نوفيلا رومانسية جديدة أرملة صديقي

تنشر حصريًا على مدونة رواية وحكاية قبل أي منصة أخرى

نوفيلا أرملة صديقي

 نوفيلا جديدة قيد النشر

من قصص و روايات 

الكاتبة أسماء عبد الهادي

الفصل العاشر والأخير

تم النشر السبت

4/1/2025

تاني يوم الصبح 

خبطت تاج اوضة جاسم وقالت بابتسامة هادية 

صباح الخير صحيت ولا لسه 

جاسم 

 اه لسه صاحي من شوية يا دوب اقنعتهم ينامو شوية من تعب امبارح فاطمة قالتلي اني كنت تعبان طول الليل ومحموم 

تاج 

اه قلقتنا عليك بس الحمد لله الدكتور طمنا وعطاك العلاج ... ايه دا انت مفطرتش 

جاسم 

مش جايلي نفس 

تاج 

لا طبعا انت لازم تفطر انت بتاخد علاج قوي علشان الحرج فلازم تفطر كويس 

جاسم هفطر بس بشرط 

تاج فطرت هيقولها تفطري معايا فقالت 

لا لا مليش نفس دلوقتي مش بفطر بدري كدا 

لقته بيقول بمكر 

ممكن تأكلنيني لاني تعبان ومش قادر اكل لوحدي 

اتحرجت تاج وقال 

ايه ؟ على فكرة ايدك السليمة تقدر تاكل بيها عادي 

جاسم بمكر 

اه عارف بس انا تعبان مش قادر اتحرك واكل بنفسي وكمان جعان يرضيكي افضل جعان كدا انتي مش عايزة تساعديني وتعملي ثواب لله 

تاج اترددت شوية لكن مع نظرات البراءة اللي كان بيرسمها اتنهدت وقالت 

ماشي وامري لله .. انا هعمل كدا بس لانك اخدت الرصاصة بدالي 

وبدأت تأكله وجاسم مركز مع كل تفصيلة ف وشها ما هي حلاله 

تاج اتكسفت 

انت بتبصلي ليه كدا 

جاسم 

ابص فين ياعني ما انتي اللي ف وشي

تاج 

لا بص الناحية التانية انا كدا مش هعرف ءأكلك 

جاسم بتوهان 

معرفش اشوف الملاك دا قدامي ومبصش عليه 

تاج 

نعم!! 

اتعدل جاسم ف كلامه 

اا قصدي يعني احنا مش متخاصمين علشان مبصش عليكي 

تاج 

طب ركز ف الطبق مش في وشي ممكن 

جاسم 

حاضر يا مس 

تاج 

احنا هنهزر 

جاسم ايه عملت ايه بس 

تاج 

لا انت الظاهر مش تعبان ولا حاجة وبتستعبط كمل اكل لوحدك 

جاسم 

يعني مضروب بالرصاص وبستعبط اقول اتنطط علشان تكوني مبسوطة طيب لو دا اللي هيرضيكي انا هقوم

ولما حاول يقوم يقف 

قالت تاج بسرعة 

لالا خليك مكانك انا عارفة انك تعبان خليك مكانك بس الجرح هيتفتح 

جاسم 

ما انا عايزك تصدقي 

تاج 

يي خلاص صدقت انت مستفز 

جاسم 

تاج 

تاج 

نعم 

جاسم 

استعدي علشان هننزل الصعيد 

تاج 

لاء مش هسيب بيتي يا جاسم 

جاسم مبقاش لينا قعاد اهنة انتي مستهدفة والأمن اللي هنا مبقتش اقدر اثق فيه هتيجي تعيشي ف السرايا الجن الارزق ميقدرش يقربلك هناك 

تاج 

بس انا مش عايزة اسيب بي...

ولسه مكملتش الكلمة لقت جاسم 

زعق 

انا مقدرش اعرضك للخطر واخسرك زي ما خسرت صاحبي انتي فاهمة 

تاج زعقت هي كمان 

وانا مش هسيب بيتي وياريت اموت وارتاح علشان احصل علي انا عايشة ليه اصلا 

عرف جاسم ان المسافة ما بينهم لسه بعيدة اوي وانها مش هتنسى علي بسهولة فاتنرفز واكتر 

ومسك دراعها بحدة 

اياكي تقولي كدا تاني اياكي تجيبي قدامي سيرة الموت انتي فاهمة ؟؟ 

في الوقت دا سمعوا صوت الباب بيخبط واصحاب جاسم وزمايله ف الشغل جم علشان يطمنوا عليه 

فقال جاسم بلهجة آمره 

ادخلي بسرعة للأوضة التانية قبل ما يدخلوا هنا اتحركي 

كانت علامات الغيرة باينة عليه ومش عارف يسيطر ع نفسه وهي كانت هتنفجر منه 

علشان كدا استغلت الفرصة ومحدش منتبه ليها وخرجت من المستشفى ورجعت ع بيتها وفضلت تعيط 

ولما لاحظ جاسم اختفائها كان هيموت من القلق عليها 

فاتصل بالشخص اللي معينه انه يراقب تحركاتها ويحرسها قاله انها في البيت ومخرجتش منه طلب من اهله يرجعوا وهو هيجي وراهم هو وتاج 

وبالفعل راحلها وفتح بالمفتاح ودخل 

فلقاها زي ما توقع

قاعدة وحاضنة قميص علي وبتعيط 

فقرب منها وقال 

انا ااسف يا تاج 

تاج 

اتفضل اطلع برا وملكش اي علاقة بيا 

جاسم انا حقيقي اسف مكنش ينفع اللي عملته بس لما جبتي سيرة الموت مقدرتش اتحمل كفاية بعد علي مش هتحمل يحصلك حاجة 

تاج 

انا بعفيك من وعدك لعلي انا مش عايزة حد يحميلي 

جاسم 

مش بمزاجك يا تاج ... القدر جمعنا ومحدش له دخل في كدا فاستسلمي للأمر الواقع 

تاج بعند 

وانا مش هكون لحد غير علي فمتحاولش 

جاسم بعند اكتر

الأيام بيننا يا تاج انا عارف ان جرح موت علي لسه ملتأمش لكن واثق ان هيجي اليوم اللي نقرب فيه من بعض

قالها ولف وشه 

لمي هدومك علشان رايحين الصعيد 

تاج 

قولتلك مش هسيب بيت علي

جاسم

 ياربي قد ايه انتي عنيدة استعنا ع الشقا بالله 

وقرب منها فخافت انه يضربها فقالت انت هتعمل ايه عاااا 

لقته بيرفعها عن الارض وبشيلها 

فصرخت عااا نزلني يا مجنون انت مصاب الجرح هيتفتح 

جاسم مهتمش لصرخاتها وقال 

انا شايلك بايدي السليمة متخافيش وبعدين انتي مش بتسمعي الكلام فكان لازم اعمل كدا 

تاج يعني مكنتش تعبان اهو وخلتني ءاكلك؟؟ طلعت بتشتغلني

جاسم 

احلى اشتغالة دي ولا ايه 

تاج زعقت 

نزلني يا جاسم بقولك 

جاسم اتحرك بيها ناحية الباب 

لا مش هتنزلي الا ف العربية علشان تتعلمي ازاي تسمعي كلامي 

وبالفعل نزلها ف العربية وقعد جنبها بارهاق وقال للسواق اطلع بالعربية 

مكانتش طايقاه بسبب اللي عمله واسه بتلف وشها الناحية التانية 

فلاحظت وجود بقع دم ع قميصه فقالت بفزع عااا جاسم الجرح اتفتح تاني شوفت عمايلك؟؟ 

جاسم 

 مش مهم فداكي اي حاجة يا تاج 

تاج 

لا مش هينفع كدا لازم نروح مستشفى نطمن ع الجرح 

جاسم 

خايفة عليا؟؟ 

تاج 

بطل بقا قولتلك متحاولش انا لعلي وبس فبلاش تعشم نفسك كتير 

جاسم 

حيث كدا بقا انا مش رايح مستشفيات وسيبني اموت غرقان ف دمي كمل ف طريقك يا اسطى 

قالت بخوف 

لالا خلاص خايفة عليك اه ارجوك روح ع المستشفى انت كدا هتتصفى 

وفات سنة على ابطالنا وجاسم بيحاول يقرب من تاج اللي كانت معجبة بسه لكن بتعاند ومش عايزة تنسى حبها لعلي وتعتبر نفسها خانته 

لحد اليوم اللي رجع جاسم من شغله مصاب 

كان قلبها هيقع ف رجليها فأول ما عرفت انه انصاب واتنقل المستشفى مكانتش شايفة قدامها وراحت بسرعة ليه هناك 

ولما جت تدخل المستشفى 

كانت سمارة معاه ف الاوضة 

تاج جت تجري عليه بسرعة 

جاسم جاسم طمني عليك انت كويس ؟؟ 

لكنها وقفت مكانها لما سمعت سمارة بتقول 

متخافش يا حبيب القلب والعين هتبقى كويس ان شاء الله بعد ما دمي بقا يجري في عروقك يا غالي بقينا اكده حاجة واحدة وكيان واحد اني منتظراك يا قلبي تقوم بالسلامه ونتجوز عارفة ان اللي انت متجوزها داي ولا كأنك متجوزها ومش مهنياك ولا بتعطيك ريق حلو.. اصبر بس يا غالي لما نتجوز وانا هوريك من الهنا اشكال والوان 

الغيرة دبت ف قلب تاج وقربت من سمارة 

نعم!! تتجوزوا!! بقا انت يا سي جاسم عايز تتجوز عليا ودي ؟؟ 

سمارة ايوا اني يا حلوة اني اللي هقدر استته واهنيه مش زييكي يا حبة عيني قلبه متشحتف عليكي ولا انتي هنا 

تاج 

بنرفزة وانتي مالك اصلا اطلعي برا يلا براااا 

وبصت لجاسم بعد ما سمارة خافت ومشيت 

وانت عايز تتجوزها اشبع بيها انا غلطانة اللي خوفت عليك كنت تتصاب ولا تتحرق بجاز وانا مالي 

وسابته ومشيت 

وجاسم مقدرش يمنع نفسه من الضحك 

ولما رجعوا السرايا 

كلم جاسر سمارا وقال 

برافو عليكي قدرتي تخليها تتحرك وتمثيلك خال عليها استمري ع كدا قربت اوصل لمبتغايا خلاص 

سمارا

اني اتمنالك كل خير يا واد عمي ان مكنتش انت من نصيبي فأني اتمنالك الخير مع اي واحدة وطالما انت رايدهت يا واد عمي هعمل كل اللي اقدر عليه علشان تطولها 

جاسر

 أصيلة يا سمارا انتي زي أختي ومعزتك من معزتها وانتي عارفة اكده 

سمارا عارفة يا خوي وهعمل كل اللي طلبته مني 

واول ما شافوا تاج همس جاسر لسمارا بالكلام اللي هتقوله 

فقالت سمارا بصوت عالي 

يلا تعالى يا حبيبي هات يدك اساعدك علشان تغير على الجرح الدكتور وصانا نغير عليه ونحط الكريم واعملك مساج 

هنا اتسعت عيون تاج وقالت ف نفسها بصدمة 

ايه تغيرله عل الجرح وتحطله مساج كمان هي حصلت!! 

وقربت ناحيتها بسرعة وهي بتقول 

استني استني انتي رايحة فين ؟؟ وانت موافق كدا عادي انك تكشف ضهرك وواحدة ست تحط ايدها عليك هي حصلت يا جاسر؟؟ 

جاسر بمكر 

واه واني لقيت غيرها يعمل أكده وقلت لاه 

تاج 

وغيرها ليه وعم عبده الجنايني راح فين!! 

جاسم 

لاه وهي ايدين عم عبده زي ايديها يعني 

بصتله تاج بانزعاج 

لا يا شيخ بقا كدا طب تعالى انا بقا اللي هوريك الايدين اللي مش زي ايدين عم عبده 

وشدته جامد ناحية الاوضة 

وجاسم عمل انه مغلوب ع امره وقال 

اه اه حاسبي يا قادرة اني مصاب فيه حد يشد حد اكده بس فين الحنية فين الرقة 

تاج وهي بتتوعد ليه 

رقة انت لسه شوفت حاجة انا هغيرلك ع الجرح وهوريك الرقة كلها 

وهنا ابتسم جاسم بمكر لانه وصل لمبتغاه وعرف انها غيرانه عليه 

وبعد سنتين من معافرة جاسم مع تاج لحد ما وصل لقلبها 

تاج كانت ف المستشفى بتولد وجاسم واقف برا ع أعصابه 

لحد ما خرجت الممرضة وبشرته 

مبروك جالك ولد زي القمر 

ولما شاله حاسم وجري بسرعة يطمن ع تاج اخدها ف حضنه وقال حمدا لله على السلامة يا روح قلبي 

تاج بفرحة 

الله يسلمك يا حبيبي الولد نسخة منك 

الممرضة عا هتسموه ايه 

تاج وجاسم قالوا ف نفس واحد 

هنسميه علي 

وبعدين الاتنين بصوا لبعض وضحكوا فأخدها جاسم هي وابنه علي في حضنه وقال ربنا يخليكم ليا ويباركلي فيكم 

وتمت