رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثالث والخمسون 

تم النشر الأربعاء 

9/4/2025 

اياد فضل مع فداء لبعض الوقت ولما اخته كيان رجعت سلم عليها وقعد ومعاها لفترة 

كيان كانت فرحانة جدا بالتغير المفاجىء اللي حصل رجوع اياد البيت وكمان خالد قاعد معاهم وهادي ومش بيزعق كانت حاسة انها بتحلم فكانت بتوزع نظراتها بين اياد وخالد وهي سعيدة ومبسوطة 

لكن بعد شوية قام اياد وقف وقال 

انا هقوم انا واسيبكم علشان ترتاحوا 

خالد 

اه وانت كمان محتاج راحة يلا اطلع ع اوضتك خدلك شاور وغير هدومك دي وارتاح انت تعبان بقالك كم يوم 

فداء 

ايوا فعلا معاك حق يا خالد انت محتاج ترتاح يا اياد انت ارهقت نفسك في الشغل اطلع ارتاح يا حبيبي 

اياد بحرج 

اا لا حضراتكم فاهمين غلط انا كنت همشي هرجع شقتى اا قصدي هرجع الشقة اللي كنت قاعد فيها وكدا 

هنا خالد اتنرفز 

ليه يعني ترجع ليه ما هنا بيتك بردو اتفضل اطلع ع اوضتك يلا وبلاش مناهدة

اياد 

يا خالد بيه صدقن... 

خالد بنرفزة اكتر 

بطلع بقا كلمة خالد بيه دي انت ايه للدرجة دي مش عايز تسامح ابوك 

اتنهد اياد ومكانش عارف يرد 

فقالت فداء 

ايه يا اياد انت عايز تزعلني كلنا هنا عايزينك وسطينا عايزين ابننا معانا ... وايه يعني مش ابني اللي خلفته لكن انت ابني من الرضاعة انا اللي ربيتك وكبرتك بين ايديا معقول عايز تنكر كل دا لمجرد اننا مش اهلك الحقيقين!! 

اياد بص لخالد وضم شفته بأسى فقال خالد 

صدقني يا اياد انا كنت غلطان ومتعرف بغلطي انا عاملتك باسلوب مكانش ينفع اعاملك بيه واديني اهو اتراجعت عن اللي كنت بعمله وبرحب بيك وسطنا 

اياد 

ليه .. ليه ايه اللي جد خلاك تغير معاملتي ليك 

ولسه خالد هيرد سمعوا صوت دوشة جاية من برا 

اوعي كدا انا لازم اشوف خالد بيه انا لازم اقابله قافل تلفونه ومش عايزني اكلمه علشان مقدرش أوصله لكني اعرف كويس أوصله ازاي ابعدي كدا خليني أقابله 

اول ما خالد سمع صوتها برق 

وسابهم بسرعا وراح لها 

خرج معاها برا وقفل الباب وراه 

فداء واياد وكيان بصوا لبعض باستغراب 

كيان 

مين الست دي وعايزة من بابا ايه 

فداء 

انا اول مرة اشوفها.. معرفش عايزة ايه من خالد اكيد لما يرجع هيقولنا 

وبصت لإياد 

يلا يا اياد اطلع اوضتك وانسى اللي فات علشان خاطري 

اياد 

حاضر هطلع بس علشان انا تعبان ومحتاج انام لكن صدقيني وجودى هنا مبقاش ينفع يا امي 

اتنهدت فداء بقلة حيلة 

طيب هنتكلم ف الموضوع دا وقت تاني 

❈-❈-❈

وعدى اسبوع على ابطالنا

وفي بيت شوق 

كانت قاعدة بتتكلم مع ادم اللي جه يزورها وطلب يتكلم معاها لوحدها ولما سمعت اللي قاله

قامت شوق وقفت بصدمة من كلامه وهدرت فيه 

عتقول ايه يا ادم انت واعي لكلامك ديه يا ولدي اني ممصدقاشي ان الكلمة داي تطلع منيك انت بالذات لاه اني عمري ما ظنيت ابدا اني اخترت غلط لبنتي لاه اني اكيد بحلم مش ديه حلم يا ادم لاه كابوس كمان مش اكده 

ادم بانزعاج من نفسه انه قالها 

اني اسف يا ابلة شوق ورب الكعبة اني مجبتلك سيرة علشان تظني ظنك ديه ابدا اني كل الحكاية اني ااا 

شوق بانفعال ولاول مرة في حياتها على أدم لكن كلامه اللي بيقوله دا صعب عاقل يتحمله 

علشان مظنش ايه بس يا ادم ما كل كلامك بيأكد اكده يا ولدي اسمع يا ادم ان كنت شاكك في بنتي ولو ذرة شك اكده رجعهالي يا ولدي ويا دار ما دخلك شر رجعلي بنتي يا ادم ولا تكررشي كلامك القاتل ديه تاني علشان انت مش بتقتلها لاه بتقتلني اني وياها مليون مرة ويا عالم بنتي حالتها عاملة ايه دلوك بعد كلامك ديه.. رجعلي بنتي يا ادم وبعد عن وشي السعادي منيش طايقاك

ادم كان بيحاول يفهم شوق 

يا ماما شوق من فضلك اسمعيني بس للاخر.. والله وعد متعرفش اي حاجة من اللي بقولها دي اني مبينتش ليها اي حاجة ومش ناوي اقولها من اصله ولا عمري شكيت ولا هشك فيها داي كفاية انها تربيتك يا ابلة شوق 

بصتله شوق باستغراب 

ايه!! طب انت ليه جاي تقولي اني الكلام ديه ليه مقفلتش سركم عليكم وميخرجش من باب اوضتكم ليه جاي تقولي الكلام اللي يحرق ديه ليه

ادم باستغراب وتفكير عميق 

افهم من اكده يا ماما شوق ان حضرتك معندكيش علم بديه خالص 

شوق هدرت فيه 

يا واد الناس الطيبين معنديش علم بإيه بس .. معنديش علم بأن بنتي مكانتش بنته قبل ما تتجوزك عتقول ايه بس

ادم 

وطي صوتك بس يا ابلة شوق الكلام اللي بقوله ليكي ديه سر ما بينا مش حابب حد يعرفه غيرك اني كل الحكاية اني متأكد ان فيه حاجة حصلت لوعد وايا كان هي ايه اني لازم انتقم لها انتقم لها من اللي عمل فيها كدا اناطي واثق حتى انها نفسها متعرفش ان حد اعتدى عليها ببراءتها ونقاءها وتلقائيتها متعرفش صدقيني 

بلعت شوق ريقها وقالت بضعف 

حد اعتدى على بنتي!!! انت متأكد يا ادم من اللي هتقوله ديه... انا لله وانا اليه راجعون اللهم اجرني في مصيبتي يارب .. بنتي اني اتعرضت لاكده واني معرفش طب ميتا وازاي واني كنت فين اني كنت محاوطاها برموش عنيا وكمان واثقة في بنتي.. حتى لو حصلها حاجة كانت هتاجي تقولي هتاجي تشكيلي تشكي لامها لاه لاه عقلي معارفش يستوعب اللي بسمعه اني في كابوس مش اكده وهفوق منه اكيد 

ادم 

ارجوكي اتماسكي يا ماما شوق علشان نعرف نجيب لوعد حقها وبعون الله طالما اني على وش الدنيا هنتقم لها مش وعد اللي يحصلها ديه واني اقف اتفرج 

هوت شوق على اقرب كرسي وقعدت عليه بهم 

كانت هتعمل ايه يا حبة عيني لو كانت اتجوزت حد تاني وعرف اللي حصل كان اكيد بهدلها وفضحها ليلة فرحها الحمد لله انك عاقل وراسي وزرين قدرت تفهم انها ملهاش يد في اللي حصل ومقولتهاش حتى... منيش عارفة اقولك ايه يا ادم يا ولدي سامحني ع اسائتي ليك ولا حول ولا قوة إلا بالله 

ادم 

اني مقدر موقفك يا ماما شوق و صدقيني اني زيك بالظبط بغلي من الغضب بس لازمن اتماسك لحد ما الاقي اللي عمل اكده واعاقبه بالعقاب اللي يستاهله بس حضرتك قوليلي مين او انتي تشكي ف مين علشان اقدر اشوف هدور منين.. مكنتش حابب اقولك من اصله ويكون دا سر خاص بيا اني لكن لازم اعرف المعلومات من اقرب حد لوحد وهو حضرتك 

شوق 

الله يجازيك الجنان يا ادم اوعاك تجيب سيرة لرائد ديه يطب ساكت يا حبة عيني من صدمته على بنته بالله عليك 

ادم 

يا ماما شوق والله مش هقول لحد واعتبريني مقولتش لحضرتك حتى يا ريتني ما قولت اني بس عايز اعرف هبدأ منين 

شوق بتيه وعقل مش معاها خالص 

معارفاشي معارفاشي يا ادم معافراشي ديه حصل ازاي وامتا وازاي وعد هي راخرة مجابتش سيرة او حتى متعرفش حصل ازاي ديه 

ادم 

فكري ف يوم وعد كانت فيه مش طبيعية او حاسة انها متغيرة .. حاليا بقا فيه طرق كتير للأذى من غير ما الشخص نفسه يحس انه حصله حاجة بيغيب عن الوعي لفترة ويرجع يلاقي نفسه ف مكانه وميدركش جراله ايه للاسف بقينا عايشين في غابة البشر فيها بقوا منزوعي الرحمة الحيوانات ارحم منهم بكتير 

فضلت شوق مطأطأة راسها بحزن على بنتها وبتجاهد انها تتماسك ودموعها متغلبهاش وبتردد في نفسها 

حسبنا الله ونعم الوكيل 

ادم 

 ارجوكي فكري يا ماما شوق اني لازم الاقي طرف الخيط اللي هبدأ منيه 

❈-❈-❈

الممرضة نسرين كانت قاعدة في بيتها في أجازتها مبسوطة انها عندها النهاردة اجازة وهترتاح في البيت 

فلقت بنتها بتقولها 

ماما انا تعبانة اوي حاسة اني هموت 

نسرين 

بعيد الشر عنك يا حبيبتي.. فيه ايه مالك بس ووشك اصفر ليه كدا هو لسه النزيف عندك مخفش 

البنت بتعب 

لأ يا ماما دا زاد اوي و حبوب كابرون اللي قولتيلي اخدها علشان تمنعه معملتش حاجة انا حاسة ان قوتي بتستنزف مش قادرة 

نسرين 

ايه الموضوع دا النزيف دا جالك مرة واحدة ليه كدا ما انتي كنتي كويسة ومش بتشتكي من اي حاجة خالص.. بصي ادخلي ارتاحي ف اوضتك ومتتحركيش كتير او تعملي اي مجهود وانا هكلم الدكتور واقوله لحالتك واحجز معاه معاد كمان علشان نطمن عليكي 

البنت 

ماشي يا ماما 

نسرين نادت على اختها التانية 

يا سامية يا سامية 

سامية 

 نعم يا ماما

نسرين 

ادخلي المطبخ اعملي لاختك عصير فراولة بالبنجر علشان يعوض الدم اللي بتخسره دا ويرد ليها الدموية في وشها لانها صافرة خالص وانا خايفة عليها 

سامية 

حاضر يا ماما هروح اعملها العصير 

وبعد ما سامية عملت العصير ودخلت لاختها الاوضة علشان تعطيه ليها 

شافت منظر خلاها توقع العصير من ايديها وتصرخ بفزع وصياح كبير 

جت نرسين بسرعة وبخضة على اثر صوت بنتها سامية 

فاتصدمت من اللي شافته وقلبها وقع ف رجليها ومن الصدمة وقفت لكم ثانية مكانها مقدرتش تتحرك وبعد حدا جريت على بنتها اللي خلاص كانت بتجاهد انه ميغماش عليها وبتقول بصوت خافت اول ما شافت امها

الحقيني يا ماما انا بموو ..وت 

نسرين بمل لهفة وخوف جريت ع بنتها وبصت للدم اللي حواليها ومغرق كل مكان على ملاية السرير والارض وكأنها ماسورة وانكسرت وبهدلت الدنيا.. كان منظر يقشعر له القلوب ويفزع بشكل يرعب 

بقلب مرتعش ولسان بيجاهد علشان يتكلم 

سسسامية اتصلي بالاسعاف ببسرعة . .. ااا اختك بتروح مننا 

❈-❈-❈

في المركز الخاص بالقوات المسلحة كان قاعد مالك على مكتبه بيخلص شغل فجاله استدعاء من اللوا فاتحرك من مكانه علشان يروح على مكتب اللوا 

فقابل مادونا في طريقه واللي قرر ينساها تماما بسبب غضبه من امها واختها واللي عملوه في عيلته وظنه بأنها زيهم نسخة منهم بالظبط علشان كدا قرر انه حتى لو كان في قلبه ذرة حب ليها هيحرقها ويمحيها من الوجود

وللسبب دا شافها ماشية فتجاهل وجودها تماما وكأنها مش موجودة وكأنه مش شايفها من اصله

اما هي اول ما شافته حست بالحنين ليه حست انه وحشها ونفسها تشوفه لكن مع تجاهله ليها ومعاملته ليها اخر مرة وضربه ليها.. كبرياءها منعها انها تعمل اي رد فعل ومشيت هي كمان ف طريقها من غير ما توليه اي اهتمام وقلبها بيعتصر وبيجاهد انه ميروحلوش ويسلم عليه ويبدد شوقه ليه 

وصلت لمكتبها وقعدت عليه وهي بتتنهد بهم 

وحشتني اوي يا مالك .. انا عارفة ان نظرتك ليا اتغيرت بعد اللي عملته ماما ودنيا بس صدقني انا غيرهم وعمري ما كنت زيهم ولا حتى كنت اعرف بمخططهم دا... ماما خدعتني وخلتني اقرب منك بحجة الانتقام وانا زي العبيطة صدقتها... صدقتها لاني كنت بحب بابا جدا... هو الوحيد اللي كان بيحبني كان معوضني على بعد ماما عني وكرههها ليا عمري ما حسيت واما معاه اني وحيدة او ناقصني حاجة كان معوضني عن كل حاجة بس من بعده وانا اتيتمت بقيت يتيمة الاب والأم حتى وماما عايشة .. علشان كدت صدقت كلامها صدقته وللاسف حبيتك مش عارفة دا ازاي وحصل امتا بس انا فعلا اتعلقت بيك يا مالك بقيت عايزة اشوفك في كل وقت ببقا مبسوطة وانا معاك.. تعرف فترة مهمتنا سوا رغم اني كنت مفكرة انها اسوأ ايام حياتي الا اني أدركت دلوقتي بس انها كانت اسعد ايام حياتي علشان كنت فيها قريبة منك... اه يا مالك لو تسمعني وتعرف اني مليش ذنب اه او تعطيني فرصة بس الظاهر ان اتبنى بينا مليون سد صعب حد يزيله 

رجعت ضهرها لورا بحزن و فضلت تفرك في عينيها وبعد شوية حست انها مخنوقة ومش قادرة تكمل شغل فقررت تمشي .

❈-❈-❈

بعد فترة من التفكير والاحساس بالعجز وان علقها خلاص هيشت منها مش قادرة تركز ولا تفكر حتى 

قالت ايوا اني افتكرت حاجة من فترة قريبة من قبل جوازكم يا ادم حاجة لفتت نظري وتوي دلوك انتبهت ليها ممكن تكون داي طرف الخيط اللي عتدور عليه  

اتحمس ادم وبص لشوق باهتمام علشان يصغي بكل حواسه للي هتقوله شوق 

اتكلمي يا ماما شوق قولي كل اللي جه في بالك كل ظنونك بكل تفاصيلها حتى لو انتي شايفاها حاجة صغيرة وملهاش قيمة هتفيدني فيي بحثي عن الحقيقة 

شوق وهي بتفتكر اللي حصل 

في مرة وعد كانت رايحة فيها على شغلها واليوم ديه كان طويل اوي بالنسبة ليها في جدولها اليومي واني كنت عارفا انها عندها شغل كتير وبترجع مجهدة في اليوم ديه كلمتني وقالت انها هتتأخر حبتين بسبب ضغط الشغل والإشراف وديه شىء مش جديد هي واني متعودين على اكده... لكن يوم ما رجعت كانت تعبانة بزيادة مكنتش حاساها طبيعية لكن اني محطتش في دماغي اي حاجة وحشة وقولت ارهاق الشغل بسبب انها مأكلتش كويس... لكنها في اليوم ديه فضلت نايمة وتعبانة ومعلولة لتاني يوم حتى انها مقدرتش تروح على شغلها تاني يوم .. بس والله مجاش في بالي ايتها حاجة وحشة نهائي اني قولت البنت من حقها تاخدلها يوم اجازة ترتاح بس بعد اكده مارست حياتها الطبيعية عادي مشوفتش حاجة غريبة تذكر يعني 

اتسعت حدقة عين ادم وقال 

بس انا كدا وقفت عند طرف الخيط.. عرفت منين انا هبدأ بحثي.. في المستشفى اللعينة اللي بتشتغل فيها 

شوق بعدم فهم 

مالها المستشفى وايه اللي ممكن يحصلها هناك 

ادم بغضب 

يا ماما شوق معتسمعيش عن الدكاترة اللي بيبيعوا شرفهم وضميرهم وقسمهم ويستغلوا وضعهم كدكاترة في انتهاك اعراض البنات 

اتصابت شوق بصدمة كبيرة وبصت لادم بفزع 

هتقول ايه يعني بنتي اني جرالها أكده في مكان شغلها وعلى يد دكتور لعين؟؟؟ ربنا ينتقم منيه وحسبي الله ونعم الوكيل فيه اني خصيمته يوم القيامة وربنا ما مسامحاه على اللي عمله في بنتي 

ادم وهو حاسس انه هينفجر من الغيرة على وعد

سهل انه يخدرها بأي مخدر مجرد شكة دبوس ووعد تغيب عن الوعي ويعمل اللي يعمله وطبعا اكيد كان ممهد المكان عنده بس ورب الكعبة اقسم بالله لأجيبه واخليه يتمنى الموت ولا يطولوش الا لما ربنا يأذن بديه ورب الكعبة لأخليه يندم ندم عمره ويشوف اللي عمره ما كان يتخيله ف احلامه... 

قالها وبرزت عروق ايده ووشه من الغضب 

اني هعمل بحث مفصل عن كل الدكاترة اللي في المستشفى اللعينة دي وهحصر الدكاترة اللي كانت موجودة في اليوم ديه وهشوف اللي كان غايب منهم في اليوم ديه كمان علشان مظلمش حد وهسأل وهجيبه وربنا ما حد هيرحمه من يدي 

شوق قامت وقفت وبلعت ريقها 

متوديش نفسك في داهية يا ادم يا ولدي هات الأدلة اللي تدينه ووديه في ستين داهية من غير ما تلطخ يدك انت 

ادم بعيون كلها شراسة وانتقام 

مهبنفعش يا ماما شوق الموضوع اصبح شخصي وعد خط احمر وديه تجاوز كل الخطوط مينفعش ملوثش يدي أني مستعد اروح فيه السجن كمان المهم اشغي غليلي منه وهيحصل 

عم اذنك يا ماما شوق 

قالها وانطلق في طريقه 

حاولت شوق تمنعه لكنها مقدرتش عليه فقعدت مكانها بهم واستغلت انها لوحدها فأطلقت لدموعها العنان وبدأت تبكي بحرقة على بنتها

يتبع