رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل التاسع والثلاثون

تم النشر السبت 

25/1/2025

امير وعساف اتحركوا من مكانهم بسرعة ومسكوا يزن 

يزن حاول يقاومهم سيبوني انا مش جاي معاكم .. مش جاي يا ماما شوق متحاولوش 

زعقله عساف 

يزن اسمع الكلام امشي قدامي اخلص متتعبناش معاك 

وقفله يزن بقوة 

لا مش هسمع كلامكم مش هسمع كلام حد ... مفيش ولا واحد فيكم سمع كلامي او صدقني يبقى اسمع كلامكم ليه 

امير 

عساف الواد دا مش هيجي الا بالخطة ب يلا 

وبالفعل الاتنين هجموا عليه وشالوه غصب عنه 

ويزن كان بيقاومهم 

سيبوني مش جاي معاكم 

لكنه مقدرش عليهم وركبوه العربية معاهم وقال عساف بتحذير 

اقعد كويس ومتخلنيش اضطر اربطك انت فاهم 

يزن 

كمان هي حصلت يلا ما انا بقيت ملطشة واللي كان كان هتنيل اقعد ساكت اهو

وساق عساف العربية لحد ما وصلوا لبيت شوق ونزلوا كلهم 

واتحركوا لجوا الا يزن 

شوق

 ما تدخل يا واد واقف ليه 

يزن 

ماما شوق انا زعلان منك ومش عايز اتكلم معاكي ولا داخل بيتك حتى سيبيني امشى

شوق 

واه مين اللي يزعل من مين يا واد انت مش انت اللي عملت المصيبة واحنا كنا بنحلها مش انت.. اللي جينا لاقيناك متكتف ومتخلي عن قميصك يا ولا بقا اكده هي حصلت تتخلى عن قيصمك يا غبي 

يزن 

وربنا ما عملت حاجة احلفلك بإيه دا افترا 

شوق 

ما اني عارفة يا ولا انك معملتش حاجة وبلوم عليك انك تسمح لحرباية زي داي تاخد قميصك بسهولة اكده وعلى رأي المثل يا متخلي عن قميصه يا مستني الناس تحوشه

يزن 

انا اول مرة اسمع بالمثل دا 

شوق 

وانا كمان تعالى ادخل جوة بقا انا تعبت طول اليوم مناهدة وفرهدة 

يزن مكانش موافق يدخل معاها فقالت 

ادخل وربنا هفهمك كل حاجة جوا يا ولا ادخل هديك بالبلغة هاودني بقا

يزن 

يووه بقا 

شوق 

سامعاك بتبرطم يا زفت اتنيل ادخل جوا واقعد مع اعمامك وانت ساكت 

ولما قعد معاهم يزن متكلمش ومبصش لحد منهم خالص 

امير 

ها نقول مبروك يا عريس ما انت كتب كتابك كان الليلة بقا

يزن قام وقف وبص لأمير بغيظ 

انا قايم ماشي 

هنا لقا امير شبشب برتبة طيار في وشه 

مش قولتلك اتنيل اقعد يا ولا 

عساف 

سيبيه يتدلع كمان يا شوق انا ماسك نفسي عنه بالعافية 

شوق 

لاه اديله ابن مهند ديه مترحموش ايه اللي وداك بيت العقارب دول يا ولا 

يزن بلع ريقه 

والله كانت خدمة انسانية اقسم بالله 

امير 

ايوا اكيد البنت عملت نفس اللي كانت امها بتعمله ورسمت عليك شويتين خالوا عليك يا عبيط وصدقتها مش كدا 

يزن 

حصل بس انت تعرف امها منين 

امير 

وانا مالي بيها ياخويا ابوك اللي يعرفها 

يزن 

انا مش فاهم حاجة 

شوق 

علشان انت غبي اكيد شربوك حاجة يا ولا مش أكده انطق لما دخلت بيتهم شربت حاجة عنديهم!! 

يزن 

اه افتكر قدمتلي عصير 

عساف 

يبقى هو دا حطتلك المخدر ف العصير يا غبي 

يزن 

انا مش فاهم حاجة بتتكلموا بالالغاز ليه 

شوق 

كنك مفكر يا واد اني ممكن اصدق ان ابني وتربيتي يعمل عاملة شنيعة من داي كني مربتوش ع الاخلاق الحميدة والخوف من ربنا ديه اني اشك في صباع رجلي الصغير ولا اشكش فيك يا ولا 

فرح يزن بكلام شوق لكنه بردو مكانش فاهم ايه اللي بيحصل 

فكملت شوق كلامها 

وكمان اني عارفة انك هتموت وتتجوز بنت عمك وخطيبتك فإيه اللي يخليك تجري ورا البت دي لاه وف دارها ووسط اهلها كمان بصراحة مهياش مبلوعة خالص وباين انها متفبركة مش اكده

يزن بعصبية 

ولما انتي عارفة كدا دبستيني في جوازي منها ليه انا اتجوز دي انا عايز اتجوز لوجي يا ناااس لوجي القمر بتاعي 

امير قام وقف وشمر ايده 

سيبوني ع الواد دا يا انا يا هو النهاردة

يزن جري استخبى ف شوق 

الحقيني يا ماما شوق عمو امير عايز يبلعني 

شوق 

اهدى يا امير الامرا وسيب يزن اللي فيه مكفيه

امير 

علشان خاطرك انتي بس يا شوق 

يزن 

ها قوليلي ليه سمحتي بكتب الكتاب ليه نفذتي اللي هيا عايزاه ومكشفتيش لعبتها الحقيرة دي 

شوق 

ليا اسبابي يا ولا

يزن 

وحضرتك يا عمو امير كنت مصدق كل كلمة قالتها عني انا مصدوم فيك بجد 

شوق ادته ع قفاه 

ولا اتكلم مع عمك عدل 

يزن 

لا سيبيني اعاتبه انا مقهور منه اوي 

ضحك امير 

انت صدقت المسرحية اللي حصلت هناك دي .. كان لازم اعمل كدا علشان هي تصدق ان خطتها نجحت وعملت اللي هي عايزاه 

يزن 

طب ليه ما تفهموني يا عالم كل اللي حصل دا تمثيل وكلكم فاهمين الا انا زي الاطرش ف الزفة 

عساف 

اقعد يا يزن وانا هفهمك ... الست اللي اسمها قسمت دي ست مش سهلة ومش كويسة بقالها سنين بتجري ورا مهند وسببتله مشاكل كتير بس ابوك راجل وقدر يقف لها ولما يأست منه قررت انها تلعب ع ولاده باستخدام بناتها 

شوق 

واحدة تلعب عليك وتوقعك في الرجلين والتانية ورا اخوك مالك 

يزن بصدمة 

ايه حتى مالك كمان !!! يا خبر ابيض

عساف 

هي مفكرة اننا عبط ومش واخدين بالنا لكننا مفتحين لها كويس جدا

يزن بسخرية 

 يعني عملتوا ايه يعني ما انتوا ف الآخر نفذتوا ليها كل اللي عي عايزاه 

شوق 

حصل وجوزتك بنتها والبنت التانية جوزتها لاخوك 

الكل هنا اتصدم 

يزن

ايه حتى مالك اتجوز بنتها التانية طب دا حصل امتا وازاي 

عساف كان متضايق 

مالك اتجوز من غير علمي ازاي دا يحصل يا شوق 

شوق 

اهدى يا عساف دي مهمة خاصة بشغل مالك ومحدش يعرف بديه اوعاك تقول لحد ولا مهاند يعرف حتى ... محدش فيكم يقول ادلحد ولا كأنكم عرفتم حاجة 

يزن 

والله العظيم انا ما بقيت فاهم حاجة 

شوق 

مش مهم تعرف يا ولا المهم اننا مصدقينك يا ضي عيني وعمرنا ما هنشك فيك ابدا وديه الاهم 

امير 

ايه خطوتك الجاية يا شوق 

شوق 

لاه هي اللي هتتحرك يا امير الامرا هي اللي هتدلنا ع خطوتنا الجاية وهنكون بردك سابقينها بمليون خطوة متقلقش 

امير 

الله عليك يا كبير انت يا قمر 

هنا جه رائد اللي كان سابهم مع بعض وقال بمزاح 

سامع حد بيغازل ف حبيبتي غيري طب دا ينفع يعني 

يزن حب يعاند عمه امير

لاء طبعا يا دكتور مينفعش وهو غلط غلط شنيع خد حقك منه واطرده من البيت اصلي مفقوع منه مش راضي يجوزني القمر بتاعي 

امير 

سامعة يا شوق اللي انتي مانعاني عنه؟ 

شوق 

لاه بقولكم ايه اني دماغي صدعت وعايزة انام يلا كل واحد بيتك بيتك ونكمل كلامنا الصبح ان شاء الله 

يزن غمز لعمه 

شايف انت يا عمو بتطردنا علشان يخلالها الجو مع دكتور رائد عارف انا الحركات دي 

شوق خلعت فرظة الشبشب ورمته بيها 

حركات ايه يا ولا يا قليل الرباية ياللي ظبطناك من غير قميصك يا خايب 

يزن 

يووه ما خلاص بقا يا ماما شوق انتي هتمسيكهالي 

شوق 

ايوا خلاص بقت متسجلة في تاريخك المنيل بنيلة يا ولا 

يزن 

ااه انتوا ما صدقتوا بقا .. تلاقوا حوار تمسكوا فيه 

عساف اتنحنح بجدية 

يلا يا امير علشان اوصلك الشركة تاخد عربيتك .. تصبحي على خير يا شوق... عايز حاجة يا دكتور رائد 

شوق 

استنوا اما اعشيكم الاول يا حبايبي 

يزن 

لا انا هتعشى مع لوجي حبيبتي عمو امير عازمني النهاردة عندهم مش كدا يا عمو 

امير 

ولا اعرفك يالا غور مش كنت زعلان مني 

يزن 

وانا اقدر ازعل منك بردو يا امير الامرا اعزمني عندكم الليلة دا انا غلبان مزاجي وحش وعايز اروقه يا عمي 

امير 

اعمل ايه مش هعرف اخلص منك تعالى وامري لله 

يزن 

يس هو دا الكلام مع السلامة يا ماما شوق مع السلامة يادكتور رائد 

وبالفعل خرجوا ووصل عساف امير ويزن للشركة 

امير اخد عربيته وراحوا ع البيت 

وف الطريق 

يزن قال 

عمو امير اوعا تقول اي حاجة عن اللي حصل النهاردة او جوازي من الزفتة دنيا للوجي 

امير 

انت عبيط يالا اقولها ايه لا طبعا مش هتعرف بدا ابدا لحد ما نشوف شوق ناوية لقسمت ع ايه 

❈-❈-❈

مالك نزل من الفندق وراح على البار زي ما انطلب منه في مهمته 

وهناك شاف البنت المقصودة ... البنت كانت شعرها اشقر وجميلة جدا 

فاستغفر مالك في سره وقرر يبدأ مهمته 

فقرب منها وقال 

هلا ايه الجمال دا

 ردت بدلال 

هل اخبرك احدهم الا تتحدث مع الغرباء!! 

مالك 

 انا يوسف وبينادوني بچو كدا اتعرفنا مبقيناش اغراب ها اسمك ايه بقا 

البنت اعجبت بقوة شخصيته ورده فقالت 

وانا بيري وعلى فكرة بعرف اتكلم مصري انت مصري مش كدا 

مالك 

 ايوا مصري .... اسمك جميل ولايق عليكي تعرفي اني بشوف المستقبل 

بيري ابتسمت بحماس 

ها والمستقبل فيه ايه بقا 

مالك 

نهاية سعيدة لعلاقتنا 

بيري 

اممم تفتكر دا وبالسرعة دي سميتها علاقة دا احنا يا دوب بنتعرف 

مالك

 تحبي تجربي ولا مش بتحبي تخاطري انا عن نفسي بحب روح المغامرة جدا ها ايه رايك 

بيري عجبها اسلوب مالك 

فقالت موافقة اجرب 

وقضى مالك بقية الوقت معاها في البار 

ولما رجع كان عمال بيصفر علشان يغيظ مادونا 

اللي كانت قاعدة قلقانة وبتاكل في نفسها هو ازاي عرف بمحاولاتها لقتله ودا لأنها كانت حريصة انه ميشوفهاش 

دا طلع مش سهل زي ما ظنيت انا لازم اخد بالي من تصرفاتي كويس اوي

ولما شافته راجع وبيصفر اتغاظت اوي وزاد كرهها ليه

يعني كان السبب ف موت بابا وسايبني مقهورة عليه وهو هنا عايش حياته وراجع بيصفر ومبسوط وكمان ريحة البريفوم النسائي مغرقة الدنيا ااه انا دلوقتي عرفت هو كان فين علشان كدا مرضيش يقولي هو رايح فين ماشي يا مالك انت الظاهر نهايتك قربت وع ايدي 

❈-❈-❈

ادم كان في مكتبه بيستعد علشان يمشي بعد ما خلص شغله 

فلقى اللوا صدقي في وشه 

فقال 

اهلا يا سيادة اللوا خير فيه حاجة فيه مهمة مستعجلة ولا ايه اني خلاص كنت مروح 

اللوا قعد ع الكرسي وقال 

سمعت انك عرفت مكان همام ابن دهشان بيه 

ادم هنا اتأكد ان اللوا صدقي هو العميل المزدوج وانه هو السبب ف فصله من شغله في السابق فقرر ينتقم لنفسه وبنفس طريقتهم القذرة 

فقال ببرود 

بحاول اسأل واحفر على مكانه... ياريت كنت اعرف مكانه علشان ارجعه لدهشان بيه دا افضاله كتير عليا وانا كنت عايز اردله ولو جزء بسيط منها 

اللوا 

انا بقول كدا بردو عامة لو سمعت اي خبر عنه متترددش انك تقولي 

ادم 

اوامرك يا سيادة اللوا انت اول واحد هتعرف مكانه لما اعرفه اكيد 

اللوا هنا قام وقف 

وادم استدعى حسين 

ولما جه حسين قال ادم 

حسين انت كنت مروح مش اكده 

حسين 

ايوا يا فندم انت مش مروح ولا ايه الشغل الليلة هادي نستغل الفرصة ونرجع نرتاح في بيتنا 

ادم 

طب استعد ياخويا قال ترتاح قال عايزك معايا ف مهمة 

حسين 

مهمة ايه الفريق كله مشي يا فندم مبقاش غيري هنا 

ادم 

واني مش عايز غيرك معايا في المهمة دي 

حسين برطم بصوت واطي 

ياريتني مشيت من بدري ايه اللي قعدني لحد دلوقتي بس كلن زماني نايم ورايق 

ادم سمعه وابتسم لكنه ركب الوش الجامد 

بتقول حاجة يا حسين 

حسين اتنحنح 

لالا ابدا يا باشا انا تحت امرك مهمة مهمة هو احنا ورانا ايه حتى مش مهم انام خالص 

ابتسم ادم ومشي كم خطوة وشد حسين من قفاه 

طب يلا بينا 

وركبوا العربية سوا وفضلوا ماشين بيها 

وبعد شوية وقف ادم بالعربية في جنب 

فقال حسين باستغراب 

هو احنا رايحين فين يا فندم وليه حضرتك وقفت هنا وايه هي طبيعة المهمة بالظبط مش المفروض اكون عارف المهمة اللي انا خارج ليها 

ادم مردش عليه وفضل يبص قدامه 

فسكت حسين مضطر وفضل قاعد مش فاهم اي حاجة 

وبعد شوية مرت عربية اللوا صدقي بالسواق بتاعه 

فناول ادم حسين قناع يلبسه ف وشه وقال 

البس دا بسرعة وتعالى ورايا 

وطلع ادم بالعربية بسرعة وقفل ع سواق صدقي ووقف قدامه بالعربية علشان يمنعه انه يتقدم اكتر 

السواق اول ما شاف كدا خاف وقال 

صدقي باشا فيه مشكلة احنااا ...

صدقي قاطعه وقال بنوم 

فيه ايه يا زفت احنا وصلنا ولا ايه قاطعت نومي ليه 

ولسه هيبص قدامه لقى اللي بيضرب السواق وبيكممه وحد تاني بيكممه هو كمان 

ادم قال لحسين 

خد السواق في اي داهية واتأكد انه مينطقش بحرف عن اللي حصل وانا هاخد مهمتي دي اوديها المكان اللي يليق بيها جنب صاحبه يمكن يونسوا بعض 

قالها بسخرية وبص قدامه بنظرة نسر ثاقبة كلها قوة ووعيد 

❈-❈-❈

مالك اول ما شاف مادونا تجاهلها تماما 

وقعد ع الكنبة وحط رجع ع رجل وفضل يلعب بالمفتاح وع وشه بسمة واسعة وكأنه سرحان بيفتكر موقف معين 

مادونا كانت متابعاه بعينها 

فرفعت حاجبها وقالت ماله دا 

بعد شوية قام مالك 

اخد هدوم ودخل اخد شاور وبعدين راح يعمله كوباية قهوة 

ومادونا متابعاه ومنزلتش عنيها من عليه 

فهنا اتخلى عن صمته وقال 

ايه اخدتي ليا كم صورة لحد دلوقتي ولا بتخططي تقتليني ازاي المرة دي.. على العموم انا عندك اهو واقف قدامك بشحمي وبلحمي تعالي اقتليني اتحركي 

قالها وطلع سكينة من درج المطبخ 

ها امسكي السكينة اهي ولا مش دي السكينة تؤتؤ انتي معاكي سكينة تانية 

مادونا ما صدقت اللي بيقولوا واتحركت من مكانها بسرعة وفي لحظة خاطفة كانت قدامه وفي ايديها السكينة!!

يتبع