رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الثامن والخمسون 

تم النشر الإثنين 

5/5/2025

وصلت رسالة الاستغاثة لمالك ودي رسالة متفقين عليها لما واحد منهم يقع في مشكلة ومحتاج مساعدة التاني 

مالك كان هيتجنن الرسالة جتله لكن مش كاملة مش عارف هي اتبعتت منين ولا المكان فين اتبعتت والمكان مش ثابت وبعد كدا الإشارة اختفت تماما 

مالك كان بيدور حوالين نفسه زي المجنون ..

وبعدين ايه اللي حصلك يا ادم هل هو دا الامر المهم اللي كنت عايزني فيه بس ملحقتش تقابلني!! 

فطار بسرعة بعربيته للمركز ووصل لمكتب ادم يدور على اي أدلة لكنه موصلش لحاجة فجمع كل رجالة ادم لكنهم ميعرفوش اي حاجة عنه كل اللي يعرفوه انه طلب يجمعهم كلهم ومظهرش لسه 

مالك كان هيتجنن 

طب وبعدين ادم حصله ايه ما انا لازم اوصله... اسمع انت وهو كثف جهدك في كل مكان وفضيلي كاميرات المراقبة على الطريق ادم كان في طريقه لهنا يلا بسرعة نص ساعة وتفريغ كاميرات الطريق تكون عندي 

وبعد نص ساعة فعلا جاله الظابط وقال 

مالك باشا شوف كدا 

لمح مالك عربية ادم وفيه عربيات محاوطاه وبعد كدا بدأ اطلاق النار فوقفت عربية ادم 

مالك بصدمة 

وقفت ليه يا ادم وقفت ليه.. معقول صابوه!!! 

وبعد شوية نزل ناس من عربية ادم وشالوه واخدوه لعربيتهم 

فهنا ضرب مالك بإيده على المكتب 

لا لا اخدوه الكلاب لاااا ... اسمع يابني فين بقيت تفريغ الكاميرات 

الظابط 

مفيش حاجة بعد كدا كل حاجة طبيعية في الطريق 

مالك 

ازاي يعني كل حاجة طبيعية العربية دي كملت طريقها وراحت فين واعملي زوم على ارقام العربيات دي واعرف تبع مين وشركة ايه وكل التفاصيل عنها 

الظابط

للاسف العربيات الارقام اللي عليها فيك وكلها عربيات دفع رباعي دخلت النفق لكنها مخرجتش تاني 

مالك 

ازاي يعني العربيات مخرجتش تاني اومال راحت فين لبست طاقية الاخفا ولا طارت ف السما مش فاهم 

الظابط 

دا اللي وضحته الكاميرات يا باشا حتى بص بنفسك العربيات بعد ما اخدت ادم باشا ودخلت النفق مفيش اي عربيات خرجت فضلنا نراقب اكتر من ساعة مفيش اي عربيات خرجت 

مالك 

ازاي دا غريبة اوي الموضوع دا .. فيه ممر سري تحت الارض عند النفق دا ولا ايه.. اسمع ابعت فرقة تدور هناك على اي حاجة غريبة وعرفني فاهم 

الظابط 

امرك يا باشا هبعت فرقة البحث حالا 

في الوقت دا مهند اتصل بمالك 

مالك انت فين دلوقتي.

مالك 

انا في الشغل يا بابا 

مهند 

روحت لشوق اطمنت عليها زي ما قولتلك 

مالك 

لسه نسيت واتلهيت في الشغل لما اخلص هروحلها 

مهند زعقله 

يعني ايه نسيت .. نسيت تاكل نسيت تشرب .. دي امك التانية يا متخلف ازاي تنسى تروح تطمن عليها اعمل فيك ايه انا دلوقتي... انا واخوك مسافرين لازم تروح لها حالا تطمن عليها وتسألها لو كانت محتاجة حاجة كأني موجود بالظبط انت فاهم يلا اتحرك حالا نص ساعة وارجع شغلك تاني 

مالك وعلشان هو عارف انه هينشغل بموضوع ادم قرر انه يروح لشوق ويرجع لشغله بسرعة وكمان علشان يتأكد ان وعد متعرفش حاجة لا هي ولا شوق عن سر اختفاء ادم 

فنزل وركب عربيته وراح ع بيت شوق 

شوق 

اهلا بالغالي واد الغالي 

مالك 

اهلا بيكي يا ماما شوق عاملة ايه.. ازيك يا وعد حمدا لله على السلامة 

وعد 

 الله يسلمك اخبارك ايه يا مالك 

مالك 

الحمد لله في نعمة ماما شوق بابا يا ستي باعتني اطمن عليكي مخليني اسيب شغلي مخصوص علشان احل محله وهو مش موجود واطمن عليكي وابعتله 

شوق 

ربي يخليكم ويباركلي فيكم اني كويسة الحمد لله طمن ابوك يا مالك 

مالك 

 يارب دايما يا ماما شوق 

ولما بص لوعد لقاها قلقانه فقال 

وعد انتي كويسة!! 

وعد 

الحمد لله يا مالك مفيش حاجة.. هو انت قابلت ادم او شوفته 

مالك 

فيه حاجة عايزة تقوليها يا وعد لان ادم كلمني وطلب يقابلني في المكتب 

. وعد 

اه اه روحله يا مالك متسيبوش لوحده بالله عليك 

مالك 

وعد فيه ايه !! 

وعد 

لما رجعنا من السفر لقينا الشقة كلها متكسرة ومفيش حاجة فيها سليمة 

مالك انصدم من اللي سمعه 

ايه!!! وليه ساكتة من الصبح يا وعد انا لازم امشي حالا 

لكنه وقبل ما يتحرك جاله اتصال فوقف يرد عليه 

الو مين 

المتصل 

مالك باشا مش كدا!! اظنك بتدور على صاحبك ادم باشا 

مالك 

انت تعرف مكانه انطق هو فين 

المتصل 

الا اعرف موجود عندي في الحفظ والصون 

مالك 

انت مين وعايز ايه !! 

المتصل 

طبعا هقولك انا مين وعايز ايه اومال متصل بيك العب.. اسمع يا مالك بيه ادم صاحبك عند الدهشان بيه وبيقولك مش هيرجع الا لما ترجع ولده همام راس براس 

مالك 

مين!! دهشان!!! 

وقال في نفسه 

يخربيته عرف منين دا ان ادم السبب في اختفاء همام 

المتصل 

اسمع الوقت مش في صالحك دهشان بيه بيقولك كل لما تتأخر في انك ترجع همام بيه كل لما مش هتلاقي ادم صاحبك ولا هتلحقه لانه ببساطة اتعرض لهجوم واحد من اشرس كلابنا وحبسناه جوا معاه لانه خلاص هيكون زيه كلب هاهاها 

قالها وضحك وبعدين قفل السكة 

صرخ مالك بحدة 

اددددمممم ... دهشان الكلب ورب الكعبة ما هسيبك 

هنا صرخت كل من وعد وهناء بخوف على ادم

وعد قربت من مالك 

مالك.. ادم ماله .. دهشان مين دا وعمل في ادم ايه ارجوك اتكلم متوقعش قلبي عليه بالله عليك 

ولسه مالك هيتكلم لقا هناء بتقرب منه  

دهشان عمل ايه في ادم ولدي يا مالك بالله عليك ما تخبي عليا دهشان راجل مفتري اني خايفة يأذي ولدي طول عمره كارهه ومهيحبوش 

مالك مكانش عارف يقولهم ايه 

اا بعدين بعدين هقولكم كل حاجة بس سيبوني الحقه 

لحقت بيه شوق بسرعة 

مالك اوعاك تسيبه اوعاك تسيب ادم الحق اخوك يا مالك 

مالك 

انا افديه بعمري يا ماما شوق 

قالها وبص لهناء االي واقفة وهتموت من الخوف على ابنها

ممكن تقوليلي كل حاجة عن دهشان دا 

هناء 

اني جاية معاك اني لازمن انقذ ولدي من ايدين الدهشان 

مالك 

اا لا حضرتك تتفضلي تقعدس هما معززة مكرمة وادم ان شاء الله يجيلك لحد عندك تطمني عليه ... عن اذنكم 

في الوقت دت وعد رجليها مشالتهاش من الخوف على مالك فوقعت من طولها فسندتها شوق وحاولت تهديها 

استغلت هناء انشغال شوق بوعد وانسلت بهدوء وراحت علشان تنقذ ابنها من ايدين الدهشان 

❈-❈-❈

شافته بيلبس وخارج فقالت 

انت خارج يا عساف 

عساف بلا اهتمام لانه في الفترة الاخيرة مبقاش يوليها اي اهتمام كعقاب ليها 

اه خارج.. سلام 

توبا 

عساف انت هتتجوز بجد ولا كلام تهديد ليا!! انا اسفة مش هشك فيك تاني بس متعملهاش يا عساف 

عساف 

اللي حصل حصل وانا بالفعل خطبت يا توبا ارضي بالأمر الواقع 

توبا بصتله بصدمة وقالت ببكا

لا لا استحالة تعمل فيا انا كدا يا عساف... معقولة معقولة كل دا علشان انا تخنت شوية هتسيبني وتروح لغيري انا مش قادرة اصدقك يا عساف لما انت مش حاببني تخينة كدا ليه اتجوزتني وانت عارف من الاول انه انا كدا ليه اتغيرت يا عساف راح فين حبك ليا 

عساف ببرود 

والله السؤال دا اسأليه لنفسك انا لو مكنتش حابك تخينة ليه هتجوزك من الأول وشوفي انتي كنتي ازاي اول ما اقتابلنا صحيح اه تخنتي دلوقتي تاني بس بردو مش زي زمان ... عن اذنك يا توبا ياريت تعيدي حساباتك تاني 

قالها عساف وبصلها بنظرة ذات معنى يمكن تفهم والغشاوة اللي ع عنيها تروح ... وبعدين سابها ومشي 

❈-❈-❈

فداء بصت لخالد بصدمة 

خالد.. اياد ممكن يرجع لأمه وينسانا؟؟ يعني خلاص كدا احنا خسرناه للابد!!! انا عايزة ابني يا خالد متخليهوش يمشي بالله عليك انت قولت انه عايز يشوف امه مش كدا روح معاه وخليه يرجع معاك انا مقدرش استغنى عنه 

خالد بانزعاج

يعني فكرك اني انا كمان اقدر استغنى عن ابني دا انا اللي مربيه... انا اللي شوفته بيكبر بين ايديا اول كلمة قالها كانت بابا.. انا علمته الصح من الغلط انا اللي معلمه ازاي يخطو اول خطوة ف حياته استحالة بعد كل دا يمشي ويسيني مش هسمحله 

كيان اتدخلت في الموضوع 

بابي مامي حضراتكم لازم تبصوا للموضوع من كل الزوايا اياد لسه يادوب اكتشف اننا مش اهله الحقيقين فطبعي يكون عايز يعرف مين اهله وهو ابن مين عايز يعرف اصله وفصله ميبقاش كدا مجهول الهوية ودا حقه علشان كدا اللي طلبه دا امر طبيعي جدا ومش معنى كدا انه هينسانا بالعكس هو مش هيقدر يعيش مع اهله الحقيقين لانه ببساطة عاش طول عمره معانا احنا فالبيت هنا بيته اللي بيحس فيه بالامان مهما طار وحلق لبعيد مسير الطير المهاجر يرجع لعشه 

❈-❈-❈

وصل مالك للمركز من تاني وطلب فحص كاميرات المراقبة مرة تانية ..

انا لازم اعرف العربيات دي اخدته وراحت على فين بأقصى سرعة والا أدم هيروح مننا

ولما بص للكراميرات مرة تانية ولكن بتمعن وتركيز 

اخد باله من عربيات الدفع الرباعي اللي دخلت النفق ومخرجتش لكن ظهر عربيات تانية واحدة حمرا وواحدة بيضا خرجت ومكانتش ظاهرة في الكاميرات انها دخلت النفق من اصله

فضرب بمكتبه وقال بحماس 

عرفتها عرفت الخدعة غيروا الغلاف الخارجي للعربيات دخلت على انها نوع شكل وخرجت شكل تاني كتمويه علشان يتوهونا 

وامر رجالته بسرعة بتتبع العربيات دي وخط سيرها فين 

بعد كدا وصله واحد من رجالته بيقول 

مالك بيه السيدة والدة ادم باشا رايحة على الصعيد 

مالك 

ايه ازاي دا تمشي لوحدها اكيد هتكون ف خطر.. خليك وراها وعينك عليها من بعيد لبعيد واعرف هي رايحة فين واتدخل في الوقت المناسب

الظابط 

امرك يا مالك بيه 

بعد كدا مالك طلب واحد تاني من رجالته وقال 

انا هعطيك عنوان معين تروح ليه بس خد بالك المكان هناك مفخخ خليك على حذر وهاتلي همام وتعالى وانت هناك لو معرفتش تتسلل قولهم ان ادم باشا اللي امر واعطيله الأمارة اللي قولك عليها 

الظابط 

امرك يا فندم 

فضل مالك بعدها متوتر ومش عارف يقعد ع بعضه 

هنقذك يا ادم باسرع وقت ممكن النهاردة هترجع لبيتك ومراتك انا هرجع ليه ابنه 

❈-❈-❈

بعد ساعات وصلت هناء للصعيد وخصيصا لبيت دهشان وطلبت تقابله 

قوله إن هناء مرات الجنايني عايزة تقابله في موضوع مهم 

سمعها الدهشان وقال 

عايزة ايه يا هناء جاية اهنه ليه ولا سمعتي ان ولدك في قبضة يدي 

هناء 

رجع لي ولدي الحيلة يا دهشان بيه بالله عليك 

دهشان 

لما ولدي يرجعلي بالأول راس براس رغم ان ولدك كلب ولا يسوى 

هناء 

هيرجع هيرجع اقسملك بالله ولدك هيرجع بس رجعلي ولدي واني احلفلك بالله اني هخليه يرجعه ليك 

دهشان 

اكده بسهولة اكده تؤتؤ فكرك تعديه على ابن الدهشان هيمر بالساهل لاه انسي 

هناء 

حرام عليك يا دهشان بيه طول عمرك عارف ان ولدي طيب وعلطول ماشي جنب الحيط 

دهشان 

ولدك ديه مفيش اخبث منيه فضل يقرب مني علشان يأخد اللي هو عاوزه وعامل انه تحت طوعي وواحد من رجالتي وهو خافي ابني بقاله شهور وسايبني قاعد بتحرق من نار قلقي عليه ولدك يستاهل الموت مش بس اللي اني هعمله فيه 

هناء

لاه لاه بالله عليك احبك على يدك اوعاك تأذي ولدي 

❈-❈-❈

مالك جاله واحد من رجالته وقال 

مالك بيه روحنا المكان المطلوب مفيش اي اثر فيه لأي حد 

مالك 

انت معرفتش توصل ولا ايه الظاهر انا اللي لازم اروح بنفسي 

الظابط 

ملوش لزوم يا فندم صدقني مفيش حد هناك رجالة ادم بااشا بنفسهم كانوا بيجمعوا حاجتهم علشان يمشوا وبيأكدوا ان كل اللي كان محبوس هناك خرج 

مالك كان مصدوم من المعلومات اللي بيسمعها

خرج!! خرج ازاي ومين خرجوا؟؟ طب دلوقتي انا هجيبه منين انا لازم اسلمه لابوه علشان انقذ ادم بأقل الخساير مفيش وقت لو الكلب عض ادم ومأخدش المصل المضاد في اسرع وقت هيروح مننا 

قالها واتحرك من مكانه بسرعة لخارج المركز 

❈-❈-❈

في الوقت دا ظهر واحد ضعيف وهزيل ومطاطي راسه لتحت وماشي يزحف وع وشه اثار كدمات قديمة وشعره اشعث طويل 

وبيقول 

سيبه يرجع لأمه يا بوي 

اتصدم دهشان اول ما شاف ابنه بالمنظر دا فقال 

ولدي!! همام !!! مين اللي عمل فيك أكده... الكلب ابن الجنايني!!! قسما بالله لأولع فيه حي 

هنا صرخت هناء 

لاه لاه ولدي لااااه 

همام 

ابوي سيبه يرجع يا بوي 

دهشان قرب من ابنه وهزه 

هو عمل فيك ايه.. انت ليه بقيت ضعيف وجبان اكده انت مكنتش اكده عمل فيك ايه ابن السو ديه فين ولدي همام ابو قلب ميت اللي اني مربيه راح فين راح فين يا ادم الكلب... مش خسارة فيك غضة الكلب اللي اتعضتها وقسما بالله ليفضل أكده لحد ما يجيله سعار بحق وحقيقي وينبح زي الكلاب لحد ما يموت... ولدي همام راح فين .. همااام انت بقيت اكده كيف 

هنا هناء كانت هتصاب بحالة من الجنون 

عتقول ايه ولدي ادم كلب من كلابك المتوحشة عضه!! لا ولدي اددم 

الدهشان بجنون هو كمان بس هيتجنن على ضياع ابنه همام منه

هيهيه ايون اشرس كلابي واضخمهم عضه من كم ساعة ورميته معاه يكمل عليه ان كان لسه ولدك عايش والكلب معملش فيه حاجة هيموت بسبب السعار اللي هجيله لانه طبعا محدش هيلحقه ولا هسمحله يخرج لازمن يقضي نفس المدة اللي حبس فيها ولدي ديه ان قدر يكملهم من اساسه ومماتش قبل سابق

هنا مكانش في ايد هناء حل غير انها تكشف الحقيقة اللي كانت مخبياها عن الكل وهي ادم ادم ااااااا... 

يتبع