رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل السادس والخمسون 

تم النشر الإثنين 

21/4/2025

حكت دعاء كل حاجة لشوق ومع كل كلمة بتقولها كانت حاسة بالندم الشديد ودا لأن وعد طلعت بنت شوق 

زي ما قولتلك كدا با ابلة شوق اقسم بالله ما كدبت في حرف احنا موافقناش الدكتور هو اللي يقوم بالمهمة دي وعملناها احنا .. احنا عندنا بنات بردو علشان كدا اقنعنا الدكتور اننا هننفذ المطلوب زي ما طلب بالظبط... انا مش ببرر ان اللي عملته دا صح انا عارفة اني غلطانة وغلط كبير جدا بس معرفش عقلي كان فين ساعتها الشيطان سمحت ليه انه يسيطر عليا بالكامل والفلوس عمتني فعملت جريمتي دي في حق بنتك حقكم عليا والله ما عارفة اقول ايه 

شوق كانت متحسرة على بنتها واللي حصلها 

فاتكلمت بصوت مبحوب من قادر يطلع وهي بتشاورلها تمشي 

امشي.. امشي غوري من قدامي قبل ما افقد اعصابي عليكي .. اعمل ايه بأسفك اني دلوك اعمل بيه ايه هل هينفع الندم بعد اللي حصل امشي من اهنه 

دعاء مسكت ايد شوق وحاولت تبوسها 

ابوس ايدك يا ابلة وشق سامحيني .. انا عارفة اني غلطانة واني مجرمة واستحق العقاب اعملي اللي انتي عايزاه لو عايزة تقاضيني حتى قاضيني انا مستعدة لاي عقاب بس بلاش دعوة المظلوم بالله عليكي... للمظلوم دعوة لا ترد 

شوق بسخرية 

دلوك خايفة من عقاب ربنا مفكرتيش في عقوبة ربنا قبل عملتك ليه 

دعاء 

ليكي حق تقولي اي حاجة انا مجرمة واستاهل كل اللي يجرالي اعملي اللي انتي عايزاه بس سامحيني بالله عليكي انا مستعدة افضل خدامة تحت رجلين دكتورة وعد طول عمري لحد ما تسامحوني  

شوق صرخت فيها بحدة 

بكفاياكي حديت معايزاشي اسمع منك اي حاجة امشي الله يسهلك .. اللي حصل حصل ومهعرفش ارجع حاجة راحت حتى لو قتلتلك ربنا يجبر قلبي ويصبر قلبي على بنتي منكم لله منكم لله 

جت دعاء تتكلم 

ابلة شوق اا 

شوق شاورت لها امشي واكفينا شرك انتي وزميلتك بس يكون في علمك انتي وهي متستأمنوش على مرضى ابدا ومش هتشتغلوا في المستشفى داي تاني ولا أي مستشفى بعد اكده شوفلكم شغلانة تانية واحمدي ربنا انها جت على قد اكده ..

اضطرت دعاء انها تمشي لان شوق مش متقبلة انها تسمع منها اي حاجة تاني 

❈-❈-❈

اتصل مهند بأدم 

ادم فين شبيب انا بعتلك عنوانه مجبتوش ليه ولا قدر يهرب منك لو مش عارف تجيبه؟؟ سيبهولي انا هعرف اجيبه من تحت الارض 

ادم كان راكب عربيته وف طريقه لشبيب فقال بصوت زي الجحيم 

شبيب مبقاش ليه وجود خلاص انساه وكأنه رماد وتاه مع الريح 

اتسعت عيون مهند لانه عارف ادم وقت الغضب بيكون عامل ازاي فقال بصدمة 

ادم انت عملت فيه ايه اوعى تضيع نفسك.. ادم رد عليا.. ادم!! 

لكن ادم مردش عليه لانه ببساطة قفل فونه خالص ورماه جنبه ع الكرسي جنبه 

وبص قدامه بشر وعيون قاتمة مليانة سواد وانتقام لحبيبته 

مهند كان هيتجنن خايف ادم يتهور ويضيع بسبب غضبه وبكدا وعد هتعيش وحيدة وتعيسة طول عمرها بسبب سجن ادم بعد اللي هيعمله في شبيب 

فمتحملش اي زعل يصيب وعد فاتصل بسرعة بمالك ابنه 

فرد مالك اللي كان بيتابع أدم ووراه بعربيته وادم من تركيزه في المهمة اللي رايح يعملها مأخدش باله ان مالك ماشي وراه 

ايوا يا بابا انا معاك 

مهند 

مالك بسرعة الحق ادم دا رايح يضيع نفسه ويعمل مصيبه انت عارف لو ملحقتوش انا هعمل فيك ايه 

مالك 

انا كنت حاسس بحاجة زي كدا بردو علشان كدا انا ماشي وراه اهو متقلقش بس قولي فيه ايه علشان اكون في الصورة 

مهند اتهرب من سؤال ابنه 

ركز انت ف مهمتك دي وبلاش كلام كتير 

قالها وقفل السكة فنفخ مالك بضيق 

وبعدين بقا ايه اللي بيحصل ومحدش راضي يقولي عليه 

وفضل متابع ادم لحد ما وصل لمكان غريب 

اشبه بمغارة في مكان بعيد عمر ما حد يتوقعه... مجرد وصولك هناك يدب في قلبك الرعب من صوت الدياب والكلاب والوحوش اللي مش معروف هويتها ايه 

مالك قال في نفسه 

غريبة ادم جاي المكان المريب دا ليه وعارفه منين انا نفسي قلبي واقع ف رجلي من قبل ما ادخله يا نهار ابيض هو ناوي ع ايه بالظبط 

ودخل اتسحب ورا ادم لكن الحراسة كانت مشددة جدا فمعرفش يتوغل لجوا او يلحق بآدم بسهولة فاتخلف عنه لبعض الوقت 

اما ادم فكان وصل للأوضة اللي فيها شبيب وبصله بحجيم هيصبه عليه كله وقال 

واخيرا شرفت يا عرة الرجالة 

شبيب رغم الخوف اللي جواه حاول يتكلم بشجاعة 

انت مين وجايبني هنا ليه انت مش عارف انا مين 

ادم 

كلكم بتقولوا نفس البوئين دول هما هما نفس الغرور ونفس الغطرسة ونفس التكبر ونفس انعدام الضمير والانسانية... مفكرين ان بفلوسكم ونفوذكم هتعملوا ما با دالكم ومحدش يقدر يوقفكم ناسين ان فيه رب شايف ومطلع وان مهما كنت كبير وشايف نفسك الله اكبر وهينتقم منكم شر انتقام.. بس هيكون انتقام في الأخرة اما دلوك انتقام الدنيا اللي منيش هرحمك منيه 

شبيب بصله بعدم فهم رغم نبرة التوعد والانتقام اللي في كلام ادم فقال 

انت بتقول ايه انا اعرفك منين امرهم يفكوني وانا هسامحك ع عملتك دي 

ادم 

اني مطلبتش منك تسامحني اعلى ما في خيلك اركبه ولو ليك حد هيقدر يخرجك من اهنه يبقى يوريني نفسه لانك من اليوم مهتشوفش النور ديه اذا طلع عليك نهار ومقتلتكش 

نشف الدم في عروق شبيب وبلع ريقه بخوف 

اا انت انت من قطاع الطرق والمجرمين مش كدا اا انت عايز كام انا مستعد اعطيك اللي عمرك ما تحلم بيه 

ادم صرخ فيه بحدة 

محدش اهنه مجرم غيرك واني مستعد بعد اللي عملته اكون مجرد بس انتقم منيك على اللي عملته 

شبيب 

انا عملت ايه انا معرفكش 

ادم بعيون كلها سواد ونبرة حزينة ع وعد حبيبته 

بتسأل عملت ايه .. ووعد الدكتورة وعد واللي عملته فيها ايه نسيته ولا تكبرك وغرورك عماك فنسيت عملتك 

هنا دب الرعب الحقيقي في قلب شبيب وعرف انه هالك لا محالة فكان الاول خايف بس يجهل هو عمل ايه وجاي هنا ليه لكنه دلوقتي فهم انه قدام وحش كاسر مستعد للانتقام بأي طريقة لوعد واللي حصلها 

فبدأ ينتفض في مكانه بخوف ورعب ملهمش مثيل 

ااا اااا 

ادم بسخرية مط شفتيه 

ايه كنك خفت لاه متخافش اكده هي عملية بسيطة هتحصل .. مش هو العين بالعين والسن بالسن وبالبادي أظلم ولا ايه ولا انت متعرفش عندينا في الصعايدة مهنفوتش التار ابدا 

اتسعت عيون شبيب وبص لأدم بزعل 

اا انت جوزها 

وفضلت عيونه تزوغ هنا وهناك برعب زي المجنون 

ادم نادى على رجالته يحضروا الأدوات 

يا رجالة حضروا العدة لسيد الرجالة 

وبص لشبيب بسخرية 

مش هتكون بعدها سيد الرجالة بردك... متخافش متخافش اني عامل حسابي وجايب دكاترة متخصيصين مش اي حد وديه ببساطة علشان متموتش انت لسه منتظرك كتير 

هنا فضل شبيب يصرخ بعلو صوته 

لااااا.. لاااا سيبوني اوعى حد يقربلي لااااااا 

ادم 

اصرخ زي ما تصرخ مش هينفعك الندم ولا الصراخ محدش اهنه هينفعك ولا هيسمعك انت في الهو في اللا مكان

في مكان مجاور من اللي فيه شبيب كان همام نايم ومتكبل بالحديد 

فاول ما سمع صرخات شبيب وصياحه برعب 

قام مفزوع ودب الرعب في قلبه هو كمان وفضل يصرخ هو كمان 

لا لا بالله عليكم اقسم بالله ما هرجع للي كنت بعمله تاني اساسا اني مبقتش انفع ارجع للي كنت بعمله اني بقيت جبان أجبن من الحمار ذات نفسيه بالله عليكم ما تعملوا فيا حاجة تاني 

مالك كان لسه بيحاول يتسلل علشان يوصل لآدم من غير ما يشبك مع رجالته فأول ما سمع الأصوات دي اتفزع على الناس وقال 

ايه اللي بيحصل ادم بيعمل ايه هو اتحول لايه انا اول مرة اعرف الجانب دا منه

ونادى بأعلى صوته ادم... ادم وقف اللي بتعمله ااااادم 

هنا رجالة ادم شافت مالك فمسكته وكبلته واخدته لآدم 

ادم اول ما سمع صوت صاحبه خرج وساب الدكاترة تشوف شغلها وخرج ليه

فقالوا رجالة آدم 

الراچل ديه مسكناه كان بيحاول يتسلل لجوا تحب نعمل فيه ايه سعادتك 

ادم بص لمالك وقال سيبوه 

وبعد كدا وجه كلامه لمالك 

جاي ليه مش المفروض تكون اهنه المكان ديه مهواش مناسب ليه 

مالك بغضب 

بتعمل ايه وايه المكان دا انت مش كدا يا ادم فيه ايه الفترة اللي غبتها عملت فيك ايه وايه اصوات الرجالة اللي بتصرخ دي... ايا كان اللي عملوه مش مبرر للي بتعمله دا انت مش الجهة المسؤولة عن عقابهم سلمهم للعدالة وهما ياخدوا جزاءهم بلاش تلوث ايدك 

ادم 

الناس دي متعودة على اكده بتعمل ف الناس اكده فأني حبيت يجربوا نفس الكاس اللي بيسقوا بيه غيرهم دول ياما ظلموا ناس وشردو اسر وديه الجزاء العادل ليهم 

مالك 

ادم ارجع عن اللي بتعمله بابا كلمني وقالي اوقفك انا اصلا مش فاهم فيه ايه 

ادم 

اه علشان اكده لحقت بيا خالي مهند كلمك 

مالك 

لا انا اصلا لحقت بيك من اول ما شوفت وشك بعد المكالمة عارف انك هتعمل مصيبة وجيت الحقك

ادم 

لالا متخافش انا مش متهور اكده يعني اي نعم فكرت ف لحظة من اللحظات اقتله بس خسارة الوث يدي فيه واحسر قلب وعد عليا لاه مهعملش اكده هخليه بس يتمنى الموت ولا يطولوش الا لما ربنا يأذن بديه اني منيش مجرم اني بس بعاقبهم على اللي عملوه بنفس طريقتهم 

مالك

غلط دا اكبر غلط يا ادم ... وانت بالذات عارف ان دا غلط فيه قانون وفيه عقاب رجعي للناس دي 

ادم 

انه عقاب اخرتهم هيترموا ف السجن كم سنة ويدفعوا كفالة ويخرجوا يعيثوا ف الارض فساد ومش هيتعظوا بردك دولن بيدخلوا السجن زي فترة راحة اكده ويرجعوا يباشروا عملهم تاني... بس متقلقش بردك انا هدخلهم السجن بس بعد ما ادوقهم من نفس الكاس اللي بيشربوه للناس زي ما قولتلك 

مالك مبقاش عارف يخلي صاحبه يتراجع ازاي ففكر في نقطة ضعفه وهي وعد فقال 

وعد لو عرفت حاجة زي كدا مش هتوافق على اللي بتعمله مش هتحب فيك كدا انت عايز تزعلها 

اتكلم ادم بوجع علشانها 

وعد!! اني بعمل كل ديه علشان وعد 

مالك 

مش فاهم يا ادم ايه دخل وعد.. وبابا ليه عارف بالموضوع هو فيه ايه 

ادم  

متشغلش بالك الموضوع اتحل خلاص ..

في الوقت دا ادم جاله اتصال من شوق 

 نعم يا ماما شوق انتي كويسة يا غالية!! 

شوق 

ادم اني عرفت الحقيقة عرفت كل حاجة اطمن يا ادم مفيش راجل مس بنتي داي لعبة حقيرة عملوها اتنين ممرضات في بنتي بأمر من دكتور واكيد الدكتور ديه فيه حد طلب منيه يعمل اكده والله اعلم 

عيون ادم غامت بغضب من الممرضات والدكتور فقال

وقعتهم اسود من عملتهم ليهم حساب معايا 

شوق 

لاه يا ادم بكفاية لحد اكده بكفاية اننا اللي عرفناه اني معتش عايزة الموضوع ديه يتفتح تاني اقفل عليه وامسحه بمحاية من الذاكرة وان كان ع الدكتور والممرضين فدولن يتعاقبوا بالفصل من المستشفى وربنا قادر انه ياخد بذنب بنتي منيهم .. الله يسترك يا ادم دنيا واخرة اقفل ع الموضوع ديه نهائي 

ادم 

مينفعش يا ماما شوق هو اتفتح خلاص 

شوق 

لاه يا ادم لو كنت عتحبني وليا عنديك خاطر اقفل ع الموضوع ديه خلاص مهمن عملت مفيش حاجة هترجع زي ما كانت نفضنا سيرة بقا 

ادم 

صعب يا ماما شوق صعب الموضوع ديه يعدي اكده 

في الوقت دا وصل مهند عند شوق ولما سمعها بتتكلم مع مهند قال بصوت عالي سمعه ادم 

شوق قوليله يوقف اللي بيعمله ظا عايز يقتله هيودي نفسه في داهية 

عيون شوق اتسعت بصدمة 

واو لاه يا ادم يا ولدي اوعاك اوعاك تعمل اكده يا بخت من بات مظلوم ولا باتش ظالم بالله عليك يا ادم انتوا لسه عرسان اني عايزة الحياة ما بينكم تكون طبيعية وهادية بلاش تعكرها يا ادم الله يرضى عليك 

اضطر ادم انه يرضخ لطلب شوق فنفخ بضيق وقال 

حاضر يا ماما شوق هتراجع على اللي كنت ناوي اعمله علشان خاطرك وعلشان خاطر وعد وربنا قادر على انه يزيح النار اللي ف قلبي داي 

هنا اتنهد الكل براحة لما سمع كلام ادم وانه خلاص هيتراجع عن فكرة الانتقام 

❈-❈-❈

عساف كان بيستعد علشان ينزل لبس هدومه وتوبا كانت واقفة تتابع وهو لاحظها فقال 

توبا من فضلك ناوليني الجاكيت من الشماعة عندك 

توبا 

حاضر 

واتحركت ناحية الجاكيت وبتمسكه علشان تلبسه لعساف بنفسها فحست بعلبة في جيب الجاكيت 

فلما دخلت ايديها في جيب الجاكيت لقيتها علبة قطيفة بيتحط فيها مجوهرات فاستغربت 

علبة ايه دي 

عساف عمل انه متوتر واخدها منها بسرعا علشان يطمن على اللي جواها وقال 

الحمد لله الخاتم مكانه انا خوفت يضيع .. توبا بتفتحي حاجة متخصكيش ليه 

توبا 

انا اسفة بس الفضول خلاني افتحها.. بس ممكن اعرف الخاتم دا بيعمل معاك ايه 

عساف 

دا خاتم هقدمه لحد مهم وعزيز على قلبي 

توبا 

نعم !!! انت بتقولها كدا في وشي بتعترف ان فيه حد مهم وعزيز على قلبك غيري 

عساف هنا قرر يواجهها بالحقيقة اللي عرفها 

في الواقع وعلشان مخبيش عليكي اكتر .. اه فيه 

رمشت توبا اكتر من مرة وهي بتحاول تستوعب كلامه 

عساف انت بتقول ايه 

عساف 

ايه اكدب عليكي يعني احنا من اول ما اتجوزنا وانا متفق ان حياتنا تكون مبنية على الصراحة والثقة ما بينا لكن للأسف انعدمت اقصد الثقة ما بينا واظنك فاهماني كويس وبالرغم من كدا انا هكون صريح معاكي .. بصي يا توبا بصراحة انا هخطب وناوي اتجوز واظن ان دا مش حرام ولا عيب .. ولا حتى العيب عندك علشان دماغك متروحش لبعيد 

توبا كانت حاسة انها بتحلم ان اللي بتسمعه دا جزء من كابوس بيراودها في النوم وهتفوق منه فضلت تهز ف دماغها وتحاول تضرب بخفة على وشها علشان تصحى 

توبا توبت فوقي دا مجرد حلم مجرد كابوس مش كدا يا عساف قولي انه مجرد حلم وان كلامك دا مش حقيقي 

قالتها وهي بتعيط

عساف رد عليا تتجوز يعني ايه انت عايز تتجوز وتسيبني يعني خلاص مبقتش تحبني!!!

قرب منها عساف ومسكها من كتافها 

توبا افهمي انا بقولك هتجوز مقولتش هسيبك انتي هتفضلي مراتي وحبيبتي 

توبا نفضت ايده بانزعاج 

منين مراتك وحبيبتك ومنين عايز تتجوز عليا انت عايز تجنني!! 

عساف ببرود 

عادي يا روحي ما انتي بردو منين بتحبيني وبتثقي فيا ومنين بتمشي وريا وبتراقبيني ها 

اتلجلجت توبا لانه عرف انها كانت بتراقبه ففضلت تبصله بتوتر 

فقال وهو بيبعت ليها بوسة في الهوا عن اذنك يا روحي رايح مشوار مهم اه اوعي تنزلي ورايا علشان المشوار دا مش هينفع تواجدك فيه 

قالها وسابها ومشي وهي اترمت عل اقرب كرسي وفضلت تعيط بحرقة

❈-❈-❈

فداء دخلت ليه الأوضة فلقته لسه نايم 

ايه دا يا اياد انت لسه نايم بردو انت هتقضي طول الوقت نوم ولا ايه يلا اصحى عايزين نقعد معاك كلنا منتظرينك تحت 

ولما ملقتش منه رد قربت منه ولما حطت ايديها عليه اكتشف ان حرارته عالية 

ايه دا اياد انت سخن اوي... اياد اياد انت كويس 

انتبه اياد ليها وبصلها وعنيه حمرا 

ها ماما.. هو احنا امتا محستش بنفسي 

فداء بقلق عليه 

اياد انت حاسس بإيه جسمك سخن اوي بيطلع نار 

اياد وهو حاسس ان جسمه كله بيوجعه 

اه تقريبا كدا اخدت برد لان جسمي كله بيوجعني مش قادر اتحرك

فداء قربت منه وحاولت تسنده علشان يقوم 

طب اسند عليا هساعدك تدخل الحمام تاخد شاور بارد علشان الحرارة دي تنزل 

اياد 

لالا ملوش لزوم انا هاخد اي مسكن والحرارة هتنزل وخلاص 

فداء قالت وهي بتدور ف الدرج على ترمومتر 

لا طبعا حرارتك عالية جدا دي شكلها عدت الاربعين الترمومتر كان هنا انا فاكرة 

ولما لقته قالت 

استنى خلينا نقيس حرارتك 

ولما قاستها لقتها ٤١ فقالت بخضة 

لا اياد انت كدا دخلت في حمى ... تعالى بس تاخد شاور وننزل على الدكتور نطمن عليك 

قاعد اياد معاه ودخلوا الحمام ونزل تحت الدش لكن من شدة تعبه وقع من طوله اغمى عليه 

فصرخت فداء بخوف 

ااااياااد اياد رد عليه ولما ملقتش منه رد قفلت الدش بسرعة ونزلت ع تحت تنادي خالد اللي كان قاعد بيتابع الشاشة فقالت 

خالد خالد الحقني يا خالد اياااد 

خالد نط من مكانه 

فيه ايه اياد ماله؟؟؟

فداء وهي بتنزل السلم جري علشان توصل لخالد

اياد كلن سخن اوي وتقريبا عنده حمى اخدته ع الحمام فوقع مني واغمى عليه ارجوك الحقه بسرعة 

اتحرك خالد من مكانه بسرعة ولحق بفداء ف نص السلم وطلعوا سوا ع اوضة اياد 

شاله خالد ونيمه على سريره وقال انا هتصل بالدكتور يجيوا حالا اطمني ان شاء الله خير 

وبعد حوالي ساعة كان الدكتور خارج من اوضة اياد وخالد معاه 

خير يا دكتور طمنا اياد ابني كويس 

الدكتور 

الحمد لله جت سليمة... الحرارة عالية شوية وانا عطيته حقنة علشان تنزل بسرعا بس لما يفوق ويعرف يصلب طوله لازم كل نص ساعة يدخل تحت الدش بماية فاترة لحد ما الحرارة تنزل تماما وكتبتله على علاج في الروشتة دي ياريت يمشي عليها بانتظام واشوفه بعد ٣ ايام ان شاء الله لكن لو فيه اي حاجة متترددش ف انك تكلمني والف سلامة عليه... عن اذنك 

نزل خالد وصله لتحت في الوقت دا كيان كانت راجعة من الجامعة واول ما شافت الدكتور خارج اتخضت وجريت بسرعا على باباها 

بابي فيه ايه مامي كويسة

حاوطها خالد بإيده وقال 

اطمني يا حبيبتي مامي كويسة اياد اخوكي اللي تعبان شوية والحمد لله الدكتور طمنا 

كيان بخوف على اخوها 

اياد !! تعبان ماله يا بابي الف سلامة عليه 

خالد 

شوية برد تقال شوية وان شاء الله هيكون كويس 

فطلعت كيان مع خالد علشان يطمنوا عليه 

واول ما كيان شافته جريت عليه في الوقت دا فداء كانت بتعمله كمادات 

كيان 

اياد الف سلامة عليك ما تشوف شر ابدا 

اياد بتعب 

الله يسلمك يا كيان ... ماما هو ايه اللي حصل انا اخر حاجة فاكرها اني كنت ف الحمام ودوخت 

فداء 

الحمد لله يا حبيبي انت كويس الدكتور جه وطمنا عليك هتاخد العلاج وهتكون زي الفل 

اياد لما شاف خالد واقف قال 

انا اسف قلقتكم 

خالد 

ربنا يطمنا عليك استعد علشان كل نص ساعة هاخدك تحت الدش ماشي 

اياد 

لالا انا هقدر اعتمد على نفسي 

خالد 

ايه يا اياد فاكرني مش هقدر اهتم بابني ولا هخاف على صحته ... انت ابني فاهم ابني 

❈-❈-❈

قرر ادم انه يبعد عن كل الأحداث اللي فاتت وياخد وعد ويبعد علشان كدا اخدها وسافر لشهر العسل متأخر شوية علشان يغير جو ويبدأ حياة جديدة بينه وبين نفسه بعد ما عرف الحقيقة وعاقب كل اللي ليه دخل فيه 

قعد اسبوع وخلاص هيرجع لشقته علشان ينزل شغله اللي كل شوية يتصلوا بيه وطالبيه هناك 

ولما رجع اتفاجىء بأن الشقة كلها متكسرة ومفيش فيها حاجة سليمة و .....

يتبع