قراءة رواية خيانة كاملة

تنشر حصريًا على مدونة رواية وحكاية قبل أي منصة أخر

غربت شمس حياتي بفقد أخر شخص في اسرتي الصغيره وهي جدتي التي أكملت تربيتي بعد موت والداي 

لأسير وحيده بين دروب الأيام و لياليها شديده الظلمه  

اتعثر بين  طرقها  دون أن أري مكان خطواتي

حتي التقيت بك   في أشد دروبي ظلمه لتنير حياتي مثل

شعاع يوم جديد اقتربت بقلب طفل بريء    استمد منه الدفيء والأمان دون أن أعلم أنه مجرد ضوء برق يومض ويصعق كل من يلمسه دون رحمه 

الواضح للجميع أن المرأة فقط من تحتاج الحب والأمان وتبحث عنهم بلا ملل 

لكن الحقيقه أن كلانا  يحتاج إليهم  ويبحث عنهم و يشتاق 

الرجل و المرأه علي حد السواء  الفرق البسيط  بينهم 

أن المرأه لا تخجل من إظهار ضعفها لتلك المشاعر والمطالبه بها 

بينما الرجل يجد في إظهار تلك المشاعر الضعف الذي يهز صورته ويقلل سطوته أمام الناس والمجتمع 

فيضطر محاربة مشاعره بطريقه خاطئه تدمره وتدمر من حوله

❈-❈-❈

علي طريق الإسماعيليه الصحراوي تسير تلك السيرة التي تتهادي بتمهل علي الطريق يجلس داخلها عاشقان رغم مرور السنوات عليهم وخط الشيب رأسيهما  لم يقل حبهم ولا قيد انمله 

تنهدت بحزن وهي تلومه كده يا وائل أنا كنت عايزه أفضل  كمان شويه 

تأملها بحب وهو يبرر لها حسن نيته يا حبيبتي أنا مشيت لأنك مش بتحبي السفر بليل 

بتخاف من الطريق ولو عارف إنك ترضي نقضي الليل عندهم لو سهرتنا طولت كنت قعدت بس عارف إنك مش بتحبي تنامي غير في سريرك 

أردفت بحيره ::

عندك حق، ٔ و أكملت  بحزن بس أنت عارف أنا محرومه من جو العيله ده 

ضم يدها بين يده بحنان هو يعيش نفس إحساسها يشتاق جو العائله دفء الأسرة لكن كل هذا لا يقارن

بوجودها جواره وأمام عيونه هي حب عمره لايريد من الكون غيرها  لقد وضع في خيار صعب أما هي أو اطفال من زوجه غيرها الحياه دائما لا تعطي كل شيء 

هتف يطمئنها حبيبتي ده أمر ربنا ملناش دخل فيه يعني يرضيك نبعد عن بعض عشان الخلف 

مجرد الفكره افزعتها لترد بسرعه لا لا طبعا الموت أهون عليا أنت أغلي عندي من أطفال الكون كلهم نحنت تق*بله من وجنته 

:: نظر لها بغمزه كده خطر يا دودو أنا سايق وممكن نعمل حدثه 

ضحكت بقوة كبرت وبرده مافيش فايدة فيك  

تحدث وهو يمثل الغضب كبرت أيه حظك إننا في الطريق وإلا كنت عرفتك مين فينا الكبر يا قطه 

استني استني يا وائل 

وقف فجاه وهو يتحدث بضيق في أيه يا مديحه أنت إتجننتي كنا هنعمل حادثه 

شاورت له في بنت قاعده هناك بطريقه غريبه لتكون 

محتاجه مساعده 

تنهد وائل و إحنا مالنا البنت اللي تكون في مكان زي ده في الوقت ده إما بنت مش كويسه 

أو طعم لأي حد يوقف بيكون معاها ناس في انتظار الغبي الذي يتوقف لها

هتفت  برجاء معلش يا حبيبي علشان خاطري 

قلبي حاسس إنها محتاجه مساعده 

يعلم ان قلبها الرقيق لن يتحمل رفضه لذلك استجاب لها وهو يهتف أمري لله هنزل و اقفلي العربيه كويس 

نزلت بسرعه لا أنا هاجي معاك ممكن تخاف لما تلاقي راجل لوحده

توجهوا إليها 

هتفت مديحه ::

بحنان إنتي قاعده كده ليه يا بنتي 

رفعت ريم عيونها الحمراء من شدة البكاء وهي تنظر 

لها بتيه ولم تتحدث 

سألتها مره أخري إنتي مين و أسمك أيه 

خرج صوتها متحشرج من البكاء وهي تهتف بحزن أنا الدنيا مش حباني ولا الأخره عايزاني

جلست جوارها وهي تقول لا إله إلا الله ليه بتقولي 

كده أنتي لسه صغيره علي الكلام ده 

بكت ريم 

:: سألتها بحنان طيب فين بيتك أو اهلك ؟

::تنهدت بحرقه ماليش بيت ولا أهل أنا عايشه في الدنيا لوحدي 

مديحه وهي تحتضنها وتبكي بشفقه إحنا أهلك بس أنا مش من هنا أيه رأيك تيجي معايا 

رمقها وائل بنظرة ضيق من تهورها لكنها لم تعيره إهتمام 

همست ريم بصوت مختنق من كثرة البكاء ::

أجي معاكي ليه أنا مافيش حد بيحبني ليه عايزه تاخديني 

:: بكت مديحه بحزن علي تلك الطفله التي تحمل أطنان من الأوجاع وهي تحدثها 

أنا كان نفسي يكون عندي بنوته زيك بس ربنا ما أردش عارفه لو كنت خلفت من أول جوازي كانت تبقي في نفس سنك 

يلا يا حبيبتي تعالي معايا أنا وبابا وائل 

جذبت ريم من يدها تساعدها علي الوقوف ثم توجه بها للسيارة وفتحت لها الباب الخلفي حتي ركبت ريم ثم اغلقت الباب  خلفها 

بينما وائل يرمق مديحه بغضب من قلبها الذي يوقعها في المشاكل 

لكنها ربتت له علي صدرها برجاء

تحركت السياره وكانت أصاله تغني (حبة ظروف )

أسندت ريم يدها علي شباك السياره ووضعت وجنتها وهي تتأمل الطريق ودموعها تسيل في صمت 

و ياعيني علي لف السنين تهد مين وتعلي مين علي التاني والخوف في قلبي لما زاد قواني 

❈-❈-❈

لم تشعر بمرور الوقت حتي توقفت السياره أسفل عماره فخمه 

وسمعت صوت  مديحه وهي تشجعها علي النزول يلا يا

حبيبتي وصلنا حمدالله على سلامتك

:: ردت بضعف الله يسلمك نزلت وهي تحمل حقيبة ظهر بها بعض المتعلقات البسيطه 

دون أن تفكر ما يمكن أن يحدث لها مع هولاء الغرباء أو ما مصيرها أن كانوا سيئين أو أين هي الأن 

لا يهمها أي شيء فهي تجد أن ما حدث معها في السنوات الماضيه أسواء ما يحدث لبشر 

جال فكره بخاطرها لو شخص غيرها لفقد وعيه من الخوف لقد تخيلت  أن يكونوا تجار أعضاء بشريه وتمنت أن تكون تلك حقيقه حتي تنتهي من عذابها 

❈-❈-❈

عند عمرو

استيقظ وهو يشعر بضيق في صدره لقد ظل مستيقظ حتي بزوغ ضوء النهار إستمر جلوسه علي الفراش 

فتره مشتت المشاعر جلد نفسه بقسوة علي ما عاشته معه في تلك السنه الخبيثه ولام نفسه 

أنا غلطت في حقها  لأزم أصلح كل حاجه 

أعتذر لها واطلب منها السماح كفايه عمري ضاع في 

ألم ووحده 

توجه للحمام أخذ شاور 

خرج أرتدي بدلته ونثر عطره ثم توجه بخطوات متوتره إلي غرفتها طرق علي الباب بهدوء ولم ينتظر الرد فتح

الباب و دلف إلي الداخل نداها لم يتلقي رد 

توجه لباب الحمام طرق عليه أكثر من مره لم ترد فتح الباب لم يجدها 

وقف يدور حول نفسه بعدم تصديق وحدث نفسه مش معقول تكون سبتني ومشيت دانا حبيت نفسي ودنيتي

بسبب نظرتها ليا اللي بتقول أنت الكون في عيوني فتح دولاب ملابسها وجد الملابس كما هي 

جلس علي طرف الفراش يحاول اكتشاف مكان تواجدها أغمض عيونه وهو يهتف  أسف يا حبيبتي ارجع وأنا

اعوضك عن كل تصرف جرحتك بيه و كل دمعه جرحت عيونك بسببي 

وجد جواره علي الكيمودن فيزا وعقد فوق جواب 

تناول الجواب قام بفتحه بيد مرتعشة 

ليجد ما زاد ألمه وعذابه

بسم الله الرحمن الرحيم

لما تفتح الجواب أكون خرجت من حياتك للأبد زي ما كنت تتمني دايما 

أسفه لأن ماكنتش الزوجه اللي اتمنتها 

أسفه لأن ماقدرتش أكسب قلبك و أسفه كمان لأن

ماعرفتش أداوي جرحك اللي مش عارفه بس أكيد في

حاجه جرحتك نظرة عيونك وقسوة تصرفاتك خير دليل

أن في حاجه وجعتك  منعتك تشوف عشقي اللي كان

واضح للكل إلا قلبك بس أنا مسامحك و بدعيلك تقابل الإنسانة 

اللي تقدر تخفف آلمك و تنسيك الماضي و أوجاعه 

لكن مش أسفه إن حبيتك و هفضل أحبك لأخر يوم في عمري ....

رفع  الجواب لشفتاه ووضع عيه قبله ثم قربه من قلبه أنا بعشقك يا عمري 

والله من أول ما دخلتي حياتي وأنتي بردتي نار قلبي 

رجعتيني للحياة أنا كنت خايف ومحتاج أحس بالأمان وحياتك أنا كنت رجع لك بس كنت محتاج 

شوية وقت بس شوية وقت 

وقف بإصرار أنا مش هرتاح غير لما ترجعي  حضني

مش سايب  مكان لحد ما الاقيك و أثبتلك أنا بحبك قد أيه 

❈-❈-❈

عودة لمنزل وائل 

بعد مرور أسبوع 

خرجت مديحه من غرفة ريم وهي حزينه

سألها وائل بفضول ::

برده مش بتاكل ولا بتتكلم يا مديحه؟

مديحه وهي تجلس جواره كل يوم صايمه  المغرب تأكل  لقمه ما تنفعش عصفور 

حك ذقنه بتفكير وخرجت حروف كلماته بصوت شارد البنت دي أكيد تعرضت لاغتصاب !!

شهقت بفزع مش معقول مين يهون عليه يؤذي ملاك زي دي 

عاد بظهره يركن علي ظهر الأريكة خلفه وهو يشرح لها فكره انهيارها ده مالوش غير معني واحد أدخلي قولي لها أن عايز أتكلم معاها 

حداثته  برجاء وهي في طريقها لتنفيذ طلبه أوعي تجرح البنت  يا وائل بكلامك ده أرجوك دي تعبانه جدااا 

أخذت له الإذن ودخل الإثنين

وائل ::بإبتسامه ازيك عامله أيه تصدقي بقالك معانا أسبوع ومش عارف إسمك أيه ؟؟

ردت دون ان ترفع عيونها اسمي ريم 

جلس جوارها يحاول جذب اهتمامها و مسايرتها  أسمك جميل زيك يا ريم 

جلست مديحه جواره 

أكمل أنا مش عارف أنتي شوفتي. أيه أو مريتي بأيه 

دمرك كده وأنتي لسه في ريعان شبابك أو ممكن أقول طفولتك!! لأن شكلك صغير جدا .

بس أقدر أقولك

أن مافيش حاجه ولا حد في الدنيا يستاهل تضيعي 

أجمل سنين عمرك في الحزن عليه أو بسببه 

ثانيا ربنا بيعطي كل إنسان ابتلاء علي قد قوة تحمله وأكيد أنتي قويه جدا وإلا كان فاتك موتي 

من زمان بسبب حزنك وقلة أكلك 

نظر لها بإشفاق أيه رأيك لما أحكيلك حكايتي أنا و مديحه يمكن تساعدك علي الخروج من حالتك دي؟

نظرت له في إنتظار إكمال الحكايه !

أنا بحب مديحه من وهي لسه عندها ١٩ سنه كنت رايح لواحد صحبي معيد عندها بالكليه شوفتها خاطفتني 

أنا أكبر منها ٨ سنين 

صاحبي لما شاف عيوني متابعه حركتها  ضحك وقالي ماكنتش مصدق أن اليوم ده هيجي  

وحقيقه ولا انا كمان المهم 

رجلي خدت علي طريق الكليه بروح كل يوم 

علشان أشوفها وأملي عيوني منها فضلت أقرب منها لحد ما تعلقنا ببعض

بس أهلها رفضوا ارتباطها حاولت كتير مع أهلها علشان اخطبها كل مره ليهم حجه شكل مره أصلها لسه صغيرة

ومرة أنت كبير عليها ومره ابن خالتها متكلم عليها وأنا أبدا مش بنسحب كل شويه أروح أقعد تحت البيت لما

أعرف أن حد متقدم ليها أروح أهدده لحد ما جننتهم

وافقوا بعد ما اكتشفوا  أن وقفت حال بنتهم ومافيش حد عاد يبصلها  أخيرا باباها وافق و أقولك الكبيرة هو

اللي اتصل بيه وقالي تعال اخطب البنت كفاية لحد كده مصدقتش نفسي جريت علي بيتهم و ما مشيتش غير لما بقت  بقت ملكي أخيرا بعد ٣ سنين 

وأخيرا الدنيا ضحكت لينا 

بعد سنتين جواز 

مديحه قلقت لأن مافيش حمل وطلبت تكشف ولأن مش ممكن أرفض ليها طلب وافقت وروحنا لدكاتره

كتير  ردهم واحد أنتم كويسين ومافيش عندكم أي موانع للحمل تخلفوا عادي من غير علاج بس مش من بعض 

يعني أيه يعني لو أنت اتجوزت غيرها وهي اتجوزت غيرك تخلفوا علي طول لكن من بعض مستحيل

كانت صدمه فظيعه لينا مافيش حل لأما ننفصل علشان الخلف أو نفضل مع بعض و ننحرم من نعمة الأطفال 

بس الموضوع مخدش مننا وقت في التفكير 

مش ممكن نسيب بعض بسبب حاجه زي دي و استمرينا بقالنا ٢٠ سنه مع بعض وحبنا زاد أكتر من الأول 

ضمها لصدره بحب وهي بادلته الضمه 

تبسمت لهم في حب لقد تمنت كثيرا أن تعيش تلك المشاعر لكن إرادة الله  فوق كل شيء 

تحدثت بحزن ::

أنا ريم علاء الليثي عندي 21 سنه مطلقه 

اتسعت أعينهم بصدمه مما نطقت به 

بينما تمتمت مديحه بذهول أيه مطلقه في السن

دي اتجوزتي أمتي 

غامت عينها بالدموع وهي تتمتم أنا هحكي لكم كل حاجه من الأول