قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

عدى اكتر من ساعتين ومريم مش عارفة توصل لرنا بتتصل بيها يعطيها غير متاح ومش عارفة تتواصل معاها ولا تطمن عليها وزياد بيلف بالعربية بتاعته بيدور عليها 

اما عند رنا فكانت خلصت قراءة المجلة وقالت بزهق 

وبعدين بقا بقالو اكتر من ساعتين حاسبني ف العربية هو ناوي يخليني طول الوقت هنا ولا ايه بجد دا مجنون... حتى الموبايل ساقط شبكة وكمان قرب يفصل شحن وبعدين بقا 

اما عند سيف فدخل اخد شاور وغير هدومه ونام ونسي رنا تماما 

وبعد مرور اكتر من خمس ساعات والوقت اتأخر الساعة قربت ع نص الليل 

مريم كانت خلاص صبرها نفذ وخافت ع رنا فمبقتش قادرة تتحمل وخوفها بيزيد ع رنا اللي مش عارفة عنها حاجة فبدات تترعش بخوف 

رر رنا راحت فين انا قلبي واكلني عليها انا متأكدة ان سيف زعلها بس راحت فين بس احنا دورنا ف كل مكان وفونها غير متاح طول الوقت حتى لو كانت زعلانة اكيد كان لازم ترجع الوقت اتأخر انا خايفة عليها اوي خايفة يجرالها حاجة 

ايه بقلق هي كمان 

مش يمكن يا انطي رجعت عند مامتها ؟؟ 

مريم 

معقول هترجع لعمها برجليها الاحتمال دا انا مستبعداه تماما . 

زياد

ممكن ليه لأ اتصلي بيها نطمن ممكن تكون هناك فعلا 

مريم سمعت كلامهم واتصلت بوالدة رنا 

الوقت كان متأخر وسماح كانت متعودة تنام بدري 

فلما جالها الاتصال صحيت بقلق وكمان عزت اللي 

قال بانزعاج ونوم

مين اللي بيتصل بيكي يا هانم في وقت متأخر كدا 

سماح بخوف وهي بتقعد ع السرير 

دي مريم والدة سيف استر يا رب ... رنا بنتي جرالها ايه علشان تتصل بيا ف وقت زي دا 

عزت اول ما عرف أن الموضوع خاص برنا لف وشه الناحية التانية ببرود وانزعاج 

البنت دي مبيجيش من وراها غير الازعاج جاتكوا الهم قلقتوا منامي 

سماح مهتمش للي بيقوله وردت ع مريم بقلق

مدام مريم خير فيه ايه انتوا كويسين رنا كويسة؟؟؟ 

مريم بلعت ريقها بتوتر اكبر ومبقتش عارفة تقول ايه لان معنى كلامها انها متعرفش مكان رنا وهي عملت لها قلق من غير داعي فقالت 

ااا ايه دا يا خبر انتي كنتي نايمة وانا عملت ليكي ازعاج انا اسفة اوي اصل احنا هنا متعودين بننام متأخر فمجاش في بالي انك نمتي .. اا انا اسفة انا كنت بس عايزة اتطمن عليكي من زمان مكلمتكيش .. كملي نوم والصبح ان شاء الله هبقى اتصل بيكي تاني تصبحي ع خير 

قالت كدا واتمنت ان الحيلة والكدبة دي تخيل ع سماح 

لكن سماح متطمنتش وقالت 

انتوا كويسين يا مريم رنا بنتي كويسة 

مريم بكدب 

ااه اه طبعا الحمد لله كله تمام رنا ف اوضتها فوق نايمة الصبح ان شاء الله اخليها تكلمك يلا تصبحي ع خير 

وقفلت معاها وقالت بدموع 

رنا مش هناك عندها هتكون راحت فين بس يارب يارب نلاقيها بقا كدا يا سيف يا ابني 

في الوقت دا سيف قلق من نومه وحس بأصوات تحت فقام يشوف فيه ايه ولما بص ف الساعة 

انا نمت بدري ولا ايه كنت تعبان محستش بنفسي ونمت

فلما نزل تحت لقا امه وايه وزياد قاعدين تحت وكلهم باين عليهم القلق 

فقال باستغراب 

مساء الخير فيه ايه مالكم كدا .. ايه دا ماما انتي كويسة انتي بتعيطي!!! 

زياد 

طبعا انت نايم ولا على بالك وانت السبب ف اللي حصل دا كله 

سيف بانزعاج 

انت هنا بتعمل ايه ليك عين تدخل هنا يا متخلف انت... يلا خد بعضك وامشي يلا 

ايه 

سيف بالله عليك احلف انك متعرفش رنا فين احنا هنموت عليها ارجوك لو تعرف مكانها قولنا 

سيف بفزع 

تقصدي ايه براحت فين!! هي رنا مش في اوضتها فوق نايمة؟؟؟ 

مريم فقدت السيطرة ع دموعها اكتر وقالت ببكا 

رنا منعرفش عنها حاجة من وقت ما انت رجعت من برا 

سيف بصدمة

 ايه!!! 

زياد بعصبية 

انت اللي غبي انت اللي زعلتها انت اخر مرة شدتها من ايديها بكل اهانة واكيد كملت عليها برا فعلشان كدا زعلت ومشيت وادينا مش عارفين هي فين والوقت أتأخر منك لله يا سيف 

هنا سيف افتكر فقال بصدمة اكبر 

يا خبر انا نسيت رنا ف العربية ف الجراچ 

قالها وطلع يجرى والكل كان في صدمة زيه بالظبط 

فجريوا وراه وهما مش فاهمين حاجة 

سيف جري ع العربية وجه يفتحها معرفش لان المفتاح ف اوضته لكنه قال 

رنا اهي ف العربية.. ايه بسرعة اطلعي جيبي المفتاح من اوضتي هتلاقيه في درج المكتب او في جيب الجاكيت بتاعي 

ايه جت تتحرك لكن اخوها منعها 

خليكي انتي يا ايه انا هطلع اجيبه بسرعة ونازل

مريم وهي بتبص ع رنا اللي نامت ومحستش بنفسها من الملل والحبسة 

سيف رنا بتعمل ايه ف العربية ويعني ايه انت نسيتها ف العربية عندك تفسير لدا 

سيف علشان يتهرب من امه 

مش وقته يا ماما نخرجها بس من العربية ونتكلم بعدين 

مريم زعقت 

هو ايه اللي مش وقته انت كل مرة تعمل مصيبة في البنت وتتهرب منها انت حابسها في العربية يا سيف اتكلم لا وكمان جالك قلب طالع تنام بكل برود وتسيبها هنا ف الضلمة دي 

زياد وصل ومعاه المفتاح ولما فتحوا لقوا رنا نايمة مريم اول واحدة دخلت العربية فضلت تفوق فيها 

رنا رنا انتي كويسة سامعاني يا حبيبتي 

رنا قامت بخضة 

ايه في ايه.. ايه اللي حصل.. انا فين 

مريم براحة 

الحمد لله انها بخير

ولما رنا ادركت هي فين قالت 

يا خبر انا نمت ازاي... الفون فصل شحن وكنت قاعدة ملانة فنمت ومحستش بنفسي 

مريم اخدتها ف حضنها وعيطت 

انا اسفة اسفة يا حبيبتي حقك عليا انا 

رنا بتفهم 

بتعيطي ليه بس يا طنط حصل ايه لكل دا انا كويسة والله اسفة اني قلقتك عليا الوقت اتأخر مش كدا!! 

ايه 

يا حبيبتي يا رنا كلنا قلقنا عليكي 

مريم

تعالى ندخل جوا يلا علشان ترتاحي 

سيف كان واقف عند العربية مش عارف يتكلم يقول ايه حماقته كل مرة بتزيد وهو مش عارف ايه سبب اللي بيعمله دا 

مريم بصتله بحدة وانزعاج 

اوعى من عند العربية خلينا نعدى

سيف وسع المكان لامه تخرج مع رنا ومنطقش بحرف 

فرنا قالتله بانزعاج 

كويس انك نسيت التكييف مفتوح والا كنت موتت مخنوقة جوا العربية طول الوقت دا يا ابن عمي 

سيف بصلها بأسف واتهرب من عيونها اللي بتلومه 

رنا مشيت لجوا مع مريم وايه 

وزياد فضل مع سيف عند العربية 

عاجبك اللي عملته دا 

سيف خبط بإيده ع العربية 

مش عايز اسمع صوتك دلوقتي مش عايز اسمع صوت اي بني ادم عموما... انا ازاي نمت وسبتها ف العربية انا نسيتها تماما ازاي عملت كدا ازاي جالي قلب 

زياد قرب منه وهمسله 

انت معندكش قلب فعلا اللي عنده قلب ومشاعر مبيعذبش اللي بيحبه كدا.. راجع نفسك وحساباتك من تاني يا ابن عمي 

قالها زياد وراح عند عربيته اللي ع البوابة وركبها ومشي بعد ما اتطمن على رنا 

❈-❈-❈

عند رنا ف اوضتها 

مريم قالت احكيلي بالظبط سيف عمل معاكي ايه 

رنا بهدوء 

مفيش حاجة مستاهلة يا ماما مريم متقلقيش الوقت اتأخر ومن الواضح كدا انكم قلقتم عليا ومكنتوش تعرفوا مكاني بدليل الصدمة والفرحة ف نفس الوقت اللي شوفتها وقت ما فوقت من النوم 

مريم 

رنا حقك عليا عارفة ان سيف زعلك 

رنا 

هي يعني اول مرة يا ماما.. اتفضلي يا حبيبتي نامي وارتاحي شكلك مرهق اوي 

مريم 

رنا انا عارفة انك زعلانة بالله عليكي متزعليش ميهونش عليا زعلك ابدا

رنا حضنتها 

وانا علشان كلامك اللي طالع من قلبك دا وخوفك عليا كأني بنتك الحقيقية فعلا والله مش زعلانة حصل خير هعدي الموضوع كأنه لم يكن بس اعذريني لو اتكرر تاني انا مش هسكت 

مريم 

مش هيتكرر ان شاء الله ربنا يكملك بعقلك يا بنتي ويهدي سيف ويرجعه لعقله والله يا رنا مكانش كدا ابدا

ايه 

اه والله يا رنا سيف مش كدا خالص عمره ما كان قاسي ولا عصبي دا كان بيتخانق مع زياد لو مد ايده عليا ويقوله البنات مبيضربوش البنات تتعامل برقة معرفش اتغير كدا ازاي واشمعنى معاكي انتي 

رنا 

مفيش حد بيفضل ع حاله يا ايه.. كبري دماغك منه 

ايه 

مش يمكن دي غيرة عليكي يا رنا 

رنا رفعت حاجبها 

نعم!! ايه لو سمحتي سيف ابن عمي خاطب وقريب هيحدد فرحه بلاش نكون احنا مصدر في اي مشاكل ليه انا عارفة سيف بيعمل كدا ليه.. كل دا من إحساسه بالمسؤولية تجاهي.. سيف عايز يثبتلي اني مسؤولة منه عايز يشوفني وانا بعتبره ولي امري وبستأذنه حتى ف النفس اللي بتنفسه .. بس للاسف طلع غلطان لاني عاهدت نفسي اني مش هبقى لعبة ف ايد حد تاني ومحدش هيتحكم فيا ابدا 

مريم قالت باسى لان الموضوع بيتأزم اكتر وهي مش عايزة دا

يمكن ايه معاها حق مش زي ما انتي بتفكري يا رنا... سيف ميعملش كدا الا إذا كان بيحب وبيغير كمان 

رنا 

ماما مريم يا حبيبتي انا عارفة ان حضرتك بتحبيني علشان كدا نفسك انا اكون مرات ابنك بدل لي لي اللي مش بتنزل لحضرتك من زور بس اسفة سيف ابن عمي مش الشخص اللي رسمته في مخيلتي انه يكون فارس احلامي 

مريم وايه بصوا لبعض بقلة حيلة 

مريم اتنهدت وقالت 

زي ما تحبي يا رنوش مش هنتكلم ف الموضوع دا تاني يلا تصبحوا ع خير يلا يا ايه علشان تنامي انتي كمان

رنا 

ماما مريم انا اسفة مش عايزة حضرتك تزعلي مني..

مريم بابتسامة 

عمري ما ازعل منك ابدا يا قلب ماما مريم 

❈-❈-❈

رنا معرفتش تنام طول الليل من كتر التفكير في كلامهم هل فعلا سيف بيحبها!!! وكل اللي بيعمله معاها مجرد رد فعل ناتج عن غيرته عليها

دماغها وجعها من كتر التفكير ومنامتش الا الساعه ٦ الصبح 

وع الساعا ٧ جالها اتصال من امها سماح اللي فضلت هي كمان طول الليل قلقانة على بنتها وما صدقت النهار يطلع علشان تكلمها وتتصل تطمن عليها 

فردت رنا بنوم 

صباح الخير يا ماما خير يا حبيبتي انتي كويسة اول مرة تتصلي بدري كدا 

اتنهدت سماح براحة لما سمعت صوت بنتها 

حبيبتي انا صحيتك من نومك معلش 

رنا 

لا ابدا عادي يا ماما خير يا حبيبتي عمي عزت زعلك!! 

سماح 

لا يا روحي مفيش حاجة انا اللي اتصلت اتطمن عليكي بس .. روحي يا غالية كملي نومك نوم الهنا والعافية 

رنا 

حبيبتي يا ماما وحشتيني اوي نفسي اضمك لحضني 

سماح 

هانت يا قلبي ومحدش يفرقنا ابدا 

رنا 

ان شاء الله يا ماما 

وبعد اتصال سماح

 رنا معرفتش تنام تاني خلاص علشان كدا عزمت ع انها تنفذ اللي قررته طول الليل فنزلت بعد ما لمت شنطتها 

دورت ع مريم تحت ملقتهاش فعرفت انها لسه نايمة فقررت متعملش ليها ازعاج وتبقى تتصل بيها تكلمها وقت تاني 

وقالت ف نفسها 

انا اسفة جايز كلامك صح يا ماما مريم انا استحالة اخرب حياة حد علشان كدا انا لازم امشي من هنا

ولما خرجت من البوابة الداخلية وجت تفتح البوابة علشان تخرج 

سمعت صوته بيقول 

ع فين يا هانم هي تكية من غير بواب ولا ايه وايه الشنطة اللي معاكي دي 

رنا بصت على صاحب الصوت لقته شعره منعكش وهدومه مش مظبطة وع شعره وهدومه اثار نومه على العشب ف الحديقة ولسه هترد لقته بيقول وهو بيزعق 

مفيش فايدة فيكي كل مرة عايزة تخرجي من غير اذني يعني حبسي وعقابي ليكي معملوش فيكي حاجة مش عايزة تتعلمي الدرس ابدا 

رنا 

اشوف وشك بخير يا ابن عمي انا قررت اني هكمل بقيت الفترة اللي اتفقنا عليها بعيد عن هنا وطبعا عمي ميعرفش حاجة عن دا 

سيف بعصبية 

قرارك دا تبليه وتشربي ميته لانك مش هتعملي بيه طول ما انا موجود يلا اتفضلي ع اوضتك حالا ولا اقولك ع اوضتك ايه دا وقت الشغل يلا ع الشركة 

قالها وشدها من ايديها ومشي بيها ع عربيته 

رنا انفجرت ف الضحك 

وانت بقا هتروح شركتك يا سيادة المدير بمنظرك دا 

سيف بانزعاج 

ماله يعني منظر...

ولسه هيكمل بص على نفسه فاتصدم 

يخص ايه الهيئة المزرية اللي انا فيها دي

رنا هزت دماغها 

اه اتفضل غير هدومك وانا هنتظرك هنا يلا 

سيف 

بطلي عبط بتكلمي طفل انتي اتفضلي قدامي لحد ما اغير هدومي 

رنا بجدية

سيف يا ابن عمي انا مش داخلة البيت دا تاني 

سيف اتعصب 

سمعيني قولتي ايه تاني كدا كرري اللي قولتيه

رنا 

ايه بقيت اطرش يا ابن عمي مش سامع كلامي وانا واقفة جنبك؟؟ 

سيف زعق 

رنا بطلي عبط بقا تمشي تروحي فين 

رنا 

اي مكان انت مش فيه يا ابن عمي ارتحت كدا 

سيف 

قولتلك لما السنة تخلص وتستلمي ورثك غير كدا مش هيحصل ومش هسمحلك ابدا

جت رنا ترد فقال بتحذير 

لو اتكلمتي نص كلمة هتصل بطنط سماح واقولها وشوفي بقا هتقولك ايه 

رنا بغيظ 

بتمسكني من ايدي اللي بتوجعني يا سيف 

سيف 

اه ولو حصلت هقرص عليها كمان 

رنا بصتله بانزعاج وطلعت ع فوق وهي بتقول 

طلعلي الشنطة انت بقا اتحرك

وبالفعل سيف شال الشنطة وهو مبتسم فتح باب اوضتها من غير استئذان كالعادة فزعقت 

متخلف متخلف بجد انت يا بني ادم متعلمتش تخبط قبل كدا 

سيف بعند 

لا ... واجهزي علشان انا دقيقتين بالظبط وهكون عندك 

رنا مهتمتش بكلامه 

لكن بعد دقيقتين بالظبط لقته عندها 

شهقت بصدمة 

يخربيتك لحقت تجهز بالسرعة دي 

سيف بغرور 

طبعا اومال زيكوا تفضلوا تجهزوا ف ٣ ساعات 

رنا 

دمك تقيل على فكرة 

سيف 

خليت الدم الخفيف ليكي يلا 

رنا 

يلا ايه انت كمان 

سيف 

انتي عبيطة يا بنتي مش قولت رايحين الشركة 

رنا 

لا بقولك ايه رجوع للبيت ورجعت مرغمة علشان ماما متزعلش لكن رجوع للشركة مش هيحصل 

سيف قرب منها وشالها بغتة منها وقال 

لو مجتيش بالزوق هتيجي بالعافية ومستعد اطلعك الشركة وانا شايلك كدا ايه رايك 

رنا بحرج 

لا لا نزلني هاجي معاك يخربيت جنانك بجد انت كدا ازاي 

سيف

 هو كدا دا اللي عندي لما تشوف هتسمعي الكلام ولا لا 

مريم صحيت من النوم ع صوت دوشة فجت لاوضة رنا 

 قالت خير ف ايه يا ولاد في ايه يا رنا

ولما شافت سيف شايل رنا فرحت 

رنا بحرج 

ماما مريم خليه يبطل عبط وينزلني 

سيف 

مش هنزلك الا لما تقولي انك جاية معايا الشركة 

رنا 

ما قولت جاية جاية يا متخلف نزلني بقا 

سيف 

بتقلي ادبك عليا طيب مش هنزلك 

رنا بصراخ 

اسفة اسفة نزلني بقااااااا 

سيف نزلها وهو بيحط ايده ع ودانه 

سمعتك منك لله خرمتي ودني بصوتك المسرسع دا 

مريم كانت هتطير من الفرحة بسبب مشاكساتهم دي فقالت وهي بتحاول تتكلم بجدية 

سيف ايه اللي بتعمله دا ميصحش كدا 

سيف 

قدامي على الشركة يلا 

رنا 

شايفة يا ماما اسلوبه دا معايا مش دا الاتفاق ابدا 

سيف 

انا قولت ايه اشيلك تاني ولا ايه .. الظاهر انتي حبيتي كدا 

رنا بعصبية 

بردو شايفه تفكيره العقيم 

سيف 

رنا طولة لسان مش عايز 

رنا 

اوف منك بقا انا زهقت طب والله العظيم لو جيت معاك الشركة لأوريك يا سيف 

سيف 

ايوا هو دا الكلام وريني مين هي الار ام 

رنا 

لا مش راجعة الشركة غير وانا نائبة رئيس مجلس الإدارة 

سيف 

نعم يا ختي؟؟؟ حتة عيلة زيك تكون نائبة رئيس مجلس الإدارة ليه دا انا معملتهاش مع صاحب عمري 

رنا 

والله دا شرطي الوحيد علشان تتردلي كرامتي اللي حضرتك هدرتها في الشركة ودا أقل حاجة تتعمل معايا 

سيف اخد نفس عميق بزهق 

ايه رايك يا ماما ف الكلام بتاعها دا 

مريم 

انت هتدخلني في موضوعك دا ليه انت اللي غلطت في حقها ومش مرة واحدة دا اكتر من مرة يبقى دا اقل واجب تعمله معاه كاعتذار ليها 

سيف نفخ بغيظ

ماشي يا رنا موافق اتنيلي قدامي ع الشركة 

رنا فرحت انها قدرت ترد ولو جزء بسيط من كرامتها المهدورة 

مريم 

طيب استنى افطروا الاول لسه بدري على فكرة 

سيف 

لا فطار ايه نائبة المدير وراها شغل كتير يلا قدامي 

رنا 

مع السلامة يا ماما ابقي اتصلي اتطمني عليا ابنك مجنون مش مضمون حقيقي 

مريم بتحذير لسيف 

سيف انا بحذرك ... خد بالك من بنت عمك انت فاهم 

سيف بزهق 

ماشي يا ماما هعمل فيها ايه يعني دا انا اخدها الشركة

ولما جه يركب العربية لقاها رايحة بعيد 

رايحة فين يا بنتي العربية اهي ما تركبي 

رنا 

معايا عربيتي اركب عربيتك ليه.. يلا يا عمو اتفضل اطلع ع الشركة 

سيف بصلها بغيظ بعدين همس للسواق والسواق هزله راسه 

رنا ف نفسها 

غريبة بيقوله ايه دا 

ولما اتحركت عربية رنا ووراها عربية سيف 

لاحظت رنا أن العربية ماشية ف طريق مختلف فقالت 

احنا رايحين فين اكيد دي اوامر سيف مش كدا 

السواق بالظبط يا هانم وخلاص قربنا نوصل 

ولما وصل لمطعم شهير قال السواق وصلنا اتفضلي يا هانم 

جت رنا تفتح الباب وتخرج لقت سيف بيفتح لها الباب وبيقول يلا انزلي 

رنا 

انزل فين 

سيف 

مش طالبة غباء هي اظن اننا نازلين ع مطعم يبقى هنفطر انزلي اخلصي 

رنا بحدة

ممكن تتكلم معايا بزوق شوية من فضلك بعدين انت قولت رايحين الشركة ايه اللي جابنا المطعم 

سيف 

مبعرفش اشتغل من غير ما افطر ايه مفطرش 

رنا 

طب ما تفطر هو حد ماسكك انا دخلي ايه تجيبني معاك هنا ليه 

سيف 

لا طبعا ميصحش افطر واسيب بنت عمي جعانة تؤتؤ استحالة

رنا 

ومين قالك اني جعانة يا بني آدم هو انا اشتكيتلك!! 

سيف 

لا طبعا مش محتاجة تقولي دي مسألة زوق يلا اتفضلي 

رنا هزت دماغها بيأس مفيش فايدة ودخلت معاه

وبالفعل سيف طلب ليهم فطار وفطروا وبعد كدا كل واحد راح ع عربيته ووصلوا لحد الشركة 

اول ما رنا نزلت من العربية سيف قال 

حصليني ع مكتبي علشان اقولك التعليمات الجديدة وايه المطلوب منك بالظبط علشان من هنا ورايح شغلك هيكون معايا وتحت إشرافي مباشرة 

قالها وسابها ومشي فرنا قالت بصوت مسموع 

مغرور 

فاتفاجئت بيه قدامها وبيقول 

سمعتك على فكرة 

رنا شهقت بصدمة لانها متخيلتش انه يسمعها 

فانفجر سيف ف الضحك وهو داخل للشركة 

فنفخت رنا بغيظ ودخلت وراه وطلعت ع مكتبه وخبطت 

فسمعت صوت سيف 

ادخل 

فلما دخلت رنا 

قال تعالي يا رنا اقعدي لحظة بس اخلص اللي ف ايدي واكون معاكي .. امسكي كدا الملفات دي بصي عليها لحد ما اخلص

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏