رواية جديدة شوق الجزء الثاني لأسماء عبد الهادي - الفصل 48 - الثلاثاء 4/3/2025
رواية رومانسية جديدة شوق الجزء الثاني
تنشر حصريًا على مدونة رواية وحكاية قبل أي منصة أخرى
رواية شوق الجزء الثاني
رواية جديدة قيد النشر
من قصص و روايات
الكاتبة أسماء عبد الهادي
الفصل الثامن والأربعون
تم النشر الثلاثاء
4/3/2025
صحي اياد من نومه على صوت العسكري بينادي عليه
المتهم اياد خالد يقوم هنا حالا...
ورددها كم مرة لحد ما انتبه اياد وقام من مكانه وراح عنده
ايوا انا اياد
العسكري بتهكم
وكمان ليك عين تنام.... قدامي يا متهم قدامي
قالها وهو بيحط الكلبشات في ايده
اياد
هنروح فين بس ؟؟
العسكري
هتتعرض على النيابة يا حلو ابقى خلي المحامي بتاعك يحصلنا
اياد
معنديش محامي
العسكري
ميهمنيش فوت قدامي ان شاء الله تخلل في السجن انا مالي اهو نريح البشرية من امثالكم
اتنهد اياد بأسى ومشي معاه من غير ولا كلمة
وف مكتب الظابط كتب شوية حاجات ف ملفه وسلمه للعسكري اللي هيوصل اياد لعربية الترحيلات وهيفضل معاه لحد ما يسلمه هناك بنفسه
❈-❈-❈
وصل ادم لبيت شوق بعد ما خلص شغله وقابل شوق
السلام عليكم ورحمة الله وبركاته.. صباحك هنا يا ماما شوق
شوق بفرحة
صباحك فل وياسمين يا ولدي حمدا لله على السلامة ايه جاي علشان تسلم على صاحبك كنك سمعت انه رجع؟؟
ادم بفرحة
لاه عتتكلمي جد يا ماما شوق مالك رجع من مهمته؟؟
شوق
رجع الحمد لله لينا بالسلامة وهو نايم بيرتاح فوق ومادونا كمان اهنه في اوضة المسافرين
ادم
مادونا كمان هنا بتعمل ايه دي!!
شوق
انصابت يا قلبي ف المهمة فجابها مالك هنا لحد ما تتعافى
ادم مكنش فاهم بردو ليه مالك جابها هنا لكنه على كل حال معلقش
وسأل على وعد
وعد فين اوعي تقولي انها لسه نايمة ورانا معاد
شوق
حصل فعلا هي نايمة وموصياني اوصلك رسالة واقولك اختار الفستان انت وهي هتوافق بيه
ادم
طبعا انا هختاره لكن هقيسه انا مثلا ما هي لازم تيجي علشان نظبط المقاس عليها خلاص مفيش وقت
شوق
والله اتصرف مع مرتك اني هخرج نفسي من الموضوع ديه
ادم
طيب خلاص اني هروح اختار كم واحد يعجبوني واجيبهم ليهة اهنه تختار اللي يعجبها وهجيبلها البنت اللي هتظبطه كمان تاخد مقاساتها وتعمل اللازم طالما عروستنا كسولة وبتدلع
ضحكت شوق
وماله خليها تدلع براحتها
ادم
اكيد وعد تقعد وتحط رجل على رجل وحاجتها تجيها لحد عنديها هو احنا عندينا كم وعد يعني
شوق ربنا يباركلكم يا ابني مش هوصيك تحطعا جوة عنيك
ادم
اكيد طبعا مش محتاجة كلام يا ماما شوق ربنا يقدرني واكون زوج صالح ليها .. استأذن اني الحق اجيب ليها اللي ناقصها
شوق في أمان الله يا ولدي
بعد شوية
وصلت فداء ومعاها مهند وسلموا على شوق
مهند
شوق انتي لسه مصممة ان الحفلة تتعمل هنا عندك ف الفيلا؟؟
شوق
ايوا يا مهند اني رايده اكده شايل الهم ليه
مهند
الفكرة ان الفيلا عندك هتتبهدل خلينا نعملها ف اي اوتيل على النيل
شوق
احلى غلبة واحلى بهدلة في الدنيا كلياتها دول عيالي اللي هيتجوزوا مش اي حد
مهند
تمام اللي يريحك يا حبيبتي بس هنلحق نظبط الدنيا !!
شوق
ايوا عمك سلمان بيظبط الجنينة ومسؤل الديكور هياجي كمان هبابة يظبط كل حاجة متقلقش رائد متفق معاهم من بدري
مهند
حبيبتي يا شوق ربما يباركلنا فيكي مش عارف من غيرك كنا هنعمل ايه
شوق
اني اللي من غيركم ولا حاجة يا ولا انتوا عزوتي وناسي وكل ما املك ربنا يخليكم ليا يا غوالي
بصت شوق لميار لقتها ساكتة وحزينة فقالت
ايه مالك يا نضري زعلانة ليه تكونيش زعلانة ان يزن خلاص هيتجوز ويسيبك؟؟
ميار
زعلانة ان مالك ابني مش هيكون معانا يا شوق وكمان بقالي كم يوم مسمعتش صوته وحشني اوي
شوق ابتسمت
وربنا حاسس بيكي ومحبش تكوني زعلانة فحب يربط على قلبك علشان أكده رجعلك مالك وهو دلوك نايم فوق بيرتاح من السفر
ميار عيونها اتسعت بفرحة
والله بجد يا شوق بتتكلمي جد مالك رجع؟؟
هنا سمعت صوت مالك
امي!!
اول ما شافته جريت عليه وحضنته بفرحة وحب
هنا كور مهند قبضة ايده بغيرة فلاحظته شوق وعرفت انه حاسس بالغيرة فضحكت
ههه مالك يا ولا عتاكل في بعضك اكده ليه
مهند
شايفة يا شوق ولا عملت اي اعتبار ليا وجريت على مالك ازاي هي حصلت انا منبه عليها مليون مرة
شوق وهي لسه بتضحك
معلهش يا ولا ابنها بردك عديها اني غلبت افهمك اكده مفيش فايدة منيك ليه
مهند
وهو يعني علشان ابنها تنساني يا شوق ينفع كدا
شوق
بطل دلع يا ولا ما هي كانت لسه معاك من ثواني معدودة انما ابنها مشافتوش من اسابيع وعايزة تقر عينها وتطمن عليه
في الوقت دا مادونا صحيت وسمعت اصوات برا وخاصة صوت مالك فخرجت وهي ماسكة جنبها بألم
فشافت مالك بيحضن واحدة جميلة فحست بالغيرة
ودي مين دي بقا ان شاء الله اللي الأستاذ مالك بيحضنها هي حصلت وف البيت كدا عادي .. اامم يمكن اخته
شافتها شوق وراحتلها
نوم الهنا يا حبيبتي صحيتي بسرعة ليه اني قولت هتطبقي للصبح
لاحظت شوق ان عيون مادونا على مالك فقالت
ديه ميار ام مالك تعالي اعرفك عليها
مادونا
ام مالك اومال حضرتك ايه
ضحكت شوق
اني عمته اخت ابوه يا قلبي بس علشان مالك بيحبني بيقولي ماما شوق وانتي كمان تقدري تقوليلي ماما شوق زييهم أكده ما انتي خلاص بقيتي واحدة مننينا ولا ايه
مهند استغرب وجود بنت غريبة فقرب من شوق وقال مين دي يا شوق!!
مالك بص لشوق بتوتر وهز راسه بمعنى انها متقولش حاجة
فقالت
ضيفة جاية تقعد عندينا كم يوم ايه يا مهاند انت وميار مش هترحبوا بمادونا
ميار قربت منها
ازيك يا جميلة منورة انا حاسة اني شوفتك قبل كدا
مهند
اه وانا كمان شوفتها بس فين مش فاكر
ميار
اه افتكرت انتي زميلة مالك وادم في الشغل كنتي معاهم في الاختبارات انا فاكراكي كويس
مادونا
ايوا انا ازيك يا طنط
ميار
اخبارك ايه يا جميلة اكيد عرفتي ان فرح يزن اخو مالك بكرة وجيتي علشان تحضريه مش كدا
مادونا
ااه اه طبعا الف مبروك ربنا يسعده يارب
شوق
وتعرفي كمان يا مادونا ان بنتي وعد هتتجوز بردك ف نفس اليوم .. هتكون حفلة كبيرة ان شاء الله وانتي هتنورينا بوجودك
هزت مادونا راسها
فقرب مالك من مادونا وهمس لها
لو هتحضري.. تحضري بفستان محترم انتي فاهمة
بصتله مادونا بغيظ
فقال ايه!! غير كدا مش هسمحلك تحضري
مهند اخد باله من همس مالك لمادونا
فهمس لميار
ميار اخدة بالك من ابنك الواد دا بيلعب بديله من ورايا ولا ايه لأ وكمان جايبها هنا عند شوق يا بجاحته يا اخي
ابتسمت ميار وقالت
طب والله بنوتة قمورة وكمان زميلته ف الشغل يعنى عرف يختار صح
مهند يا سلام انتي هتعومي على عوم ابنك
ميار
لو هو عايزها يبقى ليه لأ يا مهند احنا عايزين نفرح بيه هو كمان
مهند بحب
وانا عايز افرح بيكي انتي يا قمري
ابتسمت ميار بخجل
مهند وبعدين بقا
مهند
عيون مهند يا قمر
❈-❈-❈
تسريعا للأحداث
عدت الساعات بسرعة وتمت التجهيزات كلها بأسرع ما يمكن وعلى اكمل وجه وجه وقت الحفلة
اللي اتزينت فيها العروسين بأبهى صورة
وعد كانت زي القمر ف فستان الفرح بدرجة خطفت عيون ادم وقلبه كمان حتى انه قرر يخطفها من عيون الناس ويخبيها جوة قلبه
فجه ف حركة مجنونة كعادته وفي وسط الحضور وأثناء ما كانوا قاعدين في الكوشة مع يزن ولوجي
قام ادم وشد وعد من ايديها برفق
فقالت
ايه يا ادم فيه ايه واخدني على فين
ادم
تعالي بس معايا هقولك على حاجة
وعد
ايه احنا رايحين فين بس ازاي تشدني كدا من وسط الناس فيه ايه
ادم
لاه كفاية عليهم أكده أني مش هتحمل نظرات الناس ليكي اكتر من اكده تعالي بس وهنتفاهم في بيتنا
وعد
يا مجنون الفرح لسه مخلصش ميصحش كدا
ادم
لاه يصح ونص وعشرة كماني اني اكمل اللي رايده يا بنتي
وقالها وقربوا من رائد وشوق اللي مستغربين اللي بيعمله
وقال
بعد اذنكم يا جماعة كفاية عليكوا لحد اكده وعد من الان وصاعدا بقت بتاعتي اني وبس سلااام
رفعت شوق حاجبها
واد يا ادم الفرح لسه مخلصشي يا واد اركز اكده ديه ايه اصله ديه يا ناس
ادم
افرحوا براحتكم يا ماما شوق اعملك ايه بنتك اللي جميلة ومش هتحمل نظرات الناس ليها اكتر
شوق
واه يا ادم ناس مين بس كل اللي اهنه اهلنا وناسنا والرجالة برا كلياتهم ما انت كنت جاعد معاهم دلوك
ادم
حتى ولو سلام يا ماما شوق سلام يا دكتور رائد
قام رائد من مكانه وحضن بنته جامد
هتوحشيني يا روح بابي مبروك يا قلبي
وشوق قربت من بنتها وحضنتها بعد ابوها وقالت
خدي بالك من نفسك ومن جوزك يا وعد جوزك جنتك ونارك زي ما وصيتك كوني له امة يكن لك عبد يا بنتي ربنا يصلح ليكم الحال ويسعدكم
وبصت لادم
وصيتك وعد يا ادم
ادم هنا متحملش اكتر وشال وعد وهو بيقول
وعد في عنيا يا ماما شوق.. سلام
الكل كان مستغرب اللي بيعمله ادم
اما يزن فضحك وبص للوجي
ايه رايك في جنون ادم دا... تيجي نعمل زيه ونطفش من الفرح ونروح على شقتنا
ضحكت لوجي
لالا اوعى تتجنن زيه خليك عاقل كدا أنا ما صدقت ربنا هاديك النهاردة
يزن
بقا كدا ماشي عامة هعمل كل اللي تحبيه وهفضل معاكي هنا للصبح لو عايزة
❈-❈-❈
قسمت حضرت هي ودنيا بنتها واول ما شافت مادونا استغربت وجودها وجريت عليها
مادونا انتي بتعملي ايه هنا.. يعني انتي كنتي بتكدبي عليا طول الوقت وبتوهميني انك في مهمة مع مالك ؟؟
مادونا
اهلا يا ماما وحشتيني اوي عاملة أيه
قسمت
مادونا انطقي وردي على سؤالي
مادونا
هو دا استقبالك لبنتك بعد مهمة خطيرة كنت فيها
قسمت
ولما انتي كنتي في مهمة خطيرة بتعملي ايه هنا
مادونا
حضرتك ناسية ان النهاردة فرح اخو مالك وانا لازم اكون موجودة
قسمت
اها اخو مالك قولتيلي!! وانتي اتجوزتوا زي ما قولتيلي؟؟
مادونا
على الورق بس طبعا يا ماما
قسمت
على الورق حقيقي المهم انك اتجوزتي ابن مهند وبس دا اللي يهمني
مادونا
ماما ايه اثبات حضرتك ان مالك هو اللي قتل بابا!!
قسمت
قتل باباكي لا هو مقتلهوش ابوه السبب في موت ابوكي علشان ابوه كان بيحبني وانا بحبه فمات بقهرته فهمتي
مادونا
نعم!!! انتي كنتي مفهماني ان مالك السبب ف موت بابا واني لازم انتقم منه .. ماما انا كنت هقتله !!
قسمت
نعم يا روح مامتك تقتلي مين بقولك تتجوزيه مش تقتليه انتي مجنونة.. انتي الظاهر محدش يعتمد عليكي في حاجة انا كل اعتمادي على دنيا حبيبتي وبس انتي هتبوظي الدنيا انا عارفة... عارفة يا بنت انتي مالك لو طلقك انا هعمل فيكي ايه
رمشت مادونا بعينها اكتر من مرة
معقولة دي امها... دي حتى مقالتش لها حمدا لله على السلامة ولا انتي بخير ولا لا ولا باين عليها لهفتها عليها... شتان بين معاملة شوق ليها ومعاملة امها... مادونا مكنش عندها حاجة تقولها امها كل اللي يهمها الانتقام من حبيبها وبس ففضلت مادونا الصمت والانسحاب بهدوء تام
❈-❈-❈
عساف جاله اتصال وهو قاعد مع توبا فاستأذن وقام هو قام من جنبها علشان يسمع الاتصال
لكن توبا فكرت انه مش عايزها تسمع الحوار اللي هيدور ف المكالمة
فاتضايقت
عساف مش عايزني اسمع ليه هو بيعمل ايه من ورايا ومش عايزني اعرفه انا كنت شاكة من الاول ان فيه حاجة هو مخبيها عليا
علشان كدا قامت من مكانها وراحت وراه بشويش من غير ما يعرف فضلت تدور عليه بعنيها لحد ما لقته واقف عند عربيته وبيقول
معلش انا عارف اني لغيت معادنا النهاردة بس علشان عندي مناسبة مهمة اولاد اخواني بيتجوزوا ومكانش ينفع محضرش واكون جنبهم ...
سكت شوية على اللي هي قالته فقال
لا طبعا انتي تكوني اول الحاضرين يا خبر فاتتني دي حقك عليا بس انتي عارفة اللخمة اللي بنكون فيها في الوقت دا ...احنا فيها المرات جاية كتير ان شاء الله وتشرفينا اكيد ... تمام اشوفك على خير ..سلام
توبا رفعت حاجبها
تشرفك!! اه طبعا هي اللي هتشرفك لكن انا لأ بدليل انك سبتني وجيت تكمل مكالمتك هنا يا ترى مين دي وتعرفها من امتا وايه علاقتك بيها من الواضح ان العلاقة تعدت علاقة الشغل واكتر وانا لازم اتأكد بنفسي
ومن هناا قررت توبت انها تراقب تصرفات عساف وخطواته كلها علشان تتأكد من شكوكها في انه يعرف واحدة ست غيرها
❈-❈-❈
بالرغم من ان الكل فرحان وسعيد الا ان فداء كان باين عليها الحزن وكان واضح اوي على ملامح وشها
خالد كان هيموت وهو شايف حبيبته زعلانة فقال
فداء ارجوكي قوليلي ايه اللي مضايقك ايه اللي يرضيكي وانا هعمله بس مش عايز اشوفك كدا مش عايز اشوف الحزن على وشك عايز اشوف فداء بتاعة زمان انتي وحشتيني اوي وانتي عارفة غلاوتك عندي مش عايز الفجوة اللي ما بينا تفضل تزيد عايزها تختفي اوعدك اي حاجة تطلبيها هعملها فورا بس انتي ترضي
فداء عنيها لمعت وقالت
اي حاجة اي حاجة حتى لو كانت خاصة بإياد
خالد
فداء انا بحب اياد وعايز مصلحته ليه مش عايزة تفهمي دا
فداء هنا اتشجعت وقالت
طيب انا عايزة اطمن عليه بقاله كم يوم معرفش حاجة عنه وقلقانة عليه قالي انه في سفرية شغل وقفل موبايله ومش عارفة اطمن عليه .. تعرف تعمل دا!! تعرف تجيبلي اي خبر عنه يطمني عليه خايفة يكون مشي وسابني ووهمني انه في شغل علشان يقدر يبعد .. مش هتحمل بعده يا خالد
خالد
لا ان شاء الله مش هيبعد اياد جدع ومش هيقدر يسيبك تقلقي عليه ... بس اللي اعرفه ان اياد بيشتغل في شركة سيارات يعني شغلها مستقر يبقى سفرية شغل ايه دي!! عامة انا هعمل اتصالاتي وهعرف هو فيه وهطمنك عليه وهجيبه لحد عندك كمان
فداء
بجد يا خالد هترجعلي اياد
خالد
بجد يا روح قلبي هرجعه ليكي هرجع ابننا لينا يا فداء
اتنهدت فداء براحة وبصت لخالد وعنيها بدموع الفرحة بتدمع لان اخيرا فيه امل ان حياتهم ترجع طبيعية من تاني
في الوقت دا جه اتصال لخالد واول ما شاف الرقم
نفخ بضيق
اوف انتي تاني انتي مبتزهقيش
فداء انتبهت لكلام خالد فقالت
فيه ايه يا خالد مالك!!
خالد قام من مكانه وقال
مفيش حد كدا هبقى احكيلك بعدين لحظة بس وراجعلك
وقام من مكانه وراح بعيد عن الدوشة وكلمها
الو اعمل فيكي ايه يعني انتي مبزهقيش عارفة لو مبطلتيش تتصلي بيا انا ممكن ابلغ عنك البوليس انتي فاهمة
ردت هي بكل جبروت
مش هتعرف يا خالد بيه مش هتعرف تبلغ عني وانت عارف السبب كويس اوي
خالد
اه وانتي علشان متأكدة اني مقدرش اعمل دا هتتسلطي عليا بقا فكرك اني هسمحلك بدا مثلا!! لا انسي انتي الظاهر تهاوني معاكي نساكي مين خالد بيه فوقي والزمي حدودك معايا انتي فاهمة
قالها وقفل السكة في وشها
وبعدها اتصل بواحد من من رجالته وقال
عايزك تجيبلي اخبار اياد ابني وتكون عندي بكرة الصبح فاهم
واحد من رجالته:
فاهم يا باشا بكرة الصبح في المكتب هتكون عندك يا باشا حاضر
❈-❈-❈
اما يزن اللي كان مستمتع بوقته في فرحه لحد اخر لحظة فيه ولما انتهى الكل سلم عليهم وامير وايات سلموا على لوجي بالبكا لانها بنتهم الوحيدة رغم انها مش هتبعد عنهم كتير لكن الموقف كان صعب بالنسبة ليهم
ولما وصل يزن لباب شقته ويادوب نزل لوجي اللي كان شايلها علشان يفتح الباب
سمع اللي بتقول
مش انا اولى بالليلة دي والشقة دي منها يا يزن
يزن اول ما سمع الصوت اللي هو عارفه كويس الدم هرب من عروقه خايف لوجي تعرف وتبوظ عليها فرحتها ولسه بيلف وشه علشان يشوفها
سمعها بتقول
مش انا مراتك الأولى ولا ايه يا يزن
يزن بصلها والغضب كله مالي وشه
انتي بتخرفي تقولي ايه وانتي مين اصلا اتفضلي اطلعي برا لأما هطلبلك الأمن
وبص للوجي اللي كانت واقفة مش فاهمة حاجة
سيبك منها يا روحي دي واحدة مجنونة بتخرف مش عارف طلعتلنا منين دي عقلها تعبان الظاهر كدا
هزت لوجي دماغها وحاولت تبعد كلامها دا عن دماغها ومحدش يعكر عليها يومها
لكن دنيا كانت جاية وعاملة حسابها على كل حاجة وناوية تخرب الدنيا فوق راس يزن وتبوظله جوازته من لوجي
خرجت من شنطتها قسيمة الجواز وقال وهي بتمد ايديها وبتعطيها للوجي
لو مش مصدقة كلامي امسكي دي قسيمة جوازي انا ويزن لو انتي مش مصدقاني اهو اتأكدي بنفسك
يزن مد ايده مسك القسيمة بسرعة وهو بيزعق
قسيمة ايه وزفت ايه انتي فكرك ان ورقة مزورة زي دي هتقدري تيجي وتضحكي بيها علينا؟!!
لوجي
سيبك منها يا يزن ومتزعلش نفسك مش واحدة زي دي هتيجي تبوظ علاقتنا انا مش مصدقاها اصلا مهما قالت يلا ندخل شقتنا
يزن حط ايده في ايد لوجي وجم يدخلوا قالت دنيا
حتى امضة عمك عساف وعمك امير مزورة بردو يا يزن... تنكر انهم كانوا شهدا على عقد جوازنا اهو اتفضلي يا لوجي بصي على العقد وشوفي امضة والدك بنفسه على عقد جوازنا
هنا لوجي كانت هتتجنن اول ما سمعت اسم والدها وامضته على عقد جواز يزن
فلفت وشها وقالت
وريني من فضلك العقد دا اشوفه
يزن بقلق من اللي هيحصل واللي متوقعش ان دنيا يكون عندها الجرأة وتيجي تعمل كدا فيه في ليلة فرحه على الأقل
وقال لوجي انتي هتصدقي كلامها دا بردو !!
لكن لوجي كانت مصممة تشوف العقد
معلش يا يزن انا محتاجة اشوف العقد دا انا اعرف امضة بابي كويس اوي
يزن
لا يا لوجي مش هتشوفيه
وزعق لدنيا
وانتي خدي ورقك وامشي من هنا اتفضلي
دنيا بتبجح
لأ يا يزن مش همشي انت ليه خايف تعرف الحقيقة ها ما مصيرها هتعرف انك جوزي زي ما انت جوزها بالظبط .. لا وكمان ابو ابني اللي في بطني
هنا لوجي متحملتش وقالت ودوعها خلاص نزلت
يزن اللي بتقوله دا بجد!! انت اتجوزتها!! انا عارفة انك تعرفها من زمان بس متوقعتش انك تتجوزها وانت بتحبني انا
دنيا قالت وعلشان هي عارفة ان يزن مش بس بيحب لوجي لا دا عاشق ليها ودا اللي هي اكتشفته من محاولاته معاها اللي فشلت
غلطة.. مين فينا مبيغلطش يا لوجي معلش هو غصب عنه وانا علشان حامل منه مكانش ينفع منتجوزش واهلك شاهدين على غلطته دي كمان
هنا لوجي انهارت قواها تماما من اللي بتسمعه في ليلة فرحها وبفستانها الابيض
ووقعت مغنى عليها ويزن لحقها ع اخر لحظة قبل ما تقع ع الارض
ويا ترى ايه اللي هيحصل!!!
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
الفصل الثامن والأربعون
تم النشر الثلاثاء
4/3/2025
صحي اياد من نومه على صوت العسكري بينادي عليه
المتهم اياد خالد يقوم هنا حالا...
ورددها كم مرة لحد ما انتبه اياد وقام من مكانه وراح عنده
ايوا انا اياد
العسكري بتهكم
وكمان ليك عين تنام.... قدامي يا متهم قدامي
قالها وهو بيحط الكلبشات في ايده
اياد
هنروح فين بس ؟؟
العسكري
هتتعرض على النيابة يا حلو ابقى خلي المحامي بتاعك يحصلنا
اياد
معنديش محامي
العسكري
ميهمنيش فوت قدامي ان شاء الله تخلل في السجن انا مالي اهو نريح البشرية من امثالكم
اتنهد اياد بأسى ومشي معاه من غير ولا كلمة
وف مكتب الظابط كتب شوية حاجات ف ملفه وسلمه للعسكري اللي هيوصل اياد لعربية الترحيلات وهيفضل معاه لحد ما يسلمه هناك بنفسه
❈-❈-❈
وصل ادم لبيت شوق بعد ما خلص شغله وقابل شوق
السلام عليكم ورحمة الله وبركاته.. صباحك هنا يا ماما شوق
شوق بفرحة
صباحك فل وياسمين يا ولدي حمدا لله على السلامة ايه جاي علشان تسلم على صاحبك كنك سمعت انه رجع؟؟
ادم بفرحة
لاه عتتكلمي جد يا ماما شوق مالك رجع من مهمته؟؟
شوق
رجع الحمد لله لينا بالسلامة وهو نايم بيرتاح فوق ومادونا كمان اهنه في اوضة المسافرين
ادم
مادونا كمان هنا بتعمل ايه دي!!
شوق
انصابت يا قلبي ف المهمة فجابها مالك هنا لحد ما تتعافى
ادم مكنش فاهم بردو ليه مالك جابها هنا لكنه على كل حال معلقش
وسأل على وعد
وعد فين اوعي تقولي انها لسه نايمة ورانا معاد
شوق
حصل فعلا هي نايمة وموصياني اوصلك رسالة واقولك اختار الفستان انت وهي هتوافق بيه
ادم
طبعا انا هختاره لكن هقيسه انا مثلا ما هي لازم تيجي علشان نظبط المقاس عليها خلاص مفيش وقت
شوق
والله اتصرف مع مرتك اني هخرج نفسي من الموضوع ديه
ادم
طيب خلاص اني هروح اختار كم واحد يعجبوني واجيبهم ليهة اهنه تختار اللي يعجبها وهجيبلها البنت اللي هتظبطه كمان تاخد مقاساتها وتعمل اللازم طالما عروستنا كسولة وبتدلع
ضحكت شوق
وماله خليها تدلع براحتها
ادم
اكيد وعد تقعد وتحط رجل على رجل وحاجتها تجيها لحد عنديها هو احنا عندينا كم وعد يعني
شوق ربنا يباركلكم يا ابني مش هوصيك تحطعا جوة عنيك
ادم
اكيد طبعا مش محتاجة كلام يا ماما شوق ربنا يقدرني واكون زوج صالح ليها .. استأذن اني الحق اجيب ليها اللي ناقصها
شوق في أمان الله يا ولدي
بعد شوية
وصلت فداء ومعاها مهند وسلموا على شوق
مهند
شوق انتي لسه مصممة ان الحفلة تتعمل هنا عندك ف الفيلا؟؟
شوق
ايوا يا مهند اني رايده اكده شايل الهم ليه
مهند
الفكرة ان الفيلا عندك هتتبهدل خلينا نعملها ف اي اوتيل على النيل
شوق
احلى غلبة واحلى بهدلة في الدنيا كلياتها دول عيالي اللي هيتجوزوا مش اي حد
مهند
تمام اللي يريحك يا حبيبتي بس هنلحق نظبط الدنيا !!
شوق
ايوا عمك سلمان بيظبط الجنينة ومسؤل الديكور هياجي كمان هبابة يظبط كل حاجة متقلقش رائد متفق معاهم من بدري
مهند
حبيبتي يا شوق ربما يباركلنا فيكي مش عارف من غيرك كنا هنعمل ايه
شوق
اني اللي من غيركم ولا حاجة يا ولا انتوا عزوتي وناسي وكل ما املك ربنا يخليكم ليا يا غوالي
بصت شوق لميار لقتها ساكتة وحزينة فقالت
ايه مالك يا نضري زعلانة ليه تكونيش زعلانة ان يزن خلاص هيتجوز ويسيبك؟؟
ميار
زعلانة ان مالك ابني مش هيكون معانا يا شوق وكمان بقالي كم يوم مسمعتش صوته وحشني اوي
شوق ابتسمت
وربنا حاسس بيكي ومحبش تكوني زعلانة فحب يربط على قلبك علشان أكده رجعلك مالك وهو دلوك نايم فوق بيرتاح من السفر
ميار عيونها اتسعت بفرحة
والله بجد يا شوق بتتكلمي جد مالك رجع؟؟
هنا سمعت صوت مالك
امي!!
اول ما شافته جريت عليه وحضنته بفرحة وحب
هنا كور مهند قبضة ايده بغيرة فلاحظته شوق وعرفت انه حاسس بالغيرة فضحكت
ههه مالك يا ولا عتاكل في بعضك اكده ليه
مهند
شايفة يا شوق ولا عملت اي اعتبار ليا وجريت على مالك ازاي هي حصلت انا منبه عليها مليون مرة
شوق وهي لسه بتضحك
معلهش يا ولا ابنها بردك عديها اني غلبت افهمك اكده مفيش فايدة منيك ليه
مهند
وهو يعني علشان ابنها تنساني يا شوق ينفع كدا
شوق
بطل دلع يا ولا ما هي كانت لسه معاك من ثواني معدودة انما ابنها مشافتوش من اسابيع وعايزة تقر عينها وتطمن عليه
في الوقت دا مادونا صحيت وسمعت اصوات برا وخاصة صوت مالك فخرجت وهي ماسكة جنبها بألم
فشافت مالك بيحضن واحدة جميلة فحست بالغيرة
ودي مين دي بقا ان شاء الله اللي الأستاذ مالك بيحضنها هي حصلت وف البيت كدا عادي .. اامم يمكن اخته
شافتها شوق وراحتلها
نوم الهنا يا حبيبتي صحيتي بسرعة ليه اني قولت هتطبقي للصبح
لاحظت شوق ان عيون مادونا على مالك فقالت
ديه ميار ام مالك تعالي اعرفك عليها
مادونا
ام مالك اومال حضرتك ايه
ضحكت شوق
اني عمته اخت ابوه يا قلبي بس علشان مالك بيحبني بيقولي ماما شوق وانتي كمان تقدري تقوليلي ماما شوق زييهم أكده ما انتي خلاص بقيتي واحدة مننينا ولا ايه
مهند استغرب وجود بنت غريبة فقرب من شوق وقال مين دي يا شوق!!
مالك بص لشوق بتوتر وهز راسه بمعنى انها متقولش حاجة
فقالت
ضيفة جاية تقعد عندينا كم يوم ايه يا مهاند انت وميار مش هترحبوا بمادونا
ميار قربت منها
ازيك يا جميلة منورة انا حاسة اني شوفتك قبل كدا
مهند
اه وانا كمان شوفتها بس فين مش فاكر
ميار
اه افتكرت انتي زميلة مالك وادم في الشغل كنتي معاهم في الاختبارات انا فاكراكي كويس
مادونا
ايوا انا ازيك يا طنط
ميار
اخبارك ايه يا جميلة اكيد عرفتي ان فرح يزن اخو مالك بكرة وجيتي علشان تحضريه مش كدا
مادونا
ااه اه طبعا الف مبروك ربنا يسعده يارب
شوق
وتعرفي كمان يا مادونا ان بنتي وعد هتتجوز بردك ف نفس اليوم .. هتكون حفلة كبيرة ان شاء الله وانتي هتنورينا بوجودك
هزت مادونا راسها
فقرب مالك من مادونا وهمس لها
لو هتحضري.. تحضري بفستان محترم انتي فاهمة
بصتله مادونا بغيظ
فقال ايه!! غير كدا مش هسمحلك تحضري
مهند اخد باله من همس مالك لمادونا
فهمس لميار
ميار اخدة بالك من ابنك الواد دا بيلعب بديله من ورايا ولا ايه لأ وكمان جايبها هنا عند شوق يا بجاحته يا اخي
ابتسمت ميار وقالت
طب والله بنوتة قمورة وكمان زميلته ف الشغل يعنى عرف يختار صح
مهند يا سلام انتي هتعومي على عوم ابنك
ميار
لو هو عايزها يبقى ليه لأ يا مهند احنا عايزين نفرح بيه هو كمان
مهند بحب
وانا عايز افرح بيكي انتي يا قمري
ابتسمت ميار بخجل
مهند وبعدين بقا
مهند
عيون مهند يا قمر
❈-❈-❈
تسريعا للأحداث
عدت الساعات بسرعة وتمت التجهيزات كلها بأسرع ما يمكن وعلى اكمل وجه وجه وقت الحفلة
اللي اتزينت فيها العروسين بأبهى صورة
وعد كانت زي القمر ف فستان الفرح بدرجة خطفت عيون ادم وقلبه كمان حتى انه قرر يخطفها من عيون الناس ويخبيها جوة قلبه
فجه ف حركة مجنونة كعادته وفي وسط الحضور وأثناء ما كانوا قاعدين في الكوشة مع يزن ولوجي
قام ادم وشد وعد من ايديها برفق
فقالت
ايه يا ادم فيه ايه واخدني على فين
ادم
تعالي بس معايا هقولك على حاجة
وعد
ايه احنا رايحين فين بس ازاي تشدني كدا من وسط الناس فيه ايه
ادم
لاه كفاية عليهم أكده أني مش هتحمل نظرات الناس ليكي اكتر من اكده تعالي بس وهنتفاهم في بيتنا
وعد
يا مجنون الفرح لسه مخلصش ميصحش كدا
ادم
لاه يصح ونص وعشرة كماني اني اكمل اللي رايده يا بنتي
وقالها وقربوا من رائد وشوق اللي مستغربين اللي بيعمله
وقال
بعد اذنكم يا جماعة كفاية عليكوا لحد اكده وعد من الان وصاعدا بقت بتاعتي اني وبس سلااام
رفعت شوق حاجبها
واد يا ادم الفرح لسه مخلصشي يا واد اركز اكده ديه ايه اصله ديه يا ناس
ادم
افرحوا براحتكم يا ماما شوق اعملك ايه بنتك اللي جميلة ومش هتحمل نظرات الناس ليها اكتر
شوق
واه يا ادم ناس مين بس كل اللي اهنه اهلنا وناسنا والرجالة برا كلياتهم ما انت كنت جاعد معاهم دلوك
ادم
حتى ولو سلام يا ماما شوق سلام يا دكتور رائد
قام رائد من مكانه وحضن بنته جامد
هتوحشيني يا روح بابي مبروك يا قلبي
وشوق قربت من بنتها وحضنتها بعد ابوها وقالت
خدي بالك من نفسك ومن جوزك يا وعد جوزك جنتك ونارك زي ما وصيتك كوني له امة يكن لك عبد يا بنتي ربنا يصلح ليكم الحال ويسعدكم
وبصت لادم
وصيتك وعد يا ادم
ادم هنا متحملش اكتر وشال وعد وهو بيقول
وعد في عنيا يا ماما شوق.. سلام
الكل كان مستغرب اللي بيعمله ادم
اما يزن فضحك وبص للوجي
ايه رايك في جنون ادم دا... تيجي نعمل زيه ونطفش من الفرح ونروح على شقتنا
ضحكت لوجي
لالا اوعى تتجنن زيه خليك عاقل كدا أنا ما صدقت ربنا هاديك النهاردة
يزن
بقا كدا ماشي عامة هعمل كل اللي تحبيه وهفضل معاكي هنا للصبح لو عايزة
❈-❈-❈
قسمت حضرت هي ودنيا بنتها واول ما شافت مادونا استغربت وجودها وجريت عليها
مادونا انتي بتعملي ايه هنا.. يعني انتي كنتي بتكدبي عليا طول الوقت وبتوهميني انك في مهمة مع مالك ؟؟
مادونا
اهلا يا ماما وحشتيني اوي عاملة أيه
قسمت
مادونا انطقي وردي على سؤالي
مادونا
هو دا استقبالك لبنتك بعد مهمة خطيرة كنت فيها
قسمت
ولما انتي كنتي في مهمة خطيرة بتعملي ايه هنا
مادونا
حضرتك ناسية ان النهاردة فرح اخو مالك وانا لازم اكون موجودة
قسمت
اها اخو مالك قولتيلي!! وانتي اتجوزتوا زي ما قولتيلي؟؟
مادونا
على الورق بس طبعا يا ماما
قسمت
على الورق حقيقي المهم انك اتجوزتي ابن مهند وبس دا اللي يهمني
مادونا
ماما ايه اثبات حضرتك ان مالك هو اللي قتل بابا!!
قسمت
قتل باباكي لا هو مقتلهوش ابوه السبب في موت ابوكي علشان ابوه كان بيحبني وانا بحبه فمات بقهرته فهمتي
مادونا
نعم!!! انتي كنتي مفهماني ان مالك السبب ف موت بابا واني لازم انتقم منه .. ماما انا كنت هقتله !!
قسمت
نعم يا روح مامتك تقتلي مين بقولك تتجوزيه مش تقتليه انتي مجنونة.. انتي الظاهر محدش يعتمد عليكي في حاجة انا كل اعتمادي على دنيا حبيبتي وبس انتي هتبوظي الدنيا انا عارفة... عارفة يا بنت انتي مالك لو طلقك انا هعمل فيكي ايه
رمشت مادونا بعينها اكتر من مرة
معقولة دي امها... دي حتى مقالتش لها حمدا لله على السلامة ولا انتي بخير ولا لا ولا باين عليها لهفتها عليها... شتان بين معاملة شوق ليها ومعاملة امها... مادونا مكنش عندها حاجة تقولها امها كل اللي يهمها الانتقام من حبيبها وبس ففضلت مادونا الصمت والانسحاب بهدوء تام
❈-❈-❈
عساف جاله اتصال وهو قاعد مع توبا فاستأذن وقام هو قام من جنبها علشان يسمع الاتصال
لكن توبا فكرت انه مش عايزها تسمع الحوار اللي هيدور ف المكالمة
فاتضايقت
عساف مش عايزني اسمع ليه هو بيعمل ايه من ورايا ومش عايزني اعرفه انا كنت شاكة من الاول ان فيه حاجة هو مخبيها عليا
علشان كدا قامت من مكانها وراحت وراه بشويش من غير ما يعرف فضلت تدور عليه بعنيها لحد ما لقته واقف عند عربيته وبيقول
معلش انا عارف اني لغيت معادنا النهاردة بس علشان عندي مناسبة مهمة اولاد اخواني بيتجوزوا ومكانش ينفع محضرش واكون جنبهم ...
سكت شوية على اللي هي قالته فقال
لا طبعا انتي تكوني اول الحاضرين يا خبر فاتتني دي حقك عليا بس انتي عارفة اللخمة اللي بنكون فيها في الوقت دا ...احنا فيها المرات جاية كتير ان شاء الله وتشرفينا اكيد ... تمام اشوفك على خير ..سلام
توبا رفعت حاجبها
تشرفك!! اه طبعا هي اللي هتشرفك لكن انا لأ بدليل انك سبتني وجيت تكمل مكالمتك هنا يا ترى مين دي وتعرفها من امتا وايه علاقتك بيها من الواضح ان العلاقة تعدت علاقة الشغل واكتر وانا لازم اتأكد بنفسي
ومن هناا قررت توبت انها تراقب تصرفات عساف وخطواته كلها علشان تتأكد من شكوكها في انه يعرف واحدة ست غيرها
❈-❈-❈
بالرغم من ان الكل فرحان وسعيد الا ان فداء كان باين عليها الحزن وكان واضح اوي على ملامح وشها
خالد كان هيموت وهو شايف حبيبته زعلانة فقال
فداء ارجوكي قوليلي ايه اللي مضايقك ايه اللي يرضيكي وانا هعمله بس مش عايز اشوفك كدا مش عايز اشوف الحزن على وشك عايز اشوف فداء بتاعة زمان انتي وحشتيني اوي وانتي عارفة غلاوتك عندي مش عايز الفجوة اللي ما بينا تفضل تزيد عايزها تختفي اوعدك اي حاجة تطلبيها هعملها فورا بس انتي ترضي
فداء عنيها لمعت وقالت
اي حاجة اي حاجة حتى لو كانت خاصة بإياد
خالد
فداء انا بحب اياد وعايز مصلحته ليه مش عايزة تفهمي دا
فداء هنا اتشجعت وقالت
طيب انا عايزة اطمن عليه بقاله كم يوم معرفش حاجة عنه وقلقانة عليه قالي انه في سفرية شغل وقفل موبايله ومش عارفة اطمن عليه .. تعرف تعمل دا!! تعرف تجيبلي اي خبر عنه يطمني عليه خايفة يكون مشي وسابني ووهمني انه في شغل علشان يقدر يبعد .. مش هتحمل بعده يا خالد
خالد
لا ان شاء الله مش هيبعد اياد جدع ومش هيقدر يسيبك تقلقي عليه ... بس اللي اعرفه ان اياد بيشتغل في شركة سيارات يعني شغلها مستقر يبقى سفرية شغل ايه دي!! عامة انا هعمل اتصالاتي وهعرف هو فيه وهطمنك عليه وهجيبه لحد عندك كمان
فداء
بجد يا خالد هترجعلي اياد
خالد
بجد يا روح قلبي هرجعه ليكي هرجع ابننا لينا يا فداء
اتنهدت فداء براحة وبصت لخالد وعنيها بدموع الفرحة بتدمع لان اخيرا فيه امل ان حياتهم ترجع طبيعية من تاني
في الوقت دا جه اتصال لخالد واول ما شاف الرقم
نفخ بضيق
اوف انتي تاني انتي مبتزهقيش
فداء انتبهت لكلام خالد فقالت
فيه ايه يا خالد مالك!!
خالد قام من مكانه وقال
مفيش حد كدا هبقى احكيلك بعدين لحظة بس وراجعلك
وقام من مكانه وراح بعيد عن الدوشة وكلمها
الو اعمل فيكي ايه يعني انتي مبزهقيش عارفة لو مبطلتيش تتصلي بيا انا ممكن ابلغ عنك البوليس انتي فاهمة
ردت هي بكل جبروت
مش هتعرف يا خالد بيه مش هتعرف تبلغ عني وانت عارف السبب كويس اوي
خالد
اه وانتي علشان متأكدة اني مقدرش اعمل دا هتتسلطي عليا بقا فكرك اني هسمحلك بدا مثلا!! لا انسي انتي الظاهر تهاوني معاكي نساكي مين خالد بيه فوقي والزمي حدودك معايا انتي فاهمة
قالها وقفل السكة في وشها
وبعدها اتصل بواحد من من رجالته وقال
عايزك تجيبلي اخبار اياد ابني وتكون عندي بكرة الصبح فاهم
واحد من رجالته:
فاهم يا باشا بكرة الصبح في المكتب هتكون عندك يا باشا حاضر
❈-❈-❈
اما يزن اللي كان مستمتع بوقته في فرحه لحد اخر لحظة فيه ولما انتهى الكل سلم عليهم وامير وايات سلموا على لوجي بالبكا لانها بنتهم الوحيدة رغم انها مش هتبعد عنهم كتير لكن الموقف كان صعب بالنسبة ليهم
ولما وصل يزن لباب شقته ويادوب نزل لوجي اللي كان شايلها علشان يفتح الباب
سمع اللي بتقول
مش انا اولى بالليلة دي والشقة دي منها يا يزن
يزن اول ما سمع الصوت اللي هو عارفه كويس الدم هرب من عروقه خايف لوجي تعرف وتبوظ عليها فرحتها ولسه بيلف وشه علشان يشوفها
سمعها بتقول
مش انا مراتك الأولى ولا ايه يا يزن
يزن بصلها والغضب كله مالي وشه
انتي بتخرفي تقولي ايه وانتي مين اصلا اتفضلي اطلعي برا لأما هطلبلك الأمن
وبص للوجي اللي كانت واقفة مش فاهمة حاجة
سيبك منها يا روحي دي واحدة مجنونة بتخرف مش عارف طلعتلنا منين دي عقلها تعبان الظاهر كدا
هزت لوجي دماغها وحاولت تبعد كلامها دا عن دماغها ومحدش يعكر عليها يومها
لكن دنيا كانت جاية وعاملة حسابها على كل حاجة وناوية تخرب الدنيا فوق راس يزن وتبوظله جوازته من لوجي
خرجت من شنطتها قسيمة الجواز وقال وهي بتمد ايديها وبتعطيها للوجي
لو مش مصدقة كلامي امسكي دي قسيمة جوازي انا ويزن لو انتي مش مصدقاني اهو اتأكدي بنفسك
يزن مد ايده مسك القسيمة بسرعة وهو بيزعق
قسيمة ايه وزفت ايه انتي فكرك ان ورقة مزورة زي دي هتقدري تيجي وتضحكي بيها علينا؟!!
لوجي
سيبك منها يا يزن ومتزعلش نفسك مش واحدة زي دي هتيجي تبوظ علاقتنا انا مش مصدقاها اصلا مهما قالت يلا ندخل شقتنا
يزن حط ايده في ايد لوجي وجم يدخلوا قالت دنيا
حتى امضة عمك عساف وعمك امير مزورة بردو يا يزن... تنكر انهم كانوا شهدا على عقد جوازنا اهو اتفضلي يا لوجي بصي على العقد وشوفي امضة والدك بنفسه على عقد جوازنا
هنا لوجي كانت هتتجنن اول ما سمعت اسم والدها وامضته على عقد جواز يزن
فلفت وشها وقالت
وريني من فضلك العقد دا اشوفه
يزن بقلق من اللي هيحصل واللي متوقعش ان دنيا يكون عندها الجرأة وتيجي تعمل كدا فيه في ليلة فرحه على الأقل
وقال لوجي انتي هتصدقي كلامها دا بردو !!
لكن لوجي كانت مصممة تشوف العقد
معلش يا يزن انا محتاجة اشوف العقد دا انا اعرف امضة بابي كويس اوي
يزن
لا يا لوجي مش هتشوفيه
وزعق لدنيا
وانتي خدي ورقك وامشي من هنا اتفضلي
دنيا بتبجح
لأ يا يزن مش همشي انت ليه خايف تعرف الحقيقة ها ما مصيرها هتعرف انك جوزي زي ما انت جوزها بالظبط .. لا وكمان ابو ابني اللي في بطني
هنا لوجي متحملتش وقالت ودوعها خلاص نزلت
يزن اللي بتقوله دا بجد!! انت اتجوزتها!! انا عارفة انك تعرفها من زمان بس متوقعتش انك تتجوزها وانت بتحبني انا
دنيا قالت وعلشان هي عارفة ان يزن مش بس بيحب لوجي لا دا عاشق ليها ودا اللي هي اكتشفته من محاولاته معاها اللي فشلت
غلطة.. مين فينا مبيغلطش يا لوجي معلش هو غصب عنه وانا علشان حامل منه مكانش ينفع منتجوزش واهلك شاهدين على غلطته دي كمان
هنا لوجي انهارت قواها تماما من اللي بتسمعه في ليلة فرحها وبفستانها الابيض
ووقعت مغنى عليها ويزن لحقها ع اخر لحظة قبل ما تقع ع الارض
ويا ترى ايه اللي هيحصل!!!
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص أخرى تضمن حكايات وقصص جديدة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
