قراءة رواية أحببتها دون أن أدري كاملة

تنشر حصريًا على مدونة رواية وحكاية قبل أي منصة أخرى

لي لي وصلت ع مكتبها ومسكت الفون وكلمت سيف 

سيف انا في المكتب برا لو احتاجتني كلمني 

سيف 

ايه في ايه مالك صوتك مش عاجبني ليه فيه حاجة حصلت 

لي لي 

ابدا اتخانقت انا وبابا وشدينا شوية بردو بسبب معاد الفرح اللي انت مش عايز تحدده علشان كدا مخنوقة ومليش مود اكلم حد انا جيت بس علشان انت متزعلش 

سيف 

طيب انا ليا كلام تاني معاه لو انتي تعبانة روحي النهاردة عادي وانا هتصرف 

لي لي طالما جيت هقعد شوية وبعدين همشي 

سيف 

اوك هخلص اللي ف ايدي واجيلك 

لي لي 

مستنياك 

واول ما خلصت مكالمة مع سيف جالها اتصال من رقم مش مسجل عندها 

الوا مين 

المتصل 

انسة لي لي معايا 

لي لي 

مين انت اه انا لي لي

المتصل 

انا قاصد منك خدمة بمليون جنيه ايه رايك 

لي لي 

خدمة مني انا انت متصل تهزر ولا ايه مش فاهمة

المتصل 

ملف مهم عند سيف بيه لو جبتيه الميلون جنيه حلال عليكي 

لي لي 

انت مين وعايز ايه وملف ايه اللي اجيبه انت اتجننت 

المتصل 

متتحمقيش اوي كدا عليه هو مش بيحبك لو بيحبك قوليلي كدا ليه مش عايز يحدد معاد لفرحكم وليه معينكيش ف منصب عالي لحد دلوقتي هو دا اخرك مجرد سكرتيرة عنده علشان يتحكم فيكي طول الوقت حقيقي انتي صعبانة عليا عامة هتصل بيكي تاني اعرف ردك واقولك ع التفاصيل باي 

❈-❈-❈

اما جوا عند سيف قال 

رنا خدي الملفات دي وروحي على مكتبك 

رنا 

هو فين مكتبي اصلا 

سيف شاورلها ع باب تاني وقال من هنا تقدري تدخلي ليا هنا ف اي وقت من الباب دا 

رنا 

طيب ماشي 

وقامت راحت لمكتبها وسيف راح ل لي لي 

فلقاها قاعدة سرحانة 

سيف 

لي لي انتي كويسة لي لي انتي سامعاني 

انتبهت لي لي ليه واتنهدت بزهق 

وقالت 

سيف انا تعبانة انا همشى يا ريتني ما جيت فعلا 

سيف 

طيب خلاص روحي ارتاحي انتي 

لي لي 

مش هتيجي تكلم بابا بقا 

سيف مش دلوقتي يا لي لي على الاقل لما رنا تمشي 

لي لي 

وانت مالك ومال رنا انت مقيد نفسك بيها ليه ثم اني عايزة افهم هي لسه عندكم بتعمل ايه دي مبترجعش بيتها ليه 

سيف امور عائلية يا لي لي مقدرش اقول تفاصيل اكثر 

لي لي 

يعني انا مش من العيلة يا سيف بقا كدا يعني انت لسه مش بتثق فيا للدرجة دي ... انا ماشية يا سيف 

سيف 

لي لي انتي الظاهر اعصابك تعبانة علشان كدا مش متحملة اي حوار روحي ارتاحي وبعدين نتكلم 

وف نهاية اليوم سيف خلص شغله وقرر يروح مكتب رنا ياخدها معاه وهو مروح 

فلما دخل مكتبها ملقهاش فاستغرب 

المكتب اتغير تماما عما كان عليه واصبح فيه لمسة انثوية جميلة وكل حاجة ف مكانها وبنظام مريح للعين 

لكنه استغرب هي ليه مش موجودة ف مكتبها ولما سأل السكرتيرة الخاصة بيها قالتله انها لسه يا دوب ماشية 

سيف 

بقا كدا يا رنا تمشي من غير ما تستأذني مني 

فلما جه يتصل بيها ملقاش رقمها متسجل معاه 

فزفر بانزعاج 

مش فاهم مراتي ومش معايا رقمها ايه الغباء اللي انا فيه دا 

قالها وخرج ركب عربيته وراح ع البيت 

لكن الغريبة انه ملقاش حد هناك لا مامته ولا رنا ولا حتى أيه 

فسأل الشغالة 

هي ماما والبنات راحوا فين 

الشغالة خرجوا يا سيف بيه من نص ساعة تقريبا 

سيف استغرب وطلع فونه اتصل بأمه 

ماما انتي فين وفين البنات انا رجعت البيت ملقتش حد فيكم وسألت الشغالة قالت خرجوا 

مريم بمكر 

اه يا سيف معلش اعذرني نسيت اتصل بيك اقولك انت عارف انك نادر لو رديت ع تلفونك ف الشغل... انا عند خالتك يا حبيبي انا والبنات اصلها عازمانا على الغدا النهاردة يلا تعالى كلنا ف انتظارك 

سيف 

تقصدي مين بكلنا هي رنا معاكم هي كمان 

مريم 

طبعا اومال يعني هروح واسيبها انا اتصلت بيها وهي راجعة وقولتها ع العنوان وجتلنا على هناك لسه يا دوب واصلة اهي يلا انت كمان مسافة السكة وتعالى 

سيف زفر بانزعاج بعد ما قفل مع امه يعني افتكرتي تقولي لرنا ومفتكرتيش ابنك يا ماما 

قالها ورجع ع العربية وراح ع بيت خالته 

عند خالته الكل كان متجمع وسيف دخل بسرعة بيدور بعينه على رنا لكنه ملقهاش 

فقال 

ماما رنا فين

مريم 

طيب قول على الأقل السلام عليكم وسلم حتى على خالتك يا سيف 

سيف بنبرة استعجالية 

ازيك يا خالتو عاملة ايه.. ماما فين رنا 

مريم 

شريف طلب يكلمها على انفراد زمانهم قاعدين ف الفراندا هناك اهم 

سيف بغضب 

بتتكلم مع شريف ع انفراد ليه بينه وبينها ايه ليلتها سودا النهاردة 

ايناس لمريم 

هي ايه الحكاية بالظبط ابنك سيف ساب لي لي ولا ايه 

مريم 

قريب قريب اوي هيسيبها يا ايناس 

ايناس لأية 

فاهمة حاجة يا يويو خالتك وابنها اتجننوا 

ايه ضحكت 

الظاهر كدا اننا هنستمتع بمشاهدة القط والفار يا ماما اتفرجي معانا يعني عليكي يا رنا كنتي طيبة يا حبيبتي 

اما في الفراندا شريف قال 

رنا انا ف الحقيقة معجب بيكي من اول مرة شوفتك فيها علشان كدا كنت عايز اتقدملك ايه رايك ...اكلم سيف اطلبك منه 

رنا 

في الواقع انت فاجئتني يا شريف بس انااا ااا 

شريف 

لا مش محتاجة تقولي ردك دلوقتي فكري براحتك يوم او اتنين انا هنتظرك 

رنا اوك يا شريف ممكن ننضم ليهم دلوقتي 

شريف 

اه اوي اوي اتفضلي 

ولما جم يقوموا من مكانهم 

لقوا سيف في وشهم وبيبص ليهم بشر 

هتاخدي وقتك تفكري في ايه يا انسة رنا ها 

شريف 

سيف انت سمعت انا اااا... سيف انت خاطب لو سمحت اعطيها فرصتها انا انتظرتك انك ت...

سيف قاطعه 

اسمع يا شريف اياك تكرر طلبك دا تاني فاهم عارف علشان ايه علشان الانسة رنا المبجلة مخطوبة ومش بس خطوبة دا كتب كتاب فاهم 

شريف بصدمة 

رنا مكتوب كتابك بجد؟؟ 

رنا هزت راسها 

لالا دا بيهزر 

وقربت من سيف 

انت بتقول ايه يا بني ادم انت محدش يعرف باتفاقنا دا انت بتهبب ايه دلوقتي 

سيف 

متنسيش نفسك يا رنا المدة لسه مخلصتش علشان تفكري ترتبطي بحد تاني فاهمة واتفضلي يلا قدامي ع جوا 

رنا هزت دماغها بانزعاج وراحت قعدت وانضمت لمريم وايناس وايه وهي بتنفخ 

استغفر الله العظيم يارب 

ايه ضحكت 

مش قولتلك يا انطي هيحصل حاجة؟؟ 

ايناس 

طيب نتغدى ولا ايه شريف اطلع نادي ع زياد من فوق 

زياد 

انا نزلت خلاص اهو يا ماما مساء الخير عليكم ازيك يا خالتي ازيك يا رنا 

سيف 

ايه يا زفت الطين انت وانا هوا قدامك 

زياد 

ازيك يا سيدي ها كدا كويس.. انت عايزني اعطيك وش بعد ما بهدلت وشي؟؟ 

سيف 

والله دا اقل واجب اسمع انت وهو رنا خط احمر فاهمين ممنوع حد فيكم بس يفكر اسمها يجي ع لسانكم 

ايه همست لرنا 

شايفة الاهتمام الزايد دا يا بختك يا عم مين قدك علشان يلاقي حد يهتم بيه كدا ويغير عليه بالشكل الجامد ده 

رنا 

ايه لو سمحتي انتي لسه صغيرة مش حابة تتكلمي في حاجات زي دي 

ايه 

ليه ليه صغيرة اللي قدي بيتجوزوا والله العظيم طب انتي عارفة لو جوزتوني دلوقتي هوافق علطول المهم مفيش مذاكرة 

رنا بصت لها بحدة فقالت ايه 

والله بهزر والله والله بلاش بصتك دي 

رنا ابتسمت وقالت مجنونة رسمي انتي 

ايه 

طب بالله كلامي مش صح؟؟

رنا بصتلها تاني بتحذير 

ايه بخوف 

خلاص خلاص هسكت 

زياد 

رنا كل حاجة تمام 

زياد 

تمام جدا استمر ووافيني بكل الأخبار 

زياد 

ماشي عنيا ليكي يا قم....

ولسه مكملش الكلمة لقا سيف بيديه بالبوكس ف الجنب التاني من وشه 

وبيشد رنا وقال وهو بيمشي بيها لبرا

خالتي شكرا ع العزومة الجميلة دي ماما عندك اهي هعدي اخدها بالليل لكن رنا مش هتقعد هنا ثانية واحدة 

وسحب رنا من ايديها وسط زهول الكل 

وعند الباب رنا سحبت ايديها بحدة 

انت بتعمل ايه انت هتاخد عليها كل مرة تشدني من ايدي كدا وتسبحني زي العبيطة هو فيه ايه بالظبط 

سيف لسه هيرد جاله اتصال فوشه اتغير واتعصب اكتر 

ولما خلص المكالمة بص لرنا بشر 

رنا خافت من تهوره وقالت 

فيه ايه بتبصلي كدا ليه المكالمة دي فيها ايه ايه يا ابني مالك 

سيف بانزعاج 

دي تاني مرة حد يطلب ايدك مني دا غير شريف الزفت ؟؟؟ 

رنا انفجرت من الضحك وقالت بعند 

طب وفيها ايه ما اكيد طبعا لازم يجيلي عرسان وانا مسيري هتجوز في يوم من الايام ولا ايه 

سيف 

نعم يا ختي صدقي انتي معندكيش دم يعني مكتوب كتابنا وبتفكري ترتبطي ايه الجبروت بتاعك دا طب ع الاقل استني لما المدة بتاعتنا تخلص 

رنا 

جرى ايه يا سيف هو انا قولتلك هروح اتجوز دلوقتي بعدين انا متفقتش مع حد فيهم انت فاجئتني باللي بتقوله وشريف كمان فاجئني 

سيف 

اه وانتي بقا بدل ما تقولي انك متجوزة بتقوليله هفكر؟؟ 

رنا 

سيف متنساش ان محدش يعرف اننا مكتوب كتابنا ومتنساش كمان ان العقد اللي بينا مجرد اتفاق مش حقيقي يعني من حقي اشوف مستقبلي 

سيف بانفعال 

كلامك دا مش مقبول بالمرة واياكي تفكري ترتبطي بأي حد طول ما فيه عقد بينا انتي فاهمة 

رنا 

انت بجد بقيت اوفر اوي وانا مبحبش كدا 

سيف 

تحبي ولا متحبيش اللي اقوله يتسمع وبس 

رنا بغضب

انا معنديش استعداد اسمع لواحد نرجسي عن اذنك 

سيف 

رايحة فين 

رنا 

رايحة اقعد مع ماما مريم وطنط ايناس وايه ميصحش يكونوا عازمنا وامشي واسيبهم

سيف بانزعاج 

طيب زياد وشريف

رنا 

والله مش مشكلتي عايز تاخدهم وتمشوا كلكم ياريت تعمل دا 

سيف 

طب والله فكرة هروح اجيبهم من قفاهم علشان تقعدوا براحتكم 

رنا ابتسمت وهزت دماغها 

مجنون 

وسابته ومشيت 

اما سيف قال في نفسه بس لسه لسانه منطقهاش 

مجنون بحبك يا رنا 

ولما انتبه لنفسه قال بجنون 

ايه دي راحت قعدت مع زياد وشريف انا رايح اجرجرهم على برا بسرعة 

❈-❈-❈

وقضت رنا ومريم اليوم كله مع ايناس وايه 

وفي نص الليل جه سيف علشان ياخدهم على البيت 

اما زياد بعض ما رنا ومريم ركبوا العربية مع سيف 

قال 

واخيرا افرجت عني يا شيخ حرام عليك دا بيتي اللي انت مانعني ادخله 

سيف 

خلاص يا عم انت هتفضل تعيط يلا ادخل افراج خلاص وبعد كدا من نفسك رنا موجودة عندكم مشوفش وشك في البيت

زياد 

ربنا ع الظالم والمفتري 

سيف بتحذير

انا ظالم ومفتري فيه حاجة يا زياد؟؟ 

زياد 

لالا مفيش حاجة انا طالع انام يا اينااااس انا جعان ابن اختك كان مذنبني طول اليوم متبقيش تعزميهم عندنا تاني ابقي روحيلهم انتي 

الكل انفجر ف الضحك على زياد حتى سيف 

❈-❈-❈

تاني يوم في الشركة

 صوت لي لي كان مسمع في الشركة كلها 

وسيف بيحاول يهديها 

سيف 

لي لي من فضلك وطي صوتك مينفعش كدا الموظفين كلهم اتلموا وانا مبحبش كدا 

لي لي بعصبية زايدة انت عايزني اهدى ازاي.. ازاي اهدا ها قولي... يعني شيلتني من منصبي وخليتني مجرد سيكرتيرة وقولت تمام اوك علشان اكون جنبك لكن اتفاجئء بأنك عينت بنت عمك الفلاحة الجاهلة دي نائبة ليك دا اللي مش قادرة استوعبه ابدا ولا يمكن اوافق بيه 

سيف 

ممكن تهدى بس وهفهمك كل حاجة من فضلك .. تعالي تعالي بس نخرج من الشركة ونتكلم ف اي مكان في هدوء 

لي لي بعدت عنه 

هنتكلم نقول ايه انا لحد دلوقتي مش قادرة استوعب مش قادرة استوعب انك تعمل فيا كدا انت يا سيف 

سيف 

عملت فيكي ايه بس انتي سكرتيرتي وخطيبتي وبتاخدي راتك زيك زيها بالظبط يبقى ايه الاختلاف مجرد القاب ملهاش لازمة 

لي لي بصتله بغضب وهي مش قادرة تسوعب اللي حصل ولا تسامحه فقالت 

سيف سيبني لوحدي دلوقتي مش قادرة اشوف حد ولا اتكلم مع حد 

سيف 

طيب هسيبك تهدي وبعدين هرجعلك تاني 

لي لي كانت قاعدة بتاكل ف نفسها بغيظ 

كلامه كان صح.. سيف مبقاش مهتم بيا بقا مهتم ببنت عمه اكتر علشان كدا مبقاش يفكر ف معاد فرحنا وكل شوية يتهرب بنت عمه اخدت مكاني وهيركني انا ع الرف لا انا استحالة اسكت على دا استحالة اسيبه يتخلى عني واسكت انا لازم اتغدى بيه قبل ما بتعشى بيا انا لازم اتصل بيه تاني الفلوس اللي هاخدها منه هي اللي هتبرد ناري 

وبالفعل اتصلت بيه ع نفس الرقم اللي مكلمها منه 

زياد كان قاعد في شغله ولما رن فونه وعرف المتصل مين اتخض وكان هيقع من مكانه 

يخربيتها دي بتتصل معقول معقول وافقت ع عرضي وقررت تخون سيف انا كنت شاكك فيها من البداية.. لالا يا زياد متظلمهاش من يمكن جايا تفرض العرض 

ولما كلمها قالت 

انا موافقة ع عرضك قولي مواصفات الملف ليه والفلوس هتوصلني امتا 

زياد حاول يتكلم بجدية 

فايس تو فيس سلك واستلم هتجيبي الملف تاخدي فلوسك هنتفق ع اي مكان تحدديه انتي براحتك 

لي لي 

اوك موافقة نتقابل على كورنيش النيل عند كافيه كورنيش

زياد تمام هجهز الفلوس وهكون ف انتظارك هناك 

لي لي 

اوك انتظر مني اتصال لما اجيب الملف

بعدها اتصل زياد برنا وقال 

رنا السمكة بلعت الطعم زي ما هو متوقع 

رنا هزت دماغها بصدمة 

مش معقول انا كان عندي ١ في المية انها تخلف توقعاتنا بس للاسف يا خسارة يا خسارة يا لي لي بجد بس انا اسفة انا مش هسيب ف الشركة بتاعة عمي حد خاين تستاهلي اللي يجرالك ... زياد او ما تتعرف المعاد كلمني فورا 

اما عند لي لي فاستغلت ان فيه مكالمة مهمة جت لسيف بعد ما وصلته بيها 

دخلت واتسحبت ودورت ع الملف وسيف معطاش ليها خوانة بل فرح انها اتخطت غضبها وبدأت تتعامل عادي جدا وسابها تتحرك ف المكتب بحرية 

بعد ما سيف خلص المكالمة المهمة بص بعينه دور عليها ف مكتبه ملقهاش 

قام من مكانه وهو مبسوط فرحان منها وعايز يصالحها لكنه ملقهاش ع مكتبها هي كمان 

دي راحت فين دي 

في الوقت دا جت رنا وقالت سيف محتاجاك تيجي معايا مشوار مهم 

سيف 

مشوار ايه دا ودلوقتي في وقت الشغل 

رنا 

اه معلش لازم تيجي وتشوف بنفسك علشان متقولش اننا ظلمناها لازم تيجي تكون شاهد على خيانتها 

سيف كشر 

هي مين؟؟؟ 

رنا 

هتعرف في وقته بس يلا نلحقهم بسرعة 

سيف 

رنا فيه ايه انا مش فاهم حاجة ومش منقول من هنا غير لما افهم انتي بتتكلمي عن ايه بالظبط وبطلي تتكلمي باللغاز لاني مبحبش الاسلوب دا 

رنا 

سيف الملف المهم بتاع اخر مناقصة هو فين 

سيف 

في مكتبي طبعا عايزاه ليه 

رنا شاورتله ع مكتبه وقالت 

ممكن توريهولي لو كان ع مكتبك اصلا 

سيف 

طبعا ع مكتبي هيكون راح فين يعني محدش يقدر ياخده 

ولما دور عليه ملقاهوش فقال 

رنا انتي اخدتي الملف ولا ايه هو فين 

رنا 

انا بردو شوف انت بقا له الصلاحية انه يدخل مكتبك وفي اي وقت وبسهولة 

سيف 

انتي طبعا محدش يقدر يعمل دا غيرك 

رنا بصتله بغيظ 

انا!! قصدك اني انا اللي اخدت الملف... اممم تمام يا سيف انا اللي غلطانة اللي جيتلك انا ماشية 

سيف لحقها 

يي عليا استني بس مش قصدي اللي وصلك انا اقصد انك الوحيدة اللي عندك الصلاحيات تدخلي مكتبي وقت ما تحبي مفيش حد يقدر يعمل دا غيرك 

رنا 

طب والانسة لي لي ايه نظامها 

سيف بصدمة 

انتي عايزة تقولي ان لي لي هي اللي اخدت الملف 

رنا 

لو حابب تشوف بنفسك تعالى معايا اخدت الملف ورايحة تبيعه بمليون جنيه ممم سعر مغري الصراحة 

سيف زعق 

رنا انتي بتقولي ايع اانتي عارفة معنى كلامك دا ايه.. اوزني كلامك قبل ما تتكلمي 

رنا 

لو مش مصدقني متحصلنيش عن اذنك 

سيف لحق بيها 

لا استني انا جاي معاكي انا لازم اتأكد بنفسي 

وبالفعل اخدته رنا لمكان مقابلة لي لي لزياد 

رنا لما وقفوا بعيد نسبيا 

اهي شوف بنفسك 

سيف 

زياد بيعمل ايه هنا زياد اللي عايز يبيعني 

رنا 

اسمع بس لي لي بتقول ايه 

لي لي 

اما جبتلك الملف فين الفلوس اللي اتفقنا عليها 

سيف 

لي لي وزياد بيتفقوا عليا بيخونوني

رنا 

زياد انا اللي طالبة منه نعمل دا علشان اختبر لي لي مش معقول تبقى ماسكة مركز حساس من غير ما اعمل لها اختبار وف الاخر فشلت فيه 

زياد ناول لي لي شنطة وقال الفلوس هنا ف الشنطة تقدري تشوفيها بنفسك 

لي لي فتحت الشنطة لقت جواها ورقة مكتوب فيها 

سيف بنفسه جه علشان يسلمك الفلوس 

لي لي الدم هرب من عروقها وبصلت وراها بخوف وحذر شديد 

سسس سيف!!! 

سيف هنا بص للي لي بغضب 

لي لي بتعملي ايه هل اللي شوفته دا حقيقي 

لي لي اول ما شافت رنا لبست توب المسكنة 

 سيف انا اتعرضت لمقامرة حقيرة من بنت عمك الفلاحة دي ضحكوا عليا واوهموني انك في خطر طلبوا مني ملف مهم علشان كدا جبته اما موضوع الفلوس دا معرفش حاجة عنه دول بيفتروا عليا يا سيف

يتبع...

إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏