رواية جديدة شوق الجزء الثاني لأسماء عبد الهادي - الفصل 44 - الجمعة 21/2/2025
رواية رومانسية جديدة شوق الجزء الثاني
تنشر حصريًا على مدونة رواية وحكاية قبل أي منصة أخرى
رواية شوق الجزء الثاني
رواية جديدة قيد النشر
من قصص و روايات
الكاتبة أسماء عبد الهادي
الفصل الرابع والأربعون
تم النشر الجمعة
21/2/2025
فجأة النور انطفا ومبقاش الجوكر شايف حاجة وشقهات وهمهمات كل اللي موجود بسبب انقطاع النور المفاجىء
وف اقل من دقيقة مالك استغل الفرصة وشد العقد من ايد الجوكر ولبسه لمادونا وشد ايدها وحطها على رقابتها على اساس يعني أنها اللي لبسته لنفسها
وف خلال ٣٠ ثانية كانت كافية لمالك ف انه يلبسها العقد النور جه من تاني
فبص الجوكر حواليه بيدور ع العقد فلقا مادونا لابساه وهي عملت انها كانت بتلبسه بنفسها
فقال ايه دا انتي لبستيه بنفسك سارا!!
سارة ابتسمت وقالت
اه العقد كان هيقع من ايدك لما النور قطع فلحقته ولبسته انا ميرسي اوي العقد انا وقعت في حبه خلاص
الجوكر بعيون زايغة
دا انا اللي وقعت في حبك يا حياتي انتي انا بلعن النور اللي قطع في الوقت دا وضيع عليا الفرصة الثمينة دي بس معلش تتعوض يا روحي
ابتسمتله مادونا بمجاملة اما مالك اللي كان سامع الحوار قال
جتك قصف روحك يا بعيد قال تتعوض ..ان مكانتش روحك هتكون على ايدي ما بقاش انا مالك
مادونا فضلت تتكلم شوية مع الجوكر وهو طبعا يغازل فيها ومالك تكة وينفجر وهو واقف والعبيط مش عارف ان كل بسبب غيرة الحب
مادونا
انا سمعت ان فيه حفل مزاد كبيرة هتتعمل خلال اسبوع يا ترى هتحضرها يا امجد بيه يسرني اني اكون متواجدة فيها علشان انت موجود فيها طبعا
رد الجوكر بغرور
هحضرها!! دا انا اللي محضرها والمزاد كله على شرفي وانتي هتكوني ضيفة الشرف فيها معايا
مادونا
واو دا شرف جامد ليا وثقة كبيرة انا افتخر بيها امجد بيه
الجوكر
الجميل يؤمر بس وأنا انفذ بس طبعا كل حاجة وليها مقابل ولا ايه
مادونا بعد ما غعمت قصده قالت بخداع
اكيد امجد بيه انا طوع امرك
جوكر
احبك وانت مطيع كدا دي هتكون احلى حفلة مزاد عملتها
مادونا
دا شىء اكيد طالما هكون معاك امجد بيه بس فيه مشكلة واحدة بس
الجوكر
مشكلة!! مفيش اي مشكلة على وجه الارض ممكن تقابلك وانا موجود
مادونا
انت ناسي اني متجوزة جو يا امجد بيه ولو عرف اني هحضر الحفلة هيزعل انه مش جاي معايا وممكن يقلبها مشكلة
جوكر
انتي عايزة تكوني معايا ولا معاه ف الحفلة سارا؟؟
سارة
معاك اكيد امجد بيه انا وجو اتفقنا اننا كل واحد يعيش حياته زي ما هو عايز هو اختار بيري وانا اخترتك انت جو مفيش وجه مقارنة بينكم اصلا لكن علاقتنا انا وجو هتكون مجرد اسم بس من اول ما عرفتك هتكفي بيك وبس
كلام مادونا زغلل عين الجوكر وزاد غروره وقال
تمام يعني هو عايز كارت دعوة ليه ولبيري علشان يدخلوا حفل المزاد؟؟
مادونا
اكيد علشان اشغلهم عني وعنك امجد بيه
جوكر شاور للحرس بتوعه فقربوا منه
جوكر كرتين دعوة حالا وكارت دعوة خاص ومميز جدا لسارا
ابتسمت مادونا بفرحة لان اللي هي عايزاه عملته وحصلت على كروت الدعوة اللي هيدخلوا بيها المزاد من غير اي قيود
ولما خلصت المقابلة وركبت تاكسي علي اللي كان في انتظارها
ولسه هتتكلم شاورلها علي تسكت وشاور على العقد اللي ف رقبتها
ففهنت وخلعته حطته على جهاز معاه
وبعدين قال
تمام العقد حقيقي مفيهوش اي جهاز تتبع او جهاز تجسس تقدري تستخدميه عادي بعد بعد ما احط عليه التاتش بتاعي
وكان يقصد كاميرا المراقبة اللي هتسجل كل اللي هيحصل في المزاد
ولما وصلت
كان مالك قاعد على الكنبة واول ما شافته انخرطت في الضحك
مالك
بتضحكي على ايه بلياتشو قدامك ولا مقابلتك مع الجوكر نستك نفسك وخلت مزاجك عالي ها
مادونا
لا دا ولا دا بضحك عليك بقا عامل ويتر يا مالك وجاي ورايا طب ليه عايز ايه وتقصد ايه من كل دا مش فاهماك انت مش واثق من قدرتي على اداء مهمتي ولا ايه؟؟
اتوتر مالك لانه مكانش عارف يرد عليها والغبية هي كمان مش قادرة تفسر دا بانه غيرة الحب
فقال
اكيد كان لازم اطمن انك هتأدي المهمة بنجاح ولا هتكسفينا ومتقدريش تقنعي الجوكر وتاخدي منه كروت الدعوة
اتضايقت مادونا من كلامه اللي استفزها وخرجت من شنطتها كروت الدعوة ورمتها في وشه
من غير ولا كلمة ودخلت اوضتها
فمالك مسك كروت الدعوة وقال
انا ضايقتها ولا ايه!!
❈-❈-❈
دخلت لوجي مكتب امير فكان مهند معاه
لوجي
صباح الخير يا بابي .. ايه دا عمو مهند هنا صباح الخير يا عمو
مهند قام بنفسه واخدها في حضنه
صباح الخير يا روح قلب عمو عاملة ايه يا روحي
لوجي
انا كويسة الحمد لله يا عمو اخبار حضرتك ايه
مهند
انا كويس يا حبيبتي
امير
تعالي يا لوجي ها اتكلمتي مع يزن زي ما قولتلك؟؟
لوجي
اه يا بابي اتكلمنا
مهند
ايه دا بقا لا متقولش انك طلبت من لوجي تروح ليزن مكتبه وتكلمه لا هتتحسد يا اخي انت امير بجد ولا انا بتخيل
امير
اه يا مهند بجد ودا السبب اني قولتلك تعالى عايزك مكتبي اتكلم معاك.. كنت عايز نحدد معاد كتب الكتاب والفرح ونخلص كل الحاجات اللي الاولاد محتاجينها
مهند مكانش مصدق نفسه
لا حقيقي انا مش مصدق دا الواد يزن امه دعياله النهاردة الظاهر كدا .. وانتي يا لوجي بلغتي يزن بالكلام دا
لوجي بحرج
اه يا عمو بلغته
مهند بفرحة
تمام على خيرة الله شوف انتوا عايزين المواعيد امتا وانا معاكم المهم يكون على راحة عروستنا القمر تعالي هنا هاتي بوسة لعمو يا حبيبة عمو
في الوقت دا دخل يزن وقال
لااا خيانة ابويا وخطيبتي بقا كدا يا مهند متجيش الا منك طب راعي ابنك الغلبان اللي حب ولا طالشي
مهند ضحك
لا افرح يا عم اخيرا عمك امير رضي عنك وكتب كتابكم الاسبوع الجاي واحتمال فرحكم كمان ها كدا مبسوط
يزن كان طاير من الفرحة
لا بتهزروا انا في حلم ولا علم يا ناس بجد طب حد يقرصني كدا
مهند
ولا مش وقت هزار احنا ف ساعة الجد متجيش الشركة تاني وشوف ايه اللي ناقصك ف شقتك واعمله لو اتأخرت هيكون التأخير من عندك انت
يزن
لالا كل حاجة هتجهز في يوم وليلة متقلقش انت يا بابا او هنتجوز من بكرة انا مستعد
هنا لوجي اتحرجت فقال امير
طب تمام يلا يا لوجي تعالي هوصلك
يزن اعترض
لا وربنا ابدا ولا هيحصل محدش هيوصلها غيري
امير
لما تكتب الكتاب لسه اسبوع
يزن
لا واسبوع ليه انا نازل اجيب المأذون حالا انا مش هصبر اكتر من كدا
مهند
يخربيت شيطانك انت عايز تكتب كتابك من غير شوق دي كانت تكدرنا كلنا
يزن
لا لا ماما شوق هتقدر حالتي انا عارف
مهند
طب خليها النهاردة بالليل نعمل احلى حفلة للوجي علشان كل العيلة تكون موجودة ايه رايك يا امير
امير
ايه رايك يا لوجي
لوجي بحرج
اللي حضرتك تشوفه يا بابي انت وعمو
يزن
رقة قلبي يا ناس الليل امتا يجي بقا
امير اتغاظ من يزن
مهند لم ابنك بدل ما ارجع في كلامي
مهند
مجنون وتعملها ولا يا ييزن لم نفسك لحد بالليل واعمل ما بدالك... اما الحق اخد قمري ونجيب احلى فستان تحضر بيه كتب كتاب ابنها
يزن بغيرة
يا سلام وانا كمان هاخد عمري ونجيب احلى فستان تحضر بيه كتب كتابها
مهند
انت بتقلدني يلا
يزن
يا باشا انت مدرسة ومنك بنتعلم
مهند بغرور
ان كان كدا ماشي اتعلم براحتك بس مهما حاولت عمرك ما هتوصلي
يزن
محدش يقدر يعلى عليك يا باشا مصر كلها
❈-❈-❈
بعد كدا انتشر خبر كتب كتاب يزن ولوجي في العيلة كلها وكله بدا يسعد علشان الحفلة
ادم اول ما سمع كدا اصر ان الحفلة تكون حفلته هو ووعد هما كمان
وراح قابل رائد وشوق
ادم من فضلك يا دكتور رائد اقبل اقتراحي انا الفترة دي مفيش عندي مهمات بعيدة او مؤموريات يا عالم بكرة فيه ايه فليه ننتظر
رائد
ايه رايك يا شوق في حضرة الظابط المستعجل دا
شوق
يا واد اني لسه مفاتحة وعد في الموضوع امبارح اصبر بس تفكر
ادم
يا ماما شوق اسمحيلي اناديكي ماما شوق زي الكل ما بيعمل ما خلاص بقينا اهل .. بس خلاص طالما وعد معترضتش على المبدأ يبقى موافقة اكيد
شوق
احنا اهل يا ولدي وعشرة عمر ناديني ماما براحتك بس اوعى هناء تغير بس
ادم بفرحة
ربنا يخليكم ليا عمري ما هنسى فضلكم عليا ابدا بستأذنك يا دكتور رائد هروح اجيب ابوي من البلد وهرجع ونتكلم رسمي ونعمل الخطوبة في نفس الوقت وكل اللي حضرتك تطلبه هعمله
شوق
يا واد مستعجل ليه بس
ادم
غير البر عاجله واني استغليت الفرصة وسألت وعد وانكسفت وحطت وشها ف الارض فزي ما بيقولوا السكوت علامة الرضا
رائد
على خيرة الله حتى نلحق يوسف قبل ما يسافر تاني يا شوق
شوق
هنعمل خطوبة وعد ونور اختها مش اهنه!!!
رائد
ليه كدا يا شوق حرقتي المفاجئة
نور كلمتني هي وجوزها وجايين النهاردة بس هيتأخروا يعني هيوصلوا على بالليل ان شاء الله
شوق
والله صحيح هي دي الاخبار اللي تفرح نور وحشتني اوي
ادم
ربنا يفرح قلبك يا ابلة شوق يارب
شوق
ان شاء الله تسلم يا حبيبي ربنا يتمملك انت ووعد على خير
❈-❈-❈
وبالليل والكل كان مستعد للحفلة في وسط أجواء عائلية لطيفة وهادية الكل كان مبسوط وسعيد وخاصة بعودة نور وجوزها من السفر بعد سنين من الغربة
واول ما المأذون جه وكتب كتاب يزن ولوجي مقدرش ادم انه يسيبه يمشي من غير ما يكتب كتابه هو كمان ففضل يلح على دكتور رائد وسلط امه على ابلة شوق
لحد ما وافقوا ونال مراده وكتب كتابه هو كمان
يزن اوا ما كتب كتابه جري ناحية لوجي وشالها ولف بيها وهو بيقول
واخيرا واخيرا حب حياتي بقا ملكي انا وبس اخيرا اللي بتمناه حصل بحبك يا لوجي بحباااك
وبعد كدا نزلها وحضنها وهو بيقول
ايه محروجة ليه محدش له عندنا حاجة دلوقتي خلاص
لوجي كانت في قمة حرجها
والكل كان بيضحك على جنون يزن
ومهند يضحك ويقول
الواد تربيتي طالع لابوه رومانسي جدع يالا عايزك ترفع راسي كمان وكمان
اما ادم اللي لاول مرة يعرف يقعد لوحده مع وعد لوحدهم
قال
شايفة جنون يزن ايه رايك اعمل زيه
وعد اتصدمت
ايه لاااا اوعا تفكر تعملها
ادم
ليه لأ محروجة مني!! .. طب ايه رايك اني هعملها ولا هيهمني حد
وعد
ادم لالا اوعى تعملها بجد انا هتحرج اوي والدك ويوسف وابيه نبيل جوز نور قاعدين
ادم بصلها بمكر
لا وربنا طلعت في دماغي اشمعنا اني اني من زمان نفسي اتجنن واهو جيه وقته فينك يا واد يا مالك تيجي تشوف صاحبك
وقرب من وعد علشان يشيلها
ووعد قامت من مكانها تبعد عنه بكسوف
ادم لااا .. عاااا
فشالها ادم ولف بيها وهو بيقول مبروووك يا حرم ادم المصون
فصفر ليه يزن
ايوا بقا يا ادم يا جامد هو دا الكلام ولا بلاش... مبروك يا دودي
فانفجر الكل تاني في الضحك وسط أجواء كانت كلها فرحة
اما وعد اول ما ادم نزلها قالت بحرج
عاجبك اللي عملته دا يا ادم
ادم بحب
اه عاجبني ونفسي اكرره كمان وكمان وكل شوية حد يصدق يجاور القمر ويقول لا
وعد
انا مكنتش مفكرة انك كدا ابدا
ادم
كدا ايه؟؟
وعد
مجنون زي يزن
ادم ضحك
معلش اصل اللي بيتجوزوا بيتجننوا ما بالك اللي بيحب مراته وبيموت فيها كمان
وعد
يا سلام ومن امتا دا بقا
ادم
من زمان اوي يا وعد بس اني عمري ما ابين ديه ولا الفت نظرك لحاجة الا في وقتها والحمد لله صبرت ونولت وانتي احسن حاجة حصلتلي
اتشجعت وعد واعترفت بمشاعرها
وانا مش عارفة انا وافقت عليك ازاي اول ما مامي فاتحتني معرفش انا ازاي وافقت من غير ما افكر حتى مع انك عمرك ما جيت ف بالي اننا ممكن نتجوز
ادم بمكر
اني مترفضش يا بنتي انتي مغرمة بيا من وانتي عيلة بس مش دريانة
وعد
يا سيدي على الغرور
ادم
وماله متغرش ليه واني مراتي قطعة من القمر يا بختي بيكي يا وعد
شوق كانت بتوزع نظراتها على بنتها وعد هي وادم وعلى يزن ولوجي فدموعها نزلت
فقرب منها رائد
ايه دا بقا دي دموع الفرحة مش كدا!!
شوق
ممصدقاشي يا رائد ان العيال كبروا واتجوزوا كمان الحمد لله يارب اني شوفت اليوم ديه الحمد لله
رائد
الحمد لله ربنا يسعدهم يا حبيبتي بس ممكن تبطلي بكا بقا علشان انا مش متحمل دموعك دي
شوق ابتسمت بحرج
حاضر
اما عند مهند فقرب من ميار وهمس لها بحب
مبروك يا روحي ابنك الكبير اتجوز خلاص عقبال الليلة الكبيرة
ميار بفرحة
الله يبارك فيك يا حبيبي عقبال مالك هو كمان كان نفسي يكون معانا ومع اخوه في وقت زي دا
مهند
انتي عارفة طبيعة شغله ربنا يرجعه لينا بالسلامة.. بس سيبك انتي انا غرت من الواد يزن وعايز نطلع يومين اجازة انا وانتي
ميار ضحكت
يا سلام غيران من ابنك بعدين اجازة ايه دلوقتي ابنك محتاجك علشان تشطبوا الشقة وتخلصوا كل المطلوب للفرح انتوا مش حددتوا بعد اسبوعين
مهند
طب خلاص هتحمل وهصبر لبعد اسبوعين واول ما يزن يسافر لشهر العسل نسافر معاه اتفقنا؟
ضحكت ميار
هه فكرتني بخالد لما جه ورانا شهر العسل فاكر
مهند
لاااه دا كان جاي علشان يعكنن عليا انما انا هروح علشان اخطف يومين مع قمري بعيد عن العالم تفرق طبعا
فاتكسفت ميار وحطت وشها في الارض
مهند
لا انا كدا مش هتحمل الرقة دي اكتر تعالي نسافر دلوقتي
ميار
مهند!!
مهند
طب خلاص نخلص حاجة يزن وبعد كدا نطلع هو انا قولت غير كدا
ضحكت ميار
فاخدها مهند في حضنه
بحبك يا احلى حاجة في حياتي
❈-❈-❈
اما توبا فكانت بتتبص على الكل بفرحة وفي نفس الوقت محروجة من نفسها الكل حجمه طبيعي انما هي تخنت فوق العادة فأخدت جنب لوحدها وقعدت فيه مستغلة انشغال عساف ببنته وبقية بنات العيلة وهزاره معاهم
لكنها ااتفاجئت بيه قدامها وبيمسك ايديها
الجميل قاعد لوحده ليه مالك انتي تعبانة يا روحي؟
توبا
لا يا حبيبي مش تعبانة ولا حاجة اما كويسة
عساف
طب ايه قاعدة لواحدك ليه... تعالي البوفيه ناكل براحتنا جايبلك كل انواع الجاتوه اللي بتحبيها
توبا قاات بعصبية
بوفيه واكل هو انت كل لما تشوفني مش بتتكلم معايا غير عن الأكل كأني مش بفكر في حاجة غير الاكل وبس انت مفكرني ايه
عساف استغرب عصبيتها بس رجح الامر لهرومونات الستات اللي بتقلب علطول فقال
لا يا قلبي مش كدا خالص كل الحكاية ان دا فرح وعايزين نفرح والكل بيستنى مناسبة زي دي علشان ياكل حلويات لكن لو انتي مش عايزة دلوقتي تمام براحتك... ها تعالي نبارك للأولاد عقبال عسل بنتك ان شاء الله
توبا اخدت نفسك عميق وحاولت تداري ضيقها وراحت معاه
اما فداء كانت قاعدة لوحدها والحزن مخيم على قلبها فقعدت جنبها عسل
مالك يا طنط فداء عارفة ان حضرتك زعلانة علشان اياد مش موجود معانا مش كدا
فداء
اتحايلت عليه كتير يا عسل لكنه رفض رفض قاطع قالي اعمل ايه وسطيكم وانا مش واحد منكم تخيلي ابني بيقولي ايه انا مكنتش هاجي النهاردة واسيبه بس مقدرتش اتخلى عن شوق في يوم زي دا بس اياد بيقطع في قلبي اوي
عسل
انا مش مصدقة اللي حصل ومكنتش حابة عمو خالد يحكي ليه حاجة دلوقتي زي ما قعد طول السنين دي ميعرفش حاجة مكانش لازم يعرف دلوقتي
فداء
دا فعلا اللي كان لازم يحصل على الاقل دلوقتي لما العلاقة ما بينهم تتحسن واياد وضعه يستقر ويتجوز ويكون مستقل وقتها كان ممكن يقوله لكن دلوقتي مش وقته نهائي اياد يا حبيبي متدمر وانا مش عارفة اعمله ايه حاسة اني متكتفة انا ام وحشة اوي يا عسل انا مستحقش اكون امه
عسل
متقوليش كدا يا طنط حضرتك احسن واحن ام في الدنيا
فداء
حبيبتي يا عسل يا جميلة انتي .. بصي انا همشي هروح لاياد لو شوق سألت عليا فهميها انتي علشان متزعلش تمام
عسل
حاضر يا طنط متقلقيش
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
الفصل الرابع والأربعون
تم النشر الجمعة
21/2/2025
فجأة النور انطفا ومبقاش الجوكر شايف حاجة وشقهات وهمهمات كل اللي موجود بسبب انقطاع النور المفاجىء
وف اقل من دقيقة مالك استغل الفرصة وشد العقد من ايد الجوكر ولبسه لمادونا وشد ايدها وحطها على رقابتها على اساس يعني أنها اللي لبسته لنفسها
وف خلال ٣٠ ثانية كانت كافية لمالك ف انه يلبسها العقد النور جه من تاني
فبص الجوكر حواليه بيدور ع العقد فلقا مادونا لابساه وهي عملت انها كانت بتلبسه بنفسها
فقال ايه دا انتي لبستيه بنفسك سارا!!
سارة ابتسمت وقالت
اه العقد كان هيقع من ايدك لما النور قطع فلحقته ولبسته انا ميرسي اوي العقد انا وقعت في حبه خلاص
الجوكر بعيون زايغة
دا انا اللي وقعت في حبك يا حياتي انتي انا بلعن النور اللي قطع في الوقت دا وضيع عليا الفرصة الثمينة دي بس معلش تتعوض يا روحي
ابتسمتله مادونا بمجاملة اما مالك اللي كان سامع الحوار قال
جتك قصف روحك يا بعيد قال تتعوض ..ان مكانتش روحك هتكون على ايدي ما بقاش انا مالك
مادونا فضلت تتكلم شوية مع الجوكر وهو طبعا يغازل فيها ومالك تكة وينفجر وهو واقف والعبيط مش عارف ان كل بسبب غيرة الحب
مادونا
انا سمعت ان فيه حفل مزاد كبيرة هتتعمل خلال اسبوع يا ترى هتحضرها يا امجد بيه يسرني اني اكون متواجدة فيها علشان انت موجود فيها طبعا
رد الجوكر بغرور
هحضرها!! دا انا اللي محضرها والمزاد كله على شرفي وانتي هتكوني ضيفة الشرف فيها معايا
مادونا
واو دا شرف جامد ليا وثقة كبيرة انا افتخر بيها امجد بيه
الجوكر
الجميل يؤمر بس وأنا انفذ بس طبعا كل حاجة وليها مقابل ولا ايه
مادونا بعد ما غعمت قصده قالت بخداع
اكيد امجد بيه انا طوع امرك
جوكر
احبك وانت مطيع كدا دي هتكون احلى حفلة مزاد عملتها
مادونا
دا شىء اكيد طالما هكون معاك امجد بيه بس فيه مشكلة واحدة بس
الجوكر
مشكلة!! مفيش اي مشكلة على وجه الارض ممكن تقابلك وانا موجود
مادونا
انت ناسي اني متجوزة جو يا امجد بيه ولو عرف اني هحضر الحفلة هيزعل انه مش جاي معايا وممكن يقلبها مشكلة
جوكر
انتي عايزة تكوني معايا ولا معاه ف الحفلة سارا؟؟
سارة
معاك اكيد امجد بيه انا وجو اتفقنا اننا كل واحد يعيش حياته زي ما هو عايز هو اختار بيري وانا اخترتك انت جو مفيش وجه مقارنة بينكم اصلا لكن علاقتنا انا وجو هتكون مجرد اسم بس من اول ما عرفتك هتكفي بيك وبس
كلام مادونا زغلل عين الجوكر وزاد غروره وقال
تمام يعني هو عايز كارت دعوة ليه ولبيري علشان يدخلوا حفل المزاد؟؟
مادونا
اكيد علشان اشغلهم عني وعنك امجد بيه
جوكر شاور للحرس بتوعه فقربوا منه
جوكر كرتين دعوة حالا وكارت دعوة خاص ومميز جدا لسارا
ابتسمت مادونا بفرحة لان اللي هي عايزاه عملته وحصلت على كروت الدعوة اللي هيدخلوا بيها المزاد من غير اي قيود
ولما خلصت المقابلة وركبت تاكسي علي اللي كان في انتظارها
ولسه هتتكلم شاورلها علي تسكت وشاور على العقد اللي ف رقبتها
ففهنت وخلعته حطته على جهاز معاه
وبعدين قال
تمام العقد حقيقي مفيهوش اي جهاز تتبع او جهاز تجسس تقدري تستخدميه عادي بعد بعد ما احط عليه التاتش بتاعي
وكان يقصد كاميرا المراقبة اللي هتسجل كل اللي هيحصل في المزاد
ولما وصلت
كان مالك قاعد على الكنبة واول ما شافته انخرطت في الضحك
مالك
بتضحكي على ايه بلياتشو قدامك ولا مقابلتك مع الجوكر نستك نفسك وخلت مزاجك عالي ها
مادونا
لا دا ولا دا بضحك عليك بقا عامل ويتر يا مالك وجاي ورايا طب ليه عايز ايه وتقصد ايه من كل دا مش فاهماك انت مش واثق من قدرتي على اداء مهمتي ولا ايه؟؟
اتوتر مالك لانه مكانش عارف يرد عليها والغبية هي كمان مش قادرة تفسر دا بانه غيرة الحب
فقال
اكيد كان لازم اطمن انك هتأدي المهمة بنجاح ولا هتكسفينا ومتقدريش تقنعي الجوكر وتاخدي منه كروت الدعوة
اتضايقت مادونا من كلامه اللي استفزها وخرجت من شنطتها كروت الدعوة ورمتها في وشه
من غير ولا كلمة ودخلت اوضتها
فمالك مسك كروت الدعوة وقال
انا ضايقتها ولا ايه!!
❈-❈-❈
دخلت لوجي مكتب امير فكان مهند معاه
لوجي
صباح الخير يا بابي .. ايه دا عمو مهند هنا صباح الخير يا عمو
مهند قام بنفسه واخدها في حضنه
صباح الخير يا روح قلب عمو عاملة ايه يا روحي
لوجي
انا كويسة الحمد لله يا عمو اخبار حضرتك ايه
مهند
انا كويس يا حبيبتي
امير
تعالي يا لوجي ها اتكلمتي مع يزن زي ما قولتلك؟؟
لوجي
اه يا بابي اتكلمنا
مهند
ايه دا بقا لا متقولش انك طلبت من لوجي تروح ليزن مكتبه وتكلمه لا هتتحسد يا اخي انت امير بجد ولا انا بتخيل
امير
اه يا مهند بجد ودا السبب اني قولتلك تعالى عايزك مكتبي اتكلم معاك.. كنت عايز نحدد معاد كتب الكتاب والفرح ونخلص كل الحاجات اللي الاولاد محتاجينها
مهند مكانش مصدق نفسه
لا حقيقي انا مش مصدق دا الواد يزن امه دعياله النهاردة الظاهر كدا .. وانتي يا لوجي بلغتي يزن بالكلام دا
لوجي بحرج
اه يا عمو بلغته
مهند بفرحة
تمام على خيرة الله شوف انتوا عايزين المواعيد امتا وانا معاكم المهم يكون على راحة عروستنا القمر تعالي هنا هاتي بوسة لعمو يا حبيبة عمو
في الوقت دا دخل يزن وقال
لااا خيانة ابويا وخطيبتي بقا كدا يا مهند متجيش الا منك طب راعي ابنك الغلبان اللي حب ولا طالشي
مهند ضحك
لا افرح يا عم اخيرا عمك امير رضي عنك وكتب كتابكم الاسبوع الجاي واحتمال فرحكم كمان ها كدا مبسوط
يزن كان طاير من الفرحة
لا بتهزروا انا في حلم ولا علم يا ناس بجد طب حد يقرصني كدا
مهند
ولا مش وقت هزار احنا ف ساعة الجد متجيش الشركة تاني وشوف ايه اللي ناقصك ف شقتك واعمله لو اتأخرت هيكون التأخير من عندك انت
يزن
لالا كل حاجة هتجهز في يوم وليلة متقلقش انت يا بابا او هنتجوز من بكرة انا مستعد
هنا لوجي اتحرجت فقال امير
طب تمام يلا يا لوجي تعالي هوصلك
يزن اعترض
لا وربنا ابدا ولا هيحصل محدش هيوصلها غيري
امير
لما تكتب الكتاب لسه اسبوع
يزن
لا واسبوع ليه انا نازل اجيب المأذون حالا انا مش هصبر اكتر من كدا
مهند
يخربيت شيطانك انت عايز تكتب كتابك من غير شوق دي كانت تكدرنا كلنا
يزن
لا لا ماما شوق هتقدر حالتي انا عارف
مهند
طب خليها النهاردة بالليل نعمل احلى حفلة للوجي علشان كل العيلة تكون موجودة ايه رايك يا امير
امير
ايه رايك يا لوجي
لوجي بحرج
اللي حضرتك تشوفه يا بابي انت وعمو
يزن
رقة قلبي يا ناس الليل امتا يجي بقا
امير اتغاظ من يزن
مهند لم ابنك بدل ما ارجع في كلامي
مهند
مجنون وتعملها ولا يا ييزن لم نفسك لحد بالليل واعمل ما بدالك... اما الحق اخد قمري ونجيب احلى فستان تحضر بيه كتب كتاب ابنها
يزن بغيرة
يا سلام وانا كمان هاخد عمري ونجيب احلى فستان تحضر بيه كتب كتابها
مهند
انت بتقلدني يلا
يزن
يا باشا انت مدرسة ومنك بنتعلم
مهند بغرور
ان كان كدا ماشي اتعلم براحتك بس مهما حاولت عمرك ما هتوصلي
يزن
محدش يقدر يعلى عليك يا باشا مصر كلها
❈-❈-❈
بعد كدا انتشر خبر كتب كتاب يزن ولوجي في العيلة كلها وكله بدا يسعد علشان الحفلة
ادم اول ما سمع كدا اصر ان الحفلة تكون حفلته هو ووعد هما كمان
وراح قابل رائد وشوق
ادم من فضلك يا دكتور رائد اقبل اقتراحي انا الفترة دي مفيش عندي مهمات بعيدة او مؤموريات يا عالم بكرة فيه ايه فليه ننتظر
رائد
ايه رايك يا شوق في حضرة الظابط المستعجل دا
شوق
يا واد اني لسه مفاتحة وعد في الموضوع امبارح اصبر بس تفكر
ادم
يا ماما شوق اسمحيلي اناديكي ماما شوق زي الكل ما بيعمل ما خلاص بقينا اهل .. بس خلاص طالما وعد معترضتش على المبدأ يبقى موافقة اكيد
شوق
احنا اهل يا ولدي وعشرة عمر ناديني ماما براحتك بس اوعى هناء تغير بس
ادم بفرحة
ربنا يخليكم ليا عمري ما هنسى فضلكم عليا ابدا بستأذنك يا دكتور رائد هروح اجيب ابوي من البلد وهرجع ونتكلم رسمي ونعمل الخطوبة في نفس الوقت وكل اللي حضرتك تطلبه هعمله
شوق
يا واد مستعجل ليه بس
ادم
غير البر عاجله واني استغليت الفرصة وسألت وعد وانكسفت وحطت وشها ف الارض فزي ما بيقولوا السكوت علامة الرضا
رائد
على خيرة الله حتى نلحق يوسف قبل ما يسافر تاني يا شوق
شوق
هنعمل خطوبة وعد ونور اختها مش اهنه!!!
رائد
ليه كدا يا شوق حرقتي المفاجئة
نور كلمتني هي وجوزها وجايين النهاردة بس هيتأخروا يعني هيوصلوا على بالليل ان شاء الله
شوق
والله صحيح هي دي الاخبار اللي تفرح نور وحشتني اوي
ادم
ربنا يفرح قلبك يا ابلة شوق يارب
شوق
ان شاء الله تسلم يا حبيبي ربنا يتمملك انت ووعد على خير
❈-❈-❈
وبالليل والكل كان مستعد للحفلة في وسط أجواء عائلية لطيفة وهادية الكل كان مبسوط وسعيد وخاصة بعودة نور وجوزها من السفر بعد سنين من الغربة
واول ما المأذون جه وكتب كتاب يزن ولوجي مقدرش ادم انه يسيبه يمشي من غير ما يكتب كتابه هو كمان ففضل يلح على دكتور رائد وسلط امه على ابلة شوق
لحد ما وافقوا ونال مراده وكتب كتابه هو كمان
يزن اوا ما كتب كتابه جري ناحية لوجي وشالها ولف بيها وهو بيقول
واخيرا واخيرا حب حياتي بقا ملكي انا وبس اخيرا اللي بتمناه حصل بحبك يا لوجي بحباااك
وبعد كدا نزلها وحضنها وهو بيقول
ايه محروجة ليه محدش له عندنا حاجة دلوقتي خلاص
لوجي كانت في قمة حرجها
والكل كان بيضحك على جنون يزن
ومهند يضحك ويقول
الواد تربيتي طالع لابوه رومانسي جدع يالا عايزك ترفع راسي كمان وكمان
اما ادم اللي لاول مرة يعرف يقعد لوحده مع وعد لوحدهم
قال
شايفة جنون يزن ايه رايك اعمل زيه
وعد اتصدمت
ايه لاااا اوعا تفكر تعملها
ادم
ليه لأ محروجة مني!! .. طب ايه رايك اني هعملها ولا هيهمني حد
وعد
ادم لالا اوعى تعملها بجد انا هتحرج اوي والدك ويوسف وابيه نبيل جوز نور قاعدين
ادم بصلها بمكر
لا وربنا طلعت في دماغي اشمعنا اني اني من زمان نفسي اتجنن واهو جيه وقته فينك يا واد يا مالك تيجي تشوف صاحبك
وقرب من وعد علشان يشيلها
ووعد قامت من مكانها تبعد عنه بكسوف
ادم لااا .. عاااا
فشالها ادم ولف بيها وهو بيقول مبروووك يا حرم ادم المصون
فصفر ليه يزن
ايوا بقا يا ادم يا جامد هو دا الكلام ولا بلاش... مبروك يا دودي
فانفجر الكل تاني في الضحك وسط أجواء كانت كلها فرحة
اما وعد اول ما ادم نزلها قالت بحرج
عاجبك اللي عملته دا يا ادم
ادم بحب
اه عاجبني ونفسي اكرره كمان وكمان وكل شوية حد يصدق يجاور القمر ويقول لا
وعد
انا مكنتش مفكرة انك كدا ابدا
ادم
كدا ايه؟؟
وعد
مجنون زي يزن
ادم ضحك
معلش اصل اللي بيتجوزوا بيتجننوا ما بالك اللي بيحب مراته وبيموت فيها كمان
وعد
يا سلام ومن امتا دا بقا
ادم
من زمان اوي يا وعد بس اني عمري ما ابين ديه ولا الفت نظرك لحاجة الا في وقتها والحمد لله صبرت ونولت وانتي احسن حاجة حصلتلي
اتشجعت وعد واعترفت بمشاعرها
وانا مش عارفة انا وافقت عليك ازاي اول ما مامي فاتحتني معرفش انا ازاي وافقت من غير ما افكر حتى مع انك عمرك ما جيت ف بالي اننا ممكن نتجوز
ادم بمكر
اني مترفضش يا بنتي انتي مغرمة بيا من وانتي عيلة بس مش دريانة
وعد
يا سيدي على الغرور
ادم
وماله متغرش ليه واني مراتي قطعة من القمر يا بختي بيكي يا وعد
شوق كانت بتوزع نظراتها على بنتها وعد هي وادم وعلى يزن ولوجي فدموعها نزلت
فقرب منها رائد
ايه دا بقا دي دموع الفرحة مش كدا!!
شوق
ممصدقاشي يا رائد ان العيال كبروا واتجوزوا كمان الحمد لله يارب اني شوفت اليوم ديه الحمد لله
رائد
الحمد لله ربنا يسعدهم يا حبيبتي بس ممكن تبطلي بكا بقا علشان انا مش متحمل دموعك دي
شوق ابتسمت بحرج
حاضر
اما عند مهند فقرب من ميار وهمس لها بحب
مبروك يا روحي ابنك الكبير اتجوز خلاص عقبال الليلة الكبيرة
ميار بفرحة
الله يبارك فيك يا حبيبي عقبال مالك هو كمان كان نفسي يكون معانا ومع اخوه في وقت زي دا
مهند
انتي عارفة طبيعة شغله ربنا يرجعه لينا بالسلامة.. بس سيبك انتي انا غرت من الواد يزن وعايز نطلع يومين اجازة انا وانتي
ميار ضحكت
يا سلام غيران من ابنك بعدين اجازة ايه دلوقتي ابنك محتاجك علشان تشطبوا الشقة وتخلصوا كل المطلوب للفرح انتوا مش حددتوا بعد اسبوعين
مهند
طب خلاص هتحمل وهصبر لبعد اسبوعين واول ما يزن يسافر لشهر العسل نسافر معاه اتفقنا؟
ضحكت ميار
هه فكرتني بخالد لما جه ورانا شهر العسل فاكر
مهند
لاااه دا كان جاي علشان يعكنن عليا انما انا هروح علشان اخطف يومين مع قمري بعيد عن العالم تفرق طبعا
فاتكسفت ميار وحطت وشها في الارض
مهند
لا انا كدا مش هتحمل الرقة دي اكتر تعالي نسافر دلوقتي
ميار
مهند!!
مهند
طب خلاص نخلص حاجة يزن وبعد كدا نطلع هو انا قولت غير كدا
ضحكت ميار
فاخدها مهند في حضنه
بحبك يا احلى حاجة في حياتي
❈-❈-❈
اما توبا فكانت بتتبص على الكل بفرحة وفي نفس الوقت محروجة من نفسها الكل حجمه طبيعي انما هي تخنت فوق العادة فأخدت جنب لوحدها وقعدت فيه مستغلة انشغال عساف ببنته وبقية بنات العيلة وهزاره معاهم
لكنها ااتفاجئت بيه قدامها وبيمسك ايديها
الجميل قاعد لوحده ليه مالك انتي تعبانة يا روحي؟
توبا
لا يا حبيبي مش تعبانة ولا حاجة اما كويسة
عساف
طب ايه قاعدة لواحدك ليه... تعالي البوفيه ناكل براحتنا جايبلك كل انواع الجاتوه اللي بتحبيها
توبا قاات بعصبية
بوفيه واكل هو انت كل لما تشوفني مش بتتكلم معايا غير عن الأكل كأني مش بفكر في حاجة غير الاكل وبس انت مفكرني ايه
عساف استغرب عصبيتها بس رجح الامر لهرومونات الستات اللي بتقلب علطول فقال
لا يا قلبي مش كدا خالص كل الحكاية ان دا فرح وعايزين نفرح والكل بيستنى مناسبة زي دي علشان ياكل حلويات لكن لو انتي مش عايزة دلوقتي تمام براحتك... ها تعالي نبارك للأولاد عقبال عسل بنتك ان شاء الله
توبا اخدت نفسك عميق وحاولت تداري ضيقها وراحت معاه
اما فداء كانت قاعدة لوحدها والحزن مخيم على قلبها فقعدت جنبها عسل
مالك يا طنط فداء عارفة ان حضرتك زعلانة علشان اياد مش موجود معانا مش كدا
فداء
اتحايلت عليه كتير يا عسل لكنه رفض رفض قاطع قالي اعمل ايه وسطيكم وانا مش واحد منكم تخيلي ابني بيقولي ايه انا مكنتش هاجي النهاردة واسيبه بس مقدرتش اتخلى عن شوق في يوم زي دا بس اياد بيقطع في قلبي اوي
عسل
انا مش مصدقة اللي حصل ومكنتش حابة عمو خالد يحكي ليه حاجة دلوقتي زي ما قعد طول السنين دي ميعرفش حاجة مكانش لازم يعرف دلوقتي
فداء
دا فعلا اللي كان لازم يحصل على الاقل دلوقتي لما العلاقة ما بينهم تتحسن واياد وضعه يستقر ويتجوز ويكون مستقل وقتها كان ممكن يقوله لكن دلوقتي مش وقته نهائي اياد يا حبيبي متدمر وانا مش عارفة اعمله ايه حاسة اني متكتفة انا ام وحشة اوي يا عسل انا مستحقش اكون امه
عسل
متقوليش كدا يا طنط حضرتك احسن واحن ام في الدنيا
فداء
حبيبتي يا عسل يا جميلة انتي .. بصي انا همشي هروح لاياد لو شوق سألت عليا فهميها انتي علشان متزعلش تمام
عسل
حاضر يا طنط متقلقيش
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
