رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الخامس والثلاثون

تم النشر الثلاثاء

14/1/2025

شوق كانت متغاظة من الرد اللي جالها من خالد 

كانت قاعدة بتاكل في نفسها وهي بتفتكر كلامه وهو بيقول 

فلاش باااك 

خالد

شوق اياد لازم يعرف الحقيقة لازم يعرف اني مش ابوه الحقيقي خلاص مبقاش صغير على دا انتي لازم تقوليله كل حاجة 

شوق بصتله بصدمة 

واه كنك قررت تتخلى عنيه يا خالد هتتخلى عن ولدك بالسهولة دي 

خالد بتهرب 

اا انا مقولتش كدا يا شوق انا بقولك نقوله الحقيقة مش اكتر ماهو كان في يوم من الأيام هيعرف هيعرف السر مش هيفضل مستخبي 

شوق 

ايوا عارفة انه مسيره هيعرف بس مش في ظروف زي داي وانت مزعله وهو واخد بخاطره منيك نقوله الحقيقة في وقت تاني علشان يتحمل الخبر لكن دلوك معناه انك بتقوله خلاص بالسلامة ملكشي قعاد وسطينا خلاص 

خالد 

انا مقولتش كدا يا شوق 

شوق بحدة 

مقولتهاش صريحة لكن افعالك قالتها مليون مرة انت غلطان غلطان يا خالد في حق اياد... واني مهقولش حاجة عايز تقوله الحقيقة روح قوله انت بذات نفسيك لو تقدر وابقا قابل بقا موجة انهيار فداء ورد فعلها لما تعرف هي كمان ياريتني ما كنت وافقتك من الأول كان لازم اعرف انه هيجي يوم وتبيع الواد فيه ولا حول ولا قوة إلا بالله 

خالد 

محصلش يا شوق انتي ليه مش عايزة تفهميني 

شوق 

حصل ولا محصلش اهو كله محصل بعضه بالله عليك امشي دلوك بدال ما اتجنن منيك وربنا ما حد هيعرف يخلصك من تحت بلغتي روح يا خالد الله يسهلك وفوتني لحالي روح 

اتنهد خالد بانزعاج 

طب وهتعملي معاه ايه هتقوليله ..بلغيه انتي يا شوق 

شوق 

هقوله وامري لله لو فوتها تاجي منك انت دبش وطروبش وتدبش الواد بالحقيقة تموته فيها اني اللي هروحله وهحكيله كل حاجة وربنا يستر من رد فعلهم وقتها ربنا يجعل وقع الخبر خفيف عليهم يارب 

اتحركت من مكانها واخدت نفس عميق وقررت تروح لفداء تحكيلهم الحقيقة كلها 

❈-❈-❈

اتكلم دهشان وهو قاعد ف سرايته وقال باستغراب 

الواد همام مجاش ليه اني قولتله يخلص المهمة اللي وكلته بيها وياجي على اهنه يبشرني بالأخبار اللي اني مستنيها وبعدهالك يا همام البو طول عمرك مهمل اكده ولا هامك شىء ..تلاقيه خلص الطلعة واندلى على الخرابة يعدل مزاجه هو اني تايه عنيه ... يا واد يا مسعد انت يا بو تعالى اهنه 

جه مسعد جري 

ايوا يا سعادة البيه اني طوع امرك 

الدهشان

 عايزك تندلى على الخرابة اللي عيقعد فيها وتخليه يسيب اللي ف يده ويكون عندي في الحال سامع يا مسعد لو مجاش في يدك اني منيش هحاسب غيرك 

مسعد بخوف 

حاضر يا سعادة البيه مهجيش اهنه الا وهو في يدي هندلى اشيعله فوريرة 

وبعد شوية وأثناء ما دهشان قاعد ياكل ومستمتع بالأكل بتاعه سمع مسعد جاي عليه بيقول 

يا سعادة البيه يا دهشان بيه يا سعادة البيه

ساب دهشان الأكل اللي ف ايده وقال بتأفف 

اني كنت عارف انه ميعتمدش عليك يا بو انت تلاقيك مقدرتش عليه ومقدرتش تقنعه انه ياجي معاك يا ويلك مني اخلص وكلي ومحدش هيعتقك من يدي 

مسعد قال وهو بينهج 

يا دهشان بيه اني روحتله الخرابة زي ما أمرتني علشان اجيبه معاي لهنه لكني ملقتوش هناك الخرابة فاضية وااا 

ولسه هيتكلم هب فيه دهشان وقال وهو بيزعق 

يعني روحتله الخرابة وملقتوش تقوم تاجي على  اهنه يا عبيط انت.. بدال ما تدور عليه في اي مكان وتجيبه ولو كان تحت الأرض اني اكده فهمت همام مقدرش على المهمة اللي بعته ليها علشان اكده هربان مني هربان من غضبي لانه عارف اني مهعديهاش ليه بالساهل ... الواد ديه طول عمره فاشل ولا ليه غير في الحشيش والقرف اللي عيشربه ياما كان نفسي في راجل يعتمد عليه ويشيل اسمي من بعدي افخر بيه واطمن انه هيقدر يحافظ على الهيلمان اللي عملته لكن الواد همام اني متأكد انه هيجيبه الارض واد هم قبر يلمه وارتاح منيه 

اتكلم مسعد بتخوف من رد فعل دهشان لو سمع الخبر

اني لما ملقتوش ف الخرابة لفيت عليه البلد ودورت حتى ف كل كومة قش وبعد ما يأست اني الاقيه جالي الخبر المشؤوم يا بيه

اتفزع دهشان وقام من مكانه بخوف على ابنه 

الخبر المشؤوم!! ولدي مات!!! انطق اتكلم يا واد ساكت ليه ولدي جراله ايه انطوق بدال ما احش رقبتك دلوك  قبر يلمك

مسعد 

لاه بعيد الشر عنيه يا بيه همام بيه واد سعادتك مماتش الحمد لله هو بخير بس ااا بس ااا

دهشان 

بس ايه يانيلة ما تنطق ديه وقته تئتئة 

مسعد 

همام بيه اتقبض عليه جت كبسة مرة واحدة واخدته هو وكل رجالته ومحدش عرف يوقفهم 

دهشان بصدمة 

عتقول ايه يا واد !!! متأكد انهم بوليس ولا حد تاني 

مسعد 

ايوا بوليس يا بيه ديه الخبر الوحيد اللي اني متأكد منيه 

دهشان 

طب غور..غور جتك البلا في اخبارك العفشة غور خليني اعرف ولدي اتاخد ف انهي مصيبة ديه راخر مصيبة ليكون اترحل للبندر هو اكده الزفت همام دايما غبي ياما قولتله متتصرفش من نفسك انت غبي ومهتعرفش تتصرف مفيش فايدة بأف ودماغه حيطة سد.

تطلع موبايله وعمل اتصالاته 

ايوا اسمع شوف همام ولدي اخدتوه في انهي قسم ويطلع حالا ميطلعش عليه نهار وهو هناك انت فاهم لاحسن اقطع خبرك انت راخر ديه اللي اني كنت ناقصه.... ماشي هستنا ساعتين لحد ما تجيبلي الخبر اللي هيبشرني 

قالها ورمى الفون ع الكنبة ومسك الجوزة وفضل يشرب فيها بانزعاج 

❈-❈-❈

توبا كانت قاعدة ملانة فقررت انها تخرج تغير جو فقامت لبست 

وراحت ع عسل بنتها اوضتها 

عسل فاضية دلوقتي يا بنتي 

عسل 

صباح الخير يا مامي ايوا فاضية يا حبيبتي خير حضرتك عايزة مني حاجة!! 

توبا 

اه عايزاكي توصليني عند ايات وميار اقعد معاهم شوية لان حاسة بملل رهيب 

عسل 

بس كدا عيوني يا مامي واهو بالمرة اشوف لوجي ووعد من زمان مقعدناش سوا وااا ممكن نروح لطنط فداء يا مامي!! 

توبا 

اكيد طبعا هنروحلها نطمن عليها بس مش دلوقتي انا منتظرة الاجواء هناك تهدى شوية انا سمعت انها متخانقة مع  عمو خالد فبلاش دلوقتي نروح 

عسل 

حاضر يا مامي اللي انتي شايفاه عشر دقايق بس هجهز وننزل سوا 

ولما لبست عسل وراحت لامها ف الليفنج 

مامي انا جاهزة يلا بينا؟؟ 

فرح شافتهم فقالت 

انتوا رايحين فين انا جاية معاكم مليش دعوة رجلي ع رجلكم 

توبا 

عارفة مش هنخلص منك اوك تعالي معانا يلا 

وف الطريق قالت توبا 

عسل بقولك شركة بابا قريبة من هنا خليني اطلع اسلم عليه 

فرح ضحكت بابي لحق وحشك اوي كدا يا مامي ايوا بقا 

ضحكت توبا 

بس يا لمضة اه وحشني اسكتي ملكيش دعوة 

عسل 

طب اوك هوصلك للشركة وهروح انا اشتري شوية حاجات محتاجاها ولما تنزلي كلميني ونتقابل يا مامي اوك 

توبا 

تمام كدا فكرة حلوة وخدي اختك معاكي 

عسل 

تمام 

ونزلت توبا عند شركة عساف واتحركت في طريقها لجوة علشان تروح لمكتب عساف 

وهي ف طريقها للمكتب 

شافته واقف مع اتنين ستات وبيبتسم ليهم وواحدة فيهم مشالتش عنيها من عليه وتقريبا كدا معجبة بيه وبتحاول تقرب منه 

وهو بيضحك لها بمجاملة 

اتغاظت توبا وحست بالغيرة اللي ظهرت ملامحها على وشها 

بتعمل ايه بنت الاية دي وربنا اروح اجيبها من شعرها الغبية دي عايزة ايه من عساف جوزي 

لكنها سرعان ما ابتسمت ودارت غيرتها وغضبها اول ما شافت عساف بيشاورلها وبيبص عليها 

توبا!! حمدا لله على السلامة تعالي اتفضلي نورتي الشركة ... بعد اذنكم يا جماعة دي توبا مراتي .. تعالي يا توبا دي مدام مها وبنتها استاذة انجي 

توبا 

اهلا وسهلا تشرفنا 

انجي 

هاي مدام توبا سعيدة بالتعرف عليكي 

في الوقت دا جه لعساف مكالمة مهمة فقال 

لحظة بس ارد ع الفون 

توبا تمام خد راحتك وانا هسبقك على مكتبك عن اذنكم

وبعدت توبا عنهم لانها مش طايقاهم من نظراتهم لعساف 

لكن وهي في طريقها بتبعد عنهم سمعت انجي بتقول 

بقا دي مرات عساف ازاي انا مش مصدقة عساف يتجوز دي ازاي لا طبعا مش مناسبة ليه ولا لايقة عليه من اصله دا اكيد متجوزها غصب عنه عساف محتاج واحدة شيك راقية واستايل انما دي تؤتؤتؤ لاول مرة يكون زوقه وحش كدا 

توبا 

وعلشان هي رجعت تخنت تاني وثقتها في نفسها ساعات بتكون مهزوزة كلامهم دا خلاها تخجل من نفسها وتزعل ع الحجم اللي وصلت ليه تاني رغم انها كانت خست كتير لكن كل فترة ترجع تتخن وتتخن جامد كمان 

فاتحركت بسرعا راحت عل مكتب عساف وقعدت ع اقرب كرسي وهي متعصبة وزعلانة 

كان قصادها مراية فشافت نفسها فيها 

وكلمت نفسها 

انا فعلا مبقتش حلوة انا تخينة اوي وعساف مفيهوش غلطة اكيد بيخجل مني لما بيقدمني للناس انا ايه اللي عملته دا ايه اللي جابني هنا اكيد احرجته قدام العملا وكسفته لأ انا مش هينفع اقعد هنا لحظة واحدة يا ريتني ما جيت 

وقامت علشان تمشي 

في الوقت دا جه عساف وع وشه ابتسامة هادية 

توبا نورتي الشركة طب مقولتيش ليه انك جاية على العموم مفاجئة حلوة اوي يا حبيبتي 

توبا بتوتر 

اا انا همشي يا عساف مع السلامة 

عساف 

 ايه حيلك استني تمشي تروحي فين انتي لحقتي اقعدي لسه متكلمناش مع بعض 

توبا بأسى حاولت تخفيه 

ااا معلش مرة تانية يا عساف اا البنات منتظرني علشان رايحين لأيات وميار وانا جيت استأذنك واسلم عليك 

عساف 

على الرغم اني كنت بخطط بم انك جيتي النهاردة نخرج نتغدى سوا بس بم انك مخططة تخرجي مع البنات عند صاحباتك فخلاص مفيش مشكلة نخليها وقت تاني.. تعالي هوصلك لتحت 

توبا علشان متمشيش معاه تاني ف الشركة قالت بسرعا 

لالا خليك انت في شغلك مش عايزة اعطلك انا هنزل لوحدي انا عارفة الطريق كويس سلام 

قالتها ونزلت ومعتطوش الفرصة لانه يعترض 

❈-❈-❈

ادم كان قاعد في مكتبه بيبيص قدامه وهو مبتسم وطبعا كدا انتوا عرفتوا هو بيفكر ف مين  فجاله اتصال اول ما شاف الاسم كشر ونفخ بضيق 

يا فتاح يا عليم يا زراق يا كريم ايه اللي خلى الراجل ديه يطلبني دلوك هو اني فاضيله عيهكرلي مزاجي واني مزاجي عنب النهاردة 

ولما رد سمع دهشان بيقول 

ادم همام ولدي عنديكم يكون عندي في ظرف ساعتين انت فاهم اوعاك تكسر كلامي 

ادم بمكر 

استنى بس يا دهشان بيه ابنك همام ايه اللي هيجيبه عندينا اهنه انت قدمتله في الحربية واني معارفش ولا ايه 

دهشان 

لاه اتاخد في الرجلين في حملة منيش عارف حملة ايه داي واخدته ازاي... عايزك تدخل وتخرجه ف اسرع وقت.. قوم اتحرك من مكانك شوف ولدي راح فين 

ادم ببرود 

ياريت كنت اقدر يا دهشان بيه مكنتش هتأخر عنيك وانت عارف اكده بس اني مصاب في اخر مهمة كنت فيها وتعبان ع الأخر الاصابة واعرة قوي ونايم فيها لكم يوم اكده بس عامة اني هبعت واحد من رجالتي يسألوا عليه ويشوفوا هو فين ويحاولوا يخرجوه كمان متعتلش هم 

دهشان 

وديه اللي منتظره منيك بردك يا ادم 

ولما انهى ادم الخط 

فضل ادم يضحك 

هههه قال اخرجله ولده قال دا نجوم السما اقربله همام مش هيخرج من أهنهوالا على قبره بعون الله 

قالها ونادى ع العسكري 

يا عسكري 

العسكري اللي على الباب 

امرك يا ادم باشا اي خدمة 

ادم ابعتلي حسين اهنه حالا

ولما جه حسين قال 

ادم باشا صباحك هنا يا مدرعة ها اخبارك ايدك ايه اكيد اتحسنت لما كنت هناك امبارح مش كدا 

قالها وغمز ليه 

فرفع ادم حاجبه وبصله بتحذير 

فاتنحنح حسين بخوف وتراجع 

ااا حضرتك طلبتني خير يا فندم 

ادم تجاهل تلميحه اللي قاله من شوية وقال 

ابن الدهشان اتقبض عليه عندك علم بديه ! 

حسين 

متتصورش فرحتي في دهشان عاملة ازاي عقباله هو كمان لما يحصل ابنه ويخلص البلد من أشكالهم العكرة هما وكل اللي على شاكلتهم واحد واحد 

ادم 

ان شاء الله هيحصل قريب الا قولي انت تعرف هو فين ودوه اي مكان!! 

حسين 

لا صراحة مش عارف ولا هاممني اعرف المهم انه اتقبض عليه ودا اللي يهمني ف الموضوع بس سمعت انه اتطوح لمكان مجهول محدش يعرفه يعني خلاص بقا بح ذي ما بيقولوا كدا ذهب ولم يعد 

ادم بابتسامة ماكرة 

عليك نور ذهب ولم يعد فعلا 

حسين 

الظاهر انك عارف مكانه يا باشا من الابتسامة اللي على وشك دي ابتسامة شماتة مش كدا 

ادم 

فاكر لما قولتلك الواشي والخاين احتمال يكون حد ما بينا اهنه 

حسين 

انت عرفته يا باشا؟؟ 

ادم 

هيتعرف وعايزك تقولي عليه... الشخص اللي هيسأل على همام ويدور عليه وعايز يخرجه بأي طريقه وبأي محاولة يبقى تدخله معاه وميخرجش تاني فاهم 

حسين ابتسم بانتصار 

الله على افكارك اللولبية يا باشا انت عملت كدا علشان تصطاده الله الله احنا كل يوم بنتعلم منك 

ادم 

انا اقسمت انه هيقع لانه زي ما كان السبب في رجوعي هنا هو بردو اللي كان السبب في اني اقضي اتعس شعور في حياتي اقسمت اني انتقم منهم واحد واحد 

حسين 

بقا كدا انا بردو كنت حاسس ان رفدك دا كان مدبر 

ادم 

دا شىء اكيد علشان اكون تحت جناحهم علشان يسيطروا عليا واديني اخدتهم على قد عقلهم وبلعب اني بيهم الكورة كيف ما يلدلي وبتفرج على سقوطهم واحد واحد وبطريقتي 

حسين 

الله عليك يا لعيب الله ... يا معلم وكلنا منك بتتعلم 

❈-❈-❈

كانت واقفة وملخومة في اللي حصل مع اخوها وزعلانة وف نفس الوقت عندها كويز ومستعدش ليه 

فكانت هتعيط 

يووه وبعدين انا هعمل ايه دلوقتي مش مستعدة نهائي ومش مركزة هتصرف ازاي انا دلوقتي مش هلخق اقرأ حاجة وبعدين دماغي مش معايا... انا كنت بفكر اروح لبابي اكلمه .. اا طب اسيب الجامعة وامشي ولا اتصرف ازاي 

شافها واقفة بحيرة ومش عارفة تعمل ايه 

فقال بكلم هدوء 

دا ورق انا ملخصه اقريه ف خمس دقايق هينفعك ف المحاضرة جوة حظ موفق يا انسة كيان 

كيان مسكت الورقة وبصت عليه لقته لف وشه ومشي من غير ما يعطيها الفرصة حتى انه يشكرها 

وهزت كتافها بعدم فهم 

وفضلت تقرأ ف الورقة وهي مبسوطة لانه لخص ليها كل حاجة 

لكن في اخر الورقة لقت مكتوب ....

يتبع