رواية جديدة رواية تائهة في قلب أعمى لزينب سعيد القاضي - الفصل الأخير - الأحد 4/5/2025
قراءة رواية تائهة في قلب أعمى كاملة
تنشر حصريًا على مدونة رواية وحكاية قبل أي منصة أخر
رواية تائهة في قلب أعمى
رواية جديدة قيد النشر
من قصص و روايات
الكاتبة زينب سعيد القاضي
الفصل الأخير
تم النشر الأحد
4/5/2025
"لا يوجد شئ ثابت كل شئ يتغير بين لحظة وآخرة، سبحان من بيده تغير الحال من المحال، فلا تبتئس بوضعك مهما كان، فى غمضة عين قد يتغير لأحسن دون أى فعل منك، فقط أتركها على الله"
"غدر زوجة ماكرة طامعة، يليه حب من النظرة الآولى تصحبه ملاك آخذت بيديه إلي أعالى السماء، وفجاءة غدر وعداء شتت الحبيبين وجعل كل منهما فى الإتجاه، ولكن لم يضمحل الحب فى قلبهما، بل يزداد فى كل يوم، صاحبه دمار نفسى وسراع بالقلب، حتى رفعت الغشاية عن القلب مرة آخرى، واجتمع الحبيبين، مروا بعراكيل كثيرة وعواقب لا تحصى، وفى كل مرة يخطوها سويًا، ويعودوا أقوى عن زي قبل، عزيزى ليس كل زوجة تصلح أن تكون زوجة فقد تأخذهم إحداهم إلى جحيم الدنيا، والآخرى قد تأخذك إلى جنتك على الأرض، وكذلك ليس كل زوج يصلح أم يكون زوجًا فأحدهم قد يطفى شمعتك، وأحدهم قد يشعلك ويجعلكِ كالزهرة المتفتحة الأمر كل متعلق بشئ واحد هو الإختيار الصحيح، فإذا أحسنت الإختيار فقد ربحت فى معركة الدنيا، وها قد استطاع ياسين أن يحسن اختياره فى المرة الثانية، فأهبه الله بصفا وكانت صفا لروحه وحياته، آخرجته من ظلمات قلبه بعد أن كانت تائهة فى قلب أعمى"
في مساء اليوم التالي غادر الجميع المشفى متجهين إلي فيلا ياسين…
في غرفة ياسين وصفا.
استلقت صفا في فراشها ووضع كل طفل في مهده، جلس ياسين جوارها متنهدًا براحة:
-وأخيرًا رجعنا البيت من تاني وبعد ما كنا تلاتة بقينا خمسة.
تبسمت بضعف وقالت:
-الحمد لله يا حبيبي ربنا يجعلنا في زيادة دائمًا تعرف إني فرحانة أوي إن نور هتفضل معانا أتمني بقي إن العلاقة بينكم تتحسن شوية.
رد بهدوء:
-ياريت الصراحة لأن إن اصطبح وأتمسي كل يوم بخناقة معاها.
انفجرت ضاحكة:
-هههههههههههه بس هتعملوا أحلي جو وإنتوا كل شوية ماسكين فى خناق بعض زي القط والفار.
حرك رأسه بيأس وتحدث بنبرة حادة:
-بتضحكِ معرفش ليه بحس انكم تتفرجوا علي فيلم كوميدي الصراحة ده بيبقى هاين عليا أديها بوكس في في بوقها أوقع لها صف أسنانها التحتاني.
تبسمت بضعف وقالت:
-معلش يا حبيبي استحمل المرة دي الوضع غير هما هنا في بيتنا يعني أي رد فعل منك حتى لو نور الي غلطانة مش هيبقى لطيف وكمان هيزعل أمير منك وكمان أهلها فحاول تسيطر على أعصابك قدر الإمكان.
تنهد بضيق وقال:
-كلامك صح فعلاً ربنا يستر ويقدرني بجد أمسك أعصابي معاها.
….
في غرفة أمير ونور بفيلا ياسين.
يجلس جوار زوجته يتأمل طفليه الغافيين بحنان:
-صغنين أوي أنا قولت بعد الاكل إلي كنتِ بتأكليه ده هتجيبي ليا أطفال تدخل على المدرسة علي طول.
رمقته بغيظ وأردفت بوهن:
-لا والله بتتريق حضرتك؟!
رد مبتسمًا:
-ههههههه مش قصدي كبار للدرجة دي بس علي الأقل يكون حجمهم كبير شوية دول صغيرين أوي.
تبسمت بضعف وقالت:
-بكره يكبروا بإذن الله.
تحدث أمير بحذر:
-كنت حابب أشكرك إنك وافقتي خالتوا إننا نفضل معاها بس عشان خاطري يا حبيبتي تهدي كده وتبقي عاقلة وراسية في تعاملك مع ياسين ممكن الوضع الوقتي غير إحنا هنا في بيته يا حبيبتي يعني أي خلاف هيسبب مشاكل والوضع مش هيبقي احسن حاجة فهماني ؟
زفرت بضيق وقالت:
-فاهمك يا حبيبي ربنا يستر.
❈-❈-❈
أسبوعًا كاملاً مر تحسنت فيه حالة صفا وحالة نور، وأصر كل من ياسين وأمير عمل حفل كبير للعقيقة والسبوع الخاص بالأطفال.
في غرفة ياسين وصفا..
تألقت صفا بعباءة إستقبال من اللون الذهبي وحجاب من اللون الذهبي، بينما إرتدي ياسين حله من اللون الأسود وقميص من اللون الأبيض أما الكرافت كانت باللون الذهبي لون عباءة صفا، حمل كل منهم طفل وهبطوا سوياً إلى المدعوين.
في غرفة أمير ونور.
إرتدت نور عباية استقبال من اللون الأبيض، وارتدي أمير حلو سوداء وقميص أبيض ولم يضع رابطة عنق، وحمل كل منهم مولود وهبطوا سويًا.
ما أن هبط كل من صفا وياسين ونور وأمير حتى تعالت أصوات التصقيف، وبدأت أول فقرة في السبوع وتم وضع كل طفل بمنخل مزين وجلست سلوي أرضًا تتوسط الأربعة أطفال وهي تدق الهون:
-أسمعوا كلام أمهاتكم أسمعوا كلام أبهاتكم أسمعوا كلام تيتة سلوي أسمعوا كلام تيتة هناء وتيتة عايدة وجدكم عزمي .
ظل يضحك الجميع وبعدها حملوا الأطفال مرة أخري وظلوا يسيروا بيهم وهم يغنوا لهم
حلقاتك برجالاتك
يارب ياربنا
تكبر وتبقى قدنا
حلقاتك برجالاتك
يوم ورا يوم تكبر شنباتك
تتجوز على قد حالاتك
حلقاتك برجالاتك…
مر اليوم بسعادة وراحة علي الجميع وها قد مر شهر ونصف تحسنت في حالة صفا ونور وهم في كنف والدتهما وسلوي التي كانت بمثابة ام ثالثة لهم…
…..
في مساء أحد الأيام يجلس الجميع أمام التلفاز يشاهدون استطلاع هلال شهر رمضان المبارك…
تململت نور في جلستها بضيق:
-هو هيفضل كل شوية يعرف الناس إلي موجودين كده ما يقول بقي عشان لو بكره صيام الحق اجهز نفسي واتسحر كويس عشان مجوعش.
كبت الجميع ضحكاتهم عليها وهتفت سلوى بتبرير:
-جايز لسه يا بنتي بيستطلعوا الهلال هيقولوا الوقتي أكيد.
تساءلت نور بفضول:
-هو لو بكره اول يوم رمضان هنتسحر ايه؟!
أجابت سلوى ببساطة:
-هنتحسر سحور عادي فول وبيض وبطاطس وجبن.
شهقت نور بصدمة:
-نعم هنتسحر ده بس؟! هنصوم إزاي بالبيض والجبن ؟!
تحدث أمير بهدوء:
-ما هو ده سحور الناس العادية يا حبيبتي إنتِ عايزة تتسحري إيه؟
هتفت بحماس:
-مكرونة بشاميل مثلاً أو حلة محشي كده يعني.
هتفت هناء بضحك:
-لأ ده هيبقي الفطار آول يوم رمضان يا حبيبتي بط ومحاشي ومكرونة بشاميل وجلاش باللحمة كمان غير الحلويات بقي كنافة وبسبوسة وعصائر يا حبيبتي لكن السحور لازم يبقي خفيف علي المعدة يا بنتي.
تنهدت نور بقلة حيلة وقالت:
-ماشي بيض وجبنة.
تبسمت صفا بخفة وقالت:
-خلاص بقي أسكتوا هيقولوا أهو على التلفزيون يا ياسين.
أومأ بإيجاب:
-حاضر.
❈-❈-❈
قام ياسين برفع الصوت وصمت الجميع يستمع إلي الرؤية.
أعلنت دار الإفتاء المصرية ثبوت رؤية هلال شهر رمضان أن اليوم المتمم لشهر شعبان وغدًا غرة شهر رمضان المبارك أعاده الله علينا وعليكم بالخير واليمن والبركات.
ابتسمت سلوى وقالت:
-الحمد لله رمضان بكره يا ولاد كل سنة وإنتوا طيبين.
رد الجميع:
-وإنتِ طيبة وبخير يارب العالمين.
نهضت صفا بحماس وقالت:
-يلا بقي عشان نعلق الزينة في الفيلا والجنينة.
نهض الشباب ونهضت هناء وقالت:
-أنا هقوم بقي أبل الفول عشان السحور.
نهضت سلوي هي الأخرى وهتفت بحنان:
-وأنا بقي هطلع أشوف الأولاد عاملين إيه.
بدأ ياسين وأمير بتعليق فروع الزينة بالحديقة، بينما في الداخل نور وصفا تولوا وضع أفرع الزينة وبعض الديكورات الرمضانية..
بعد أن انتهت نور وصفا، هتفت نور بحماس:
-بقولك إيه بما إننا خلصنا تعالي نطلع الجنينة نولع صواريخ.
تساءلت صفا بحيرة:
-إنتِ معاكِ جبتيها منين؟
هتفت بخبث:
-جبتها و احنا بنجيب الزينة تعالي معايا يلا.
خرجوا سويًا وأخذت كل منهم صاروخ وولاعة ووقفت بالقرب من أزواجهم دون لفت الإنتباه وقاموا بإشعالها لتصدر أصوات عالية فزع علي آثرها كل من ياسين وأمير في أماكنهم بفزع، بينما سقطت نور وصفا أرضًا من كثرة الضحك.
نظر الرجلين إلى بعضهما وتحركا تجاههم بتوعد وحمل كل منهم وزوجته وسط صرخاتهم وقاموا بإلقائهم في حمام السباحة.
صاحت نور بفزع:
-عاااااااا مش بعرف أعوم طلعوني.
❈-❈-❈
اقتربت صفا منها لمساعدتها وهي تتمتم بعتاب:
-عجبك كده يا بوز الإخص شوفتي أفكارك المهببة وصلتينا لأيه؟
هتفت بدفاع:
-وأنا كنت أعرف منين بس رد فعلهم ده.
عند ياسين وأمير يقفوا يشاهدوهم بتسلية .
تحدث ياسين بثقة:
-كنت واثق إن دي مش دماغ صفا.
تهكم أمير بسخرية:
-أكيد طبعًا الحركات القرعة دي متطلعش غير من نور حياتي وسع وسع اساعدها بدل ما تفتص.
اقترب من حافة البسين ومد يده إليها:
-هاتي إيدك يا آخرة صبري.
رمقته بغيظ وقالت:
-بقي تعمل فيا كده يا أمير؟! ده أنا مراتك أم العيال مكنش العشم .
تهكم قائلاً:
-مكنش العشم إلي عملته وبالنسبة للي حضرتك عملتيه اطلعي اطلعي يا آخرة صبري.
صعدت صفا من حمام السباحة واقتربت من زوجها وهتفت معاتبة:
-بقي تعمل فيا كده ؟ هونت عليك يا حبيبي؟
هتف بعتاب مماثل:
-زي ما هونت عليكِ وسمعتَ كلام ست ضلمة.
تبسمت علي سخريته وهتفت مصححة:
-وطي صوتك يا حبيبي بدل ما تسمعك وتمسكوا في خناق بعض.
حرك رأسه نافيًا وقال:
-هي ماسكة حاليًا في خناق أمير مش فاضية ليا المهم إيه رأيك فى الجنينة؟
أشادت بفخر:
-بجد تحفة يا حبيبي تسلم إيدك تعرف إني مستغربة إنك علقت الزينة بنفسك قولت هتتحرج قدام رجالتك.
رد بهدوء:
-وأتكسف ليه؟ ولا عملت حاجة غلط ولا حرام يا قلبي بزين بيتي المهم سيبك إنتِ يلا ندخل عشان تغيري هدومك بدل ما تبردي.
حركت رأسها بإيجاب:
-ماشي يا حبيبي حاضر..
وكذلك دلف نور وأمير إلي الداخل كي تغير ملابسها هي الأخرى وبعدها جلس الجميع في جلسة أسرية حتى حان وقت السحور لآول يوم بشهر رمضان المبارك تسحروا سويًا وبعدها نهضوا لصلاة الفجر جماعة وفور انتهائهم جلس الجميع وكل منهم بيده المصحف الخاص به يتلوا ورده اليومي حتى حان وقت النوم.
❈-❈-❈
في تمام الثانية ظهرًا كان الجميع يعمل على قدم وساق صفا ونور وسلوي وهناء وبرفقتهم عايدة في المطبخ يقومون بتحضير الإفطار، بينما في الخارج يجلس الرجال ياسين يحمل طفليه أمير وأحمد ومحمد الصغير يجلس أرضًا وسط ألعابه وأمير يحمل طفله وعزمي يحمل حفيدته…
في المطبخ…
سلوى وهناء وعايدة يقوموا بلف المحاشي وصفا تجهز المكرونة البشاميل بينما نور تقوم بعمل العصائر..
هتفت سلوي براحة:
-خلاص خلصنا المحاشي عايزين نخلص تسوية الأكل قبل المغرب بنص ساعة عشان الاكل إلي هيتوزع.
أومأت هناء بتأكيد:
-بإذن الله نخلص ونجهز بس من خليها بدري عن كده بحيث ياسين وأمير يرجعوا بدري شوية.
أومأت بإيجاب:
-عندك حق خليها قبلها بساعة عشان يرجعوا بدري.
تبسمت عايدة وقالت:
-فكرة حلوة أوي إنكم تخرجوا وجبات من نفس الأكل إلي هتاكلوه.
أشارت سلوى إلي صفا بحنان وقالت:
-كانت فكرة صفا حبيبة قلبي وياسين كمان اتحمس ليها وأهو زي ما بنعمل نفسنا نأكل المحتاج منها وهو هو نفس التعب.
تبسمت صفا وقالت:
-ربنا يقوينا علي فعل الخير يا رب العالمين.
مر الوقت سريعًا واقترب موعد آذان المغرب خرج ياسين وأمير وقاموا بتوزيع الوجبات وبعدها عادوا قبل آذان المغرب بدقائق واتجهوا إليهم وهم يحملون العديد من الحقائب كان الجميع يجلس حول السفرة الموجودة بالحديقة في انتظارهم.
تساءلت نور باهتمام:
-إيه الشنط الي معاكم دي؟
أجاب أمير بحماس:
-فوانيس رمضان كل سنة وإنتوا طيبين.
تحرك ياسين تجاه والدته أولاً مقبلاً جبهتها ومد يده وأخرج فانوس كبير عليه صورتها:
-أتفضلي يا ست الكل كل سنة وإنتِ طيبة وبخير يارب العالمين.
تبسمت سلوي بحنان وقالت:
-وإنتَ بخير يا حبيبي تسلم ايدك يا حبيبي.
اتجه إلي هناء مقبلاً جبهتها بحب وقدم لها الفانوس الخاص بها:
-كل سنة وإنتِ طيبة يا ست الكل.
ردت ممتنة:
-وإنتَ طيب وبخير يارب العالمين.
تحرك تجاه زوجته ومد يده بالفانوس الخاص بها عليه صورتهم سويًا:
-كل سنة وإنتِ طيبة وبخير يارب العالمين.
هتفت بحب:
-وإنتَ طيب وبخير يا حبيبي ربنا يخليك ليا يا حبيبي.
أخرج ثلاثة فوانيس على كل منها صورة لأحد أطفال:
-دول بقي بتوع حبايب بابا وماما صفا إلى تستلهم مني..
فعل أمير المثل مع زوجته ووالدي زوجته وبعدها جلسوا جميعًا في إنتظار آذان المغرب، وما أن رفع صوت المدفع نهضت نور سريعًا وقامت بإشعال الصواريخ وسط ضحكاتهم عليها….
مرت الأيام سريعًا بفرحة وبهجة علي الجميع وها قد أوشك شهر رمضان علي الوداع وها قد جاء يوم الوقفة كان الجميع مجتمع في فيلا المحمدي بما فيهم عزمي وعايدة.
في المطبخ يجتمع الإناث سلوى وهناء وعايدة ونور وصفا كل منهما منهمك في تحضير شئ.
هناء وصفا يقومون بعمل البسكويت، بينما سلوي ونور يقوموا بعمل الكحك أما عايدة تجلس أمام الفرن الكهربائي.
هتفت نور بتذمر:
-إيه يا جدعان الصمت كده مش نافع كده غلط.
تساءلت سلوى باهتمام:
-أمال المفروض إيه الصح؟ وبعدين انقشي الكحك حلو يا بت إنتَ.
انهضت بحماس وقالت:
-أنا هقوم أشغل أغنية يا ليلة العيد ويا كحك العيد خلونا نفرفش كده والقاعدة تحلي.
تحركت سريعًا وقامت بتشغيل الأغنية وعادت مرة آخري وجلس تساعدهم على أصوات الأغنية المبهجة…
يا ليلة العيد آنستينا وجددتي الأمل فينا يا ليلة العيد
يا ليلة العيد آنستينا وجددتي الأمل فينا يا ليلة العيد
هلالك هل لعينينا فرحنا له وغنينا
هلالك هل لعينينا فرحنا له وغنينا
وقلنا السعد حيجينا على قدومك يا ليلة العيد
يا ليلة العيد آنستينا وجددتي الأمل فينا يا ليلة العيد
انتهوا من تسوية الكحك والبسكويت وجلس الجميع في سهرة أسرية حتى حان موعد صلاة العيد نهض الجميع كي يستعدوا من أجل صلاة العيد.
إرتدت صفا عباءة خليجي من اللون الأسود وحملت طفلها أمير، وارتدي ياسين جلباب أبيض وحمل طفله أحمد بينما محمد كان برفقة جدته سلوي….
وكان الوضع مماثل عند نور فقد إرتدت عباءة مثل صفا وأمير ارتدي جلباب أبيض وحمل كل منهم طفل.
تحرك الجميع ياسين وصفا، أمير ونور، عايدة وعزمي، سلوى وهناء، متوجهين إلي المسجد القريب من الفيلا، وأصوات تكبيرات العيد تملئ المكان والأطفال تلهو في كل مكان والبلاتين تتطاير حولهم…
الله أكبر، الله أكبر، الله أكبر، لا إله إلا الله.
الله أكبر، الله أكبر، ولله الحمد الله أكبر كبيرًا، والحمد لله كثيرًا، وسبحان الله بكرة وأصيلًا لا إله إلا الله.
وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله ولا نعبدإلا إيَّاهُ، مُخْلِصِين له الدين ولو كره الكافرون.
اللهم صلِّ على سيدنا محمد، وعلى آل سيدنا محمد، وعلى أصحاب سيدنا محمد، وعلى أنصار سيدنا محمد، وعلى أزواج سيدنا محمد، وعلى ذرية سيدنا محمد وسلم تسليمًا كثيرً.
جلس الرجال في مكان والنساء وبرفقتهم الأطفال في مكان آخر يؤدون صلاة العيد، وبعدها تقابلوا مرة آخري ووقفوا يأخذوا صورة تذكارية طلبوا من إحدي المصورين آخذها لهم، ياسين يقف يحمل طفله وعلي يمينه زوجته تحمل توأمه الآخر وإلى جوارها والدتها وعلي يساره والدته تحمل طفله الأكبر، وإلي جوارها أمير يحمل طفله ياسين وإلي جواره زوجته نور تحمل الصغيرة صفا وإلي جوارها والديها وتزامنًا مع التقاط الصورة سقط البلالين فوقهم في منظر مبهج…
تمت بحمد الله
إلى حين نشر الفصل الجديد للكاتبة زينب سعيد القاضي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
