رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثاني والخمسون 

تم النشر الإثنين 

7/4/2025 

يزن مكانش قادر يبعد اكتر عن لوجي وكان عايز يدخل يطمن عليها 

فقام اتحرك من مكانه بينما مالك قرر انه ينزل يجيب اكل لانهم من بدري مأكلوش 

ولما خبط يزن خبطة بسيطة وسمع الاذن بالدخول 

فأمير فكره حد من اخواته 

لكنه اول ما شاف يزن جاي يدخل 

اتحرك من مكانه بسرعة وساب ايد لوجي اللي كانت ماسكة فيه وراح ناحيته بعصبية 

ايه اقف عندك انت رايح فين 

يزن 

ايه يا عمو انا داخل اشوف مراتي عايز اطمن عليها انا سبتها كم ساعة اهو لما تهدى ارجوك سيبني اطمن عليها انا هموت من القلق عليها وربنا 

امير 

هي كويسة طول ما انت بعيد عنها ابعد يلا ارجع مكان ما كنت قاعد او روح يا يزن 

يزن 

لااا اروح فين انا مش متحرك من هنا الا ومراتي معايا من فضلك يا عمو خليني اشوف لوجي 

امير 

يزن وانا قولت لا لوجي مش مستعدة تقابلك دلوقتي ولا تشوفك او تسمع منك اي كلمة واما مش مستعد اشوفها بتنهار تاني انا ما مصدقت انها هديت

يزن 

ما هو انا لازم اتكلم معاها لازم افهمها يا عمي مش هينفع اسيبها زعلانة مني كدا ارجوك افهمني 

امير 

قولت لا يعني لا خلص الكلام يا يزن متتعبش قلبي اكتر ما هو واه احب اعرفك ان لوجي اول ما الدكتور يأذن لينا بالخروج من هنا هترجع معايا على بيت باباها 

يزن 

نعم كمان ما هو دا اللي كان ناقص قال ترجع لبيت باباها قال اومال فستان الفرح والفرح بتاع امبارح اللي ملحقتش اتهنى بيه دا ايه 

امير بحزم 

كانت فرصة وانت ضيعتها معرفتش تتصرف صح وشوف نتيجة تصرفاتك بنتي مش هتدفع التمن لا انت اللي هتدفعه 

يزن 

عمو انت ليه بتكلمني كأني عدوك كأني اجرمت ما حضرتك شايف كل حاجة وشايف المأزق اللي انا اتحطيت فيه مش ذنبي 

هنا امير زعقله 

يزن البنت مش متحملة اعصابها تعبانة هترجع عندي لحد ما تتحسن تماما وهي بنفسها تطلب مني انها ترجع بيتها معاك 

لسه يزن هيتكلم لكنه سمع صوت شوق بتقول وهي بتحط ايديها على كتفه 

اسمع كلام عمك امير الامرا يا ولا هو اب وهو اكتر حد حاسس ببنته وموجوع علشانها لوجي لما اعصابها تهدى تماما هترجع معاك 

يزن 

طب انا عايز اشوفها بالله عليكي يا ماما شوق اتكلم معاها بس 

شوق 

والله هسألها لو عنديها استعداد انها تسمعك وتقعد معاك كان بها الأمر يرجع ليها 

فدخلت لجوة شوية وقالت لوجي يا بنتي تسمحي ليزن يدخل يتكلم معاكي كلمتين 

هزت لوجي راسها بالرفض وعيطت فقالت شوق 

خلاص خلاص زي ما تحبي امشي دلوك يا يزن هي معايزاشي تتكلم امعاك دلوك 

يزن كان هيتجنن 

انا عايز اكلمها مش هينفع الوضع دا يا ماما شوق انتي عارفة اني مليش ذنب في اللي حصل انتوا كدا هتخلوني اروح اجيب اللي اسمها دنيا دي هي وامرها من شعرهم واخليهم يجوا يعترفوا للوجي بكل حاجة 

شوق 

اهمد يا ولا متبقاش حمقي كيف ابوك .. اصبر اني هتكلم امعاها وهفهمها كل حاجة بنفسي والله ما تشيل هم يا ولا اصبر بس يومين صحتها تتحسن معلهش عارفة انها صعبة عليك بس فرصة انت كمان ترتاح من ضغط الفرح وزنقته يلا ارجع انت ع البيت ولو حابب تاجي عندي معنديش مانع وامير هياخد لوجي ويرجعوا ع دارهم 

يزن 

لا انا هرجع عند ميار علشان اكون جنب لوجي مش هبعد عنها وبيتي يحرم عليا ادخله الا ولوجي في أيدي 

شوق 

ماشي يا ولدي ربنا ييسر الحال ويستركم يارب

❈-❈-❈

تاني يوم شوق كانت خارجة من بيت امير بعد ما حكيت كل حاجة للوجي وفهمتها ان يزن ملوش ذنب وأنه معملش حاجة وانها ظلمته 

راحت بعدها لبيت اخوها مهند وطلبت مقابلة يزن اللي اصلا كان بينتظرها 

واول ما شافها 

ها يا ماما شوق عملتي ايه كلمتيها سمعت منك الحوار كله!! عرفت اني برىء ومليش ذنب!! 

شوق 

سيبك من ديه دلوق يا ولا وخلينا ف المهم 

يزن 

هو فيه اهم من ان لوجي تعرف الحقيقة وتصدق اني مخنتهاش ولا حتى اتجوزت عليها!! 

شوق 

يزن اني هتكلم معاك بجدية لوجي لازمن توافق انها تكون زوجة تانية ومراتك الاولى لازم تجيب ليها شقة وتسكن فيها وتعدل ما بينها وبين لوجي 

هنا يزن تنح وفتح بوءه على وسعه وهو مش قادر يعقل الكلام اللي سمعه من شوق 

ايه!!! حضرتك بتتكلمي حد يا ماما شوق ولا بتهزري انتي بتهزري صح قولي انك بتهزري عايزاني اتجوز الزفتة دنيا!!! عايزاني اساويها بلوجي!!! طب ازاي وحضرتك عارفة اللي فيها عارفة انها بتفتري عليا 

شوق 

اسمع الكلام يا يزن اني رتبت لكل حاجة واجرت الشقة اللي هتسكنوا فيها وكمان عملت حفلة صغيرة اكده ع الضيق وحجزت ليها فستان الفرح وكل حاجة 

يزن 

كمان طب بم انك كدا يا ماما شوق وجهزتي كل حاجة مجهزتيش العريس ليه بالمرة 

شوق 

ما انت العريس يا ولا بطل غباوة 

يزن كان هيتجنن من كلام شوق وبص لابوه اللي حاطط رجل ع رجل ومش عاجبه كلام شوق لكنه مش قادر يتكلم 

يزن 

بابا ارجوك اتكلم قول حاجة سامع اللي ماما شوق بتقول عليه 

مهند

 سامع وشايف ومش عاجبني الكلام لكنك هتعمله هتعمل كل اللي شوق بتقول عليه عقابا ليك لانك غبي وبغباءك سمحت لواحدة حقيرة تتحكم فيك وف حياتك وتبوظها ليك بالشكل دا يبقى اشرب بقا يا حلو كل اللي يجرالك واتحمل نتيجة اخطاءك انا مليش دعوة متجيش بعد ما خربت الدنيا تقول بابا 

شوق 

يزن الفرح هيكون الساعة ٨ جهز نفسك على المعاد ديه هتاجي تقعد جار دنيا في الكوشة وتقعدوا شوية وبعدين تاخدها وتروحوا ع شقتكم سامعني يا يزن 

يزن 

هو فيه ايه يا ماما شوق هي البنت دي عاملة مصيبة وعايزة تلبسيها ليا انا ولا ايه ما تدوروا ع اللي غلطت معاها وجوزوها ليه انا ايه دخلي 

شوق زعقت فيه جامد 

يزززن لاول واخر مرة اسمعك تقول كلام ملوش لازمة زي ديه وتخوض ف اعراض بنات الناس واللي قولته يتسمع انت فاهمني ولا لاه 

يزن خاف ع زعل شوق فقال 

لا لا خلاص يا ماما شوق هعمل كل اللي بتقولي عليه بس كله الا زعلك 

شوق ابتسمت له 

ربنا يبارك فيك يا حبيبي ويهديلك لوجي يارب وترجعوا زي السمنة ع العسل 

❈-❈-❈

توبا كانت نايمة طول اليوم فخافت عليها عسل فدخلت اوضتها تطمن عليها 

مامي ممكن ادخل 

توبا بتعب 

تعالي يا عسل فيه حاجة يا حبيبتي ؟؟؟ 

عسل 

انا اللي جاية اسال حضرتك السؤال دا هل فيه حاجة!! حضرتك رجعتي متأخر امبارح وكان باين جدا على حضرتك التعب ونايمة من وقتها هو فيه حاجة حضرتك تعبانة اكلم بابي يجيب لحضرتك الدكتور 

توبا بخوف 

هو انتي قولتي لعساف اني راجعة امبارح متاأخر وكمان تعبانة!! 

عسل 

لا مقولتش حاجة مش حضرتك كنتي معاه اصلا 

توبا اتنهدت براحة خافت ان عسل تقول لعساف انها خرجت وهو معندوش علم بدا فقالت

طيب الحمد لله 

لكن اللي مكانتش تعرفه ان عساف لغى كل مواعيده اللي بعد لقاء الوفد وفضل يلف بالعربية لحد ما دوخ توبا وراه علشان كدا رجعت تعبانة وداخية ونايمة طول اليوم 

❈-❈-❈

بالليل كانت الحفلة اللي المفروض يزن هو العريس فيها ودنيا العروسا 

كانت لابسة فستان الفرح ويزن قاعد جنبها هيطق من الغيظ وسط المعازيم اللي كلهم من قرايب والد دنيا ومفيش غير شوق ومهند وعساف بس اللي حضروا الفرح دا 

يزن كان قاعد وكأنه قاعد عل شوك 

ها يا ماما شوق الخمس دقايق اللي قولتي عليهم عدوا اقوم بقا 

شوق 

خمس دقايق كمان يا ولا هي الدنيا هتطير 

يزن

 لا مش قادر اقعد اكتر من كدا والا هنفجر 

شوق 

مالك اكده يا ولا كنك قاعد ومنتظر الحكم بالاعدام خمس دقايق كمان مفيهاش حاجة 

يزن 

طب والله صح اللي بتقوليه الحكم بالاعدام ارحم عندي من اللي انا بعمله دا انا قايم 

شوق

 استنى يا ولا هتبوظ الدنيا اصبر بس 

يزن 

وربنا ولا ثانية واحدة كمان انا ماشي 

شوق

 طب خلاص هنهي الفرح وامري لله وهقول انكم مستعجلين علشان تلحقوا السفر اللي ف انتظاركم 

يلا حط يدك ف يد دنيا وقوم يلا 

يزن نفخ بغيظ 

اوف.. هاتي ايدك يا زفتة 

دنيا.

بتقول ايه يا يزن 

يزن 

اللي سمعتيه وكلمة زيادة هسيبك هنا لوحدك وهمشي 

اضطرت دنيا انها تمشي من سكات وقررت في نفسها ان هيكون ليها تصرف تاني تماما اول ما يدخلوا شقتهم ويتقفل عليهم باب واحد  

مشي معاها يزن لحد ما وصلوا للشقة اللي جهزتها ليهم شوق وهي متكونش بعيدة عن بيت مهند وامير يادوب كم شارع بس 

واول وما دخلوا الشقة واتقفل عليهم باب واحد قربت دنيا من يزن وحطت ايديها عليه حاوطت بيها رقبته واتكلمت بدلال 

مبروك يا حبيبي 

❈-❈-❈

على الجانب التاني لوجي وبالرغم من انها عرفت الحقيقة وعرفت كل حاجة واتاكدت من حب واخلاص يزن ليها وكمان عرفت مخطط شوق لجواز دنيا والفرح اللي عملته ليها 

وبالرغم من انها عرفت الحقيقة الا ان مجرد بس تخيل ان جوزها وحبيبها بيتزف لواحدة تانية حتى لو ظاهريا بس مكانتش قادرة تتحمله

فوقفت ف البلكونة وهي حاسة بالخنقة الهوا اللي حواليها كله بيتسحب مكانتش قادرة تتنفس المكان كله بيضيق بيها وحاسة انها هتنفجر 

لوهلة قررت انها تلبس وتنزل تروح ليه لكن مسكت اعصابها ع اخر لحظة وفضلت انها تفضل مكانها تبكي بصمت 

❈-❈-❈

اما عند يزن حاولت دنيا تقرب منه وتتدلل عليه 

مبروك يا حبيبي انا فرحانة اوي اننا اخيرا بقينا لبعض 

يزن بصلها بحدة وقال باشمئزاز وجسمه بينتفض من لمستها ليه 

نزلي إيدك لإما هتشوفي مني اللي مش هيعجبك 

دنيا 

ايه بس مالك يا حبيبي هو فيه حاجة مضايقاك .. متشيلش هم انا هعرف ازاي اروقاك مزاجك 

يزن بقرف منها 

مفيش حاجة مضايقاني هنا غيرك .. ها خلاص عملتي اللي انتي عايزاه وطلبتي من ماما شوق اني اتجوزك علشان استر على قرفك وعملتك السودا وطبعا ماما شوق قلبها طيب واستحالة تشوف بنت واقعة ف مشكلة وما بالك مشكلتك دي وتسيبها كدا من غير ما تساعدها .. خلاص عملنالك اللي انتي عايزاه والناس كلها عرفت انك اتجوزتي اياكي تتطلبي غير كدا او بس مجرد تفكير في غير كدا والزمي حدودك معايا واياكي تقربي مني لإني مش ليكي مهما حاولتي ها مش ليكي ابدا ولا هكون انا للوجي مراتي وحبيبتي وبس .. ديتك معايا شهر زي ما ماما شوق قالك وهطلقك ولا هيكون ليا علاقة بيكي لا من قريب ولا من بعيد وخلال الشهر دا لو بس حاولتي تقربي مني او تفسدي العلاقة ما بيني وبين لوجي يا ويلك يا ويلك مني يا دنيا لاني كدا عملت جميلة معاكي واخرك معايا تكة واحدة بس وهنفجر انتي فاهمة 

هنا دنيا عيطت 

للدرجة دي انت كارهني يا يزن انا حبيتك حبيتك بجد صدقني واللي حصلي دا غصب عني انا معرفش حصل ازاي كنت مع الشلة ف النادي فجأة لقيتني في بيت غريب وناس معرفهاش اقسم لك بالله وحتى ابلة شوق انا قولتلها كل حاجة ومستعدة اقولك عليهم كلهم واتأكد بنفسك اني مليش اي ذنب انا ضحية يا يزن 

يزن 

انا مليش دعوة بكلامك دا ومبهمنيش ولا يعننيني في شىء 

دنيا

لازم تصدقني اني مش وحشة والله العظيم انا ما وحشة يا يزن انا حبيتك بجد 

يزن 

اه وحبتيني وعايزاني ليكي غصب واقتدار مش كدا!! مش مهم هل انا بحبك ولا لأ مش مهم فيه بنت تانية قلبها هينكسر مش مهم ان جوازتي من البنت اللي بحبها تفشل المهم انتي تنولي اللي انتي عايزاه مش كدا وبأي وسيلة زي الافترا ع الناس ياااه قمة الحب بجد انا كدا هضربلك تعظيم سلام 

هزت دنيا راسها بالنفي 

لا والله دي مش خطتي دي خطة ماما انا مليش دخل فيها هي اللي طلبت مني دا 

يزن 

وانتي ما صدقتي قولتي تضربي عصفورين بحجر واحد تاخدي حبيبك وبالمرة تتخلصي من المصيبة اللي انتي فيها مش كدا 

سكتت دنيا ومتكلمتش لان دي الحقيقة 

فقال يزن 

اسمعي يا بنت الناس انا مبحبكيش ولا عمري هحبك في يوم من الايام وجوازنا دا مجرد تحصيل حاصل فأوعي تفكري في غير كدا انا هسامحك على اللي عملتيه فيا وحتى هحسامحك ع اللي عملتيه ف لوجي بس بشرط تعدي الشهر دا ع خير واياكي تقربي من لوجي فاهمة لان لو دا حصل متلوميش الا نفسك... سلام 

واتحرك ناحية الباب فلحقت بيه بسرعة وحطت ايديها ع كتفه 

استني يا يزن انااا 

يزن بصلها بحدة 

ايدك!! 

فنزلتها بسرعة وبخوف 

فبصلها يزن نظرة نارية خوفتها اكتر وخرج وسابها 

ففضلت هي تعيط على حالها واللي وصلت ليه 

كله بسببك كله بسببك يا ماما قولتلك يزن مش من النوع اللي بيتلوي دراعه مسمعتيش كلامي اهو ضاع مني للأبد لو كان فيه ١في المية امل انه يحبني .. خلاص راح راح عااا 

❈-❈-❈

حست بحد بيحط ايده على كتفها

فانتفضت مكانها وكانت هتصرخ 

فلأخدها يزن في حضنه لأول مرة في حياته وقال 

متخافيش دا انا يزن حبيبك 

اتسعت عيونها وقالت بصدمة وسط دموعها 

يزن !! انت بتعمل ايه هنا .. انت مش اااا 

حط يزن ايده على بوءها 

اششش متكمليش انا متجوزتش غير لوجي حبيبتي وبس وعمري ما هفكر اتجوز غيرها ابدا انا اكتفيت بيها وفضلتها عن كل بنات العالم علشان تكون هي اميرة قلبي انا وبس 

لوجي عيطت اكتر بس المرة دي دموع الفرحة 

فمد يزن ايده ومسح دموعها وقال بحب 

مش عايز اشوف دموعك دي تاني دموعك دي غالية عليا اوي .. اسف اني كنت السبب في تعبك سامحيني كان لازم امنع كل دا يحصل من اوله 

هزت دماغها وبصتله برضا 

خلاص انسى محصلش حاجة 

ابتسم لها يزن 

لو عايزاني انسى يبقى مش عايز اشوف دموعك دي تاني 

هزت راسها بفرحة 

فقال وعد يا لوجي!! 

لوجي 

وعد يا حبيبي مش هعيط تاني 

يزن مكانش مصدق نفسه 

ايه!!! قوليها تاني كدا 

لوجي 

وعد 

يزن 

لالا مش دي اللي بعدها قوليها تاني 

لوجي بمكر 

مش هعيط تاني 

يزن 

يوووه مش دي اللي في النص يا لوجي قولتي ايه 

لوجي قالت بحرج 

قولت يا حبيبي ها كدا ارتحت 

يزن صاح بصوت عالي 

ياااااه واخيرا يا بشر انا اسعد انسان في الدنيا النهاردة 

لوجي بحرج 

يزن وطي صوتك الناس تسمعك تقول علينا ايه 

يزن 

يقولوا اللي يقولوه ايه هو انا بقول حاجة غلط طب بحبك يا لووجي بحبباااك 

لوجي كانت محرجة جدا وواقفة مش عارفة تعمل ايه 

في الوقت دا دخل امير وادعى الغضب رغم انه فرح لما لقا يزن ساب دنيا وجه للوجي 

فقال 

يزن!! انت بتعمل ايه في بيتي وف اوضة لوجي من غير اذني 

يزن 

عمو فكك مني بقا دي مراتي يعني اكون معاها مكان ما تروح اقولك انا هاخدها واريحك مني خالص سلام يا عمو 

امير 

يزن انت اخد بنتي ورايح فين

يزن وهو بيشد لوجي من ايديها وبيخرج بيها 

طريقك زراعي يا عمو فكك مني بالله عليك 

امير 

يزن طب اصبر يا مصيبة لما البنت تلبس حجابها هتنزل بيها بهدوم البيت يا غبي!!! 

يزن ضرب على مقدمة راسه 

ااه تصدق صح معلش الحماسة خدتني شوية لا مؤاخذة 

مسك امير المخدة وضربه بيها 

اسمع يالا تبطل جنانك دا شوية انت خلاص اتجوزتك يعني تعقل فاهم 

يزن 

هفكر يا عمو هفكر 

مسكه امير من قفاه 

طب تعالى معايا يا خويا لما لوجي تجهز علشان تنزل معاك 

مشي معاه يزن على عينه وقال 

متتأخريش عليا يا روحي ها لاحسن عمو امير يرجع ف كلامه 

ولما خرجوا اوضة لوجي لقوا مهند في وشهم بيقول 

فيه ايه ايه الدوشة اللي عندك دي يا أمير هو فيه حاجة 

امير 

فيه ان ابنك مجنون زيك بالظبط بدال ما اخلص من واحد الاقيهم بقوا اتنين انا خايف تكون دي عدوى وتنتشر  

مهند ضحك بقوة وبص ليزن 

واد يا يزن استمر يالا بس تعالى احكيلي الاول عملت ايه علشان اكون ع الخط 

يزن قرب من مهند وقال 

تعالى يا والدي احكيلك علشان تتعلم 

خبطه مهند على دماغه من ورا 

ولا انا اللي اعلمك يا غبي مش تعلمني اوعى تتكبر عليا فاهم اكيد يعني اللي عملته انا عملته قبلك بالك انت انا خلصت كل امور الشقاوة والعفرتة اللي ممكن تخطر ع بالك

هنا هز امير دماغه 

عليه العوض ومنه العوض انا كدا متأكد ان لوجي بنتي هتخلف قرود 

مهند انتبه لاخوه فقال 

بتقول حاجة يا أمير 

امير 

ها لا ولا حاجة 

مهند بنظرة تحذيرية 

بحسب يعني 

امير 

يا عم لا تحسب ولا تجمع

خد ابنك وامشوا يلا انا عايز انام 

يزن 

فين لوجي حبيبتي علشان اخدها وامشي وربنا ما جاي عندكم تاني وابقى افتكر يا عمو انك اللي بتطردني ها علشان بعد كدا هتترجانا نيجي ابقا خليك فاكر .. وانا هقعد واحط رجل على رجل واقول هفكر وهرد عليك في الموضوع دا 

هنا امير استشاط من الغيظ وقام يجري ورا يزن 

محدش يحوشني مش هسيبك النهاردة وابقا قابلني لو اخدت لوجي معاك 

جري يزن بسرعا واستخبى ورا مهند 

الحقني يا بابا عمو امير طلع الوحش اللي جواه .. وربنا بهزر بهزر .. مهزرش يا رمضان يخربيت كدا انت بتصدق بسرعة ليه 

مهند 

اهدى يا امير فيه ايه مالك 

امير 

مش هسيبه يا مهند عايز يمنعني عن بنتي هي حصلت طب مش هياخدها 

يزن 

يا ختاااي انا اللي جبته لنفسي كان ايه اللي خلاني بس انسحب من لساني واقول اللي قولته .. 

مهند 

يا أمير ما انت عارف ان يزن بيهرج هي عادته ولا هيشتريها 

امير بغضب 

هزاره سخيف ومفيش هزار في الكلام دا ابدا 

يزن 

طب انا اسف يا عمو حقك عليا هات راسك ابوسها وربنا اسف مش قصدي تاخدها بجدية كدا 

مهند لامير

خلاص بقا يا زفت ما تكبرش المواضيع وسيبه ياخد لوجي ويروحوا بيتهم بقا مش كفاية اللي شافوه وفرحهم اللي باظ 

يزن 

اه والله دا انا غلباااان 

في الوقت دا جت لوجي وقالت انا جهزت خلاص 

يزن وقف تنح لما شافها 

ياربي دخيلك شو هالجمال الرباني قلبي الصغير لا يتحمل هالطعامة ..يلا نرجع بيتنا بقا 

رفع امير حاجبه بغيظ 

فلكزه مهند 

فكها بقا وادعيلهم ربنا يسعدهم 

اتنهد امير بقلة حيلة وحضن بنته وسلم ليها قبل ما تمشي 

هنا جه عساف وقال 

لا مش هترجعوا ع بيتكم 

يزن تنح 

نعم حتى انت يا عمو عساف هتعقدها ليه تاني 

عساف طلع مفاتيح معينه وقال 

انتوا لسه هتروحوا ع البيت ضيعتوا وقت كتير يادوب تروحوا ع شهر العسل علطول انا رتبتلكم كل حاجة والسواق تحت منتظركم بالعربية وهيوصلكم لحد السويت بتاعكم 

يزن حضن عمه 

هو دا الكلام احبك يا عسوفي مش طنط توبا بتناديك كدا بردو ولا انا غلطان يا عسوفي 

عساف ادعى الجدية 

ولد 

يزن 

لالا اسف اوعى تقلب انت كمان .. هات المفاتيح وسلااام... مهند ابقا سلملي على ميااار 

واخد لوجي وميشوا 

هنا قرب منهد من اخوه وقال بغضب 

عساف استغرب 

ايه مالك بتبصلي كدا ليه 

مهند 

بقا مش عارف تحجزي انا كمان سويت معاه يا بخيل 

هنا انفجر عساف ف الضحك 

غيران من ابنك ولا روح اصبغ شعرك الابيض والحق سنانك اللي هتقع دي وبعدين اتكلم 

هنا مهند شمر كم قميصه وبين عضلاته وقال 

ولا انا لسه شباب ها شباب قال سناني اللي هتقع 

انفجر امير وعساف ف الضحك اكتر 

مهند ضحك هو كمان وقال 

بقا كدا طب وربنا لاشكيكم لشوق وهي تشوف شغلها معاكم

يتبع