رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الواحد والأربعون

تم النشر الثلاثاء

4/2/2025

اتقابل مالك مع بيري ووصلوا للمكان المتفق عليه علشان يدخلوا الحفلة وهتعجب بشكله وهيئته 

فتقول بإعجاب واضح عليها ولاحظه مالك

واو تبدو جذابا جدا جو  انت وسيم للغاية وزادتك تلك الملابس اناقة وجاذبية منقطعة النظير اكاد أدوب من فرط وسامتك 

رد عليها مالك مدعي الابتسامة وفي نفس الوقت قال بثقة كبيرة في نفسه 

انتي جميلة علشان كدا شايفة كل حاجة جميلة حواليكي ايتها الفاتنة ... ها هندخل الحفلة وتنفذي الاتفاق اللي ما بينا وتعملي اللي طلبته منك!!! 

بيري

حسنا هعمل كل اللي تطلبه بشرط تنفذ  ما طلبته منك انت تكون لي ولو ليلة واحدة جو فأنا بت احبك كثيرا 

بلع مالك ريقه بتوتر لكنه قدر يخفيه ببراعة وقال 

اه اه طبعا طبعا مقدرش ارفضلك طلب بشرط اللي طلبته يتنفذ مظبوط 

اتحمست بيري جدا وقالت بثقة 

اعتبره  اتنفذ جو لا تقلق 

مالك ابتسم 

حسنا هيا لندخل... تقدمي جميلتي فالسيدات اولا... 

قال كدا علشان يفلت من لمسها ليه لانه بيحاول بقدر الامكان انه ميحتكش بيها بس من غير ما يلفت نظرها لدا 

وفي الحفلة قدر مالك انه يلفت انظار البنات كلهم وكانوا بيحسدوا بيري على مالك وكلهم جايين يتعرفوا عليه 

بيري بغيرة 

يبدو انني لست الوحيدة التي فتنت بك ايها الوسيم فالفتيات اغرمن بك وكلهم لديهن حق فالجمال الشرقي لا يقاوم 

غمز لها مالك وقال 

لست وحدي الفاتن هنا جميلتي فالرجال اعينهم عليكي وبالأخص ذاك الرجل ما رايك في الذهاب إليه وتنفيذ ما طلبته منكِ 

بيري بغيرة وهي بتبص للبنات 

لكن لكن اخشى ان تميل لاحداهن وانا غائبة عنك 

مالك 

انتِ الاصل فاتنتي سأضيع معهن بعض الوقت حتى تنتهين مما تقومين به وتعودين لي بالبشرى انتظرك على نار جميلتي 

بيري

 حسنا لك ذلك إلى اللقاء لن أتأخر عليك 

❈-❈-❈

اما على الجانب التاني 

مادونا وبعد ما حطت فكرة الانتقام دي على جنب شوية لحد ما يكون عندها دليل اصبحت دماغها خالية وبدأت تشوف مالك بطريقة غير اللي كانت شايفاه بيها قبل كدا والأصل في الاول مكانتش شايفاه من اساسه لكن الليلة كان جميل اوي لابس ومتشيك بشكل انيق ويلفت الانظار حتى انظارها هي كمان ولما افتكرت انه رايح الحفلة مع غيرها وهي المفروض اللي تروح 

حست بالغيرة وقالت ف نفسها 

بقا عايز تروح الحفلة مع اللي اسمها بيري دي اللي بقيت تخرج معاها كتير في الفترة الأخيرة وتسيبني طب انا هوريك ازاي تختارها هي وتسيبني اكيد مش واثق فيا بس انا هعرف ازاي اخليك تندم على قرارك انك مأخدتنيش معاك 

وراحت على دولابها واختارت افضل فستان عندها كان باللون البنفسجي الغامق وكان جميل اوي عليها خلاها ملكة جمال فعلا 

وراحت على الحفلة اللي هي عارفة مكانها كويس ووقفت محتارة شايفة كلهم بيدخلوا كابلز وهي مش معاها حد  

فقرب منها واحد ومد ايده وهو بيقول برومانسية 

السينيوريتا لا تدخل وحدها... تعالي معي سينيوريتا انتي فاتنة للغاية 

لما بصتله مادونا ظن هو انها هتوافق على طلبه وتدخل معاه فاتسعت ابتسامته 

لكنه لقاها بتبصله بقرف وتجاهلته تماما وشالت فستانها المنفوش ومشيت في طريقها لجوة بغرور وثقة معهودة عنها 

اما جوا كانت بيري قدرت بمهارتها في توقيع الرجال انها تعرف كل المعلومات اللي طلبها منها مالك بسهولة من الرجل المطلوب ولما خلصت مهمتها خلعت منه بمهارة ورجعت لمالك اللي لما شاف بيري بتقرب منه وبتغمز ليه قدر يخلع هو كمان من البنات اللي حواليه وقرب منها 

ها عملتي ايه بشريني بيري 

بيري بغرور 

قلت لك لا تقلق فأنا بيري امر بسيط كهذا لا يستعصي علي اعطني ورقة وقلم وسأدون لك كل ما عرفته واختر ما تريده وتجاهل الأخر 

اتسعت ابتسامة مالك لان بيري سهلت عليه الدنيا 

احسنتِ بيري أنتِ الأفضل 

ابتسمت بيري وقربت من مالك وحطت ايديها على كتفه وقالت بدلال 

اذا متى ستفعل ما طلبته منك 

حاول مالك انه يدور ع اي حجة علشان يمشي ويهرب منها فاللي قرب منها علشانه خلاص حصل عليه 

في الوقت دا دخلت مادونا وبدات تدور بعنيها بين الحضور على مالك 

فكل اللي بيشوفها بيوسع ليها الطريق في مشهد زي افلام الكارتون وكأنها سندريلا في فستانها الجميل الخاطف للأنظار وهي مش مهتمة بأي حد من الحضور وماشية ورافعة فستانها بإيديها ببراءة وبتدور ع مالك ولما شافته سرعت في خطواتها اكتر ناحيته وخاصة بعد ما شافت قرب بيري المهلك من مالك وابتسامته ليها مكانتش تعرف ان ابتسامته دي مجرد مجاملة ومش اكتر وان اللي بيعمله دا جزء من شغله وانه مضطر يعمل وكدا علشان ومهمته تنجح 

اما هو فمكانش منتبه لوجود مادونا لكن مع همهمات الناس حواليه ونظرات الإعجاب والاطراءات من الرجال بص قدامه يشوف بيتكلموا عن مين فلقى الكل موجه انظاره ليها ولقاها هي كمان بتبص عليه 

فانصدم لما شافها قدامه وكمان قصدمته اكتر بالفستان اللي هي لابساه وهو لسه يادوب مصرح لها انها مينفعش تخرج بفساتينها دي 

فلما لقاها قدامه الدم فار في عروقه والغضب اتملك منه وقال في نفسه 

يخربيت شيطانها ايه اللي جابها  دي وعاملة في نفسها ليه كدا 

ولسه هيتحرك ناحيتها لقا جمع من الشباب التم حواليها 

وهو كمان بيري مسكته من ايده وقالت

جو اين تذهب انا هنا معك لا تتركني 

فبقى مالك مكانه وعنيه مسلطة على مادونا 

ومادونا بقت تحاول تشرأب برجليها علشان تشوف مالك بيعمل ايه 

بدأت الشباب تعرض على مادونا الرقص 

تسمحيلي بالرقصة دي سينيوريتا 

اول ما مالك سمع كدا مقدرش يتحمل وبعد ايد بيري عنه وجري عليها بعصبية مفرطة وخاف تتجنن وتسمع كلام واحد منهم وترقص معاه  

قرب منها 

وشد ايديها جامد ومشاها معاه غصب عنها من غير ما ينطق بحرف واحد 

فشقهت هي بصدمة من اللي عمله لانها متوقعتش رد فعله دا ابدا 

وفضلت ماشية معاه بتجري بتحاول تحصله بس مش عارفا بسبب الهيلز اللي لابساه فكانت بتتعثر وهتقع 

فسحبت ايديها ووقفت وهي بتقول بحدة 

جو بتعمل ايه انا كدا هقع ممكن تقف شوية وتفهمني فيه ايه علشان تسحبني كدا انا مش انيمال علشان تتصرف كدا 

مالك حاول يتحكم في عصبيته علشان مينساش مهمته 

امشي قدامي سارة والا هوريكي شغلك قدام الناس واللي يحصل يحصل 

مادونا 

ايه في ايه لكل دا مش انت لوحدك اللي عايز تروح الحفلة انا كمان عايزة احضرها 

مالك 

طب اتفضلي امشي قدامي مش هنعرف نتكلم هنا 

مادونا 

لا الحفلة لسه مخلصتش انا لسه يادوب واصلة مش همشي دلوقتي 

مالك 

قسما بالله لو ما اتحركتي دلوقتي لأكون كاسر دماغك الناشفة دي نصين اتحركي قدامي 

ولسه مادونا هتتحرك لقوا واحد بيوقفهم 

ماذا هناك سينيوريتا هل هذا الرجل يختطفك اخبريني وسأطلب لك النجدة 

مالك بغيرة مش واخد باله منها 

انا اللي هطلب لك النجدة ان ممشتش من هنا وحالا السينيوريتا التي تتكلم عنها هي زوجتي ايها المغفل 

الرجل 

اووه زوجتك يالا حظك انها حقا فاتنة

 

بصله مالك بحدة فانصرف الرجل بسرعة وخوف 

بص مالك لمادونا 

عاجبك المهزلة اللي انتي عاملاها دي 

مادونا 

 ايه فيه ايه الراجل عبر عن اعجابه بشىء جميل شايفه ايه المشكلة ما انا متعودة ع كدا 

مالك بغضب 

ما المشكلة انك مش شايفة اي مشكلة يختي امشي قدامي 

ولما جت مادونا تتحرك وفي داخلها ابتسامة اخفتها فهي عجبها غيرته عليها لقته بيقول استني 

وقفت وقالت 

ايه تاني رجعت في رايك هندخل سوا الحفلة 

مالك خلع جاكيته ولبسه ليها 

اتنيلي البسي دا اخلصي 

كشرت مادونا واتضايقت من أسلوبه لانها توقعت انه يكون اكتر رومانسية 

فاخدته ولبسته من سكات 

وقف مالك تاكسي ولسه هيركب لقا بيري بتلحقه وبتقول 

جو هتمشي وتسيبني هل ستنسى وعدك لي جو 

مالك 

لن انسى اعدك بيري لكن الان دعيني امشي 

بيري 

هل ستتركني من اجلها جو 

مالك 

هي زوجتي بيري زوجتي اتفهمين 

بيري بصدمة 

اووه جو حسنا لكنك لي أيضا لن اتخلى عنك 

مالك سابها وركب التاكسي وطلب من السواق يطلع 

مادونا 

وعدتها بإيه دي وبتطلبه منك ها!

مالك تجاهلها ومردش عليها 

مادونا بغيظ

سألتك سؤال مش بترد ليه انا بكلمك على فكرة 

مالك ببرود 

انا مش ملزم ارد عليكي وبعدين سيبيني ساكت علشان لو اتكلمت هنفجر فيكي ومش هتلومي الا نفسك 

مادونا 

كل دا علشان جيت الحفلة وعطلت لقاءك انت واللي اسمها بيري دي 

مالك 

انتي بوظتي الورقة وكنتي هتقطعيها 

"ودي كلمة كانت سيم بينهم "

مادونا بشك 

انت عايز تفهمني ان الورقة دي كانت مهمة 

مالك 

جدا جدا وفوق ما تتصوري بس انتي اللي غبية وبتتصرفي من دماغك 

مادونا بغضب 

انا مش هسمحلك تغلط 

مالك 

لا اسمح ولا ما اسمحش اسكتي دلوقتي لينا مكان نتحاسب فيه يا هانم 

مادونا 

بلاش تتصرف وكأنك مهتم لأمري وكأني أعني ليك شىء 

مالك 

انتي نسيتي انك مراتي يا هانم 

جت مادونا ترد شاور لها مالك تسكت 

اشش ولا كلمة قولت لينا مكان نتكلم فيه 

هنا اتخلى السواق عن صمته وقال 

ايه يا حضرات دا وقت خناق ما تستهدوا بالله مينفعش كدا ولا دا مكانه 

مالك 

 قولها يا عم انا من بدري بقولها اسكتي 

وبعدين انتبه مالك ان اللي بيكلمه عربي فبصله بتركيز ودقق النظر فيه وقال 

ايه دا هو انت يخربيت كدا مش تزمر يعني من بدري خلينا ناخد راحتنا في الخناق بدل ما احنا عمالين نتكلم بالألغاز كدا 

ضحك السواق اللي هو ف الاصل علي المساعد والدليل بتاعهم 

كل دا ومش اخدين راحتكم في الخناق اومال لو كنتم اخدين راحتكم كنتوا عملتوا ايه .. كنتوا شديتوا في شعور بعض ... انتوا بنظامكم دا هتتكشفوا قولتكم كل خطوة ليكم بحساب ليه مش عايزين تفهموا دا.. لما بتخرجوا لوحدكم بتكونوا برفكت ولا غلطة لما تنضموا لبعض بتتخانقوا مش هينفع كدا 

مالك لمادونا 

عاجبك جبتيلنا الكلام 

مادونا 

انت السبب انت اللي علطول تتنرفز وتزعق وعامل نفسك سي السيد وعايز تتحكم فيا 

مالك 

الحكاية مش كدا الحكاية انك مستفزة وطريقة لبسك اكتر استفزاز 

مادونا 

والله انت مالك انا حرة اعمل اللي انا عايزاه وملكش دعوة البس اليه وملبسش ايه ياريت تفهم دا

مالك 

لا يا هانم انتي غلطانة طول ما انتي على ذمتي فأنتي مسؤلة مني وكلامي اللي اقوله يتسمع وممنوع تخالفيه لاني مش هسمحلك ابدا وان كنت تغاضيت عن حاجات كتير فدا بمزاجي علشان المهمة مش اكتر غير كدا مش هسمح وبقولهالك يا مادونا لو شوفتك خرجتي بالفستان دا تاني انا مش عايز اقولك هعمل فيكي ايه 

مادونا 

 انت بتهددني مثلا سامع يا علي كلامه واسلوبه 

مالك 

والله سميها زي ما تسميها 

مادونا 

خليك شاهد يا علي علشان انا اول ما نرجع مصر وتخلص المهمة البغيضة دي انا هكتب فيه مذكرة على اللي بيعمله 

مالك

انا بدعي من كل قلبي المهمة تخلص النهاردة قبل بكرة علشان اخلص منك انتي قبل اي شىء 

مادونا 

اه ما انت اللي اسمها بيري عجبتك مش كدا ايه ناوي تنزلها معاك مصر 

مالك بمكر

وانتي مالك اعمله اللي اعمله تعجبني انزلها معايا مصر او حتى اتجوزها انتي يهمك في ايه 

مادونا 

لا طبعا يهمني انت ناسي اننا متجوزين مش دا كلامك كل شوية؟؟ 

مالك 

مش ناسي بس انتي مش معترفة بدا مش دا كلامك بردو من شوية!! 

مادونا 

انت بتردهالي ولا بتتهرب من الجواب على سؤالي يا مالك 

هنا مالك تعمد انه يتجاهلها تماما وبث لعلي وقال 

ايه يا ابني فيه جديد ولا ايه علشان تقابلنا في التاكسي يعني 

علي 

ايوا جايلي تعليمات انكم تسرعوا المهمة وكله يتم في حفل المزاد اللي هيتعرض كمان اسبوع اظن انت قدرت تجيب المعلومات المطلوبة ولا لسه!! 

مالك طلع الورقة اللي كتبتها بيري من جيبه 

لا جبتها طبعا امسك اهي شوفها 

علي باعجاب 

لا حقيقي انت طلعت نمس ومش سهل مكنتش اتوقع دا منك ولا  كان باين عليك 

مفهمش مالك قصده فقال بعدم فهم

مش باين عليا ايه مش فاهم 

علي غمزله 

يعني كنت مفكرك لخمة وانت طلعت مقطع السمكة وديلها كنت خايف عليك من بيري طلع يتخاف منك والبنت مأخدتش في ايدك غلوة وعرفت توقعها وتخليها زي الخاتم في صوابعك وتعملك كل اللي تطلبه 

مالك رفع حاجبه بمكر وقال وهو قاصد يغيظ مادونا 

اه طبعا يا ابني اومال انت فاكر ايه انا لو حطيت حاجة في دماغي يبقى هعملها يعني هعملها وكمان مفيش ولا بنت تقول لمالك لأ انا بس اللي مش شاغل بالي بالأمور النسائية دي بسبب ظروف شغلي 

علي 

ايوا بقا يا مالك باشا يا عمهم البنت فعلا هتموت عليك دا انت لو قولتها ارمي نفسك ف البحر هتعمل دا ومش هي وبس كل اللي ف الحفلة كمان 

مالك افضلوا قروا بقا اعمل ايه يعني البنات هتموت عليا فضل من ربنا احسدونا بقا 

بعدها فضل مالك وعلي يضحكوا ويهزروا مع بعض 

ومادونا قاعدة هتموت من الغيظ.. يا ترى دي غيرة ولا ايه

❈-❈-❈

مالك استغرب من سكوت شوق بعد اندهاشها من طلبه فقال 

ايه مالك يا ابلة شوق معملتيش اي رد فعل يعني ولا علقتي حتى اني عارف اني مش قد المقام ولا اليق اني اناسب احسن عائلات زي عيلة الأبلة شوق دكتور رائد .. بس بصراحة اني فكرت فيها اني رايد اتجوز ولو دورت ولفيت العالم كلياته مش هلاقي افضل من بنت الابلة شوق في ادبها وتربيتها واخلاقها الرفيعة .. لكن بم ان الموضوع صدمك أكده يبقى اعتبريه ولا كأني قولتلك حاجة يا ابلة شوق اني اسف..

ولف ادم علشان يمشي 

فقالت شوق 

واه يا ادم يا ولدي هو ديه كلام بردك انت شرف لأي حد انه يناسبك كفاية اخلاقك ورجولتك وشهامتك اللي ومهياش عند حد دا غير انك تربيتي يا ولاه وكمان وابن هناء الحبابة الغالية على قلبي .. لكن الفكرة انك فاجئتني متوقعتش حد يطلب مني طلب زي ديه دلوك خالص 

ادم 

ليه يا ابلة شوق عايزة تفهميني ان وعد مجالهاش خطاب خالص قبل اكده!! اكيد جالها ياما وعد اللهم بارك ونعم البنات 

شوق 

ايوا اني يوميا ناس كتير يكلموني عليها لكن ولا مرة اخدت الموضوع بجدية يا ادم .. لكن انت لما اتكلمت عارفة انك رايدها بجد علشان اكده الموضوع ذات نفسيه صدمي 

فهم ادم قصدها وقال وهو بيضحك 

الظاهر اكده انك مرايداش تجوزي بنتك رايدة تجعديها جارك علطول مش أكده 

شوق 

ان جيت للحق اني مهواش هاين عليا اجوزها من اصله فعلا بس داي سنة الحياة ربنا يسعدها ويهنيها وان كان على طلبك يا ولدي اني هكلم دكتور رائد فيه وابلغك برده 

ادم 

لاه معلش اني اللي هكلم دكتور رائد بنفسي ولو فيه قبول ان شاء الله ووافقتوا هجيب وابوي وامي ونيجي نتقدم رسمي لست البنات

يتبع