قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

علي اتصل برنا 

رنا ارجوكي تقابلي مستر فؤاد وتكملي الاتفاق معاه لي لي خربت الدنيا وازعجته ع الاخر كان هينهي كل الشراكة ودا هيخسر الشركة كتير ممكن تتدخلي 

رنا 

اتدخل بصفتي ايه يا مستر علي انا خلاص لا بقيت مديرة إدارة ولا حتى موظفة في الشركة انا اسفة 

علي 

رنا انا عارف انك قلبك كبير بس انتي عندك الحل لما قولتيلي عليه وانا اقريت بيه من فضلك قابليه وحلي المشكلة 

رنا 

حاضر يا مستر علي هعمل دا علشان خاطر حضرتك وعلشان شركة ابن عمي يهمني مصلحتها ف الاول والاخر بس ارجوك متقولش حاجة لسيف 

علي 

اوك يا رنا هكون مننون ليكي اتصلي بيا قوليلي عملتي ايه لما تخلصي 

رنا 

اوك حاضر 

.. 

وبالفعل نزلت رنا علشان تقابل مستر فؤاد اللي كان مستاء جدا وغضبان 

رنا 

اهلا وسهلا مستر فؤاد انا الار ام 

فؤاد باقتضاب

اهلا 

رنا 

اسفة لحضرتك ع اللي حصل كان عندي ظروف وحصل سوء تفاهم وبعتوا حد تاني بالغلط انا بعتذر 

فؤاد الغلط ف الحاجات دي مش مقبول بالمرة اتمنى يكون عندك كلام مرضي لان دي اخر فرصة هعطيها للشركة 

رنا 

بجدد اعتذاري لحضرتك بس ممكن تسمعني للأخر وبعد كدا حضرتك قرر زي ما تحب 

وبالفعل لما فؤاد سمع خطة رنا 

قال 

افهم من كلامك انك عايزانا احنا الاتنين نشتري شركة الألفي؟؟ دي مخاطرة .. الشركة هتعلن افلاسها تماما

رنا 

مخاطرة لو شركة المحمودي اللي اشترتها لوحدها او لو شركة الفؤاد اشترتها لوحدها.. انما لو احنا الاتنين اشتركنا هنسند بعض عمرها ما هتكون مخاطرة 

فؤاد 

كلام فارغ ايه اللي يخليني اخاطر بفلوسي واحط راس مالي ف شركة على وشك الإفلاس 

رنا 

الشركة مش فلوس وبس يا مستر فؤاد.. سمعة شركة الألفي كويسة جدا بس المدير اللي مسكها غشيم بعد موت والده دمرها انما سمعة الشركة والمستثمرين اللي معاها ميعوضوش... لو لحقنا الشركة قبل ما تقع وطبعا هتبقى شركتنا تحت امرنا احنا وبراس مالنا احنا .. كدا هنضمن استمرار مستثمرينهم ونضمنهم لينا.. وبكدا حضرتك واحنا استفدنا .. لاحظ حضرتك ان شركة المحمودي مش منافس ليكم ابدا .. احنا التعاون بينا تعاون متبادل لمصلحة الطرفين فكر ف كلامي كويس وخد الوقت اللي حضرتك شايفه وفيه صالح لحضرتك.. انا كدا خلصت كلامي وحضرتك لك حرية القرار محدش هيغصبك وبعتذر مرة تانية على تضييع وقت حضرتك عن اذنك 

ولما مشيت رنا وبلغت علي باللي حصل 

رنا 

منتظرة رده اكيد هيكلمك او هيكلم سيف بس الاكيد انه هيوافق بدليل غضبه هدى وسكت كأنه بيفكر 

علي 

مأظنش هيرفض عرضك ميتفوتش يا رنا 

رنا 

الله اعلم دماغه فيها ايه عامة ابقى وافيني بالأخبار مهتمة اعرف رايه .. 

❈-❈-❈

وتاني يوم فؤاد اتصل بسيف وهو فرحان 

انا موافق ع الاتفاق يا مستر سيف وموافق ع الشراكة ما بينا 

سيف 

تمام اوي ياريت نتقابل علشان نتكلم ف التفاصيل 

فؤاد 

تمام هجيلك النهاردة نتكلم ف كل حاجة وحابب انك تشكر مديرة الادارة على فكرتها العظيمة دي 

لي لي 

تمام حاضر هبلغها انا سعيد بالاتفاق اللي حصل دا 

... 

خلص سيف كلامه وطلب لي لي تجيله 

ايوا يا سيف بليز متطلبش شغل تاني ف الفترة الحالية انا تعبت 

سيف 

لا خالص انا كنت عايزك بخصوص شركة الفؤاد مبسوطين منك وبلغني اوصلك شكره بنفسي برافو عليكي يا لي لي 

لي لي بهتت مكانها وقالت ف نفسها 

بيشكرني! ؟ دا كان ماشي متعصب وع آخره متوقتش الرد دا منه .. دا كان انسان متخلف مبيفهمش 

سيف 

لي لي روحتي فين معقولة من الفرحة سرحتي .. انا كنت طلبتك تجيلي علشان اشوف الفرحة دي في وشك 

❈-❈-❈

ولما جه فؤاد واتفقوا ع كل حاجة وبعد اسبوع تم التعاون بين التلات شركات واللي تعتبر من اكبر تلات شركات ف السوق 

فؤاد 

بالمناسبة دي عايزين نحتفل انا هعمل حفلة مخصوص بالمناسبة دي ورئيسة الإدارة بنفسها هتكون ضيفة الشرف وهتتكرم كمان بلغها بدا يا مستر سيف 

سيف 

بكل سرور يا مستر فؤاد 

علي اتصل برنا 

رنااا عندي ليكي اخبار هايلة جدا 

رنا 

فيه خبر تاني غير ان مستر فؤاد وافق ع الاتفاق 

علي 

اه يا ستي مستر فؤاد عامل حفلة وانتي ضيفة الشرف فيها وعايز يكرمك كمان 

رنا 

يا خبر يا مستر علي انت بتقول ايه انا مش قولتلك بلاش تدخلني في الصورة انا خلاص مبقتش امثل شركة المحمودي 

علي 

هو طالبك بالاسم يا رنا مش هينفع ترفضي انتي كان ليكي الفضل ف دا بلاش حد تاني ينسبها لنفسه وهو ميستحقش 

رنا 

خلاص تمام يا علي هشوف ظروفي وارد عليك 

علي 

مفيش الكلام دا انتي هتيجي يا رنا لو انا بنفسي اللي هاجي اخدك من قلب البيت 

رنا 

انت مصر يعني 

علي 

اه طبعا بقولك الحفلة معمولة ليكي انتي تقولي مش هاجي بتهزري 

رنا ضحكت 

هه حاضر اوك هاجي وامري لله 

... ❈-❈-❈

وف يوم الحفلة 

لي لي كانت ف قمة انكشاحها مفكرة ان الحفلة معمولة علشانها على ايه محدش فاهم هي ليه ظنت الظن دا دي بوظت الدنيا مش اكتر 

فؤاد كان بيسلم على سيف 

اهلا مستر سيف منور الحفلة بوجودك 

سيف 

شرف ليا التواجد ف الحفلة معاكم يا مستر فؤاد 

فؤاد

 هي فين مديرة الإدارة مش شايفها 

سيف لسه هيشاور ع لي لي اللي السعادة مش مفارقاها 

الا ان فؤاد بص ع الباب على رنا اللي جاية مع علي 

فراح بسرعة ناحيتهم 

اهي جت اهي اخيرا 

اهلا وسهلا نورتي الحفلة 

رنا 

اهلا بحضرتك مستر فؤاد شرف كبير ليا وسعيدة ان حضرتك مبسوط بالاتفاق 

فؤاد طبعا مبسوط والحفلة دي كلها علشانك انتي 

رنا 

دا شرف عظيم ليا وكرم كبير من حضرتك شكرا ليك بجد 

سيف استغرب 

رنا!!! بتعمل ايه هنا دي 

وقرب ناحيتهم وبصلها بغضب واستغراب لكن لسه هيتكلم جاله واحد وشغله وبدؤا يتكلموا سوا 

ف الوقت دا فؤاد مسك المايك وحيا الجميع وكرم رنا قدام الكل وعطاها وسام شكر باسم التلات شركات 

لي لي وسيف كانوا في قمة صدمتهم 

لي لي ضربت الارض بغيظ 

وسيف مكانش فاهم حاجة 

فراح لعلي 

هو ايه اللي بيحصل ايه اللي جاب رنا هنا وليه بتتكرم بدال لي لي ازاي تاخد مجهود غيرها وانت واقف تتفرج فيه سوء تفاهم اكيد

علي بزهق 

سوء التفاهم دا عندك انت.. رنا هي اللي اتفاهمت مع فؤاد ع المشروع المتبادل ودي فكرتها من الاساس ولما انت بعت لي لي خربت الدنيا وانا اتحايلت ع رنا علشان تدخل وترجع كل حاجة تاني وبالفعل قدرت تعمل دا ومستر فؤاد معجب بذكاءها ولباقتها جدا علشان كدا عمل الحفلة دي علشانها... دي حتى هي اللي خلصت ملف شركة فيو ... 

لسه على هيكمل كلامه

 لقا سيف بيبص على رنا اللي وافقة مع حد وبيتتكلم معاه 

الدم فار في عروقه مقدرش يتحكم ف غيرته اللي لسه ميعرفهاش وراح ناحيتها وشدها من ايديها 

تعالي عايزك!! 

واخدها لبعيد نسبيا عن الناس

رنا سحبت ايديها بهدوء علشان محدش يلاحظ حاجة من الحضور وقالت وهي بتضغط ع اسنانها 

سيف انت ليه بتتعدى حدودك معايا ازاي تمسك ايدي بالشكل دا 

سيف هنا حاول يتحكم ف نبرة صوته ومبقاش عالية للناس تسمعها 

حضرتك مبسوطة اوي بأنك كل شوية تتكلمي مع الرجالة مبسوطة بلمتهم حواليكي يعني وبعدين ايه اللي جابك هنا من اساسه وازاي متقوليليش انك جاية مكان ومناسبة مهمة زي دي

رنا بحدة 

بدل ما تتشطر عليا انا وتعمل فيها سبع الرجال روح اتشطر ع خطيبتك لي لي اللي واقفة تضحك وتهزر مع الشباب وصوت ضحكتها واصلنا لحد هنا ... انا لو كنت واقفة مع حد فدا لشغل وكل كلامي رسمي بحت لا هزرت مع حد ولا مبسوطة بلمتهم حواليا زي ما انت بتقول انا اساسا ماشية وسايبهالك 

قالتها رنا ومشيت وسابته وسابت الحفلة كلها 

اما سيف لما بص ع لي لي لقا أن كلام رنا مظبوط وفعلا واقفة تضحك وتهزر مع الرجالة فراح عندها 

لي لي من فضلك عايزك 

لي لي وهي لسه بتضحك 

طيب يا شباب اسيبكم بقا خطيبي عايزني باي 

سيف بغضب 

ممكن اعرف بتعملي ايه 

لي لي 

ولا حاجة بستمتع بالحفلة حقيقي دمهم خفيف اوي يا سيف 

سيف 

انتي بتهزري .. يصح انك تقفي تتكلمي بالشكل دا مع الشباب انتي نسيتي نفسك ولا انا مش مالي عينك 

لي لي 

جرا ايه يا سيف انت اول مرة تكلمني بالحدة دي انا عملت ايه لكل دا اظن دي حفلة وكلنا هنا زملا مع بعض وبعدين انت اول ما طلبتني سبتهم وجيت علطول 

سيف 

طيب من فضلك متتكلميش مع رجالة تاني 

لي لي 

حاضر يا حبيبي انت بتغير ولا ايه .. ع فكرة مبحبش النوع دا من الرجالة سيف انت عارف ان طبيعة شغلنا نتكلم عادي فمن فضلك بلاش كدا 

سيف 

مش عايزاني اغير عليكي يا لي لي ؟؟ 

لي لي 

محبش الخنقة يا سيف والتحكمات دي وانت عارف .. بعدين انا بحبك واختارتك من وسط الناس كلها ومتأكدة انك كمان بتحبني وواثق فيا ولا ايه

سيف 

تمام يا لي لي بس بليز اسمعي كلامي ارجوكي 

لي لي 

حاضر يا سيف هعمل اللي انت عايزه 

سيف بص حواليه بيدور بعينه ع رنا ملقهاش فاستغرب 

ولما سأل علي 

علي هي رنا راحت فين تعرف مكانها!! 

علي 

اظنها روحت تقريبا كدا حد عكر مزاجها وخلاها تمشي والحفلة حفلتها اصلا ...متعرفش مين الرخم اللي عمل دا 

سيف اتهرب وقال 

اا طيب خليك انت ف الحفلة وانا همشي ورايا مشوار مهم 

وراح ل لي لي 

لي لي انا همشي هتيجي اوصلك 

لي لي 

بابا جاي ياخدني يا سيف رايحين مشوار مهم بعد الحفلة 

سيف 

خلاص تمام سلامي لعمي ولطنط سلام 

ومشي سيف واخد العربية وانطلق بيها بأقصى سرعة للبيت 

ولما وصل ودا لانه سايق بسرعة 

شاف العربية ورنا بنتزل منها وحد بينادي عليها

وقف عربيته بعيد نسبيا وبدا يراقب ايه اللي بيحصل 

رنا قربت من العربية والباب اتفتح لها وركبت معاه والعربية مشيت 

سيف 

بقا انا اللي بجري بأقصى سرعتي علشان اصالحها لاني زعلتها وفكرت سيادتها زعلانة اتاريها مشيت علشان وراها معاد!!! لا وكمان طلبت من السواق يوصلها للبيت علشان لما اسأله يقولي انه وصلها للبيت وتقنعنا انها ف البيت وهي دايرة ع حل شعرها ماشي يا رنا ان ما وريتك مبقاش انا سيف 

وضرب بإيده ع الدركيسون بحدة 

اما رنا ركبت العربية وهي بتقول بخوف نسبي 

ااا عمي اهلا بحضرتك... حضرتك مدخلتش ليه ..ليه طلبت مني اركب وهنروح فين 

عمها بص للسواق وقال اطلع 

السواق ساق بعيد شوية 

وعمها قال

اسمعي يا رنا انا هقولك كلمتين ولازم تنفذيهم فورا انتي فاهمة 

رنا بصتله ومتكلمتش فتابع كلامه 

دلوقتي سيف جوزك مش موافق ع الشراكة معاه ف شركته عايزك تكلميه وتطلبي منه يوافق .. انتي تقدري تعملي دا اومال انا صرفت دم قلبي ع تعليمك ليه مش علشان لما احتاجك الاقيكي... هتصل بيكي بكرة اعرف انتي عملتي ايه وعايز اسمع اخبار مفرحة مفيش اعتذارات انتي فاهمة خليه يشارك عمه اياني اسمع غير كدا... يلا انزلي انا مش فاضيلك 

رنا 

انزل فين طيب رجعني البيت انا العربية والسواق مش هنا 

عمها اتنهد بضيق 

طيب رجعها تاني من مكان ما جبناها هتتأمر علينا سيادتها 

رنا سكتت متكلمتش لأنها لو ردت هو مش هيسكت لها 

ولما وصلها ونزلت رنا من العربية سيف كان متابع كل حاجة من بلكونة اوضته 

واول ما شافها ولسه هينزل جاله رسالة بصورة لرنا وهي بتسلم ع يوسف وبتحضنه قدام الشركة تحت 

لي لي كانت عارفة ان سيف مشي اول ما عرف ان رنا مشيت علشان كدا حبت تطرق ع الحديد وهو سخن وبعتتله الصورة بسرعة 

هنا سيف دمه حمي ونزل بسرعة وهو ناوي ع الشر لرنا 

رنا كانت دخلت جوة البيت ولما شافتها مريم قامت بسرعة 

ها يا حبيبتي عملتي ايه ف الحفلة وجيتي بدري ليه سيف ضايقك ولا حاجة؟؟ 

رنا ابتسمت لمريم وورتها الوسام 

بصي يا ماما كرموني وسلموني الوسام دا ايه رأيك 

مريم حضنتها 

حبيبتي الجميلة الموهوبة تستحقي كل حاجة حلوة يا قمري انتي 

وف الوقت دا سيف نزل بكل شر وقال بحدة 

رنا انتي كنتي فين انطقي 

رنا بهدوء 

كنتي فين؟ انت بنفسك كنت شايف وعارف انا كنت فين 

سيف زعق 

لا يا شيخة انتي مفكرة اني هصدق كدبك دا انا عارف انك كنتي ف الحفلة ومشيتي منها بدري علشان تخرجي تعملي ما بدالك انطقي كنتي فين وعربية مين اللي ركبتي فيها وروحتي معاها دي 

رنا 

ولما انت شوفت دا فعلا ليه مروحتش ورا العربية بنفسك وعرفت انا كنت فين وبقابل مين لا وكمان كنت تمنعني مش تقف تتفرج وتستناني لحد ما ارجع يا سيادة الحمش انت 

سيف هنا فقد عقله ومد ايده وضرب رنا بالقلم اللي انصدمت هي ومريم باللي عمله 

وليكي عين تتكلمي بتعترفي باللي عملتيه بكل جبروت ولا هامك حد للدرجة دي ملقتيش حد يلمك للدرجة دي مفكرة ان دا معنى الحرية

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏