قراءة رواية عين الحسود  كاملة

تنشر حصريًا على مدونة رواية وحكاية قبل أي منصة أخرى

نورهان بصوت عالي مسمع كل الي حواليها: ياض يا ابن ال ياض يا شيطان يارب اتبتليتني بشويه عيال مشيطنه ومعفرته ياض اتهد واترزع بقى جننتني معاك بطل تنطيط ياض العي يجيك ويحط عليك ويولع فيك بفلق بناره يا بعيد 

وارتاح منك ومن عمايلك 

وائل من وراها بخنقه وضيف من كلامها ياشيخه حرام عليكي بطلي دعا على العيال مش هترتاحي الا لما تجيبي اجل عيل منهم ولا تكوميهم داه بيقولك الفال تحت اللسان 

نورهان بتعوجه بوق حط ايدها في وسطها يا اخويا الدعا لو بيخوق مكنش خلا ولا مخلوق ولو بيجوز مكنش اتبقى على الارض شاب ولا عجوز ورفعت وشها للسما إلهي وانت جاهي يجوز فيهم وارتاح رفعت وشى ودعيت عليه إلهي يجيك كل وحش ويحطه عليك يمكن تتهد وارتاح منك ومن شيطنتك إلهي يهدك المرض وارتاح 

وائل يا شيخه إيه سم لسانك داه

نورهان طبعا وانتا غرمان إيه منا الشغاله طول النهار انضف وهما يوسخو اروق وهما يبهدلو وانتا ولا فارق معاك بتيجي تلاقي الأكل جاهز وتقلع الوسخ وتلبس النضيف المكوي ومش مهم انا طالع عين اهلي كيف وازاي المهم انتا وعيالك صح

وائل خبط كف بكف وسابها ومشي 

نورهان فضلت بصاله بغيظ لحد ما خلصت دعاء على عيالها 

وقعدت تتنفس بغيظ وحده وبصتلهم انزل ياض منك ليه العبو تحت لعبت عليك نفسك منك ليه على ما انضف الزريبه اللي عملتوها يا شويه بهايم 

العيال بصوا لبعض بخوف ونزلو

يلعبو 

محمد :بتعمل ايه ياض يا انس انتا واخوك

انس بطفوليه بلعب يا عم

محمد في الشارع ودلوقتي 

ادم بزعل :ماما اللي قالتلنا علشان انس بهدل الشقه

محمد معلش يا حبيبي منتوا بردوا بتعملو شقاوه

ادم بصله بحزن أكبر من سنه 

محمد اتلفت على صوت من وراه

اهلا ازيك يا طه

طه وهو بيركن الموتوسيكل الحمد لله واقف كده ليه

محمد مفيش كنت بشوف العيال تالي نازلين في ساعه زي دي

 

طه يا جدع في ايه ميبقاش قلبك خرع دول صبيان مش بنات عشان تخاف عليهم الصبيان عايزه القلب القوي ولازم يتعفروا بتراب الاسفلت علشان يحفظوا الشوارع والطرق

محمد عندك حق يلا بالاذن ادخل اشوف الحاجه 

طه :ماشي سلملي عليها 

محمد يوصل

ودخل 

انس بيلعب هو ادم جنب الموتوسكيل 

ادم بقولك ايه ياةنس تعالي نبعد ونلعب بعيد لحسن يقع وامك تطين عيشتنا تاني أو تضربنا

انس واحنا جينا جمبه

عدا من بعيد صوت تريله ضربت كلاكس اتنفض ادم ورجع خطوه مش محسوبه اتخبط في الموتوسيكل وقع على رجل انس 

انس بصرااااخ :اااااااااااااه ااااااااااااااه ااااااااااااه

الكل اتفزع وطلعوا يجروا على بره من صوت الصوات

نورهان من جوه الشقه وهي بتلبس الطرحه بتصوت ليه إلهي يصوتو عليك يا بعيد 

فتحت البلكونه وطلعت خبطت على صدرها يالهوووووي ايه اللي حصل 

محمد اول واحد طلع يجري هو ووائل وطه اللي طلع يشوف في ايه 

الكل اتجمع على صراخ انس 

وائل حاول يرفع الولد محمد وطه شالو الموتوسكيل ورماه بعيد عن الولد 

وائل بص لرجل انس بصدمه

نورهان نزلت بصوات يالهوووي يا ابني يا حبيبي عين مين وصابتك يا لهوووي وبدئت تصرخ وتلطم على وشها بجنون

وائل بصلها بكره وحده وشال ابنه وخده في العربيه

نورهان ركبت جمبه ودموعها نازله من الخوف وصل المستشفى في وقت قياسي وشال ابنه ونزل جري على الطوارئ 

الدكتور اخده منهم بسرعه

وائل قعد على الكرسي وباصص على ايديه اللي بترتعش بخوف 

الدكتور طلع بوش غير مبشر بالخير اطلاقا 

وائل بترقب طمني يا دكتور 

الدكتور للأسف الولد رجله فيها حرق شديد من الدرجه الاولى والتانيه وللأسف في منطقه حساسه

وائل بخوف قصدك ايه 

الدكتور بص مش هانسبق الأحداث هانشوف دكتور الجراحه هايقرر ايه لان للأسف السوق في منطقه اربطه وأعصاب 

وائل يعني ايه انا توهت منك 

الدكتور وهو بيعظل النظاره بحرج هو اسواء الأحوال ممكن توصل لبتر وداه في آخر احتمال وان شاء الله منضطرش ليه

وائل اتهبد علل الكرسي بخوف

نورهان بصوات يا ابني يا حبيبي

وائل بعنين بتطلع نار دلوقتي بقى ابنك من ساعه مكانش ابنك وانتي واقفه تدعي عليه زي مرات ابوه بصي على ابنك وافتكرى كلامك

محمد وهو بيطبط على كتفه مش وقته يا وائل الناس بتدعي عادي داه قضاء وقدر

وائل بزعيق بس مش اربعه وعشرين ساعه شغال دعا بسبب ومن غير سبب يا اخي انا تعبت يارب تكون ارتاحت اهو ابنها رجله هاتتقطع يمكن تكون ارتاحت ونارها بردت

محمد وحد الله ملهوش لزوم الكلام داه دلوقتي ادعي ربنا يكون بخير 

وائل بزعيق ومنين ييجي الخير وهو واقفه زي غرب البين تندب وتعدد وتدعي على العيال 

الدكتور على العموم لسه دكتور الجراحه معاه وان شاء الله خير

طلع دكتور الجراحه بغضب اللي حصل داه إهمال وتسيب والمفروض يتعمل محضر اهمال

وائل بهم وحزن يا دكتور والله داه عيل وبيلعب في الشارع هانعمل إيه بس

الدكتور بحده حتى لو بيلعب يكون تحت عينك مش ترميه زي كلاب السكك وادي النتيجه 

وائل بتبرير رغم تعبه والله يا دكتور انا كنت لسه داخل من الشغل وفي اقل من ثانيه حصل اللي حصل الحمد لله على كل حال  

الدكتور بتقدير لحالتهم: تمام انا مش هاعمل محضر اهمال مراعاه بس للحاله اللي انتوا فيها فقط لا غير 

وائل شكرا يا دكتور طيب بالله عليك طمني الواد عامل ايه

الدكتور احمد ربنا لان الولد كان فعلا رجله ممكن تتبتر لو كان الحرق امتد للاربطه بس داه ميمنعش ان الولد رجله فيها حروق من الدرجه الاولى والتانيه شديده جدا ومحتاجه عنايه شديده وتغيير مستمر ونبعد تماما عن الميه

وائل ماشي يا دكتور 

فضلو ساعات لحد ما اطمنوا على الولد وشال ابنه ورجع بيته 

وائل اول ما دخل انفجر زي القنبله الموقوته: ايه خلاص ارتاحتي فضلتي تقولي الله يحرقك الله يحرقك اهو الواد اتحرق يارب يا شيخه يحرقك ونرتاح منك ومن شرك اللي مالي حياتنا وسابها ومشي وهو مخنوق نزل عند أمها

ام وائل :مالك بس يا ضنايا وحد الله داه العيال يأما بيحصلها ويجرالها

وائل يا ام مقولناش حاجه بس مش ليل نهار تدعي على العيال ده سيدنا النبي قال 

(((لا تدعوا على أنفسكم، ولا تدعوا على أولادكم، ولا تدعوا على خدمكُم، ولا تدعوا على أموالكُم، لا تُوافقُوا من اللهِ تعالى ساعة نيْلٍ فيها عطاء فيستجيب لكم)))

ام وائل ونعم بالله بس قلب الأم يا ابني داه بيقولك ادعي على ابني واكره اللي يقول امين 

وائل خبط كف بكف لا حول ولا قوه الا بالله العلي العظيم انا بقول ايه انتي بتقولي ايه

ام وائل انا فاهمه بس يا ابني هي ام وبردوا قلبها محروق سوئت عليك حبيبك النبي متيجي عليها انتا كمان

وائل الله المستعان انا خارج حاسس روحي مخنوق

ام وائل روح يا ابني ربنا يكتبلك في كل خطوه سلامه يا ضنايا 

طلع وائل وهو مخنوق 

ومر يومين والخبر انتشر 

نورهان وهي قاعد مع امها اللي جات تقعد معاها تساعدها علشان خدمه ابنها المريض 

سميه وهي قاعده عند أمها بيتكلموا 

صباح: اللا بالحق معرفتيش اللي جرا للواد ابن نورهان يابت

سميه كشت وشها خير يا ماما ايه اللي حصل

صباح بصعبانيه: حبه عيني على الواد يا بنتي كان بيلعب تحت البيت والموتوسكيل كان سخن ووقع عليه يا قلبي والله يا بت يا 

سميه وانا سامعه صوت صراخ الواد كان قلبي بيتنفض مبالك امه يا ولداه الله يعينها على اللي هي فيه ربنا يجيرنا من النار وعذابها 

سميه بحزن: اللهم امين لا حول ولا قوه الا بالله كويس انك قولتيلي انهارده علشان ابقى اعدي عليها اطمن عليها وعلى ابنها 

صباح: ماشي يا بنتي مهو بردوا واجب واحنا جيران انا عن نفسي روحت واطمن على الواد وعملت الواجب 

سميه: طيب والواد عامل ايه يعني

صباح وشها اتقلب بحزن: والله يا بنتي على صرخه واخده يا ضنايا ورجله كلها ملفوفه من فوقها لتحتها الله يعنيه ويعينها 

سميه لا حول الله يارب طيب بقولك ايه اخدلها معايا طلبات ولا اخدلها عبله جاتوه وحلويات 

صباح: ولا داه ولا داه يا حبيبتي 

سميه: يالهوي ادخل على الناس و ايدي فاضيه داه حتى عيبه في حقي 

صباح لو صبرتي وسمعتي للآخر بظل عادتك دي انتي تطبقي ايدك في فلوس وهما يجيبو ما بدالهم ية بنتي الدنيا غلا 

سميه تصدقي صح عندك حق اهم يجيبو ما بدالهم الله اعلم بحال البيوت واكيد تعب الواد خد الأخضر واليابس 

صباح ايوه يا بنتي داه الواد جاره شأله علاج 

سميه وانتي بها وكمان بالمره ابقى اعدي على البت صابرين في طريقي اهي على أول الشارع ابقى اخش من الحاره اللي قبل منهم هاطلع قدام بيها طوالي  

صباح ايوه يابت مهي رجعت شغلها هنا في المستشفي العام 

سميه الحمد لله يا ام انها بقت بخير وربنا بردوا جبرها 

صباح ايوه يا بنتي والله داه ربك سبب الأسباب اهو جوزها رجع هنا وسط اهله وناسه. ربنا كرمه ورجع كمان شغله وعلى وظيفه أعلى من اللي كان عليها قبل ما يسافر 

سميه الحمد لله يا ماما ربك مع المنكسرين جابر وصابرين كول عمرها طيبه وغلبانه وتستاهل كل خير 

صباح ايوه والله يا بنتي داه الواحد كان شايل همها داه في رقبتها كوم لحم وهم ما يتلم والعيال على ما تتربى وتكبر عايزه تقلها دهب 

سميه : ايوه والله يا ماما داخ البيوت لا بتستكفى ولا بتستوفى 

خلصو كلامهم وخدت قعدتها وقامت 

صباح ما لسه بدري

سميه: بدري من عمرك يا ماما يادوب اروح اللحق اطل على نورهان واعدي على صابرين و اللحق بيتي 

صباح ماشي يا ضنايا ربنا معاكي ويقعدهولك خير قادر يا كريم

مشيت ووصلت لحد بيت نورهان وطلعت شقتها وخبطت الباب 

نجاح اصبر يا اللي على الباب

فتحت وبصت للي قدامها من فوق لتحت بتقييم :انتي مين يا بنتي 

سميه انا سميه صاحبه نورهان 

نجاح برفعه حاجب: خير يا حبيبتي

سميه بحرج: كنت جايه اطمن على انس 

نجاح اااه اهلا وسهلا يا حبيبتي خطوه عزيزه 

سميه: يعز مقدارك يا طنط 

شاورتلها نجاح على الانتريه وقعدت 

ودخلت لبنتها 

نجاح :اطلعي في واحده صاحبتك بره

نورهان مين دي

نجاح: بتقول اسمها سميه بس حاجه كده ايه منوره ولا كهارب الفرح

نورهان لمت شعرها بتوكه وطلعت 

نورهان بصتلها وكشت عنيها لثواني وفتحتها بترحاب :سميه ازيك يا الف اهلا وسهلا وتلتومين خطوه عزيزه 

سميه الله يعز مقدارك يا نور عامله ايه يا حبيتي طمنيني عليكي وعلى انس 

نورهان :الحمد لله على كل حال 

نجاح والنبي يا بنتي ما عارفه ايه اللي كرا دي عين وصابتها عادين العيال عليها 

سميه نقول الحمد لله يا طنط ابتلائه رحمه بعباده

نجاح عوجت بوقها ايوه ونعم بالله 

سميه اومال فين القمر اطمن عليك 

نورهان خدتها ودخلت الاوضه 

سميه بإبتسامه بشوشه: يا اختي خلاثي على القمر بعد الشر عليك يا قلبي ان شا الله عدوينك ومسكت خدودوه بمعاكسه ياض ايه الحلاوه والطعامه والجمال داه ياض اكيد طالع لأمك مهي حلوه وزي القمر طول عمرها 

نورهان بغرور وكره : ايوه طبعا طالع لأمه الحمد لله مش طالع لأبوه 

سميه هزت رأسها بقله حيله :يابت مالك جوزك بس والله داه طيب وغلبان 

نورهان وهي بتعوج بوقها يمين وشمال ايوه اوووي اوووي يا اختي اسكتي مهو اللي ميعرفش يقول عدس 

سميه يابت حرام عليكي وائل طول عمره في حاله دول جيران وعشره عمر 

نورهان بحرقه اسكتي والنبي يا سميه داه من يوم ما اللي جرا للواد وهو مرزايني صبح وليل وفي الداخله والخارجه مطلعه على عيني كأني كنت السبب 

سميه معلش مهو بردوا ابنه ويوجعه وكمان امه تعبانه يعني الله يعنيه هيلاقيها منين ولا منين

نورهان :كانت يا اختي عيانه اهي خفت وبقت زي القرد اهي 

سميه يابت يابت اتهظي وقولي الحمد لله 

نورهان بنفخه يا اختي وهو انا كنت قولت حاجه يا اختي انا بفضفض معاكي الوليه يا اختي الوليه صرفت شأله فلوس وشيئ وشويات وقامت وبقت زي الجن وقاعد تحت اهي زي قرد قطع 

سميه بإستغراب طيب محدش يعرف هو ايه اللي صابها امي بتقول كانت حلوه وزي الفل واللي صابها صابها في يوم وليله 

نورهان وهي بتربع ايدها يا اختي علمي علمك 

سميه على قولك نقول الحمد لله انه تم شفاها على خير وحلمها انزاح من فوق كتاف جوزك وربنا يشفيلك ابنك ويتم شفاه على خير قادر يا كريم يابت داه مفيش وجع في الدنيا قد وجع فراق الام والأب وجوزك سبق وجرب مرراه فقدان الأب فربنا مايدوقوه مراراه الفقدان تاني 

نورهان يارب يا سميه لحسن تعبت وجبت اخري من كتر الهم اللي بقى ملازمني 

سميه :يابت قولي الحمد لله 

نورهان بغيظ الحمد لله ارتاحتي كده 

سميه بصتلها وابتسمت وميلت باست أنس لا بأس طهور عليك يا قلبي وحط فلوس تحت المخده 

نورهان بكسوف :ايه اللي بتعمليه داه يا سميه 

سميه بصتلها بحده بس يابت عيب دي حاجه بسيطه علشان القمر يجيبله حاجه حلوه على كيفه انا مرضتش اجيبله وقولت هو يختار اللي يعجبه 

نورهان برفض بسيط : لالا ملهوش لزوم والله دي جيتك بالدنيا وما فيها 

سميه بعفويه وهو حد قالك انه ليك داه للقمر بتاعنا الصغنن وعيب الكلام داه يابت دانا في مقام خالته ولا انتي بتعبريني غريبه لا دانتي لو بتعتبريني غريبه يبقى ليا حق عرب 

نورهان لا والله ابدا 

سميه طيب يلا نسيب القمر يرتاح بقى 

طلعوا مع بعض 

نورهان بتعملي ايه يا أما 

نجاح بعمل ايه يا اختي بلف المحشي عشان الغدا ويلا تعالي لفي معايا علشان نخلص بدري بدري علشان اخد حله معايا و اروح اطل على ابوكي وإخواتك  

نورهان ماشي هاقعد مع سميه شويه و اجيلك 

سميه لا يا اختي هاقعد اللف معاكم دي ايد على ايد تساعد 

نورهان يا بنتي انتي جايه تتبهدلي معانا 

سميه يابت بطلي عبط ولا بهدله ولا حاجه يلا يلا بلاش كلام خايب 

شمرت ايدها وقعدت جمبهم على الارض 

نورهان بشهقه: هاااا هو اللي بيرن في ايدك من ساعاتها داه يا بت غوايش 

سميه بإبتسامه: ايوه داه الغوايش بتاعتي 

نورهان لا هو انتي غيرتيها 

سميه ايوه يا بنتي الغوايش بتاعتي القديمه اطبقت وكنت عامله جميعه وبيني وبينك قولت بدل ما يتصرفوا قولت احط دول على دول واجيب غوايش جديده وجبت دول وهي بتوريهوملها

نجاح بحسد بان في عنيها معرفتش تداريه شايف يابت البنات الناصحه مش زيك يا موكوسه يا خيبانه الرجا يا اللي روحتي بيعتي دهبك وبصت لسميه بس باين عليها يابت تقيله زي بتاع المعلمين دي بترن ورنتهم رنت الدهب الصب مش المنفوخ على الفاضي 

سميه يا اختي صب ولا نفخ مش فارقه اهم قرشين مركونين للزمن وكده ولا كده الواحد لما بيحتاج وييجي يبيع بيبيع على انه قديم حتى لو كان بالتكت بتاعه فالواحد يلبسهم ويتمتع بيهم حتى لما يبيعهم ميتقهرش

نورهان ليه وهو اللي زيك بيبيع 

سميه بضحك ليه وهو اللي زي مش من البني ادمين طبيعي البيوت كلها بتحتاج 

نورهان بغيظ ايوووه اومال ايه

سميه طيب يلا بلاش رغي خلونا نخلص

بدئوا يلفو المحشي 

نورهان بصتلها بصدمه :يالهوووي عليكي في ايه يا بت انتي ايدك مركبه فيها عجل دانا ملفتش لسه كام صباع وانتي يا مدعوقه لفيتي الحله كلها في ايه يابت يخربيتك 

سميه بعفويه: لا يا اختي ولا عجل ولا موتسكيلات وحياتك دانا علشان ايدي سريعه ومتعوده بعمله دايما علشان كده تلاقيني بلفه بسرعه بسرعه فتلاقيه مبياخدش معايا وقت 

نورهان ايوه يا اختي بس مش للدرجادي دانتي حتتك بتتك ورا بعضه 

سميه بضحك: والله ابدا منا قولتك تعود مش اكتر  

واخيرا خلصو لفت المحشي 

سميه فين الحمام اغسل ايدي 

نورهان عندك في الطرقه دي تاني باب

دخلت وغسلت ايديها وطلعت الجري رن 

سميه خليكي انا هافتح 

فتحت الباب لقيت شاب طول بعرض اللهم بارك زي القمر 

سميه اؤمر

معاذ: طنط نور موجودة 

سميه ايوه موجوده اقولها مين

معاذ قوليلها معاذ 

سميه ماشي 

سميه دخلت نورهان مين يابت

سميه واحد اسمه معاذ

نورهان طلعت ازيك يا معاذ خير يا حبيبي 

معاذ وهو بيحط شنطه كبيره قدام الباب ازيك يا مرات خال ماما بعتالك الحاجات دي يلا سلام عليكم وسابهم ونزل

نورهان وعليكم السلام وشالت الشنطه ودخلت 

سميه بإستفسار: بسم الله ما شاء الله تبارك الرحمن مين القمر داه يابت 

نورهان اهو داه بقى يا اختي ابن رشا المقشفه اخت جوزي شوفتي الواد يا اختي يخربيته طول بعرض ببياض بجمال وعنين ملونه ولا اولاد الأجانب متعرفيش جابوه مني انهي داهيه داه بقى رشا المقشفه ام عرقوب تخلف داه كيف وازاي والنبي يا اختي منا عارفه 

سميه بذهول من أسلوب نورهان: يا بنتي العرق يمد لسابع جد يمكن في حد ما اهل ابوه كده 

نورهان ايوه يا اختي بيقولو سته ام ابوه كانت كده بس حلاوه ايه دي داه الواد يخربيت اهله يتاكل أكل فاضله ربع فولت وينور من كتر جماله داه الواد يابت تقفيل خوجاتي  

سميه بخنقه: يابنتي قولي بسم الله ما شاء الله العين فلقت الحجر 

نورهان بقلبه وش :يا اختي على ايه مش دول اللي يتحسدو اللي يتحسدو اللي زينا مش اللي زيهم 

سميه بردوا يا نورهان سمي وصلي علشان العين داه حتر بيقولك ما يحسد المال الا أصحابه 

نورهان بعدم اقتناع على ايه يا اختي العين هاتصيب اللي زي دول على ايه العين يا قلب اختك تصيبنا احنا تكومنا  

سميه بإصرار بردوا يا بت ميمنعشي انك تسمي الله 

نورهان طيب يا ست الشيخه 

سميه وهي بتلبس الشنطه طيب يلا بالاذن انا بقى 

نورهان على فين يابت متخليكي تتغدي معانا

سميه في بيتها يا حبيتي والله يلا سلام عليكم

نورهان وعليكم السلام 

قفلت الباب وشالت شنطه الطلبات ودخلتها المطبخ

نجاح ايه داه يا بت

نورهان دي حاجات بعتتها رشا 

نجاح بتعوجه بوق هما دول ومالها يا اختي جايه على روحها كده ليه

نورهان يا اختي اللي ييجي منهم احسن منهم 

نجاح ايوه على قولتك 

نورهان استني لما اشوف سميه عطت للواد ايه

نجاح مشيت وراها ودخلت اوضته ابنها وحطت ايدها تحت المخده طلعت الفلوس 

نورهان بتعوجه بوق الف جنيه شوفتي يا أما اللي هازه طولها وجايه تطل على الواد الف جنيه وهي لابسه دهب باكتر من نص مليون جنيه 

نجاح وهي حاطه ايدها في وسطها شوفت يا اختي شوفت ومالها قطاعهم من جسمها دول ولا أيه داه البت لابسه الدبله تجيب شبكه عروسه 

نورهان ولا التوينز شوفتيه يا أما ماليين صوابعها لحد نصها مش قادره تطبق ايدها من تقلهم

نجاح ايوه حظوظ يا اختي اومال ايه

عدت سميه على صابرين 

صابرين بترحاب يا اهلا وسهلا داحنا جالنا الخير بخطوتك يا بت

سميه تسلمي يا قلبي عامله ايه يابت

صابرين الحمد لله في زحام من النعم 

سميه وجوزك عامل ايه دلوقتي

صابرين زي الفل الحمد لله بس انتي جايه منين كده كنتي عند امك ولا إيه 

سميه ايوه عديت اطمنت عليها وزورت البت نورهان

صابرين ايوه قلبي الواد ابنها رجله متبهدله

سميه وانتي شوفتيها فين

صابرين منا اللي بروح اغيرله عليها بيني وبينك الغيار في المستشفى بشئ وشويات وانا كده ولا كده مبعملش حاجه والناس لبعضيها بردوا 

سميه طول عمرك اصيله يابت 

صابرين على ايه يعني داه كله ثواب لله يابت ربنا ياخد بيده يارب داه لسه عيل تحت عفو الرحمن 

سميه اللهم امين المهم اخبارك ايه في مصر قوليلي يابت هنا ولا دبي مع انه ايش جاب لجاب

صابرين طيب والله أبدا يا بت على الاقل انتي هنا وسط اهلك وناسك إنما هنا لاء صدق اللي قال الغربه تربه يابت

سميه ربنا يكتبلك اللي فيه الخير انا قولت اعدي اطمن عليكي يلا سلام عليكم 

صابرين في ايه يا بت انتي حتى مشربتيش بوق ميه ليه دخله بيت بخله ولا إيه

سميه والله ابدا بس يادوب اللحق اروح اجهز لقمه لجوزي والعيال قبل ما يرجعوا من المدارس منتي عارفه هابقى اجيلك يوم بس اكون قايله لجوزي أنا قولت اعدي اطمن عليكي في طريقي 

صابرين فيكي الخير يا حبيبتي مردودلك في الفرح يارب 

سميه اللهم امين يلا سلام عليكم 

صابرين وهي بتقفل الباب وعليكم السلام

نورهان وهما قاعدين بياكلو

وائل غريبه يعني علمتي المحشي في يوم دانتي كنتي بتعمليه في يومين تلاته 

نورهان يا اخويا والني منا داه البت سميه بنت صباح جيرانكم جات وطلت على انس ولفت معانا بس البت ايديها ايه تقولي رهوان يا أخويا لا انا ولا امي بقينا ملاحقين عليها في اللف تقولش في ايدها لفافه يخربيت بيتها 

وائل بإستغراب :لا إله إلا الله ده بدل ما تقولي كتر خيرها عارفه يا نورهان نفسي مره لما تيجي سيره حد تذكري الله حتى لو في قلبك يا شيخه 

نورهان وهي بتاكل على ايه يعني مكانوش شويه محشي يعني هي كانت علمتلي المحمر والمشمر 

وائل بصلها بغيظ وسكت

 

روحت سميه وبدئت تعمل شغل البيت وعدا يومين وهي زي النحله في بيتها 

معاذ وهو خارج من اوضته 

رشا لابس ومتشيك على سنجه عشره كده ورايح فين

معاذ اممم اتفشت يا معاذ

رشا اخلص يا واد مش هتاخدني في دوكه

معاذ بصدمه مصطنعه واد بقى الراجل داه كله يتقاله يا واد 

رشا اخلص وبلاش شغل بكش 

معاذ رايح فرح مع اصحابي

رشا لا متروحش يا واد دانا قلبي مقبوض وعيني الشمال عماله ترف من صباحيه ربنا

معاذ بإبتسامه بشوشه: على ايه بس يا ام معاذ استعيذي بالله من الشيطان الرجيم وطمني قلبك وبعدين داه فرح يعني داه بدل ما تقولي عقبالك

رشا بإبتسامه شوفي الواد عقبالك يا سيدي طيب بص امانه عليم لو روحت متركب موتوسكيلات الشباب بتتجنن بيها وانا قلبي بيتقبض منها لله في لله 

معاذ حاضر من عنيا انتي تؤمري ومعاذ عليه التنفيذ يلا بقى علشان اتاخرت سلاموز يا قمر ورمالها بوسه في الهوا

رشا حطت ايدها على قلبها ربنا يسلمك من كل شر يا ابني يارب 

وصل معاذ وبدئت الزفه والكل فرحان وبيهيص من قلبه وصل العريس والعروسة 

معاذ بقولكم إيه فين الشماريخ يا جدعان خلونا نفرح 

احمد اهي يلا العريس نازل 

ولعوا الشماريخ 

معاذ وهو بيحاول يشغل الشمروخ كذا مره لحد ما انفجر في ايده  

معاذ بصراااخ :آآآآآآه 

احمد زقه على جمب معلش اتحمل يدخل العريس وهانروح المستشفى على طول 

معاذ بألم مش قادر 

محدش اتلفت من الصوت العالي 

ربع ساعه مرت لحد ما العريس استقر في الكوشه احمد طلع هو وكذا واحد 

معاذ بألم مش قادر

احمد نور كشاف الموبايل اتصدم من منظر ايده ساق بجنون وناس بنزين يطريقه هيستيريه وكأنه طاير بالعربيه وبياكل الطريق أكل لحد ما اخيرا وصل المستشفى

احمد بزعيق وصوت عالي دكتور دكتور بسرعه حد يلحقنا

جه على صوته اكتر من دكتور وممرضه

الدكتور بفزع من منظر ايده: ايه داه ايه اللي حصل 

احمد مش عارف 

الدكتور بحده يعني ايه مش عارف لازم نعرف السبب علشان نعمل اللازم صح

معاذ بألم كنت بولع شمروخ وانفجر في ايدي

الدكتور بكزه سنان الله يحرق الشماريخ والصواريخ دامار منتشر 

واتلفت للممرضه اللي جميه استدعي دكتور جراحه عامه بسرعه الولد ايده متدمره واتلفت لأحمد عايزين حد ما اهله بسرعه لانه غالبا هايحتاج يدخل عمليات بسرعه

احمد اتصل بسرعه بأبو معاذ

خلال دقايق كان وصل المستشفى بينهج من الجري هو ورشا 

حسين بلهفه في ايه يا احمد معاذ جراله ايه

احمد بوجع مش عارف الدكتور عايزكم 

حسين هو فين طيب حد يطمني

طلع الدكتور على صوته في ايه 

حسين انا ابو الشاب اللي جوه في ايه يا دكتور طمني الله يطمنك

الدكتور مخبيش عليك للأسف هما اتاخروا على ما جابوه ومن الاشاعه واضح ان فيه تهتكات كامله في اعضاب الايد غير تهشم كامل في صوباعين 

حسين يعني ايه 

الدكتور للأسف الحل الوحيد دلوقتي هو البتر 

رشا خبطت على صدرها يا ابني يا حبيبي

حسين بس ولا كلمه وبص للدكتور اعمل المطلوب يا دكتور قدر الله وما شاء فعل 

الدكتور طيب حضرتك ممكن تمضي على الإقرار 

حسين بحزن وكسره حاضر فين الورق بس اعمل اللازم ارجوك اي حاجه فداه 

الدكتور حاضر ان شاء الله خير 

مشي حسين بخطوات صعبه مع الممرضه لحد ما وصل لمكتب وطلعت ورق مضي عليه حسين ورجع 

رشا بدموع ابني يا حسين ابني 

حسين وهو بيضمها لحضنه :قولي الحمد لله قدر الله وما شاء فعل 

مش هانعترض على أمر الله انا هانزل اصلي ركعتين لله

رشا طلعت المصحف وقعدت تقراء فيه ودموعها نازله على وشها زي المطر اللي مش بيوقف 

احمد مقدرش يتحمل الموقف طلع بره المستشفى ودموعه نزلت ساعات مرت والكل على اعصابه واخيرا اتفتح باب اوضه العمليات الكل طلع يجري بلهفه

الدكتور بإبتسامه :اطمنوا يا جماعه الحمد لله قدرنا ننقذ ما يمكن انقاذه 

حسين ممكن تفهمني 

الدكتور احنا بترنا صباع واحد بس وهو الصباع الصغير والصباع التاني قدرنا نعمله ترقيع بس مش هايقدر يحركه اوووي

حسين الحمد والشكر لله اللهم أجرني في مصيبتي خير وأخلف لي خير منها 

الدكتور خلي عندك ايمان بربنا

حسين الحمد والشكر لله 

الدكتور هو هايفضل تحت الملاحظه 48 ساعه 

حسين ماشي يا دكتور 

الخبر انتشر

وائل طلع بسرعه وبيغير هدومه بهرجله

نورهان مالك داخل واخد في وشك زي القطر وعمال ترمي هدومك يمين وشمال كده ليه

وائل وهو بيزيحها من قدامه عديني وعدي ليلتك دي على خير يا نورهان لاحسن انا فيا اللي مكفيني

نورهان يا اختي هو فيه ايه هو مش قادر على الحمار جاي بتتشطر على البردعه ما انا بسالك فيه ايه داخل كده زي القضا المستعجل لابيك ولا عليك ما تفهمني ايه اللي حصل

وائل مافيش معاذ ابن رشا صاروخ انفجر في ايده في الفرح وصباعه اتقطع

نورهان يا لهوي ماله ده الواد كان زي الفل لا حول الله يا رب معلش الحمد لله انها جت على قد كده قضى اخف من قضى

وائل الحمد لله عديني بقى الله يخليك خليني اغير هدومي عشان الحق اروح لهم المستشفى امي تحت بتلبس ومحمد سبق على هناك

نورهان لا استنى هغير واجي معاك داه واجب عيب وكده كده امي قاعده مع العيال ما تعتلش همهم

وائل طيب بسرعه بس الله يخليك عشان ما نعوقش

سابته ودخلت لبست بسرعه ووائل كمان لبس بسرعه والاثنين راكبوا العربيه واتحركوا وصلوا للمستشفى في وقت قياسي

نورهان عيني عليك يا ابني اللي صابك من ايه بس يا حبيبي ده انت كنت زي الفل لا حول الله يا رب ربنا يصبر قلبك يا رشا معلش يا حبيبتي هو كده المؤمن دايما مصاب

رشا بقهره ودموع الحمد لله قدر ولطف احنا كنا فين وبقينا فين ابتلاءك رحمه يا رب اللهم لا اعتراض على حكمك ولا راد لقضائك رضينا بالقدر كله بالقدر يا رب خيره وشره 

سميه وهي بتكلم امها في التليفون عامله ايه يا ماما اخبارك ايه

صباح بخير يا بنتي معلش مش هطول معاكي بس البسه يا دوبك اروح اخطف رجلي لحد المستشفى

سميه بقلق ليه انت تعبانه ولا ايه ما تخبيش عليا لو كده البس واجيلك على طول

صباح بحزن لا يا حبيبتي ده مش انا ده معاذ ابن رشا ربنا ياخذ بيده ويشفيه

سميه باستغراب رشا مين رشا بنت ام وائل جيرانا

صباح ايوه يا حبيبتي هو يا ضنايا يا ابني امبارح كان في فرح وبيولع صاروخ عشان فرحان بصاحبه وانفجر في ايده يقطع الصواريخ وسنينها ودققها واللي بيبيعوا يا بنتي بيقولوا صباع الواد اتقطع

سميه بقبضه قلبي لا حول الله يا رب لا حول الله يا رب اللهم اجعله خير اللهم اجعله خير

صباح يا اختي مالك يا بنت فيه ايه جتتك اتلبشت مره واحده

سميه بهزت راس لا ما فيش يا ماما لما تروحي طيب طمنيني ولو كده انا هحاول برده اروح ازور رشا واطمن عليها وعلى ابنها في المستشفى زمانها هي والده مقطعه روحها ومفلوقه من العياط ربنا يهون عليها اللي هي فيه

صباح اللهم امين يا بنتي يلا بقى سيبك يا دوبك الحق اروح وارجع صد رد

سميه ماشي يا ماما ربنا معاكي

قفلت معاها وهي قلبها مقبوض لا حول ولا قوه الا بالله يارب البت يادوب قايله الكلمتين من يومين أعوذ بالله من الشيطان الرجيم ايه اللي انا بقوله داه بس استرها يارب استرها علينا والنبي يارب واكفينا شر العين 

فضلت سميه قاعده طول النهار اكتر من ساعتين او ثلاث ساعات وهي قلبها مقبوض وعماله تفكر في الموضوع  

سميه استغفر الله العلي العظيم يا رب ايه اللي انا بفكر فيه ده بس اعوذ بالله من الشيطان الرجيم الله يسامحك يا نورهان خليتي دماغي الواحد عماله تلق زي البيضه الممششه لا انا احسن حاجه اقوم كده ايه انزل السوق اشوف اللي ناقص في البيت عشان ما افضلش قاعده اليوم كنت في روحي لحد ما تجنن ايمت وغيرت هدومها ولبست شنطتها وخدت الموبايل وقفلت باب الشقه

  وهي نازله على السلم سرحانه ما خدتش بالها رجلها فلتت وقعت صفين سلالم متواصلين ورا بعض وسط صراخ اللي فتح كل ابواب العماره على صوت الصوت والهبد اللي سمعوه

سميه بصراخ من صوت تطقطقت العضم بتاع ايديها ورا بعض 

 واحده من الجيران بسرعه قومي يا حبيبتي مالك بسم الله عليك اللي حصل لك مالك فيك ايه بس

سميه بوجع ايدي ايدي

جارتها بصت على ايديها يا لهوي شكل ايدك كسرت يا بت

سميه بوجع يا رب

جارتها ليه احنا مش هنستنى انا تعالي يا حبيبتي تعالي تعالي انا هاحط الاسدال على جسمي بسرعه واوديك المستشفى يلا يلا

لبست واخدتها في توك توك وطلعوا بسرعه على المستشفى

باقي الجيران اتولوا ان هم يقولو لجوزها اللي ما كدبش خبر وحصلهم بسرعه رهيبه على المستشفى

وصل وكان الجيران كلهم متجمعين اغلبهم واقفين قدام في الطوارئ قدام اوضة الكشف

حسام بلهفه في ايه يا ام محمد ايه اللي حصل

ام محمد والله يا ابني علمك احنا سمعنا صوت الخبط والصوات والهبده طلعنا لقيتها مكفيه قدام شقتي باينها كده ما خدتش بالها وعطرت وهي نازله على السلم

حسام طب الدكتور قال لكم ايه مطمنكم حد يطمني

ام محمد والله يا ابني من ساعه ما دخلت ولسه ما طلعت ولا حد طلع ولا قال لنا لا فيها ايه ولا بيها ايه واديني واقفه على حطه يدك اهو 

قطع وصله استفسارهم خروج الدكتور من اوضه الكشف حسام اول واحد جاري عليه بلهفه ها يا دكتور طمني في ايه مراتي مالها

الدكتور بقلق بصي يا جماعه انا مخبيش عليك هو للاسف في كسر مضاعف ايدها وللاسف في تهشم كامل في عظمه الساعد

حسام برعب من اللي جاي طيب وحضرتك شايف ايه دلوقتي او الحل ايه بالمعنى الاصح

الدكتور والله يا فندم هو ما فيش حل غير دلوقتي ان هي هتدخل العمليات وتركب شرائح ومسامير في ايديها هنشوف مدى التضرر وصل للاربطه والاعصاب لان التهشم جامد ممكن يكون وصلت عمل تمزق في الاربطه او الاعصاب لسه هنشوف دلوقتي النبض بتاع اعصاب الايد وضعه ايه

حسام حط ايده على راسه واتنهد بوجع شوف المطلوب يا دكتور واعمله

طلعت الممرضه لو سمحت يا دكتور دي الحاجات المتعلقه بالشخصيه اللي كانت مع المريضه

حسام بص للكيس وغمض عينه بحصره وخدوا حطه في جيبه 

ووقف ساكت الدكتور طب استاذنك عشان يا دوبك نلحق نجهز 

المريضه للعمليات حسام هزله راسه من سكاته ما تكلمش

دخلت سميه اوضه العمليات وحسام اتصل بحماته بلغها وجت 

جري بسرعه لان هي كانت في نفس المستشفى بتزور معاذ

صباح بلهفه في ايه يا ابني طمني ده انا كنت لسه مكلماها من شويه البنت مالها البنت جرى لها ايه طمني حد يطمني يا ناس بنتي فيها ايه بنتي صابها ايه بنت جرى لها ايه

حسام بوجع اهدي يا حاجه بس وحدي الله يا دخلت دلوقتي العمليات وان شاء الله خير احنا عمرنا ما اذينا حد وان شاء الله ربنا هيجبرها ويجبرنا ادعي لها بس

صباح بحرقه يا رب ما تسوقني فيها لاجل حبيبك النبي يا رب شحتها منك يا رب تحفظها وتحافظ عليها لاجل حبيبك النبي يا رب تحفظها بصحتها وعافيتها لعيالها ولبيتها والنبي يا رب

مرت اكتر من ساعتين وصباح وحسام واقفين على اعصابهم بعد ما انسحب الجيران كل واحد راح على بيته وراحوا يشوفه مصالحهم

 واخيرا الدكتور طلع صباح طلعت تجري عليه بلهفه بنتي بنتي يا ابني بنتي عامله ايه طمني الله يطمن قلبك قول لي البنت بخير قل لي انها كويسه قل لي ان صحتها زي الفل قولي ان ما جرالهاش حاجه والنبي يا ابني قول انت ساكت ما بتتكلمش ليه

الدكتور لا اطمني يا ست الكل هي بخير ودلوقتي طلعت على غرفه عاديه هتفوق وان شاء الله تقدر على اخر النهار او بكره الظهر كده ان شاء الله تروح معاكم وبص لحسام اللي اتحرك خطوتين مع الدكتور على جنب

حسام بترقب خير يا دكتور في ايه حضرتك شكلك عايز تقول حاجه وما رضيتش تقولها قدام الحاجه

الدكتور بتنهيده والله كان نفسي اطمنك بس للاسف حصل تمزق كلي في اربطه اليد وللاسف صعب ان هي تقدر تحمل عليها او تمسك بيها اي حاجه ثانيه العظم سهل التئام واحنا ركبنا شرائح ومسامير وعملنا كبيره مدعمه بقوايم حديد علشان العظميه التام بطريقه صح بس للاسف اعصاب الايد ملهاش علاج او ممكن على المدى الطويل الله اعلم بس لسه في الوقت الحالي ممكن تاخد شهور ما كانتش سنين ما تقدرش ان هي تحرك ايدها او تقدر تتحكم في حاجه بيها

غمض عيني بوجع الحمد لله اللهم اني لا اسالك ردا لقضائك ولكني اسالك لطفا فيه يا رب الحمد لله شكرا يا دكتور

الدكتور بصله وهز راسه ومشي

بعد اكتر من ساعتين فقت سميه لقيت مامتها جنبيها وحسام 

 سميه بدئت تفوق بوجع اه ايه دي في ايه انا جرى لي ايه

صباح بلهفه قدر ولطف يا بنتي انت بخير وزي الفل اديك اهو زي الفل الحمد لله يا بنتي الحمد لله يارب 

حسام انت مؤمنه يا سميه قولي الحمد لله المؤمن مصاب

سميه ايدي في كلاب بتنهش فيها انا بيا ايه يا حسام قل لي وما تخبيش عليا ما اتعودتش ان انت تكذب عليا

حسام بص لها وغمض عيني وفرج فيهم بصوابعه ما فيكيش حاجه والله مجرد بس كسري في ايدك

سميه لا عينيك اللي انت مداريها عني بتقول ان في حاجه قولي يا حسام قول ومتخبيش عليا

حسام للاسف حصل للكسر في ايدك عمل ضمور في الاعصاب هتحتاج فتره علاج طويله ممكن تمتد لسنين يا سميه

سميه بانهيار نورهان منك لله روحي منك لله عنك لا سابت قريب ولا غريب قومتك كل ربنا يحرق قلبك بحق حرقه قلبي منك لله يقعدوه لك في صحتك وعافيتك يا بعيده روحي منك لله

حسام خلاص يا سميه وحد الله قولي لا اله الا الله فيها تكفري بامر الله

سميه بإنهيار داه مش كفر هي اللي كافره لا بتسمي ولا بتصلي لا بتعرف رب ولا بتهاب عبد منك لله يا نورهان يحرق قلبك على صحتك زي ما حرقتي قلبي على عافيتي

صباح بدموع يا بنتي ما تقوليش كده استعيذي بالله واستغفر الله مكتوب على الجبين بتشوف العين والمكتوب ما منوش مهروب قدر ومكتوب يا بنتي بيها من غيرها هيصيبك هيصيبك قولي الحمد لله والله اللهم لا اعتراض حرام متظلميهاش

سميه بدموع وحرقه اللهم لا اعتراض يوما اللهم لا اعتراض بس هي عينها ما بتسيبش حد في حاله كنت مش مصدقه اللي بسمعه عنها وبكدب بس اديني شفته وجربت بنفسي يا ماما يوريني فيكي يوم يا نورهان يا بنت نجاح أعظم من سنه دي متعرفش الحرام دي جابت اجل ابن اخت جوزها حسبي الله ونعم الوكيل فيها البعيده 

فضلت في حاله انهيار لحد ما الدكتور اضطر يديها ابره مهدء

مرت الايام وخرج معاذ من المستشفى وهو حزين مكسور قافل على نفسه باب اوضته

رشا دخلت له وبعدها لك يا معاذ هتفضل قاعد حابس نفسك كده 

كتير يا ابني نقول الحمد لله انها جت على قد كده

معاذ بحزن الحمد لله يا امي انا مش معترض انا بس بحاول استوعب الصدمه قبل ما اخرج للدنيا تاني بحاول استوعب كل الوشوش اللي حواليا هتبصلي ازاي

رشا الضحك هتبص لك على ايه يعني الناس بتبص في وشك ما بتبصش في ايدك وانت عليك الله اللهم بارك يا ابني سبحان من خلقك وصورك قولي الحمد لله يا ابني عشان ربنا يبارك لك في صحتك

معاذ بتنهيده وجع الحمد لله يا امي اللهم لا اعتراض عندك حق

سميه طلعت من المستشفى وهي حالتها النفسيه كل يوم من سوق لاسوء وحسام ما بقاش عارف يعمل معاها ايه

صباح بحزن على حاله بنتها وبعدين يا ابني هنعمل ايه ده من يوم اللي جرى ما جرى وهي اديك على حطه ايدك قاعده دمعتها ما نشفتش من عينها يا ولداه 

حسام بقله حيله والله ما عارف اعمل ايه يا ماما طيب شوري انتي عليا

صباح طب ما تاخدها كده وروح عمرها يمكن ربنا يجبركم يا ابني عند سيدنا النبي بحق النبي واهل بيته

حسام بتفكير تمام هشوف الدنيا دي فيها ايه وارد عليك ولو كده هبدا الاجراءات على طول

مرت ايام وحسام ج اتنقل فرع الشركه في السعوديه واخذ سميه والعيال معاها وسافروا وسابوا مصر كلها

وائل وهو نازل الشغل عدى على امه صابح الخير ية ست الكل عامله ايه

ام وائل بحزن نحمده يا ابني على كل حال

وائل بيستغراب مالك قلبه وشك كده ليه والحزن واكل وشارب منه

 

ام وائل مفيش يا ابني 

وائل يلا بجد مالك في ايه انا عارفه مبتبقيش كده الا لو فيه حاجه كبيره

ام وائل البت سميه يا حبه قلبي امهما قطعت قلبي

وائل اتلفتلها بصدمه مالها سميه هي كمان

ام وائل بعفويه البت يا حبه قلبي وقعت على ايديها واتكسرت داه حتى امها بتقولي لموا الغوايش حتت حتت وعملت عمليات كتير وركبت شرايح ومسامير والدكتور قالهم مش هاتقدر تمسك بيها حاجه تانيه والله يا ابني صباح فضلت تعيط وتجيب من كل عين حفنه لما قلبي وجعني كان مستخبيلهم فين داه بس ياربي

وائل بهمس وعنيه مبرقه: كان مستخبي في عين نورهان 

ام وائل بتقول حاجه يا ابني 

وائل بوفوقان ها لا سلامتك 

وطلع وهو بيخبط كف بكف استرها يارب استرها من عندك داحنا غلابه ماشيين في ضلك

يتبع

إلى حين نشر الفصل الجديد للكاتبة ولاء حامد، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة