رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثلاثون

تم النشر الأربعاء

25/12/2024

وعد كانت قاعدة على السفرة بتاكل لوحدها وبتقلب بالأيد التانية في الفون بتاعها لكنها فجأة ابتسمت لما افتكرت اول ما وصلت مع ادم للبيت 

ادم وقف العربية قال 

حمدا لله على السلامة يا دكتورة وعد اهو وصلتك البيت بأمان كنتي خايفة مني 

وعد 

لا طبعا مش حكاية خوف منك انما خوف من ربنا 

ادم بتفهم 

ايوا اكيد عارف دا انا بهزر معاكي حمدا لله على السلامة وسلامي لابلة شوق ودكتور رائد 

وعد 

الله يسلمك 

ولسه ادم هيلف وشه فشاف امه فراح ناحيتها بفرحة وقال 

ست الكل وست الناس كلياتها اهنه مقلتليش ليه يا ما واني كنت چيت بنفسي وچبتك اهنه يا قلب ادم وروحه كلياتها 

ابتسمت هناء وطبطبت على كتف ابنها 

محبتش اتعبك يا ولدي وف نفس الوقت مجدرتش اكون بعيد عنك علشان اكده چيت عند الابلة شوق علشان اكون جارك يا قلب امك 

ادم

احلى خبر سمعته في حياتي يما ربنا يسعد ايامك بس فينه ابوي مجاش امعاكم ليه واني كنت هشوفلكم شقة اهنه على كدكم 

هناء 

 انت عارف يا ولدي ان ابوك روحه ف الارض والزرع والفلاحة وعمره ما خرج منيها فما بالك بأنك تقوله اخرج من البلد كلياتها مهيقدرش يا ولدي هو قالي فوتي على مصر جار ولدك واني هفضل اهنه افلح في الارض ومتقلقيش عليا فقولت هعمله وكل يكفيه بالكم يوم يادوب يطلعه يسخنه وهبفى اروحله اشجر عليه من وقت للتاني لكن ابلة شوق قالت هتكلم ناس تعرفهم يبعتوا ليه وكله كل يوم لانه تعب عليا السفر كل كم يوم مهتحملشي 

ادم 

ايوا صوح السفر شاق عليكي يا ما بس كنتي خليكي جار ابوي واني بنفسي اللي كنت هاجي اشقر عليكم مهفتكوش 

هناء مهنتش عليا يا ولدي كفاية شهور بعدك عني خليني اهنه جارك يا حبيبي 

ادم مسك ايدك امه وباسها 

ماشي يا ما اللي يرحيك يا غالية المهم تكوني مرتاحة .. يلا يا حبيبتي فوتك بعافية ارجع اني على شغلي 

هناء واه هترجع اكده من غير ما تاكلك لقمة

ادم 

لالا بالهنا والشفا انتي انا ورايا شغل وهبقى اكل بعدين 

هناء 

لاه الكلام ديه ميلدش عليا هتستنى اچبلك الوكل يا ولدي 

ابتسم ادم 

ماشي يا ما نوافق بس بشرط تقعدي تاكلي وياي 

هناء 

عيوني يا ولدي احط لدكتورة وعد وكلها وهاجي اكل وياك حالا 

وعد اللي كانت طول الوقت دا متابعاها رفعت ايديها وهزتها ف الهوا 

لالا يا طنط متشغليش بالك بيا انا هجيب الأكل بنفسي خليكي حضرتك مع ادم 

هناء 

لاه ابدا ولا يمكن يحصل دا انتي بنت الغالية يا ضنايا 

وعد انا مش عايزة اتعب حضرتك والله 

هناء تعبك راحة يا ضنايا اطلعي انتي غيري خلجاتك وانزلي هتلاقي وكلك جاهز ع السفرة 

وعد تمام شكرا لحضرتك 

عودة 

ابتسمت وعد وقالت بصوت مسموع 

اول مرة اشوف تعامل ادم مع مامته طلع بار بأهله جدا  وحنون عليهم على الرغم من القساوة اللي مغلفة قلبه وبيحاول يظهرها للكل يمكن بسبب طبيعة شغله فعلا 

ولما خلصت وعد اكلها نقلت الأطباق للمطبخ وطلعت على اوضتها 

اما ادم فكمل اكله مع والدته وبعد كدا استأذن ومشي 

وفي طريقه كلمه دهشان وقال 

استعد يا باشا عندنا مهمة ومحتاچينك فيها جاهز؟؟ 

دب ادم بإيده جامد على الدريكسيون 

في محاولة منه انه يكظم غيظه هو امتا هيخلص من الكابوس دا 

❈-❈-❈

استغربت ميار هم رايحين فين ده مش طريق بيتهم ابدا فقالت لمهند لمسك ايديها حتى وهو سايق مهند احنا رايحين فين انت عندك مشوار مهم لازم تعمله ولا ايه ده مش طريق بيتنا رد مهند وهو بيبص ليها بهيام عارف يا روحي انه مش طريق بيتنا ومش ورايا شغل مهم ولو كان ورايا هفضيه علشانك يا روحي ميار فهمت انه عايز يعمل كده علشان شايفها متضايقه فقالت مهند خلاص انا مش زعلانه لما بشوفك بنسى حزن كله وبنسى الدنيا كلها مهند حبيبتي انا لو كنت لسه شايف الحزن جواكي كنت رحت دلوقتي خلصت على خالد لكن قررت اني اخدك ونطلع اي مكان نغير جو ونجدد حبنا عايز اكون انا وانت وبس في مكان ما حدش فيه غيرنا عايز اكون معاكي وليكي انت وبس ابتسمت ميار ليه بسعاده وفهمت ان في حاجه مضايقاها لانه لما اكون متضايق بيلجا اليها هي وبس وبيكون عايز يعتزل العالم كله فقالت بصوت كله حنان وانا معاك يا حبيبي ومش هسيبك مهما يكون شدد مهند من مسكته لقيت ميار وتنهد قلبه براحه وسعاده ونسيب جوز الكناريا دول ونرجع لشوق 

❈-❈-❈

وصلت شوق للمستشفى اللي بيشتغل فيها دكتور رائد واللي بتكون شركه بينه وبين زميل ليه وصلت هي ونورا 

في الوقت اللي وصلت فيه والده نورا وده لما كلمتها شوق وقالت لها تحصلهم على المستشفى وعطيتها العنوان 

جت مامت نورا تجري واسمها علياء واول ما شافت بنتها اخذتها في حضنها وقالت 

بنتي فيها ايه يا استاذه خير حضرتك بلغتيني اني احصلكم هنا على المستشفى نورا كويسه طب جرى لها ايه انا عارفه انها مش بتركز وبتقع كثير المره اتبهدلت صح نورا انت كويسه طمنيني عليك يا حبيبتي نورا ردت وهي بتضحك انا كويسه يا ماما رجلي اتعورت بس اتنهلت يوم واخذت نفس عميق مش عارفه هتجيب لها الموضوع ازاي لكنها قالت حضرتك يا استاذه علياء ملاحظه ان بنتك بتقع كثير مش كده علياء ايوه في الاونه الاخيره وكنت هحلل لها انيميا لان فعلا مش بتاكل كويس شوق طيب موضوع ضحكها ده مش مخليك مستغربه علياء بنتي طول عمرها مبتسمه وبشوشه وبتاخذ الامور ببساطه علشان كده في كل موقف بتضحك شوق 

لا طبعا في مواقف ما بتستدعيش فيها الضحك لكنها بتضحك في عز المها بتضحك ده ملفتش نظرك لحاجه علياء مش عارفه لكنها ساعات بتعيطي بتبكي جامد ومن غير سبب واحيانا مش بكون عارفه اوقف بوكاها ده وده مؤشر ثالث من المؤشرات اللي المفروض

علياء بدا الشك والقلق يتسرب لقلبها فقالت قصدك ايه يا استاذه حضرتك كده بتقلقيني هو في حاجه ولا ايه شوق شاورت للممرضه تاخذ نورا لبعيد عنهم شويه ولما اتاكدت انها بعدت ومش سمعاهم قالت بصراحه يا مدام علياء الموضوع فعلا يستحق القلق والمفروض ان حضرتك لما شفتي الاعراض الغريبه في بنتك كنت على الاقل تعرضيها لدكتور لان الاعراض واضحه قوي ومش طبيعيه علياء بصت على بنتها ورجعت بصت لشوق

ارجوك قولي لي بنتي فيها ايه انا كده خفت عليها اتنهدت شوق وقالت بحزن 

للاسف انا اول ما شفت الاعراض انها مش بتتحكم بعضلاتها الحركيه كويس وكمان بتضحك باستمرار حتى لو هي مش عايزه تضحك وكمان البكاء الهستيري في اي لحظه ده كله للاسف من علامات مرض الصرع صدمه حلت ملامح علياء كلها ووقفت متنحة مش عارفه تنطق ولا تتحرك فقالت شوق بس يا رب يخيب ظني والتحاليل والاشعه تثبت عكس ده دلوقتي الممرضه هتاخدها وتسحب منها عينه ودكتور رائد هيعمل لها الاشعه ونطمن علياء دموع عينيها نزلت بتلقائيه ومن غير تحكم وقالت يا حبيبتي يا بنتي لسه صغيره على البهدله دي طيب هو المرض ده له علاج شوق ان شاء الله كل حاجه ليها علاج انت بس قولي يا رب احنا الاول نشوف التحاليل هتقول ايه وهقول لك على الخطوه اللي هتتعمل بعد كده عايزاك بس تثبتي وتبقي قويه علشان انت هتكوني الداعم الاول والاقوى لبنتك لو شافتك منهاره هتنهار لو شافتك ثابته وقويه هتاخد الدعم والامان منك عيطت علياء وقالت واجيب القوه والثبات منين بعد اللي سمعته شوق انا هنهار قبلها 

قالت شوق في محاولة لمواساتها الابتلاءات واحدة من علامات الإيمان  اسال الله العظيم ان يشفيها شفاءا لا يغادر سقما ... الفرج هيجي بعد  الابتلاء  طهور ان شاء الله.. اوعي تجزعي وقولي يارب دعوات الوالدين مستجابة ربنا يطمنك عليها واني هكون معاكم ومش هسيبكم لحد ما نتطمن على نورا ويتم شفاءها على خير 

علياء ردت بامتنان ربنا يبارك في حضرتك يا استاذه انا مش عارفه اقول لك ايه لا انا ولا والدها ولا اي حد من محيط بينا ولا حتى الاساتذه التانيين لاحظوا ده حضرتك بس اللي انتبهت ونبهتينا ربنا يبارك فيك يا رب

ولما روحت شوق مع رائد واثناء ما هي راكبه في العربيه قالت نورا وعلياء امها صعبانين عليا اتاكدنا فعلا ان البنت عندها المرض ربنا ياجرهم في مصيبتهم يا رب ويخلفهم خيرا منها رائد اللهم امين ان شاء الله تعمل عمليه وتبقى كويسه ما تقلقيش شوق ان شاء الله الامل في ربنا كبير رائد بس برافو عليك يا شوق كان عندك قوه ملاحظه كبيره قوي قدرتي انك تنتبهي للاعراض وتشخصي المرض فعلا انا منبهر بيكي شوق ما كنتش هعرف انتبه للاعراض دي لو لاني درستها قبل كده وعدت علي الحمد لله ان ربنا قدرني اني انتبه لها ونلحق البنت قبل فوات الاوان رائد الحمد لله انا هوصلك على البيت ونتغدى سوا وارجع تاني معلش يا شوق ورايا شغل كتير شوق انا مقدره حبيبي ولا يهمك ربنا يعينك وينفع بيك ويجعل الوقت اللي بتقضيه في ميزان حسناتك 

 ولما مسكت شوق موبايلها قالت مالك اتصل بيا وانا ما اخذتش بالي اكيد كان عايز يطمني انه وصل طب اتصل بيه دلوك ولا تلاقيه نام ما هو علشان فرق التوقيت زمانهم في سابع نومه انا انتظر لما يتصل تاني افضل وفي الوقت ده اعلن موبايلها عن اتصال من عساف فردت شوق بابتسامه واسعه اهلا بالكبير العاقل كبير العيله يا ناس عامل ايه يا حبيب اختك عساف حبيبه قلبنا كلنا انا كويس  طمنيني عنك انتي اخبارك ايه واخبار دكتور رائد شوق بمزاح والله اللي عايز يعرف اخبارنا يجي يشوفنا البيت ينور ويزيده هنا وسعاده ضحك عساف عيني حاضر انا اجي واقعد بالاسبوع كمان بس انت ما تزهقيش مننا 

شوق

 وحد يزهق من الحبايب برده ربنا يخليكم ليا يا سندي وضي عيني 

عساف 

ربنا يديم حبال المودة والوصال دايما يا حبيبتي بقولك يا شوق انتي كلمتي فداء قريب يعني اليومين دول ولا لا 

شوق فهمت ان تقريبا فيه مشكلة بينها وبين خالد ووصلت لعساف وعايزها تدخل 

فقالت

لاه والله بقالي يجي كم يوم مكلمتهاش وهي كمان مكلمتنيش.. كتت دايما لما انشغل عنها الاقيها هي اللي تكلمني تطمني عليها.. فيه حاجة مش أكده يا عساف 

عساف 

بصراحة ايوا يا شوق وعايزك تدخلي على وجه السرعة لأن الموضوع المرة دي كبير اوي يا شوق وخالد زودها 

شوق 

يا نهاري اوعاك تقول مد يده عليها يا عساف ديه اللي مهتحملوشي واصل 

عساف

 لا لا متوصلش للدرجة دي انتي بس روحيلها في بيتها القديم هي قاعدة  هناك ومعاها اياد 

شوق 

 يعني سايبة بيتها وكمان اياد قاعد معاها هناك دا الموضوع كبير بقا ماشي يا غالي اني هروحلها متشتلش هم تسلملي يا حبيبي 

وبصت شوق لرائد وقال 

عنديك مانع يا رائد لما اروح اطمن على فداء زي ما سمعت الظاهر ان المشكلة كبيرة لانها وابنها سايبين البيت وهي مبلغتنيش يبقى خايفة على زعلي 

رائد لا مفيش مشكلة نتغدى سوا واوصلك وانا راجع شغلي بس كدا وعد هتفضل لوحدها طول الوقت دا 

شوق 

هناء معاها ولو وعد عايزة تخرج ممكن نوديها عند امير اخوي ايه رايك 

رائد 

ايوا يكون افضل علشان اكون مطمن عليها لحد ما ترجعي 

شوق وهو كذلك عي بتحب لوجي وبتحبي تقضي وقتها معاها 

ولما وصلوا الفيلا 

طلعوا على أوضهم كل واحد بدل هدومه وشوق صلت العصر لانها مكانتش لسه صلته 

وبعدها دخلت تطمن على وعد 

وعد اول ما شافتها 

مامي حمدا لله على السلامة اتأخرتي اوي ليه كدا 

شوق 

معلهش يا بنتي اصلي قعدت للفترة التانية كماني كانوا وحشني اوي المهم طمنيني عنك عاملة ايه واخبار الشغل معاكي ايه 

وعد 

الحمد لله يا مامي كل حاجة تمام والشغل يعني كويس اظن ان مالك موصي عليا اوي علشان كدا مش بيرهقوني في الشغل زي ما كنت متوقعة او يمكن علشان لسه في الاول وكدا مش عارفة ربنا يستر 

ابتسمت شوق 

ايوا اكيد مالك موصي عليكي وانتي ليه هناك معاملة خاصة بس بردك عايزاكي تتقي الله في شغلك وتشتغلي بضمير وحب يا حبة القلب انتي 

وعد حاضر يا ماما بس لحظة حضرتك غيرتي هدومك ومش لابسة هدوم البيت ليه كالعادة اوعي تقولي ان حضرتك خارجة تاني 

شوق 

عفارم عليكي لماحة يا وعد ايوا خارجة يا قلبي بعد الغدا هتغدى مع والدك وهنزل 

شوق بتبرم 

يوووه يا مامي وهتسيبيني لوحدي 

شوق مطت شفتها باستياء 

واه شوفوا الصغيرة خايفة تقعد لحالها كنك لساتك صغيرة بضفيرتين يا بنتي 

وعد 

مش حكايا كبيرة وصغيرة انا بحب اقعد معاكي يا مامي طب لو خرجتي انا هاجي معاكي مكان ما تروحي 

شوق 

معلهش يا بنتي اني رايحة لفداء الظاهر اكده فيه مشكلة كبيرة حصلت معاهم فخليكي لمرة تانية تمون الظروف زينة عن اكده لكن لو عايزة تخرجي تعالي معانا هنوصلك في طريقنا عند خالك امير تقعدي مع لوجب ايه قولك؟؟؟ 

وعد بحماس 

اه اه افضل من اني اقعد لوحدي ماشي موافقة بس هو بابي جاي معاكي عند طنط فداء 

شوق 

لاه يا قلبي هيوصلني بس وهيرجع على شغله 

وعد تمام اوك انا هقوم اجهز لحد ما تخلصوا غدا 

❈-❈-❈

رن منبهه اللي كان ظابطه على معاد أذان الفجر 

فمسك فونه ووقف صوت النغمة وهو بيقول 

الحمد لله الذي احيانا بعد ما اماتنا واليه النشور الحمد لله الذي عفاني في بدني ورد عليا روحي واذن لي بذكره 

وبعدها قام ودخل الحمام واتوضا ولما خرج واستعد علشان يصلي بص على باب الاوضة اللي نايمة فيها مادونا وقال 

والبلوة اللي نايمة جوة دي مش هتقوم تصلي ولا هتنام عن صلاة الفجر... اه يا مالك يعني ع اخر الزمن تتجوز واحدة متبرجة زي دي.. لكن لأ انا مش هسيبها تنام عن صلاة الفجر ايوا لقيتها انا هعمل......

يتبع