رواية جديدة الماسة لنهى عادل - الفصل 10 - الأربعاء 28/5/2025
قراءة رواية الماسة كاملة
تنشر حصريًا على مدونة رواية وحكاية قبل أي منصة أخرى
رواية الماسة
رواية جديدة قيد النشر
من قصص و روايات
الكاتبة نهى عادل
الفصل الحادي عشر
تم النشر يوم الأربعاء
28/5/2025
واختر خليل قلبك بحكمه فليست كل القلوب بالقلوب تليق...
واختر لنفسك شخصا اذا قست عليك الايام يكن لك فيه عشم لا يخيب."
❈-❈-❈
تتجوزيني !!!!!!!
قالها غيث بحب
نظرت له ماسه بصدمه وذهول ؟؟ حاولت إخراجها صوتها وكادت أن تجيب عليه إلا أنه قال::بس قبل ما اعرف ردك ،عاوز احكى لكى على حاجة ...
حمحمت ماسه :اتفضل ....
"تنهد غيث بألم قائلا : اولا أنا اعرفك من زمان واعرفك من قبل ما أفقد بصرى ،بس للاسف عمرى ما شوفتك سمعت صوتك بس ،كان صوت حزين مليان مشاعر،واحساس ،وبدأت اتعلق بكى وافكر فيكى ،على فكره أنا كمان كنت خاطب ،وخطبيتى هى السبب في الحادث ،انا عارف أنه قضاء وقدر ،،بس طبعا اتخليت عنى فى اول محطه ،رغم انها بنت خالتى ....عاوز اقولك انى معرفتش الحب ومعناها اللى معاكى ،حسيت بإحساس جميله ومختلفه لما بسمع صوتك وانتى بتغنى
عرفتك قد ايه عندك قيم وأخلاق مش عند حد ...
انا عاوز اقولك انى خبيت عنك شخصيتى الحقيقه ،علشان انا كنت عاوز اهرب من الناس ،مش عاوز حد يشاور عليى ويقول "غيث قاسم الدالى
رجل الأعمال أتعمى وأشوف نظره شفقه من حد .....
. انصدمت غير مستوعبه من معرفه حقيقه غيث كان على ملامحها الغضب..
ردت وهى فى حاله ذهول :انت عاوز تقوللى انك انت غيث قاسم الدالى،صاحب المطعم وانا طول الوقت ده كنت مغفله ،بس ازاى اما مين اللي عرفتنى به !!!
تنهد بحزن "ده يبقى فهد صاحبى ومدير اعمالى يا ماسه ..ارجوكى خلينى اشرحلك موقفى ،صدقينى انا كان غصب عنى .
وقفت ماسه ونظرت له بغضب :للاسف يا استاذ قاسم قصدى يا غيث باشا الكلام خلص ،بعد اذنك انا ماشيه ،المفروض أنك كنت تقوللى على كل حاجه احنا اكتر من شهرين عارفين بعض، انا يعتبر حكيتلك على كل حاجه عن حياتي وقولتلك على خطيبى اللى كنت مخدوعه فيه ، بس للاسف طلعت مخدوعة فيك انتى كمان بس انت اكتر بعد اذنك....
"ماسه أرجوك استنى انا محتاجلك في حياتى ثم انا فعلا مضحكتش عليكى انا أسمى غيث قاسم الدالى ولما قولتك قاسم ،ما كذبتش في ناس كثير بتاخذ كنيه والدهم او عيلتهم،ومفيش مرة انتى سالتنى شغال ايه او حاجة وكذبت عليكي ،أرجوك انا مكنتش عاوز اشوف نظرة شفقه من حد ....
بصراحة أنا كنت مخدوع بالي حواليه واولهم خطيبتي وكنت خايف لو كنتى عرفتى من البداية حيكون معاملتك معايا ايه شفقه ولا مجاملة وانا مش بحب كدا ..انا مش ناقص نفاق ومجاملة ..عاوز مشاعر حقيقية من اللي حواليا خصوصا انى فقدت بصرى اللي كنت من خلاله بميز تعبيرات الوجوه منه ،انا كنت فاقد الحياه انا ما كنتش باخرج من اوضتي خالص كنت منعزل عن اي حاجه ومره واحده صوتك جه في بالي وقررت انزل تاني المطعم وانت ساعدتيني صدقيني ما كنتش قاصد ان انا اخدعك
بس انت فعلا خدعتنى !!!!
كادت أن تذهب ولكن سمعت كلمه أوقفتها ....
_ماسه انا بحبك ،والله العظيم بحبك ...
استدارت له وجدت على ملامحه الحزن ..
تنهدت بألم من أجله كلما كانت معه كانت تشعر بالأمان والطمأنينة بعكس ماكانت مع مدحت ...
هو احبها ولم يراها
هى أحبته واردات أن تعرف المزيد عنه واقسمت أن تخرجه من حالة الحزن التى رأته في عيناه...
ذهبت إليها مباشرة وقفت أمامه : انت لخبطتني ..خليني اشوف اقدر اسامحك ولا لا بعد اذنك
"بعد اذنك ....
❈-❈-❈
فى المطعم ...
لم يذهب فهد إلى المطعم من اخر لقاء بينه وبين ياسمين ،هو لم يريد أن يرأى وجهها ،احس بالغيرة الشديده كلما يرأها تضحك مع رضوان ،واكن ضحكتها ملك له هو فقط ،هو لم يفسر إلى الآن شعوره هل حب ،غيره ،لم يعرف الجواب ؟؟
كاد أن يدخل المكتب ولكن وجدها تقف عند باب المطبخ تنظر إلى ساعتها ...
توجه إليها وهتف من خلفها...
واقفه عندك بتعملى ايه ...
فزعت ياسمين عند سماع ذلك الصوت ووضعت يدها لتحسس قلبها التى تسارعت نبضاته وهى تستعيذ والتفيت وراها لتجده واقف أمامها وينظر لها بمكر ...
"هههههه اوعى تقوللى انك خوفتى ولا حاجه ؟؟
"وضعت يدها فى خصرها :وانا هخاف منك ليه إن شاء الله
كاد أن يرد عليها ولكن جاء رضوان يتحدث إليها قائلا:
"ياسمين فينك بدور عليكي
صك على أسنانه بعنف شديد :وبدور عليها ليه إن شاء الله يا رضوان .
"أصلا يا فندم في طلبات بره وماسه مش موجودة وياسمين بتحضرلها...
"طيب اتفضل انت يا رضوان على شغلك وانا جايه على طول .
نظر لها رضوان بحب :ياسمين انتى كويسه ؟؟
" الى هنا وكفى فقد فهد اعصابه وتحدث بحده إلى رضوان:
"هى مش قالتلك روح شغلك وهى جايه ،انت مالك إذا كانت كويسه ولا لا على شغلك قبل ما ارفضلك حالا...
حاضر يا فندم وجرى رضوان من أمامه ....
بعد ذهاب رضوان رفعت ياسمين حاجبها ونظرت بخبث إلى فهد ...
"فى ايه يا مستر غيث ،رضوان زميلي وبيطمن علي ما حصلش حاجه لده كله يعني حضرتك؟؟
"والله !!!!
"ضحكت وقالت اه والله ...
رن هاتف ياسمين ،وجدت اسم ماسه على الشاشه لتجيب عليها :
"ايوا يا عم الله يسهله ،الحب ولع فى الدرة !!
"سمعت صوت بكائها ،ماسه مالك فيكى ايه ،
طيب طيب اهدى وانا هخلص الشغل واجى على طول ؟؟؟
كل هذا حدث أمام فهد ؟؟ ليرى ياسمين متوترة تحدث إليها برقه لأول مرة تسمعها منه:ياسمين فى حاجه حصلت ،وماسه كويسه حصل حاجه
هاااا بتقول حاجه ؟؟؟آفاقت :انت مالك أصلا بتسال ليه بعد اذنك .
عند ذهابها امسك فهد يدها واقترب من اذنها وهمس : ازاى مالى ،وانتى كلك على بعضك تخصينى ؟؟
حمحمت بارتباك واحمر وجهها من قربه المهلك منها تنهد
بغضب : لو شوفتك واقفه مع رضوان تانى أو غيره ،صدقنى مش هيحصل كويس لكى ،او له ...
ابتعدت عنه وهتفت :بصفه ايه تمنعنى إن شاء الله
نظر لها بمكر وخبث وغمز لها :بكرة تعرفى وتركها وذهب
نظرت إلى آثره ،وشاردت كان قلبها يدق بشده من قربه لها.ضحكت وافتكرت ماسه :يلهوى ماسه اروح اخلص علشان الحق اروح لها....
❈-❈-❈
دلف غيث الى المطعم حزين يسيطر على وجهه الغضب
جلس على اقرب طاولة له ... ووضع يده حوالينا وجهه
جاء إليه فهد مسرعاً...
"غيث مالك فيك ايه .. وايه اللى عمل فيك كده ..
"رفع غيث وجهه ل فهد :ماسه عرفت كل حاجه يا فهد ،
"عرفت ازاى!!!!
"انا طلبت اتجوزها،وكان لازم احكى لها على كل حاجه ،ماسه أنصف حاجه في حياتى ،جوهرتى النادرة يا فهد ...وقص له غيث كل شي...
"خير يا غيث ،اديها وقت تفكر ،اكيد هى كمان بتحبك ،اقولك انا عندى فكرة ؟؟؟
"فكرة ايه !!!
اقولك !!!!!! وقص له فكرته
" تفتكر يا فهد هيجيب نتيجه ..
"عيب عليك يسطا انا فهد الدنجوان!!!
❈-❈-❈
فى كثير من الأحيان نتعرض لصدمات تقلب حياتنا رأس على عقب،خاصة إن كانت صدمة قوية،حينها يصبح رد الفعل غير على الاطلاق،،خاصة إذا كانت تلك الصدمة
تكون من أقرب الناس الينا وقتها يصبح العقل غير قادر علي الاستيعاب
❈-❈-❈
فى منزل ماسه .....
دلفت إلى المنزل بحزن شديد وجدت والدتها تجلس مع مرات عمها السيده فتحيه ألقت عليهم السلام ثم توجهت إلى غرفتها ...
لتوقفها فتحيه :ماسه انتم جاتوا بدرى ،وفين ياسمين يا حبيتى ..
تنهدت ماسه بألم :انا بس اللى جيت يا طنط حسيت بصداع واخدت نصف يوم عند اذنكم ..
همست فتحيه ل سعاد :بقولك يا سعاد مالها ميمي ،شكلها تعبان ،كده ليه ؟؟
"ولا ما اعرف يا فتحيه ،استنى اشوفها؟؟
"طيب انزل انا اتصل على ياسمين اتطمن عليها ،،عن اذنك يا اختى ...
"طيب ما تشوفي ياسمين وخليها لما تجى تتطلع نتغدى سوا ..
"ماعلش يا سعاد خليها مره ،فوتك بالعافيه يا اختي
"الله يعافيكى يا فتحيه...
بعد ذهاب فتحيه ،طرقت سعاد الباب ،لتمسح ماسه دموعها قائله :اتفضلى ادخلى يا ماما...
"دلفت سعاد ،ونظرت الى ابنتها :فيكى ايه يا حبيتى مالك ،اول مرة اشوفك كده ،وجيتي بدري ليه النهارده؟؟
"ابدا يا ماما ،انا كويسه وبكت بغزاره
" كل ده ومفيش حاجة ،مالك يا نن عينى ،ا فتحلى قلبك يا ضنايا ..
ارتطمت ماسه فى حضن والدتها وهى تبكى ،،هقولك يا ماما على كل حاجة ،انا كنت هقولك والله بس كنت مستنيه الوقت المناسب ؟؟؟
أخذت نفس ،وقصت اسعاد من اول مرة ترى فيه غيث الى اللحظه هذا؟؟؟
ضمتها سعاد بحنان ورتبت على ضهرها ثم اجلستها بجانبها قائله:طبعا مش هقولك انك غلطانه انك خرجتى معاه من غير ما تقوليلي وان ده مش أخلاق بنتى اللى ربيتها؟؟
خجلت ماسه من حديث والدتها ونظرت إلى اسفل؟؟
"ماسه ارفعى رأسك ،انا بنتى تربيه ايدى عمرها ما تواطى رأسها لتحت ،..خلينا نشوف حكايه سى غيث ده ...
ضحكت ماسه من بين دموعها،،
"اه هى الحكاية كده ؟؟؟
حمحمت ماسه :حكاية ايه يا ماما بس ،انا زعلانه أنه ضحك عليى وخداعنى ،بس قالك مبرراته يا حبيبتي ،واعتقد يا ماسه لو هو انسان من جد ولا بيحبك ،كان فضل على الوضع ده ،ومكنش طلبك للجواز ،اقعدى فكرى يا حبيتى مع نفسك ،انتى عاوزة ايه ؟؟ وهل هتقدرى على ظروفه وانك فعلا بتحبه ولا
مجرد أنه صعب عليكى ؟؟ انا نفسى يا ماسه افرح بكى ومش عاوزين نغلط نفس الغلطه اللى حصلت مع مدحت؟
ردت بسرعه:لا يا ماما غيث غير مدحت خالص ..؟؟قصدى مش عارفه يا ماما!!!
"ربنا يسعدك يا حبيبه ماما .
"انتى ترتاحى شويه وبعد كده شوفى انتى عاوزة ايه ؟؟
"قبلت ماسه يد والدتها وهتفت:ربنا يخليكى ليا يا ماما؟؟؟
بعد مرور ساعة جاءت ياسمين من عملها وتوجهت مباشرة إلى بيت عمها لتطرق الباب وتفتح لها سعاد
"ادخلى ياسمين ،
دلفت ياسمين الى الداخل قائله:فين ماسه يا طنط ؟؟
"ماسه جيت منهارة من بره ونامت ،انا عاوزة افهم ايه حكاية غيث ده وازاى ماسه تحب واحد أعمى ويضحك عليها وقصت لها ما حدث ....
"طيب وهى عاملة ايه دلوقتي يا طنط
تنهدت سعاد بحزن علي حالة ابنتها:نامت من كتر العياط ....
❈-❈-❈
بعد مرور ثلاث أيام ...
" لم تذهب ماسه إلى عملها..... فكر غيث أن يذهب إليها ويشرح لها موقفه ،ولكن تراجع لتأخذ قرارها بدون ضغوط منه ....
فى صباح يوم جديد أستيقظ غيث ودلف إلى المرحاض وتوضا ليصلي قبل ذهابه إلى المطعم...
ظل يدعى ربه أن تكون ماسه من نصيبه ،وان توافق على طلبه ،هو يعلم أنه جرحها لانه اخفى الحقيقه عنها ،ولكن كان لابد أن يعرف شعورها تجاه.....ماسه تملك قلب من الالماس مثل اسمها!!!!
عند دخول غيث الى غرفه السفرة لتناول الفطار مع عائلته سمع صوت أصبح يكره بشده ؟؟
دلف إلى الداخل قائلا:صباح الخير ؟
ردوا الجميع ،صباح الخير يا غيث ..
نظرت له رزان بمكر :ازيك يا غيث عامل ايه دلوقتى
لم يرد عليها وهتف :فى موضوع حابب اقوله لكم
"خير يا حبيبى قول"""
"هو فعلا خير يا بابا ،انا قررت اتجوز !!!!!
فرحت رزان ولكن الصاعقه الكبرى لها عندما سألته فيفى من العروسة ؟؟؟؟ليرد عليها قائلا:اسمها ماسه يا امى وهى ماسة فعلا !!!!
فيفى بصوت عالى هز البيت ولم تراعى وجود قاسم :وتتطلع مين ماسه ده كمان يا غيث باشا .
فيفى !!!! فى ايه انتى نسيتى وجودى ولا ايه ،ازاى صوتك يعلى فى وجودى و وجودك ابنك ؟؟؟
حمحمت فيفى بحرج : انا مكنتش قصدى يا قاسم ،انا بس عاوزة اعرف مين ده ،هو اى حد يرتبط بها وخلاص
نظر لها قاسم بحده:مادام غيث قرر يبقى هو حر ،هو اللى هيتجوز ومن حقة يختار شريكة حياته ثم نظر إلى ابنه بحب وحنان :وامتى يا غيث هتروح تتقدم لها؟؟
"فرح غيث عند سماع كلام والده الذي وقف بجانبه ويدعمه ..
"لسه شوية يا بابا هظبط أمورى واقولك ؟؟
" تمام يا حبيبى ،ثم مال على أذنه قائلا: بس ماسه عليها اكل اوعى تخليها تحرمنى منه بعد الجواز .واديها وقتها تستوعب انك غيث باشا ؟؟
"بابا انت عارف ...!!!!!
ضحك قاسم وهمس له عيب عليك ابوك لاعيب قديم ربنا يسعدك يا حبيبى ..
شرد قاسم عندما أخبره رضوان بكل ما حدث عند رجوع غيث الى المطعم ،حتى أنه أخبره أنه لا يذكر اسمه أمام أحد وتبدل الأدوار هو وفهد واندهش أكثر عندما أبلغه رضوان بمساعدة ماسه الدائمه لغيث وأخرجه من حزنه وطلب من رضوان معلومات عن ماسه وحياتها...وتمنى من الله أن تكون هى زوجة ابنه وليست رزان .
❈-❈-❈
خرجت مسرعه من الفيلا لتقوم بالاتصال على مدحت
ليرد عليها ...
"مصيبه يا مدحت غيث عاوز يتجوز
"اهدى يا رزان وفيها ايه ؟؟
"اهدى ازاى وهو عايز يتجوز واحدة غيرى ،وكل اللى خططت له هيروح ؟؟
طيب عرفتى هى مين ؟؟
"معرفش الا اسمها؟؟ انا سمعته وجرت اكلمك على طول هنعمل ايه فى المصيبه ده يا مدحت ؟!
"اهدى يا رزان لسه مفيش حاجة حصلت خلينى نشوف الوضع هيمشى ازاى ونحاول نعرف معلومات عنها؟؟ بس هى اسمها ايه ...
"سمعته بيقول اسمها ماسه ؟؟
ماسه ماسه الاسم ده مش غريب عليي شرد قليل وتذكر أن ماسه خطبته كان تعمل في مطعم الوفاء .
مطعم ابن عمه ..ازاى انا طلعت غبى كده
"فى ايه يا مدحت ؟؟!
"يظهر أن الحظ رجع يضحك لنا تانى ياحبيتى ،انتى عارفه مين ماسه ده ؟؟
مين يا مدحت ؟!
"صاحبه البيت اللى فيه الامانه ،شوفتى بقا الدنيا صغيرة ازاى و ضحكت لنا تانى واللعبه احلوت قوى...بس تعرفى أنهم لائقين على بعض وهو هيشوف البومة ازاى وهو أعمى ؟؟ المهم عاوزك تروحى المطعم وشوفى الدنيا ماشيه هناك ازاى وبلغينى بكل جديد سلام دلوقتى ..
بعد أن قفل المكالمة مع رزان ضحك بخبث :يظهر انى هعرف اخد حقى منك يا بومة الك ل ب وهوريكى ازاى انا مدحت تعملى فيي. كده ؟؟؟
❈-❈-❈
فى منزل ماسه ....
استيقظت من نومها وادت روتينها اليومى،وهى تشعر بسعاده لأول مرة تنام وتكون مرتاحة البال بعد صلاتها ل ثلاثه أيام صلاه الاستخاره .
همست لنفسها : يفرق معاكي ايه يا ماسه اذا كان غيث ولا قاسم ..انت حبيتي الشخص دا وخلاص .
يرد عقلها ..بس دا كذب عليكي وخدعك ..
ترد هيا ..بس له مبرراته ..هو خاف وطبيعي اللي زي وضعه يخاف وياخد حذره ؟!! بس فى الاخر بيحبك ؟!
يرد عقلها:اوعى تسامحى بسهوله ؟؟
بس !!!! انتم الاثنين "رفعت يدها إلى السماء ودعيت ربها أن يرشدها إلى الصح والصواب ...
❈-❈-❈
فى المطعم ....
داخل المطبخ كانت ماسه تجهيز المنيو المطلوب منها لهذا اليوم ،دلفت إليها ياسمين بوجه عابس قائله:
انتى مش ناويه تقوليلى هتعملى ايه يا ماسه مع غيث
بعد ما ضحك عليكى لا وكمان اللى اسمه فهد ده كمان
نظرت لها ماسه برفع حاجبه قائله:ماله فهد يا سمسم انا شايفه أن عيونك بتطلع قلوب اول ما تسمعى اسمه ،هو ايه العبارة ...
ضحكت ياسمين ،انا اطلاقا ولا يشغلني المهم خلينا فيكي انت انت حاسه بايه تجاه غيث..
"تنهدت بحزن : معرفش خايفه يكون شفقه ،مش حب
وأنه يكون صعب عليى مش اكتر ...
"يسلام يا ست ميمى ،يعنى انتى مش عارفه شعورك ايه
اعترفى بقا ....ويمكن يكون ربنا بعت لكى غيث علشان عملية مرات عمى ؟!!تاخدى منه الفلوس وتعملها ما انتى هتبقى مراته ...
ايه !!!!! انتى عاوزنى اخد فلو س من غيث لعملية ماما مقابل انى اتجوزته ،انتى اتجننتي صح ،انتى تعرفى عنى كده ،انا صح بحب غيث وفعلا بتمنى انى اقدر اسمحه واتجوزة بس مش علشان استغله ؟!!
جرت اليها ياسمين واحتضنتها: سامحينى يا ميمى مكنش قصدى والله ... انا قصدى علشان عمليه مرات عمى ...
"ولا يهمك يا سمسم ،يلا بنا نشوف شغلنا ...
"كل هذا حدث ورزان تقف خلف الباب وتسجل كلامهم...
قامت بقفل الهاتف وضحكت بخبث قائله :حلو اوى كده
وخرجت مثل ما دخلت ولم يراها احد.....
بعد لحظات دلف رضوان المطبخ ليخبر ماسه أن يوجد مشكله في طعام الطاولة رقم ٥
❈-❈-❈
من قال أن الكلمات لا تفعل شيئاً
الكلمة... إن لمستك إحتضنتك ....
وإن جرحتك.. أغرقتك فى بحر الألم ..
بكلمة.. نهدم حلما...
وبكلمة... نداوي جرحاً...
بكلمة... نخسر شخصاً..
وبكلمة.. نكسب قلباً ..
فتذكر قبل أن تنطق كلماتك ...
أنها بصمة فى القلوب لا تتغير...
❈-❈-❈
دلفت ماسه الى صالة المطعم وجدت الإضاءة مغلقه كادت أن تذهب سمعت صوت خلفها ،استدارت
لتجد غيث يجلس على ركبه ويمسك باقه من أروع الزهور ،انتفض قلبها وأصبح دقاته كالطبول ،بلعت ريقها بصعوبه ورسمت الجمود والبرود...
تنهد بحزن وهتف : ماستى انا اسف!!!!!
_انا عارف انك زعلانه منى ،وده حقك طبعا ،بس انا مكنش قصدى انك تغضبى منى بالشكل ده ،او اكون سبب في تعاستك أو حزنك فى يوم من الايام ...
"ارجوكى سامحينى ،انا فعلا ندمان أشد الندم على كذبى عليكى وآسف أشد الاسف ،ياريت تقبلى اعتذرى يا اغلى انسانه في حياتى ،صدقينى مهما كنتى عضبانه وزعلانه منى ميساويش حاجه من حزنى وانتى بعيدة عنى ،انا اسف يا حبيبه قلبى وروحى ،أنا عارف ان قلبك كبير وهتقبلى اعتذارى؟؟؟
واوعدك انى مخيبش ظنك فيى تانى ،حبيتى ماسه انا مقدرش أعيش من غيرك ،كافيه بعد ارجوكى اقبلى اعتذارى!!!
ماسه انا بحبك تقبلى -تتجوزيني ؟؟؟
كانت ماسه تبكى بشده ترى صدق كلامه وأفعاله ،كان كل تفكيرها ،هل يوجد حب صادق مثل حب غيث لها ؟؟
تنهدت بفرحة وقربت منه واقفته قائله : موافقه ....
"هااااا قولتى ايه وكاد أن يقبل يدها .....
"قولت موافقه يا غيث اتجوزتك ؟؟؟؟وهمست له فى أذنه بس خلى البوسه لبعد المؤذون.
"كانت ياسمين تشاهد كل هذا وتبكى على ابنه عمها الحبيبه ،انها اخيرا وجدت من يعوضها ،وجدت حب حياتها ،كانت تتمنى ماسه أن تجد الحب الحقيقي وبالفعل وجدته مع غيث ......
سمعت همس بأذنها :عقبالنا استدرات لترى فهد يغمز لها وتركها وذهب وهى فى حيرة من أمرها ،هى لا تنكر أنها أعجبته به ولكن من اخر موقف وتغيرت وجه نظرها من ناحيته ؟؟؟
تنهدت بفرحه قائله :خضتنى يا ابن ايه ،اه بس مزة
❈-❈-❈
في كلية الهندسه .....
فى الكافتيريا... تجلس اسيل مع أصدقائها ومنهم عمرو الذى كلما أراد أن يتكلم معها ،كانت تصده ،هى لم تشعر بأى شئ تجاه سوى الصداقه فقط زميل دراسه ،لكن هو عاشق متيم،،حتى أنه رفض حب ايمى لاجلها...
_نظر لها قائلا:اسيل لحد امتى هتفضلى رفضى مشاعرى
انا بحبك وعايز اخطبك يا اسيل ...
وقبل أن ترد اسيل سمعوا من قال:
نعم .... تخطبيها ازاى وهى مخطوبة
_ليجدوا زياد يقف ووجهه شديد الاحمرار من الغضب .....
شحب وجه عمرو :اسيل مخطوبه لمين يا دكتور ؟؟
نظر زياد بغضب ل عمرو قائلا:الانسه اسيل تكون خطيبتى انا يا عمرو ،يعنى بنسبه لك اسمها
الانسه اسيل ...
نظر لها عمرو بقلب محطم ،انا اسف يا دكتور بعد اذنك ..
انا اسيل كانت تقف مثل البلهاء تفتح فمها همس لها زياد اقفلى يا حبيتى لحاجه تدخل وتركها وذهب وهى غير مستوعبه ماذا يحصل ...
ظلت تنادي عليه: يا دكتور زياد ..
أما زياد كان فى أشد غضبه ،لولا أن وعد غيث بأن لا يفصح بمشاعره ل اسيل الا بعد انتهاء الدراسه
إلا أنه فقد السيطرة عندما سمع عمرو يعترف بحبه لها..
❈-❈-❈
بعد مرور أسبوع .....
بعد تقديم غيث ل ماسه رسمى ،ومقابله سعاد له ،وكان معه والده والدته واسيل تم الاتفاق على كتب الكتاب بعد اسبوع ،فغيث ،لم يحب فترة الخطوبة ....
كان قاسم مرحب بهذا الزواج ،اما فيفى فلم توافق ذهبت بأمر من قاسم .. ولكن اقسمت أن هذة الجوازة لن تدوم .....
فى منزل ماسه ،كانت الفرحه تعم المكان ،فرحت سعاد لفرحه ابنتها الغاليه ماسه ،هى كاي ام تريد الاطمئنان علر ابنتها وتزويجها لرجل صالح يخاف عليه...
دلفت سعاد الى غرفه ابنتها وجدتها آيه من الجمال كانت ترتدى فستان أبيض وبه بعض الزهور اللوز .. لم تضع اى من مساحيق التجميل طرحتها تاج يزين رأسها ...
نظرت إليها بحب قائله : مبروك يا ضنايا رغم انى مكنتش موافقه ان اخرتها يكون نصيبك واحد أعم.
قبل أن تكمل سعاد جملتها اوقفتها ماسه قائله : ماما أرجوكى انا فعلا بحب غيث واديكى شوفتى بنفسك وانتى قاعده معاه ،اعتقد انك ارتحتى له أكتر من مدحت ياماما صدقنى انا حسى أن ربنا رضى عنى وبعتلى غيث هو محتاجنى وانا محتاجه له...
تنهدت بفرحه وضمتها سعاد بحب رغم انها تشعر بوجع شديد فى قلبها ولكن لم تخبر احد : مبروك يا قلب ماما ربنا يسعدك لما اروح اشوف عمك وفتحيه ..وياسمين ربنا يسعدها هى كمان فى المطبخ من بدرى بتجهز الطلبات ..
بعد خروج سعاد من الغرفه ،شعرت ماسه بنغزة فى قلبها وكان قلبها ينقبض ،وضعت يدها على قلبها وهمست :استر يارب ،اكيد النغزه ده من فرحتى أن اخيرا لاقيت حب حياتى .....
❈-❈-❈
فى الخارج كان فخرى قلبه يرقص من الفرحة بعد آخر مكالمه له مع مدحت ...
فلاش باك .....
داخل شقه رزان ومدحت... كان يوزع القبل على عنقها ووجهها ويهمس لها بكلامه الوقح قائلا : اموت انا فى السفاله...
نظرت له رزان وضحكت بدلع هههههههه عمرك ما هتبقى جد يا يا تيحه...
"هو فى احلى من السفاله يا قلب تيحه..
"يا مدحت خليك جد ،انطى فيفى اتصلت بى وقالتلى أن غيث راح اتقدم ل البت بتاعت المطعم ،وبعد يومين كتب الكتاب ...
ايه وازاى متقولتش حاجه مهمه زى ده ....
"يا مدحت منا حاولت اتصل بك ،وكنت غير متاح ،ولم انت اتصلت قولتلى اجى على هنا ،وادينى قولتلك هتعمل ايه ... لسه فاضل يومين ...ولازم نخلص حوار البيت مستر ديف عاوز اللى تحته بأى تمن يا تيحه
"ابتسم بمكر وهتف:مفيش الا فخرى يحاول يخليها تمضى وسط ورق القسيمه وانا هظبت المؤذون كده كده محدش هيركز هو أعمى وهى مش هتلاحظ ......
"ايواااا بقا يا تيحه يا جامدا على افكارك ،طيب يلا اتصل به وانا معاك
وقام مدحت بالاتصال على فخرى وبلغه ماذا سيفعل ؟؟وبعد انتهاء المكالمة:نظر إلى رزان :فخرى ده اكبر مغفل
بس سيبك ، وتعالى ...
ههههههههههه
"ايوا اموت انا واعيد السنه...
وذهبوا الى ما حرم الله ....
نهايه الفلاش باك ....
همس فخرى لنفسه فاضل لحظات وابقى من أصحاب الملايين ،يا هاااا نصف مليون هيكونوا بتاعوا ،ابقى اديها مائه الف تجيب بهم شقه وخلاص .....
بعد مرور نصف ساعه ....
دلف غيث بطلته التى تختطف الأنفاس فكان قمة في الشياكه والجمال يرتدى بدله من اللون الاسود وقميص أبيض ....مع والده وفيفى التى كانت فى شده غضبها وجاء معه زياد وفهد ....
بعد قليل ....
خرجت ماسه وياسمين ......
" أ شم غيث رائحة ماسه التى خطفت قلبه ،هو لم يراها بعينه ولكن رآها بقلبه وروحه ....
جلست ماسه بقرب منه وبجانبها والدتها... همس لها :مبروك يا ماستى ... كلها لحظات وتبقى مراتى وفاكره البوسه مش هتبقى على الايد وبس ...
خجلت ماسه من كلام غيث ،هى بالفعل كانت متوتره زاد توترها أكثر بعد كلام غيث ....
أما كل من زياد وفهد يسرقون النظرات من تحت ل تحت كل واحد منهم عاشق حد النخاع .....
دلف المؤذون لتبدء مراسم كتب الكتاب... غمز فخرى له بأنه يضع الورقه أثناء الامضاء على القسيمة .....
كانت تشعر سعاد بألم شديد فى قلبها ،ظلت تدعى ربها أن يكمل فرحه ابنتها على خير ....
سال المؤذن غيث من هو وكيله ،أجابه عليه أن والده وهكذا سال ماسه أجابت بأنه عمها فخرى. ...
وبعد الانتهاء من الامضاء على القسيمة وأصبحت ماسه زوجة غيث ،كادت أن تمضى على ورقه التنازل إلا زاد التعب على سعاد وفقدت وعيها... لتصرخ ماسه على والدتها وتحاول افقتها الا أنها هذة المرة فشلت .
اقترح غيث ،الاتصال باسعاف واخذها الى المشفى ..
كل هذا فخرى ينظر بغل وغضب ل ماسه التى كانت ستمضى لولا أن سعاد فقدت وعيها....
بالفعل ذهبت سعاد الى المشفى .....
❈-❈-❈
فى المشفى .....
كان الجميع يقف في حالة من التوتر الشديد،فالطيبب أكثر من نصف ساعة داخل العناية المركزة ولم يخرج
كانت تبكى ماسه بشده وجدت من يمسك يدها وهمس لها : ماسه اهدى يا حبيتى مامتك باذن الله هتكون كويس والدكتور هيطلع يطمئنا عليها ...
"خرج الطبيب وأخبارهم انها تحتاج إلى عملية قلب مفتوح.و أن يجب تغير الصمام الاورطى بس تلفه ... ويجب إجراء العملية فى اقرب وقت ...
انهارت ماسه عند سماع حالة والدتها "ارتطمت فى حضن غيث وظلت تبكى بشده ،ضمنها غيث إليه بحب وحنان ....
❈-❈-❈
بعد أن عرفت رزان من فيفى تفاصيل كتب كتاب غيث وماذا حدث هناك وان بالفعل تم كتب الكتاب.. ذهبت مسرعة إلى الشقه التى تقابل فيها مدحت ......
دلفت إلى الداخل لتجد مدحت يتحدث الى الهاتف ....
"صك على أسنانه بعنف : يعنى المرة ده كان فلتت
تمام الا جايات اكتر مع السلامة ....
"اه يا نارى منك يا بنت الكل *ب ، اكيد فى مرة هتوقعى فى ايدى ومش هرحمك ....
"نظر إلى رزان "واقفه عندك ليه تعالى شوفى المصيبه ،فخرى الغبى ملاحقش يمضى البومة على الورق ،،،
ردت عليه رزان بغل وحقد ،ده كمان غيث كتب الكتاب يا مدحت وبعد كده أمها تعبت ونقلوها إلى المستشفى يظهر أن البت ده فعلا بومة يا مدحت ،لازم نشوف حل ،احنا لازم نستغل التسجيل اللى معانا ونشوف الجوازة ده هتكمل ازاى ....
ضحك بمكر :هو ده المطلوب يا حبيتى !!!
❈-❈-❈
بعد مرور يومين .....
ترجلت ماسة برفقة ياسمين من السياره..
وهي تتأمل بدهشه الفيلا الضخمه شديدة الاناقه والتي تحيط بها حديقه كبيره شديدة الجمال ممتلئه بمختلف الانواع من الزهور والشجر بتناسق رائع
لتهمس ياسمين في اذنها بانبهار
"الفيلا دي كلها بتاعته ،، ماشاء الله !!.
كان يجلس غيث بجانب السائق ،تنهد بألم ونزل من السيارة ..
غيث بحده شديد وهو يشير إلى الداخل اتفضلوا...
لتلتمع عيون ماسة بالدموع وهي تتذكر والدتها الحنون
ماسة بصوت ضعيف وعيون ممتلئه بالدموع يا ترى عاملة ايه يا ماما !!! هتفوقي امتى
همست ياسمين فى اذنها : امسحي دموعك النهارده فرحك يا ميمي ،وان شاء الله طنط هتكون كويسة ،وبعدين غيث مش وحش اوى كده واكيد كل حاجه هتبان يا حبيتى ...
فرحى !!!؟؟انتى شايفه كده ،هو ده فرحى !!!
دلفت ماسة إلى الداخل....
رحب بها قاسم بحب ،وحنان ابوى شديد..
لترد فيفى بتكبر وتقول : اهلا يا ماسه نورتى
" شكرا يا طنط ..
هتف قاسم خد مراتك واطلع جناحك يا غيث..
"حاضر يا بابا اتفضلي إطلعى معايا..
احتضانها ياسمين ،بحب وهمست لها. ميمي يا حبيتى افرحى مش ده غيث حبيبك ،اسيبك انا علشان بكرة أروح اتطمن علي طنط ،وابقى اطمنك. سلام يا حبيتى ..
"استنى يا بنتى ،هخلى حد يوصلك.
"شكرا يا عمى ،هاخد تاكسى ،
رد فهد ببرود ،انا ماشى يا عمى وهخدها معايا في الطريق . بعد اذنكم ،اتفضلي يا أنسة ياسمين .
ملهوش لزوم ،انا هركب تاكسى
جز علي أسنانه بعنف همس لها في اذنها ،بقولك خلي ليلتك تعدى على الخير ،والحساب ،يجمع ....
في جناح غيث وماسة
كانت تبكى بشده،اتفرح لأنها تزوجت ب غيث ،او انها تزوجته بمثل هذه الطريقه ..
امسحي دموعك وبلاش دموع التماسيح دي اظن احنا نعرف بعض كويس جدا....
فبلاش دراما وتمثيل زياده عن اللزوم
ليتابع بحزم
" في شوية حاجات لازم نتفق عليهم قبل اي شئ
اولا انتي هنا مش ضيفه وأكيد مش صاحبة مكان ..انتي هنا علشان اتفاق بينا ،انا ادفع تكاليف عملية والدتك ،وانتى تبقي زوجه لفترة محدودة وده كان الاتفاق!!!!وكمان علشان خاطر والدتك ،ولم تقوم بألف سلامة ،هيحصل الطلاق !!!!
نزلت الكلمه كا السكاكين تقطع في قلبها...
عقدت ماسةحاجبيها بغضب وهي تقول باستنكار وبرود واقسمت أن تظهر براءتها له ...
"مش فاهمه ،ايه المشكله دلوقتي ،ما احنا متفقين
غيث ببرود ،انا حبيت اوضح لكى الأمور ،مش أكتر
وطبعا ،الكل لا زم يعرف أن احنا كويسين وأسعد زوجين وبالاخص والدتى ورزان ..
"رزان .. قولتلى ...
"وانا موافقه..بعد اذنك هروح اغير هدوامى في الحمام،تحب اساعدك في حاجه ....
"شكرا ،انا مش محتاج مساعدة من حد
❈-❈-❈
في غرفه أخرى ،كانت تتحدث بعصيبه ،شديد في الهاتف
"يعنى ازاى يا مدحت ماعرفتش تعمل حاجه ،ازاى الجوازة دى تتم حتى بعد ما سمع التسجيل ،انا لا يمكن اسكت فلوس غيث لازم تكون ملك ليا ،انا وانت وبس ،ازاى يفضل عليي حته البتاعه ده وقفلت السكه ...
كانت تدورفي الغرفه حول نفسها لم تصدق أن غيث يفضل عليها هى رزان هانم فهمى هذه الفتاة....
سمعت طرق علي الباب لتاذن بالدخول ...
دلفت فيفي إلى الداخل ،وعندما رأتها رزان ،جرت إليها ،وبكت وهتفت "شوفتى يا أنطى ازاى غيث يتجوز ويسيبنى انا رزان .....شوفتى شكلها ازاى ،ولا نضارتها يا أنطى اووووو دى منظر واحده يتجوزها غيث باشا ..
"عندك حقك يا حبيتى والله ،ده انا من ساعه ما شوفتها هاتجنن،بقا الشي ده مرات ابنى انا ،،ازاى هقدمها لصحباتى في النادى دى هتبقى فضحيه ،
"انا عندى الحل يا أنطى ...
"ايه هو قولى بسرعه ..
"ان احنا نطفشها ونخلى غيث يكرهها ،واهم حاجه يا أنطى أنها ما تحملش منه ابدا ....
سرحت فيفي ،وهتفت ،وانا موافقه يا حبيتى ،المهم تكونى انتى مرات ابنى ،انا عارفه انه كان غصب عنك انك تسيبه بعد الحادث ،وسافرتى يا حبيتى
"نظرت إلى فيفى بمكر : أنا لايمكن كنت اتخليت عن غيث يا أنطى بس هى كانت ظروف .....
"والقت إليها قبله في الهؤاء....
"هروح انا يا أنطى احط لها الدواء في العصير ،لا يمكن غيث يكون عنده أولاد من البنت ده ،وذهبت
فكرت فيفى أنها تفعل الصواب ل ابنها فهى تتمنى له فتاه جيده ....
❈-❈-❈
فى جناح غيث وماسه....
بعد أن دلفت إلى المرحاض واخذت شاور خرجت لتصلى فرضها ....
أما غيث كان حزين الملامح ،عقله لا يستوعب ما حصل له وأن هذة ماسه الذى احبها ،ايعقل أن تكون مخادعة تنهد وسمعها تصلى وتبكى تدعى ربها ،تذكر التسجيل الذى غير حياته...
يُتبع..
