رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثامن والثلاثون

تم النشر الخميس

23/1/2025 

فتحت وعد عنيها لقت نفسها نايمة ع سرير في اوضة فاضية غير اللي كانت فيها اخر حاجة فاكراها انها كانت بتمر ع المرضى 

فاستغربت وقالت

 هو ايه اللي حصل وانا بعمل ايه هنا 

واحدة من الممرضات 

حمدا لله على سلامتك يا دكتورة وعد انتي كنتي بتمري ع العنابر فجأة وقعتي من طولت فشلناكي جبناكي هنا وفوقناكي والحمد لله فوقتي الف سلامة عليكي 

ممرضة تانية قالت 

لما قسنا الضغط لقيتاه واطي سلامتك يا دكتورة خدي بالك من نفسك تلاقيكي مأكلتيش حاجة 

وعد كانت حاسة انها دايخة وكل جسمها بيوجعها فردت عليهم وهي حاطة ايديها ع دماغها 

الله يسلمكم متحرمش منكم بجد 

وهنا رن فون وعد 

فقالت 

معلش ممكن تجيبي شنطتي فوني بيرن اكيد مامي قلقانة عليا 

ولما ردت لقته باباها 

ايوا يا بابي عامل ايه يا حبيبي 

رائد 

وعد انا برا منتظرك بالعربية كفاية كدا يا بنتي يلا انزلي 

وعد 

حاضر يا بابي نازلة حالا 

وجت تقوم تقوم كانت هتقع 

الممرضات حاسبي يا دكتورة.. لا لا انتي لسه دايخة الافضل خدي الحباية دي هتريحك

وعد كانت تعبانة ومش قادرة تتحرك ومش مركزة تبص ف اسم الحبوب اللي هتاخدها فقالت 

حبوب ايه دي مش مركزة

الممرضة 

دا مسكن للصداع اللي عندك يا دكتورة .. اتفضلي ماية اهلي علشان تقدري تنزلي لوالدك 

وبالفعل شربتها وعد وهي مستسلمة ليهم تماما فهل هما فعلا محتاجين مصلحتها ولا بيضمروا ليها الشر 

وبالفعل سندوها لحد ما نزلت تحت عند عربية والدها 

وهنا حاولت وعد انها تمشى كويس ومتظهرش تعبها علشان متقلقش والدها 

وفتحت الباب وقعدت جنبه 

السلام عليكم.. ازيك يا احلى اب ف الدنيا 

رائد 

حبيبة قلب بابا ...مالك شكلك مرهق اوي ليه كدا شوق عندها حق ارهقتني نفسك ف الشغل مش كدا 

وعد 

مش عارفة كل الحكاية قومت بشغلي بس مش اكتر عاملة لما ارجع البيت وانام اكيد هبقى كويسة 

رائد 

ربنا يعينك يا حبيبتي ويجعله في ميزان حسناتك 

❈-❈-❈

فتح يزن عينه لقا نفسه قاعد ومتكتف في كرسي وقميصه العلوي مش لابسه 

وقسمت بتبصله بغضب وماسكة ف ايديها كتاب وبتضربه بيه 

ودنيا واخدة جنب وبتعيط وهدومها مقطعة والدادة قاعدة عندها تهديها  

رمش اكتر من مرة علشان يفهم هو فيه ايه 

هو فيه ايه... وايه اللي بيحصل انا لسه متكتف كدا فيه ايه يا طنط 

قسمت بغضب مصطنع لانها طبعا مدبرة دا حتى ولو على حساب بنتها قالت 

طنط في عينك انسان وقح ومتربتش  اخيرا فوقت يا حقير يا بقا دي عاملة تعملها في بنتي دي الامانة اللي امنتك بنتي عليها اعطيك كوباية عصير وامشي اعمل حاجة ارجع الاقيك مدمر بنتي بالشكل دا انا هبلغ البوليس وهوديك ف ستين داهية انا مش هسيب حق بنتي ابدا منك لله ربنا ياخدك 

يزن زعق 

استني بس انتي  بتخرفي بتقولي ايه  انا مجتش جنب بنتك انتوا بتتبلوا عليا انا مش فاكر حاجة خالص 

قسمت 

اه وكمان جاي شارب وسكران كمان منك لاه ضيعت شرف بنتي منك لله هعمل ايه هتعيش ازاي دلوقتي بعد عاملتك بص شوف بنتي منهارة ازاي لو راحت مني مش هيكفيني عمرك ... انا هتصل بالبوليس وهتصل بمهند ابوك يجي يشوف تربيته 

يزن كان في موقف لا يحسد عليه 

فنفخ بانزعاج وخوف من رد فعل اهله هو فعلا مش فاكر حاجة ومتأكد ان اللي حصله دا مدبر بس يخرج من المأزق دا ازاي وهو ف عكر دارهم  

اا استني بلاش بابا كلمي عمو عساف يجي 

قسمت 

لا مهند لازم يجي يشوف ابنه عمل ايه ف بنتي لازم يشوف تربيته 

يزن بلع ريقه لانه عارف ان مهند هيبهدله فقال لا ارجوكي بلاش بابا انا مستعد اعملكم كل اللي تطلبوه 

فكرت قسمت ف كلامه وبعدين ابتسمت لان خطتها نجحت وكدا كدا مهند لازم هيعرف

فملاها يزن رقم عساف اللي اتصلت هي بيه فقال يزن 

خليني انا أكلمه 

قسمت لا محدش هيكلمه غيري 

ولما مردش عساف 

قالت قسمت بغضب 

انت كنت عارف انه مش هيرد.. أظن ليك عم تاني اسمه امير انا هكلمه قولي رقمه

يزن بلع ريقه وقال بتوتر 

ايه لالا كله الا عمو امير مش لازم يعرف. لوجي لو عرفت هتروح فيها وانا مظلوم معملتش حاجة 

قسمت 

مظلوم ومعملتش حاجة!! ايه انت مش شايف البنت وهدومها اللي اتقطعت مش شايف منظرك انت مش حاسس بالجريمة البشعة اللي عملتها انا لولا الفضايح كنت قرقشتك باسناني بس انا لازم اخد خقي بنتي مش اضيعه 

يزن نفخ بانزعاج 

طب كلمي عمو عساف تاني يمكن يرد 

ولما كلمته ورد 

السلام عليكم ايوا مين 

قسمت 

انت عم يزن مش كدا تعالى شوف ابن اخوك هبب مصيبة ايه ابن اخوك قضى ع شرف بنتي وانا هطلب البوليس حالا انا حاجزاه عندي في البيت لحد ما البوليس يجي 

عساف أنصدم من اللي سمعه وقام وقف بسرعا 

ايه!! يزن انتي مين يا ست انتي وايه التخاريف اللي بتقوليها دي 

قسمت والله اسمع من ابن اخوك بنفسك 

وقالت ليزن اتكلم 

يزن اخدت نفس عميق وطلعه بانزعاج 

عمو عساف من فضلك تعالى بس متجبش سيرة لا لبابا ولا لعمو امير وبالذات عمو امير انا ف ورطة اتصرف 

عساف 

ورطة !! ورطة ازاي يعني كلام الست دي مظبوط!! 

يزن مش عارف مش عارف يا عمو كل اللي طالبه منك تلحقني انا مش عارف اتصرف 

عساف قال لقسمت 

ابعتي اللوكيشن انا جاي مسافة السكة 

اتوتر امير من اللي سمعه من عساف وكلامه اللي مش مفهوم عن يزن 

ايه يا عساف فيه ايه يزن ماله 

عساف بسرعة وهو بياخد مفاتيحه 

مش وقته مش وقته يا امير انا لازم امشي حالا 

امير 

لا طبعا مش وقته دا ايه دا يزن انا جاي معاك انت قلقتني عليه 

عساف افتكر لما قاله يزن بلاش امير يعرف فقال 

لا لا خليك انت ف الشركة يا امير وانا راجع حالا مش هتأخر

امير 

لا انا جاي معاك يا عساف لازم اعرف يزن فيه ايه متحاولش تخبي عليا ابن اخوك جراله ايه 

عساف 

لسه مش عارف حاجة بس هو كويس فيه حوار كدا ومشكلة هو واقع فيها وانا هروح احلها خليك انت بس 

امير اخليني دا ايه يزن قبل ما يكون ابن اخويا وخطيب بنتي فهو ابني واستحالة يكون ف مشكلة واسيبه واقف استنى هنا 

عساف 

يا امير بلاش انت ارجوك 

امير 

عساف متحاولش انا جاي معاك 

عساف وعلشان مستعجل علشان يشوف فيه ايه مقدرش يمنع امير فسابه يركب معاه العربية

يزن كان قاعد ع الكرسي وبيحاول يفك نفسه قبل ما عمه يوصل وضع مش كويس خالص بالنسبة ليه 

اا من فضلك فكيني ونتفاهم عمي دلوقتي جاي وهنعملك كل اللي انتي عايزاه 

قسمت 

ليه هو انا مجنونة افكك علشان تهرب مش هتمشي من هنا غير لما اهلك والبوليس يشهدوا عليك 

يزن 

يا ستي والله معملتش حاجة انتي بتفتري عليا انتي وبنتك 

في الوقت دا وصل عساف وضرب الجرس فقسما قالت 

قومي يا دادة افتحي الباب 

ولما فتحوا الباب ودخلوا عساف وامير 

قسمت اول ما شافت عساف 

تعالى شوف ابن اخوك عمل ايه انتهك حرمة بنتي وف بيتي هي حصلت انا هوديكم ف ستين داهية 

يزن 

اخرسي بقا عمو والله الموضوع مش زي ما انت فاهم اااا 

عساف 

لحظة بس لاني مش فاهم حاجة من فضلك يا مدام يزن مربوط ليه كدا وايه اللي حصل بالظبط 

 قسمت 

انا هحكيلك كل حاجة وبدأت تحكي خطتها من البداية لحد لحظة ما فتح يزن عينه بعد شربه للعصير المخدر 

هنا اتسعت عيون عساف بصدمة وكذلك امير اللي كان واقف ورا الباب بحيث يزن مشافوش 

لكن اول ما سمع كلام قسمت مقدرش يمسك نفسه من الغضب واتقدم لقدام 

واول ما شافه يزن كان هيتجنن 

اوبا انا  في وضع لا احسد عليه ايه اللي جاب عمو امير هنا الجوازة كدا باظت 

وبص لعمه عساف 

ليه جبته 

عساف 

مقدرتش امنعه اكتم بقا دلوقتي خلينا نشوف المصيبة اللي انت عملتها الاول 

ولما يزن شاف امير بيقرب منه كان نفسه الارض تنشق وتبلعه 

يزن بلغ ريقه عمو ااا انا هفهمك

امير بصله بكل غضب 

وعطاله بالقلم ع وشه 

مكنتش متوقع انك تحطنا كلنا في موقف زبالة زي دا 

يزن نفخ ووشه بقا كله احمر مكانش حابب انه يحصله كل دا ومع امير بالذات 

قسمت خرجتهم من اللي هما فيه بصراخها وكأنها ع حق 

انا عايزة حق بنتي انا كان بامكاني ابلغ البوليس بس مش عايزة شوشرة لبنتي دي سمعت بنت بردو لكن لو مجبتوليش حقي انا هتصل بالبوليس حالا 

امير 

انا هتصل بمهند يجي يشوف ابنه هبب ايه 

يزن 

لالا بلاش بابا بالله عليك بلاش مهند هيكدرني بلاش 

امير 

خايف من ابوك ومش خايف من ربنا يا كلب 

يزن 

يا عمو والله ما عملت حاجة دول ناس مفترية 

عساف بص لقسمت 

ايه اللي يثبت ان يزن اعتدى ع بنتك 

امير 

يثبت ايه .. ايه اللي جاب المتخلف دا بيتهم اصلا ايا كان  اللي حصل يزن اللي غلطان في كل الحالات ويستاهل اي حاجة تحصله 

عساف 

اصبر بس يا أمير وسيب انفعالك دا بعدين 

يزن 

انا مش قولتلك بلاش امير يجي معاكم دا بيلبسني المصيبة 

قسمت 

هي اصلا المصيبة لبساك لبساك شوفوا مهند هو فين يجي يشوف ابنه وعمايله السودا 

يزن 

اصبري بقا هي كل حاجة مهند مهند 

عساف 

انا هتصل بشوق هي هتعرف تتصرف انا حاسس اني مشلول مش عارف اعمل ايه 

يزن اترعب من شوق 

ايه هي هتوصل لدرجة ماما شوق لالا بالله عليكم انا كدا هتسلخ لا لا بلاش ماما شوق 

امير 

ايوا انت صح يا عساف شوق هي اللي هتحل المشكلة دي من غير شوشرة وهتعرف تتفاهم مع الست دي

قسمت بقولكم ايه انا مش هسكت كتير هتحلوا الموضوع ولا ابلغ البوليس 

يزن 

الست دي باينها شاربة حاجة وربنا بقولك ايه فوكيني فكني يا عمو عساف منظري وحش وانا مربط كدا 

عساف

 انت تكتم خالص دلوقتي انا مش عارف اتكلم بسببك 

يزن 

وربنا مظلوم يا ناس صدقوني 

عساف مسك فونه واتصل بشوق 

يزن 

بلاش شوق حل الموضوع انت بالله عليك 

امير 

هتجيلك اللي تربيك يا كلب 

يزن 

ماشي يا عمو امير بقا متجيش الا منك 

امير 

اصبر انت حسابك معايا بعدين 

يزن 

ما انا مش خايف الا من بعدين دي 

عساف قال لقسمت 

استاذنك اكلمها برا بس وراجعلك تاني 

وطلع برا كلم شوق 

اللي عدى عليها رائد ووعد واخدوها البيت ف طريقهم 

يا دوب شوق اطمنت على وعد ف اوضتها وطلبت منها ترتاح لان شكلها مرهق ولسه هتنزل تقعد مع رائد ويتعشوا سوا لقت عساف بيرن 

ايوا يا عساف يا حبيبتي مساءك هزا يا غالي 

عساف 

شوق تعالي احنا في كارثة 

شوق قامت وقفت بخضة 

كارثة ايه كفا الله شر بكفاياها احزان النهاردة فيه ايه عساف وغوشت قلبي 

عساف 

الواد يزن ابن اخوكي حطنا ف مصيبة يا شوق مش عارف اتصل فيه ست بتدعي انه اعتدى ع بنتها وحابساه ف بيتها ومصممة تطلب البوليس 

شوق شهقت بصدمة 

يا واقعة مهببة بطين هببت ايه يا ابن مهند وربنا ما راجعة عنك ولا عن ابوك ايه اللي وقعه مع الناس دي بس 

عساف 

تعالي تفاهمي معاها من غير شوشرة انا عارف انك هتقدري تقنعيها 

شوق 

ماشي اني جاية مسافة السكة قولي العنوان ودكتور رائد هيوصلني ولا حول ولا قوة إلا بالله يارب 

رائد 

فيه ايه يا شوق 

شوق فيه مصيبة وحلت ع روسنا يا رائد من فضلك وصلني للعنوان اللي هقولك عليه 

رائد تمام تعالي يلا هطلع العربية وحصليني 

شوق 

ماشي هروح اوصي هناء تاخد بالها من وعد تشأر عليها حل هبابة لان البنت شكلها تعبانة او داخلة ع دور برد جامد ربنا يعافيها 

رائد 

اللهم امين 

وبعد ربع ساعة 

وصلت شوق لبيت قسمت ولما دخلت شوق البيت 

السلام عليكم ورحمة الله وبركاته يا اهل الدار 

امير تعالي يا شوق شوفي المصيبة اللي احنا فيها

شوق 

استر يا ستير 

ولما دخلت وشافت يزن بمنظره دا 

قالت ينيلك يا واد يا يزن انت عامل اكده ليه ديه منظر ولا موقف تتحط فيه يا منيل 

يزن وهو هيعيط

استري عليا يا ماما شوق انا واقع ف مصيبة 

شوق 

ديه اني هطلع روحك انت بس اصبر عليا 

وبصت لقسمت 

فيه ايه يا هانم ايه اللي جرا 

قسمت 

احكيلها يا عساف بيه انا تعبت من اللي جرا انا عايزة حق بنتي 

شوق بصت بعنيها ع دنيا اللي يتمثل البكا وموطية وشها وحاضنة الدادة 

وبعد ما حكالها عساف كل حاجة قالت

اممم يعني حضرتك هتوافقي تلمي الموضوع لو ولدي اتجوز بنتك 

قسمت 

اظن دا اقل حقوق بنتي بعد اللي حصلها ولا ايه 

شوق

ايوا طبعا ديه اقل واجب كمان وندفعلك تعويض كمان هي سمعة البنت وشرفها حاجة هوينة لاه طبعا 

قسمت عنيها نورت لانها عايزة كدا 

فقالت شوق 

بس لازم الاول نتأكد من ادعائك دا ما يمكن الواد مجاش يمتها وانتوا بتتوهموا اني هتصل ع الدكتورة تفحصها 

قسمت هما ارتبكت واتوترت وشوق اخدت بالها فابتسمت بمكر 

ها قولتي ايه 

قسمت نعم لا طبعا انا مش هحط بنتي ف موقف زبالة زي دا لو مش هتعملوا اللي هقولكم عليه يبقى هبلغ البوليس واللي عندكم اعملوه هناك 

شوق 

بالهدواة يا مدام قسمت مش اكده بوليس ايه وشوشرة ايه لبنتك بس اني قولتلك هعملك كل اللي تطلبيه 

يزن 

متصديقهاش يا ماما شوق دي عايزة تدبسني ف جوازة 

شوق 

اكتم انت يا واد انت اللي مدبسنا التدبيسة السودا داي 

وقربت شوق من دنيا 

يا حبيبتي حقك عليا هجيبلك حقك منيه بس انتي متأكدة انه هو اللي عمل فيكي اكده ولا حد غيره 

قسمت 

انتي بتقولي ايه ايوا ابنكم هو اللي عمل ف بنتي كدا انتوا مش شايفين منظره انتوا جايين تهزروا بقا 

يزن 

حد يسكت الست دي تعبتلي اعصابي بزورها دا 

امير ضربه ع قفاه 

اكتم انت خالص 

يزن 

يووه حاضر يا عمي 

شوق 

اتصل يا عساف بالمأذون وخليه ياجي اهنه فورا 

امير ويزن انصدموا 

ايه 

يزن 

ايه لااااا مأذون ايه الجوازة دي لا يمكن تتم وربما ما عملت حاجة يا ماما شوق 

شوق 

مسمعش حسك يا واد لاحسن اجي اديك بالبلغة 

يزن 

ماشي اديني بالبلغة بس بلاش الجوازة دي انا عايز اتجوز لوجي 

امير بصله بتحذير 

متجبش سيرتها ع لسانك فاهم 

يزن 

عمي انا بحب لوجي ومش عايز اتجوز غيرها ايه اللي يخليني بس ادبس مع دي اعقولها يا ناس محدش مصدقني ليه 

وبعد شوية جه المأذون 

وشوق عطت ليزن قميصه يلبسه 

خد استر نفسك يا نيلة انت 

يزن 

مش عايز اتجوز يا ماما شوق مش دي مش دي افهموني بقا وربما انا برىء 

شوق 

يزن اسمع اللي نقولك عليه واسكت ساكت 

يزن 

ع جثتي اتجوزها وربنا لو اخر يوم ف عمري قال اتجوزها قال انا عايز لوجي وبس 

امير هنا اتغاظ 

لا سيبيهولي يا شوق الواد دا عايز يتربى 

شوق 

اصبر بس يا أمير يزن هيسمع الكلام وهيتجوزها 

قسمت 

هو معندوش حل غير كدا والا هيترمي ف السجن طول عمره 

يزن 

السجن احب اليّ مما تدعونني إليه ارحموني يا ناس 

عساف 

بطل ندب بقا مش انت اللي حطيت نفسك ف الورطة دي اشرب بقا نتيجة افعالك 

وبالفعل تم كتب الكتاب ويزن كان هيموت من القهرة 

اما دنيا وقسمت كانوا هيموتوا من الفرحة 

شوق اهو يا هانم حاولنا نلم الدنيا من غير شوشرة وكتبنا ع البنت اي طلبات تانية علشان تكونوا مرضيين 

قسمت ايوا طبعا يعملها فيلا كبيرة وفرح متعملش في البلد كلها 

يزن 

ليه هو انتي فكرتي اللي حصل بجد 

عساف 

اخرس بقا يا غبي كله منك 

شوق 

ماشي يا هانم كل اللي بتطلبيه هنعمله بس سيبينا دلوقتي نحاول نتخطى كلما اللي حصل ونفوق منه احنا عملنا الخطوة المهمة وبعد اكده ربك يحلها اسمحيلنا نستأذن 

قسمت 

ماشي احنا كمان تعبنا ومحتاجين نرتاح 

شوق 

احنا اسفين ع اي حاجة حصلت 

وخرجوا كلهم وركب امير مع عساف وشوق مع رائد 

اما يزن ففضل واقف مكانه مركبش 

شوق بصت من الشباك 

اركب يا واد يا يزن واقف ليه 

يزن 

مش راكب 

شوق 

واه اركب يا واد ايه شغل العيال ديه اركب خلينا نروح يلا تعبنا طول اليوم فرهدة 

يزن 

مش راكب يا ماما شوق وهمشي ومش هتشوفوا ليا طريق 

شوق 

واه ليه يا واد البلد دي احسن من غيرها ومحدش هيتحملنا غيرك يا منيل اركب 

يزن بصلها بضيق ومشي وسابها 

شوق 

واه شوف الواد وعمايله بيمشي ويسيبني واني بكلمه فين البلغة... لكن يزن فضل ماشي بعيد عنهم 

فقالت شوق لعساف وامير 

هاتولي الواد ديه 

❈-❈-❈

عند مالك كان بيستعد علشان يخرج ولابس ومتشيك فقالت مادونا 

انت خارج رايح فين انا معنديش علم بأننا نخرج يعني 

مالك 

هو انا المفروض استأذن منك قبل ما اخرج او اقولك انا رايح فين وجاي منين ليه مفكرة نفسك مراتي بجد 

مادونا 

بطل غباء بقا مراتك ايه.. اما بتكلم عن مهمتنا اكيد مفيش خروج الا لما يجيلنا اوامر بدا 

مالك مرضيش يريحها ويقولها انه فعلا خارج لمهمة فقال 

زهقت وخارج ايه هفضل محبوس بين اربع حيطان هنا 

مادونا 

وانا مش هسمحلك تبوظ المهمة علشان سيادتك حاسس بالملل 

مالك بصلها بنظرة ذات معنى 

ايه  خروجي هيبوظ خططك في انك تقتليني ولا ايه 

مادونا اتصدمت هو ازاي عرف انها بتحاول تقتله فعلا 

فارتبكت واتوترت وعنيها زاغت 

اا ايه!! 

مالك 

انتي مفكراني نايم ع وداني فوقي انا الرائد مالك... اخلص مشواري بس واجي اصفي حسابي معاكي يا مدام مادونا 

قالها وسابها ومشي 

❈-❈-❈

عند ادم 

كان واقف قدام الزنزانة ولابس زيه العسكري اللس بيزيده هيبه ووقار 

افتح يا ابني البتاع دا 

الحارس 

امرك يا باشا 

ولما دخل جوة الزنزانة العتيقة واول ما شافه همام اللي كان مكبل من كل مكان ايده ورجله ورقبته كمان 

الحقني يا ادم خلصني من اللي اني فيه ديه الكلاب عملوا فيا ايه هما مش عارفين اني مين وابن مين علشان يرموني أكده تحت الارض ويربطوني اكده 

ادم وقف بقوة وحط ايده ف جيبه ومنطقش الا بكلمة واحدة 

بيه ..

مفهمش همام هو قصده ايه 

ايه منيش فاهمك خرجني من اهنه حالا 

ادم كررها تاني 

ادم بيه سامع يا واد يا همام ولا منتاش سامع 

همام 

واد اني عتقولي واد انت جرى لعقلك حاجة ولا انتصيت ف نافوخك اوعاك تنسى حالك يا ابن الجنايني 

ادم 

اممم الظاهر انك لسه متربتش ومحتاج تتربى زين اممم التشريفة اللي اكلوهالك مكفتش ومحتاج وجبة دسمة علشان تشبعك وتفوق لحالك وتعرف تتكلم زين مع اللي قدامك 

همام خاف من تلميحات ادم 

عتقول ايه!! لاااا اوعاك اوعاك تفكر تعملها اني ابوي يوديك ورا الشمس لو چرالي ايتها حاجة خاف منيه اني بحذرك 

ادم

ولا هتعرف تعملي حاجة 

همام 

اني كلب ولا اسوى مهعرفش اعملك حاجة انما ابوي يقدر ابوي غضبه واعر جوي لو جبت يمتي ممكن يقتلك خاف منيه اني بحذرك 

ادم 

لاه لاه متخافش عليا خاف ع نفسك انت من اللي هيجرالك 

همام كانت هيموت من الخوف 

لاه 

 احب ع يدك اوعاك تعملها يا ادم... ااا ادم بيه اني طوع يدك بس ارحمني ابوس يدك 

ابتسم ادم بشماته لانه عارفة طول عمره جبان وبيتحامى ف ابوه انما هو نفخة تطيره 

ادم 

يعني اوصيهم عليك انت عايز اكده 

همام 

ايوا بالله بالله متخليهمش يقربوا يمتي ايديهم واعرة جوي 

ادم 

مأظنش ايديهم واعرة لانك لسه مجربتش الكرباچ ع الجتة بيكون إحساسه ايه 

همام هنا عرف ان ادم جايله علشان ينتقم من اللي عملوه فيه زمان فبلع ريقه بخوف 

ااا ااني معملتش حاجة ديه ابوي اتصرف معاه اني برات الموضوع ديه وانت عارف زين ان السلطة كلياتها ف يد ابوي 

ادم 

اممم يعني تختار انت ولا ابوك اللس تجربوه ما هو لازم واحد منيكم يدوق من نفس الكاس ها ايه قولك 

قالها ادم وخرج المرباج من جيبه 

بصله همام برعب واتراجع لورا بزعر

لاه لاه ابوي ابوي اني لاه اضروب ابوي لكن اني لاااه احب على يدك 

ادم ابتسم بسخرية 

ونعم التربية بصحيح 

ورمى الكرباج من ايده 

فاتنهد همام براحة 

لكنه اتنفض تاني لما سمع ادم بيقول للحارس 

ادبوه 

ففضل يصرخ 

لاه لاه بالله عليكم لاااه