قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

سيف كان عارف كل حاجة عن عمه وراحله المكان اللي بيحب يقعد فيه 

ولما دور عليه لقاه قاعد ف شقته التانية 

اتحطى الشغالة اللي فتحتله الباب ودخل لقاه بيشرب سجاير بانتشاء شديد 

سيف 

والله عال لا وجالك الجرأة تعمل العملة وتيجي تقعد هنا ولا كأن حاجة حصلت ولا كأنك عملت حاجة 

عزت وهو بيطلع دخان السجاير من بوؤه

عملت ايه حقي ورجعلي شقايا وتعبي طول السنين اللي فاتت 

سيف زعق 

احنا هنضحك ع بعض كلنا عارفين انك خسرت كل فلوسك وكنت ع الحديدة ولولا انك ضحكت ع سماح واتجوزتها وخلتها تعملك توكيل ومسكت ادارة شركة جوزها لكنت بتشحت دلوقتي...رجع فلوس رنا ليها يا عزت 

عزت 

وان معملتش دا هتعمل ايه بعدين انت عايز الفلوس تعمل بيها ايه انت ع قلبك فلوس متلتلة قد كدا قد اللي عندي خمس مرات مش مكفيك 

سيف 

اديك قولتها عندي اللي مكفيني ويفيض كمان يبقة اكيد مش هطمع في فلوس اليتيمة زيك كدا يا طماع يا خسيس بتتعدى ع بنت اخوك وامها وبتستغل ضعفك دا انا هوديك ف ستين داهية 

عزت 

لو عندك حاجة تثبت كلامك اعملها رنا بنت اخويا بتحبني واتنازلت ليا عن كل حاجة برضاها وبخط ايديها كمان حتى شوف 

سيف هنا انهار لما سمع كلامه وشاف امضة رنا 

انت شيطان مفيش عندك اي إحساس بس وقسما بالله لأوريك انا كنت بتغاضى عن عمايلك علشان ف الاول والاخر عمي لكن كل السيفهات والملفات اللي تدينك هبعتها للنيابة دا غير استيلاءك ع ورث رنا وابتزازها هي وامها وانت عارف ان ليا معارف كتير واعرف اعمل دا كويس اوي واوديك ورا الشمس

هنا اتغير لون وش عزت واتغيرت قعدته 

اا اانا ااا ما هوو.. اا انت انت متقدرش تعملي حاجة 

هنا قرب منه سيف وانهال عليه بالضرب 

دا علشان اتعديت ع مراتي .. مرات سيف المحمودي خط احمر مليون خط احمر ان كنت هتهاون ف اي حاجة تخصني الا هي فاهم وبقولك من دلوقتي يا عزت عد الساعات اللي فاضلالك لو مجتش بنفسك ورجعت لرنا فلوسها قول ع نفسك يا رحمن يا رحيم 

وسابه سيف بعد ما وشه بقا كله دم 

طلع سيف فونه واخد صورة لعزت علشان يوريها لسماح 

ومشي ورجع تاني ع المستشفى 

ف الوقت دا زياد ومريم وايه كانوا بيحاولوا مع رنا 

استني بس يا رنا رايحة فين 

رنا بصرار 

ماشية هاخد امي ونروح لمكان هما مش فيه مش عايزة اشوفهم ولا افتكر اني كان ليا علاقة بيهم ف يوم من الايام عايزة امسحهم من ذاكرتي تماما

مريم 

عايزة تمشي وتسيبي أمك يا رنا اهون عليكي 

رنا 

مشكلة حضرت انك امه وانا مش عايزة اي حاجة تربطني بيه حتى لو انت يا ماما مريم.. سيف صفحة من حياتي وانطوت خلاص

سماح لما لقت بنتها مصرة ومحدش قادر عليها فكرت ف حيلة لانها مش عايزاها تمشي قبل ما سيف يرجع عايزاها تفضل مع سيف هي شافت حبه وخوفه عليها واتأكدت ان مشاعره حقيقية بس رنا لسه مشافتش دا 

فقالت مدعية الالم 

اه اه انا مش قادرة اخد نفسي تعبانة حاسة ان هيغمى عليا نفسي مكروش خالص ااه ااه الحقيني يا بنتي 

رنا جريت ع امها بخوف 

ماما .. ماما فيكي ايه انتي كنتي كويسة يا حبيبتي يا دكتور نادو الدكتور حالا مامااا.

❈-❈-❈

في الوقت دا وصل سيف ولما شاف رنا بتصرخ 

جري عليها 

رنا انتي كويسة يا حبيبتي فيكي ايه... وشك بيوجعك؟؟

وبدأ يلمس على وشها بحنان والم علشانها 

رنا 

ماما ماما تعبانة ارجوك نادي للدكتور 

سيف بص لسماح 

الاي قامت قعدت 

لا انا كويسة قولي عملت ايه يا سيف

رنا رفعت حاجبها باستغراب امها بتضحك عليها؟؟ 

سيف خرج فونه ووراها الصورة 

بصي شوفي بنفسك جزات اللي يتعدى ع مرات سيف المحمودي هيجراله ايه 

سماح بفرحة وشماتة 

احسن يستاهل ربنا ياخده برافو عليك يا سيف يا جوز بنتي 

رنا بصتله بقرف وقالت ف نفسها 

مغرور قال مرات سيف المحمودي 

بعدها بصتله بانزعاج وقالت 

ودلوقتي المسرحية الهزلية دي خلصت واتفاقنا مبقاش له لازمة اتفضل يلا طلقني حالا 

الكل بص لرنا بصدمة 

اما سيف فبصلها بهدوء وقال 

فعلا كل المسرحيات انتهت وجه وقت الجد 

وقرب من رنا وحضن وشها بٱيده بحنان وحب وتملك 

انما موضوع الطلاق دا انسيه لإننا هنتجوز بجد مش كلام ع ورق 

رنا بحدة شالت ايده 

اللي بتفكر فيه دا انساه انا لا بحبك ولا طايقة اشوفك الله يسهلك مع لي لي بتاعتك 

سيف ضحك 

للدرجة دي غيرانة منها 

رنا بصتله بزهول 

برضو بردو بتقولها انا اغير من دي .. مفيش وجه مقارنة ما بينا بس تعرف انتوا الاتنين لاقين ع بعض 

سيف ابتسم 

فعلا مفيش وجه مقارنة ما بينكم ايه اللي جاب واحدة خاينة كلبة فلوس ليكي يا رنا... انا عارف ان لي لي مش مناسبة ليا من زمان وشوفت ليها غلطات كتير بس صابر عليها بس وبوهمها اني بحبها ولسه عايز اكمل ف ارتباطي منها علشان اعرف مين اللي وراها علشان اعرف مين عدوي اللي عايز يوقعني وعارفة طلع مين.. طلع عمي عزت تصوري ضحك ع خطيبتي واغراها بالفلوس هي وأبوها علشان كدا هما مستعجلين ع الجواز علشان اكتبلهم كل حاجة .. ولما حصل المواجهة بينك وبينها بينت لها اني مصدقها علشان اعرف هتعمل ايه واللي اتوقعته حصل جريت ع الشركة مستغلة وجودي معاكي واني بعاقبك وراحت لمت كل الاوراق المهمة علشان اما تبتزني بيهم او تضربني ف السوق لكن طبعا قبل ما تخرج من بوابة الشركة كان مقبوض عليها بتهمة السرقة وفيه تهم غيرها متسجلة ليها صوت وصورة.. عرفتي ليه انا كنت باجي عليكي قدامها.. علشان عي تتمادى وتتصرف براحتها تماما ووقتها هعرف اوقعها كويس 

رنا مكناتش مصدقا اللي بتسمعه فسيف قال 

اسف.. حقك عليا يا رنا انا جيت عليكي كتير.. بس والله العظيم ما كنت اعرف اني حبيتك كدا .. جيت عليكي ع اساس انك بنت عمي وهتتحمليني لحد ما اتخلص منها واعرف مين وراها لكن مكنتش اعرف اني باجي ع حبيبتي وحياتي كلها معرفتش اني بحبك الا لما شوفت وشك ف البيت وكله اثار ضرب كنت هتجنن علشانك وزي ما وعدتك عزت عيجيلك راكع يستسمحك علشان تسامحيه والا هوديه ورا الشمس زي ما عملت ف لي لي 

رنا بصتله باستغراب ومكانتش عارفة ترد لكنها ولاول مرة بتسمع حقايق عنه وبتشوف سيف تاني غير اللي كانت تعرفه

وفجأة وف وسط زهول رنا واندماج الكل وفرحتهم باعتراف سيف 

اتخضوا لما لقوه بيزعق وبيمسك زياد من قفاه 

انت يا زفت بتعمل ايه هنا انا مش قايلك خليك برا واحرسهم بس متدخلش دا انت وقعتك هباب النهاردة 

زياد بصدمة هو كمان 

يخربيتك انت بتتحول مش كنت عم الرومانسي دلوقتي وخليتنا نندمج معاك فجاة قلبت منك لله قطعتلي الخلف 

الكل انفجر ف الضحك حتى رنا ضحكت 

سيف ابتسم بحب وقال 

ضحكتك جميلة اوي زيك انا ازاي مكنتش اخد بالي من الجمال دا.. ازاي كنت اعمى بالشكل دا.. قدامي ماسة نادرة الوجود وعامل نفسي مش شايفها 

رنا 

سيف اللي ف دماغك دا انساه انا عمري ما اكون بديل لحد او سد خانة انا مش طالبة منك حاجة غير انك تسيبنا ف حالنا 

سيف هز دماغه 

مين قال كدا انتي كل حاجة ف حياتي.. انا اتضح ليا اني مكنتش بحب لي لي خطبتها علشان عايز أخطب واتجوز زي اي شاب وفكرتها مناسبة ليا علشان كدا قربتها مني معرفتش طعم الحب وشكله الا لما حبيتك يا رنا.. معرفش انتي عملتي ليا ايه رغم انك عمرك ما حاولتي تلفتي نظرك ليا وكل اللي بينا كان شد وجذب لكني حبيتك امتا وازاي معرفش ومستعد اعمل اي حاجة علشان تشوفي حبي دا وتحبيني انا كمان زي ما بحبك 

رنا بإيباء 

انسى يا ابن عمي انا عمري ما هحبك متحاولش 

سيف 

مش هجربك تحبيني دلوقتي خدي الوقت براحتك لحد ما تبادليني نفس الشعور وتشوفي حبي الصادق ليكي 

رنا 

مش عايزة اكون ف مكان انت فيه انا هعيش مع امي لوحدنا

سيف 

حاضر مش هخليكي تشوفي وشي لكن انتي وحماتي العزيزة هتعيشوا معانا ف الفيلا ف حمايتي استحالة اسيب حبيبتي تسكن لوحدها 

سماح ومريم ف نفس واحد 

عين العقل يا سيف 

رنا بغيظ 

ماما.. ماما مريم انتوا بتقولوا ايه 

في الوقت دا جه عزت وباين عليه الانهيار التام 

رنا رنا يا بنتي خدي كل فلوسك انا كتبتها باسمك واهو التنازل بتاعك انا هقطعه قدامك بس خلي سيف يسيبني في حالي 

رنا 

طلق ماما دلوقتي حالا 

عزت بدون تردد 

سماح انتي طالق طالق بالتلاتة بس خلي سيف يسيبني الحق اسافر بسرعة برا البلد 

سيف 

يلا بسرعة قبل ما اغير كلامي لو شوفتك هنا ف مصر تاني هنسفك فاهم 

عزت هز راسه وجري ع برا 

هنا اتنهدت سماح براحة 

الحمد لله واخيرا كدا اموت وانا مرتاحة 

رنا جريت ع امها وحضنتها 

بعيد الشر عنك يا امي.. 

بعد كدا قربت من سيف وقالت 

سيف يا ابن عمي انا مدينة ليك بحياتي اطلب اي حاجة وانا اعملهالك انت رديت الروح تاني ف امي لما خلصتها من جحيم عمي 

سيف بحب 

وافقي نتجوز هعملك فرح الكل يحكي ويتحاكي عنه 

رنا بصتبدله بغيظ فقال 

خلاص خلاص متبصليش كدا انتي طلبتي تاخدي وقتك هستناكي 

رنا 

مش هشتغل ف شركتك تاني 

سيف 

طبعا ما انتي خلاص هتمسكي شركتك الجديدة ايوا بقا مين قدك يا عم

رنا 

مش هكلمك لاني متضايقة منك شوفت منك كتير 

سيف 

يكفيني اني اشوفك والمح طيفك بصحة وبخير دا عندي بالدنيا 

رنا 

يووه.. ماما كفايا هنا بقا يلا نمشي انا تعبت 

سيف قرب منها وقالها وقال 

وماله يلا نمشي يا حبيبتي نرجع بيتك واوضتك 

رنا 

سيف متستغلش الموقف انا قولت مش عايزة اشوف وشك تاني 

سيف بعند 

غمضي عينك يا روحي لأني مش ناوي اسيبك هكون زي ضلك اومال هتحبيني ازاي دا اسمه كلام بردو.... زياد انا هسبق ع العربية هات ماما وحماتي وايه وتعالى ورايا 

زياد 

كنت الخدام بتاعك انا 

سيف 

برطم كمان انت حسابك معايا تقيل 

ولما وصلوا العربية سيف نزلها وقعدها جنبه 

فرنا بسرعة نزلت من الجنب التاني وقعدت ورا 

فسيف بصلها بعند وراح قعد جنبها وقال مفيش مشكلة هنادي ع البت ايه تسوق اي نعم غشيمة ف السواق بس المهم اقعد جنب مراتي حبيبتي 

رنا 

افهم بقا انا مش مراتك 

سيف 

طب احلفي كدا.. عيني في عينك كدا... اسألي امي وامك كدا!!! 

رنا 

يوووه بقا 

سيف باستفزاز 

قمر قمر يا روحي حتى وانتي متعصبة 

رنا 

انا مصدع ممكن متتكلمش خالص لحد ما نوصل 

سيف 

حاضر هسكت بس ممكن تيجي تقعدي قدام جنبي لان لو اعتمدت ع سواقة ايه هنرجع تاني المستشفى هنا 

رنا بعند

لا يعني لا 

سيف اتنهد بقلة حيلة 

ماشي هسوق انا وامري لله بس كل دا علشان خايف ع حبيبتي مش اكتر 

❈-❈-❈

وبعد كم يوم كانت فيهم رنا استعادت صحتها هي ومامتها بالكامل 

وكانت بتستعد علشان تخرج 

سيف لقاها خارجة 

رايحة فين يا روحي 

رنا بغيظ 

نازلة الشغل يا ابن عمي وبطل بقا كلمتك دي بتضايقني 

سيف 

لو بطلتي كلمة ابن عمي دي اوعدك ابطلها 

رنا 

طيب عايزني اناديك بإيه مثلا 

سيف 

وربنا ابويا قبل ما يموت سماني سيف واسم حلو وخفيف ايه رايك فيه 

رنا 

طيب يا سيف انت وعدتني انك ماقولهاش تاني 

سيف 

لا طبعا وعد مش هقولها يا حياتي تاني 

رنا نفخت بغيظ 

اووف بقا 

ولما حت تمشي 

مفيش خروج من غير فطار افطري الاول وانزلي براحتك 

رنا 

لا مش حابة افطر دلوقتي مليش نفس هعمل كوباية قهوة 

ولما راحت ع مكنة القهوة 

لقت سيف وقف قدامها وقال 

مفيش قهوة ع معدة فاضية 

رنا 

نعم انت خنيق ليه كدا 

سيف تعالي افطري عملت ليكي البيض اللي بتحبيه لو معدتك وجعتك انا مش مسؤول انا بقالي اسبوع بتعلم اعمله وبردو بفشل فشل زريع ااه بطني يخربيت كدا دا انا دوقته وبس 

وجري ع الحمام ورنا مقدرتش تمسك نفسها من الضحك 

سيف بعد ما خرج من الحمام وحس براحة قال 

بتضحكي ع احزاني .. وانا اللي تعبان وبعمل كل دا علشانك 

رنا 

انا اتاخرت ولازم امشي بجد بقا يا سيف 

سيف 

عيون سيف وقلبه مفيش خروج الا لما تفطري بصي كلي اي حاجة الا البيض بتاعي من فضلك دا بيعمل تلبك معوي ااه يا بطني 

رنا ضحكت تاني فابتسم سيف وتاه في عنيها وسرح فيهم بحب 

رنا بصتله بخجل من نظراته ليها وقالت بتوتر 

اا انا رايحة افطر 

وعدى ع الحال دا شهرين كاملين سبف بيحاول بكل جهده انه بخلي رنا تشوف حبه كان بيعاملها بلطف شديد واهتمام كبير هي كانت مفتقداه كان نفسها ف اب يحن عليها يحميها يقولها متخافيش انا جنبك وشافت دا ف سيف لكن عندها كان مخليها ترفض تصدق دا 

لكن ف يوم جه سيف من برا متنرفز وع آخره وبينادي بعلو صوته ع رنا ودا لان الغيرة اتمكنت منه 

رنااااا .. رنااا انزليلي هنا حالا 

في الوقت دا زياد جه جري ورا سيف لانه عارف اللي حصل 

استر يا رب هتقوم حريقة دلوقتي واللي بناه سيف ف شهور هيهده ف لحظة تهور 

سيف 

رنااااا انزلي حالا والا هطلعلك ادشدش راسك دي 

رنا نزلت باستغراب وكذلك سماح ومريم 

رنا 

فيه ايه يا سيف مالك 

سيف 

تعالي هنا عايزك 

مريم دفي ايه يا سيف بتزعق ليه كدا 

سيف 

محدش له دعوة محدش يتدخل دي مراتي وانا حر فيها 

رنا بانزعاج لكنها مبتحبش طبع التملك دا 

فيه ايه ممكن افهم انت ليه بتعمل كدا 

سيف 

ممكن اعرف مين اللي اسمه يوسف دا وايه علاقتكم ببعض لحسن هموتهولك دلوقتي حالا 

ولما وراها يوسف وازاي هو مربطة من ايده ومكتفه كدا 

رنا اول ما شافت يوسف كدا جريت عليه بخوف 

يوسف انت رجعت اخيرا... سيف انت اتجننت ازاي تعمل في يوسف كدا فكه حالا 

سيف مسك ايدها بحدة مين دا وعلاقتك ايه بيه انطقي اعترفي بالحقيقة حالا 

رنا هنا اتعصبت

دا يوسف ابن خالتي واخويا ف الرضاعة افهم بقا هتفضل طول عمرك كدا مش هتتغير ابدا 

سيف 

ايه اخوكي ف الرضاعة ااا انا اسف بس اول ما شوفته بيسأل عليكي واتأكدت ان هو هو نفس الشخص اللي شوفتك ف الصورة بتحضنيه كنت هتجنن الغيرة اتملكت مني محستش بنفسي حقك عليا 

رنا هزت راسها وقربت من يوسف ومسكت ايده 

يوسف انت كويس ؟؟ 

يوسف 

كويس يا رنا متقلقيش بس جوزك ايده تقيلة اوي 

سيف شد ايد رنا 

بتعملي ايه انتي اتجننتي 

رنا 

ايه يا بني ادم مش قولتلك دا اخويا 

سيف بغيرة 

ويعني علشان اخوكي تمسكي ايده وانا اللي عمري ما مسكت ايدك انتي بتستعبطي بتختبري صبري يعني 

رنا 

انت ليه مكبر المواضيع انت عارف اني مبحبش كدا دا اخويا يعني غيرة ايه ف الموضوع افهم بقا 

سيف بحب صادق 

المشكلة اني مش قادر استوعب ان فيه حد غيري يمسك ايدك.. انا تعبت علشان اوصلك ومش مستعد الاقي حد يشاركني فيكي حتى لو كان اخوكي . ولا لو شوفتك مسكت ايديها او قربت منها هكدرك فاهم 

يوسف ضحك وقال لرنا 

جوزك دا غيرته صعبة اوي

رنا بجدية 

بس الغيرة لو زادت بتخنق وانا مش مستعدة اعيش طول عمري مخنوقة 

سيف اتراجع ف حدته وقال بصوت جاد 

يمكن معاكي حق اوعدك اتغير بس اوعديني متلمسيهوش قدامي ع الاقل راعيني لحد ما نتجوز 

رنا 

يعني لما نتجوز هتبطل غيرتك الزايدة دي عليا؟ 

سيف بفرحة 

ايه عيدي كلامك دا تاني كدا بالله عليكي عايز اسمعه تاني 

رنا 

بقولك هتبطل غيرتك الزايدة دي ولا لا 

سيف 

لا لا مش دي اللي قبلها انتي قولتي ايه نتجوز ياااه واخيرا انا خلاص كنت هفقد الأمل واخيرا رنا وافقت بيا وهنتجوز ياااناااس هتجوز رنااا اخيرا 

يوسف 

المجنون دا بيقول ايه هو انتوا كل دا ومش متجوزين ؟؟ 

سيف بغيظ 

بقالي داخل ع السنة ونص مكتوب كتابنا بس لما خللت شايف اختها وقلبها القاسي 

يوسف 

لالا يا رنا معندكيش حق الفرح يتعمل بعد اسبوع من النهاردة خلاص ماما راجعة كمان يومين ومش هيكون ليكي حجة 

رنا اتحرجت ومعرفتش تتكلم فبصت ف الارض لكنها شهقت بصدمة لما لقت سيف بيشيلها وبيلف بيها زهو بيصرخ بحبك بحبااااااك 

❈-❈-❈

بعد كم سنة كانت رنا ماسكة فونها وبتفرج المقطع دا لاولادها 

واهو زي ما انتم شوفتم باباكم وجنون باباكم عامل ازاي 

الاولاد ضحكوا وقالوا 

الله يا مامي بابي بيحبك اوي 

سيف جه وحضنهم كلهم سوا وقال 

بحبها ومستعد اوري العالم كله الفيديو دا ومش مكسوف تحبوا انزله ع السوشيال ميديا 

الكل صرخ بفزع

لالا مصدقينك يا بابي اوعى تنزله 

رنا ضحكت 

مش قولتلكم مجنون

تمت

إلى حين نشر الرواية الجديدة للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏