رواية جديدة رواية تائهة في قلب أعمى لزينب سعيد القاضي - الفصل 67 - 2 - الأحد 2/2/2025
قراءة رواية تائهة في قلب أعمى كاملة
تنشر حصريًا على مدونة رواية وحكاية قبل أي منصة أخر
رواية تائهة في قلب أعمى
رواية جديدة قيد النشر
من قصص و روايات
الكاتبة زينب سعيد القاضي
الفصل السابع والستون
2
تم النشر الأحد
2/2/2025
تململت في غفوتها وفتحت أهدابها بتثاقل شديد، نظرت جوارها وجدت الجهة الأخري خالية من الفراش، اعتدلت بنُعاس وهي تتسأل داخلها هل تأخرت في النوم كثيرًا وزوجها استعد وذهب إلي عمله؟! جذبت الهاتف من فوف الكومدينوا ونظرت إليه وجدت الساعة العاشرة صباحًا من المؤكد ذهب إلي عملت، نهضت بتكاسل كي تستعد من أجل الذهاب إلى منزل والديها؛ تفاجأت بباب الغرفة يِفتح ويدلُف شريف.
قطبت جبينها بحيرة وتسألت:
-شريف إيه ده إنتَ لسه هنا مروحتش الشغل ؟
تبسم بهدوء وأجاب:
-أيوة حبيت آول يوم في بيتنا نفطر سواء.
اتسعت ابتسامتها بسعادة:
-بجد ؟ يعني إنتَ أتأخرت عن شغلك عشاني أنا ؟
حرك رأسه بإيجاب:
-أيوة.
نهضت بحماس وقالت:
-هدخل أخد شور وأجهز بسرعة وننزل نفطر سواء.
تداركت مستفهمة:
-طيب زياد لسه هنا ؟
رد بنفي:
-لأ طبعًا الباص بيجي ياخد زياد من بدري الساعة ٨ كده.
تسألت بفضول:
-طيب هو شافك وعرف إننا رجعنا؟
أومأ بإيجاب وقال:
-أيوة يا حبيبتي أكيد أنا إلي روحت صحيته بنفسي ونزلته الباص كمان.
قطبت جبينها بحيرة وتسألت:
-بجد يعني عرف إنك رجعت وواقف عادي يروح أنا قولت أكيد هيرفض ويطلب يقضي اليوم معاك.
تبسم بهدوء ورد:
-لأ زياد عارف النظام بتاعي لما يرجع بالسلامة نقعد سواء براحتنا واتفضلي يلا روحي أجهزي عشان أنا كده أتأخرت علي شغلي وده استثناء عشان خاطر عيونك لكن أنا بتحرك من هنا الساعة ٨ الصبح يعني أعملي حسابك كل يوم هتصحي الساعة ٧ الصبح معايا تجهزي هدومي وحاجتي وننزل نفطر سوا وبعد ما أروح شغلي حابة تكلمي نوم براحتك.
تجهم وجهها وتسألت:
-أجهز هدومك ؟! وأصحي من الساعة ٧ الصبح ؟ ليه كل ده مش فاهمة.
رد باختصار:
-ده نظامي يا حبيبتي وحاولي تتعودي عليه عشان ترتاحي وتستريحي يا فريدة.
إمتعض وجهها بضيق واستطردت بإيضاح:
-بس أنا مش متعوده علي كده وعمري ما جهزت هدوم لياسين قبل كده ولا حتي كان ممشيني علي نظام كل حاجة كانت براحتِ و….
قاطعها بحزم:
-بس ولا كلمة متكمليش يا هانم أولًا كده إلي آوله شرط آخره نور يا فريدة آخره إيه نور يا حبيبتي ممنوع منعًا باتًا تجيبي سيرة ياسين قدامي ولا حتي تفكري تقارني بيني وبينه أنا راجل وليا نظام يا بنت الناس أنا أه بحبك ومش مجرد جوازة والسلام بس أنا مش متجوزك أحطك في فاترينة أو أقعد أتأمل في جمالك وبس لأ يا حبيبتي أنا متجوزك عشان تكوني زوجة وأم وإلي أنا بطلبه منك ده الطبيعي إلي المفروض تعمليه من نفسك مش أنا إلي أطلبه منك يا فريدة بس عارف إنك متعرفيش يعني ايه تبقي زوجة من الأساس ودي مش غلطتك إطلاقًا ده كان المفروض تتعلميه من نفسك أو حتي والدتك تعلمه ليكِ عارف إن كلامي حاليًا معاكي قاسي بس أنا بنصحك وبعرفك الصح من الغلط يا مدام.
تبسمت ساخرة وأضافت متهكمة:
-ما شاء الله كل يوم بكتشف حاجة جديدة فيك يا شريف.
قهقهة بخفة وعقب متسائلاً:
-أكتشفتي إيه تاني يا قلبي؟ إني طلعت شرير المرة دي كمان ولا إيه؟
أجابت بتلهُف:
-لأ يا يا باشا طلعت فرعون يا حبيبي .
انفجر ضاحكًا وعقب بإيضاح:
-فرعون فرعون بس كلمة حبيبي إلي طلعت من بوقك أحلي كلمة سمعتها منك يا حبيبتي.
❈-❈-❈
حركت رأسها يمينًا ويسارًا وهتفت بنفاذ صبر:
-إنتَ شكلك عايز تجنني يا شريف يا بن أم شريف صحيح هي مامتك إسمها إيه؟
رد مبتسمًا:
-كان إسمها مريم وده إسم بنتنا المستقبلية كمان.
ضربت كف بكف وصاحت بانفعال:
-مش بقولك فرعون يعني خلتني حامل وكمان جبت بنوتة وحضرتك كمان سمتها مريم أنا راحة أخد شور بدل ما أتشل وأنا واقفة.
فرت هاربة من أمامه تتبعه ضحكاته الرجولية، توقف عن ضحكته وتحدث بنبرة هادئة:
-مكنتش حابب أظهر معاكٌ بشخصية الراجل الديكتاتوري بس مع الأسف إنتِ محتاجة ترويض وأنا إلي هروضك يا فريدة يا بنت غدير هانم مش هسمح تكوني نسخة مكررة من والدتك وأخالف وعدي لوالدك.
بعد مرور نصف ساعة.
كان يترأس شريف السفرة وفريدة علي يمينه يتناولوا افطارهم بصمت لاحظ أنها لا تتناول سوي السلطات فقط.
إمتعض وجهه وتحدث بإستياء:
-فريدة يا حبيبتي لو سمحتي تأكلي أكل عادي مفيهاش مشكلة لو زدتي أتنين أو تلاتة كيلوا يعني إنتِ مش داخلة مسائية ملكات جمال يا قلبي.
ردت بملل:
-أنا متعودة علي الأكل ده وكمان عشان أحافظ علي جسمي.
حرك رأسه بيأس ورد بنفاذ صبر:
-يعني كل الناس إلي محافظة علي رشاقتها بتاكل سلاطة؟ أكيد طبعًا إطلاقًا فيه چيم ورياضة غير النادي حاولي تبقي طبيعية يا ماما بلاش تصنع في أي حاجة.
تحدثت بضيق:
-إنتَ مش ملاحظ إنك بقيت تدخل في حياتي أوي حتي في الإكل والشرب ؟
أومأ بإيجاب:
-أيوة يا قلبي بقومك عشان تمشي في الطريق الصح يلا كملي أكلك عشان هوصلك والسواق هيبقي يجي ياخدك.
ردت بهدوء:
-أنا هروح معاك بس هرجع بعربيتي.
أجابها برفض:
-لأ تقدري تيجي المعرض وتختاري العربية إلي تعجبك كمان يا حبيبتي لكن عربيتك أو بالأصح عربية ياسين المحمدي وقبل ما تقاطعيني إنها بتاعتك وبإسمك فهي بفلوس ياسين المحمدي حابة تسيبها عند والدك براحتك بس مش هتركبيها تاني خلاص أنتهي وأظن العربية مفيهاش مجادلة لأن كلامي هو الصح.
ردت بنفاذ صبر:
-حاضر.
تبسم بإرتياح:
-أيوة كده شطورة يا فريدة.
❈-❈-❈
توقف ياسين بسيارته أمام مبني مديرية الأمن، فك حزام الأمان وألتفت إلي زوجته وتحدث بنبرة هادئة:
-حبيبتي أنا هنزل مش هتأخر عليكِ نص ساعة بالكتير وهنزل إن شاء الله يا حبيبتي.
أومأت بتفهم وقالت:
-ماشي يا حبيبي براحتك .
هبط ياسين من السيارة وأغلق أزرار حلته السوداء وأنزل نظارته الشمسية فوق عينيه وتحرك إلي داخل المبني بخطوات واثقة سأل أحد العساكر عن المكتب الخاص بالمستشار "جاسر النعماني" واستقل المصعد حتي وصل إلي الطابق المنشود توقف أمام المكتب وطلب مقابلة جاسر، دلف الحاجب الغرفة بعد أن طرق الباب واستأذن بالدخول، خرج بعد ثوان وأشار إلي ياسين أن يدلف.
نهض جاسر ووقف يستقبله بحفاوة:
-أهلًا أهلًا يا ياسين باشا منور.
تبسم ياسين بلباقة ورد بمجاملة:
-متشكر لحضرتك ده نورك.
أشار له جاسر أن يجلس:
-أتفضل أقعد يا ياسين باشا.
جلس الاثنين وتسأل ياسين بحذر:
-لسه مفيش جديد في القضية؟
رد الآخر بعملية:
-تحليل المعمل الجنائي أثبت فعلًا أن فرامل العربية مقطوعة بأداة حادة زي مطوة أو سكينة بس بردوا رجعنا لنقطة الصفر مين الي عمل كده هل ياسين باشا ليه أعداء يوصلوه إنهم يتقلوه؟ عالم البيزنس واسع علي فكرة ممكن يكون في أعداء وإنتَ متعرفش عنهم حاجة.
تنهد بضيق وقال:
-يعني دلوقتي إحنا أتأكدنا فعلاً إن الحادثة بفعل فاعل لكن هو مين أنا مش عارف.
أومأ جاسر بتفهم وقال:
-فاهم شعور حضرتك بس علي فكرة في نقطة مهمة أوي حابب أنبه حضرتك ليها.
جعد جبهته باستغراب وتسأل:
-حاجة إيه دي ؟
رد جاسر بهدوء:
-إن إلي قطع العربية أصلًا شخص قريب منكم جدًا ومقرب لأحمد بيه تحديدًا.
تسأل ياسين باستغراب أكبر:
-مش فاهم يعني إيه شخص مقرب ؟
أجاب الآخر باستفاضة:
-يعني يقدر يدخل الجراچ بتاع الشركة أو جراچ الفيلا .
يتبع
إلى حين نشر الفصل الجديد للكاتبة زينب سعيدالقاضي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
