رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الواحد والثلاثون

تم النشر السبت

28/12/2024

 وصلت شوق لبيت فداء ولما خبطت فتح لها اياد 

فقال باستغراب انها عرفت 

اهلا يا ماما شوق عرفتي منين اننا هنا اتفضلي حضرتك ادخلي ماما جوة

شوق 

جيت اشوف اللي سايبين بيتهم وجايين غضبانين اهنه بقا ينفع اكده يا اياد تخلي والدتك تسيب بيتها مش تمنعها عن اكده يا ابني وتعقلها 

اياد 

والله يا ماما انا فضلت اقولها بلاش تسيب البيت بس هي اللي مصممة مقدرتش عليها 

شوق 

هي فين علشان اجيب البلغة بتاعتي ولا تتصل تقولي ولا حاجة عارفة انها عاملة..عاملة وخايفة مني لانها غلطانة 

هنا جت فداء وقربت من شوق تحضنها 

اهلا يا شوق نورتينا يا حبيبتي 

شوق 

لاه اني زعلانة منك اوي يا فداء بقا اكده تسيبي بيتك ديه اللي اني علمتهولك 

فداء قالت علشان تبرر لشوق 

المرة دي يا شوق مكانش ينفع مسبش البيت مكانش ينفع اسيب اياد يخرج من البيت ومبقاش معاه مكانش ينفع اسكت عن اللي حصل من غير ما اعمل رد فعل يوقف خالد عند حده ويرجعه لعقله 

دخلت شوق كم خطوة لقدام وهي بتقول 

يوقف خالد عند حده ويرجعه لعقله؟؟ لاه أكده الموضوع كبير ومحتاج قاعدة تعالي اقعدي اكده واحكيلي حصل ايه وعمل ايه خالد ومزعل اياد ليه

لما قعدوا كلهم في الليفنج قال اياد 

متشغليش بالك يا ابلة شوق انا مش زعلان ولا حاجة انا عايش قدامك اهو كويس 

بصت شوق لعيونه اللي كلها حزن وانكسار 

متناش زعلان ازاي الحزن باين في عينك ومطفي روحك وقلبك يا حبة عيني اشكيلي يا اياد ايه اللي مزعلك من ابوك اشكيلي يا حبيبي متخبيش اني عارفة انك بطبعك حمول وصبور ومتناش بتاع شكوى وطالما اخدت الرد الفعل ديه يبقى الموضوع كبير وكبير اوي كمان 

اتنهد اياد واخد نفس عميق قبل ما يتكلم 

فقالت شوق يا حبيبي يا بني كل ديه شايله ف قلبك فضفض يا اياد طلع كل اللي جواك متخليش ف قلبك حاجة يا ضنايا علشان متتعبش 

حكى اياد لشوق كل حاجة وكل احاسيسه اللي بيحس بيها واخيرا الانكسار والخذلان اللي حصله لدرجة انه حاسس انه مش ابن خالد 

اياد 

كل دا حسسني اني مش ابنه معرفش الاحساس دا اللي مسيطر عليا الفترة دي وحاسس انه صحيح ..نظرته ليا نظرة حادة عدائية كأني فعلا مش ابنه... اصدقيني القول يا ماما شوق انا عارف ان ماما مش هتقولي الحقيقة لكن حضرتك مش هتخبي عليا مش كدا 

هنا هتفت فداء بانزعاج

كلام ايه دا يا اياد خالد باباك ومش عايزاك تفكر بسوداوية اوي كدا اي نعم خالد غلط بس مش لدرجة تفكيرك دا انت فاهم

اتنهدت شوق وقالت 

عايزة اقولك يا اياد انه لا انت اول ولا اخر واحد يتعرض للعنف الأسري يا ابني عنديك مثلا اني اكبر مثال اني ابوكي كان منكر وجودي تماما ومش معترف بيا اني بنته ...رغم اني بنته من صلبه لكنه مكناش معترف بدا ولا حاببني ولا طايقني من اساسه كان مقدمني لأخواتي ع اني مدبرة البيت بتاعتهم ششكني في ابوته ليا زيك اكده بالظبط... الدنيا فيها الحلو وفيها المر لكن المر مبيدومش زي الحلو بالظبط ما علينا الا الصبر لانه بعده جبر بعون الله وبفضل الله بعد سنين طويلة من الحرمان والوحدة عادت الماية لمجاريها وابوي اعترف بيا وحبني ورجعني لحضنه من تاني بعد ما رجعله رشده... الشاهد من كلامي يا ولدي انك تصبر على ابوك مهمن كان ابوك يا اياد ان مكنتش تصبر على ابوك هتصبر على مين يا ابني 

اياد 

ايوا بس اللي عمله مش قادر اتحمله بابا مش طايقني مش طايق وجودي مش واثق فيا بيتهمني بسرقة شركته معقول انا هسرق بابا انا مش قادر اتخيل ابدا ومش عارف اسامحه على سوء ظنه فيا 

شوق معاك حق هو غلطان والغلط راكبه من ساسه لراسه اني هتكلم معاه وهقرص على ودنه وان حصلت هديه بالبلغة متقلقش 

اياد قال بوجع 

حتى عسل .. عسل البنت الوحيدة اللي حبيتها وحسيت ان هي دي اللي مناسبة انها تكون شريكة حياتي بابا شايفني اني مش مناسب ليها اني مستاهلهاش لدرجة انه جابلها عريس غيري رغم انه عارف ان ابنه عايز يخطبها وطلبت منه دا اكتر من مرة 

شوق 

هون عليك ما هو اللي بيغلط مرة بيغلط بعدها ياما وكأنها سلسلة بتجر بعضيها لكن الشاطر اللي يلحق السلسلة دي قبل ما تنفرط بالكامل وان شاء الله خالد يلحق نفسه ويفوق ويصلح غلطه متزعلش انت نفسك بس وكونك انك سبت البيت دي رغم اني مبحبش اكده بس مش عارفة عيال اليومين دول متبعينها اسلوب مع ابهاتهم ليه حتى الواد مالك ويزن لما يشدو مع ابوهم شوية يجيو يجروا عليا ويسيبوا البيت ...لكن يمكن لما تعبر عن زعلك من معاملته بأنك تسيب البيت يمكن يفوق لحاله 

اياد بضيق 

ولا هيفرق مع بابا صدقيني يا ماما شوق مش هيفرق

شوق 

لاه مهواش ديه اياد اللي اعرفه اصبر يا واد وعافر لحد ما تكسب قلب ابوك من تاني ديه ابوك انت فاهم اوعاك تستسلم 

❈-❈-❈

كانت نايمة ورايحة ف النوم فجأة حست بحاجة سايلة بتنزل على وشها 

فمدت ايديها تلقائيا تمسحها 

لكن السائل اللي نزل على وشها اتكرر تاني ففتحت عنيها باستغراب وهي بتمسح وشها وفضلت تبص حواليها 

فيه ايه .. ايه المية دي 

واول ما شافت مالك واقف وشايل ف ايده كوباية ماية ورافع ايده لفوق 

لوهلة مأدركتش ايه اللي قدامها دا لانها كانت مستغرقة في النوم 

فاتفزعت منه وصرخت بصوت عالي 

عااااااااا 

مالك اتخض من صوت صراخها وبص وراه باستغراب 

ايه في ايه بتصرخي ليه فار ولا ايه يخربيت كدا صرعيتي

ولما عرفت مادونا انه مالك هديت اعصابها ونفخت باطمنئنان 

 هو انت يا شيخ حرام عليك بجد خضتني 

مالك خضيتك ايه انتي اللي صرعتيني بصوت صريخك دا وخرمتي ودني هو فيه كدا 

مادونا لما شافت كوباية الماية كشرت وقالت بانزعاج 

سيادتك بتعمل ايه ف اوضتي وواقف عند سريري وماسك ف ايدك الكوابية دي ليه ها كنت بتعمل ايه احنا هنهزر بقا ولا ايه ايه التصرفات دي انا مش هتقبلها ابدا انت فاهم ... ان كنت هايف فأنا مش كدا ومش بحب كدا 

مالك 

تصرفات ايه انتي مفكراني بلعب ولا بهزر معاكي انا بصحيكي علشان تصلي الفجر يا زفتة 

مادونا بغضب 

وهو فيه حد يصحي حد كدا وبعدين اصلا انت مالك بيا اصلي ولا مأصليش انا حرة ما تفكر ف نفسك بس ملكش دخل بيا 

مالك 

الحق عليا عايز مصلحتك وعايزك تقومي تصلي علشان الفجر ميروحش عليكي وانتي نايمة سطيحة كدا 

مادونا 

سطيحة ما تحسن الفاظك يا استاذ انت واسمع لما اقولك ملكش دعوة بيا اصلي مأصليش انا حرة اياك تفكر تتدخل فى اللي ملكش فيه تاني ان كنت قبلت اني اقعد معاك ف مكان واحد فدا علشان المهمة لكن دا ميعطلكش اي صلاحيات تانية خالص انت فاهم ولا حتى مجرد الكلام معايا 

مالك 

بعيدا عن اسلوبك اللي مش هقبل انك تكلمييني بيه لاي سبب من الاسباب الا اني مش هتنازل عن انك تقومي تصلي الفجر يلا اتحركي عندك الحمام ادخلي اتوضي وصلي وان كنتي مقصرة ف حاجات كتير ومتساهلة اوي لكن الصلاة فوق كل شىء مفهوم 

قالها مالك بجدية وسابها ومشي 

اما مادونا فرفعت حاجبها باستغراب 

وقالت في نفسها 

مبقاش يتكلم عن الصح والغلط غيرك انت ودلوقتي عامل فيها مصلح وتقي اوي وانت مجرم ومحقير حقيقي اللي يشوفك يتغش في مظهرك وكلامك وانت ف الحقيقة مجرم متخفي لكن انا اللي هظهر دا للكل وقريب جدا 

❈-❈-❈

على السفرة في بيت عساف 

كان قاعد بيتغدى مع عيلته توبا مراته وعسل وفرح بناته 

عساف 

ها يا عسل مقلتيش رايك ف العريس يا بنتي منتظرين الرد بقالهم كم يوم ارد اقولهم ايه انا لما سألت مامتك قالتلي اسألك بنفسي 

عسل اخدت نفس عميق وقالت يا بابي اكيد حضرتك عارف رايي من البداية انا من الاول مكنتش عايزاه وقبلت بس اقابله واقعد معاه علشان حضرتك عطيته كلمة وطلبت مني دا لكن رأيي واضح من البداية وهو هو متغيرش ابدا 

عساف 

انا كنت عارف رايك بس كان لازم اسألك بردو علشان الأمانة تمام انا هكلمه واقوله كل شىء قسمة ونصيب ها كدا مبسوطة 

ابتسمت عسل 

وقالت اها اكيد يا بابي 

عساف قال بمناغشة لبنته 

اممم طب ممكن اعرف بنوتي حبيبتي رافضة العريس ليه رغم انه كويس وزي ما بيقولوا مفيهوش غلطة وكمان انتي معطيش لنفسك فرصة تفكري ولا حاطة الموضوع في دماغك ودا معناه ايه بقااا  .. فيه حد تاني في دماغك 

ارتبكت عسل ورفعت وشها لابوها 

ايه؟؟ 

عساف 

ها هتخبي على بابي بردو يا عسل احنا مش سرنا مع بعض ولا ايه 

هنا قالت توبا 

ايوا طبعا عاملة حزم انتي وبابا وكل اسراركم مع بعض بقيتي بتنافسيني فيه كأني ضرتك مش مامتك 

فاتدخلت فرح وقالت 

بابي واخد بالك ان فيه حد  كدا غيران من حبك لينا 

ضحك عساف وقال 

اه اخدت بالي طبعا ودا ان دل فيدل على شدة حب ماما ليا مش كدا يا توبا 

قالت توبا بهيام 

اكيد طبعا ومش عايزة إنكار انت حبيبي وعمري كله من اول مرة شوفتك فيها وانا قلبي ارتاحلك ودخلت فيه وربعت ومن يومها مخرجتش ابدا ولا هتخرج 

عساف قال بصوت عالي 

الله الله واخيرا توبا حبيبتي اتكلمت ياااه مسمعتش الكلام دا من زمان 

اتكسفت توبا وخاصة لانه قدام بناتها بس هي نسيت نفسها فقالت بخدود حمرا 

عساف!! 

عساف بغزل 

عيون عساف وقلبه كمان 

فرح 

احم اوعدنا يارب بقولك ايه يا عسل انتوا واياد بتحبوا بعض زي ماما وبابا كدا؟؟؟ 

هنا ارتبكت عسل اكتر وفضلت ترمش اكتر من مرة بتوتر وايدين مرتعشة 

فرح اسكتي انتي بتقولي ايه 

فرح 

ايه هو انا قولت ايه غلط 

عسل بغضب 

فرح اسكتي بقا اسكتي 

ضحك عساف وقال 

ايه يا عسل انتي عايزة تخبي ع بابي انتي اصلا كتاب مكشوف بالنسبة ليا وانا ومامتك عارفين كويس ان اياد عايز يخطبك وانتي موافقة كمان 

عسل بحرج 

اا ا بابي اا انا 

عساف 

انا عارف ان الموضوع دا كان لازم يتم من زمان بس خالد اللي بيعقده لكن يمكن لسه مجاش الوقت المناسب زان كان على اياد فهو عايز يتجوز النهاردة قبل بكرة 

فرح 

بابي طب لما حضرتك عارف بدا ليه جبتلها عريس تاني 

عساف 

لسبببين يا فرح اولهم لأن اياد متكلمش رسمي فبالتالي ينفع اي اقبل اي حد أنه يطلب ايد بنتي 

وثانيا علشان اختبر اياد اشوف رد فعله وشوفتها واتأكدت من صدق مشاعره لعسل ومنتظر اللحظة اللي هيكلمني فيها علشان ياخد جوهرتي الثمينة اللي طلعت بيها من الدنيا 

فرح 

هييح 

اوعدنا يارب بقا 

ضربتها امها على دماغها 

بت عيب انني لسه صغيرة خلصتي مذاكرتك ومدرستك الاول 

فرح يووه يا مامي سيبيني احلم هو الحلم بفلوس بس انا عايزة شاب حليوة وكاريزما زي بابي كدا ياخواتي على طعامته تعرف يا بابي حضرتك لما بتجيني المدرسة البنات بتفضل تتخانق عليك وتتغزل فيك واللي تقول يا بختك وياريته كان بابي انا .. وبنات تانية تقول معقولة دا باباكي مش اخوكي 

هنا اتكلمت توبا بغيرة واضحة 

وقالت بصوت حازم 

عساف من فضلك متروحش لفرح مدرستها تاني سامع البنات بتقول عنك ايه انا اللي هوصل فرح كل يوم علشان اعرف البنات دي ازاي تتكلم عنك كدا

انفجروا كلهم من الضحك على غيرة توبا الواضحة على عساف 

فقالت فرح

 يا مامي البنات مغلطوش بيعبروا عن الجمال اللي شايفينه يا بختك ببابكي يا مامي 

هنا اتنهدت توبا وسندت بإيديها على الترابيزة وبصت لعساف بهيام 

دا حقيقي فعلا يا بختي بيه بجد انا لحد دلوقتي مش مصدقة ان عساف حبيبي ساب البنات كلها واختارني انا من بينهم كلهم انا لسه حاسة اني في حلم جميل من عايزة افوق منه 

قام عساف من مكانه وسند على ركبه ومسد ايد توبا وقال بحب 

انتي اغنتيني عن بنات العالم كله لما شوفتك خطفتي عيني وقلبي وروحي مشوفتش ولا هشوف زيك اوعي تقللي من نفسك تاني لان قيمتك كبيرة عندي اوي 

هنا دمعت عين توبا وقالت 

حتى بعد ما زدت تاني يا عساف!!! انا مش عارفة ايه الحكاية دي هرموناتي ملخبطة مرة اتخن جامد ومرة انزل جدا تعبت من الموضوع ده 

عساف 

وانا مش متضايق من الموضوع دا وقولتلك اكتر من مرة لو كنت متضايق من التخن دا مكنتش فكرت فيكي لكن  اللي جذبني فيكي المعدن يا توبا ومنكرش وانك بطيخة على رأي شوق بس بطيخة جميلة وتبهري كمان 

هنا احمرت خدود توبا ورجعتلها تاني ثقتها ف نفسها بعد ما هدته لها واحدة قابلتها ف المول 

فلاش باااك 

توبا كانت بتعمل شوبنج وواقفة ف محل بتختار هدوم 

فقربت منها واحدة وقالت

انتي مدام توبا مرات عساف بيه غريب مش كدا 

شوفتك نازلة من عربيته وداخلة على هنا طب هو فين وصلك ومشي ولا ايه انا من وقت ما دخلتي وانا بدور عليه مش لاقياه ابدا 

اتضايقت توبا من اهتمام الست دي بعساف فقالت بغيظ وهي بتضغط على اسنانها 

اه انا مرات عساف واه هو كان هنا وصلني بعربيته ورجع على شغله هو لانه مش فاضي

قالت 

ممم مش يمكن مش حكاية مش فاضي مش يمكن مكسوف انه يفضل معاكي ف مكان عام زي دا وفيه اشخاص كتير 

توبا فتحت بوءها وقالت بانزعاج 

نعم!!! انتي بتقولي ايه 

قالت 

متزعليش مني انا مش قصدي اكون قليلة الزوق معاكي انا كل الحكاية وعايزة انصحك نصيحة وبراحتك تعملي بيها او لا دا شىء يرجعلك بس انتي لو خايفة على جوزك مش هينفع تفضلي كدا لازم تحاولي تخسي وتظبطي جسمك جوزك رجل اعمال معروف وكمان ليه شخصيته وجاذبيته المعهودة علشان كدا هتلاقي بنات كتير تجري وراه وهو اكيد هيكون واحدة تناسبه وتناسب مكانه وترضي غروره ف نفس الوقت اظن فاهماني طبعا 

كلام الست دي دب القلق والخوف في قلب توبا وفضل يردد ف داخلها كتير لحد ما اصبحت ثقتها ف نفسها مهزوزة 

بااك 

فهم عساف اللي بتفكر فيه توبا ودا لانه اتكرر معاها كتير وكل مرة بتفقد ثقتها ف نفسها وعساف يقدر يرجعها ليها بحبه وكلامه الصادق لكنه اتضايق من ثقتها المهزوزة ف نفسها وكلمة توديها وكلمة تجيبها فقال

توبا حبيبتي انا محتاج اتكلم معاكي بعد الغدا  

هزت دماغها بالموافقة وهي لسه تحت تأثير كلامه المعسول ليها 

❈-❈-❈ 

اتصلت شوق بخالد وقالت بصوت واضح فيه الغضب 

بقا ديه كلامنا اللي اتفقنا عليه زمان يا خالد انت عايز تكشف السر اللي ءاتمنتني عليه من سنين ...

يتبع