رواية جديدة شوق الجزء الثاني لأسماء عبد الهادي - الفصل 32 - الأربعاء 1/1/2025
رواية رومانسية جديدة شوق الجزء الثاني
تنشر حصريًا على مدونة رواية وحكاية قبل أي منصة أخرى
رواية شوق الجزء الثاني
رواية جديدة قيد النشر
من قصص و روايات
الكاتبة أسماء عبد الهادي
الفصل الثاني والثلاثون
تم النشر الأربعاء
1/1/2025
خبطت وعد باب اوضة لوجي
لوجي ممكن ادخل
لوجي اول ما سمعت صوتها قامت بسرعة من مكانها وفتحت ليها وهي بتقول
وعد هنا مش معقول فينك مختفية يا بنتي ما حدش بقا بيشوفك
وعد بابتسامة
انا هنا اهو موجودة عاملة ايه يا لوجي
لوجي
انا كويسة يا حبيبتي وبقيت افضل كمان لما شوفتك ادخلي ادخلي...
وعد
امم اخاف اكون هعطلك لو مشغولة هنتظر مع طنط ايات برا
لوجي شدتها من ايديها
مشغولة ايه وخايفة اعطلك ايه ودا كلام يا بنتي ادخلي بقا انتي ليه محسساني انك ضيفة
وعد
اممم ان كان كدا ماشي بس مترجعيش تندبي علشان عطلتك لاني عايزة ارغي معاكي للصبح لانك وحشاني اوي
لوجي
حلو اوي باتي معايا هنا بقا النهاردة
وعد
هههه يا بنتي طب نقعد الاول كم دقيقة يمكن تزهقي مني
لوجي
لا طبعا قعدتك ميتشعبش منها وكمان انتي وحشاني يا وعد
وعد
وانتي اكتر يا حبيبتي فرحت لما مامي قالت اجي هنا... ها قوليلي بقا كنتي بتعملي ايه قبل ما اجي
لوجي
ولا حاجة كنت بتصفح السوشيال ميديا عادي وبلعب جيمز وكدا
وعد بمكر
اممم بتتصفحي المديا وبتلعبي جيمز بس ولا فيه حاجة تانية
لوجي
لالا مذاكرة وكدا لا... انا ملانة النهاردة ومش عارفة ليه زهقانة كويس والله انك جيتي
وعد
اممم يعني تبقي مخطوبة وزهقانة الاتنين مع بعض ؟
لوجي
وايه دخل دا لدا اساسا
وعد
يا بنتي اكيد يعني بتكلمي يزن فمزاجك هيروق علطول ولا انتوا متخانقين!! شكلكم كدا اعترفي
لوجي
هو احنا بنتكلم اصلا علشان نتخانق يا وعد
وعد
يا سلام عايزة تفهميني انكم مش بتعملوا شات مع بعض ع الواتس وكدا
لوجي
لا طبعا مش هينفع شات ايه وكلام فارغ ايه
وعد
يا بنتي دا خطيبك
لوجي
وهو علشان خطيبي اكلمه وافضل اعمل شات معاه لا طبعا مينفعش
وعد مطت شفايفها
يا بنتي هو انا بقولكم حبوا ف بعض ف الشات قصدي تطمنوا ع بعض عامل ايه ف الشغل وانتي اخبارك ايه كدا يعني
لوجي
لالا مش هينفع ولا عمري عملتها دا بيبعتلي رسايل كتير وانا مش برد عليها بقرأها ومش برد
وعد
يا جبروتك طب ليه كدا ما تردي هو يزن غريب دا ابن عمك ومتربين سوا يعني عارفة اخلاقه كويس
لوجي
لا مش عايزة افتح باب للشيطان يا وعد لو عملت زي ما بتقولي مش هخلص هتبدأ بعاملة ايه وتنتهي بأني مقدرش مكلموش وازعل لو مكلمنيش واشغل قلبي بحاجات من دي ليه دلوقتي لالا مش وقته خالص
وعد
اممم تقدري تتكلمي وتعملوا حدود ما بينكم وعارفة انك هتقدري ع كدا ويزن هيقدر انا عارفاه ... هاتي كدا اشوف الواد دا بيبعتلك ايه
لوجي
خدي شوفي ابن خالك دا بيبعتلي ايه وكم مرة اقوله متبعتش رسايل من دي ومفيش فايدة وعايزاني اتكلم شات معاه بتحلمي
وعد
اصبري لما اقرأ باعتلك ايه .. اممم طب والله الواد دا رومانسي وبيحبك ومكنتش اعرف انه شاعر كدا مفيش ولا رسالة باعتها جايبها من جوجل
كلها من قلبه واللي بيحس بيه واضح اوي
لوجي
عارفة بس انا مبحبش كدا يا وعد مش وقته
وعد
لوجي انتي عارفة وكلنا عارفين ان يزن بيحبك ويتمنى تتجوزوا النهاردة قبل بكرة فاعذريه طالما بيعبر عن مشاعره بأدب رسايله كلها كويسة مفيهاش حاجة لو رديتي بابتسامة حتى والله ربنا يكون في عونه الواد دا
لوجي
ومين قال اني مش بتمنى نكتب الكتاب بقا علشان احس اني مخطوبة بجد واقدر ابادله المشاعر دي واعبرله عنها كمان
وعد فرحت اوي
يا سيدي يا سيدي دا احنا طلعنا واقعين بقا اومال مش باين عليكي ليه دا انا قولت حب من طرف واحد ومغصوبة على خطوبتك منه يا شيخة
لوجي
بجد انتي مفكرة كدا؟؟ طب ازاي
وعد
شوفتي دا اللي انا شايفاه اومال يزن الغلبان دا يعمل ايه ولا زمانه بيفكر ازاي دلوقتي... استني انا جتلي فكرة حلوة اوي
قالتها وطلعت فونها من شنطتها واتصلت بيه فقال برخامة
ايوا يا وعد عايزة ايه انجزي
رفعت وعد حاجبها
صدق بالله انت رخم هو فيه كدا طب اقفل يا يزن مش عايزة اكلمك
يزن
لالا انا اسف انتي زعلتي مش قصدي والله حقك عليا يا قمري انا بس طول اليوم طالع عيني لوحدي ف المكتب اياد و بابا وعمو خالد مش هنا وراميين الحمل عليا وانا ما زلت ف الشغل متزعليش بقا
وعد
لا ان كان كدا ربنا يكون ف عونك خلاص مسمحاك ومش زعلانة .. تعرف انا بكلمك من فين دلوقتي
يزن
فين عندنا هنا ف الشركة!
وعد
لالا انا عند لوجي وف اوضتها كمان
يزن مكانش مصدق نفسه
انتي بتتكلمي جد طب انا هكلمك فيديو كول حالا البسوا حجابكم يلا
وعد
انت ما صدقت ولا ايه انت مش كنت مشغول يا ابني ومش طايق نفسك
يزن
انتي جيتلي من السما انجزي هتصل اهو
وعد هنا انفجرت ع نفسها من الضحك وبصت للوجي
هههه شوفتي الواد ما صدق عرفتي اني عندي حق عايز يكلمك
وش لوجي بقا احمر مش من الخجل لكن من الغضب وقالت بنوع من الغيرة
وانتي واستاذ يزن متعودين تتكلموا فيديو كول كدا دايما
وعد ضحكت ع غيرة لوجي الواضحة
لا ابدا ولا عمري عملتها الا ف وجود مامي لو عايزة تكلمه تهزقوا ع حاجة عملها بس
هديت ملامح لوجي بعد ما سيطرت عليها الغيرة والغضب للحظات
فقالت وعد
يا سيدي يا سيدي على الناس اللي مش غيرانة ابدا ابدا ايوا كدا تقلانة ليه بس... بسرعة البسي حجابك يزن بيرن
لوجي لبست حجابها بسرعة وهي بتقول
مكنتش عايزاه يرن اصلا بتستهبلي يا وعد
وعد
وانا مالي هو انا اللي قولتله... يا عيني دا ما صدق اني عندك علشان يتصل
ولما فتحت وعد المكالمة فضلت يزن يدور بعينه على لوجي
هي فين.. فين لوجي .. وعد هاتي الكاميرا عليها يا بنتي
ولما وعد عملت دا فقال يزن اول ما عينه جت على لوجي
يا سلام على القمر اللي طل على قلبي ونوره هو فيه كدا يا ناس
كشرت لوجي وبصت لوعد بعتاب
عاجبك كدا سامعة كلامه
وعد وهي بتحاول تمسك نفسها من الضحك
يزن ممكن تسكت لأن لوجي بتزعل
يزن بادعاء البراءة
وانا عملت ايه بس علشان تزعل
لوجي
انا هقفل الاتصال
يزن بسهوكة
اهون عليكي تقفلي في وشي كدا انا لسه ملحقتش اتكلم معاكي
لوجي
لا كلامنا مع بعض يكون في حضور بابي غير كدا مش هينفع يا يزن واظن انت عارف دا كويس
يزن
و ربنا عارف بس بس ده ما يمنعش اني اسلم عليك ولو لدقيقتين بس واقفل
وعد بمرح قالت
انا جات لي فكره بما اني انا ولوجي حاسين بالملل فايه رايك تعزمنا على العشا وانا طبعا هاجي معاكم واكون العزول بتاعكم ولا ايه رايك... اممم لا لا انت اكيد مشغول نلغي الفكرة ولا كأني قولت حاجة
لوجي بصدمة
نعم انتي بتقولي ايه يا وعد ازاي تتصرفي كدا من نفسك
.يزن بلهفة
لا لا طبعا موافق مشغول دا ايه دا انا حتى بلعب من الصبح ومش ورايا حاجة ولو ورايا افضي نفسي علشان القمر بتاعتي
لوجي
لا طبعا انا مش موافقة على كدا وعد انا هضربك على فكرة
وعد
ايه يا بنتي الحق عليا هخرجك مع خطيبك تشمو هوا شوية ومتقلقيش خالو امير مش هيرفض لاني هكون معاكم مش هتكونوا لوحدكم متخافيش هقف ليزن زي العزول كدا ومش هتحرك من جنبك ها قولتي ايه بقا اظن كدا انتي ملكيش حجة الحق عليا عايزة اوفق راسين في الحلال
يزن بسعادة
وربنا انتي بنت حلال حبيبتي يا وعد يا قلبي انتي
رفعت لوجي حاجبها
نعم حبيتك وقلبك كمان
يزن ببلاهة
وعد دي قلبي كله ...طول عمرها قلبها عليا وبتحبني
لوجي
يا سلام وايه كمان يا استاذ يزن
وعد ضحكت
استوب يا يزن لوجي هتفهم غلط وانت كدا اللي هتخبط في الحيط حاسب على كلامك
يزن حط ايده ع دماغه
ياختاااي اوعي تفهميني صح البنت الزقردة اللي جنبك دي اختي يا بنتي انا اللي مربيها اي نعم اصغر مننا بكتير بس كانت زقردة عقلها يوزن بلد ودايما عاملة الريسة علينا انا ومالك صح يا دودي فاكرة اللي كنتي بتعمليه فينا فاكرة لما كنتي قايمة بدور الظابط وحبستينا ف الدولاب كأننا مجرمين يعني
وعد
فاكرة ودي حاجة تتنسي ياااه كانت ايام حلوة لما كنت بعلم عليك انت ومالك
يزن
وما زلتي ياختي وما زلتي
ولسه يزن هيكمل كلامه لكنه لاحظ توجم وش لوجي فقال
ااا لوجي والله ما تزعلي ما انتي عارفة معزة لوجي عندي انا ومالك متربين معاها ولينا ذكريات مع بعض تعرفي بالرغم من ان انا وانتي بردو كنا مع بعض ف نفس المكان ومن نفس العمر الا انك علطول بعيدة عمرك ما انضميتي لينا في اي لعبة او اي تجمع علطول قاعدة مع عمو امير او طنط ايات بسيط لو واحدة من البنات قدرت تخليكي تبعدي عنهم وتلعبي معاهم علشان كدا معظم ذكريات الطفولة كانت لوعد... لكن وبالرغم من دا انتي اللي قدرتي تخطفي قلبي من وسط بنات العيلة كلهم ومن بين بنات العالم كمان
وعد قالت علشان تخلي لوجي تتبتسم من عبوسها
ايوا بقا يا سيدي يا سيدي مين قدك اوعدنا يارب
يزن
انا هقفل معاكم وهكلم عمو امير اقنعه وانتي يا وعد كلمي ماما شوق اقنعيها وبلغيني واستعدوا انا مسافة السكة وجايلكم
وعد
حاضر يا يزن
❈-❈-❈
كان واقف بيصل لأدم بغيظ وانزعاج بسبب بضاعته اللي باظت معظمها في المية
وبيخبط كفة ايد ف التانية
اني لحد دلوك مش قادر اصدق ولا استوعب اللي حصل وازاي ازاي ديه يحصل يا حضرة الظابط بقا انت اكده ظابط انت منتاش قادر عليهم .. كيف تسيبهم يعملوا عاملتهم دي ويفروا منك اكده كنت فين انت وقتها كنك كنت نايم ع ودانك اياك
بص ادم للبضاعة والمخدرات اللي اترمت في المية وفسدت معظمها بانتشاء وفرحة كبيرة لكنه حاول انه يخفي دا واتكلم بهدوء ولا مبالاة
ديه شىء وارد يا دهشان بيه... ووارد جدا كمان ان يحصل مباغتة منلحقش نلموا نفسنا فيها .. انت زعلان على شوية بضاعة بكم مليون ميجراش حاجة تقدر تعوضهم بسهولة لكن العمر مهيتعوضش تاني.. احمد ربنا انك انت ورجالتك ابخير وسلامة لولاي اني ورجالتي كنا زمانا بنقى عليك الفاتحة وبنترحم عليك
وقال في سره قال نقرالك الفتحة ونترحم عليك قال دا انت ميجوزش فيك غير الرجم ربنا ينتقم منيك ويجحمك ف نار جهنم يا شيخ
دهشان
تقروا عليا الفاتحة!! فال الله ولا فالك عتفول عليا اياك تف من بوءك العمر الطويل ليا ان الله عدويني
ادم في نفسه
ولسه هحسرك على بضاعتك وحالك كمان وكمان انت لسه شوفت حاجة ايوا اني اللي سبتهم بمزاجي يعملوا أكده اني اللي عطيتهم فرصة انهم يرموا البضاعة وتغرق في المية ولسه اللي جاي أشد واشرس انت لسه شوفت حاجة اني منيش ناسي اللي عملته فيا واقسمت اني ارده ليك في يوم من الايام وهرده بس بطريقتي
انتبه ادم لصوت دهشان بيقول بزمجرة غاضبة
انت يا واد المخروب انت مفتكرش حالك هتتكبر عليا علشان رجعت ظابط من تاني اسمع اني رجعتك لشغلتك وبيدي اشيلك تاني يعني انت لساتك وهتظل تحت طوعي واللي عقوله تنفذه بالحرف علشان أكده بقولهالك يا ادم اعمل اللي عقولك عليه واياك تلعب بديلك امعاي علشان يا ويلك مني يا ويلك من غضبي هتفهم اني عقولك ايه
ادم بسخرية مخفية
فاهم طبعا يا سيد الناس واني طوع امرك في اي وقت بتلاقيني بنفذ اللي عتقوله مش من خسارة مرة من بين انتصارات كتير عتعملها حكاية يعني انت كنت مخسرتش ولا مرة قدامهم قولتلك لولا وجودي وياك كنت انت ورجالتك في خبر كان متنساش ديه
قالها ادم بنبرة جامدة كلها ثبات وعزة نفس ومشي وساب دهشان بيبص ع بضاعته وبيتحسر عليها
❈-❈-❈
خالد كان بيكلم فداء ف الفون تاني ودا بعد ما شوق سابتهم ومشيت بعد ما وعدتهم انها هتتصرف مع خالد وهتقدر تكلمه وتفهمه غلط
بردو يا فداء مصممة على اللي ف دماغك ومش عايزة ترجعي البيت عايزة تكسري كلامي ومتسمعيش كلام جوزك وتفضلي برا بيتك كدا عاملة يعني زعلانة
فداء علشان تنهي النقاش دا
قولتهالك وهقولهالك كمان يا خالد انا مش راجعة غير لما تحسن موقفك مع ابنك والولد يرضى ويسامحك دا انت حتى مهانش عليك تعتذر ليه على اللي عملته فيه وقولتهوله سلام يا خالد انا هفضل مع ابني لحد ما تعقل
وقفلت فداء الخط فزفر خالد بضيق
وهنا انتبه ع صوت كيان المصدوم من اللي سمعته
يعني ايه يا بابي معنى كدا ان مامي مش في البيت علشان زعلانة مع حضرتك علشان كدا مشيت وسابت البيت!! يعني ماما دلوقتي بقالها كم يوم برا البيت مش لظروف معينة غير انها متخانقة مع حضرتك وانا اخر من يعلم!!! ... سوري انا مش قصدي اتجسس على حضرتك وانت بتتكلم في الفون بس انا كنت جاية اتكلم معاك فسمعت بالصدفة وبالصدفة عرفت ان ماما سابت البيت ليه... بعد اذنك يا بابي انا عايزة اروح اشوف مامي
خالد زفر بضيق لان دا مش وقته ومش ف مود انه بتكلم او يبرر اي حاجة فقال
خناقة بسيطة كدا يا كيان مهياش حوار يعني ومامي بتدلع يعني يومين كدا وهترجع متقلقيش وانا بنفسي اللي هروح اجيبها
كيان
لا معلش يا بابي انا لازم اطمن ع مامي مش معقولة اسيبها في ظروف زي دي ... اياد مسبهاش وفضل معاها انا كمان مش هسيب مامي من فضلك قولي مامي فين علشان اروحلها
خالد
تروحيلها فين لا طبعا اتفضلي يا كيان على اوضتك قولتلك يومين كمان وهترجع
كيان
بابي انا مبقتش صغيرة من فضلم قولي مامي فين انا عايزة اطمن عليها واقف جنبها
خالد
وعلشان انتي مش صغيرة بقولك اطلعي اوضتك وملكيش انتي دعوة بالمواضيع دي اتفضلي
كيان
بابي ارجوك مش هقدر اقعد بعد اللي سمعته ازاي يعني حضرتك عايزني اطلع اوضتي وانام كدا عادي ومامي مش هنا مامي زعلانة انا لازم اكون معاها دلوقتي ارجوك
خالد بصلها بحزم
كيان مش هكرر كلامي تاني اتفضلي على اوضتك انا مفياش دماغ دلوقتي
اضطرت كيان انها تطلع اوضتها وفضلت تعيط زعلانة على امها وانها متعرفش باللي حصل الا دلوقتي وكمان مش معاها لكن جه في بالها انها تستعين بحد معين هيقدر يساعدها... يا ترى مين!!
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
الفصل الثاني والثلاثون
تم النشر الأربعاء
1/1/2025
خبطت وعد باب اوضة لوجي
لوجي ممكن ادخل
لوجي اول ما سمعت صوتها قامت بسرعة من مكانها وفتحت ليها وهي بتقول
وعد هنا مش معقول فينك مختفية يا بنتي ما حدش بقا بيشوفك
وعد بابتسامة
انا هنا اهو موجودة عاملة ايه يا لوجي
لوجي
انا كويسة يا حبيبتي وبقيت افضل كمان لما شوفتك ادخلي ادخلي...
وعد
امم اخاف اكون هعطلك لو مشغولة هنتظر مع طنط ايات برا
لوجي شدتها من ايديها
مشغولة ايه وخايفة اعطلك ايه ودا كلام يا بنتي ادخلي بقا انتي ليه محسساني انك ضيفة
وعد
اممم ان كان كدا ماشي بس مترجعيش تندبي علشان عطلتك لاني عايزة ارغي معاكي للصبح لانك وحشاني اوي
لوجي
حلو اوي باتي معايا هنا بقا النهاردة
وعد
هههه يا بنتي طب نقعد الاول كم دقيقة يمكن تزهقي مني
لوجي
لا طبعا قعدتك ميتشعبش منها وكمان انتي وحشاني يا وعد
وعد
وانتي اكتر يا حبيبتي فرحت لما مامي قالت اجي هنا... ها قوليلي بقا كنتي بتعملي ايه قبل ما اجي
لوجي
ولا حاجة كنت بتصفح السوشيال ميديا عادي وبلعب جيمز وكدا
وعد بمكر
اممم بتتصفحي المديا وبتلعبي جيمز بس ولا فيه حاجة تانية
لوجي
لالا مذاكرة وكدا لا... انا ملانة النهاردة ومش عارفة ليه زهقانة كويس والله انك جيتي
وعد
اممم يعني تبقي مخطوبة وزهقانة الاتنين مع بعض ؟
لوجي
وايه دخل دا لدا اساسا
وعد
يا بنتي اكيد يعني بتكلمي يزن فمزاجك هيروق علطول ولا انتوا متخانقين!! شكلكم كدا اعترفي
لوجي
هو احنا بنتكلم اصلا علشان نتخانق يا وعد
وعد
يا سلام عايزة تفهميني انكم مش بتعملوا شات مع بعض ع الواتس وكدا
لوجي
لا طبعا مش هينفع شات ايه وكلام فارغ ايه
وعد
يا بنتي دا خطيبك
لوجي
وهو علشان خطيبي اكلمه وافضل اعمل شات معاه لا طبعا مينفعش
وعد مطت شفايفها
يا بنتي هو انا بقولكم حبوا ف بعض ف الشات قصدي تطمنوا ع بعض عامل ايه ف الشغل وانتي اخبارك ايه كدا يعني
لوجي
لالا مش هينفع ولا عمري عملتها دا بيبعتلي رسايل كتير وانا مش برد عليها بقرأها ومش برد
وعد
يا جبروتك طب ليه كدا ما تردي هو يزن غريب دا ابن عمك ومتربين سوا يعني عارفة اخلاقه كويس
لوجي
لا مش عايزة افتح باب للشيطان يا وعد لو عملت زي ما بتقولي مش هخلص هتبدأ بعاملة ايه وتنتهي بأني مقدرش مكلموش وازعل لو مكلمنيش واشغل قلبي بحاجات من دي ليه دلوقتي لالا مش وقته خالص
وعد
اممم تقدري تتكلمي وتعملوا حدود ما بينكم وعارفة انك هتقدري ع كدا ويزن هيقدر انا عارفاه ... هاتي كدا اشوف الواد دا بيبعتلك ايه
لوجي
خدي شوفي ابن خالك دا بيبعتلي ايه وكم مرة اقوله متبعتش رسايل من دي ومفيش فايدة وعايزاني اتكلم شات معاه بتحلمي
وعد
اصبري لما اقرأ باعتلك ايه .. اممم طب والله الواد دا رومانسي وبيحبك ومكنتش اعرف انه شاعر كدا مفيش ولا رسالة باعتها جايبها من جوجل
كلها من قلبه واللي بيحس بيه واضح اوي
لوجي
عارفة بس انا مبحبش كدا يا وعد مش وقته
وعد
لوجي انتي عارفة وكلنا عارفين ان يزن بيحبك ويتمنى تتجوزوا النهاردة قبل بكرة فاعذريه طالما بيعبر عن مشاعره بأدب رسايله كلها كويسة مفيهاش حاجة لو رديتي بابتسامة حتى والله ربنا يكون في عونه الواد دا
لوجي
ومين قال اني مش بتمنى نكتب الكتاب بقا علشان احس اني مخطوبة بجد واقدر ابادله المشاعر دي واعبرله عنها كمان
وعد فرحت اوي
يا سيدي يا سيدي دا احنا طلعنا واقعين بقا اومال مش باين عليكي ليه دا انا قولت حب من طرف واحد ومغصوبة على خطوبتك منه يا شيخة
لوجي
بجد انتي مفكرة كدا؟؟ طب ازاي
وعد
شوفتي دا اللي انا شايفاه اومال يزن الغلبان دا يعمل ايه ولا زمانه بيفكر ازاي دلوقتي... استني انا جتلي فكرة حلوة اوي
قالتها وطلعت فونها من شنطتها واتصلت بيه فقال برخامة
ايوا يا وعد عايزة ايه انجزي
رفعت وعد حاجبها
صدق بالله انت رخم هو فيه كدا طب اقفل يا يزن مش عايزة اكلمك
يزن
لالا انا اسف انتي زعلتي مش قصدي والله حقك عليا يا قمري انا بس طول اليوم طالع عيني لوحدي ف المكتب اياد و بابا وعمو خالد مش هنا وراميين الحمل عليا وانا ما زلت ف الشغل متزعليش بقا
وعد
لا ان كان كدا ربنا يكون ف عونك خلاص مسمحاك ومش زعلانة .. تعرف انا بكلمك من فين دلوقتي
يزن
فين عندنا هنا ف الشركة!
وعد
لالا انا عند لوجي وف اوضتها كمان
يزن مكانش مصدق نفسه
انتي بتتكلمي جد طب انا هكلمك فيديو كول حالا البسوا حجابكم يلا
وعد
انت ما صدقت ولا ايه انت مش كنت مشغول يا ابني ومش طايق نفسك
يزن
انتي جيتلي من السما انجزي هتصل اهو
وعد هنا انفجرت ع نفسها من الضحك وبصت للوجي
هههه شوفتي الواد ما صدق عرفتي اني عندي حق عايز يكلمك
وش لوجي بقا احمر مش من الخجل لكن من الغضب وقالت بنوع من الغيرة
وانتي واستاذ يزن متعودين تتكلموا فيديو كول كدا دايما
وعد ضحكت ع غيرة لوجي الواضحة
لا ابدا ولا عمري عملتها الا ف وجود مامي لو عايزة تكلمه تهزقوا ع حاجة عملها بس
هديت ملامح لوجي بعد ما سيطرت عليها الغيرة والغضب للحظات
فقالت وعد
يا سيدي يا سيدي على الناس اللي مش غيرانة ابدا ابدا ايوا كدا تقلانة ليه بس... بسرعة البسي حجابك يزن بيرن
لوجي لبست حجابها بسرعة وهي بتقول
مكنتش عايزاه يرن اصلا بتستهبلي يا وعد
وعد
وانا مالي هو انا اللي قولتله... يا عيني دا ما صدق اني عندك علشان يتصل
ولما فتحت وعد المكالمة فضلت يزن يدور بعينه على لوجي
هي فين.. فين لوجي .. وعد هاتي الكاميرا عليها يا بنتي
ولما وعد عملت دا فقال يزن اول ما عينه جت على لوجي
يا سلام على القمر اللي طل على قلبي ونوره هو فيه كدا يا ناس
كشرت لوجي وبصت لوعد بعتاب
عاجبك كدا سامعة كلامه
وعد وهي بتحاول تمسك نفسها من الضحك
يزن ممكن تسكت لأن لوجي بتزعل
يزن بادعاء البراءة
وانا عملت ايه بس علشان تزعل
لوجي
انا هقفل الاتصال
يزن بسهوكة
اهون عليكي تقفلي في وشي كدا انا لسه ملحقتش اتكلم معاكي
لوجي
لا كلامنا مع بعض يكون في حضور بابي غير كدا مش هينفع يا يزن واظن انت عارف دا كويس
يزن
و ربنا عارف بس بس ده ما يمنعش اني اسلم عليك ولو لدقيقتين بس واقفل
وعد بمرح قالت
انا جات لي فكره بما اني انا ولوجي حاسين بالملل فايه رايك تعزمنا على العشا وانا طبعا هاجي معاكم واكون العزول بتاعكم ولا ايه رايك... اممم لا لا انت اكيد مشغول نلغي الفكرة ولا كأني قولت حاجة
لوجي بصدمة
نعم انتي بتقولي ايه يا وعد ازاي تتصرفي كدا من نفسك
.يزن بلهفة
لا لا طبعا موافق مشغول دا ايه دا انا حتى بلعب من الصبح ومش ورايا حاجة ولو ورايا افضي نفسي علشان القمر بتاعتي
لوجي
لا طبعا انا مش موافقة على كدا وعد انا هضربك على فكرة
وعد
ايه يا بنتي الحق عليا هخرجك مع خطيبك تشمو هوا شوية ومتقلقيش خالو امير مش هيرفض لاني هكون معاكم مش هتكونوا لوحدكم متخافيش هقف ليزن زي العزول كدا ومش هتحرك من جنبك ها قولتي ايه بقا اظن كدا انتي ملكيش حجة الحق عليا عايزة اوفق راسين في الحلال
يزن بسعادة
وربنا انتي بنت حلال حبيبتي يا وعد يا قلبي انتي
رفعت لوجي حاجبها
نعم حبيتك وقلبك كمان
يزن ببلاهة
وعد دي قلبي كله ...طول عمرها قلبها عليا وبتحبني
لوجي
يا سلام وايه كمان يا استاذ يزن
وعد ضحكت
استوب يا يزن لوجي هتفهم غلط وانت كدا اللي هتخبط في الحيط حاسب على كلامك
يزن حط ايده ع دماغه
ياختاااي اوعي تفهميني صح البنت الزقردة اللي جنبك دي اختي يا بنتي انا اللي مربيها اي نعم اصغر مننا بكتير بس كانت زقردة عقلها يوزن بلد ودايما عاملة الريسة علينا انا ومالك صح يا دودي فاكرة اللي كنتي بتعمليه فينا فاكرة لما كنتي قايمة بدور الظابط وحبستينا ف الدولاب كأننا مجرمين يعني
وعد
فاكرة ودي حاجة تتنسي ياااه كانت ايام حلوة لما كنت بعلم عليك انت ومالك
يزن
وما زلتي ياختي وما زلتي
ولسه يزن هيكمل كلامه لكنه لاحظ توجم وش لوجي فقال
ااا لوجي والله ما تزعلي ما انتي عارفة معزة لوجي عندي انا ومالك متربين معاها ولينا ذكريات مع بعض تعرفي بالرغم من ان انا وانتي بردو كنا مع بعض ف نفس المكان ومن نفس العمر الا انك علطول بعيدة عمرك ما انضميتي لينا في اي لعبة او اي تجمع علطول قاعدة مع عمو امير او طنط ايات بسيط لو واحدة من البنات قدرت تخليكي تبعدي عنهم وتلعبي معاهم علشان كدا معظم ذكريات الطفولة كانت لوعد... لكن وبالرغم من دا انتي اللي قدرتي تخطفي قلبي من وسط بنات العيلة كلهم ومن بين بنات العالم كمان
وعد قالت علشان تخلي لوجي تتبتسم من عبوسها
ايوا بقا يا سيدي يا سيدي مين قدك اوعدنا يارب
يزن
انا هقفل معاكم وهكلم عمو امير اقنعه وانتي يا وعد كلمي ماما شوق اقنعيها وبلغيني واستعدوا انا مسافة السكة وجايلكم
وعد
حاضر يا يزن
❈-❈-❈
كان واقف بيصل لأدم بغيظ وانزعاج بسبب بضاعته اللي باظت معظمها في المية
وبيخبط كفة ايد ف التانية
اني لحد دلوك مش قادر اصدق ولا استوعب اللي حصل وازاي ازاي ديه يحصل يا حضرة الظابط بقا انت اكده ظابط انت منتاش قادر عليهم .. كيف تسيبهم يعملوا عاملتهم دي ويفروا منك اكده كنت فين انت وقتها كنك كنت نايم ع ودانك اياك
بص ادم للبضاعة والمخدرات اللي اترمت في المية وفسدت معظمها بانتشاء وفرحة كبيرة لكنه حاول انه يخفي دا واتكلم بهدوء ولا مبالاة
ديه شىء وارد يا دهشان بيه... ووارد جدا كمان ان يحصل مباغتة منلحقش نلموا نفسنا فيها .. انت زعلان على شوية بضاعة بكم مليون ميجراش حاجة تقدر تعوضهم بسهولة لكن العمر مهيتعوضش تاني.. احمد ربنا انك انت ورجالتك ابخير وسلامة لولاي اني ورجالتي كنا زمانا بنقى عليك الفاتحة وبنترحم عليك
وقال في سره قال نقرالك الفتحة ونترحم عليك قال دا انت ميجوزش فيك غير الرجم ربنا ينتقم منيك ويجحمك ف نار جهنم يا شيخ
دهشان
تقروا عليا الفاتحة!! فال الله ولا فالك عتفول عليا اياك تف من بوءك العمر الطويل ليا ان الله عدويني
ادم في نفسه
ولسه هحسرك على بضاعتك وحالك كمان وكمان انت لسه شوفت حاجة ايوا اني اللي سبتهم بمزاجي يعملوا أكده اني اللي عطيتهم فرصة انهم يرموا البضاعة وتغرق في المية ولسه اللي جاي أشد واشرس انت لسه شوفت حاجة اني منيش ناسي اللي عملته فيا واقسمت اني ارده ليك في يوم من الايام وهرده بس بطريقتي
انتبه ادم لصوت دهشان بيقول بزمجرة غاضبة
انت يا واد المخروب انت مفتكرش حالك هتتكبر عليا علشان رجعت ظابط من تاني اسمع اني رجعتك لشغلتك وبيدي اشيلك تاني يعني انت لساتك وهتظل تحت طوعي واللي عقوله تنفذه بالحرف علشان أكده بقولهالك يا ادم اعمل اللي عقولك عليه واياك تلعب بديلك امعاي علشان يا ويلك مني يا ويلك من غضبي هتفهم اني عقولك ايه
ادم بسخرية مخفية
فاهم طبعا يا سيد الناس واني طوع امرك في اي وقت بتلاقيني بنفذ اللي عتقوله مش من خسارة مرة من بين انتصارات كتير عتعملها حكاية يعني انت كنت مخسرتش ولا مرة قدامهم قولتلك لولا وجودي وياك كنت انت ورجالتك في خبر كان متنساش ديه
قالها ادم بنبرة جامدة كلها ثبات وعزة نفس ومشي وساب دهشان بيبص ع بضاعته وبيتحسر عليها
❈-❈-❈
خالد كان بيكلم فداء ف الفون تاني ودا بعد ما شوق سابتهم ومشيت بعد ما وعدتهم انها هتتصرف مع خالد وهتقدر تكلمه وتفهمه غلط
بردو يا فداء مصممة على اللي ف دماغك ومش عايزة ترجعي البيت عايزة تكسري كلامي ومتسمعيش كلام جوزك وتفضلي برا بيتك كدا عاملة يعني زعلانة
فداء علشان تنهي النقاش دا
قولتهالك وهقولهالك كمان يا خالد انا مش راجعة غير لما تحسن موقفك مع ابنك والولد يرضى ويسامحك دا انت حتى مهانش عليك تعتذر ليه على اللي عملته فيه وقولتهوله سلام يا خالد انا هفضل مع ابني لحد ما تعقل
وقفلت فداء الخط فزفر خالد بضيق
وهنا انتبه ع صوت كيان المصدوم من اللي سمعته
يعني ايه يا بابي معنى كدا ان مامي مش في البيت علشان زعلانة مع حضرتك علشان كدا مشيت وسابت البيت!! يعني ماما دلوقتي بقالها كم يوم برا البيت مش لظروف معينة غير انها متخانقة مع حضرتك وانا اخر من يعلم!!! ... سوري انا مش قصدي اتجسس على حضرتك وانت بتتكلم في الفون بس انا كنت جاية اتكلم معاك فسمعت بالصدفة وبالصدفة عرفت ان ماما سابت البيت ليه... بعد اذنك يا بابي انا عايزة اروح اشوف مامي
خالد زفر بضيق لان دا مش وقته ومش ف مود انه بتكلم او يبرر اي حاجة فقال
خناقة بسيطة كدا يا كيان مهياش حوار يعني ومامي بتدلع يعني يومين كدا وهترجع متقلقيش وانا بنفسي اللي هروح اجيبها
كيان
لا معلش يا بابي انا لازم اطمن ع مامي مش معقولة اسيبها في ظروف زي دي ... اياد مسبهاش وفضل معاها انا كمان مش هسيب مامي من فضلك قولي مامي فين علشان اروحلها
خالد
تروحيلها فين لا طبعا اتفضلي يا كيان على اوضتك قولتلك يومين كمان وهترجع
كيان
بابي انا مبقتش صغيرة من فضلم قولي مامي فين انا عايزة اطمن عليها واقف جنبها
خالد
وعلشان انتي مش صغيرة بقولك اطلعي اوضتك وملكيش انتي دعوة بالمواضيع دي اتفضلي
كيان
بابي ارجوك مش هقدر اقعد بعد اللي سمعته ازاي يعني حضرتك عايزني اطلع اوضتي وانام كدا عادي ومامي مش هنا مامي زعلانة انا لازم اكون معاها دلوقتي ارجوك
خالد بصلها بحزم
كيان مش هكرر كلامي تاني اتفضلي على اوضتك انا مفياش دماغ دلوقتي
اضطرت كيان انها تطلع اوضتها وفضلت تعيط زعلانة على امها وانها متعرفش باللي حصل الا دلوقتي وكمان مش معاها لكن جه في بالها انها تستعين بحد معين هيقدر يساعدها... يا ترى مين!!
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
