ازاي قبل كدا ... لكن لما عرفت ميار عرفت الحب اللي بجد عرفت يعني ايه جواز.. ميار وصلتني لدرجة من العشق  عمرك ما هتقدري بكل أساليب الاغراء اللي عندك انك توصليني ليها... ها تحبي اقول كمان ولا خلاص بدأتي تقتنعي على فكرة انا لو فضلت اتكلم من هنا لبكرة كلامي عنها عمره ما هيخلص  

اتغاظت قسمت ووشها بقا كله غضب لكن جه في بالها حل اخير 

طب خلاص بلاش الجواز اللي مضايقك اوي ايه رايك نتجوز عرفي او اكون ملك ايديك انا موافقة المهم اقرب منك يا مهند افهمني بقا 

❈-❈-❈

شوق كانت في الفصل قاعدة ف وسط البنات اللي فرحانين بيها ومش مصدقين انها هنا معاهم وقاعدة وسطهم وبتسمع منهم

البنات كانت الفرحة على وشهم واضحة وبتكلموا وبيحكوا بحماس وشوق بتسمع منهم وبتنصحهم 

لكنها لاحظت بنت منهم قاعدة ساكتة بعكس كل البنات وسرحانة وباين ان فيه حاجة مضايقاها 

اتحركت شوق من مكانها وقربت من البنت وقالت وهي بتقعد جنبها 

اتفسحي اكده يا جميلة لما اقعد جارك ولا معايزانيش اقعد جنبك يا جميلة

البنت بسرعة اتحركت من مكانها علشان شوق تقعد جنبها وقالت 

هو انا فعلا جميلة يا ابلة شوق 

شوق واه انتي زي العسل كيف عندك شك ف اكده

بدأ الحزن يظهر ع وش البنت 

شوق طبطبت عليها فيه ايه يا حبيبتي مين اللي مزعلك اني جيت النهاردة مخصوص علشان اسمعكم احكي يا حبيبتي متخبيش

البنت 

انا مش حلوة وشعري مش حلو شعري قصير وكل يوم بنات عمي يقلسوا عليا 

شوق 

ااه بيتنمروا عليكي يعني 

البنت بحزن 

اه انا كرهت شعري وكرهت شكلي بسببهم ومبحتش حتى حابة البيت علشان بشوفهم 

شوق 

طيب مجربتيش تشتكي لعمك أو مرات عمك انهم بيضايقوكي؟؟ 

البنت 

مامتهم ماتت من سنة وعمي علطول مسافر هما قاعدين تحت مع جدو وتيتة 

شوق بتفكير 

ايوا دلوك انا فهمت 

البنت بضيق 

حضرتك هتقوليلي انا كمان معلش اتحملي علشان هما ايتام مش كدا؟؟ 

شوق بابتسامة صافية 

لاه طبعا مش هقولك اتحملي الأذى النفسي ليكي وشيلي ف قلبك واوجعيه واسكتي لاه طبعا... لكني قبل ما اقولك تعملي ايه خليني اقولك الاول السبب اللي بيخلي البنات دي تتنمر عليكي 

البنت 

طبعا علشان هما بيكرهوني طول عمرهم وبيغيروا منك 

شوق 

لاه الاكيد ان بنات عمك مش بتكرهك انتي عسولة واكيد معملتيش فيهم حاجة تستدعي الكره ديه 

البنت 

طب ليه ليه بيضايقوني يا ابلة انا زعلانة اوي منهم كلامهم بيوجعني 

شوق 

اعذريهم موجوعين يا بنتي... موت امهم سبب لهم نقص احتياج ف المشاعر محتاجين عطف وحنان وخاصة اللي زود سفر باباهم... هما شايفين انك عندك بابا وماما قاعدين معاكي ربنا يخليهم ليكي يارب وهما مش عندهم فبيحاولوا يدروا ع اي حاجة يستفزوكي بيها بيدورا ع حاجة حلوة عندهم وهي مش عندك علشان يطلعوا مشاعر مكبوتة ع هيئة تنمر 

البنت 

وانا يعني السبب ف موت مامتهم يا ابلة علشان يتنمروا عليا بالشكل دا 

شوق 

كلمتي هنا ليكي ف  انك تديري الموقف لصالحك وتكسبي بنات عمك مش تعاديهم

البنت 

حضرتك عايزاني اصالحهم بعد اللي بيعملوه فيا انا بقول لحضرتك انا بقيت بكره انزل عند تيتا وجدو 

شوق 

اسمعيني يا امنية اسمك امنية مش اكده 

البنت 

اه يا ابلة امنية ايهاب 

شوق 

تمام يا امنيتي الجميلة اسمعيني 

امنية ابتسمت لان كلمة شوق لمست قلبها فسمعت لشوق بكل جوارحها 

شوق 

زي ما قولتلك البنات عندهم نقص وبيخرجوه ع شكل تنمر انتي بقا هتعملي ايه .. لما واحدة منهم تقولك انتي شعرك قصير ومش حلو تبتسمي وتقولي بهزار.... ايوا عارفا كان نفسي شعري يكون حلو زي شعركم كدا.. بس اعمل ايه بقوم من النوم بلاقيه واقف ع حيله كدا من الكوابيس اللي بشوفها طول الليل وانا بحارب ف حل الواجب واضحكي... صدقيني هتقلبي الموقف لضحك وهزار وهما واحدة واحدة هيدركوا انك خلاص مش بتتضايقي من كلامهم فهيبطلوه ومش بس كدا ... هيقربوا منك وانتي كمان قربي منهم وصي مامتك لما تعمل حاجة حلوة تعملهم على قدر المستطاع مش هحملكم اكتر من طاقتكم حاولي تملي حياتهم اللي سابتها امهم فاضية بعد رحيلها وصدقيني هتلاحظي الفرق... دايما كنت اقول يا امنية ان فيه ناس مفيش عندهم غير حاجة واحدة بس بيفرحوا بيها ودايما بتلاقيهم بيتابهوا بيها حتى لو ف نظرك حاجة عادية 

علشان كدا بلاش نستكتر ع الناس فرحتها واي موقف يضايقك قابليه بابتسامة هيتحول علطول خلي بالك طويل والتمسي العذر دايما ومتاخديش الامور ع اعصابك وخلي ف بالك ان فيه حاجات هي اللي وصلتهم لكدا ولو اتعصبت بزود الأمر سوء انما بالحلم والصبر بنول المراد فاهماني يا امينة!!! 

اتنهدت امنية 

فهمتك يا ابلة وهحاول اعمل كدا 

شوق بابتسامة 

في الزيادة الجاية ان شاء الله يا امنيتي هسألك عملتي ايه 

امنية بابتسامة حاضر 

❈-❈-❈

انخرط مهند في الضحك 

هههه عرفي عرفي يا قسمت للدرجة دي بترخصي نفسك؟؟؟ هو انتي مفكرة ان العرفي دا جواز؟؟ دا زنا يا ماما عارفا يعني ايه زنا ... يعني لعنة يعني طرد من رحمة ربنا... معملتهاش الحمد لله برحمة ربنا وانا ضايع هعملها دلوقتي بعد ما ربنا هداني!!! ... امشي اطلعي برا ومشوفك وشك هنا لانك اتعديتي كل حدودك برااا براااا 

هنا دخلت السكرتيرة ع صوت مهند وهو بيزعق وقالت 

 في ايه يا مهند بيه....

واول ما شافت قسمت ومهند بيبص ليها بغضب قالت 

ايه دا ايه اللي دخلك هنا ودخلتي هنا امتا وازاي 

مهند بغضب 

الست دي لو دخلت هنا تاني مش هعاقب غيرك مفهوم... مش عايز اشوف وشها ف الشركة من تاني 

قسمت بغضب مكتوم 

بقا كدا يا مهند مكنتش اتوقع منك دا ابدا وع العموم دي كانت اخر محاولة ليا انا قولت اعطيك فرصتك بس الظاهر انت تستاهل اللي يجرالك 

قالتها وسابته ومشيت والسكريترة بتعتذر 

اسفة يا مهند بيه غلطة ومش هتتكرر تاني والله 

مهند نفخ بغيظ 

غوري من وشي انتي كمان 

وعلشان يروق دمه اتصل بميار ودا لان صوتها بمجرد ما بيسمعه بيهدى 

❈-❈-❈

خرجت قسمت والغضب مالي وشها وبتلعن مهند وبتلعن نفسها وحبها ليه 

طلعت الفون من شنطتها وكلمت بنتها....

على الجانب التاني 

دنيا كانت وصلت للترابيزة اللي كان قاعد فيها يزن

كانت لابسة فستان خاطف للانظار بيكشف اكتر ما بيستر مبين قوامها الممشوق ولا كأنها عارضة من عارضات الأزياء 

سوري يزن اتأخرت عليك معلش كنت بجهز وكدا ما انت عارف البنات بتاخد وقت قد ايه علشان تجهز 

يزن قال ف نفسه 

وانتي كدا شايفة نفسك جهزتي انتي نسيتي تلبسي قبل ما تخرجي حاجة قرف شتان بينك وبين لوجي حبيبتي 

وبعدين بصلها وحاول يفض بصره 

اا ولا يهمك اتفضلي انا طلبت الفطار والقهوة يجهزوا لحد ما تيجي 

قعدت هي قصاده وقالت ميرسي لزوقك 

وفضلت تتكلم شوية وتحكي عن نفسها 

ويزن قاعد بملل 

لحد ما جالها فوق من مامتها 

دنيا 

سوري يزن ارد بس ع مامي 

يزن اوك خدي راحتك 

قامت دنيا وبعدت شوية عن يزن 

ايوا يا مامي خير في حاجة دا وقته تتصلي بيا فيه 

قسمت بشر 

دنيا انتي فين دلوقتي المفروض تكوني مع ابن مهند 

دنيا 

اه معاه يا مامي علشان كدا بقولك دا وقته تتصلي فيه 

قسمت

طب نفذي حالا اللي اتفقنا عليه 

دنيا ايه!! انفذه!! احنا الصبح يا مامي مش هينفع 

قسمت 

دي انسب فرصة وانا مش هنتظر اكتر من كدا مهند ان مكانش ليا يبقى لازم ادمر حياته واولاده اعملي يلا اللي قولتلك عليه 

دنيا باستسلام

حاضر يا مامي 

ويا ترى دنيا هتعمل ايه 

اكتبوا ف الكومنتات 

❈-❈-❈

 وعد مدت ايديها ع مقبض الباب ودخلت المكتب وهي بتقول بلهجة سريعة 

مالك انا خلصت شغلي ها فين العربية اللي ااا 

قطعت كلامها لما بصت قدامها وملقتوش مالك وانما لقته ادم اللي قاعد ف الكرسي 

فقالت ايه دا حضرتك هنا يا  سيادة الرائد ادم ... انا اسفة فكرتك مالك لان دا مكتبه 

بصلها ادم بانزعاج 

وهو انتي متعودة انك تدخلي اكده مكتب مالك من غير استئذان 

وعد بحرج 

اا انا اسفة انا كان لازم اخبط الاول معلش 

ادم بجدية 

ردي على سؤالي انتي متعودة تدخلي اكده مكتب مالك من غير ما تخبطي تزقي الباب وتدخلي 

وعد بانزعاج 

انا قولتلك اسفة يا حضرة الظابط اعمل ايه تاني يعني 

بصلها ادم بغيظ 

تاني مرة يا انسة يا دكتورة متدخليش اي باب وخاصة لما يكون راجل من غير لما تخبطي 

وعد 

على فكرة انا مش بعمل كدا غير مع مالك وبس 

هنا ادم جن جنونه 

اهو هو ديه الرد اللي اني منتظر اسمه... مالك بس ايوا لتكوني فاكرة ان مالك مهواش راجل ولا حاجة 

وعد 

مالك زي اخويا على فكرة انت ليه بتتكلم كدا انا مش هسمحلك 

ادم 

وديه اللي عملته ليكي الأبلة شوق ولا حتى هترضى بيه لو عرفته!!! لأ مأظنش يا انسة يا دكتورة الكلام دا ميتكررش تاني ومع مالك بالأخص مفهوم 

اخدت وعد نفس عميق وحاولت تكظم غيظها 

فقال ادم 

بتنفخي ليه ها كنك منتيش معترفة بغلطك ولا تحبي اسقفلك واضربلك تعظيم سلام لما اشوفك بتغلطي 

وعد بنرفزة 

وانت مين اساسا علشان تدخل في اللي ملكش فيه وتعاقبني حتى او غلطت ها كنت بابي ولا مامي ولا حتى اخويا 

هنا انفجر ادم ف الضحك ومكانش قادر يوقف ضحكته 

وعد 

ممكن اعرف بتضحك ليه يا حضرة الظابط قولت نكتة انا مثلا ولا كنت بلياتشو قدامك 

ادم وهو مازال بيضحك 

لا بس بصراحة مش لايقة تكوني اهنه ف الحريبة وتقولي مامي وبابي وربنا ما لايقة اخشني شوية يا انسة يا دكتورة مهينفعش أكده 

وعد 

اخشن!!! اخشن يعني ايه 

ادم 

ايه متعرفيش الحديث اللي بيقول اخشوشنوا فإن النعمة لا تدوم 

وعد بعدم فهم 

وايه اللي دخل دا بكلمة بابي ومامي 

ادم 

بيقولوا عليكي لماحة وتفهميها وهي طايرة مش شايف ديه ليه 

نفخت وعد بضيق 

استغفر الله العظيم يارب ... عن اذنك انا ماشية 

ادم 

استني رايحة فين انتي كنتي جاية عايزة ايه 

وعد

انا كنت جاية لمالك وملقتوش اظن من حقي امشي ومن حقي مردش ع سؤالك

ادم كتم غيظه من ردها اللي معجبوش فقال

مالك مش هنا وموكلني انا بداله يعني اي حاجة تخصك انا اللي مسؤل عنها 

وعد 

طب انا خلصت شغلي ومحتاجة عربية علشان امشي 

ادم 

بسيطة العربية موجودة تعالي معايا أنا هوصلك 

وعد 

نعم توصلني انت ليه ومين قال اني هوافق اركب معاك 

ادم 

انتي بتكلميني بشراسة وعداء كدا وكأني قاتلك قتيل 

وعد بحرج

لا مش كدا خالص بس انا مش هركب معاك 

ادم 

مفيش عندك خيار تاني لاني استحالة اسمحلك تركبي مع ظابط من الظباط اللي هنا لوحدك 

وعد 

لا خلاص شكرا انا هكلم بابي يجي ياخدني 

ادم بجدية 

المسافة كبيرة جدا ع دكتور رائد علشان يجي من مكان شغله لهنا وبعدين يرجع ع البيت خليني انا هوصلك انتي ممانعة ليه ما كنتي بتوافقي مالك يوصلك عادي ولا هو مالك اه وادم لاه ابن البطة السودا 

مقدرش وعد انها تمنع نفسها من الضحك كانت غيرته واضحة اوي على كلامه بس وعد مكانتش منتبه ليه 

ادم 

بتضحكي ليه عاد مش داي الحقيقة عايزة تجننيني انتي 

وعد 

ع فكرة انا بركب مع مالك بإذن من مامي لان مفيش حل غير كدا وكمان مامي واثقة كويس اوي ف مالك علشان كدا ممانعتش 

ادم 

اممم افهم من اكده انك مش واثقة فيا كيف ما واثقة ف مالك علشان اكده متخوفة تركبي معاي!! 

وعد 

هكلم مامي اسألها الأول ولو وافقت اوك اهو اي سواق وخلاص 

كانت وعد بتستفزه بكلامها ومش عارفة هي ليه مبسوطة بكدا وهي شايفاه متغاظ 

ادم بصلها بانزعاج ووقف حط ايده ف جيبه وانتظرها تخلص مكالمتها لكنها قبل ما تقفل مع امها قال 

كيفك يا ابلة شوق اطمني على وعد دي في عنيا 

ابتسمت شوق لما سمعت صوته وقالت لوعد تعطيها الفون 

فقربت منه وقالت اتفضل كلم مامي اكيد هتوصيك عليا 

رفع ادم حاجبه واخد الفون وكلم شوق 

ازيك يا غالية عاملة ايه 

شوق 

ازيك يا ادم يا ولدي كيفك حمدا لله على السلامة يا حضرة الظابط 

ادم 

الله يسلمك يا ابلة شوق اني بخير الحمد لله .. اطمني هوصل وعد للبيت وهتكون مسؤولة مني من هنا ورايح لحد ما مالك يرجع من مهمته 

شوق 

ماشي يا ادم ربنا يعينك ويقويك يارب عايز مني حاجة يا ولدي! 

ادم 

لاه يا ابلة تسلمي خليكي انتي مع البنات ف المدرسة وربنا يعينك من الصداع  عندك دوشة جامدة 

ابتسمت شوق

عرفت اني ف المدرسة كيف حاسة السمع عنديك قوية اللهم بارك.... ايوا دلوك البنات ف الفسحة ودايما الفسحة بتكون دوشة اكدة 

ابتسم ادم 

ظابط بقا ولازم اكون منتبه لاي صوت 

شوق 

صوح يا ولدي ربنا يصلح حالك وينفع بيك يلا اسيبكم ف امان الله

يتبع