رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الواحد والخمسون 

تم النشر السبت

5/4/2025

شوق ركبت العربية من غير ما تتكلم 

وانتظرت مهند يسوق لكنه متحركش بالعربية وفضل يبص عليها 

فقالت بغيظ 

ما تتحرك يا ولا اخلص خلينا نمشي من اهنه عايزة ارجع اطمن على لوجي وبعدها لما دكتور رائد يجي من شغله نروح نطمن على وعد 

مهند ابتسم

يعني انتي مش زعلانة مني يا شوق 

شوق مردتش ولفت وشها الناحية التانية 

فكرر مهند كلامه

 شوق ردي عليا انا بكلمك انتي زعلانة ليه دلوقتي ها يعني عجبك اللي حصل عاجبك اللي عملته 

شوق 

سوق وانت ساكت يا مهاند اني معيزاشي اتكلم معاك واصل 

مهند 

وانا مش هتحرك من هنا الا لما تصالحيني يا شوق 

هنا شوق مسكت ودانه وقالت بانزعاج واضح 

بقا هي حصلت يا ابن غريب تتهجم ع الحرمة ف دارها لاه وكمان وصلت بيك الجرأة انك تمد يدك عليها وكمان تحاول تخنقها!!! كان عقلك ودينك اللي ركنته على جنب ديه فين بقا اكده تسمح للشيطان انه يوزك ويسيطر عليك اكده لاه اني منيش مصدقة ابدا 

مهند 

اعمل ايه يا شوق من غلبي انا كنت هتجنن على لوجي مكنتش شايف قدامي مكانش فيه حل الا كدا 

شوق 

لو كل واحد قابل الاساءة اللي بيتعرض ليها بالعنف والقتل اكده هنعيش في غابة الكل هيكون فريسة للتاني العالم هيكون قناص محترف هيصبح عالم موحش غير صالح للحياة والبقاء فيها للأقوى والاشرس ومعدومي الضمير والإنسانية اومال ليه ربنا امرنا بالاحسان والعفو عند المقدرة.. 

مهند 

اللي عملته مش هين مكانش ينفع اسكتلها اكتر من كدا بعدين انا مكنتش ناوي اخنقها ولا حاجة انا كنت بوهمها بس بدا علشان تصدق اني ممكن اقتلها فعلا وتخاف وتتراجع عن اللي بتعمله وتحل عني وعن ولادي 

شوق 

فيه مليون طريقة ف انك تبعدها عنيك يا ولا غير انك تمد يدك عليها الرسول صلى الله عليه وسلم قال لأن يضرب احدكم بمخيط من حديد خير له من ان يمس امرأة لا تحل له يعني اللي عملته ديه تفضل تصلي وتدعي ربنا بخضوع وذلة وندم انه يغفرلك ذلتك داي والله المستعان 

مهند 

حاضر يا شوق انا غلطان فعلا مش هكررها تاني المهم متزعليش بقا انا مقدرش على زعلك ابدا 

شوق 

لاه زعلانة وزعلانة جامد يا ولا ومعارفاشي اعديها ليك سوق اخلص اني منيش فاضية ورايا مليون حاجة 

❈-❈-❈

خالد شاف اياد بيتحرك علشان يمشي فشده من ايده بحدة 

اياد تعالى هنا وبطل دلعك دا انا مش ماشي ولا راجع البيت من غيرك انت فاهم 

هنا اياد سحب ايده مت ايد خالد بغضب ولاول مرة 

مبقاش بيتي ياريت تفهم دا عمره ما كان بيتي لسه عايز ايه مني كنت متحملني غصب عني علشان مكنتش اعرف الحقيقة ودلوقتي عرفتها مش مضطر تتحملني اكتر ياريت تنساني يا خالد بيه وربنا يعوضك عن ابنك اللي راح 

خالد بتأثر 

ربنا عوضني عن ابني بيك يا اياد انت ابني اللي مخلفتوش 

اياد اتصدم من اللي سمعه من خالد وبلع ريقه 

ايه!! ابنك انت لسه بتعبرني ابنك 

خالد بعيون الدموع ملياها لكنها مش بتنزل 

ولا عمري اعتبرتك غير كدا جايز ف الفترة الأخيرة شديت عليك وكنت فعلا بحاول اكرهك بحاول ابعدك عني احاول اتخطاك وانساك واحس اني اقدر اعيش من غيرك وانك ملكش وجود ف حياتي او مكنتش موجود اصلا لكني معرفتش معرفتش ابدا يا اياد لانك في الحقيقة واللي مقدرتش انكرها انت ابني انا اللي مربيك ازاي ابعدك عني كانت فكرة غبية وانا بحاول اثبت لنفسي انك مش مهم بالنسبة ليا انك ليا ولا حاجة لكن ف كل مرة بتثبت ليا العكس انت كل حياتي يا اياد حياتنا كلنا انا وامك واختك ربنا بعتك لينا عوض وحياة بدال ابننا اللي راح وحقيقي لو فضلت اشكر ربنا طول عمري ع النعمة دي مش هقدر اوفي حقها 

اتنهد اياد براحة لسماعه الكلام دا من خالد ولاول مرة وابتسم لأن قلبه المكسور خالد جبره تاني بكلامه اللي لقاه فعلا خارج من قلبه 

لكنه مقدرش يرجع لسه جزء من كرامته بتقوله لا ارجع اثبت خليك على مبدأك 

فقال 

انا شاكر لحضرتك شعورك النبيل تهاجي لكن مبقاش ينفع افضل اعتمد ع حضرتك لازم اعتمد ع نفسي واعيش لوحدي واشوف حياتي 

خالد 

اعتمد على نفسك وسطينا مش بعيد عننا يا اياد انا غلطت وانا معترف ايه مش عايز تسامحني 

اياد

 مسامحك ومقدرش ازعل منك حضرتك فضلك كبير اوي عليا لكن معلش مش هقدر ارجع معاك اتمنى تفهمني 

خالد

 وانا مش هفهم غير حاجة واحدة بس انت هترجع معايا وتطمن فداء عليك 

اخد اياد نفس عميق 

حاضر انا هاجي مع حضرتك علشان اطمن ماما فداء عليا وارجع تاني 

خالد

 اشش مفيش الكلام دا انسى بيتك مش هتخرج منه انت فاهم 

اياد 

بس يا خالد بيه ااا 

خالد زعق 

لو سمعتك بتقول خالد بيه تاني هزعلك انت ابني فاهم ابني 

اياد عيونه اتملت دموع فحط خالد ايده ع كتفه وقال 

انشف ياض كدا انا عملت كل دا علشان تطلع راجل بجد وحصل فعلا انت بقيت راجل يعتمد عليك وقد المسؤلية مش عايز اشوف دموعك دي يلا 

وشده عند العربية وفتحله الباب وقال 

اركب يلا 

فركب اياد جنب خالد وبدأ خالد يسوق العربية 

اياد طول الطريق كان ساكن مكانش عارف يفسر احساسه وقتها كان ايه هل هو فرحان ولا لا مشاعره متلخبطة ومش عارف يعمل ايه 

فسمع اياد بيقول 

حقك عليا يا اياد انا غلطت في حقك ... انت عارف اني مش بتعتذر لحد بس انا بقر اني غلطان ياريت تنسى اللي فات ونفتح صفحة جديدة عارف انه هيكون صعب عليك بس حاول علشان خاطرنا علشان خاطر اهلك يا اياد 

هزله اياد راسه وبص قدامه ودقات قلبه عالية اوي لكنه مش فاهم هو عايز يعمل ايه بالظبط 

❈-❈-❈

فضل قاعد جنبها منتظرها تصحى يبص على ملامحها الرقيقة وهي نايمة اول مرة يبص فيها بتمعن اوي كدا اول مرة يكون بالقرب دا منها كانت سعادته لا توصف لانه مع حبيبته وبقت ملكه خلاص لكن سعادته مكملتش كان فيه حاجة غريبة ارقت عليه نومه لكنه مش قادر يبوح بيها لحد ابدا مش قادر يواجه بيها وعد حتى وبيحاول يكدب نفسه ويظن انه بيتوهم 

في الوقت دا بدأت وعد تحرك جفونها استعدادا لفتح عنيها 

ولما فتحت عنيها استغربت ادم قدامها 

فقامت بفزع 

عااا انت بتعمل ايه هنا ومين اللي دخلك اوضتي ماما لو شافتك مش هيحصل كويس 

متحركش من مكانه وفضل يضحك جامد 

فاستغربت ضحكته ولما بصت حواليها ملقتش نفسها في اوضتها وانما بيتها الجديد اللي بيجمعها بجوزها فقالت 

ايه دا .. انا نسيت فعلا .. انا كنت مفكرة اني لسه ف اوضتي في بيتنا 

ادم بعشق 

انتي فعلا في اوضتك وفي بيتك ومع حبيبك كمان 

اتحرجت وعد وخدودها احمرت فقال ادم 

صباح الخير على احلى عروسة واحلى عيون في الكون 

وعد

 صباح النور يا حبيبي انت شكلك صاحي من بدري ولا ايه 

ادم 

دا حقيقي صحيت بدري ومعرفتش انام تاني فانتظرتك تصحي 

وعد 

يا خبر طب ليه مصحتنيش 

ادم 

واعمل ازعاج لأميرة قلبي لا لا يا يمكن 

وعد 

طب تحب اعلمك فطار انا خلاص صحيت 

ادم 

الفطار جاهز على السفرة ومنتظر سمو الأميرة تحضر

وعد ابتسمت 

ادم انا هاخد على الدلع دا بجد 

ادم 

وليه لأ اوعي تكوني فاكرة ان الدلع في بيت والدك وبس 

وعد بمرح

اممم خليك فاكر كلامك دا يا ادم 

هنا قرب منها ادم وشالها 

طب يلا علشان نفطر 

وعد 

بتعمل ايه بس استنى انا لسه مغسلتش ايدي ولا وشي حتى 

ادم غير وجهته للحمام 

يبقى اساعدك علشان تعملي دا 

هنا وعد حاوطت رقبته بإيديها 

احلى واحن ادم في الدنيا 

ادم بحب 

ربنا يعيني واقدر اسعدك دايما 

وهنا قرر ادم انه ينسى كل حاجة ويحاول يعيش اسعد لحظات حياته مع الانسانة اللي قلبه حبها وبقت شريكة حياته ومكتوبة على اسمه ومتوجة على عرش قلبه

❈-❈-❈

بعد شوية جت شوق لوعد بنتها ومعاها رائد ومهند وعساف اما أمير ففضل مع بنته لوجي في المستشفى مقدرش يسيبها في وقت زي دا 

رحب بيهم ادم ترحيب كبير وفضلوا يحكوا ويمرحوا مع بعض لفترة وقدم ليهم ادم واجب الضيافة وكان كريم جدا معاهم 

فقال مهند ما تقعد يا ابني انت ناقص تجبلنا المطبخ كله هناكل ايه ولا ايه.. بعدين احنا مش جايين ناكل احنا جايين نطمن عليكم على السريع ونمشي 

ادم 

انتوا نورتونا وشرفتونا انا لو طايل افرشلكم الارض ورد كنت عملت 

عساف 

ربنا يكرم اصلك يا ادم ويسعدك انت ووعد ويقر عنيكم بالذرية الصالحة ان شاء الله 

ادم والكل 

اللهم امين يارب 

رائد 

هي فين وعد اتأخرت ليه 

ادم ابتسم

انا سايبها بلتبس وتستعد مش عارف اتأخرت ليه كدا.. هروح اشوفها 

شوق قامت وقفت 

تسمحلي ادخلها يا ادم 

ادم 

يا خبر يا ماما شوق دا بيتك طبعا اتفضلي ادخليلها براحتك 

اتوجهت شوق بلهفة لأوضة بنتها وهي عايزة تطمن عليها مش عارفة ليه قلبها واجعها عليها بس متعرفش ليه 

خبطت ع الباب 

وعد يا بنتي 

وعد كانت لابسة وقاعدة على السرير مكسوفة تخرج لكنها اول ما سمعت صوت والدتها قامت بسرعة ولهفة فتحت لها الباب واخدتها ف حضنها وعيطت

 مامي مامي حبيبتي وحشتيني اوي 

شوق كمان عيطت 

وانتي كمان يا عنن عيني عاملة ايه يا حبيبتي وبتبكي ليه بس 

ضحكت وعد 

وحضرتك كمان بتعيطي يا مامي

شوق 

داي دموع الفرحة يا بنتي ربي يسعد قلبك طمنيني عنك 

وعد 

انا كويسة والله يا مامي 

شوق 

مبسوطة مع ادم يا بنتي 

وعد 

جدا جدا يا مامي ادم طلع رقيق وحنين اوي انا حبيته اوي اوي 

قالتها بحرج ووشها كله احمر 

فابتسمت شوق 

ربي يسعدكم ويفرح قلبكم يا حبيبتي... طب ليه مخرجتيش كلنا قاعدين في انتظارك برا من بدري انا قولت فيكي حاجة 

وعد 

لا يا مامي انا كويسة انا بس مكسوفة اخرج لوحدي انتظرت ادم يجي ياخدني 

ضحكت شوق 

يا روحي على الكسوف طب تعالي باباكي وعمك مهند وعمك عساف عايزين يسلموا عليكي علشان يمشوا 

وعد 

حاضر يا مامي يلا بينا 

واول ما خرجت مع شوق وشافت والدها 

جريت عليه وهو استقبلها بلهفة 

بابي حبيبي وحشتني اوي 

رائد بحب 

روح قلبي وضي عليني عاملة ايه طمنيني عنك 

وعد بصت لادم وابتسمت 

انا كويسة والله يا بابي 

رائد ابتسم 

 الف مبروك يا حبيبتي ربنا يسعدكم ويكرمكم بالذرية الصالحة يارب 

وعد 

امين يا بابي 

وبعد كدا بدأت تسلم ع مهند وعساف 

مهند اخدها في حضنه 

تعالي هنا بقا البنت الشقية العفريتة الصغيرة بنتي حبيبتي كبرت كدا يا ناس 

وعد 

خالو مهند حبيبي 

مهند 

الف مبروك يا قلب خالو 

ولما سلمت على عساف قال 

ايه الجمال والطعامة دي مكنتش اعرف ان اللي بيتجوزوا بيزيدوا حلاوة على حلاوتهم 

وعد بحرج 

عيون حضرتك اللي جميلة يا خالو حضرتك عامل ايه 

عساف 

اكيد كويس طالما انتي كويسة يا حبيبتي 

وقعدوا كلهم شوية وبعد كدا استأذنوا علشان يمشوا 

وعد 

ما بدري يا مامي خليكوا معانا شوية 

شوق 

ان شاء الله هنيجي وقت تاني لحد ما تزهقوا منينا 

وعد 

طب فين عمو امير مجاش معاكم ليه 

شوق بصت لمهند واتنهدت وقالت 

مهند عند لوجي وهجيلك يا قلبي اكيد 

وعد 

ممم تمام ماشي لو روحتوا للوجي سلامي ليها لاني هتحرج اكلمها دلوقتي 

شوق 

يوصل يا قلبي يوصل يلا افوتك في امان الله 

وهي ماشية قالت لادم 

عينك عليها يا ادم داي حتة مني وخلي بالك منها بقت في امانتك دلوك 

ادم 

متخافيش عليها في قلبي وعينا كمان يا ماما شوق 

شوق 

ربي يسعدكم يا ابني الف حمد والف شكر ليك يارب 

ولما كلهم سلموا على وعد ومشيوا 

قال ادم لوعد بغيرة 

ممكن اعرف بقا ايه كمية الاحضان دي 

وعد مفهمتش قصده ايه 

ها 

ادم 

ها ايه يا هانم عمالة تحضني في باباكي وعمك وسايباني كدا قاعد بتفرج وبائس طب مفيش حضن لادم حبيبك هو كمان 

ضحكت وعد وعرفت انه بيغير عليها حتى من اهلها فقالت 

خلاص اسفة هحاول ومش احضنهم قدامك علشان متزعلش 

ادم مثل الغضب 

نعم تحضنيهم دا ايه ممنوع الحضن دا نهائى مفهوم 

انفجرت وعد في الضحك 

ههه حاضر 

ادم بحب وتوهان 

حد قالك ان ضحكتك دي جميلة اوي 

❈-❈-❈

بعد ما خرج عساف من عند وعد سابهم وراح ع الشركة 

وفي الطريق جاله اتصال من توبا 

فرد 

ايوا يا حبيبتي خير عايزة حاجة 

توبا 

لا ابدا كنت بطمن عليك 

عساف 

انا بخير يا حبيبتي ورايح عن الشركة دلوقتي 

توبا 

رايح الشركة!!! طب انت كنت فين طول الوقت دا 

عساف 

كنت بعمل كم مشوار كدا وبعدين روحت مع شوق و دكتور رائد نطمن على وعد ونباركلها 

توبا سكتت بتفكر ف كلامه 

اممم كم مشوار ؟؟ يا ترى مشاوير ايه دي 

عساف 

توبا انتي سامعاني!!! 

توبا 

ها اه اه يا عساف تمام ربنا معاك ترجعلنا بالسلامة 

عساف 

الله يسلمك يا حبيبتي سلام دلوقتي علشان انا سايق 

ولما انهت توبا المكالمة مع عساف قالت 

ممكن يقولي انه رايح الشركة وميروحش انا لازم اتأكد بنفسي مشاوير عساف كترت والله اعلم بقا بيروح فين يمكن كان بيقابلها اللي كانت بتكلمه على الفون دايما علشان كدا مرضيش يقولي مشوار ايه دا 

خلصت كلامها واتوجهت على اوضتها وفتحت دولابها واختارت لبس على السريع واخدت العربية بالسواق ونزلت 

❈-❈-❈

في الجامعة 

كيان كانت ماشية مع زميلتها بعد ما خلصت محاضرتها وسرحانة 

من وقت ما كلمني انه هيفاتح بابي وانا مشوفتوش خالص هنا ف الجامعة اه طبعا هو بقا فاضي للغراميات والبنات بتاعته.. بس دا عمره ما فوت محاضرة ولا سكشن كان علطول ملتزم ايه اللي غيره كدا ايه اللي غير احواله... مكنتش بشوفه بيكلم بنات هنا ف الجامعة ليه احواله اتغيرت للنقيض.. امم انا مالي هشغل نفسي بيه ليه انا لازم اخرجه من دماغي تماما 

صاحبتها كلمتها

 كيان كيان انتي يا بنتي 

انتبهت لها كيان 

ها نعم يا سها انتي بتكلميني!! 

كيان 

نعم انا سامعاكي كنتي بتقولي ايه 

سها 

كنتي سرحانة ف ايه يا بنتي كدا اللي شاغل عقلك يتهنابه 

كيان حاولت تبعد الموضوع عن دماغها 

لالا ولا حاجة تعالي يلا على عربيتي اوصلك ف طريقي 

سها 

مش عايزة اعطلك 

كيان 

يا بنتي لا عطلة ولا حاجة انا مش ورايا حاجة اصلا يلا بس تعالي 

وبالفعل ركبت سها مع كيان ووصلتها كيان لحد الشارع اللي فيه بيت كيان 

مع السلامة يا سها اشوفك بكرة ان شاء الله 

سها 

ميرسي يا روحي على المواصلة متحرمش منك.. باي اشوفك بكرة 

ولما اتحركت كيان بالعربية بالصدفة بتبص الناحية التانية من الطريق لقت احمد قاعد على الكورنيش ومعاه بنت .. والبنت دي غير البنت التانية اللي شافتها معاه اول مرة 

فاتصدمت 

احمد!! .. يعني المرة الاولى مكانتش صدفة!! مكانتش اخته مثلا!! دا بتاع بنات بقا كل يوم مع بنت... دول قاعدين ع الكورنيش وماسكين ايد بعض زي الحبيبة بقت انت يا احمد فعلا من النوع دا وانا اللي كنت حزينة عليك... الحمد لله ان ربنا نور بصيرتي قبل ما قلبي يتعلق بيك اكتر الحمد لله الحمد لله 

قالتها وانطلقت في طريقها للبيت وهي كلها عزم انها تنساه للابد 

❈-❈-❈

وصل خالد لبيته ووقف العربية ونزل منها لكن اياد منزلش 

خالد 

ايه يا اياد هتفضل عندك ما تنزل يا ابني يلا 

اتنهد اياد واخد نفس عميق وبعدين فتح الباب ولسه هيخرج 

سمع صوت فداء جاية جري ع خالد وبتقول 

خالد ها عملت ايه عرفت اي اخبار عن اياد انت قولتلي ان بكرة الصبح هتجبيلي اي اخبار عنه ارجوك طمني انا قلبي واجعني عليه اوي قولي انه بخير يا خالد قولي انك عرفت هو فين او اي حاجة عنه 

خالد ابتسم وقال 

واياد بنفسه جاي يطمنك عليه يا حبيبتي اطمني ومش عايز اشوف قلقك دا 

فداء بلهفة وهي بتبص حواليها 

والله بجد!!! طب هو فين فين ابني 

خرج اياد من العربية واول ما شافته فداء جريت عليه وفضلت تحضنه جامد وهي بتعيط 

اياد.. اياد الحمد لله انك بخير الحمد لله اني اطمنت عليك انت كويس يا حبيبي!!! انا كنت هموت من القلق عليك 

اياد 

انا كويس يا ماما اطمني 

فداء 

كدا يا اياد تخوفني عليك وتسيبني كل دا وانا معرفش عنك حاجة هونت عليك افضل قلقانة عليك كدا 

اياد 

اسف يا امي غصب عني اني اقلق حضرتك مكانش بإيدي والله 

فداء 

مالك يا حبيبي فيك ايه احكيلي... تعالى ندخل جوا يلا مش هنتكلم ع الواقف كدا 

بصله خالد 

يلا يا اياد ادخل جوة مع مامتك وبعدها ادخل ارتاح ف اوضتك انا عارف انك محتاج راحة 

اياد مكانش مصدق نفسه مكانش مصدق التغير العجيب اللي ف خالد دا 

وكمان فداء مكانتش مصدقة كانت فرحانة اوي ان خالد اخيرا رجع لرشده ورجعت معاملته لإياد تاني تبقى كويسة 

ففرحت ومسكت ايد اياد 

يلا يا حبيبي 

دخل اياد زي المغيب فرحان ان خالد اتغير ورجع زي زمان بيعامله كويس وهو نفسه يرجع كأنه واحد من العيلة تاني بس ازاي وخلاص عرف الحقيقة ازاي بعدها عينه هتشوف الراحة والسعادة 

لكنه ع اي حال مشي مع فداء علشان تتطمن عليه 

❈-❈-❈

لبست توبت وركبت عربيتها الخاصة وراحت ع الشركة والكل كان عارفها وبيسلم عليها لكنها مكانتش شايفة حد مكانتش شايفة غير انها تروح ع مكتب عساف تتأكد انه هو هناك وبس 

وصلت للمكتب وقالت للسكرتيرة 

عساف بيه جوة!! 

السكرتيرة قامت وقفت وقالت 

اهلا يا مدام توبا شرفتي الشركة.. اه عساف بيه جوة بس معاه ناس مهمين جوا من فضلك انتظريه هنا بس لحد ما اعطيه علم بأن حضرتك هنا 

قعدت توبا ع مضض وكانت شاكة ان اللي معاه مش رجالة فكانت هتدخل لكن جالها اتصال من عسل فقامت ترد عليه جنب الشباك 

عسل 

مامي حضرتك فين انا رجعت البيت ملقتكيش 

توبا 

انا راجعة حالا يا حبيبتي انا عند بابي ف الشركة وراجعة تمام متقلقيش عليا 

عسل 

اوك يا مامي خدي راحتك انا كنت بطمن عليكي بس سلام 

وقفلت توبا الخط مع بنتها فلمحت عساف بيسلم ع الناس اللي خارجة من مكتبه كانوا رجلين وباين عليهم مهمين 

عساف 

شرفتونا وان شاء الله على اتفاقنا وربنا يقدم اللي فيه الخير.. مع السلامة 

وبعد ما مشيوا عساف قال لو حد سأل عليا وعايز يقابلني اعطيله معاد لاني مش فاضي ومش راجع الشركة خلاص النهاردة خلصي انتي كل الشغل المهم ولو فيه حاجة كلميني في الفون 

السكرتيرة فكرت انه شاف توبا مراته وخارج معاها فقالت تمام يا عساف بيه مع السلامة حضرتك

وعساف مأخدش باله من توبا وهي كمان متكلمتش علشان كانت عايزة تعرف وجهته اللي بعد كدا وهو رايح فين من غير ما يحس 

علشان كدا اول ما مشي 

اتحركت من مكانها عند الشباك وخرجت 

اول ما شافتها السكرتيرة 

اا مدام توبا!! هو حضرتك لسه هنا اا انا فكرت حضرتك خرجتي مع عساف بيه ااا انا اسفة اوي 

توبا باستعجال 

لالا ولا يهمك اا انا رايحة اهو احصله سلام 

قالتها ونزلت بسرعة وبكل حرص وقفت ع الباب تتأكد ان عساف مشافهاش وركب عربيته 

وبعدها ركبت عربيتها وانتظرت اول ما اتحرك فاتحركت وراه بسرعا 

وصل عساف لفندق كبير وهناك كان فيه وفد ف انتظاره سلم عليهم وقعد معاهم 

توبا ف نفسها 

دا فعلا جاي يقابل وفد تبع الشغل مش زي ما انا كنت متوقعة بس هو قال مش فاضي طول اليوم يمكن هيخلص لقاءه مع الوفد دا ويروح لها لما نشوف هيروح فين بعد كدا 

دخلت المطعم واختارت ترابيزة ع جنب بعيد نسبيا علشان ميشوفهاش ولما جه الويتر طلبت منه طاقية تدارى فيها علشان عساف ميشوفهاش 

لكن اللي مكانتش تعرفه ان عساف شايفها وعارف بوجودها من اول ما خرج من الشركة وهو شاف عربيتها ازاي ميعرفش يفرق بين عربية مراته والعربيات التانية ولما ركب العربية وانتظر فيها شافها وهي بتلف وبتركب مكانش فاهم هي هنا ليه ولا بتعمل ايه من غير ما تقوله انها موجودة علشان كدا اتحرك بعربيته فلقاها بتتحرك وراه فعرف هي بتعمل ايه 

عساف 

توبا طلعت بتراقبني .. بتراقبني انا معقول معقول يا توبا مش واثقة فيا وبتراقبيني انا للحظة دي مش قادر استوعب 

بعدها انشغل بشغله مع الوفد لكن عينه كل شوية تبص ع توبا ومتابعة اللي بتعمله ومحاولة مداراتها ف الطاقية اللي بتحطها ع وشها ...

يتبع