قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

هزت رنا راسها للمره الثانيه فتنهد سيف بنزعاج وقال في نفسه ما فيش فايدة 

وقام استأذن من عمه وقاله انه جاي بكرة ياخد رنا ومشي 

وتاني يوم رنا كانت بتسلم على ماماتها وبتعيط هتوحشيني قوي يا ماما انا مش عارفه ازاي همشي واسيبك ارجوك تعالي معايا سماح بدموع قلت لك يا حبيبتي انا مش هسيبك ولا اتخلى عنك ودائما هكون على تواصل مع سيف ومعاكي علشان اطمن عليك ما تقلقيش انا واثقه ان سيف هياخد باله منك كويس اوي 

رنا اشوف وشك بخير يا حبيبتي وركبت رنا العربيه مع سيف اللي مستنيها

ملاحظة للانمي

رنا لسه مغطية وشها علشان سيف ميشوفوش ..

 فسماح قالت لسيف خذ بالك منها يا سيف ذوصيتي ليك حطاها جوه عينيك سيف ما تقلقيش يا طنط دي بنت عمي في الاول والاخر برده واتحرك سيف بالعربيه ورانا كان عندها امل ان حياتها الجايه هتكون احسن من حياتها دلوقتي فتفائلت وابتسمت وبسط من الشباك وفضلت تحلم بحياه الحريه 

ولما وصلوا سيف قال للبواب 

شيل الشنط دي طلعها فوق 

وبص لرنا وقال حمدا لله على السلامة نورتي البيت... لحظة بس امهد لماما الموضوع لاني مفضتش اقولها الخبر 

ودخل هو اما رنا ففضلت تتأمل الحديقة بإعجاب شديد ولما قربت من الباب سمعت حوار سيف ووالدته مريم بدون قصد منها 

مريم 

بتقول ايه يا سيف انت جاي تقولي انك اتجوزت ياااه تعرف رغم اني منتظرة اليوم دا من زمان بس كنت حابة اكون اول حد يعرف 

سيف 

يا امي دي جواز كدا وكدا انقاذ موقف يعني ما انا لسه حاكيلك الحكاية اهو 

مريم 

مفيش حاجة اسمها كدا وكدا يا سيف المهم انك اتجوزت ودا احلى ما ف الموضوع ها هي فين لما اسلم عليها حلوة يا سيف وبنت حلال وطيبة ولا ايه؟؟ 

سيف 

والله ولا شوفتها حتى بس متتحمسيش اوي كدا انا لا معتبرها مراتي ولا اي حاجة خالص هي هتكون زي بنت عمي وجاية تقعد عندنا هنا فترة وتمشي 

مريم 

كلام ايه دا يا سيف واهلها يعرفوا كدا وليه تعمل ف بنت عمك كدا

سيف 

انا متفق معاها ومع والدتها على كدا بعدين يا ماما دي واحدة جاهلة متعرفش اي حاجة كانت محبوسة طول الوقت ف البيت يعني لا مثقفة ولا متعلمة منتظرة ايه منها وانا استحالة ارتبط بواحدة زي دي وكمان ممكن تكون وحشة انا صحيح مرتبطتش الجمال الخارق في البنت اللي هتجوزها لكن على الاقل تكون مقبولة ثم ان انتي نسيتي يا ماما اني خاطب ولا ايه 

مريم 

البنت المسهوكة اللي اسمها لي لي دي لا مش بتنزلي من زور وانا قولتلك مش حاباها يا سيف 

سيف 

بس انا معجب بيها يا امي وعايز اتجوزها اخلص بس من موضوع رنا دا وان شاء الله اتجوز علطول بس ارجوكي ارجوكي محدش يعرف اني كاتب كتابي ع رنا هي هنا مجرد بنت عمي وجاية تعيش عندنا فترة وبس 

مريم 

ماشي يا سيف اللي انت شايفه اعمله وامري لله يلا روح ناديها متسبهاش برا كدا ميصحش يا ابني 

رنا لنا سمعت كلام سيف زعلت 

بقا انا بتحكم عليا من غير ما تعرفني يا سي سيف انت بقا انا جاهلة ومش متعلمة ووحشة كمان دا انت حتى مكلفتش نفسك تبص ف بطاقتي تعرف انا خريجة ايه ماشي ان ما وريتك يا سيف يا طاووس انت مبقاش انا رنا 

سيف جالها وقرب منها 

رنااا رنااا انتي يا بنتي سرحانة ف ايه وبتكلمي نفسك كدا اه صح افتكرت انك خارسة مش بتتكلمي 

رنا انتبهت لوجوده قدامها فقالت 

ها ايه ااا.. نعم هي مين دي اللي خارسة ما تحسن ملافظك يا ابني عمي 

سيف ضحك 

طيب وانا اعمل ايه ما انتي اللي نش بتردي عليا بكلمك من بدري وف العربية وف البيت مش بتردي اعملك ايه اكيد كان لازم افكر انك كدا 

رنا بزهق منه بعد اللي قاله عليها لامه 

لا يا سيدي مش خاسرة الحمد لله بعرف اتكلم اهو مش معاقة ولا حاجة 

سيف 

ع فكرة انا بهزر معاكي مش قصدي اساءة يعني زي ما فهمتي 

رنا 

ما علينا جاي عايز ايه 

سيف 

هو ايه اللي جاي عايز ايه تعالي ادخلي هتفضلي واقفة ع الباب كدا 

رنا 

الله مش انت اللي طلبت مني اقف هنا لحد ما تمهد لمامتك 

سيف 

انا فهمتها الحوار كله يا رنا وعايزك انتي جماعة متجبيش سيرة لحد بالاتفاق ما بينا اي حد يجي هنا ويسأل انتي مبن تقولي بنت عمي وبس مفهوم 

رنا 

تمام ماشي اللي تشوفه يا بن عمي 

سيف 

على فكرة اسمي سيف تقدري تناديني سيف عادي يعني 

رنا بعند 

لا انا حابة اقول ابن عمي فيها حاجة دي

سيف 

لا خلاص زي ما تحبي دا انتي الظاهر دماغك ناشفا اوي 

رنا 

بتقول حاجة يا بن عمي؟؟ 

سيف ييي اا بقولك ايه انتي هتفضلي مغطية وشك كتير ما تكشفي البتاع دا ولا انتي اصلا منتقبة 

رنا 

لا انا مش منتقبة ومش حابة اكشف وشي دلوقتي 

سيف 

طيب ماشي براحتك اللي تحبيه اتفضلي ادخلي يلا ماما ف انتظارك 

ولما دخلت معاه رنا رحبت بيها مريم

.اهلا يا رنا نورتي يا حبيبتي مش عايزاكي تشيلي هم اتعبري نفسك في بيتك دا بيت عمك احمد الله يرحمه يعني زي بيتكم بالظبط 

رنا

ازي حضرتك يا طنط شكرا ليكي انا مبسوطة ان حضرتك متقبلة وجودي هنا يارب مكونش تقيلة عليكم بس 

مريم لسيف 

يا نهار ابيض ع الزوق والأدب يا سيف ... لا طبعا تقيلة دا ايه انتي منورانا انا معنديش بنات وهعتبرك زي بنتي بالظبط 

رنا فجاة لقت نفسها بتترمي ف حضنها وتعيط 

مريم وسيف انصدموا 

مريم 

طيب انا قولت ايه بس زعلت كدا بتعيطي ليه بس 

رنا ببكا افتكرت ماما وحشتني اوي اصلي عمري ما سبتها ولو لحظة بس علطول معايا وجنبي مش عارفة انا ازاي سبتها 

مريم 

يا حبيبتي ربنا يخليلك والدتك وقت ما تحبي تزوريها ف اي وقت سيف هيوصلك وهي كمان اكيد هتجيلك هنا وتقعد معاكي كمان مش عايزاكي تزعلي ابدا... يلا تعالي نطلع اوريكي اوضتك علشان ترتاحي ولما ترتاحي هبقى اعرفك ع البيت كله 

وبالفعل اول ما راحت رنا اوضتها نامت من التعب والارهاق والزعل لانها سابت امها 

وصحيت تاني يوم ع ايد مريم بتملس على شعرها بحنان 

مش كفاية نوم بقا يا رنوش هو انتي مكنتيش بتنامي في بيتكم ولا ايه 

رنا صحيت 

وسمعت كلام مريم فضحكت 

ايه دا انا نمت بجد هو انا نمت كتير ولا ايه انا قولت هرتاح بس وبعدين هقوم اغير هدومي الظاهر من التعب محستش بنفسي 

مريم 

يا حبيبتي معلش الطريق كان طويل وانتي مش متعودة ع الخروج من البيت يلا تعالي ننزل نفطر سوا اكيد انتي جعانة من امبارح مأكلتيش 

رنا 

عندك حق يا طنط انا جعانة فعلا بس معلش ممكن اكل هنا ف اوضتي 

مريم 

لاااا طنط دا ايه قوليلي يا ماما مريم انتي مش هتعتبريني زي ماما سماح ولا ايه 

رنا 

لا والله انا فعلا حبيتك اوي يا ماما مريم 

مريم 

بس ايه الجمال والحلاوة دي يا رنا انا متوقعتش تكوني عسولة اوي كدا اومال كنتي مخبية وشك ليه يا بنتي 

رنا 

دا عيون حضرتك هي اللي جميلة بصراحة كنت مكسوفة من سيف اول مرة اقابل راجل ف حياتي علشان كدا غطيت وشي 

مريم ضحكت 

يا شيخة سيف فكرك وحشة دا لو شافك هيقع من طوله انتي طلعتي جميلة اوي بجد اللهم بارك 

رنا 

حضرتك بتحرجيني كدا بزوقك انا مش جميلة انا عادية يعني 

مريم 

انتي مش بتبصي لنفسك ف المراية انتي عسولة اوي وكمان بتعرفي تهتمي بنفسك وشعرك وبشرتك 

رنا 

اهتمامي بنفسي دا كان الحاجة الوحيدة اللي بتخرجني من السجن اللي فرضه عليا عمي كنت بفرغ طاقتي المشحونة ف الاهتمام بروتين شعري وبشرتي وجسمي اعمل ايه مكانش فيه حل غير كدا 

مريم 

يا حبيبتي هنا مفيش كدا اعملي اللي انتي عايزاه من غير ما حد هيتدخل ف حياتك بس قوليلي يا مريم انتي ليه مألحتيش ع انك تتعلمي يا بنتي علشان نفسك ومستقبلك 

رنا 

ومين قال اني مش متعلمة يا ماما مريم انا خريجة ادارة أعمال ومعايا كورسات لغة وكورسات إدارة الوقت وتنيمة بشرية وكورسات تانية كتير 

مريم مش مصدقة اللي بتسمعه

اومال سيف بيقول انك ااا الظاهر سيف ميعرفش عنك حاجة خالص 

رنا دا حقيقي وعلشان كدا يا ماما مريم مش حابه انه يعرف حاجة هليه كدا زي ما هو متوقعني معلش دا رجاء مني خليه سر ما بينا وبس 

مريم بتسلية 

تمام اوي عجبني الحوار دا... يلا بقا ننزل نفطر ونكمل كلامنا تحت 

رنا 

بس اصل ااا 

مريم 

سيف مش تحت يا رنا سيف نزل الشركة من بدري متقلقيش 

رنا نطت من ع السرير بتقولي ايه .. طيب مش تقولي من بدري يا ماما مريم انا هموت من الجوع 

قالتها وجريت ع الباب 

مريم ضحكت 

طيب غيري هدوم السفر على الاقل يا جميلة 

رنا 

يووه انا نسيت فعلا طيب هدخل اخد شاور واظبط نفسي وانزل علطول مش هتأخر 

مريم 

انا ف انتظارك تحت يا حبيبتي هتلاقي هدومك ف الدولاب مرصوصة البسي اللي يعجبك 

اما عند سيف فكانت خطيبته لي لي عنده ف الشركة 

انت بتقول ايه يا سيف بنت عمك مين اللي جاية تعيش عندكم وباي حجة قال نفسيتها تعبانة وجاية تقعد هنا شوية تغير جو .. حجج فارغة انا عارفة انا سهوكة البنات دي لكن ع مين.. انا محدش ياخد سيف حبيبتي وخطيبي مني ابدا انا اطلع عنيها 

سيف ضحك 

ههه مش اوي كدا الموضوع مش مستاهل يا بنتي وكمان دي متنافسكيش ف حاجة لا تعليم ولا جمال فأطمني خالص 

ضحكت لي لي 

لا متقولش بجد يعني ايه مش متعلمة يا نهار ابيض هو لسه فيه حد كدا لا مش ممكن 

سيف باسى علشان رنا 

للاسف عمي للسبب كان حابسها ف البيت ومش سامح لها بأنها تشم الهوا الطبيعي حتى 

لي لي 

لااا يا استاذ سيف مش عايزاك تشفق عليها ماشي ولا ليك دعوة بيها اصلا لو عرفت انك كلمتها بس هزعل منك انت فاهم 

سيف 

يااااه ع الغيرة يااه 

ضحكت لي لي بغرور 

اغير من دي لا طبعا مأظنش 

سيف 

ايوا كدا عين العقل يلا نكمل شغلنا 

لي لي 

اوك يلا الملف اهو اللي طلبته ...

...

وعدى اسبوع ورنا بتتعمد ان سيف ميشوفهاش ولا تحتك بيه وهو كمان بيتعمد انه يرجع متأخر علشان ميقابلهاش 

وف يوم مريم قالت كفاية يا رنا ي

بتتعبي نفسك ف تنظيم البيت يا حبيبتي ما فيه هنا شغالات كتير 

رنا بعد ما غيرت ديكور الليفنج تماما 

بااس كدا هو دا الكلام واخيرا انتهيت ايه رايك يا ماما 

مريم 

رووعة طبعا مفيش كلام بس انتي كدا بترهقي نفسك يا رنا اومال احنا جايين الشغالات ليه بس 

رنا 

انا متعودة كل فترة اغير نظام البيت عندنا وحسيت بالرتابة شوية هنا فقولت اغير هو انا كدا مضايقاكي في حاجة يا طنط 

مريم 

لا ابدا انا خايفة ع صحتك انتي من يوم ما جيتي وانتي بتشتغلي في البيت تغيري مرة الإضاءة مرة الورد مرة الستاير ودلوقتي الكنب صحتك يا بنتي 

رنا 

لا متخافيش عليا دا مجرد تسلية لوقتي لاني زهقت من قعدة البيت 

مريم 

ان كان كدا ايه رايك تخرجي تتفسحي برا في اي مكان تحبيه 

رنا فرحت واتنطتت زي طفلة صغيرة 

بجد انا مسموح ليا اخرج ياااه بجد حضرتك بتهزري صح 

مريم 

لا يا رنا بتكلم بجد وقت ما تحبي تخرجي هتخرجي يا حبيبتي ولاي مكان تحتاجيه 

رنا 

يس يس هو دا الكلام طيب يلا دلوقتي تعالي نخرج سوا معرفش اخرج لوحدي عمري ما خرجت 

مريم ضحكت خلاص ماشي انا بنفسي هخرجك نتفسح شوية ونشتري شوية حاجات ليكي ايه رايك 

رنا حضنتها بحبك اوي يا ماما مريم هطلع اجهز حالا 

ف الوقت دا جه سليم وقال بعد ما لاحظ الاختلاف ف البيت 

ايه دا كله يا ماما هو حضرتك عازمة حد ولا ايه... شايف تغيير كامل ف البيت 

مريم 

ها ايه رايك دي رنا بنت عمك اللي عمت اللمسة السحرية بتاعتها 

سيف في نفسه

اه رنا بنت عمي ما هي فعلا متعرفش الا شغل البيت والتنضيف وبس 

مريم 

صحيح يا سيف جيت ليه بدري النهاردة 

سيف 

نسيت ملف مهم جيت اجيبه وراجع تاني 

مريم 

طيب يا حبيبي اه نسيت اقولك انا هاخد رنا واخرجها شوية وممكن نتغدى برا انا وهي 

سيف تمام يا ماما اعملي اللي تشوفيه صح 

مريم .ما تيجي تتغدى معانا هنكون ف النادي ايه رايك تعدى علينا انت بقالك كتير متغدتش معايا 

سيف 

ممم هشوف وقتي لو قدرت اخطف ساعة كدا للغدا هاجي يا امي

وطلع ع اوضته وف الوقت دا نزلت رنا وهي متحمسة ومأخدتش بالها من سيف 

سيف استغرب 

مين البنت الجميلة دي 

رنا وهي بتنزل جري 

مين دا انا حاسة اني شوفته قبل كدا .. امم مش مهم المهم اني هخرج ياااه واخيرا 

ولما نزلت 

ماما انا جهزت 

مريم 

ايه الحلاوة والجمال دا يا روحي يلا بينا 

وبالفعل راحوا ع النادي وكل صاحبات مريم فضلوا يسالوها مين الجميلة دي ... اكيد دي هتكون عروسة سيف المستقبلية طب ولي لي هما سابوا بعض ولا ايه بس بصراحة دي احلى كتير 

مريم لرنا 

شوفتي بيقولوا ايه عنك يا قمر انتي 

رنا بهدوء 

انا مش جاية هنا علشان اخرب عليه حياته يا ماما هو خاطب لي لي وبيحبها ربنا يسعدهم 

مريم 

طب وانتي 

رنا 

وانا ايه انا مفيش بيني وبينه حاجة غير انه ابن عمي وانقذني من حبسي غير كدا مفيش اي حاجة 

مريم 

طيب ولو قولتلك اني عايزاكي تكوني مرات ابني بجد يا رنا 

رنا 

وانا حبيتك وربنا اللي يشهد يا ماما مريم وعلشان انا عمري ما اختلطت بحد مش فارق معايا سيف من غيره لكن بم ان سيف مرتبط يبقى انا استحالة احط الموضوع دا ف دماغي انا اسفة يا ماما مريم سامحيني 

ابتسمت لها مريم وعرفت قد ايه انها بنت عاقلة وناضجة 

وبعدها قعدوا يتغدوا رنا ولما خلصوا رنا قالت 

ممكن اتمشى شوية المكان هنا حلو اوي وكمان مسلي 

مريم 

طيب خدي بالك يا رنا انتي متعرفيش حد هنا ومتبعديش ولو حصل اي حاجة كلميني انتي معاكي رقمي 

رنا 

حاضر يا ماما متخافيش عليا ومش هبعد اطمني 

وراحت تتمشى وهي مبهورة انها اخيرا خرجت 

يااه دا انا مكنتش عايشة بقا 

وف الوقت دا وقفها واحد 

يا انسة يا انسة 

رنا 

انت بتكلمني انا ؟؟ 

الشاب 

ايوا لو سمحتي ممكن تقوليلي فين ااااا 

ف الوقت دا سيف جه وكان ف طريقه للترابيزة اللي فيها امه فلمح رنا واقفة مع حد وقال

انا شوفت البنت دي فين قبل كدا ما علينا

وراح عند امه 

مساء الخير يا امي اسف اتأخرت عليكي كان عندي اجتماع 

مريم 

ولا يهمك انت اتاخرت ورنا جاعت فاتغدينا استنى هطلبلك غداء 

سيف 

لالا مش دلوقتي مليش نفس ف الوقت الحالي بس هي فين رنا صحيح 

مريم 

راحت تتمشى شوية وراجعة 

سيف 

لوحدها يا ماما دي متعرفش حاجة وعبيطة ممكن تتوه او تعمل اي مصيبة مش تاخدي بالك منها يا ماما 

وفجأة سمعوا صوت صرخات لام بتقول 

ابني ابني شرق وهيروح مني 

هنا رنا جريت عليه وفضلت تعمل ليه الاسعافات الاولية لحد ما شفايفه بدأت ترجع لطبيعتها وطلعت القطعة اللي كانت واقفة ف مجرى التنفس بتاعه 

الام 

الحمد لله الحمد لله انا مش عارفة اشكرك ازاي بس انتي انقذتي ابني 

رنا 

انا معملتش حاجة اي حد يعمل اللي عملته الف سلامة عليه.. ابقى خد بالك وانت بتاكل يا حبيبي 

سيف شاف الموقف فبص لرنا بإعجاب 

لكن جاله اتصال فمشي علطول 

اما مريم فقربت من رنا وقالت فخورة ببنتي حبيبتي 

رنا 

حبيبتي يا ماما .. حضرتك قولتي هنروح نشتري شوية حاجات رجعتي ف كلامك ولا ايه 

مريم 

لا طبعا يلا بينا وتقريبا كدا سيف ابني مشي عالعادة معرفش اقعد معاه ف مكان مغلبني الولد دا

رنا 

هو سيف جه هنا امتا 

مريم 

اول ما قومتي علطول بس مشي دلوقتي تقريبا جاله اتصال

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏