رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل التاسع والأربعون

تم النشر السبت

8/3/2025

شوق كانت واقفة مع اخواتها وجوزها رائد بيتابعوا تنظيف الحديقة بعد ما خلاص الفرح خلص وكل العرسان راحوا على شقة الزوجية 

فجالها اتصال من يزن فوشها بهت وبعدت شوية عن الكل وردت على يزن 

السلام عليكم ايوا يا يزن يا ابني سايب عروستك وبتكلمني ليه دلوك لوجي بخير !! 

يزن 

الحقيني يا ماما شوق انا في مصيبة لوجي اغمى عليها ومش بتفوق اعمل ايه انا مش عارف اتصرف 

شوق 

نهارك الوان يا ولا عملت في البنت ايه وازاي يعني مش عارفة تفوق 

يزن

 تعالي بسرعة يا ماما شوق دنيا كانت هنا وهبتت الدنيا 

شوق بخضة 

هي الحكاية فيها دنيا اني اكده فهمت اني جايلالك حالا

يزن 

بلاش تقولي لحد يا ماما شوق ارجوكي 

شوق 

لاه متخافش هجيب مالك وهاجي وهسيب عمك رائد معاهم علشان محدش يحس بغيابي وهتحججاني رايحة ارتاح هبابة ف اوضتي 

يزن 

ماشي بسرعة ارجوكي انا هموت من القلق على لوجي 

وبالفعل رجعو شوق لمكانها وهمست لرائد باللي حصل فقال بصدمة من اللي سمعه 

 بلغيني لو مفاقتش لانها كدا هتحتاج تروح المستشفى على وجه السرعة لانها ممكن تكون دخلت في انهيار عصبي حاد 

شوق بخوف 

ربنا يستر اني هاخد مالك من غير ما حد يحس اني معيزاشي اعكنن عليهم في يوم زي ديه 

رائد 

هز راسه وقال 

ربنا يستر ويعديها ع خير 

بعدها ادعت شوق انها تعبانة ودخلت ع جوا 

واتصلت بمالك 

ايوا يا مالك حصلني على برا من غير ما حد يحس 

مالك باستغراب 

ليه فيه ايه وعايزة تخرجي تروحي فين دلوقتي وليه مش عايزة حد يعرف ؟؟ 

شوق 

ولا بطل اسألة مخبرين دلوك اني منقصاشي واسمع الكلام وتعالى بعربيتك برا يلا 

وبالفعل خرج مالك بعربيته برا لشوق اللي كانت في انتظاره 

وقال بقلق 

فيه ايه يا ماما حضرتك قلقتيني 

ولسه شوق هتتكلم لقت عساف جاي من برا 

فقال شوق بتعملي ايه برا هو فيه حاجة 

اضطرت شوق انها تقوله 

فيه مصيبة يا عساف لوجي مغمى عليها ويزن مش عارف يفوقها

مالك بصدمة 

ايه هبب ايه المتهور دا يخربيت كدا عمو امير لو عرف هيخرب الدنيا فوق دماغه 

شوق 

اهدى يا مالك مش زي ما انت فاهم... عساف دنيا كانت هناك وتقريبا حكت كل حاجة عن موضوع جوازهم للوجي 

عساف بصدمة 

 ايه؟؟؟؟ 

مالك بصدمة اكبر 

نعم!! موضوع جواز مين انا مش فاهم حاجة 

عساف ركب عربيته بسرعة 

اركبي يا شوق اركبي خلينا نلحق البنت 

مالك جري على عربيته هو كمان وقال 

انا جاي معاكم علشان افهم فيه ايه 

وبالفعل راحوا كلهم لشقة يزن اللي كان لسه بيفوق لوجي اللي بفستان فرحها وخلاص هاين عليه يعيط 

واول ما شوق خبطت وفتحلها الباب قال 

عمو عساف بسرعا جهز العربية لوجي لازم تروح المستشفى مش بتفوق حاولت بكل الطرق 

فقال عساف 

 مالك بسرعة جهز العربية 

اما هو وشوق دخلوا يشوفوا لوجي 

فلقوا وشها اصفر 

فأخدتها شوق في حضنها باسى 

يا حبة عيني ايه اللي صابك يا قلبي ربنا ينجيكي يارب 

عساف زعق ليزن 

وسايبها طول الوقت دا كدا يا غبي منزلتش بيها علطول على المستشفى ليه 

يزن 

مكنتش هعرف اسوق يا عمو مين هياخد باله منها وانا سايق

شوق 

مهواش وقته كلام من ديه يا عساف بينا بس نلحق البنت 

جه يزن يشيل لوجي فقاله عساف 

لاء عنك انت.. انت من خضتك عليها مش قادر تصلب طولك وممكن تقع منك انا هشيلها 

وبالفعل اخدها عساف ونزل بيها للعربية ومالك كان ف انتظارهم واول ما الكل ركب انطلقوا علطول 

وهناك اتصلت شوق برائد علشان يجيلها بعد ما يتاكد ان الكل روح بيته ومحدش يعرف حاجة عن تعب لوجي 

وف المستشفى جه الدكتور وقال لعساف 

للاسف المريضة اتعرضت لصدمة نفسية حادة علشان كدا دخلت في اغماءة طويلة شوية احنا هنحطها تحت الملاحظة ٢٤ ساعة لحد ما تفوق ان شاء الله 

شوق 

الله المستعان ياربي طيب يا دكتور هي هتفوق امتا 

الدكتور 

ان شاء الله على بكرة الصبح احنا عطيناها مهدىء هينيمها لحد ما اعصابها تهدى وترجع طبيعية دعواتكم

فضلت شوق ويزن جنب لوجي طول الليل 

ويزن ماسك ايد لوجي وبيقول بأسى وحسرة على حبيبته اللي تعبت بسببه ...

سامحيني يا روح قلبي مكانش لازم اسمع كلامهم واكتب كتابي عليها بس والله لاندمها بنت اللذينة دي على اللي عملته.. على قتلها لفرحتك وتعبت بالشكل دا ...

اما عساف ومالك فانتظروا برا علشان لو احتاجوا اي حاجة 

ومالك طلب من عساف يحكيلوا كل حاجة هو ميعرفعاش

❈-❈-❈

اما عند مادونا 

مكانتش عارفة تعمل ايه تفضل عند شوق ولا ترجع بيتها لاهلها وخاصة انها اتحسنت شوية وكمان من الواضح ان شوق مش فاضية ومش موجودة في البيت فهتقعد مع مين 

علشان كدا راحت عند امها ودنيا اللي كانوا واقفين عند عربياتهم فسمعتهم بيقولوا 

قسمتها عملتي ايه !! 

دنيا

زي ما قولتليلي بالظبط خربت عليهم اليوم ووريتها كل حاجة ويا عيني البنت طلعت بسكوتاية خالص وبتحبه علشان كدا متحملتش الخبر فوقعت مغمى عليها وانا سحبت نفسي وجيت علطول لان يزن لو كان شافني مكانش هيعديها على خير 

قسمت بفرحة 

برافو عليكي يا دندن انتي بنتي حبيبتي اللي طلعت بيكي من الدنيا هو دا الشغل الصح ولسه يا مهند ولسه هتشوف انا هعمل فيك ايه وهبوظ حياتك كمان وكمان ازاي 

هنا مادونا ادخلت في الحوار اللي تقريبا كدا فهمت معظمه 

هو فيه ايه يا ماما انتوا بتحكوا عل ايه 

قسمت بوجوم كشرت وقالت 

وانتي مالك انتي خليكي في اللي انتي فيه ... يلا يا دنيا نرجع البيت انا تعبت اليوم كان طويل اوي النهاردة بس اخره انتصار عظيم 

مادونا وقفت قدام امها 

لحظة يا ماما اللي سمعته واللي فهمته دا صحيح!! حضرتك خربتي الليلة على يزن ولوجي!! والبنت تعبت وانتقلت للمستشفى!! هل الكلام دا صحيح!! 

قسمت بحدة 

وانتي مالك انتي شىء ميخصكيش يلا اتفضلي على البيت ولا شوفي هتقعدي فين 

مادونا بحدة 

ماما حضرتك عملتي ايه بالظبط وايه نيتك من كل دا... مهند اللي بتحبيه متجوز وبيحي مراته انتي عايزة ايه بالظبط وبابا الله يرحمه مات خلاص ارجوكي سيبي كل واحد في حاله بقا 

قسمت بشراسة 

نعم اسيب مين في حاله!! مهند اللي سابني واختار ميار وفضلها عليا!!! وسنين عمري اللي قضيتها مع ابوكي غصب انسى كل دا ... استحالة انسى انا لازم ادوق مهند المرار زي ما انا عشته بالظبط علشان يندم انه سابني في يوم من الايام 

مادونا 

يعني على كدا مهند واولاده ملهمش علاقة بموت بابا حضرتك المشكلة كانت عندك انتي وبابا لما مات مات بحسرته منك انتي .. انتي حبك لمهند حب مرضي عماكي عن حياتك وبيتك وجوزك وبناتك وفضلتي عايشة بتجري ورا وهم لحد ما خربتي على الكل على نفسك وبنتك وعلى بابا ومهند واولاده .. ليه ليه كدا تعملي في نفسك كدا ليه 

قسمت 

اه انا بحب مهند ومش هتنازل عنه وابوكي هو السبب انا بكرهه وهفضل ادعي عليه حتى بعد ما مات وبكرهك انتي كمان لانك السبب في اني اهلي ميطلقونيش منه لاني كنت حامل فيكي وقالتلي وقتها طالما بينكم طفلة مش هينفع تطلقي وفضلتي انتي وباباكي غصة في قلبي مش عارفة اتخلص منها .. بس الحمد لله اخيرا خلصت من باباكي عقبال ما اخلص منك انتي كمان وارتاح 

وقفت مادونا بزهول تبص لامها مش مصدقة ان الكلام دا طالع من امها وانها بتكرهها للدرجة ففضلت في مكانها متنحة 

اما قسمت فاخدت دنيا وركبوا عربيتهم ومشيوا 

بعد وقت لما استعادت مادونا نفسها من صدمتها النفسية بسبب امها قدرت تستعيد نفسها وقررت تروح لمالك تحكيله كل اللي عرفته وتتأسفله على ظنها فيه ومحاولة انتقامها منه 

خمنت انه في المستشفى لانها شافته ماشي مع شوق من غير ما حد يحس بس هي انتبهت عليهم 

فراحت على هناك 

مالك كان فهم كل حاجة من عساف والدم غلي في عروقه 

علشان كدا اول ما شاف مادونا جاية عليه وبتقول 

مالك انا عايزة اتكلم معاك... لوجي اخبارها ايه الاول طمني عليها ارجوك 

استقبلها مالك بقلم على وشها من شدة غضبه من اللي سمعه عن اختها دنيا وامها 

جاية تعملي ايه هنا انتوا تقتلوا القتيل وتمشوا في جنازته منكم لله بس يكون في علمك انا مش هسكت على اللي عملتوه وهندمكم كويس اوي وانتي عارفة انا ممكن اعمل ايه 

اخدت مادونا نفس عميق وحاولت تمتص غضبها لانها عارفة انه في قمة غضبه وقالت 

صدقني يا مالك انا معرفش اي حاجة عن اللي بيحصل لسه عارفة حالا لما سمعتهم بيتكلموا بالصدفة 

مالك بحدة 

وفكرك اني هصدقك اتفضلي من قدامي علشان مش عارفة رد فعلي هيكون ازاي لو فضلتي قدامي لثانية كمان 

نفخت مادونا بغيظ 

ومشيت من المستشفى بس لفين مش عارفة مش هترجع بيتها تاني ودا ببساطة لانها مش مرحب بيها فيه فقررت تقعد ف اوتيل لحد ما تظبط امورها وتشوف شقة تقعد فيها 

❈-❈-❈

تاني يوم الصبح 

انتظروا لوجي علشان تفوق لكن لسه بردو مفاقتش فقال يزن بخوف 

ماما شوق لوجي مش بتصحى ليه بقا الدكتور قال بكرة الصبح هتفوق طب ايه انا خايف يجرالها حاجة 

شوق 

هتفوق يا ابني متقلقش ان شاء الله هتفوق انت بس قول يارب واصبر والله المستعان 

في الوقت دا لقوا امير وايات جاايين يجروا ناحيتهم بصدمة وعساف ومالك بيحاولوا يوقفوهم 

عساف 

امير اهدى لوجي كويسة استنى بس اسمعني 

امير بعصبية 

ابعد عني يا عساف خليني اشوف بنتي جرالها ايه 

عساف

 طب اقف بس افهمك اللي حصل

امير 

اشوف لوجي الاول واطمن عليها ازاي بنتي تبقى تعبانة وبايتة في المستشفى وانا معرفش هو دا كلام بردو .. تعالي يا ايات 

وجريوا بسرعا على الاوضة 

فاستقبلتهم شوق بهدوء 

تعالى يا امير معلهش مكانش ينفع نقولكم علشان مشوفش خضتك داي انت وايات اطمن الدكتور طمنا على حالتها وهتفوق خلال دقايق ان شاء الله 

قربت ايات من لوجي هي وامير 

وايات

 ايات ببكى 

لوجي مالك يا ابلة شوق ايه اللي حصلها ارجوكي متخبيش عني وايه اللي وصلها للحالة دي 

امير بعصبية 

ايه اللي حصل يا يزن عملت في لوجي ايه انطق 

اتنهد يزن بأسى 

معملتش حاجة يا عمو احنا يا دوب كنا لسه بندخل الشقة وقعت اغمى عليها 

ايات 

يا حبيبتي يا بنتي اكيد ضغطها وطى لانها بقالها فترة مكانتش بتاكل كويس ولا بتنام كويس 

شوق بصت ليزن 

ايوا هو اكده لوجي محتاجة شوية راحة وهتبقى عال ان شاء الله 

امير سحب يزن من هدومه وهو بيقول تعالى برا عايزك 

وخرجوا برا وسابوا ايات وشوق جوا 

امير 

انطق ايه اللي حصل 

اخد يزن نفس عميق قبل ما يتكلم لانه عارف انه بمجرد ما هيقول لأمير امير هيبهدله 

الزفتة اللي اسمها دنيا لقيناها جاية وف ايديها قسيمة الجواز 

تنح امير مكانه 

ايه!!! وانت ازاي تسمحلها تيجي لحد بيتك وممنعتهاش من انها تتكلم ليه كنت فين وفين شخصيتك ازاي تسمح لها تكسر قلب لوجي بالشكل دا وتسمع منها هي بدال ما تسمع منك انت ها

 قالها وبعدين قرب من يزن عطاله بالبوكس في وشه يطلع غضبه اللي مش عارف يسيطر عليه فيه 

يزن كان واقف ساكت ومعملش اي رد فعل لانه عارف انه غلطان وحزين على اللي حصل للوجي 

في الوقت دا سمعوا صوت شوق وهي بتنادي عليهم 

امير يزن لوجي فاقت تعالوا بسرعة 

جري امير ويزن كأنهم بيسابقوا الريح علشان يدخلوا يطمنوا عليها 

امير اخدها في حضنه 

لوجي بنتي حبيبتي حمدا لله على سلامتك يا روحي 

لوجي اللي كانت في حضن مامتها اول ما شافت باباها اترمت في حضنه وفضلت تعيط جامد 

امير فضل يملس على راسها بحنان 

انا معاكي يا لوجي يا حبيبتي متخافيش كل حاجة هتبقى تمام متقلقيش 

لوجي فضلت تعيط وهي بتقول 

ليه يا بابي ليه!!! 

امير حاول يهديها 

انا هفهمك كل حاجة بس اهدي دلوقتي علشان صحتك انتي غالية علينا اوي يا لوجي ومش عايز اشوفك بالانهيار دا 

يزن كان عايز يطمن هو كمان على لوجي فقرب منها ومسك ايديها وقال بحنان 

لوجي 

لوجي بسرعا سحبت ايديها ولفت وشها الناحية التانية وهي بتقول ببكا 

مش عايزة اشوفه يا بابي من فضلك انا تعبانة مش عايزة اشوفه 

اتضايق يزن من نفسه وانه وصل لوجي لانها مش طايقاه بالشكل دا ومسك ايديها تاني 

لوجي الموضوع مش زي ما انتي فاهمة 

لوجي بضيق 

بابي ارجوك اعصابي مش متحملة اشوفه ولا اسمع صوته حتى 

امير 

يزن اخرج دلوقتي 

يزن 

اخرج ايه يا عمو انا مش هسيب مراتي وهفضل معاها لحد ما تقوم بالسلامة وهفهمها كل حاجة بنفسي 

امير بعصبية 

كنت عملتها دا من الاول اخرج دلوقتي يا يزن البنت اعصابها منهارة بسببك ومش عايزة تشوفك دلوقتي اخرج على الاقل لحد ما اعصابها تهدى ونعرف نتكلم بهدوء 

يزن 

لا يا عمي مش خارج انا هفضل هنا مش هسيب لوجي ابدا ومهما حصل وانا عارف ازاي اصالحها 

هنا امير زعق لانه شايف بنته مش حابة تشوف يزن 

قولت اطلع دلوقتي يا يزن 

يزن نفخ بضيق 

يوووه طيب طالع 

عساف 

روق بالك شوية يا امير مش هينفع كدا.. يزن اخرج اقعد مع مالك اخوك برا 

يزن 

ماشي يا عمو وامري لله بس لحد ما لوجي اعصابها تهدى بس وارجوكم فهموها اني معملتش حاجة وانها حبيبتي ومراتي الوحيدة وبس 

هنا ايات مكانتش فاهمة حاجة 

فقالت امير هو ايه اللي بيحصل انا مش فاهمة حاجة 

امير 

لما لوجي اعصابها تهدى هحكيلكم كل حاجة 

شوق خرجت ورا يزن علشان تصالحه 

يزن متزعلش البنت منهارة اصبر بس اعصابها تهدى وتدخلها وتقعد معاها وتطمن عليها براحتك 

يزن 

ماشي يا ماما اديني خرجت علشان ترتاحوا كلكم وبم اني مش هفضل دلوقتي مع لوجي يبقى جه وقت حساب دنيا على اللي عملته والله ما هعديها ليها على خير انا رايحلها 

منعته شوق من انه يروحلها ف الوقت دا وهو متعصب 

لاه اوعاك تروح دلوك اني اللي هروحلها وهعاتبها على اللي عملته وهوريها شغلها كمان ديه لوجي الغالية علينا كلنا 

يزن 

لا يا ماما شوق انا اللي هروحلها 

شوق 

اسمع الكلام يا واد انت ومتنهيش قلبي.. ما تقول حاجة يا مالك 

مالك 

يزن اسمع كلام ماما شوق واترزع هنا ارتاح شوية او نام انت سهران طول الليل من قلقك على لوجي 

رمى يزن نفسه على الكرسي باهمال 

ماشي اعملوا اللي تعملوه انا عامل زي الكورة ف ايديكم بتحركوها زي ما انتم عايزين 

شوق 

معلش ازمة وتعدي يا يزن 

واتحركت شوق من مكانها علشان تروح لرائد مكتبه تستأذنه انها خارجة وف طريقها للمكتب قررت تتصل على ادم تطمن على بنتها وعد 

ولما رد قالت 

السلام عليكم ورحمة الله وبركاته يا اهلا بعريسنا الحبيب عامل ايه يا ولدي صباح الخير والهنا على قلبك 

ادم 

وعليكم السلام ورحمة الله وبركاته.. ازيك يا ماما شوق صباح النور عاملة ايه 

شوق 

اني زينة الحمد لله طمني عليكم انتم عاملين ايه ووعد اخبارها ايه طمني عليكم يا ادم 

ادم 

الحمد لله تمام يا ماما شوق اطمني 

شوق 

الحمد لله رب العالمين طمنتني يا ولدي رب يطمن قلبك.. هي فينها وعد اكلمها وأسلم عليها 

ادم بص للسرير لوعد النايمة 

نايمة لسه يا ماما شوق مصحتش وانا محبتش ازعجها سبتها تصحى براحتها 

شوق 

نايمة!! طيب يا ولدي ربي يسعدكم ويفرح قلبكم ويهنيكم يارب 

ادم 

اللهم امين يارب .. ها ايه اخبار العرسان التانيين يزن عامل ايه 

شوق 

ها .. اا الحمد لله يا ابني الحمد لله على كل حال 

ادم بقلق 

في ايه يا ماما شوق صوتك بيقول ان فيه حاجة حصلت 

شوق 

مفيش يا ابني متقلقش لوجي بس تعبت شوية ونقلناها المستشفى نطمن عليها... هي بقت كويسة الحمد لله بس اوعاك تقول لوعد علشان متقلقش عليها 

ادم 

لا الف سلامة عليها.. حاضر مش هجيب سيرة لوعد دلوقتي اطمني 

شوق 

ماشي يا ابني اسيبك ف امان الله وهروح مشوار اكده وبعدين بالليل هنعدي عليكم اني ودكتور رائد وهشوف هناء وسلمان لو هياجوا معانا 

ادم 

ماشي يا ماما شوق تشرفوا في اي وقت 

ولما انهى المكالمة بص على وعد المستغرقة في النوم 

نايمة زي الملاك البرىء استحالة تكون عملت حاجة غلط وعد تربية ماما شوق وانا متأكد ان الموضوع فيه حلقة مفقودة فيه حاجة حصلت ومخبيين عليا .. يااه يا وعد ايه اللي حصلك وانا معرفش 

بعد شوية وصل مهند وهو في قمة قلقه وخوفه 

واول ما شاف مالك ويزن قاعدين برا قال بخضة 

يزن فيه ايه لوجي حصلها ايه انت زعلتها عملت فيها ايه انطق... حتى انت يا مالك عارف وانا ابوكم اخر من يعلم 

اتنهد يزن بأسى ومردش 

فقال مالك 

لوجي كويسة يا بابا اطمن ويزن معملش فيها حاجة اتفضل اقعد وانا هفهمك 

في الوقت دا خرجله امير وهو في قمة غضبه 

انت لسه بتسأل فيه ايه يا مهند... ما كله من تحت راس ست قسمت بتاعتك مش بس مكفيها تبوظ حياتك جاية تبوظ حياة بنتي انا كمان 

مهند 

نعم قسمت!! ودي ايه اللي دخلها دي كمان فيه ايه يا أمير انا معرفوش 

امير 

فيه ان قسمت وزت بنتها على ابنك يزن زيك بالظبط بس للاسف مطلعش ناصح زيك وشرب الطعم واتهمته انه اعتدى عليها في بيتها وكان لازم نحل الموضوع ودي علشان الشوشرة فشوق قالت يزن يكتب عليها رغم أننا كلنا متأكدين من براءة يزن.. وياريت كفاهم كدا دي بكل بجاحة جت على بيت بنتي وورتها قسيمة الجواز الجواز وادي النتيجة لوجي عندها انهيار عصبي حاد ومش طايقة يزن وليلة فرحهم باظت والبنت انكسر قلبها 

هنا اتسعت عيون مهند من اللي بيسمعه 

نعم كل دا يحصل وانا معرفش ليه ... ليه يا يزن محدش جابلي سيرة عن الموضوع دا ليه تسيب واحدة حقيرة زي دي وبنتها يعلموا عليك ويبتزوك بالشكل دا انت خايب يلا 

قالها ومد ايده عطاله بوكس هو كمان 

فصرخ يزن بألم 

ااه .. ما براحة يا بابا هيبقى انت وعمو امير عليا حرام عليكم دا انا عريس ومفرحتش يا ناس 

مهند 

انت تخرس خالص حسابك معايا بعيد يا غبي امير الواد دا عقابا ليه محروم من انه يشوف لوجي لحد ما تتحسن خالص وانا هعرف ازاي احل الموضوع دا واعاقب اللي عمل كدا كويس اوي ان ما ندمتها على اللي عملته في اولادي مبقاش انا مهند غريب 

يزن 

ايه لالا طبعا انا معملتش حاجة هتمنعوني من حبيبتي ليه 

مهند 

اخرس يالا 

يزن 

حاضر يا بابا هخرس خالص يمكن ترتاحوا 

مهند 

مالك خد الواد دا من وشي انا داخل اطمن على لوجي 

يزن 

خدني معاك يا مهند عايز اطمن عليها 

بصله مهند بتحذير فتراجع يزن بسرعا 

خلاص خلاص هتنيل اقعد مكاني 

ودخل مهند اطمن على لوجي وباس على راسها وبعد كدا خرج وهو بيتوعد لقسمت 

فيا ترى هيعمل فيها ايه

يتبع