رواية جديدة أحببتها دون أن أدري لأسماء عبد الهادي - الفصل 1 - الأحد 14/9/2025
قراءة رواية أحببتها دون أن أدري كاملة
تنشر حصريًا على مدونة رواية وحكاية قبل أي منصة أخرى
رواية أحببتها دون أن أدري
رواية جديدة قيد النشر
من قصص و روايات
الكاتبة أسماء عبد الهادي
الفصل الأول
تم النشر الأحد
14/9/2025
رنا كانت بتتحايل ع امها
ماما ارجوكي خلي عمي يوافق اكمل اخر سنة ليا ف الجامعة بالله عليكي
سماح
عمك مش معترض يا رنا كملي تعليمك براحتك يا بنتي
رنا
لا يا ماما انا طول عمري محبوسة ف البيت بتعلم منزلي المدرسين بيجولي لحد البيت او اون لاين حتى تعليمي الجامعي ولا مرة روحت فيها الحامعة الا ايام الامتحانات بس وبروح بالعربية والحراس ويادوب ف لجنة خاصة مش بشوف فيها حد ولما اخلص برجع ف نفس العربية انا زهقت من حياتي دي انا عمري ما اختلطت بحد ولا كان ليا صديق عايشة لوحدي لحد ما بقيت حاسة اني بموت بالبطىء يا ماما
سماح مسكت وش بنتها وقالت بخوف وحنان الام
لا بعيد الشر عنك يا حبيبتي متقوليش كدا دا انتي بنتي الوحيدة اللي طلعت بيها من الدنيا حاضر هكلمه وهترجاه علشانك بس بالله عليكي ما تزعلي يا حبيبتي
رنا حضنت امها
بحبك اوي يا ماما انتي الحاجة الحلوة اللي في حياتي ربنا يخليكي ليا
...
وبالليل لما رجع عمها عزت واللي اصبح زوج أمها بعد موت والدها
سماح اترجته
بقولك ايه ما تخلي البنت تكمل اخر سنة ليها ف الجامعا وسط زمايلها علشان تتعرف عليهم ويكون ليها خبرات البنت مختلطتش بحد طول عمرها في البيت ودا مش صح عليها
عزت بقسوة
انتي تحمدي ربنا اني موافق انها تكمل تعليمها اصلا قال تخرج من البيت قال انتي اتجننتي يا سماح
سماح
اتجننت ليه هو دا مش حق من حقوقها ولا انت عايز تدفنها بالحيا
عزت
ايوا ادفنها بالحيا لو حكمت انا ابوها وخايف عليها وبحميها عيلة المحمودي من اكبر العائلات ف مصر عايزاني اسيبها تخرج علشان تكون عرضة للخطر من اي غادر او خاين لا استحالة انتي نفسك ازاي تقولي كدا انتي مش خايفة ع بنتك
سماح
لا طبعا خايفة عايزة بس مش كدا مش بخنقتك وحبستك ليها دي كل حاجة بحدود يا عزت البنت زهقت لازم فعلا تخرج وتشوف الناس وتتعامل معاهم وتكتسب خبرات
عزت
عايزاني اخرجها علشان تدور ع حل شعرها وتجيبلي واحد طمعان في ثروتها علشان يتجوزها لا انتي بتحلمي
سماح
ليه بتقول كدا دا انت اللي مربيها يعني عارف اخلاقها كويس ورنا مؤدبة ومطيعة وعمرها ما تعمل خاجة تغضبك ابدا سيبها تروح اخر سنة دي وخلي الحراس معاها ف كل مكان يوصلوك اخبارها اول بأول بالله عليك
عزت
مش هيحصل وقولت لا يعني لا ولو الكلام ف الموضوع دا اتفتح تاني متلوموش الا نفسكم فاهمين
رنا كانت سامعة كل حاجة وفضلت تعيط
ليه ليه عمي يعمل فيا كدا انا تعبت بقا ليييييه
وعدى سنة على الحوار دا لحد ما رنا خلصت جامعتها واتخرجت من ادارة الأعمال بتقدير جيد جدا
في الوقت دا سماح كانت قاعدة ف اوضتها بتتكلم ف الفون
معاكي حق يا كريمة هو دا الحل المناسب رنا لازم تتجوز ابن خالتها يمكن يرحمها من بطش عمها وتحكمه الزايد فيها بنتي هتروح مني وانا مش هسمح بدا ابدا
كريمة
على خيرة الله انا هبعت سامح ابني وابوه يكلموه ويفاتحوه ف موضوع الجواز وربنا يقدم اللي فيه الخير
سماح يارب يا كريمة يارب بس سامح يخلي باله منها دي بنتي الوحيدة
كريمة
في عنينا يا سماح متقلقيش
وبالليل رجع عزت والغضب مالي وشه والشرر بيتطاير من عنيه
سماااح رنااااا تعالوا هنا بسرعا
خرجت رنا من اوضتها وسماح كمان وقالت بخوف
فيه ايه يا عزت خير مالك كدا داخل بزعابيبك ليه
عزت تجاهل كلام سماح ومد ايده مسك ايد رنا بحدة وزعق بقسوة
تعرفي سامح ابن خالتك منين يا بت انتي ولا شوفتيه فين انطقي
رنا بألم
اا سامح مين والله معرفوش يا عمي معرفوش
عزت
لا يا شيخة فكرك هيخيل عليا انا الكلام دا... اومال الواد جاي بكل جرأة يطلبك مني ع اساس ايه وهو عمره ما شافك ها
رنا
والله معرفوش معرفوش صدقني
سماح هنا اتدخلت وحاولت تبعد ايده عن بنتها
وفيها ايه لنا يطلب ايد رنا البنت كبرت وخلصت جامعة ايه هتفضل كدا من غير جواز ما هو مسيرها ف يوم من الايام تتجوز وتفتح بيت وتعمل اسرة ولا انت عايز تخلي بنتي عانس يا عزت
عزت ساب ايد رنا وقال
اه قولي بقا انك انتي اللي مخططة لكل دا عايزة ابن اختك يتجوز رنا علشان يكوش ع فلوسها لا انتي بتحلمي انتي واختك محدش فيهم هيطول مليم واحد من فلوسها انتوا فاهمين
سماح بنرفزة
بطل بقا الكلمة دي اللي علطول تقولها انت ايه البنت لازم تتجوز مينفعش اسيب بنتي كدا مدفونة بالحيا بين اربع حيطان دي حتى يا حبة عيني مش عارفة تتمتع بفلوسها انت متحكم فيها مخليها مش عارفة تتنفس يا شيخ حرام عليك ودلوقتي لما يجيلها عريس بتطفشه بحجة انه طمعان ف فلوسها طيب نعمل ايه نسيبها كدا
عزت
لو حصلت تفضل كدا ومتتجوزش انا موافق ولا انها تاخد حد يضحك عليها وياخد فلوسها
سماح
وليه ميكونش شاري البنت بالحلال يا عزت
عزت ضحك
ههه مفيش الكلام دا انتي بتحلمي انتي طيبة انتي وبنتك اوي وعلانياتكم مفيش حد مش طمعان في الفلوس ف الايام دي
سماح ف نفسها
والله محدش طمعان ف فلوسها غيرك حسبي الله ونعم الوكيل انا اللي غلطت لما وافقت اتجوزك بعد وفاة ابوها قولت عمها وهيرعاها وهيحميها وهيحافظ عليها وع فلوسها مش هيدفنها بالحيا علشان طمعان ف فلوسها منك لله هتضيع مني بنتي منك لله ربنا ينتقم منك زي ما كسرت بنتي بالشكل دا
في اوضة رنا كانت بتعيط
فلما دخلت امها
متزعليش يا رنا انتي عارفة عمك بيحبك وخايف عليكي كل اللي بيعمله دا من خوفه عليكي يا بنتي متزعليش حقك عليا انا
رنا
يا ماما انا مبقتش صغيرة ولا عبيطة علشان مفهمش اللي بيحصل قدامي بصي يا ماما لو كان عمي عايز فلوسي ياخدها كلها مش عايزاها بس يسيبنا ف حالنا نعيش براحتنا بقا ولو مرة ف حياتي قبل ما اموت بالله عليكي اعطيله كل حاجة مش عايزة حاجة ابدا منه
سماح سمعت كلام بنتها واتأثرت وفضلت تفكر ف حل لحد ما لقته اخيرا
فقالت انا عندي خطة
رنا
هتعملي ايه يا ماما هنهرب من هنا قوليلي هنعمل ايه انا تعبت
سماح
اصبري بس انفذها واقولك عليها
وبالفعل دخلت اوضتها وفضلت تدور ف الارقام اللي معاها
هي راحت فين انا فاكرة ان رقمه كان معايا هنا ااا اهو ايوا لقيته سيف المحمودي
ولما اتصلت بيه
الوا السلام عليكم ازيك يا مدام سماح اخبار حضرتك ايه واخبار عمي عزت هو كويس فيه حاجة حضرتك
سماح
الحقني يا سيف يا ابني دي مسألة حياة او موت
سيف بخضة
ايه في ايه يا مدام سماح حضرتك قلقتيني انا سامعك
سماح الاي هتكلم فيه مينفعش ابدا ف الموبايل انا لازم اقابلك يا سيف بس من غير ما عمك عزت يعرف
سيف
طيب حاضر انا مسافة السكة وجاي وربنا يستر
سماح ف نفسها
طول عمر احمد المحمدي طيب وكان كويس مع محمد اخوه الله يرحمه اكيد ابنه هيكون نسخة منه وهو اللي هينفقذ بنتي من عمها ايوا انا لازم اخليه يتدخل وينقذ رنا مش هينفع اسيب بنتي تضيع مني ولا حتى عمها ياخد ورثها ايوا هو دا الحل المناسب
وبعد ساعا بالظبط اتصل سيف بسماح
الوا ايوا يا مدام سماح انا برا واتأكدت ان عمي مش موجود ف البين حاليا اقدر ادخل
سماح بسرعة راحت فتحت ليه
تعالى تعالى يا سيف يا ابني اتفضل ادخل
سيف
في ايه يا مرات عمي انا سبت شغلي وحالي واشغالي وجيت علطول قلقتيني انتوا كويسين بنت عمي كويسة
سماح اقعد يا سيف اقعد بالله عليك... قولي انت فاكر رنا بنت عمك؟؟
سيف بإحراج
بصراحة لا مش فاكرها اخر مرة كان ف عزا عمي محمد الله يرحمه وكانت لسه طفلة صغيرة وبعدها سافرنا القاهرة ومجيناش هنا تاني.. اسف اننا مأثرين في حقكم بس الدنيا تلاهي ومع ذلك احنا فعلا مأثرين حقكم علينا
سماح اتنهدت بأسى
انتوا سبتوا بنت عمكم اليتيمة لوحدها يا سيف ومحدش فيكم سأل فيها
سيف
لوحدها ازاي اللي اعرفه ان حضرتك اتجوزتي عمي عزت علشان يهتم بيها ولا هو فيه حاجة غير كدا
سماح
عمك متسلط ع البنت يا سيف وشديد عليها حاسبها طول عمرها بين اربع حيطان ولا عمرها خرجت يا حبة عيني ولا شافت النور وكل دا لحجة انه خايف حد يضحك عليها وياخد فلوسها
سيف بصدمة
ايه.. انا اسف انا اول مرة اسمع كلام زي دا صدقيني مكنتش اعرف ليه عمي يعمل كدا فيه الف حل علشان يحميها غير كدا
سماح بص يا سيف انا فكرت ف حل وانت الوحيد اللي هتقدر تنفذه
سيف
اما تحت امرك يا مرات عمي وكل دا علشان خاطر بنت عمي اكيد
سماح
الحل انك تتجوز رنا بنتي يا سيف انت من العيلة يعني فلوسها مش هتخرج برا وكمان انت مش هتكون طمعان في فلوسها ولا ورثها من ابوها ودا لان عندك زيها واكتر كمان
سيف بتوتر
ااا ف الحقيقة انا ااا
ف الوقت دا كانت رنا استغربت ان فيه صوت غريب برا ومتعرفوش فاتسحبت وحاولت تروح تعرف فيه ايه ولما شافته
مين الشاب دا انا ليه حاسة اني عارفاه وشوفته قبل كدا
سيف
في الحقيقة يا مدام سماح انا خاطب وكان جوازي خلاص قريب بنرتب للفرح ان شاء الله وكنت هعزمكم كمان انا اسف كان نفسي اساعدك والله بس مش بإيدي
سماح
انا مطلبتش منك جواز حقيقي يا سيف تتجوزها حتى ولو صوري بس عقد ع ورق لحد ما تتم الواحد وعشرين ووقتها تعرف تاخد حقها من عمها وتعيش حياتها زي ما تحب ولا عايزها تفضل كدا ف سجن عمها لحد ما البنت تموت نفسها او اعمل زي ما هي بتقول تتنازل بكل فلوسها لعمها وبردو مش هتخلص من قسوته وهيفضل متحكم فيها شوف انت اعمل ايه علشان بنتي
سيف سكت بيفكر مش عارف يعمل ايه
فسماح قالت بمكر
خلاص يا سيف يا ابني انا مش هتقل عليك انا خلاص عرفت جوابك انا من بكره هاخد بنتي وننزل نتنازل عن كل املاكها لعمك وامرنا لله يمكن بكده اقدر الاقي لبنتي فرصه حياه تعيشها من اللي فاضل في عمرها
سيف بسرعه قال لا لا يا مرات عمي انا خلاص موافق على اقتراحك انا هتجوز رنا صوري مجرد عقد بس لحد ما تتم ال 21 وانا بنفسي اللي اسلمها ورثها من عمها ووقتها اقدر اطلقها وتنول هي حريتها وتتصرف في فلوسها وتعيش زي ما هي عايزة
سماح فرحت قوي بموافقته وقالت
انا مش عارفه اشكرك ازاي يا سيف انت ريحت قلبي وانقذت بنتي من الموت المحتم بالله عليك خذ بالك منها وحطها في عينيك انا مطمنه عليها معاك طول السنه دي .. انت دلوقتي هتطلع على عمك في الشركه وتبلغه انك عايز تتجوز رنا وانك عايز تشاركه وهو ما هيصدق لانه اكيد عايز يكتر فلوسه اكثر واكثر ومش هيقول لا
سيف
اتفقنا يا مرات عمي عن اذنك انا رايح لعمي الشركه علشان اخلص كل حاجه واخذ رنا وارجع على القاهره يا ريت تخليها تجهز لان هخلص كل حاجه النهارده وبكره الصبح هنسافر على القاهره
ولما مشي سيف قامت سماح من مكانها علشان تروح تقول لرنا فلقيتها واقفه ومتأثره
رنا
ليه يا ماما عملتي كده ليه ترخصيني قدام ابن عمي بالشكل ده وتعرضي عليه انه يتجوزني بالطريقه دي
سماح
انتي سمعتي كل حاجه ده كان الحل الانسب يا بنتي علشان تخلصي من عمدك وما تخافيش هو مش جواز حقيقي مجرد عقد علشان يقدر يرجع لك فلوسك من عمك وتعيشي بعدها براحتك تختاري شريك حياتك اللي يناسبك واللي تحبيه انا عملت ده علشانك يا رنا
رنا بقله حيله واستسلام يعني حضرتك شايفه كده يا ماما يعني الجواز من ابن عمي اللي ما اعرفوش هو ده الحل المناسب وكمان بيقول هياخذني معاه القاهره يعني هبعد عنك انا عمري ما خرجت من البيت ازاي هعيش مع ناس ما اعرفهاش وبعيد عنك كمان
سماح انت مش رايحه بعيد ولا عند حد غريب انت رايحه عند عمك وانا مش هسيبك هاجي اطمن عليك على طول وهتلاقيني جنبك في اي وقت تعالي دلوقتي نجهز ونجهز الهدوم اللي هتحتاجيها معاكي هناك
رنا علشان ما نتكشفش الافضل ان حضرتك تستني لما لما عمي يتصل ويقول لنا نجهز
سماح صدقي معاكي حق
رنا تفتكري عمي هيوافق على طلب سيف
سماح
متاكده مليون في الميه انه هيوافق ما عنديش شك في دا وابقي شوفي
وبالليل جه عزت ومعاه سيف والماذون واثنين شهود وقال لسماح جهزي بنتك علشان كتب كتابها دلوقتي على ابني عمها سيفه
سماح عملت انها متفاجاه انت بتقول ايه وازاي كده من غير ما اعرف هو في حد بيعمل اللي بتعمله ده يا عزت
عزت بحته بحده انا اعمل اللي انا شايفه صح ومناسب للبنت ادخلي خليها تجهز علشان بعد كتب الكتاب هتقعد مع ابن عمها وبكره الصبح هياخدها لبيته وهتعيش معاه هناك سماح كمان السرعه دي هتاخدوا بنتي مني
عزت
مش ده اللي انت عايزاه مش كنت عايزه تتجوزيها اديني اهو جوزتها لك ولواحد افضل من ابن اختك مليون مره ابن عمها عنده شركات كثير في القاهره وراجل اعمال ناجح يعني عمرها وعمرك ما كنت تحلمي بنسب زي ده يلا بسرعه الحقي جهزيها
وبالفعل دخلت سماح وبدات تجهز رنا رنا لبست فستان بسيط وهادي وطلبت من امها انها تداري وشها مش عايزه سيف يشوفه سماح طب ليه يا رنا
هو دلوقتي اصبح جوزك يا بنتي الماذون خلاص كتبت الكتاب رنا معلش يا ماما اعملي اللي انا عايزاه وخلاص سماح تمام يا بنتي زي ما تحبي وبالفعل خبت رنا وشها
وجه عزت ونادى على رنا وقال
تعالي علشان تقعدي مع جوزك عايز يشوفك ويتكلم معاكي
مشيت مع رنا وقعدت بكل هدوء من غير ولا كلمه اما سماح وعزت فمشيوا وسابوا لهم المساحه علشان يتكلموا براحتهم
سيف استغرب هي ليه مغطيه وشها فقال في نفسه
هم جايبينها مغطيه وشها ليه ما خلاص اتجوزتها يعني عادي اشوفها ولا هي وحشه او فيها عيب وانا ما اعرفش عامه مش هتفرق ده كله جواز صوري فبصلها وقال
ازيك يا بنت عمي هزت رنا راسها من غير ما تتكلم
فقال في نفسه يمكن مكسوفه علشان كده ما ردتش عليا
فقال اكيد طبعا انت عارفه الاتفاق اللي بيني وبينه مامتك انا همشي دلوقتي وهاجي بكره تكوني جهزتي نفسك علشان نمشي تمام ولا في حاجه عايزه تقوليها
يتبع...
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
رواياتنا الحصرية كاملة
