رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل السادس والعشرون

تم النشر الثلاثاء

10/12/2024

ادم وصل لبيتهم في الصعيد ونزل من العربية وكله شوق لأهله اللي مشافهمش من شهور 

مكانش حابب يظهر ليهم وقت ضعفه لانه عارف انهم مش هيتحملوا هما اكتر حد هيحسوا بوجعه وهيتألموا اكتر منه اضعاف 

علشان كدا بعد عنهم واخفى مكانه علشان ميقدروش يوصلو ليه وف نفس الوقت كان بيعرف اخبارهم من بعيد 

لكن دلوقتي وبعد ما حس بالقوة من جديد وبعد ما رجع لشغله قرر انه يرجع لهم ويفرح قلبهم 

كان مشتاق ليهم وبيطوي الطريق طي لحد ما وصل للبيت لسه هيدخل 

لكنه شاف امه بتكنس قدام البيت 

وابوه 

قاعد ع حجر جنب الباب وبيقول بهم 

ادم ولدي اتوحشته جوي مهواش ناوي يرجع لداره ولا ايه 

هناء سابت اللي ف ايديها وقربت من جوزها وقعدت جنبه ع الحجر 

ومين متوحشوش يا واد عمي قلبي فيه نار عتغلي من شوقي ليه بس اللي مصبر قلبي هو ان الابلة شوق كل فترة بتكلمني وتطمني عليه وبتحلف انه بخير لولا اكده مكنتش هقدر اتحمل ابدا بعاده ديه

سلمان 

خايف يفضل معاند ومكابر اكده ويسيب شبابه يضيع هدر بسبب زعله خايف اموت من غير ما اشوف ولدي وافرح بيه عارف اني كنت قاسي عليه وعمري ما قدرت احققله اللي يتمناه ويطلبه عارف اني قليل الحيلة ومقدرتش حتى اني اوفرله اقل احتياجاته منيش عارف اسامح نفسي وهفضل شايل ذنبه لحد ما اموت

متحملش ادم اللي بيسمعه من ابوه 

فجري عليه بسرعة ونزل ع ركبته ومسك ايد ابوه اللي كلها تشققات وجروح بسبب شغله 

وباسها وهو بيقول 

متقولش اكده يا بوي انت هتفضل افضل واعظم اب في الدنيا داي كلياتها اني يا بختي بيك يابا ربي يباركلي فيك ويطول في عمرك انت وامي 

هنا هناك صاحت بفرحة 

ادم ولدي حبيبي 

وسلمان مكانش مصدق نفسه كان مفكر حاله بيتوهم فبص لابنه بتوهان 

هناء جريت ع ابنها واخدته ف حضنها باشتياق بالغ ودموعها ع خدها 

ادم هتف بتأثر 

حقك عليا ياما غبت عنيكم وقلقتكم عليا بس اني اهو رجعتلكم من تاني 

هناء 

حمدا لله على السلامة يا ولدي يا فخري ونور عيني.. ميهمش ايتها حاجة يا ولدي قصاد صحتك وعافيتك عندينا بالدنيا كلياتها 

ادم 

اني رجعت لشغلي تاني خلاص ياما 

هناء

 والله صحيح الف بركة يا ابني يا بركة دعائي ليك والله كنت بدعيلك ليل ونهار انه يرد ليك سعادتك وترجع لشغلك اللي بتحبه من تاني الف حمد وشكر ليك يارب الف حمد والف شكر ليك يارب 

هنا قام سلمان من مكانه واتزاحم مه هناء ع ابنه وقال وهو بيبعدها عن ادم 

بعدي يا بت بكفياكي اكده اني عايز اسلم على ولدي واخده بين ضلوعي 

هناء بعدت عن ادم علشان تعطي فرصة لابوه يرحب بيه بطريقته 

ادم كيفك يا بوي 

سلمان 

طولت الغيبة يا ادم كنك كنت ناوي تهجرنا ولا ايه

ادم 

حقك عليا يا بوي وادي راسك اهاي ابوسها 

سلمان هو اللي مسك راس ادم بين ايديه وقال

 ديه حضرة الظابط فخري وولدي واللي طلعت بيه من الدنيا كلياتها 

هنا ادم هانت عليه الدنيا كلها وعرف انه غلط لما زعل ع دنيا فانية وبعد عن اهله وقلقهم عليه بالشكل دا وفي الوقت دا بالذات اتعلم الدرس كويس وحمد ربنا انه رجع لأهله  قبل فوات الأوان وقبل ما يجرالهم حاجة

بعد كدا دخل معاهم البيت وفضل ملازمهم ومستأنس بالقعدة وسطيهم 

لحد ما جاله تلفون من مالك 

فرد ادم 

ايوا يا مالك خير اني مش في الشغل اني ف مشوار أكده 

مالك 

تعالى دلوقتي يا ادم انا بموت لازم تحضر حالا 

اتسعت عيون ادم بخوف على صاحبه 

عتقول ايه انت فين انت خرجت مهمة ولا ايه قولي طريقك فين واني جايلك حالا 

مالك 

انا في مكتب اللوا تعالى بس حالا 

ادم 

نعم يا خويا ف مكتب اللوا وبتموت ازاي منيش فاهم 

مالك

دي مسألة حياة او موت واخوك راح فطيس يا ادم تعالى بقا 

ادم 

لا حول ولا قوة إلا بالله العلي العظيم ربنا ما اني فاهم منيك حاجة طيب اني جايلك مسافة السكة اصبر بس لاني بعيد حبتين 

مالك 

انت رجعت بلدك مش اكده كويس اوي انا اقول للوا يأجل الموضوع لحد ما ترجع ما هو مش هينفع من غير صاحبي 

ادم

 اقفل يا مالك اقفل وربي ما فاهم من تخاريفك داي حاجة

ولما قفل مالك مع ادم افتكر ابوه 

يا سواد الحلل بابا لو عرف اني اتجوزت من وراه مش هيسكت طب اعمل ايه مش لازم حد من اهلي يعرف باللي حصل دا وخاصة انه مش هيستمر دا مؤقت لحد المهمة ما تخلص بس انا هتصل بماما شوق ابلغها ولو بابا عرف بأي طريقة هقوله ماما شوق عارفة واسيبها تتصرف معاه

ولما اتصل بيها مالك وردت عليه 

ايوا يا مالك عامل ايه يا حبيبي 

مالك 

محتاجك اوي يا ماما شوق 

شوق 

سامعاك يا حبيبي فيك ايه 

مالك هيجوزوني يا ماما خلاص اللوا جاب المأذون 

شوق 

لعله خير يا مالك انت مش بتقول مهمة ولازمن ولابد منها لعله خير يا حبيبي تحب اجيب ابوك ونجيلك 

مالك 

لالا كله الا بابا ربنا يستر لو عرف 

شوق 

طب اجيب عمك رائد ولا عمك عساف او امير شوف انت محتاج مين فيهم وانا هكلمه حالا 

مالك 

لا يا ماما شوق دي مهمة مش لازم حد يعرف بيها مفيش غيرك اللي يعرف انا بفضفض ليكي بس 

شوق 

طيب يا غالي سرك في بير متخافش وجمد قلبك يا ولا بقا تدخل في وسط النار وتقابل المجرمين المسلحين وتشوف الموت بعنيك وخايف من الجواز والله بتضحكني يا مالك 

مالك 

مش لما يكون على مزاجي يا ماما شوق علشان افرح اصلك متعرفيش اللي اسمها مادونا دي 

شوق ضحكت وماله يا حبيبي بكرة نتعرف وتبقى واحدة منينا 

مالك بضيق 

ايه يا ماما انتي بتتكلمي كأنه جواز بجد 

شوق 

الله مش بتقول مأذون يا ولا هيبقى جواز ايه اكده واكده يعني 

مالك طب اقفلي يا ماما دلوقتي اللوا باعتلي يلا سلام 

شوق بمكر 

اه اللوا بردو ولا مش قادر ع بعد مادونا حبيبة القلب صدق اسمها غريب بس جديد يا ولا 

مالك 

انتي بتغيظيني يا ماما مش كدا ماشي ماشي 

ضحكت شوق 

ربي يسعدك يا مالك وييسر لك امرك ويرجعك سالم يا ولدي 

مالك 

ايوا ادعيلي يا ماما بالله عليكي انا داخل منعطف تاريخي الله اعلم بيه 

وبعد كم ساعة 

استدعى اللوا مالك مرة تانية 

انت فين يا مالك وفين اصحابك او اللي هيبقوا شهود انتوا لازم تسافروا الليلة 

مالك بتلجلج علشان ادم لسه موصلش 

ااا ماهو يا فندم ادم لسه ااا 

وهنا وصل قادم 

السلام عليكم انا جيت 

قرب منه مالك اتأخرت ليه يا زفت مش قولتلك محتاجك 

ادم 

ما انت عارف ان المسافة طويلة وانا جيتلك مسافة السكة ها قولي فيه ايه خير قلقتني عليك يا عم والحمد لله اني اهو شايفك كيف البلغة سليم اهو 

مالك

لا ما انا كمان خمس دقايق ومش هكون سليم ابدا 

ادم 

ليه خير هيبعتوك مهمة هينفوك للقارة القطبية الجنوبية مثلا ولا ايه 

مالك 

اسخم دا اللوا هيجوزني مادونا تصور 

هنا ادم انخرط في الضحك ومقدرش يمسك نفسه 

ههه بتقول مين مادونا يا خير يا وقعتك المربربة يا مالك يعني يوم ما تقع متقعش الا مع دي 

مالك بانزعاج

شوفت يا ادم اللي بيحصلي انا بموت يا عم 

ادم وهو ما زال بيضحك 

بس والله هي حلوة يعني مش وحشة ناهيك عن اي حاجة تانية 

مالك 

طب بم انه كدا ما تاخد انت المهمة دي بدالي وتتجوزها انت بدالي ينوبك فيا ثواب مش هتقف جنبي ولا ايه 

ادم 

اني افديك بعمري كله يا صاحبي 

هنا مالك اتنهد براحة 

فقال ادم 

متفرحش اوي اكده اني صحيح افديك بعمري كله لكن لعند اهنه ومهقدرش كله الا مادونا يا جدع وبعدين اني ااا اني اا 

مالك بمكر 

انت ايه عينك على حد تاني مش كدا 

ادم حب يتوه

يعني مش بالظبط بس اطلب اي طلب تاني غير اني اتجوز بدالك 

مالك 

بقا كدا يا ادم وانا اللي جبتك علشان تنجدني 

ادم بص للوا 

فين المأذون يا سيادة اللوا انا جاهز اكون شاهد ع جواز صاحبي .

مالك بصله بغضب 

اه يا ندل وجبان بتتهرب ماشي ماشي 

ادم ضحك

معلش بقا كلنا لها وعلقة تفوت ولا حد يموت

وبالفعل تم كتب كتب مالك ومادونا

ادم مكانش قادر يمسك نفسه من الضحك ع منظر مالك ووشه اللي كله غضب 

ادم وهو بيضحك 

ايه يا عريس مش هتقول لعروستك مبروك؟؟ دي بقت مراتك خلاص 

مالك بغضب مكتوب 

عارف لو سمعت صوتك انا هعمل فيك ايه 

❈-❈-❈

استغربت ان خلاص الوقت اتأخر ومامتها مرجعتش من برا 

فاتصلت بيها 

مامي انتي فين كل دا معقولة مش هترجعي النهاردة!! 

فداء حاولت تتكلم بهدوء 

اه معلش يا كوكي مش هقدر ارجع النهاردة خدي بالك من نفسك يا روحي وكلي ونامي كويس علشان جامعتك ومتضعيش وقتك وانتهبي لمذاكرتك اوك!! 

كيان 

اوك يا مامي حاضر بس ممكن اعرف حضرتك فين وليه مش هترجعي النهاردة 

فداء عرفت ان خالد مقالش لكيان حاجة فقالت

هبقى اقولك لما ارجع يا حبيبتي متقلقيش انا كويسة وف مشوار مهم مع ناس مهمة مقدرش اسيبهم لما امورهم تتحسن هرجع بإذن الله 

كيان 

ناس مين دول يا مامي قرايبنا؟؟ 

فداء 

اه يا حبيبتي قولتلك لما ارجع هحكيلك كل حاجة ..ها حبيبتي الحلوة هتقدر تتصرف من غيري!! 

كيان 

حاضر يا مامي هحاول اتأقلم ع بعد حضرتك عني النهاردة 

فداء 

حبيبتي الصغيرة كبرت يا ناس ربنا يباركلي فيكي يا حبيبتي 

كيان 

وميحرمنيش منك يا مامي 

❈-❈-❈

تاني يوم الصبح 

صحي يزن من نومه واستعد علشان ينزل شغله 

ظبط نفسه وبص لنفسه ف المراية بإعجاب 

يا حلاوتك يا واد يا يزن يا مجننهم اه يا ما نفسي هي وبس اللي تجنن عليا وتحن عليا شويا 

وبعت لنفسه بوسة ف الهوا 

ونزل لتحت 

وعلى السفرة لقا مهند وميار قاعدين بيفطروا سوا 

فقال يزن 

يا صباح الحلويات الشرقية والغربية ..يا صباح الخير على جوز الكناريا 

مهند بصله بانزعاج ومردش 

اما ميار قالت ابتسامة 

صباح الخير يا حبيبي عامل ايه 

مهند بص لميار بتحذير

مياار ها! 

ضحكت ميار وهزت كتافها بقلة حيلة 

ابني يا مهند 

يزن غمز لابوه وقرب من امه وباس خدها 

وهز كتافه وقال 

امي يا مهند 

منهد اتغاظ من يزن فرماه بمنديل السفرة 

ضحك يزن 

طب كويس انه المنديل جت سليمة المرة دي 

مهند 

يزن افطر وانت ساكت وانزل ع شغلك 

يزن 

حاضر يا سي بابا بتوزعني علشان يخلالك الجو حاضر...

اه صح يا ميار يا قمر عرفتي اللي عمله اخوكي!! 

ميار 

خالد!! خير عمل فيك ايه؟؟ 

مهند 

الواد دا زعلك !! قولي وانا هعرف شغلي معاه 

يزن 

ايوا بقا يا مهند يا جامد ياللي هتاخدلي حقي بس للاسف مش انا دا اياد ابنه 

ميار

يزن مش فاهمة خالد عمل ايه واياد ماله؟؟ 

يزن 

خالي الظاهر مزعلهم طنط فداء واياد سابوا البيت امبارح 

ميار بصدمة 

ايه!! 

مهند 

غريبة خالد مزعل فداء وسابت البيت!!! دا عمره ما عملها او سمحلها تخرج حتى لو متخانقين... يزن قول اللي تعرفه 

يزن 

دا كل اللي اعرفه يا بابا امبارح اياد شد شوية مع خالو وساب الشركة وعمو عساف قالي ادور ع اياد فلقيته ف البيت وخارج هو وطنط فداء بشنطهم وسايبين البيت ولما سأل اياد فيه ايه مردتيش يرد عليا 

مهند 

خالد معاملته زفت مع اياد ليه حق يطفش ويسيبه والله من بدري 

يزن 

حصل فعلا يا بابا وانا ياما قولت لاياد نقول لماما شوق تتصرف 

هنا ميار قامت وقفت 

مهند انا لازم اروح لفداء من فضلك محتاجة اتكلم معاها واكون جنبها 

مهند 

مفيش مشكلة اجهزي وهوصلك ليها .. يزن انت تعرف هما ف اي فندق ؟؟ 

يزن 

لا هما ف بيت طنط فداء القديم 

ميار

كمان قاعدة ف البيت المهجور دا... انا رايحة اجهز حالا 

مهند 

طب نستنى كم ساعة كمان ممكن نايمة 

ميار 

لا معلش دلوقتي يا مهند 

مهند بقلة حيلة 

تمام زي ما تحبي

يزن 

طب اطير انا بقا الحق القمر بتاعي وهو بيطل من الشباك 

وجري يزن بسرعة ع برا علشان يلحق يشوف لوجي وهي خارجة للجامعة 

واول ما شافها بتفتح الباب 

قال بسعادة 

صباح الهنا والسعادة اول مرة اشوف القمر بيطلع بالنهار طب هو فيه كدا 

ابتسمت لوجي بحرج

صباح الخير يا يزن 

يزن 

ما هو اكيد خير طبعا طالما اصطبحت بالقمر دا عاملة ايه 

لوجي

 الحمد لله كويسة 

يزن

نازلة الجامعة مش كدا تعالي اوصلك 

لوجي

بابي هيوصلني هو جاي ورايا 

يزن 

عمو امير رايح لشغله بلاش نعطله انا فاضي موراييش حاجة تعالي اوصلك يلا 

لوجي بحرج 

لالا مش هينفع يا يزن روح انت وانا هروح مع بابي 

يزن 

يا بنتي هو ايه اللي مش هينفع انا خطيبك عادي 

لوجي 

لأ مش عادي مينفعش اركب معاك لوحدنا 

يزن 

وبعدين بقا انتي دماغك ناشفة ليه

ف الوقت دا خرج امير 

لوجي ها جاهزة 

لوجي اه يا بابي 

امير انتبه لوجود يزن فقال 

صباح الخير يا يزن مروحتش ع شغلك ليه 

يزن 

ودي تيجي قبل ما اصبح ع قمري 

امير بغيظ 

واديك صبحك طير انت بقا 

يزن 

بقولك ايه يا عمو ما تطير انت وتخليني اوصلها ينوبك فيا ثواب

امير بجدية 

لا انا اللي هوصل لوجي انت عندك خيارين اما تركب معانا نوصلك ف سكتنا او تروح شغلك بعربيتك 

يزن كشر

هو انت مخطبتش قبل كدا يا امير الامرا مش حاسس بيا ولا ايه 

امير 

عايز ايه يا يزن ع الصبح خروج مع لوجي لوحدكم مش هيحصل 

يزن

انت خايف عليها مني ليه دا انا احطها بين رموش عنيا والله دي القلب يا عمو

امير 

يزن دا اخر كلام عندي يلا اتفضل ع شغلك 

لوجي عاجبك اللي ابوكي بيعمله دا؟؟ 

لوجي 

اسمها باباكي يا يزن 

يزن بغيظ 

يعني سبتي الموضوع كله وماسكة ف دي 

امير 

يلا يا لوجي علشان متتأخريش هتيجي معانا يا يزن 

يزن بضيق 

لا هاجي اعمل ايه بقا ما حضرتك الخير والبركة هتوصل خطيبتي خلاص اتفضلوا انتوا بالسلامة 

لوجي 

مع السلامة يا يزن

يزن 

مع السلامة يا اخرة صبري

يتبع