رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل السادس والثلاثون

تم النشر الأحد

19/1/2025

استغل ادم الفرصة وراح لمكتب وعد 

كانت مشغولة في فحص الادوية وفرزها هي وزميلة ليها 

ومن كتر انهماكها ف شغلها مأخدتش بالها من وجود ادم 

لكن زميلتها انتهبت ليه ولسه هتفتح بوءها علشان ترحب بيه 

شاورلها تسكت وتمشي هي 

ففهمت وابتسمت بمكر وانسحبت من سكات 

اما هو فقرب منها وقال 

تحبي اساعدك يا دكتورة وعد 

رفعت وعد وشها وقالت باستغراب 

ايه دا انت دخلت هنا امتا انا منتبهتش ليك اصلا 

ادم 

اصلا اصلا اني دخلت من الباب عادي انتي اللي سرحانة ومش مركزة افرض حرامي دخل عليكي يا دكتورة هتعملي ايه 

وعد مطت شفايفها بسخرية 

الحرامي هيتخطى الحربية كلها وهيدخلي هنا الصيدلية معقول 

ضحك ادم بقوة 

ههه في داي عنديكي حق ها قوليلي بقا بتعملي ايه ومندمجة اكده 

وعد كشرت 

يعني شايفني مركزة ف شغلي ومندمجة فيه وحضرتك سايب شغلك وجاي تعطلني اتفضل يا باشا ع شغلك يلا 

ادم وهو مش عارف جاي ليه اصلا لكنه قال كتبرير لمجيئه ليها

واه انتي مش قولتيلي اغير ع الجرح باستمرار فجيت لك علشان اعمل اكده 

وعد 

اه طب تمام سوري انا هنادي ع امين يغيرلك عليه يا ام..

قاطعها وهو بيقول بحدة 

امين ديه مين يا بت اللي ليكي كلام معاه ديه اني كنت اقطع خبرك.. خدي اهنه بتكلميه من ميتا ديه 

وعد 

نعم بكلمه!! فيه ايه يا ادم باشا اولا دا المساعد بتاعي زيه زي اسمهان بالظبط ثانيا انت فيه ايه مالك بتتكلم ليه كدا وبتحاسبني كأنك اخويا مثلا 

ادم بارتباك 

لاه منيش اخوكي ولا عمري هكون قال اخوكي قال 

وعد 

طب لما انت مش كدا يا بني ادم بتتدخل ليه ... اتفضل وخليني اشوف شغلي وروح لأمين يغير ع جرحك اتفضل 

ادم 

لاه خلاص عنه ما اتغير عليه سيبيه أكده يعفن كيف ما هو 

وعد كتمت ضحكتها ومثلت الجدية 

طب اتفضل على مكتبك يلا 

ادم ادعى المسكنة 

طب ما تزقيش طيب طلعتي بخيلة اللي ما عزمتي عليا بكوباية سكر قصدي شاي 

وعد شاورلته انه يخرج 

اتفضل يا ادم باشا 

ادم بصلها وقال بنظرة ذات معنى 

اني ليا كلام مع دكتور رائد قريب اصل اللي بيحصل ديه مش هينفع خالص 

مفهمتش وعد قصده واستغربت 

هو ليه عايز بابا ويكلمه ف ايه دا غريب اوي

لكنها ع اي حال كانت مبسوطة وفي حاجة جواها فرحانة 

❈-❈-❈ 

جالهم التعليمات اخيرا انهم يخرجوا 

فاستعدت مادونا علشان تخرج وهي فرحانة 

اخيرا هعرف انفذ مخططي لما انفذه ف الشارع محدش هيعرف هتكون اي لحظة اغتيال مفاجئة مجهولة المصدر انما هنا في الجناح هتكشف يااه منتظرة اللحظة دي من زمان 

لكنها اتفاجئت بمالك بيلف ايده حواليه رقبتها وبيقول وهو بيفتح الباب 

يلا بينا يا حبيبتي 

مادونا بغضب مخفي 

نزل ايدك يا حيوان ايه اللي بتعمله دا 

مالك شدد من ضمته ليها وقال 

حيوان انتي قد الكلمة دي طب ما تبقيش تلومي الا نفسك.. اتنيلي حطي لسانك جوة بوءك واتحركي معايا العيون كلها علينا عرسان جداد بقا

فاضطرت انها تسكت 

ونزلوا يفطروا ف المطعم تحت 

وهناك جت الويتر وهي بتنزل الأكل على الترابيزة وبتقول وهي بتبص لمالك بإعجاب 

اممم اعتقد انك عربي ايها السيد ملامحك الشرقية الجميلة الفاتنة تنم على ذلك أليس كلامي صحيح 

مالك ابتسم بمجاملة 

اجل صحيح انتي لماحة 

التويتر 

وهذه الفاتنة تليق بك حقا هنيئا لكما 

مالك ف نفسه 

قال تليق بيا قال دا انا عايزة اخدها انسفها دلوقتي بلبسها المهبب على دماغها دا فينك يا ماما شوق انتي والبلغة بتاعتك تعلميها الادب 

وبص للويتر وقال 

اها بالطبع تليق بي حقا هي فاتنة حد العشق سحرتني بجمالها 

الويتر خلصت تنزيل كل الأكل

وهي بتقول 

بالهناء والشفاء اتمنى لكما إجازة سعيدة 

وخلصوا مسرحيتهم لليوم دا 

ولما رجعوا الجناح واول ما اتقفل عليهم الباب قالت مادونا وهي بتزقه بعيد عنها بغضب 

انت عارف لو قربت مني تاني هعمل فيك ايه انت مكنتش شايف كنت لازق فيا ازاي

مالك ببرود

اكيد هكون عامل كدا اعملك ايه يعني حتة شوكولاته مكشوفه اكيد كله هيحب يجرب ويدوق كمان ها اسكت ولا اقول كمان بلبسك اللي ميتلبسش دا

مادونا 

نعم انت بتقول ايه يا متخلف انت انت واعي لكلامك دا 

مالك 

ايه مش دي الحقيقة كاشفة نفسك زي شوكلاتة مكشوفة عاملة عرض ازياء علشان الناس تتلاهف وتشتريها ومبينة لحمك للي يستوى واللي ميسواش يشوفك يبقى ايه مش كلامي مظبوط 

مادونا 

اسمع انا مسمحلكش انت فاهم واياك تكلمني بالاسلوب دا 

مالك 

انا عامل نفسي عبيط ومش شايف وساكت ومش عارف اتكلم بس لأننا في مهمة وف بلد اجنبية غير كدا ورب الكعبة كنت عطيتك قلم مشيتك على عجين متلخبطيهوش كنت كيس جوافة انا ولا اريال وبقرون لا انسي انا مش ديوث يا ماما ولولا المهمة كان تصرفي غير 

جت مادونا ترد عليه 

شاورلها بتحذير 

مسمعش صوتك دلوقتي لاني ممكن اتهور واعمل تصرف ميعجبكيش واضيع المهمة الغبية دي وتكون نهايتنا احنا الاتنين فانكتمي وغوري من وشي دلوقتي 

بصتله مادونا بغيظ ودخلت ع اوضتها 

اما هو فقعد ياكل في نفسه بانزعاج واضح 

وهو بيفتكر لما شاف كل الرجالة عيونهم عليها وهتخترقها فالدم فار من عروقه وكور قبضته جامد وهو بيقول 

سبحان من صبرني عليهم وعليها لولا المهمة كنت طقمت رقابيهم واولهم الهانم اللي ملهاش ظابط ولا رابط دي ومفكرة نفسها عيلة تلبس ما بدالها والله لاربيكي يا مادونا وطالما الفرصة جت لحد عندي يبقى ليه مستغلهاش واربيها طالما اهلها مقاموش بمهمتهم ع اكمل وجه 

❈-❈-❈

دخل وليد مكتب والده وقال وهو متضايق 

بابا انت قولتلي انك هتساعدني لكن دا محصلش انت نسيتني ولا ايه انا عايز اتجوز وعد بقا 

شبيب ساب اللي ف ايده وبص لابنه وشاف الاصرار اللي في عينه علشان يتجوز وعد 

انت لسه مصمم على البنت دي وعايز تتجوزها

وليد بانزعاج 

انت لسه بتسال يا بابا ايوا طبعا عايز وعد عايز اتجوزها هي وبس ومحدش غيرها 

شبيب

وهي لسه كالعادة مبتعطلكش وش صح لسه شايفة نفسها زي خالها مهند 

وليد 

ايوا يا بابا حاولت معاها حاولت بكل الطرق اخليها تحبني ... ساعدني بقا انا زهقت يكون في عملك انا لو متجوزتش وعد مش هتجوز خالص 

شبيب جه في باله فكرة وحب ينفذها 

وماله يا حبيبي تتجوزها ولما تزهق منها تتجوز غيرها انا ليا الا سعادتك انت اعتبر امرها تم وبكرة تسمع الأخبار اللي تسرك 

وليد فرح اوي 

يعني اخيرا هتكلم والدها دكتور رائد وتطلبها منه! 

شبيب بخبث قال ف نفسه

اكلم والدها ايه يا حمار واطلب ايدها ايه انا هجوزهالك بس بطريقتي وابقي خليهم يحفوا علشان يجروا ورانا مش انت اللي تجري وراها انا هلففهم حوالين نفسهم وبكرة تشوف 

❈-❈-❈

يزن قرر انه يروح محل نسائي ويشتري هدية مناسبة للوجي كنوع من تغيير الشوكولاتة اللي بيجيبها ليها والورود 

وقف محتار هتجيب ايه يا واد يا يزن مكنتش اعرف انك لخمة كدا ياريتني استعنت بالبت وعد كانت جابتلي الخلاصة لكن لا محدش هيجيب هدية خطيبتي غيري انا وعلى زوقي انا ووقف يتفرج هيختار ايه 

لكنه اتفاجىء بدنيا قدامه وبتقوله 

شايفاك واقف محتار انت جاي تختار هدية لحبيبتك مش كدا اممم خليني اساعدك في الاختيار احنا بنات زي بعضنا واكيد عارفة ايه اللي هتحبه ويناسبها 

لوى يزن بوزه وقال بعدم اهتمام 

لا معتقدش هتعرفي زوق لوجي 

مسكت دنيا قطعة جريئة وقالت اعتقد دا هيكون مناسب ليها وهدية قيمة تقدمها ليها ايه رايك 

وكملت كلامها وهي بتتكلم بمياعة 

عندي منه وتحفة اوي في اللبس لو شوفته هتتسحر بجماله كل اللي شافه عليا انبهر 

هنا برق يزن ورمش اكتر من مرة 

يشوف ايه وكل اللي شافه ايه... هي القطعة اللي اختارتها دي تنفع حد يشوفها لابساها غير جوزها وبس انصعق من جرأتها ومعجبوش اللي بتعمله فلسه هيلف وشه بعيد عنها ويمشي ويسيب ليها المحل بأكلمه 

لقاها 

عملت انها بتقع وتعبانة 

اه اه الحقوني مش قادرة اتنفس 

جري عيلها بسرعة وقال فيه ايه مالك انتي كويسة طب اتفضلي اقعدي

 ونادى ع البنات اللي واقفة كوباية ماية بسرعة يا بنات 

دنيا بمكر 

الحقني يا يزن انا بتختق انا تعبانة ومحدش يعرف بدا ودي نوبة بتجيلي من فترة للتانية 

يزن 

لا الف سلامة عليكي تحبي اوصلك للمستشفى نطمن عليكي؟؟ او حتى اي صيدلية انتي اكيد عارفة علاجك ايه 

قالت بمكر

لالا انا اه عارفة علاجي بس هو المفروض بيكون معايا ف شنطتي بس نسيته النهاردة وانا ببدل الشنط والعلاج دا مش موجود منه هنا ف مصر انا ببعت اجيبه مخصوص من برا لحالتي معلش يا يزن هتقل عليك ممكن توصلني للبيت باسرع وقت علشان الحق اخده قبل ما حالتي تسوء انا عارفة انك مش فاضي انا اسفة 

يزن بقلة حيلة لانه عمره ما رد حد محتاج مساعدة  

قال تمام ماشي هتقدري تمشي لحد برا 

استغلت دنيا كلمته دي 

ورمت نفسها عليه 

فاستغرب اللي عملته وانصدم جدا لدرجة انه من حرجة رفع ايده لفوق لانه مش عايز يلمسها مش عايز يلمس واحدة مش محللة ليه ما بالك بوضعها دا مش مجرد لسمة ايد 

حاول يبعد عنها بقدر الإمكان لكنها كانت عاملة انها تعبانة ومش قادرة 

وقالت بمكر 

بسرعة يا يزن ارجوك انا لازم اخد علاجي ف اسرع وقت 

فما كان من يزن الا انه مشي وامره لله لحد ما وصلوا للعربية دخلها يزن العربية ولف هو علشان يسوق 

وبمجرد ما قعد يزن ف العربية وابتدت يسوق 

رمت نفسها على كتفه وعملت انها هيغمى عليها 

يزن الحقني انا هغمى عليا انا بموت يا يزن 

بلع يزن ريقه بخوف عليها ايه اللي هيحصل لو جرالها حاجة وهو وياها هيتدبس وسين وجيم دا غير قربها المهلك منه 

فقال ف نفسه دي التدبيسة السودا دي ايه اللي جابها في طريقي دلوقتي ربنا يستر ربنا يسامحني على قربها مني دا

وبصلها اصبري بس خمس دقايق ونوصل وتاخدي علاجك انا هسوق باسرع ما يمكن

وبص قدامه وركز انه يسوق باقصى سرعة عنده 

اما هي واللي كانت نايمة ع كتفه ومغمضة عنيها ابتسمت بخبث لان خطتها نجحت 

وبعد دقايق وصل يزن لبيت دنيا اللي عرفه من المرة اللي فاتت واللي كان وصلها فيها 

ها وصلنا هتقدري تقومي ولا اسندك؟؟ .. دنيا .. دنيا سامعاني ... دنيا فوقي يا دنيا 

يا خبر ابيض دي شكلها اغمى عليها... سامحني يارب مضطر اشيلها 

وخرج من عربيته ولف للباب التاني وشال دنيا بكل قلق وخوف عليها وهي سعيدة وقلبها بيتنطط 

جري بسرعة بيها ع جوا وحاول ينادي ع أي حد يفتحله البوابة 

فما شافه البواب فتح البوابة بسرعة وهو بيقول خير اللهم اجعله خير...مالها انسة دنيا 

قالها وجري بسرعة ع جوا ينادى ع قسمت اللي عارفة كل حاجة ومخططة ليها وقاعدة جوا ع نار تنتظر نجاح بنتها ف تنفيذ مهمتها 

وصل البواب لحد عندها وهو بيقول بقلق 

يا ست قسمت الحقي الانسة دنيا مغمى عليها وفي واحد شايلها وجاي ع هنا 

قسمت هنا قلبها انشرح ومكانتش مصدقة ان بنتها قدرت وبجدارة تنفذ الخطة بنجاح 

فابتسمت بمكر وقامت وقفت علشان تنفذ دورها هي كمان ع اكمل وجه 

ولما وصل يزن لحد عندها وهو شايل دنيا قالت ومثلت الفزع 

ايه دا بنتي مالها وانت مين انطق بنتي جرالها ايه  

يزن 

حضرتك والدتها مش كدا من فضلك اهدي علشان افهمك بس الاول لو سمحتي هي ليها علاج ولازم تاخده علشان تفوق هي قالت انها نسيته هنا ف البيت وان اللي حصلها دا بسبب انها نسيته فمن فضلك ساعديني 

قمست بمكر 

اه اه هي بردو نسيته كدا يا دنيا انا مليون مرة يا بنتي اقولك اهتمنى بنفسك وبصحتك من فضلك ساعدني وطلعها ع فوق وانا هجيب الدوا بتاعها 

يزن هز راسه وطلع ع فوق وقسمت شاورت ليه ع اوضة دنيا 

فنيمها يزن بهدوء في سريرها وعملت قسمت انها جابت الدوا وعطته لبنتها 

وقالت 

دقايق وهتفوق دا حصلها قبل كدا علشان كدا انا مش قلقانة بس هتكون مش فايقة لفترة 

يزن 

الحمد لله انها كويسة استأذن انا 

قسمت 

انا متشكرة ليك اوي انا مش عارفة اعبر عن امتناني ليك ووقوفك جنب بنتي انت تبقى مين بقا مش تعرفنا 

يزن

انا يزن مهند 

قلب قسمت بقى يرقص اول ما سمع اسم مهند فدا اسم حبيبها ازاي مينشرحش لما تسمعه 

فقالت ياااه انت يزن ابن اعز صديق ليا انا مش مصدقة نفسي ايه الصدف السعيدة دي 

استغرب يزن كلامها ودا لانه عارف ان باباه قاطع علاقته بالستات كلها من اول ما عرف امه ميار لكنه معلقش 

وهنا جت الشغالة ومعاها العصير اللي اتفقت قسمت معاها انها تجيبه 

وقالت اتفضل يا يزن اشرب دا 

يزن لالا انا متشكر جدا انا لازم استأذن 

قسمت 

لا مكنتش اعرف انك بخيل كدا يا يزن معقولة تبقى عندنا ومتشربش حاجة دا حتى احنا طلعنا معارف وحبايب كمان ... يلا اتفضل اشربه متكسفنيش 

مرضيش يزن يكسفهم واخد العصير منها 

وهي ابتسمت بخبث وقالت 

طب انا راجعة حالا هعطيك حاجة تعطيها لمهند اوك

يتبع