قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

علي 

معلش يا سيف عارف انك مش بتحب حد يزعجك في وقت البريك بتاعك بس المسؤل عن اخر ملف خاص بشركة شيتا تعب فجأة واتحجز ف المستشفى ودلوقتي الملف متعطل ولازم يتسلم بكرة ف اسرع وقت هنعمل ايه 

سيف 

يي يادي الحظ طيب هنعمل ايه مفيش بديل للمسؤل دا اكيد فيه متدرب تحت ايده تحسبا لاي ظرف ازاي فيه مسؤول واحد 

علي 

فيه يا سيف الRM مسؤلة بديلة بتعملنا بعض شغلنا المتعطل بس بصراحة بتنجز 

سيف 

طيب لما انت عارف كدا بتتصل بيا ليه ما تتصرف وتطلب منها دا اما انت غريب اوي بس مين الRM دي

علي 

هي ماسكة ملف شركة فيوتشر يا سيف ازاي اطلب منها تمسك الملف دا كمان لا واقولها تخلصه بكرة ازاي بس 

سيف 

ملف فيوتشر معاها بيعمل ايه مش المفروض الملف دا مع لي لي وهي اللي هتسلمه الاسبوع الجاي ؟؟ 

علي 

لي لي اعتذرت عنه من كم يوم وقالت انها تعبانة مش هتقدر تكمله فأنا عطيته لMR وقالت انها هتقدر تكمله ف الوقت المحدد 

سيف 

يا علي وانت تصدق كلام اي حد والسلام دي اكيد موظفة جديدة انت لسه بتقول انها متدربة 

علي 

لكنها ممتازة يا سيف انا اختبرتها ف اكتر من حاجة واقدر اثق فيها متقلقش .

سيف 

حيث كدا خليها توريني قد ايه هي قد الثقة اسمع قولها لو قدرت تخلص ملف شيتا بكرة ف المعاد انا هعينها مديرة ورئيسة إدارة مش قسم كمان 

علي 

سيف انت قد كلامك دا انت عايز تعينها بدالي انت للدرجة دي عايز تستغنى عني 

سيف 

اهدا بس دا لو قدرت .. ولو دا حصل فعلا وقتها انت هتترقى لمدير فرع لو كانت ثقتك ف محلها 

علي فرح 

تمام يا سيف بس خليك فاكر كلامك دا كويس 

سيف 

اظن انت عارف انا مرجعش في كلامي ولا بخلف وعدي 

علي 

تمام يا سيف اتفقنا سلام 

سيف 

سلام يا صاحبي 

ولما خلص سيف مكالمته قال 

كنا بنقول ايه يا ماما... اه افتكرت اكيد رنا اهدرت كل الفلوس اللي انتي عطيتها ليها علشان تخرج بيهم.. انا من بكرة هحولك ف حسابك مبلغ علشان لما تطلب منك فلوس تاني بس ياريت تعلميها انها متكونش مسرفة لان اللي زيها لما يكون محروم من حاجة ويلاقيها بيطمع ومبيقدرش قيمتها كويس 

مريم 

بس انا معطتش رنا اي فلوس وهي كمان مطلبتش دا 

سيف باستغراب 

غريبة اومال جابت تمن الحاجات اللي اشتريتها منين.. معقول اللي بتخرج معاه هو اللي اشتراهم ليها ... دي ليليتها سودا 

قالها وقال وقت لكن مريم منعته وهي بتقول 

لا استنى اصبر بس يا سيف اللي بتخرج معاه مين بس رنا مش بتخرج مع حد متعرفش حد اصلا 

سيف 

اومال جابت الفلوس دي منين؟؟ بتطلب من امها مثلا ولا ايه حكايتها دي 

مريم 

مش جايز هي معاها فلوسها 

سيف 

منين يا ماما ها منين دي متقدرش تجيب جنيه واحد حتى.. عامة انا ليا كلام تاني معاها بس الصبح اكيد ست الحسن والجمال نامت دلوقتي... عن اذنك يا امي هطلع اخلص شوية شغل قبل ما انام 

ولما طلع فوق ولسه هيدخل اوضته شاف نور اوضة رنا مفتوح 

فقال بضيق 

وكمان لسه سهرانة 

ولما دخل أوضته وقعد ع اللاب بتاعه واشتغل شوية والوقت سرقه واصبحوا نص الليل 

قال سيف 

انا تعبت كفاية كدا شغل النهاردة علشان يادوب الحق اناملي ساعتين

ولما خرج علشان يجيب مية من تحت بص ع اوضتها بردو لقا النور منور 

فقال 

معقولة لسه صاحية لحد دلوقتي ولا هي اصلا بتنام والنوم منور؟؟ هروح اخبط عليها واتأكد بنفسي 

ولما خبطت مسمعش رد فخبط تاني لكنه مسمعش رد 

فحس بالقلق ففتح الباب ودخل

رنا كانت قاعدة ع المكتب بتتابع شغلها ع الملف الجديد اللي علي عطاه ليها ودا اللي اخرها 

لكنها اول ما شافت الباب بيتفتح و سيف قدامها اتخضت 

اا سيف انت بتعمل ايه هنا وازاي تدخل من غير ما تستأذن 

سبف بانزعاج 

انا خبطت كتير ومحدش رد فدخلت اتأكد موتي ولا لسه.... عامة طلعتي لسه عايشة خلاص انا ماشي.. وياريت متسهريش اكتر من كدا ونامي وطفي النور مفهوم 

رنا باستغراب 

مجنون دا ولا ايه هو عايز يخانق دبان وشه ولا ايه بالظبط 

ونزل هو على تحت جاب المية ولما طلع لاحظ بردو ان النور لسه مولع 

فدخل المرة دي من غير ما يخبط وهو بيزعق 

انا مش قولت نامي يلا وطفي النور 

رنا سندت دماغها بايديها وقالت والمرة دي بردو خبطت وانا مسمعتش يا ابن عمي!!!! بعدين ايه مالك خايف ع كارت الكهربا ليخلص ولا ايه 

سيف ٠٠

ممكن اعرف انتي سهرانة لحد دلوقتي ليه ها بتعملي ايه.. هو دا اللي عمك معلمك عليه

رنا 

سهرانة لنفس السبب اللي انت سهران علشانه يا ابني عمي وياريت معلش لو تكرمت يعني متدخلش اوضتي تاني من غير استئذان علشان ميصحش وكمان الوقت متأخر 

سيف بارتباك 

اا قولتلك خوفت لما خبطت وانتي مفتحتيش فدخلت 

رنا 

طيب دا ف المرة الاولى والمرة التانية بردو خوفت يا باشمهندس!! 

سيف 

لا المرة التانية انتي عصبتيني علشان كدا دخلت اشوف ليه بتعارضي كلامي 

رنا 

يعني افهم من كدا لما انا اكون متعصبة منك يا ابن عمي ادخل اوضتك من غير استئذان؟؟ 

سيف بضيق 

رنا متحاوليش تقلبي الكفة لصالحك ليه مش بتسمعي الكلام من اول مرة على فكرة انا بحب البنت اللي تسمع الكلام من اول مرة 

رنا بعند 

الكلام دا تقوله ل لي لي خطيبتك يا ابن عمي مش ليا ها اظن ان انت لما جبتني هنا قولت اني حرة اعمل اللي انا عايزاه فأنام بدري بقا انام متأخر دا شىء يخصني انا 

سيف بصلها بغيظ وراح مادد ايده وطفا النور وخرج وهو بيقول 

قولت طفي النور واللي قولته يتسمع 

رنا ابتسمت بسخرية 

ايه شغل الأطفال دا.. عامة انا خلصت المشروع اللي طلبوه مني ويادوب اقوم الحق انام فعلا 

اما سيف دخل اوضته وفضل رايح جاي شوية وهو متغاظ من رنا

انا ليه شايفها عندية وعندها ثقة كبيرة ف نفسها وشخصيتها مش ضعيفة ابدا واحدة بالمواصفات اللي اتقالتلي واللي عمله فيها عمها المفروض تكون اضعف 

وقرر يخرج يشوف عصت كلامه ولسه صاحية ولا لا 

لكنه لقا النور مطفي زي ما طفاه هو 

فانتهد ودخل ينام هو كمان 

وع الصبح قام سيف ولبس بدلته وحط البرفيوم بتاعه وظبط شعره ونزل على شغله .. فسمع صوت امه بتحكي مع حد في اوضة السفرة 

فلما راح هناك لقا رنا قاعدة بتفطر معاها وبيضحكوا سوا فقال باستغراب 

رنا!! انتي صاحية بدري غريبة يعني 

رنا 

هو ايه اللي غريبة في اني اصحى بدري يا ابن عمي بعدين الناس تصحى تقول صباح الخير عاملين ايه... ايه سؤالك الغريب دا 

سيف 

غريب لما اشوفك نايمة متأخر والاقيكي صاحية بدري توقعت متقوميش الا الضهر 

رنا 

ممم الظاهر ان دماغك اخدة عني فكرة تالتة خالص عن الحقيقة يا ابن عمي 

مريم 

صباح الخير يا سيف يا حبيبي تعالى اقعد افطر معانا دي رنا هي بنفسها اللي محضرة الفطار.. وفطار ايه ملوكي من ريحة زمان... هيعجبك اوي 

ولما سيف بص للسفرة لقا فطار فلاحي اصيل وريحة السمنة البلدي مفحفحة وهو فعلا كان جعان فقرر يشاركهم الأكل 

صباح الخير يا امي عاملة ايه وازي صحتك النهاردة... تمام هاكل على السريع كدا علشان امشي 

مريم ابتسمت

 سيف كان بياكل بسرعة وهو واقف فرنا قالت 

اقعد كل براحتك لسه بدري اعتقد انت المدير محدش هيقولك اتأخرت ليه 

سيف 

وهو انا علشان المدير اروح متاخر ووقت ما احب ! هو دا مفهومك عن الإدارة يا انسة رنا ... اعتقد لو حد بدماغك دي لو مسك الادارة هيبوظها من اول يوم 

رنا رفعت حاجبها 

اممم انت شايف كدا!! .. خلاص بلاها شغل الادارة دا خالص طالما هبوظ الدنيا 

سيف 

ياااه انتي طماعة اوي داخلة ع منصب الادارة علطول كدا 

رنا 

ايه يا ابن عمي مش كلها سنة واستلم ميراثي واكيد هيكون ليا شغلي الخاص اللي همسك فيه الإدارة!! 

سيف 

ومين قال اني هسمحلك وقتها تضيعي ورثك على الهيافات 

رنا 

اممم واضح اننا هنتعب سوا يا ابن عمي 

مريم 

امم في ايه يا ولاد عاملين زي القط والفار ليه ... بتشدوا ف الكلام مع بعض ليه... ورنا بنت عمك يا سيف اكيد انت هتساعدها لو احتاجت اي مساعدة لحد ما تعرف تستثمر فلوسها صح 

سيف 

دا اكيد يا امي لانها لو مسكتها هتضيع الدنيا ... هتضيع تعب ابوها في الفاضي شغل سنين هتبدده ف ايام 

رنا 

بانزعاج 

بردو انت مفيش فايدة فيك ابدا... انا افضل اقوم واسيبلك المكان.. عن اذنك يا ماما مريم انا طالعة اوضتي 

مريم بصت على رنا اللي ماشية متضايقة وقالت لسيف بتأنيب 

جرى ايه يا سيف في ايه مالك حاططها ف دماغك ليه يا ابني وكل شوية تناقر فيها وتضايقها بكلامك 

سيف بلا مبالاة 

وانا قولت ايه يعني يا امي مش قولت الحقيقة رنا فعلا لو مسكت فلوسها هتضيعها مقولتش حاجة غلط 

مريم 

بس مش ف مكانه ولا وقته يا سيف بعدين بنت عمك قامت بدري زي الشطورة قبل الشغالة حتى وحضرت فطار جميل وعجبك مفيش حتى كلمة شكر تسلم ايدك يا بنت عمي كدا... خليك جنتل هو انا هعلمك ولا الجنتلة مش بتطلع الا قدام لي لي وبس 

سيف مهتمش لكلام امه وقال 

اه يا ماما بمناسبة لي لي.. انا هعزمها النهاردة ع الغدا النهاردة علشان تقضي وقت معانا بدل سوء التفاهم اللي حصل امبارح 

مريم بانزعاج 

ييي شوف انا بقول ايه وهو بيقولي هعزم زفتة ع الغدا!! 

 سيف اللي كان بياكل باستمتاع

بتقولي حاجة يا ماما 

مريم بغيظ 

مبقولش حاجة يا سيف كل بسرعة علشان تروح ع شغلك يا سيادة المدير التنفيذي... انا طالعة للبنت اللي انت كسرت بخاطرها علشان اطيب بخاطرها شوية دي يتيمة يا سيف 

سيف مهتمش وخلص اكله ومشي 

ومريم طلعت لرنا فكرت هتلاقيها زعلانة او بتعيط 

لكنها لقتها قاعدة ع اللاب بتشتغل 

رنا حبيبتي انتي كويسة بتعملي ايه 

رنا 

اهلا يا ماما مريم... ابدا كنت بشيك ع المشروع وبتأكد ان كل حاجة تمام قبل ما اسلمه لمستر علي لأن المشروع دا مهم ومحتاج يتسلم النهاردة قبل الساعة عشرة وطبعا مفيش مجال للغلط 

مريم 

ربنا يعينك يا رنوشتي... هو سيف يعرف انك شغالة في الشركة معاهم 

رنا 

لا طبعا ميعرفش سيف ميعرفش حاجة عني خالص سيف ابنك يا ماما مفكرني جاهلة علشان كدا بيحتقرني 

مريم 

لا متقوليش كدا يا رنا.. سيف بس ااا 

رنا قاطعتها 

عادي عادي يا ماما متحطيش ف بالك انا بس قررت اني مسمحش ليه انه يتمادى معايا بالشكل المهين دا 

مريم 

علشان كدا سبتي الأكل وطلعتي؟؟ 

رنا 

مش من طبعي اغضب على الأكل لكن فعلا التواجد معاه ف الوقت دا وتكملة المناقشة العقيمة كانت مجرد تضييع وقت فقومت استغل الوقت ف الشغل افضل 

مريم بابتسامة 

قد ايه بنوتي عاقلة ورزينة يا ناس.. يلا ننزل نكمل فطار لو كنتي خلصتي 

رنا 

حاضر دقيقتين بس لانه بيحمل الداتا لعلي وهننزل علطول 

مريم 

ماشي يا قلب ماما مريم خدي وقتك براحتك 

...

اما سيف فراح الشركة ولما سأل على لي لي لقاها لسه مجتش 

فاستغرب 

اتأخرت ليه كدا ربنا يستر ومتكونش تعبانة لانها بتتعب اليومين دول كتير 

وقرر يروح لعلي مكتبه 

السكرتيرة قامت وقفت 

ااا اهلا يا مستر سيف 

 سيف خبط وفتح الباب ودخل 

علي 

سيف صباح الخير.. ايه سر الزيارة على الصبحية كدا 

سيف قعد قصاده وقال 

جيت اطمن ع المشروع ها اتسلم ولا لسه 

علي بتوتر بيبص على شاشة اللاب بتاعه ملقاش اي ميل من رنا فقال 

لسه مش عارف اتأخرت ليه

سيف بسخرية 

اتأخرت ولا اتهربت تفرق يا باشمهندس 

علي بعدها قال بفرحة وعينه ع اللاب 

بعتته بعتت المشروع يا سيف 

سيف مكانش مصدق 

معقول!! حقيقي خلصت المشروع ف الوقت القياسي دا.. دي علشان بس تفهم النظام ماشي ازاي كانت محتاجة يوم كامل في المراجعة 

علي 

مش قولتلك انها بنت يعتمد عليها وأنها قد الثقة اللي انا حاططها ليها يا سيف 

سيف 

بلاش نستبق الأحداث افتح الملف وريني عملت ايه 

وفضل سيف يراجع المشروع مع علي بابنهار بأفكارها وتنظيمها ودقتها 

سيف 

مش معقول البنت دي مبهرة فعلا انا مشوفتش كدا حقيقي تستحق الإشادة بشغلها المشروع ولا غلطة 

علي 

البنت موهوبة يا سيف بس للاسف ظروفها مش اخدة فرصتها 

سيف 

ظروف ايه دي ومين البنت دي اصلا 

علي علشان يتهرب من السؤال 

هيبقى اقولك بعدين بعدين.... المهم دلوقتي نفذ وعدك يا باشا علشان ابعت لها افرحها يلااا 

سيف ابتسم 

وانا عند وعدي ليكم انتم الاتنين 

علي كشر 

المفروض ترقيتي كانت تيجي من زمان انا شغال معاك من زمان يا اخي 

سيف ضحك 

ههه معاك حق... حقك عليا بس اعمل ايه عم امجد من ايام بابا ومكانش ينفع ازيحه من منصبه لكن دلوقتي هو مبقاش قادر للشغل فالمنصب دلوقتي شاغر وانت انسب حد يمسكه بداله 

علي 

اممم ماشي يا سيف ماشي.. هوينا بقا خليني افرحها واكمل شغلي 

سيف ضحك 

من اولها كدا تناكة يا عم فيه ايه 

علي ضحك 

طبعا والمكتب دا يتغير علشان يليق بمنصب مدير ورئيس فرع

سيف وهو لسه بيضحك 

دا هيكون مكتب الRM انت نسيت ولا ايه انت هتاخد مكتب عم امجد

علي 

يا خسارة المكتب كان جنبك يعني لما احتاجك لسه هفضل انزل واطلع 

سيف ضحك 

معلش يا صغنن الاسانسير موجود مش هتتعب يعني 

علي 

سيف انت شكلك فايق ورايق يلا هوينا ورايا شغل 

سيف 

ايه مش هنحتفل بالمناسبة دي 

علي 

حقيقي يا سيف هتحتفل 

سيف 

طبعا بلغ الRM اننا هنعمل حفلة ف نهاية الاسبوع هنا علشان نحتفل بالترقية 

علي 

هو دا الكلام بس يكون فيها كل ما لذ وطاب 

سيف 

ماشي يا عم همك ع بطنك اوي انت ها 

علي 

طبعا اومال اسمها حفلة ليه علشان ناكل 

سيف ضحك 

انا ماشي بطني وجعتني من كتر الضحك يخربيت شيطانك

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏