قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

سيف طلع اوضة رنا وخبط الباب وفتحتله ايه 

تعالى يا سيف اتفضل 

سيف دخل ورنا متكلمتش خالص 

سيف 

ايه انزلي لأخوكي يلا 

ايه 

نعم لا انا مش همشي معاه انا هفضل هنا عندكم 

سيف 

لا هننزلي معاه دا رزل وهو مش عايز يمشي 

ايه كانت هتعيط 

انت بتقول ايه مش عايزة اروح معاه يا سيف ارجوك خليه يمشي انا مش راجعة البيت لاما لو خرجت من هنا هطفش ومش هتعرفوا ليا طريق 

هنا جت مريم وقالت 

انا خلاص كلمت ايناس واقنعتها توافق ان ايه تفضل معانا هنا لفترة 

ايه بفرحة 

الحمد لله اهو يا سيف سمعت انزل بقا اطرد زياد من هنا قال اروح معاه قال . 

سيف 

الرزل مش راضي يمشي قال ايه قال يقعد معاكي هنا بقولك ايه لو نزلتي طفشتيه هجيبلك الشوكولاتة اللي انا متعود اجببهالك 

ايه 

بجد والله طيب انا هنزل اطفشه حالا وطالعالكم 

مريم ضحكت هتعمليها ازاي دي بعدين ما تسيب ابن خالتك يا سيف ايه المشكلة لما يفضل معانا هنا 

قالتها وبصتله بمكر 

سيف 

لا يمكن دا يحصل يلا يا ايه ورينا همتك 

نزلت ايه وكلمت زياد 

ماما وافقت اني افضل هنا يلا اتفضل انت من غير مطرود محدش عايزك هنا . 

زياد 

اخفي يا بت من قدامي بدال ما اجيبك من شعرك 

ايه 

وربنا ما تقدر سيف هيحوش عني.. ثم ان انت ميصحش تقعد هنا وبنت عمه موجودة... ايه انت مكنتش بتوافق ابات هنا عند انطي علشان سيف بيكون موجود جاي دلوقتي ترضاها لبنت عمه... يلا يا باشا اتفضل خليني ارتاح منك شوية 

زياد. بقا كدا يا ايه بتبيعيني ماشي بس هجيلك اقرفك هنا كل يوم 

ايه 

يلا يا بابا هوينا شوف وراك ايه واعمله يلا متبقاش تقطع الجوابات 

زياد ضحك 

هتوحشيني يا لمضة 

ايه 

لا انت مش هتوحشني انا هرتاح منك انت كرهتني ف البيت باللي فيه 

زياد طيب حقك عليا 

ايه 

لا مش هصالحك بسهولة كدا يلا امشي 

سيف هنا جه وهو بيضحك

ما تمشي يا عم قالتلك هوينا عالم لزقة بجد 

زياد 

بقا كدا يا سيف ابقا افتكرها يا صاحبي 

سيف لا انا فاقد الذاكرة هو الواد دا كان اسمه ايه يا ايه فكريني 

ايه 

صدق نسيت اسمه كان اسمه ااا الرزل الثقيل حاجة زي كدا 

سيف 

اه تقريبا كدا 

زياد انزعج ومسك الفازة وكان هيرميها ف اخته 

ايه خافت وجريت تستخبى ورا سيف 

عاا الحقني يا سيف 

سيف 

بالفازة يا مفتري انت عبيط يلا 

زياد 

انا ماشي عالم رخمة ... سلام يا خالتي ربنا يكون ف عونك ع جوز المجانين دول 

...

واول ما سيف مشي ايه فضلت تتنطط يس يس مشي واخيرا خلصت منه وهاخد راحتي بقا يا باي كان كاتم ع نفسي 

مريم ضحكت 

بس والله دمه خفيف 

ايه 

لما الغزالة بتكون رايقة بس يا انطي لكن لما بيتحول بيكون اعوذ بالله ..انطي انا مفطرتش جعانة 

مريم 

حاضر يا حبيبتي احلى فطار لأحلى يويو 

وتاني يوم ع الفطار ايه لاحظت ان رنا مش بتشارك في الكلام نهائي في وجود سيف فقالت باستغراب 

ايه يا رنا انتي وسيف متخانقين ولا ايه مش بتتكلمي لما بيكون موجود لكن لما بيكون برا بتتكلمي وبتهزري عادي 

سيف بص لرنا علشان يسمع ردها 

لكنها معلقتش فاتنهد بانزعاج 

في الوقت دا ايه قالت 

يا خبر انا نسيت العلاج بتاعي قبل الأكل هطلع اخده وانزل علطول 

في الوقت دا جه لرنا اتصال فاتوترت ومكانتش عايزة ترد 

سيف 

ايه ما تردي مالك متوترة ليه كدا وخايفة ولا تحبي تقومي تردي بعيد 

رنا مردتش عليه وردت بصوت واطي 

الو ... ااا ايوا اااا 

سيف 

بتكلمي مين انطقي

رنا مردتش عليه وقامت علشان تكمل المكالمة بعيد

سيف اتضايق وقام لحقها وشد الفون منها 

الوا انت مين ااا عمي خير يا عمي... وافقت ع ايه اا اه لا يا عمي اسف طلبك مرفوض سبب ايه ما انا قولت السبب ومش انا لوحدي اللي باخد القرار عن اذنك يا عمي 

رجع سيف الفون لرنا وهو بيقول اسف 

رنا معلقتش ومردتش عليه 

فقال طلب منك امتا انك تفاتحيني ف الموضوع دا 

رنا اتخلت عن صمتها 

وقت ما فكرتني روحت بالعربية مع حد دا كان عمي بيهددني انه يبهدلني لو مخلتكش توافق ع طلبه  

سيف 

ايه!! طيب مقولتليش الكلام دا ليه 

رنا 

هيفيد بإيه اقوله لواحد شكاك بيفهم ع مزاجه 

سيف 

انا اسف يا رنا حقك عليا 

رنا 

وتفتكر كلمة اسف دي كفاية انا مش ناسية انك مديت ايدك عليا مش هنساها ليك ابدا وخليك فاكر انا قاعدة هنا معاك مضطرة علشان معنديش مكان اروحه انت وعمي ضيقتوا الدنيا ف عنيا 

قالتها رنا ومشيت وسابت السفرة 

مريم عاجبك عمايلك دي يا سيف 

سيف 

خلاص يا ماما مش وقته تأنيب بالله عليكي 

مريم 

اومال امتا ها طول الوقت شككاك فيها وعلطول فاهمها غلط وبتظن فيها بطريقة مش كويسة دا غير طردك ليها من الشركة رغم كفاءتها كل دا ايه 

سيف 

يووه يا ماما انا خارج سلام 

مريم 

ربنا يهديك يا ابني 

جت ايه 

في ايه يا انطي رنا طالعة واخدة ف وشها وشكلها زعلانة وسيف ساب الفطار ومشي هما اتخانقوا 

مريم هزت راسها ييأس 

عاملين زي القط والفار يا ايه وسيف مش جايبها لبر معاها البنت هتطفش كدا 

ايه 

غريبة سيف عمره ما كان بيضايق حد وعلطول جنتل وخصوصا مع البنات 

مريم 

دا اللي بحاول افهمه لرنا بس للاسف هو عكس كدا معاها 

ايه بشك 

هو ايه الحوار يا انطي 

مريم 

لا حوار ولا بطيخ هو طول ما العقربة خطيبته دي معاه هيبقى فيها حوارات ؟؟ 

ايه ابتسمت بمكر 

اوبا انتي لقيتي ليه عروسة غير العقربة 

مريم ضحكت 

طب بالله مش احلى واحسن منها مليون مرة 

ايه بحماس 

معاكي حق اللي اسمها لي لي دي محبتهاش ابدا يا انطي لكن رنا حبيتها من اول مقابلة .

ولسه مكملتش كلامها سمعت رنا بتنادي 

ايه يا اياااااااا 

ايه

 يا خبر دي افتكرت فكرتها نسيت يييي انا اللي جبته لنفسي 

مريم 

هو ايه فيه حاجة انا معرفهاش ولا ايه 

ايه 

ابدا رنا قالتلي انها هتذاكرلي وانها مش هتسمح اني اضيع دقيقة واحدة بس 

مريم 

ااه وقعتي ف القفص برجليكي خدي بالك رنا مبتحبش تضيع وقت استلمي بقا 

ايه 

اااه انت فين يا زياد يا خويا يا حبيبي مذاكرة ايه وكلام فارغ ايه 

مريم ضحكت 

انتي مش عاجبك حاجة ابدا اطلعي قبل ما رنا تقلب عليكي يلا 

ايه بخوف.هي بتتحول هي كمان 

هزت مريم دماغها 

ايه بعياط مصطنع 

ااه يانا ياماااماااا

في الشركة سيف كان ف مكتبه 

فلي لي قالت 

سيف بابا كان عايز يقابلك علشان كدا عازمك ع العشا النهاردة ف البيت 

سيف باستغراب 

ليه خير عايزني ف ايه اكيد انتي تعرفي 

لي لي 

مفيش عايز يفاتحك ف موضوع جوازنا وكدا ونحدد المعاد 

سيف 

انا لو هحدد المعاد هتفق معاكي الاول وبعدين تبلغيهم ف البيت بس اظن لسه مجاش الوقت المناسب لدا 

لي لي 

ليه يا سيف هو احنا لسه هنتعرف ع بعض يعني واكيد انت جاهز مش محتاج تاخد الوقت دا كله 

سيف 

انتي موافقة نعيش مع ماما في الفيلا!! 

لي لي بسرعا 

لا طبعا اعيش مع والدتك ازاي يعني انا عايزة فيلا لوحدي خاصة بيا انا 

سيف 

الفيلا كبيرة وهيكون ليكي جناحك الخاص محدش له علاقة بيكي.. لكن مينفمعش اسيب ماما لوحدها 

لي لي بدلع 

انت ممكن يا حبيبي تشوف الفيلا ف مكان قريب منها وتبقى تروحلها وقت ما تحب 

سيف 

هبقا اشوف الموضوع دا... صحيح انتي ليه قولتي انك قابلني فؤاد وكان مبسوط من اتفاقك معاه وبعدها اتفاجىء ان اللي اتفقت معاه هي رنا مش انتي

لي لي بغيظ 

انا فعلا اتفقت معاه يا سيف وكان عجبه فكرتي لكن رنا الخبيثة ازاي طبعا تسيب فرصة زي دي وتسكت جت واستغلت الفرصة وعرضت فكرة افضل بعد ما عرفت فكرتي وعدلت عليها علشان تاخد هي الانتباه 

سيف استغرب من الكلام اللي قالته لي لي ودا عكس اللي علي قاله عليه ولما جه يرد جاله اتصال فانشغل ورد عليه 

ولي لي اتسحبت ومشيت ع مكتبها بهدوء قبل ما يعلق تاني على موضوع فؤاد

❈-❈-❈

على الغدا رجع سيف البيت سمع ايه بتقول 

لا بالله عليكي كفايا بقا انا تعبت طول اليوم مذاكرة من وقت ما صحيت لحد دلوقتي حرام انا ايه اللي خلاني اسيب البيت بس يا زيااااااد 

رنا كانت ماسكة لأيه المسطرة وبتتكلم بجدية 

ايه الكلام دا مفيهوش هزار لو سمحتي انتي ضيعتي وقت طويل اوي ف اللعب وجه وقت الجد من النهاردة لحد يوم الامتحان مش لازم تهدري ثانية واحدة بس مفهوم 

ايه بعياط مصطنع 

لااااا الحقيني يا ماما مريم 

هنا جه سيف وسمع الحوار ففضل يضحك 

ههه ايوا كدا يا رنا علميها الأدب 

ربنا بصتله بحدة وطلعت ع فوق وهي بتقول لايه بحزم 

ايه حصليني على فوق يلا بسرعة 

بصلها سيف واتنهد بأسى فأيه قالت سيف سيف هيحصل ايه لو مطلعتش ليها فوق 

سيف 

هتعلقك من صرصور ودنك الافضل تطلعي والا ااا

ايه

باااس متكملش انا طالعة انا اللي جبته لنفسي 

وبعد حوالي نص ساعة مريم نادت ع الكل وقالت يا ولاد الغدا جهز يلا كله ينزل من اوضته 

رنا لايه 

ايه انزلي انتي أنا مليش نفس 

ايه 

عليا انا الكلام دا ملكيش نفس ولا زعلانة من سيف 

رنا 

مش هتفرق كتير المهم اني مش نازلة بلغي ماما مريم بدا 

ايه 

خلاص مش نازلة هاكل معاكي هنا 

رنا 

انا رايي كدا بردو ناكل هنا ونهزر سوا برتحتنا 

ايه 

يعني هتسبيني العب براحتي 

رنا 

كشرت لا طبعا بعد الاكل هتكملي اللي طلبته منك 

ايه 

يووه بقا انتي صعبة ليه كدا 

اما تحت سيف استغرب 

ماما غريبة البنات ليه منزلتش 

مريم وهي بتاكل بهدوء

بياكلوا فوق مع بعض علشان ايه متضيعش وقت في اللعب وتذاكر 

سيف 

رنا الظاهر شادة عليها جامد 

مريم 

رنا بتحب الجدية مبتحبش اللعب كل حياتها جد في جد حتى وقت فراغها لازم تقضيه ف حاجة مفيدة 

سيف 

وهي دلوقتي بتشتغل ف ايه بعد ما سابت الشركة عندي 

مريم 

قصدك بعد ما انت طردتها من الشركة عندك .. ع العموم رنا مكانتش بتشغل ف شركتك بس كانت شغالة ف شركة تانية ولما خلاص مبقتش شغالة ف شركتك اتفرغت تماما للشركة التانية 

سيف 

ازاي وهي مش بتخرج من البيت 

مريم 

اون لاين زي ما كانت بتعمل طول عمرها ع فكرة رنا كانت شغالة ف شركتك من قبل ما تيجي تعيش معانا وكله اون لاين .. ولاحظ انك جبتها هنا علشان تخلص من حبستها مش تحبسها انت كمان زي عمك قولي كدا فرقت عنه ايه انت 

سيف 

انا عارف اني غلطان وبعترف يا ماما وهطلع دلوقتي أصالحها بنفسي بس بعد ما يخلصوا غدا 

وبالفعل بعد الغدا طلع سيف اوضة رنا 

وخبط الباب ففتحت ايه 

سيف تعالى اتفضل 

سيف 

ايه انزلي كلمي ماما عايزاكي 

ايه 

اه بتوزعني ماشي بس انا ممكن اقعد اسمع هتقولوا ايه عادي 

سيف ابتسم 

انزلي يا بنتي بطلي غلبة

رنا وهي قاعدة ع اللاب 

مين يا ايه ماما مريم اكيد صح 

سيف دخل بعد ما قفل الباب وقال 

لا دا انا سيف 

رنا بصت ناحيته وشافته وهو بيقفل الباب 

انت بتعمل ايه هنا وبتقفل الباب ليه سيبه مفتوح 

سيف 

عايز اتكلم معاكي ممكن تسمعيني 

رنا 

بردو سيبه مفتوح ثم اني مش حابة اتكلم معاك اتفضل اخرج من اوضتي 

سيف فتح الباب وقال بعند 

اظن ان البيت دا بيتي مينفعش تطرديني منه 

بصتله رنا بغضب وتحدي 

ودا بيت عمي الله يرحمه مش هتعرف تطردني منه زي ما عملت في الشركة 

سيف 

وانا عمري ما اعمل دا ابدا انا اسف يا رنا حقك عليا 

رنا 

اسفك مش مقبول يا ابن عمي خد الباب ف ايدك وانت خارج 

سيف 

انا مش خارج الا لما تسامحيني يا رنا بعدين عايزاني اعمل ايه بعد ما شوفتك خارجة من عربية حد بالليل دا غير الصورة اللي فورت دي... انتي عمرك ما خرجتي ولا تعرفي حد ازاي اشوفك بتحضني حد كدا... خوفت عليكي خوفت ع بنت عمي اللي انا مسؤول عنها اول ما جه ف بالي انك ما صدقتي انك ااا

رنا 

ربنا قال ف كتابه الكريم " يا أيتها الذين آمنوا ان جاءكم فاسق بنبأ فتبينوا "

مش نرمي الناس بالباطل كدا يا استاذ سيف وما بالك بقا ببنت عمك انت تظن فيا كدا... بس هعتب عليه ليه وانت اصلا اخد تصور غريب اوي عني . اتفضل يا ابن عمي اعتذارك مش مقبول 

سيف 

انتي عنيدة ليه كدا انا اعتذرت عايزة ايه تاني 

رنا مردتش عليه ولفت وشها الناحية التانية 

فزفر بانزعاج وسابها وراح ع اوضته 

❈-❈-❈

تاني يوم سيف كان ف مكتبه ولي لي عنده 

سيف ها هتيجي تتغدى معايا في البيت انت من زمان مجتش عندنا 

سيف 

طيب اخر اليوم هرد عليكي يا لي لي عندي شغل كتير مش هعرف اسيبه وامشي دلوقتي 

لي لي

 اوك يا سيف لما تخلص بلغني انا ف مكتبي 

ولما مشيت لي لي جه اتصال لسيف من مريم 

ايوا يا سيف انت فين دلوقتي مش هتيجي ع الغدا!! اتأخرت ليه 

سيف 

لا يا ماما مش هقدر دلوقتي عندي شغل بس ايه الدوشة اللي عندك دي

مريم بمكر 

لا ابدا مفيش حد غريب اصلي انا عزمت خالتك واولادها ع الغدا النهاردة 

سيف بصدمة 

ايه!! وزياد موجود معاهم ؟؟ 

مريم بمكر 

اه خالتك مقدرتش تيجي فجه زياد وشريف ابن طنط ميادة 

سيف بانزعاج 

كمان كملت... وازاي يا ماما حاجة مهمة زي دي تحصل ومتقوليليش دا انا تقرييا كدا راجل البيت ولا ايه 

مريم 

اعملك ايه يا سيف برن عليك من بدري وانت مش بترد 

سيف 

مأخدتش بالي من الفون يا ماما بقولك كنت ملهي ف الشغل ... طيب هي رنا فين دلوقتي هتاكل ف اوضتها مع ايه صح؟؟ 

مريم 

لا انا طلبت منها تنزل تتغدى معانا تحت واهي قاعدة معانا ع السفرة في انتظارك يلا متتأخرش 

سيف وهو هينفجر 

ليه ليه يا ماما تطلبي منها تنزل يعني وانا موجود تسبيها فوق ولما الشباب تيجي تنزليها دا معقول بردو يا ماما 

مريم بمكر 

مفيش حد غريب دا زياد وشريف واحنا عارفينهم يا سيف وكمان انا قاعدة معاهم 

سيف 

المصيبة اننا عارفينهم وبالأخص شريف بالذات ماما انا جاي حالا مسافة الطريق سلام 

وبالفعل اخد سيف مفاتيحه ونزل بأقصى سرعته ورجع ع البيت 

في الوقت دا الكل كان متجمع ع السفرة وزياد بيتكلم مع رنا 

زياد

ها يا رنا خالتو قالتلي انك معاكي تجارة إدارة أعمال... بتشتغلي في شركة ايه دلوقتي ممكن اكون عارفها 

رنا 

واقعيا لا مش بشتغل في شركة حاليا 

سيف وصل وسمع كلمة زياد 

زياد 

يعني متفرغة طيب ايه رايك تيجي تشتغلي معايا ف شركتي هي ف الواقع شركة بابا وانا شغال معاه بس اكيد يسعدني انك تكوني ضمن التيم معانا انا سمعت من خالتو انك ذكية وموهوبة 

رنا 

شكرا ليك يا زياد بس انا حاليا مش بفكر في شغل برا 

زياد 

لا يا رنا انا مصر وعلى فكرة هيعجبك الشغل معانا اوي دا غير اني همسكك شغل اداري متقلقيش مش هتكوني مجرد موظفة عادية 

رنا 

عرض مغري حقيقي بس ااا طيب سيبني افكر كم يوم وارد عليك 

زياد متتأخريش عليا ف الرد بس يكون ف علمك انا هعمل حسابي ع انك خلاص بقيتي من ضمن التيم خلاص 

رنا ابتسمت 

انت مصر ولا ايه... مين بس اوهمك اني هفيدكم 

زياد 

من غير ما حد يقول الجواب باين من عنوانه اهو 

سيف هنا قرب من زياد وقال 

لا يا شيخ الجواب باين من عنوانه وانت بقا بصيت ف وشها عرفت انها شاطرة ومتفوقة في شغلها 

مريم 

سيف حمدا لله ع السلامة تعالى اقعد كلنا كنا ف انتظارك 

سيف متحركش من مكانه علشان يقعد لكنه قرب من رنا وهمس ف ودنها 

وانتي بقا مين قالت انك متفرغة يا هانم علشان تفكري تشتغلي في شركات تانية

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏