رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الستون

تم النشر الأحد 

18/5/2025

كانوا قاعدين سوا قدام البحر فقالت 

ايه يا مهند انت مش ناوي ننزل بقا 

مهند ادعى البلاهة

 ننزل فين!!

ميار 

مهند!! .. ننزل شغلك يا مهند مش معقول تفضل سايبه كدا ومعتمد على اخواتك اكيد كل واحد عنده مسؤلياته واشغاله الخاصة مش عايزاك تتقل على حد حتى لو كان اخواتك 

مهند 

لالا كبري دماغك اخواتي وانا عارف انهم هيغطوا مكاني ومش هيتضايقوا ثم اني بتابع الشغل من مكاني هنا متقلقيش 

ميار 

ايوا يا مهند بس احنا بقالنا كتير هنا ليه هنطول اكتر 

مهند 

ايه يا روحي انتي زهقتي مني ولا ايه 

ميار 

مش قصدي يا مهند بس ااا 

قاطعها مهند وهو بيقول وهو بيحط ايده ع بوءها 

مفيش بس انسي اي حاجة حواليكي وانتي معايا 

لكن فجأة اتحولت عيون ميار للزعر وبرقت بخوف 

لااااااا 

مهند استغرب اللي حصلها فقالت

في ايه يا روحي مالك خفتي ليه شوفتي صرصار!!! 

ميار هزت راسها وقامت بسرعة من مكانها ووقفت قدام مهند ومدت دراعاتها وقالت ولاول مرة في حياتها بشجاعة منقطعة النظير 

لأ مش هسمحلك تأذي حبيبي مش هسمحلك ابدا 

مهند مكانش فاهم حاجة فقال وقف ولف وشه فاتصدم باللي شافه 

قسمت واقفة وماسكة سكينة وفي عيونها الشر وميار بتحاول تدافع عن مهند ومش خايفة من السكينة ابدا 

انصدق مهند وصرخ باسم ميار 

مياااار 

المهشد لفت انتباه الكل فبدؤا يصرخوا بخوف 

 في الوقت دا يزن كان بيتمشى مع لوجي

يزن 

انا حقيقي حاسس اني في حلم جميل مش عايز افوق منه لوجي انتي نعمة هفضل اشكر ربنا عليها طول عمري بحمد ربنا انه خلاكي من نصيبي 

وش لوجي بقا زي الطماطماية ونزلت وشها بحرج كانت مبسوطة من كلام يزن اللي علطول مزين مسامعها بيه ليل ونهار 

بصلها وشاف ابتسامة الرضا على وشها رغم انها كانت حاطة وشها في الارض 

فمد ايده ومسك ايديها وفضلوا ماشيين لحد ما سمعوا صوت صرخات جاية من الناحية اللي قاعد عندها والده ووالدته 

فانتبوا الاتنين وبصوا على هناك 

لوجي 

يزن فيه ايه الصرخات جاية من المكان اللي فيه عمو مهند وطنط فداء 

يزن شدد من قبضته على ايد لوجي يطمنها وقالي 

تعالي نشوف فيه ايه

❈-❈-❈

خبر اختفاء ادم انطلق بين الكل زي النار في الهشيم والكل بقا يدور عليه في كل مكان 

اما شوق فأول ما عرفت غمضت عنيها بحزن وقالت 

لا حول ولا قوة إلا بالله العلي العظيم قادر انك تغير الأحوال لأحسنها يارب وتردلنا حبيبنا الغايب وتطمنا عليه 

هناء كانت منهارة علشان ابنها 

الوقت مش ف صالحه يا ابلة شوق لازمن نلاقيه علشان يتعالج لازمن ياخد المصل 

شوق 

ربنا كبير ربنا كبير وارحم عليه من الكل قادر يوقفله اولاد الحلال اللي يعالجوه ان شاء الله خير قولي يارب 

مالك بعد ما وصل هناء بيت شوق وجه يمشي 

شاف مادونا داخلة فتجاهلها وكمل في طريقه 

فوقفته وهي بتقول 

مالك اا قصدي حضرة الرائد مالك انا بعت دورية كاملة تدور على الرائد ادم متقلقش ان شاء الله هنلاقيه 

بصلها مالك شوية بنظرات باهتة مفيهاش حياة وبعد كدا مشي وسابها 

لكنه قبل ما يخرج من البوابة شاف دنيا جاية تجري وهي بتصرخ 

ابلة شوق ابلة شوق الحقيني .. قصدي الحقي مهند اخوكي يا أبلة شوق 

مالك وقف مكانه فهي بتتكلم عن ابوه وبصلها باهتمام علشان يعرف فيه ايه 

جت شوق وهناء على اثر صوت دنيا 

قربت مادونا من اختها وقالت 

دنيا فيه ايه وماله انكل مهند اتكلمي 

بصت دنيا لشوق وقالت 

ابلة شوق ...ماما اول ما عرفت الحقيقة اللي حكيتها لحضرتك وعرفت ان جوازي من يزن مزيف ومش حقيقي وانه اتجوزني بس بطلب منك وبشكل مؤقت حلفت انها تنتقم من انكل مهند مدعية انه هو اللي بوظ حياتها شوفتها شوفتها اخدت سكينة من المطبخ وطلعت ع برا ولما منعتها زقتني فدماغي اتخبطت ف الحيطة واغمى عليا 

ولما فوقت وأدركت انا فين وايقنت ان ماما مش قدامي جيت ع هنا جري علشان احذركم علشان اخلي انكل مهند ياخد باله ماما مش ناوية ع خير 

شوق بصدمة 

يا خبر الكلام اللي عتقوليه ديه من امتا !! 

دنيا 

مش عارفة انا معرفش اغمى عليا قد ايه بس اول ما فوقت جيت على هنا علطول 

مالك 

بابا في خطر لازم ننبه حالا 

شوق 

جيب العواقب سليمة يارب كلم ابوك بسرعا يا مالك واطمن عليه ربنا يسترها يارب 

هناء 

لا حول ولا قوة إلا بالله هو احنا ناقصين بلاوي ربنا يسترها على الحبايب يارب 

❈-❈-❈

الدهشان كان زي المجنون عمال يلف في كل مكان علشان يلاقي ابنه لكنه مش لاقيه 

 فينك يا ولدي يعني يوم ما الاقيك افقدك اعمل ايه بس ياربي ولدي هيروح مني واني لساتي مفرحتش بيه 

ونادى ع الدكتور وقال بتوتر 

قولي يا دكتور هو اللي عضه كلب وخاصة من النوع الكلاب الواعرة زي بتوعي يجراله ايه بالظبط وخاصة انه مأخدش المصل لسه 

الدكتور 

لو عدى عليه ساعات معينة مرض السعار هيتمكن منه وهيدخل ف حالة متأخرة مينفعش علاجه لدرجة انه هيفضل يرفض الماية ويرجعها ويقرف منها لحد ما يموت 

بهتت ملامح الدهشان 

يموت!!! لاه ولدي مهيموتش اني ما صدقت اني اعرف انه ولدي مش معقول يموت اكده ف لحظة وبيدي اني اللي رميته مع الكلب واني اللي فرحت لما الكلب عضه يا غلبك يا دهشان قتلت ولدك بيدك 

جاله همام وقال 

مصيرك في يوم من الايام كنت عتشرب من نفس الكاس الي عتسقيه للناس واديك دلوك عتشربه مر علقم ماهو من اعمالكم سلط عليكم يا بوي 

ضربه دهشان على وشه بالقلم 

اخرس قبر يلمك غور من وشي اني معايزشي اشوفك اني عايز ولدي ادم اوبس

همام 

دلوك همام مبقاش لازمك ولا نافعك لما بقا ضعيف !! ولا عشان لقيت البديل ليه ولد قوى كيف ادم اكيف لازمن يزغلل عينك مش أكده بس اديك اهو مهتلحقش تفرح بيه اصلك ياما جيت عليه والمرة دي انت قتلته بيدك ومحدش غيرك عملها 

قرب منه الدهشان وفي عز غضبه ومش حاسس بنفسه حاوط بإيده رقبة همام 

هتقول ايه يا واد يا اطران انت ولدي ادم مهيموتش مهيموتش ابدا انت فاهم 

مرات الدهشان اول ما شافته بيخنق ابنه فضلت تصرخ 

علشان تخلص ابنها من بين ايدين ابوه المغيب تماما عن الواقع 

لحد ما قدرت على دا واخدت ابنها بين ايديها واختفت من قدام الدهشان 

❈-❈-❈

توبا انصدمت من اللي عملته امها وقفلها للباب في وشها فلفت وشها علشان تمشي وهي حاسة باانكسار والألم ومش عارفة تروح فين لكنها 

انصدمت لما لقته في وشها لقت حبيبها قدامها في اكتر لحظة هي محتاجاه فيها 

اول ما شافته صرخت باسمه عساف!!! 

فتح هو دراعاته بسرعة بيأذن لها انها تستخبى وتحتمي في حضنه 

مكدبتش خبر وجريت عليه ورمت نفسها في حضنه وفضلت تعيط 

فملس عساف على راسها بحنان 

متزعليش يا قلب عساف حقك عليا انا 

قالت من بين شهقاتها 

انت لسه بتحبني!! 

عساف 

حبي ليكي بيزيد يوم بعد يوم مش بيخلص ابدا 

توبا 

ايوا بس انا مش هقدر اتحمل تكون لحد غيري يا عساف اا انا اسفة اوعدك اني هتعالج وهرجع زي الاول رفيعة من تاني والله اوعدك 

عساف 

بحبك في كل حالاتك يا توبا 

توبا 

ها طب ليه اتجوزت عليا 

عساف 

متجوزتش ولا عمري هفكر فيها انتي اللي اوهمتي نفسك بدا ازاي بس اتجوز واسيب حبيبتي واللي اختارها قلبي علشان تسكن جواه 

توبا عيطت بدموع الفرحة 

بس انت ااا انت قولتلي ااا 

عساف 

دا كان درس ليكي علشان متشكيش فيا تاني وتثقي في نفسك اكتر 

هزت راسها وقالت 

توبا توبا ان كنت اشك فيك تاني توبا والله العظيم 

ضحك وقال 

احلى توبا في الدنيا دي يلا نرجع نكمل كلامنا في بيتنا 

اما ام توبا كانت بتبص من العين السحرية للباب واول نا شافتهم مشيوا مع بعض اتنهدت براحة 

الحمد لله ربنا يهدي سركم قال تسيب بيت جوزها قال 

❈-❈-❈

مهند اول ما شاف قسمت ماسكة السكينة وخلاص هتطول ميار 

مد ايده بسرعة ومسك ايد قسمت جامد وفضل يضغط عليها علشان يوقع منها السكينة ومتصيبش ميار

والحضور كلهم بدوا يصرخوا بهلع

مهند 

مش هسيبك تأذي حبيبتي يا قسمت حكمتي على نفسك بالموت المرة دي... المرة دي انتي تعديتي كل حدودك ومفيش مجال للغفران خلاص 

في الوقت دا وصل يزن ولوجي واول ما شاف اللي بيحصل اتصدم مكانه 

بابا!!!! ماما انتوا كويسين!!

مهند اول ما شاف يزن قال 

يزن اتصل بالبوليس حالا يا يزن ييجي يلم الأشكال الزبالة دي 

وما هي الا ثواني والشرطة كانت موجودة ومحاصرة المكان وبتلقي القبض على قسمت 

وبيقولوا لمهند 

محتاجين حضرتك انت كمان والمدام معانا علشان ناخد اقوالكم

مهند جاله اتصال من مالك ابنه فرد 

ايوا يا مالك 

مالك 

بابا حضرتك كويس ماما كويسة!!! قسمت في طريقها ليكم ومش ناوية ع خير خد بالك من نفسك 

مهند 

ايوا عرفت وكانت هنا فعلا بس انت عرفت ازاي

مالك 

ايه!!! بابا ماما كويسة طمني انتوا كويسين يزن ولوجي تمام!! 

مهند 

اطمن يا مالك قدرنا نسيطر ع الموقف والبوليس جه اخدها وهنروح معاه علشان نفتح محضر متقلقش هنرجع علطول 

مالك 

يعني فعلا كانت بتحاول تقتلكم منها لله انا هعرف ازاي اتعامل مع الاشكال دي 

مهند 

مالك شوق تعرف باللي حصل ولا لا

مالك 

ايوا تعرف وانا واقف معاها اهو 

مهند 

طمنها علينا زمانها قلقانة احنا كويسين وراجعين كلنا خلاص منها لله قسمت عكرت الجو وبوظت الاجازة 

مالك 

حاضر هطمنها ترجعوا بالسلامة اعذرني هقفل لان ورايا شغل 

مهند 

ربنا معاك 

❈-❈-❈

اياد نزل من اوضته لما استعاد نفسه من تاني وقال بهدوء ظاهري بعكس اللي جواه من لخبطة ملهاش اول ما اخر 

ها يا بابا عملت ايه رتبت معاها معاد 

خالد بصله لقا في عيونه التصميم ع انه يشوفها 

كلمتها بس هي مسافرة دلوقتي يا اياد او بمعنى اصح مش فاضية في الوقت الحالي لما تكلمني وتقولي انها تقدر تقابلك هبلغك 

اياد 

بابا قولي انك رفضت تقابلني مش كدا 

خالد 

مش بالمعنى دا حقيقي هي تتمنى تقابلك بس الظروف اقوى منها 

اياد 

قصدك الخجل من نفسها؟؟ مش عارفة بأي عين توريني نفسها

خالد

 سميها زي ما تسميها المهم انها مش جاهزة في الوقت الحالي 

اتنهد اياد بضيق وسكت شوية وبعدين قال 

طيب استأذنك انا دلوقتي 

خالد

 رايح فين

اياد 

راجع الشقة اللي كنت قاعد فيها 

بصله خالد شوية وجه يتكلم لكنه سكت 

وهزله دماغه لأنه موافق انه يمشي 

فاتحرك اياد من مكانه ولما جه يخرج قال خالد 

الشركة مفتوحة ليك ف اي وقت منتظرة المدير بتاعها يشرفها حقيقي ملهاش معنى من غيرك 

اتنهد اياد بقلة حيلة ومشي 

خرج سلم ع امه وعلى كيان 

فاستسلمت فداء للأمر الواقع وسابته يمشي ويعمل اللي هو عايزة 

كيان كانت رايحة الجامعة فقال اياد 

تعالي اوصلك ف طريقي وانتي راجعة ابقي كلمي السواق يجيلك 

كيان 

اوك يلا بينا 

ولما وصلت كيان الجامعة سلمت على اخوها 

متحرمش منك يا ايدو

اياد 

خدي بالك من نفسك 

كيان 

وانت كمان مع السلامة هبقى اكلمك في الفون ماشي 

اياد تمام 

واول ما اتحركت كم خطوة شافت احمد وايده مربوطة كأنه مكسور 

لكنها اتجاهلته 

احمد نادى عليها 

ااا انسة كيان 

كيان وقفت مكانها من غير ما تبص عليه لثواني وبعد كدا كملت في طريقها متجاهلاه تماما 

فزفر احمد بضيق وتابع ف طريقه هو كمان 

وبعد المحاضرة ما خلصت والدكتور مشي اتفاجئت كيان باللي بيقعد ف البينش اللي قدامها وبيلف ليها وشه وبيقول 

انسة كيان ممكن اتكلم معاكي من فضلك 

كيان بانزعاج 

اسفة انا مش بكلم شباب لو محتاجة حاجة تقدر تسأل حد تاني غيري عن اذنك 

احمد 

انسة كيان والله مش هاخد من وقتك كتير انا بس كنت حابب اقولك اني اسف اني موفتش بوعدي أنا اصلي كنت عملت حادثة بيسطة كدا ودا اللي منعني اني اكلمك والدك لكني هكلمه ان شاء الله خلال اليومين الجايين دول 

كيان بصتله بغضب 

لا متتعبش نفسك انا هقولك رأيي بمنتهى الصراحة انا مش موافقة عن اذنك 

قالتها واتحركت من مكانها وسابته قاعد وسط دهشته وصدمته وحزنه 

ايه مش موافقة !! ليه يا كيان مش موافقة هل فيه في قلبك حد غيري !! يا خسارة يا كيان انا كنت بتمناكي زوجة ليا