قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

رنا فضلت ترمش كم مرة مش مستوعبة اللي عمله ولما فاقت من صدمتها زعقت 

انت مجنون ازاي تمد ايدك عليا.. ازاي تعملها انت مفكر نفسك مين علشان تمد ايدك عليا وتضربني انا مسمحلكش بدا ابدا حتى لو كنت مين انت فاهم 

سيف 

اضربك واكسر دماغك كمان ومستعد دلوقتي حالا..انتي مش هتدوري ع حل شعرك وانا افضل ساكت... مش اريال انا ولا بقرون ...انا اللي هعلمك الادب يا رنا 

مريم اتدخلت

 سيف انت بتقول ايه اسكت بقا حرام عليك دي بنت عمك ميصحش كدا ارجوك اعتذر ليها فورا 

هنا سيف طلع موبايله وخرج الصورة وقال 

بردو مصدقاها يا ماما بردو بتدافعي عنها طيب تقولي ايه بعد الصورة دي ولا تنكري كمان يا انسة رنا ان دي مش صورتك ها انكري لو تقدري لا وعاملة فيها المديرة الغامضة اللي مفيش منها وهي طلعت كل دا لابسة قناع علشان تخفي هويتها وتعمل ما بدالها وتنزل تقابل اللي هي عايزاه هي حصلت بالاحضان كمان يا ترى بعتي نفسك بكام يا بنت عمي 

هنا رنا متحملتش ورفعت ايديها علشان تضربه بالقلم 

انت مبتفهمش وأنسان وقح وانا مش هسمحلك ابدا 

سيف مسك ايديها قبل ما توصل لوشه وزعق لحدة 

كرريها تاني وانا اقطعلك ايديكي يا رنا 

مريم 

سيف يا ابني اهدى الموضوع مش زي ما انت فاهم اللي ف الصورة دا يبقى اا 

رنا مسكت ايديها وهزت دماغها لانها مكتملش 

فسكتت مريم 

ورنا اخدت بعضها وطلعت بسرعا ع اوضتها 

مريم بلوم 

ازاي تعمل كدا ف بنت عمك وتضربها وبالقلم على وشها هي حصلت يا ابني 

سيف 

عايزاني اعمل ايه اطبطب عليها مثلا بعد اللي عملته... امها سايبها معايا امانة وسيادتها رايحة مفكرة الحرية غلط 

مريم 

انت مش فاهم حاجة يا سيف 

سيف 

مش فاهم ايه بالظبط يا امي ارجوكي فوقي بقا وشوفيها صح انا شوفت كل حاجة بعيني رنا لو ملحقتهاش ممكن تضيع نفسها ومحدش هيقفلها غيري 

مريم زهقت منه ومن كلامه وسابته وطلعت لرنا 

رنا ف الوقت دا كانت دخلت ولمت هدومها بعشوائية وهي بتتكلم ف الفون وهي بتعيط 

ماما انا هاجي اخدك ونعيش انا وانتي سوا لوحدنا بعيد عنهم 

امها 

في ايه يا رنا حصل ايه يا بنتي انتي اتخانقتي مع سيف ولا ايه 

رنا 

ماما اطلبي الطلاق من عمي وتعالي هنعيش سوا متخافيش انا هعرف اشتغل وهصرف علينا متقلقيش 

امها 

بتقولي ايه يا رنا طلاق ايه اللي بتقولي عليه لو دا حصل قبل ما تاخدي ورثك يبقى قولي عليه يا رحمن يا رحيم 

رنا 

مش عايزة حاجة سيبهوله يشبع بيه المهم حريتنا احنا ارجوكي يا ماما انا هعدي عليكي اخدك ولو مرضيش يطلقك انا هرفع عليه قضية خلع المهم اخلصك منه 

الام 

لا يا رنا مش هيحصل وانتي مش هتسيبي سيف وترجعي ع هنا وانا مش جايا معاكي اي مكان انا مضحتش بعمري كله وصبرت انا وانتي كل دا علشان ف الاخر تضيعي ورثك ع الفاضي... لسه بس ست شهور وتستلمي كل فلوسك اصبري وانا كمان هصبر صبرنا كتير مش هنعرف نصبر الشوية دول كمان 

رنا 

انا مش متحملة افضل معاه يوم واحد ف نفس البيت تقوليلي ست شهور يا ماما 

الام 

اسمعي الكلام يا رنا واعملي اللي بقولك عليه متضعيش كل حاجة في لحظة غضب يا بنتي اسمعي الكلام 

امها قفلت السكة ورنا فضلت تعيط ولما خلصت لم هدومها 

سمعت مريم بتخبط 

رنا افتحي ارجوكي حقك عليا انا والله هخليه يعتذرلك بنفسه رنا افتحي لماما مريم يا رنا 

رنا فتحت الباب ومسحت دموعها لانها متحبش حد يشوف دموعها وقالت وهي بتحضن مريم 

اشوف وشك ع خير يا ماما 

مريم برقت 

ايه لا لا متقوليش كدا يا رنا انتي مش هتمشي عايزة تروحي فين انا مش هسمحلك ترجعي لعمك لا استحالة 

رنا 

متخافيش مش راجعة لعمي ابدا بس خلاص مبقاش ينفع اعيش ف البيت دا 

مريم 

عارفة ان سيف غلطان وغلط كبير كمان وانه زودها بس بالله عليكي انتي عايزة تمشي وتسبيني طب اهون عليكي 

رنا 

ابدا والله مش هتهوني ابدا بس خروجي من هنا ع عيني لكن الوضع استحال اني افضل هنا بعض اللي ابن عمي عمله.. كنت مفكراه مختلف طلع نفس النسخة مختلفش حاجة عن عمه 

مريم 

لا ابدا يا رنا سيف عمره ما كان قاسي معرفش ايه جراله صدقيني 

رنا مصدقاكي يا ماما بس واضح انه هو اتغير بعد وجودي علشان كدا همشي علشان يرجع للي كان عليه عن اذنك يا امي هتوحشيني 

مريم ببكا 

لا يا رنا بالله عليكي متمشيش يا بنتي بعد ما حبيتك واتعودت ع وجودك حقك عليا انا 

رنا باست راسها 

حقك على راسي والله حضرتك احتضنتيني ف بيتك وفتحتيلي قلبك واعتبرتيني زي بنتك لا يمكن انسى ظا ابدا بس سامحيني مقدرش افضل هنا انا اسفة 

❈-❈-❈

في الوقت دا سمعوا صوت سيف بيقول بحدة 

على فين مين اللي هيسمحلك تمشي من هنا هي وكالة من غير بواب ولا ايه وايه شنطة الهدوم دي كمان... دخلي كل حاجة جوة واياكي تخطي من عتبة باب الفيلا بدون اذني انتي فاهمة من هنا ورايح مفيش خروج خالص من غير اذني 

رنا 

متنساش نفسك يا ابن عمي وان كان ع اتفاقك مع امي انا بحلك منه تماما ولا كأنك قولت حاجة وموضوع اني همشي دا لا مفر منه 

سيف 

ايه كل دا علشان ضربتك وايه يعني لما اكون المسؤول عنك وبربيكي 

رنا 

انا متربية كويس ومسمحلكش تعيب فيا اكتر من كدا اوعا كدا من وشي 

سيف 

قولت مفيش خروج من هنا انتي مبتفهميش ان مكانش بحكم انك مسؤولة مني فأنتي مراتي ولا ناسية كتب كتابنا قدام امك وعمي 

رنا 

قصدك ع الاتفاق دا قولتك انا بحلك منه يا سيف انسى اي حاجة حصلت مش هفضل هنا لحظة طول ما انت شاكك فيا وف اخلاقي 

سيف 

رنا احنا نص الليل تخرجي فين بطلي عبط بقا وادخلي ع اوضتك اخلصي ولا تحبي اقفل عليكي الباب بالمفتاح علشان ترتاحي وانا اقدر كويس اوي اعملها 

رنا 

انت اتجننت رسمي مش كدا

سيف 

الجنان لسه هتشوفيه قدام ادخلي اوضتك ودخلي شنطك دي اتفضلي يلاااا 

رنا بصتله بعند 

مش داخلة ومش قاعدة هنا لحظة ووريني هتعمل ليه 

سيف حاول يتحكم ف أعصابه وقال لامه 

هديها يا امي بدل ما افقد اعصابي عليها 

وسابهم ومشي 

رنا الله يهديكي ادخلي الاوضة وخرجي موضوع خروجك من هنا من دماغك الفترة دي يا بنتي هانت كلها فترة صغيرة وتخلصي من تحكم عمك 

رنا بعصبية 

انتي كمان يا ماما هتقولي نفس الكلام عايزني كل مرة اتنازل عن حقي.. انضرب وانظلم واسكت لحد امتا لحد امتا الوضع دا انا تعبت .. تعبت بجد 

مريم 

هخليكي تنتقمي من اللي حصل سيف غلط فعلا ف حقك واهانك وانا نفسي مش هسمح بدا يحصل تاني لكن اللي مصبرني اني اتأكدت من حاجة ف دماغي ومن خلالها هعمل الهجوم المضاد 

رنا 

حضرتك بتقولي ايه انا مش فاهمة حاجة 

مريم 

مش شرط تفهمي دلوقتي انا هبقا افهمك بعدين.. اسمعي انتي مش قاعدة مع سيف انتي قاعدة معايا انا وان كان ع سيف واللي عمله مش هتتواجدي ف مكان هو فيه ابدا ها كدا مرضية ارجوكي يا رنا اسمعي الكلام واقعدي بقا 

رنا 

حاضر يا ماما هسمع كلامكم وهصبر ست شهور وبس مش هصبر غير كدا وبعدها هوقف كل واحد منهم عند حده

مريم 

ايوا كدا يا حبيبتي هي دي رنا القوية اللي اعرفها 

❈-❈-❈

فضلت مريم مع رنا طول الليل نايمة جنبها 

وتاني يوم الصبح لما حضرتك الفطار طلعت لرنا 

رنوش هتنزلي تفطري معايا تحت 

رنا 

لا بالهنا حضرتك انا مش هنزل تحت ومش هحتك بسيف ابدا دا غير ان مليش نفس أفطر دلوقتي لما اجوع هطلب من الشغالة تطلعي الأكل فوق 

مريم 

ماشي يا رنوش مش هغصب عليكي هسيبك براحتك 

ولما نزلت مريم وقعدت ع السفرة 

نزل سيف 

صباح الخير يا ماما قاعدة لوحدك ليه 

مريم مبصتلوش وردت بجمود 

صباح النور 

سيف 

ايه مالك دا انتي حتى مش بتبصي ف وشي 

مريم بعصبية

مش عايزة ابص في وشك يا سيف انا حرة انت هتجبرني ولا ايه 

سيف 

طيب طيب يا امي خلاص انا اسف.. ممكن اقعد افطر معاكي ولا مش عايزاني كمان اقعد افطر 

مريم 

ما تقعد هو انا ماسكاك 

سيف 

يااه حضرتك الظاهر شايلة مني اوي 

مريم 

سيبني ساكتة يا سيف بدل ما افتح فيك ع الصبح 

سيف 

خلاص يا ماما هسكت هسكت... بس هي، فين رنا منزلتش تفطر ليه 

مريم بانزعاج 

يعني تفتكر هتنزل علشان تفطر بعد اللي انت عملته فيها دي مش طايقة تشوف خلقتك والحمد لله انها اتراجعت عن انها تسيب البيت 

سيف نادى للشغالة 

اطلعي قولي لرنا تنزل تفطر حالا 

الشغالة حاضر يا سيف بيه 

ولما طلعت الشغالة 

رنا هانم سيف بيه بيقولك انزلي افطري حالا 

رنا 

قولي له بتقولك مش هتنزل ومش هتجبرها على دا ابدا 

الشغالة نزلت قالت الكلام دا لسيف اللي اتعصب وقال 

بقا كدا بتتحديني طيب يا رنا هتشوفي 

مريم كانت بتشرب قهوتها سابتها بسرعة وقامت نادت ع سيف 

سيف ارجوك انت رايح فين يا سييييف 

سيف مردش ع امه وطلع لاوضة رنا ودخلها من غير استئذان 

رنا زعقت 

يا بني ادم انت ازاي تفتح الباب من غير اسئذان 

سيف مهتمش لزعيقها وقال 

انزلي افطري يلا 

رنا 

مش هنزل وبطل بقا اسلوبك دا وملكش دعوة بيا انت فاهم انا اللي مصبرني عليك ماما مريم وبس متتجاوزش حدودك معايا يا ابن عمي 

سيف 

انا مش ابن عمك وبس انا جوزك كمان يا هانم ولا نسيتي 

رنا 

الظاهر انك انت اللي نسيت انه مجرد كلام بس علشان عمي يوافق امشي من بيته فبلاش عقلك يهيئلك اي حاجات تانية لانه دا مكانش اتفاقنا 

سيف 

الجواز جواز يا بنت عمي مفيهوش هزار او اتفاقات .. انزلي يلا علشان تفطري 

رنا 

وبعدين بقا اتفضل اطلع برا اوضتي والظاهر كدا انا لازم اقفل عليا الباب طول الوقت علشان المتطفلين امثالك 

سيف وهو مش فاهم ليه بيعمل كدا 

بقا كدا طيب متلوميش الا نفسك 

قالها وشالها وهي مش متوقعة انه يعمل فيها كدا 

ففضلت تصرخ عاااا سيف انت اتجننت نزلني يا سيف.. سيف الموضوع دا مفيهوش هزار نزلني يا متخلف انت 

سيف قلي ادبك كمان وطولي لسانك يا رنا علشان اربيكي من اول وجديد 

قالها ونزل بيها ع تحت وسط صراخها وضربها ليه لكنه منزلهاش الا لما وصل للسفرة وقعدها بهدوء ع الكرسي 

رنا 

انت انسان همجي ومتخلف وقليل الزوق كمان والله العظيم لو كررتها مش هيحصل كويس انت فاهم 

سيف 

اشش كلي وانتي ساكتة انتي اللي جنيتي ع نفسك قولتك انزلي كلي مسمعتيش الكلام ليه وع فكرة كل مرة متسمعيش الكلام فيها هتتعاقبي بالشكل دا 

رنا بعصبية 

ماما مريم شوفي ابنك بيعمل ايه الظاهر فقد عقله خلاص

مريم كانت هتموت من الفرحة لانها شايفة اهتمام سيف برنا وتعلقه واعجابه الظاهر ليها لكنها أخفت اعجابها وقالت 

سيف انت بتعمل ايه 

سيف 

ايه يا ماما عملت ايه بس .. هي عاملة زي الاطفال بتغضب على الأكل.. وانا كنت مفكرها عقلة وزرينة ومش من النوع دا.. الحق عليا خايف عليها وعايزها تفطر!! 

رنا قامت وقفت 

دا انسان مجنون مكانه مش هنا يا ماما مكانه المصحة للامراض العقلية بجد .. دا جراله حاجة ف عقله..

قالتها وجت تقوم قال 

جربي بس تقومي من مكانك يا رنا وانا هعمل اللي مش هتتوقعيه ومش هيهمني حد 

رنا كانت هتتجنن منه ولسه هتصرخ ف وشه 

سمعوا اللي بيزعق ويعيط ويقول 

لا لا استحالة اقعد معاهم تاني يا انطي انطي مريم الحقيني انا تعبت منهم يا انطي ارجوكي 

وزياد وراها 

ايه بطلي بقا وتعالي معايا 

ايه 

مش جاية معاك في مكان وربنا هصوت وهلم عليك الدنيا يا زياد وهقول انك مش اخويا وشوف هيعملوا فيك ايه 

زياد والله العظيم انتي مجنونة وتستاهلي الضرب كمان 

ايه 

سامعة سامعة يا انطي اللي بيقوله زياد انا لا يمكن اقعد معاهم تاني 

هنا مريم كانت قامت بسرعا اول ما سمعت صوت بنت اختها 

ايه في ايه يا ايه يا حبيبتي مالك فيه ايه يا زياد عملت ايه لاختك تاني 

ايه 

قولي يا انطي معملش ايه دا انسان متخلف طول الوقت شاكك فيا ومش واثق ف اي حاجة بعملها بكلم حد يقولي بتكلمي مين ويفكر اني بكلم شباب قولت عايزة اخرج يقولي هتخرجي تقابلي شباب ..اي نفس بتنفسه بيشك فيا وبيضربني دا انسان متخلف .. هو اللي مربيني ومع ذلك بيشك فيا انا اتخنقت منه ومش قاعدة معاه ف بيت واحد انا هفضل عندك هنا يا انطي بليز اقنعي ماما توافق علشان هي لو موافقتش انا هنتحر وهيريحكم مني خالص 

زياد 

سامعة يا خالتو الكلام العبيط دا 

مريم 

اسكت انت خالص دلوقتي تعالي يا يويو يا حبيبتي متزعليش حقك عليا انا 

سيف 

تعالى يا مصيبة عملت ايه 

هنا جت رنا واتدخلت لما سمعت الحوار وقالت 

انا اسفة لتدخلي يا استاذ زياد بس حضرتك اللي غلطان مع احترامي لشخصك بس ممكن تسمعني من الواضح ان حضرتك الاخ الأكبر لأيه كان بدل ما تستخدم اسلوب الشك معاها والتخويف بالطريقة دي وتضربها .. حضرتك كان ممكن تحتويها بحنانك وعطفك اه من اللازم تخاف عليها وتتابع هي بتعمل ايه كويس وتنتبه عليها لكن اسلوب حضرتك غلط .. كان ممكن تدخل اوضتها بابتسامة وتقعد تهزر معاها وتضحك معاها وبتكلمي مين يا ايه طيب وريني كدا الشات اشوفه طيب احكيلي دي مين واسمها ايه وقابلتي مين النهاردة.. باسلوب خالي من الشك كله ود وتودد هتلاقيها بنفسها بتحكيلك كل حاجة ومش بتخبي عنك حاجة مش خوف منها انما حبا فيك ولانك بقيت صاحبها فاهمني العنف والضرب مش كل حاجة.. الأسلوب اللين الهين هو اللي بيأثر صدقني 

قالت دا وبصت لسيف لانها حابة توصل ليه الرسالة هو كمان 

دا غير ان لو حضرتك سلكت طريق الشك مش هتعرف تطلع منه... الشك بيخليك مش قادر تتقبل اي تصرف منها وهتخلي دماغك توديك لافكار تانية بعيدة تماما عن الصحة حتى لو كان الموقف عادي فبلاش تتجه للاتجاه دا وزي ما قولت لحضرتك صاحب اختك وخليها تحبك وتتعود عليك علشان متخسرهاش وبعدين تندم في الاخر

قالتها رنا وبعدين قربت من ايه 

يا روحي متزعليش انتي عسولة خالص ايه رايك ممكن نبقى اصحاب 

ايه بابتسامة 

موافقة جدا.. بس انتي اللي قمر بجد انتي اسمك ايه 

رنا 

انا رنا يا يويو انتي لسه ف ثانوي مش كدا؟ 

ايه 

اه للاسف وثانوية عامة كمان 

رنا 

يا خبر دا مينفعش نضيع دقيقة واحدة منذاكرهاش 

ايه 

اعمله ايه مش عارفة اذاكر ولا بقيت احب المذاكرة اصلا عايزة اطفش من البيت بسببه 

رنا 

لا خلاص هو مش هيزعلك تاني تعالي نطلع نقعد ف اوضتي تريحي اعصابك 

مريم 

وانا هتصل بايناس اقولها انك هتفضلي عندنا هنا لفترة لحد ما اعصابك تهدى 

وفضل زياد وسيف قاعدين.. زياد كان بيفكر ف كلام رنا فقال 

مين دي يا سيف قريبتكم مش كدا 

سيف 

ايوا يا سيدي بنت عمي قوم هات حاجة اختك وكتبها علشان تقعد هنا لفترة 

زياد وهو بيفكر في رنا 

وانا كمان هقعد هنا معاها 

سيف 

نعم يا خويا تقعد هنا فين بقولك بنت عمي هنا قوم يالا غور من هنا اخلص 

زياد 

ما هو انا لو قومت من هنا هاخد اختي معايا مش همشي لوحدي لاما اقعد هنا مع اختي لإما خلاص 

سيف ضربه على كتفه 

ولا قوم من هنا وخد اختك معاك يلا انا اللي غلطان يلا هوينا

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏