رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثاني والأربعون

تم النشر الجمعة

7/2/2025

اياد خرج من الشقة اللي قاعد فيها وقرر يدور على شغل في اي مكان ركب عربيته ومشي بيها علشان يلف على كل الاماكن اللي منزلة  اعلان  لفرص عمل في بعض الشركات 

لكن كالعادة العربية المهكعة بتاعته عملتها معاه وعطلت في الطريق في بدايته وهو لسه يادوب متحرك وفاضطر انه ياخدها لاقرب ورشة ميكانيكا السيارات 

وهناك وهو بيطلب من الميكانيكي يشوف عربيته سمعه ببكلم واحد وبيقول ان الفرع الرئيسي ليهم محتاج شباب يشتغلوا عندهم بشرط يكون عنده خبرة في سواقة العربيات 

فقرر اياد انه يروح يشوف الفرصة دي ويشتغل هناك وخاصة انها شركة كبيرة لتصليح السيارات وكمان لانه مش ضامن يلاقي شغل في اي شركة بسهولة وخاصة انه معهوش اي اثبات انه كان شغال في اي شركة قبل كدا 

وبالفعل بعد ما عربيته اتصلحت ودفع تمن تصليحها سأل على العنوان المطلوب وراح على هناك وكله حماس ...

❈-❈-❈

ونسيب اياد يقدم في شغله ونرجع لآدم اللي جاله اتصال بعد ما ساب شوق ورجع على شغله فاضطر يغير وجهته 

ولما ووصل للمكان المطلوب قال بابتسامة مزيفة 

دهشان بيه خير يا كبير انت اول ما طلبتني جيتلك علطول اني رهن اشارتك يا بيه 

دهشان بغضب 

ليك عين تاجي بعد اللي عملته يا ادم !! 

ادم بمكر 

واه عملت ايه اني بس امزعلك مني ديه اني طول عمري مبقولكشي غير نعم وحاضر 

دهشان 

وديت ابني فين يا ادم 

ادم 

واه وديه سؤال بردك يعني هكون عارف مكانه واخبي عليك يا سيد الناس ديه كلام يتقال لاه لاه انت اكده هتزعلني منيك ديه اني معظم رجالي كلهم خارجين بيدوروا عليه ولو كنت اعرف مكانه كنت اني بنفسي اللي هاجي ابشرك يا بيه

دهشان 

المراسيل قالتلي انك تعرف حاجة عن مكانه والله لو كنت وتعرف مكانه ومخبي لأ...

قاطعه ادم وقال 

من غير ما تحلف يا دهشان بيه هو اني يعني تايه عنك اني عارف زين هتعمل ايه بس صدقني اني معرفش مكانه واللي وصلك الخبر الكدب ديه قاصد يوقع بيناتنا لانه ملوش صالح في اننا نكون يد واحدة ومتكاتفين علشان اكده عايز يوقعنا في بعض علشان يخلاله الساحة هو ... طب ايه قولك بقا ان اللي وصلك الكلام ديه هو اللي مخبي همام وان اخر شىء توصلتله ان همام مهواش عندنا من اصله وان اللي اخدوه اتنكروا في هيئتنا علشان يوهمونا مش اكتر 

اتسعت عيون دهشان مش مصدق اللي بيسمعه من ادم 

قصدك تقول مين ؟؟ 

ادم بمكر لانه وصل لمبتغاه وعايزهم يخلصوا على بعض منهم في نفسهم من غير ما يقحم هو نفسه وسطهم 

هو فيه غيرهم يا دهشان باشا المفروص تكون عرفتها من ذات نفسيك ومن اول مرة اختفى فيها همام... المطاريد .. المطاريد اكيد هما اللي اخفوا همام عنديهم علشان ينتقموا منيك انت ناسي انهم ألد اعدائك يا دهشان بيه  علشان انت الكبير اهنه.... وديه مهواش عاجبهم فحاولوا يدوروا ع نقطة ضعفك ويمسكوك منيهم 

هنا ازداد دهشان شرا وقال بعيون بتنط شرار 

يبقى دولن لعبوا ف عداد عمرهم وفتحوا النار في وشهم بنفسيهم ...اسمع يا ادم من اللحظة دي مهتسمعش عن جماعة اسمها المطاريد واصل لاني همسحها عن بكرة أبيها كلياتها ومش هسيب فيهم حد ولا كأن ليهم أي اثر 

ابتسم ادم لان دا المطلوب واللي عايزه منه يعمله فقال 

وانت قدها وقدود يا دهشان بيه هما يجوا جنبك ايه شوية المطاريد دول وبعدين لازمن تعاقبهم على تعديهم حدودهم ولدك همام لازمن يبات في داره الليله اني ورجالي تحت امرك يا دهشان بيه 

دهشان الحمية اخدته اوي فقال 

لاه وفر رجالتك النوبادي وخليهم امعاك اني رجالتي تكفي وتفيض كمان. المهمة المرادي بتاعتنا لا انت ولا رجالتك لك صالح فيها فاهمني 

ادم بمكر 

ليه بس يا سيد الناس ما اني ورجالتي من ضمن رجالتك بردك انت ناسي فضلك عليا 

دهشان

 قولتلك ملكش صالح انت بالموضوع ديه .. ديه بقا تار ولازمن نصفوه بيدي اني افهتني 

ادم اظعى المسكنة 

 تمام يا دهشان بيه اللي تؤمر بيه جنابك اني تحت امرك... تعوز مني حاجة قبل ما اعاود ع شغلي 

دهشان 

وانت في طريقك ابقى اقرى الفاتحة على مطاريد الجبل 

رفع ادم عاجبه وبين الاعجاب لدهشان 

الكبير الكبير كبير يا دهشان باشا ايوا اكده خد حقك بيدك منصور ديه شىء مؤكد 

قالها واستاذن ومشي ورجع على عربيته وهو بيقول

روح يا شيخ ربنا يجحمك وتروح ما ترجع ياريت تخلصوا على بعض ونرتاح منيكم ومن بلاويكم 

في الوقت دا جاله اتصال فمسك فونه واول ما شاف الشاشة ابتسم ومترددش في انه يرد على المكالمة 

ياااه واخيرا توك افتكرتنا اني قولت اللي بيتجوزوا بينسوا ناسهم ولا ايه 

هنا انخرط مالك في الضحك 

اتجوزوا طب اسكت اسكت متقلبش عليا المواجع علشان انت متعرفش اللي فيهاط يا عم انا في هم ما يتلم 

ادم ضحك 

ههه هم ايه بس يا عم دا انت معاك الوجه الحسن في جناح خاص بلاش اقول في اوضة واحدة 

مالك 

يا عم اسكت بلاش ادعي عليك تشوف المصايب اللي بشوفها 

ادم 

لاه يا عم وعلى ايه الطويب احسن بس روق اعصابك اكده مكانتش مهمة يعني 

مالك 

ياريتني اعتذرت عن المهمة دي انا اللي غلطان بس يلا هقول ايه المهم انت اخبارك ايه واللي اسمه دهشان دا عامل معاك ايه طمني عليك يا عم 

ادم 

اني الحمد لله عال العال اما بالنسبة لدهشان فأني لسه جاي من عنديه 

مالك 

تاني .. تاني يا ادم هتشتغل لصالحه رغم انك عارف بلاويه 

ادم 

هنعمل ايه بس ان كان ليك عند الكلب حاجة قوله يا سيدي 

هنا انفجر مالك في الضحك 

لا مش ممكن يخربيتك انت ناوي على ايه بالظبط 

ادم  بص قدامه بثقة 

لاه اني مش ناويت اني خلاص نفذت بعون الله والخطة ماشية تمام التمام وافضل من اللي خططت ليه كمان 

مالك 

لا بقا يبقى فيه جديد ومحتاج قاعدة احكي يا عم انا ماوريش حاجة 

ادم 

لاه انت شكلك فاضي ايوا ما انت قاعدتك وسط الستات والكباريهات نسيت الجد غور يا عم اني ورايا شغل 

مالك 

عرفت منين يخربيت كدا اخباري بتوصلك معقول؟؟ 

ادم 

اخبار ايه يا عم انت مسافر في مهمة سرية بس اكيد ديه اللي بيحصل ولا بيحصل غير اللي بقوله اه لو الابلة شوق عرفت باللي بتهببه عنديك 

مالك 

يا عم عارفة ومعايا ع الخط وهي اللي مصبراني على اللي انا فين اقفل اقفل اكلمها تهون عليا

ادم 

ماشي يا باشا الله يسهلك طريقك وترجعلنا بالسلامة 

❈-❈-❈

مالك قفل مع ادم واتصل على شوق 

اللي اول ما شافت فونها ردت علطول بفرحة 

يااهلا يا حبيبتي والله اتوحشتك يا واد يا مالك بقالك فترة مكلمتنيش يا ولا انت زين؟؟ 

مالك 

وانتي كمان وحشتيني اوي يا ماما شوق وماما وبابا والواد يزن ووعد وكلكم بجد ... اه انا كويس الحمد لله ماشي حالي يعني 

شوق حاولت تناغشه 

متأكد يا ولا انك بخير وكويس يعني واخبار عروستك ايه ست مادونا هانم 

مالك 

ايه ايه يا ماما شوق حد يسمعك تبقى مصيبة وبعدين لما نتكلم متجبليش سيرة الزفتة دي لانها بتعصبني بصراحة 

في الوقت دا مادونا كانت يا دوب صاحية من النوم وخرجت من اوضتها تشوف حاجة تاكلها فسمعت اخر كلام لمالك" وبعدين لما نتكلم متجبليش سيرة الزفتة دي لانها بتعصبني بصراحة "

فوقفت مكانها ورفعت حاجبها باستغراب 

بيتكلم عن مين دا وبيكلم مين اصلا 

اما شوق فضحكت وقالت 

ههه ليه يا ولا بردك لسه مش عارف ترودها كيف الخيل ما بتروده ديه انت اشطر خيال يا ولا 

مالك مط شفته بضيق 

مش مع دي يا ماما شوق دي اعوذ بالله عاملة زي البومة بلاقيها ناطالي في كل حتة الاقيها في وشي لأ وعليهت لسان بترد بيه عليا الكلمة بعشرة انا زهقان اوي يا ماما شوق 

شوق 

لاه انت حالتك صعبة اوي يا ولا وبدك تنزل مصر نجوزك على كيفي 

مالك 

جواز هو بعد اللي انا شايفه هنا دا بفكر في جواز طب اثق ف اي بنت ازاي بعد اللي انا شايفع انا اتعقدت من الجواز خلاص 

شوق 

ليه بتعمل ايه فيك يا ولا  دا انت ظابط مخبارات قد الدنيا منتاش عارف تمشي امورك لحد ما تخلص مهمتك! 

مالك 

اعملها ايه بتحاول تعصبني وتثير اعصابي بخروجها بلبسها الضيق كل مرة مش متحمل دا ابدا يا ماما شوق سبحان من صبرني عليها ومخنقتهاش في ايدي علشان متفكرش تعمل كدا تاني 

شوق 

لاه لاه يا مالك اوعاك يا ابني تعمل اكده .. ديه مهواش اسلوب ابدا عاملها وانصحها باللين وبالحسنى مرة واتنين وعشرة 

مالك 

ديه مبتجيش الا بالعين الحمرا دي عايزة اااا 

لسه مالك هيكمل ذم في مادونا 

فلقاها في وشه وبتبصله بغضب 

فانتفض في مكانه وغير كلامه بسرعة بعد ما عرف انها سمعت  كلامه عنها  وقال

بس تعرفي يا ماما شوق هي ..اا هي طيبة يعني وجميلة وحلوة... حلوة اوي يا ماما شوق تسحر الكل بجمالها 

مالك ف الوقت دا كان قال اللي في قلبه بجد بس من غير ما يحس 

فاتراجعت مادونا ووقفت ساكتة 

اما شوق فركنت وشها على ايدها وقالت بتهكم 

وايه كمان يا واد مهاند جميلة وحلوة اوي وتسحر الكل بجمالها وايه كمان يا عين امك اشجيني 

هنا فاق مالك لنفسه وقال 

ها .. انا قولت كدا ؟؟ ااا لالا متصدقيش دا انا ااا اصل هياااا ااا 

شوق 

لاه انت حالتك بقت تصعب على الكافر حاول تخلص مهمتك بسرعا وترجعلي علشان اشوف الموضوع ديه صوح 

مالك 

طب ادعيلي يا ماما شوق تخلص على خير 

شوق 

موفق ومنصور يا ولدي بدعيلك في كل صلاة في امان الله يا حبيبي 

وخلصت شوق مكالمتها مع مالك لقت وعد نازلة من اوضتها ولابسة ومستعدة تنزل شغلها فقالت 

صباح الخير والهنا والسعادة على قلب امها... اني قولت اتأخرت يبقى مهتروحش الشغل النوبادي كمان 

وعد 

صباح الخير يا مامي وحشاني اوي انا نمت كتير امبارح حاسة اني نمت اليوم كله من تعبي محستش بنفسي 

شوق 

نوم الهنا والعافية يا قلبي خليكي النهاردة كمان لو حاسة انك لساتك تعبانة 

وعد 

لا انا كويسة الحمد لله يا مامي متقلقيش 

شوق 

ان شالله دايما يا قلب امك تعالي يلا هحضرلك الفطار قبل ما تنزلي اوعي تقولي مش عايزة 

وعد بابتسامة 

لأ هفطر يا مامي بصراحة جعانة اوي اوي 

شوق 

يا ضنايا احلى أكل لأحلى وعد في الدنيا 

في الوقت دا سمعوا حد بيقول 

صباح الخييير 

لفت شوق ووعد وشهم مش مصدقين الصوت اللي سمعوه 

شوق 

نغم!!!! 

جريت عليها نغم بسرعة 

ماما شوق وحشتيني اوي اوي 

شوق بسعادة 

نغم بنتي حبيبتي اني منيش مصدقة انك رجعتي حمدا لله على السلامه يا غالية 

وعد قالت هي كمان بفرحة 

نغم مش معقول رجعتي امتا 

خرجت نغم من حضن شوق وحضنت اختها 

وعد حبيبتي عاملة ايه مفتقداكي كتير 

وعد 

انتي اكتر يا حبيبتي كدا تسافري انتي ونور كل واحدة مع جوزها وتنسوني 

ضحكت شوق 

عقبال ما تسافري انتي كمان مع جوزك يا قلبي 

وعد ضحكت 

لأه انا هقعد معاكي هنا يا مامي مش عايزة اتجوز 

نغم 

مين دا طب شاوري انتي بس هتلاقي العرسان كلهم واقفين طوابير ع الباب بيتمنوا اشارة من اميرة الاميرات وعد 

ضحكت وعد 

طب اسكتي علشان بتكسف 

نغم بمناغشة 

يا عيني على الصغنن اللي كبر وبقا بيتكسف يا ناس وحشاني اوي عايزين نقعد مع بعض كتير اوي عندي كلام كتير عايزة احكيه ليكي 

وعد

مامي انا هتصل بيهم اقولهم اني هاخد اجازة اسبوع اقعد مع نغم 

شوق 

ماشي يا حبيبتي اعملي اللي يريحك 

وبصت لنغم 

فين يوسف يا نغم انتي جاية لوحدك ولا ايه 

نغم 

لا جاية معاه يوسف واقف برا بالشنط ومستنى انادي عليه لو الجو مناسب وكدا يعني 

شوق بصتلها بعتاب 

واه وديه كلام سايبة الواد واقف ملطوع برا 

وخرجت بسرعا وهي بتنادي عليه 

يوسف يا يوسف 

جه يوسف جري وقال باشتياق لشوق 

ماما شوق 

شوق باشتياق ليه هو كمان لانها هي اللي مربياه 

اتوحشتك يا واد يا يوسف بقا اكده كل ديه سفر وسايبني تهون عليك امك يا ولا 

يوسف باعتذار 

اسف والله يا ماما حضرتك عارفة انه غضب عني بابا رامي الحمل كله عليا ف شركته اللي برا مصر وقاعد هو هنا عادته يعني ولا هيشتريها علشان كدا مقدرتش انزل 

شوق 

ربنا يعينك ويقويك يا حبيبي المهم طمني عليك انت كويس يا غالي 

يوسف 

انا كويسة وزي الفل والله زي ما انتي شايفة يا ماما طمنيني عليكي ووعد حبيبة اخوها عاملة ايه 

هنا جت وعد ومعاها نغم وقالت وعد 

انا هنا يا استاذ يوسف .. دلوقتي وعد حبيبة اخوها يعني طول المدة دي كلها ولسه حضرتك فاكرني 

يوسف بابتسامة صافية لوعد لانه بيعتبرها زي اخته 

حقك عليا يا حبيبتي عارف اني المرة دي طولت الغيبة بس غصب عني ما انتي عارفا الحوار كله 

وعد 

هسامحك بس على شرط فين الهدية بتاعتي 

نغم 

اممم الناس اللي مش بتدور على مصلحتها 

وعد 

اسكتي انتي.. انا عايزة هديتي منك انتي كمان 

نغم 

المفروض كبرتي خلاص على موضوع الهدايا دا 

وعد 

ابدا ولا يمكن اتنازل ومستعدة ارجعك تاني من مكان ما جيتي علشان تيجيبي هديتي يلا يا هانم 

ضحكت نغم 

ههه قادرة وتعمليها فعلا 

وعد يلا يا استاذ انت وهي متضيعوش وقت 

شوق 

طب سيبيهم يرتاحوا الاول يا وعد الدنيا مش هتطير 

وعد 

لأ يا مامي دلوقتي 

يوسف 

نغم انتي مقولتيش ليهم ولا ايه 

نغم

لأ لسه يا يوسف 

وعد وشوق باستغراب 

مقالتلناش ايه بالظبط!! 

يوسف ونغم بصوا لبعض وضحكوا 

فاستغربت شوق ووعد اكتر 

شوق 

واه هو فيه ايه يا بت يا وعد مالهم اكده بيتكلموا بالألغاز 

وعد 

مش عارفة يا مامي فيه ايه بالظبط 

نغم 

انا مش هتكلم الا في حضور بابا 

وعد 

ليه شاكلك عاملة عاملة انتي ويوسف وخايفين من مامي علشان كدا بتطلبي بابي مش كدا 

هنا جه رائد وقال 

وبابي جه اهو علشان يعرف فيه ايه 

جريت عليه نغم وسلمت عليه 

بابا حبيبي وحشتني اوي 

حضنها رائد بحب 

حمدا لله على السلامه يا قلب بابا طب ليه مقولتيش انك راجعة علشان اجي اخدكم من المطار 

يوسف ومحبيناش نتعبك يا دكتور وكمان علشان نعملك مفاجئة 

رائد رحب بيوسف 

منورنا يا باشمهندس كل دي غيبة يا يوسف 

يوسف 

البيت منور بأصحابه يا دكتور واسف اني اخدت منكم نغم طول الفترة دي حضرتك عارف ظروف شغلي 

رائد 

ربنا يعينك انت قدها اكيد 

وعد

ها يا اساتذة خلصوا عايزة اعرف فيه ايه اهو بابي جه اتكلموا 

نغم 

الدكتورة قالتي الزعل مش حلو عليكي وانتي هتبتدي تضايقيني 

هنا شوق فهمت فطلعت منها زغروطة كلها سعادة وفرحة 

والله صحيح يا الف نهار ابيض يا الف نهار مبروك ايه الاخبار السعيدة دي 

رائد مكانش فاهم لكن لما شاف فرحة شوق فهم واتسعت ابتسامته 

اما وعد كانت واقفة زي الأطرش في الزفة زي ما بيقولوا 

ايه دا انا مش فاهمة حاجة مامي هي قالت ايه علشان تفرحي كدا ليه كلكم فهمتم وانا لأ مش فاهمة حاجة 

هنا جه يزن اللي قال 

علشان انتي غبية معروفة يعني مش عايزة سؤال 

وعد بصتله بتوعد 

انت تسكت خالص بعدين ايه اللي جابك دلوقتي ها 

يزن رحب بيوسف ونغم 

فقالت وعد 

يزن مش وقتك دلوقتي مامي انا عايزة افهم هو فيه ايه 

نغم شاورت لوعد على بطنها 

ها كدا يارب تكوني فهمتي 

ضيقت وعد  ما بين عنيها بعدم فهم 

فقال يزن 

لا متقولوش انا هبقى خالو الف الف مبروك يا نغم مبروك يا يوسف 

وعد رمشت اكتر من مرة وهي بتحاول تفهم 

خالو؟؟؟ ... لالا استنوا لحظة نغم انتي قصدك انك حامل!!! بتهزري 

هزت نغم دماغها 

فصرخت وعد بفرحة 

واااااو لا مش مصدقة انتي حامل يا نغم الله هبقى خالتو انا مبسوطة اوي انا حاسة اني بحلم 

يزن حط ايده على ودنه 

حرام عليكي صرعتينا بصراحك دا ... بعدين انتي لسه جاية تفهمي انتي متأكدة انك دكتورة ايه الغباء دا ... دا انا فهمتها وهي طايرة 

وعد 

طب يا ابو الذكاء مش وقتك ابعد كدا علشان اعرف ابارك لأختي 

وقربت من نغم ومسكت ايديها 

نغم حبيبتي انتي ليه وافقة تعالي اقعدي وارتاحي خالص علشان متتعبيش النونا تعالي اقعدي هنا جنبي... تحبي اجيبلك عصير !! 

الكل ضحك على وعد وعلى معاملتها اللي اختلفت مع نغم اول ما عرفت انها حامل 

فقالت شوق 

ربنا يباركلك في حملك يا حبيبتي ويكملك على خير ويصلح حال نور ويرزقها هي كمان بالذرية الصالحة 

❈-❈-❈

اما  مالك فأول ما خلص مكالمته مع شوق 

حط الفون في جيبه وقام وقف متجاهل مادونا تماما ودخل على المطبخ يعمل اكل

فدخلت مادونا وراه وقالت 

بتعمل ايه 

مالك 

بعمل حاجة اكلها 

مادونا 

ممكن تعملي معاك 

مالك 

ليه انتي اتشليتي انا شايفك وافقة زي القردة لا ناقصة ايد ولا رجل يعني 

مادونا 

اعوذ بالله من الفاظك يا زفت انت ايه هتعملها حوار علشان طلبت منك تعملي اكل معاك.. مش عايزة منك حاجة اطفحه انت.. اما هكلم الهوم سيرفس يطلعلي أكل 

مالك 

ما كان من الاول يا زوجتي العزيزة 

مادونا 

هشش مش عايزة اسمع صوتك 

قالتها ومشيت وسابته وراحت عن الهاتف بتاع الغرفة وطلبت اكل 

اما مالك فابتسم انه قدر ينرفزها بيحب يشوفها متنرفزة وفضل يصفر وهو بيعمل الأكل 

الله عليك يا واد يا مالك عليك شوية بيض اومليت انما ايه تنفع شيف محصلش

يتبع