قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

.. تاني يوم سيف كان ف المكتب واتصل بوالدته 

ماما معلش ممكن تعملي حسابي انا ولي لي ع الغدا النهاردة 

مريم 

النهاردة فين قصدك هنا ف البيت 

سيف 

اه يا ماما لي لي من زمان مشافتكيش وعايزة تيجي تقضي وقت معاكي فقولت لها خلاص تعالي نتغدى كلنا سوا

مريم بانزعاج 

طيب يا سيف زي ما تحب هعمل حسابكم بس متتاخروش وافضل استنى كتير زي كل مرة 

سيف 

لا مش هنتاخر يا امي حقك عليا 

بعدها طلعت مريم لرنا وقالت 

رنا بتعملي ايه 

رنا اهلا يا ماما مفيش كنت بتصفح اي موقع محتاج شغل علشان بفكر انزل اتدرب وكدا بدل القعدة ف البيت 

مريم 

طيب الكلام دا هنتكلم فيه بعدين يا رنا دلوقتي بس سيبي اللي ف ايدك وركزي معايا 

رنا بقلق سابت اللي ف ايديها وقامت لمريم 

خير يا ماما مريم فيه حاجة 

مريم 

 عايزاكي تختاري احلى فستان من اللي اشتريناهم امبارح والبسيه وجهزي نفسك حالا 

رنا 

ليه خير يا ماما احنا خارجين ولا عندنا مناسبة 

مربم 

سيف وخطبيته جايين يتغدوا معانا هنا 

رنا قعدت مكانها 

اها لالا متعمليش حسابي اني اشاركهم الغدا واحد وخطبيته جايين يقضوا وقت سوا انا اعمل ايه جنبهم اكون عزول بينهم لالا طبعا 

مريم 

كلام ايه دا عزول ايه بس انتي بنت عم سيف ودا بيتك يعني لازم تكوني موجودة تحت 

رنا 

لالا مش هقدر مش عايزة اكون سبب احراج ليه سيف معتقد اني جاهلة وغبية ووجودي ممكن يزعجه ويسبب ليه المشاكل 

مريم 

وبعدين يا رنوش بنوتى الجميلة ممكن تسمع كلام ماما مريم وتعمل اللي بقولها عليه 

رنا اا طب اخلص اللي بعمله 

مريم 

ها وبعدين!! 

رنا 

خلاص حاضر يا ماما هقوم اجهز حالا زي ما حضرتك طلبتي 

وبالفعل لما جه وقت الغدا سيف جه مع لي لي 

مريم ببرود 

اهلا يا لي لي منورة 

لي لي بجمود وكلام مش طالع من قلبها 

اهلا يا طنط وحشاني موت 

مريم اتفضلوا ع السفرة يلا يا سيف هات خطيبتك وتعالى 

ومريم راحت للشغالة وقالت نادي لرنا تنزل بسرعة يلا

وبالفعل قعدت مريم وسيف ولي لي ع السفرة وف الوقت دا نزلت رنا بعد ما استعدت زي ما طلبت منها مريم في كامل اناقتها اللي تخطف الانظار 

رنا 

مساء الخير معلش يا ماما مريم اتأخرت 

سيف استغرب هي موجودة فيه بيته وميعرفش مين هي 

ولي لي بصت ليها بغيرة 

مين دي... وبتعمل ايه هنا يا سيف 

سيف بلع ريقه 

ممم مش عارف مين الجميلة دي بجد

لي لي 

سيف انت بتقول ايه 

سيف

اا مم مش عارف والله ما تعرفينا يا ماما 

رنا قعدت بكل ثقة وقالت موجهة كلامها ل لي لي متجاهلة سيف تماما 

اهلا بيكي يا لي لي انا رنا بنت عم سيف 

لي لي وقعت السكينة من ايديها 

ايه انتي رنا بنت عم سيف... ازاي سيف انت مقولتليش كدا 

رنا 

مقالكيش ايه... هو سيف حكالك عني؟؟ يخص عليك يا سيف يا ابن عمي مش تعطيها خبر بإني عايشة معاكم هنا علشان متتصدمش كدا 

لي لي بانزعاج 

سيف من فضلك عايزاك ف كلمة ع انفراد 

ولما سيف قام معاها بعيد عنهم لكن كلام لي لي كان مسموع لرنا ومريم لانها كانت منفعلة اوي 

لي لي 

هي دي الوحشة اللي بتتكلم عنها يا سيف دي دي احلى مني كمان .. لا لا احلى مني ايه اكيد دا مكياج وفيلر انا مفيش مني اتنين .. سيف البنت دي مش لازم تفضل هنا انت فاهم 

سيف 

اهدي بس يا لي لي ممكن افهم بس سبب انفعالك الزايد دا ايه 

لي لي 

ممكن اعرف انت جايب البرود دا منين.. انت كدبت عليا وقولتي انها وحشة انت كنت بتخدعني يا سيف ومخلي بنت زي دي تعيش معاك!! 

رنا ومريم سمعوا الكلام دا فمريم بفرحة 

بنوتى جامدة جمودة يا ناس العزال غيرانين منهم اوي 

رنا 

صدقيني يا ماما مش قصدي اوقع بينهم حضرتك اللي طلبتي مني دا 

مريم 

طبعا طلبت ومش هسكت الا لما البنت دي تطفش وارتاح منها 

رنا 

لا حرام طالما هو عايزها يبقى سيبيه يعيش حياته مع اللي يختارها 

ف الوقت دا جه سيف وزعق لرنا 

عاجبك اللي عملتيه دا 

رنا باستغراب 

انت بتزعقلي انا؟؟ 

سيف هو فيه غيرك هنا ولا ايه علشان ازعقله 

مريم 

فيه ايه يا سيف 

سيف 

في ان لي لي زعلت ومشيت من غير ما تتغدى بسببها يا ماما 

رنا

انا وانا عملت ليها ايه ممكن افهم 

سيف بانزعاج علشان خطيبته 

ممكن افهم ايه اللي نزلك بالشكل دا رايحة حفلة ولا قاصدة انك تغيظيها وتضايقيها بلبسك دا ... مش فاهم النفسنة وغل البناات دا ليه 

قالها وسابهم ومشي 

ورنا واقفة مكانها مصدمة 

انا؟؟؟ 

مريم اتضايقت من كلام سيف وزعلت علشان رنا 

علشان كدا قالت علشان تخفف عنها 

متزعليش منه هو بس قال اي كلام وقت غضب ولما يفوق هيعرف غلطه وهيجي يعتذر كمان والله انا عارفة سيف عمره ما جرح حد بكلامه 

رنا عيطت 

والله العظيم ما قصدي اعمل اي حاجة انا يمكن بس وافقت ع كلامك يا ماما علشان ابينه اني مش وحشه زي ما هو معتقد لكن مقصدش اوقع بينه وبين خطيبته والله العظيم ابدا 

مريم 

انا مصدقاكي وانا اللي طلبت منك دا واللي حصل دا كله غرضي مش هخبي عليكي يا رنا انا كنت بستخدمك وسيلة علشان اطفش لي لي 

رنا 

اسفة يا ماما مش هشترك ف دا تاني انا مليش دعوة بيهم هما احرار مع بعض وانا ليا حياتي لوحدي 

مريم 

حاضر يا رنا حقك عليا اسفة اني حطيتك ف موقف زي دا 

رنا حضنت مريم 

ولا يهمك يا ماما اسفة اني زعلتك 

مريم حضنتها 

انا لا يمكن ازعل من بتوتي الجميلة ابدا تعالي يلا نتغدى 

رنا 

تفتكري بعد اللي عملناه هنقعد نتغدى عادي يا ماما 

مريم بمكر 

طبعا دا انا حتى شهيتي مفتوحة ع الاخر 

رنا ضحكت 

اول مرة اشوف الجانب الشرير من حضرتك 

مريم ضحكت 

الجانب دا عند كل حد مش بيطلع الا مع اللي يستاهله 

رنا ضحكت 

ههه الظاهر حضرتك شايلة منها اوي

سيف راح ورا لي لي 

كانت بتقول للسواق 

اطلع بسرعا 

لكن سيف لحقها 

لالا استني يا لي لي 

وفتح العربية وقعد جنبها 

لي لي انا اسف والله كل اللي حصل دا انا معرفش حاجة عنه 

لي لي بعصبية 

لا يا شيخ انت عايز تفهمني انك مكنتش تعرف انها عايشة عندكم انت بنفسك اللي قايلي ان بنت عمك عايشة عندكم لفترة ودلوقتي بتنكر يا سيف 

سيف 

دا حقيقي انا لا بنكر ولا حاجة لكن صدقيني عمري ما شوفتها اول مرة اشوفها النهاردة مكنتش مهتم اشوفها علشان مفيش غيرك ف حياتي 

لي لي 

فرضا اني هصدق كلامك يا سيف .. لكن دلوقتي تقدر تقولي بعد ما شوفتها اكيد هتغير رايك مش كدا!! 

سيف 

اغير رايي ف ايه بس انتي بتستهبلي يا بنتي... حتى لو كانت جميلة دا ميكفيش انها تلفت انتباهي دي بنت جاهلة ومتفقهش حاجة ف مجالنا ملهاش غير ف الطبخ والتنضيف وبس متعرفش حاجة عن مجال إدارة الأعمال تبعنا ولا اي مجال تاني حتى... من الاخر احنا عمرنا ما ننفع لبعض صدقيني 

لي لي 

انت بتتكلم جد يا سيف 

سيف 

وانا من امتا كدبت عليكي يا لي لي ها 

ل لي ابتسمت فسيف قال 

حيث كدا بقا نطلع ع اي مطعم نكمل غدانا ايه رايك 

لي لي بابتسامة 

موافقة طبعا 

تاني يوم 

رنا كانت لابسة ومستعدة علشان تخرج فراحت لمريم اوضتها 

ماما حبيبتي انا هروح المقابلة اللي قولتك عليها دعواتك بقا دي اول مقابلة في حياتي وجها لوجه كل شغلي قبل كدا كان اون لاين بس وحضرتك عارفة انا ليه مخرجتش قبل كدا 

مريم 

عارفة يا حبيبتي خدي بالك من نفسك كويس السواق خليه ينتظرك تحت ميمشيش علشان متتنتظريش كتير وعلطول تتصلي بيا تقوليلي عملتي ايه 

رنا

حاضر يا ماما ان شاء الله هعمل كدا 

ولما نزلت تحت قابلها سيف وهي مولتوش اي اهتمام وكملت ف طريقها 

لكنه وقفها 

استني انتي رايحة فين 

رنا من غير ما تبصله 

خارجة رايحة مشوار 

سيف 

كدا من غير ما تستأذني! عمارة من غير بواب هي ... ولا ما صدقتي اتفكيتي الحصار عندك هتروحي تتسرمحي هنا وهناك كل شوية..

رنا رفعت حاجبها ولفت وشها وبصله وقالت باستنكار 

اتسرمح!! وكل شوية!! ...ليه انت شوفتني قبل كدا ولا سيادتك بتتبلى عليا مش فاهمة عامة انا مش فاضية للجدال معاك في امور تافهة زي دي وقتي اثمن عندي ف اني اقف اتكلم معاك عن اذنك 

سيف المرة دي هو اللي وقف مندهش من كلامها ولما وزنه كويس اتعصب والدم فار ف عروقه فلحقها 

استني عندك انا مسمحتلكيش تخرجي 

رنا 

ايه يا ابن عمي انت عايز تحبسني انت كمان زي عمي ولا ايه... هو دا كلامك انك هتسيبني اعمل اللي انا عايزاه ومش هتقيد حريتي.. وع فكرة انا استأذنت من ماما مريم علشان يكون عندك علم 

سيف 

مش فاهم واحدة زيك عمرها ما خرجت من البيت ومبتفهمش حاجة هتخرج ازاي لوحدها ولا هتخرج حتى تعمل ايه 

رنا كتمت غيظها جواها وقالت 

مش كل اللي مخرجش من البيت يبقى مبيفهمش يا هندسة عن اذنك ورايا معاد مهم 

ومشيت رنا وركبت العربية والسواق انطلق في طريقه 

اما سيف فضل ساكت لكنه فجأة قال بفزع 

وراها معاد مهم يخرب بيتها دي رايحة تواعد وتقابل مين دي هي فاهمة موضوع الخروج غلط... البنت دي لازم يتعاد تأهيلها كويس ومحدش هيعمل دا غيري 

ولما وصلت رنا للشركة سلمت ع المدير اللي هيعمل معاها المقابلة 

المدير 

اممم رائع جدا يا انسة رنا واضح من السي في بتاعك انك مكنتيش مجرد خريجة من تجارة اعمال بس ... انتي سيدة اعمال صغيرة وناجحة كمان 

رنا 

اهو الحمد لله بحاول اسلي وقتي 

المدير 

رائع رائع بس اللي انا مستغرب ليه .. ليه واحدة من عيلة المحمودي سايبة شركتهم الكبيرة وجاية تشتغل ف الشركة هنا

رنا 

مين قال اني سايباهم انا بشتغل هناك بالفعل .. لكن حابة اني انوع خبراتي متتركزش ع حاجة معينة 

المدير 

اممم اللي فهمته اننا قدام منافسة قوية بتجمع افكار من كل مكان علشان بعد كم سنة تبدا شركتها الخاصة 

رنا 

يعجبني دماغ حضرتك السمارت بجد 

المدير 

اذن خلينا نستفاد من الخبرات دي لفترة قبل ما تخصصيها لشركتك الخاصة 

رنا 

انا ممنونة جدا لحضرتك ولرأيك دا بجد 

المدير 

بالتوفيق يا انسة رنا.. ها تحبي تبداي من دلوقتي ولا من بكرة ؟ 

رنا 

معلش من بكرة علشان مش عاملة حسابي النهاردة 

المدير 

تمام اوي المقابلة كدا انتهت تقدري تروحي للمسؤل وهو هيمضي معاكي العقد ويقولك ع كل القواعد وكيفية سير العمل.. هتلاقيه ف اوضة ب رقم ١٤٣

رنا 

تمام شكرا لزوق حضرتك والوقت اللي خصصته لمقابلتي

ولما خرجت رنا من الشركة قررت تروح مركز التسوق تشتري شوية حاجات هي محتاجاها 

والوقت سرقها ف الشرا عجبها الحاجات المعروضة ونسيت نفسها وسطهم 

ولما بصت في موبايلها قالت 

يااه انا اتأخرت اوي نسيت نفسي وسط المول... اعمل ايه ما انا عمري ما خرجت واخدت فرصتي كدا.. يا خبر السواق زمانه تعب من الانتظار 

ولما خرجت لقت العربية ف انتظارها فقالت 

انا اسفة اتاخرت عليك معلش 

السواق 

لا يا هانم ولا يهمك انا تحت امرك 

رنا 

لا طبعا انت بشر واكيد ليك طاقة وانت معايا من الصبح معلش والله مش قصدي اتعبك كدا بس الوقت سرقني 

السواق 

ياريت الكل زيك كدا يا هانم والله 

رنا 

الله يخليك يا عمو بقولك ايه انا جعانة ودينا ع اي مطعم تيك اواي من فضلك 

السواق 

عنيا حاضر فيه هنا مطعم قريب وامله هيعجبك ان شاء الله 

ولما وصله نزلت رنا ورجعت ف ايديها كيسين 

وحطت واحد منهم ف الكرسي جنب السواق وهي بنقول 

اتفضل دا غداك 

السواق 

لا يا هانم الف هنا وشفا ميصحش 

رنا 

هو ايه اللي ميصحش انت من الصبح بتلف معايا واكيد متغدتش وجوعت زيي بالظبط فنزلت جبت اكل لينا يلا كل قبل ما يبرد .. اممم البرجر طعمه حلو اوي هيعجبك 

السواق فتح الكيس وبدأ ياكل وقال وهو ممنوع 

شكرا يا هانم الله يكرمك يارب

وبعد ما رنا اتأكدت انه أكل وجبته ابتسمت وقالت يلا بينا بقا علشان منتأخرش اكتر من كدا 

وبالفعل وصلها السواق لباب الفيلا ورنا فرحت انها قدرت ترسم بسمة رضا ع وش السواق الراجل البسيط الطيب اللي يشتغل علشان يصرف ع اولاده بالحلال 

ولما دخلت جوة فضلت تنادي 

ماما.. ماما مريم انتي فين 

لكنها اتفاجئت بسيف في وشها بيقول بوش كله غضب 

كنتي فين يا انسة ممكن اعرف...الانسة المبجلة اللي خارجة من الصبح بدري لسه راجعة دلوقتي وكانت فين 

رنا اتجاهلت كلامه وقالت 

كنت في مشوار 

وتابعت طريقها لفوق وهي شايلة الشنط اللي فيها حاجتها 

سيف 

استني هنا انا مش بكلمك 

رنا 

وانا رضيت عليك يا ابني عمي وقولت كنت ف مشوار متجاهلتش كلامك على فكرة ودلوقتي طالعة علشان احط شنطي وارتاح في اوضتي 

سيف 

اطلعي غيرك هدومك وانزلي تاني عايزك 

رنا 

مم وقت تاني لاني تعبانة دلوقتي ووو 

قاطعها وقال 

قولت انزلي تاني عايزك اظن كلامي واضح 

نفخت رنا لانها محبتش النبرة الحادة بتاعته في الكلام 

وطلعت غيرت هدومها ونزلت فقابلت مريم ف طريق نزولها 

مريم 

حمدا لله على السلامه يا رنوش اتاخرتي ليه 

رنا 

معلش الوقت سرقني روحت اشتري شوية حاجات لازماني 

مريم 

طيب كويس يا حبيبتي انك عرفتي تعتمدي ع نفسك لوحدك ها ايه اخبار المقابلة

رنا 

كله تمام الحمد لله والمدير منبهر بيا ووافق ع اني اشتغل عندهم ومن بكرة بإذن الله هبدأ في شغلي الجديد 

مريم 

هايل هايل يا رنا انا فخورة ببنوتي الصغيرة 

رنا 

حبيبتي يا ماما مريم بس من فضلك بلاش تجيبي سيرة لسيف بالموضوع ده 

مريم بمكر 

اكيد طبعا خليه كدا ع عماه لما نشوف هيفوق امتا 

ضحكت رنا فقالت مريم وهما خلاص نزلوا لتحت 

يلا علشان نتغدى انا وسيف على فكرة منتظرينك 

رنا 

يااه انا اسفة والله مكنتش اعرف انكم هتنتظروني بس احنا خلاص سبقناكم واكلنا واحنا راجعين دلوقتي فمليش نفس خالص دلوقتي كلوا انتم بالهنا 

سيف سمع كلام رنا دا والغيرة فارت في عروقه

نعم احنا؟؟ يعني ظنه كان في محله انتي كنتي خارجة مع حد ؟؟ 

رنا 

اها اومال هخرج لوحدي ... روحت اتسوقت شوية وبعدين اتغدينا وجيت 

سيف محسش بنفسه غير وانه بيمسك ايديها بحدة 

انتي اتجننتي يا رنا هو انتي ما صدقتي تيجي هنا علشان تدوري ع حل شعرك لو كان الامر كدا يبقى ترجعي لعمك من النهاردة قبل بكرة انتي فاهمة.. انتي مفكرة ان هنا سايبة وانا هسمح بالمسخرة بتاعتك دي 

رنا بصتله ببرود ع عكس اللي اتوقعه انها تعتذرله او ما شابه لكنها قالت 

خلصت كلامك يا ابن عمي ولا لسه ... ولو سمحت مش هسمحلك تمد ايدك عليا تاني

سيف بحدة

انتي اتجننتي جايبة الجرأة بتاعتك دي منين... وبعدين انا مش بس همد ايدي انا هكسرلك دماغك كمان لو متعدلتيش يا رنا 

رنا 

والله انا معدولة اهو قدامك كويسة وزي الفل مش معوجة ولا حاجة انا معوجة يا ماما مريم ؟؟ 

مريم اللي معاها على نفس الخط 

لا خالص انتي قمراية وقطقوطة مين قال انك مش معدولة بس

سيف 

امي حضرتك بتشجعيها على ايه بس دي بتقولك اتغدوا سوا دي فاهمة مفهموم الحرية غلط وانا مش هسمح بالمهزلة دي 

رنا 

وانت مبتفهمش من أصله علشان تحكم ع اللي حواليك وياريت قبل ما تصدر احكام اتأكد من كلامك الاول ...ماما مريم عن اذن حضرتك هطلع ارتاح في اوضتي 

قالتها رنا وطلعت اوضتها وسط نظرات سيف المنزعجة ولما طلعت قال سيف 

ماما عاجبك كلامها انا لولا مسكت اعصابي كنت كسرت دماغها بس علشان وعدي لامها اني مش هزعلها لكن ارجوكي اتكلمي معاها وفهميها الصح من الغلط علشان متغاباش عليها 

مريم 

ماشي يا سيف هعمل دا.. تعالى نتغدى يلا انت جعان من بدري 

سيف كان خلاص فقد شهيته فقال 

لا خلاص مليش نفس دلوقتي 

مريم 

يعني كلكم مش هتتغدوا انت عارف اني مبحبش اكل لوحدي يا سيف 

سيف 

خلاص يا امي هقعد اتغدى معاك 

ولما قعدوا اتغدوا سوا جه اتصال لسيف فرد عليه 

الو ايوا يا علي فيه ايه بتتصل بيا ليه دلوقتي وانت عارف اني ف البيت

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏