انا اسف يا ماما مش هقدر افضل معاكي انا لازم اسيبك لو سبتك مش هتفضلي فقيرة تاني هترجعي تاني لعيلتك وهتبقي غنية مش هتعيشي في عشة من تاني هترجعي تعيشي في القصر بتاع جدو من تاني... جدو قالي اني لو سبتك هيرضى عنك من تاني وهيرجعك ليه.. علشان كدا انا قررت امشي وابعد عنك علشان ترجعي لأهلك ومتبقيش تعيسة من تاني انا مش ببقة متحمل اشوف دموعك كل يوم علشاني .. لما امشي مش هيبقى فيه دموع تاني اتمنى ليكي ايام كلها سعادة وهنا يا ماما بحبك ابنك عمر 

قرأت بتول كلمات ابنها الصغير اللي سابها ليها وهي نايمة ولما صحيت دورت عليه ملقتهوش في البيت ولكنها لقت ورقة ومكتوب فيها كلامه دا 

كانت هتتجنن اول ما قرأت الكلام وفضلت تصرخ بإسم عمر ابنها 

لاااا عمر اوعا تسيبني عمررر اوعى تسيب امك يا عمر انت كل حياتي يا عمر لااااا 

قامت من مكانها بسرعة وفضلت تدور عليه في كل شبر في البيت زي المجنونة لكنها ملقتوش فاتفزعت اكتر وخافت من انه يكون مشي فعلا 

فخرجت جري تدور عليه في الشارع وهي يتنادي بأعلى صوت 

عمر يا عمر انت فين يا عمر ارجوك رد عليا عايز تمشي وتسيبني عايز تسيب مامتك يا عمر انت مش حلفت انك عمرك ما هتتخلى عني زي ما جدك عمل يا عمر ليه ليه دلوقتي جاي تخلف بوعدك ليا ليه عايز تبعد عني انت الروح اللي انا عايشة بيها يا عمر انت الهوا اللي بتنفسه عمررررر ابنااااااي 

وفضلت على الحال دا يومين تلف ف الشوارع زي المجنونة تدور عليه لكن ملوش اي أثر 

لحد ما وقعت من طولها لانها طول اليومين دول مأكلتش اي حاجة خالص 

والناس طلبت ليها الاسعاف وتم نقلها للمستشفى 

...

نروح للجد الأكبر وصاحب مجموعة شركات سليم رشدي كان قاعد بيفطر في قصره المهيب وحواليه اولاده الولاد سراج ومنير وزوجة اخوه سراج واسمها فتون 

كان بيتكلم بغضب 

أنا الظاهر مبقاش ليا لازمة مبقاش حد فيكم عامل ليا اعتبار انا وجودي وسطكم بقا زي عدمه 

سراج ومنير 

بعد الشر عنك يا بابا .. 

سراج 

جرا ايه بس لكلامك دا حضرتك احنا من غيرك ولا حاجة حضرتك كبيرنا وتاج راسنا ومن غيرك نضيع ليه بس بتقول كلامك دا

اما فتون في نفسها 

بالظبط كدا مبقاش ليك لازمة وكبرت وخرفت وجه الوقت بقا انك تطرقنا وتغور في داهية او تموت وتسيبنا نتمتع بفلوسك براحتنا انت ايه مفيش احساس خالص 

سليم 

كل واحد بقا يتصرف من نفسه كل واحد بقا يعمل اللي هو عايزه من غير ما يرجعلي حتى اختكم .. حتى اختكم راحت اتجوزت واد زميلها ضحك عليها بكلمتين وقال ايه جاي يطلبها مني للجواز بأي حق وبأي عين الجربوع دا ولما رفضته هربت من البيت واتجوزته بدون علمي استغلت التوكيل اللي انا عامله ليها واتجوزته عند المأذون وف وجود المحامي بتاعي ومفكرني عارف علشان كدا وافق على جوازها واتفاجىء انا باللي حصل وقال ايه بتحطني قدام الأمر الواقع هي حصلت 

سراج ومنير بصوا لبعض بزهق 

وبعدين بقا يا بابا حضرتك مش بتزهق بقالك ٧ سنين كل يوم تقول نفس الموال دا.. انت لسه عايز منها ايه انت مش خلاص طردتها من القصر شر طردة واتبريت منها سيبك منها بقا 

سليم بحزن 

اسيبني منها ازاي دي بنتي ونور عيني بنتي الوحيدة ازاي تعمل فيا كدا وازاي تكسر بقلبي وتخالف طوعي ازاي جالها قلب تعملها ازاي انا مش قادر اصدق طول عمرها بنت مطيعة عمرها ما قالتلي لا ولا خرجت عن طوعي ولا تناقشني في اي كلمة اقولها 

سراج 

الواد زن ع ودانها وبخ فيه زي السم وهي عيلة وصدقته بس تستاهل اللي جرالها علشان تسمح لنفسها انها تتجوز جربوع زي دا واديها اخدت عقابها العادل... الجربوع عمل حادثة ومات بعدها ب٣ سنين وفضلت هي لوحدها مش لاقية تاكل ولا تصرف ع ابنها 

سليم بأسى 

روحتلها وقتها وعرضت عليها ترجع بس ترمي ابنه بعيد عننا ترجعه لأهل ابوه وترجع هي معايا لكنها رفضت ايدي اللي اتمدت ليها واتمسكت في ابنها فضلته عليا وقالت انها مش هتتخلى عنه مهما حصل ومش هترجع من غيره... فمشيت وسبتها وانا غضبان عليها ومش هسامحها غير لما ترجع تاني لحضني ولطوعي 

منير 

بابا من فضلك سيبك بقا منها وانساها هي اللي اختارت طريقها بنفسها تتحمله بقا .. ارجوك بلاش تفتح ف السيرة دي علشان انت بتتعب وضغطك بيعلى ودا من كويس ع صحتك وصحتك تهمنا 

سليم بغضب

اسيبني منه وانساها ازاي دي بنتي .. دي اختك يا منير انت عايزني انسى بنتي ازاي جالك قلب تقول كدا ع اختك انت هتخليني اغير نظرتي فيك 

منير بارتباك 

اا بابا مقصدش انا بس مش عايز حضرتك تكون زعلان مش اكتر

سليم بانزعاج

طب اسكت مش عايز اسمع صوتكم مش عايز اسمع صوت حد فيكم كلكم تقوموا من هنا مش عايز حد يكون قدامي دلوقتي 

الكل قام يمشي بسرعة قبل ما يقلب عليهم ويحرمهم من الميراث في احزة غضب زي ما عمل مع اختهم 

سراج بعد ما بعد وطلع اوضته مع فتون مراته 

كله منها بتول السبب في اللي بيجرالنا من يوم اللي عملته وبابا متغير معانا ومش بيثق ف اي حد فينا ومش بيعطينا الفلوس الا بحساب لحد امتا هنفضل ع الوضع دا انا زهقت 

فتون

معاك حق يا سراج انا هنفجر مبقتش قادرة اتحمل اكتر انا عايزة اعيش عايزة اتمتع بفلوسي ف شبابي هيفضل لحد امتا ماسك عليها بالشكل دا

اما تحت سليم دخل مكتبه بمساعدة مساعده الأمين واسمه امين 

سندني يا امين انا الظاهر كبرت وخرفت وعجزت قبل اواني ومبقتش نافع وأيامي قربت 

امين مسك ايده وقعده ع كرسي المكتب 

بعيد الشر عنك يا سليم بيه متقولش كدا انت لسه ف عز شبابك انت ناسي انك متجوز صغير يعني مش معنى انك عندك اولاد متجوزين وبقيت جد انك كبير في السن ابدا انت لسه ٥٠ سنة يعني ريعان الشباب يا سليم بيه  

سليم 

طيب ليه حاسس اني عجزت قبل اواني 

امين 

زعلك على بنتك اللي عمل فيك كدا انت قسيت عليها وعلى نفسك ولحد دلوقتي وبعد ٧ سنين انت لسه مش عارف تتخطى الموقف 

سليم 

اتخطاه ازاي دي بنتي ونور عيني اكتر حد ف اخواتها كانت حنينة عليا وبتحبني بجد وبتخاف عليا عمرها ما همها فلوس عاطفتها بتسيطر عليها اكتر من الفلوس عمر الفلوس ما اغرتها زي اخواتها هي اللي كانت هتقدر تحافظ على أملاكي من بعضي انما اخواتها الولاد هيضيعوها اخواتها طماعين انا مش تايه عنهم بيتمنوا موتي النهاردة قبل بكرة علشان ياخدوا ثروتي اللي انا متأكد انهم لو مسكوها هيضيعوها في يوم وليلة ويشحتوا بعدها بقيت عمرهم بنتي بتول نور عيني صحيح غلطتت ومش قادر اسامحها ع غلطتها لكن مش عارف انساها مش عارف اعيش من غيرها 

امين 

مش يمكن ان الاوان انك تنسى عقابك دا وترجعها ليك وبكفايا السبع سنين دول 

سليم 

مش راضية ترجع مش موافقة يا امين كرامتها ناقحة عليها... جوزها سابها ومات وهي حالتها ما يعلم بيها الا ربنا وبردو مش موافقة ترجع شايف بتعمل في نفسها وفيا ايه 

امين 

ما حضرتك بردو بتطلب منها طلب تعجيزي انت عايزها تتخلى عن ابنها ضناها جزء منها زي ما هي بنتك ومش قادر تسيبها هو ابنها ومش هتقدر تسيبه فكر فيها يا سليم بيه وعيد حساباتك علشان ترتاح 

سليم فكر شوية 

اتصلي عليها عايز اكلمها من زمان مسمعتش صوتها يمكن قلبها يحن وترجع لابوها 

امين 

زي ما قولتلك مش هترجع الا لما توافق تجيب ابنها معاها ومتتخلاش عنه 

سليم بقلة حيلة 

ماشي موافق موافق تجيب ابنها كلمها بسرعة اقولها الخبر وابشرها بنفسي 

امين اتصل بيها ولما سمع الرد ع الفون ملامح وشه اتغيرت 

ايع انت بتقول ايه!! 

سليم قال بخوف ع بنته 

امين فيه ايه ملامح وشك وصوتك اتخطف ليه بنتي جرالها ايه يا امين انطق اتكلم بسرعا 

امين بتوتر وحذر 

انا اسف يا سليم بيه بس اللي عرفته ان بتول بنت حضرتك وتعبت من يومين واتنقلت المستشفى وهي محجوزة هناك دلوقتي 

سليم كان قلبه هيقف من خوفه ع بنته 

ايه بنتي .. بنتي امين بنتي هتروح مني من قبل ما اشوفها واقولها اني مسامحها بنتي هتروح مني وهي بعيد عني وزعلانة مني امين خدني بسرعا على المستشفى الحق بنتي يا امين 

امين مسك ايده وسنده لحد العربية 

سليم كام بيركب بسرعة لدرجة انه كان هيقف 

امين 

برراحة يا سليم بيه متقلقش هي بخير ارجوك متوترش نفسك كدا علشان صحتك 

سليم 

بلاش كلام كتير يا امين وقول للسواق يسوق بسرعا يلا مفيش وقت 

امين ركبه وقعد جنبه 

تمام يا سليم بيه سوق بينا بسرعة يا متولى ع المستشفى 

واول ما وصلوا سليم نزل من العربية بسرعة 

بنتي بنتي .. معقول بنتي بقالها يومين ف المستشفى العقيمة دي ابوها اغنى رجل اعمال وعنده مستشفى استثماري خاصة بيه وف الاخر بنتي تتعالج هنا شايف يا امين بنتي بتعمل فيا ايه 

امين بأسى 

معلش يا سليم بيه انت خلاص هتصلح كل الامور دي 

سليم 

ايوا صح انت معاك حق انا خلاص هرجع بنتي لحضني حتى او معاها الولد ابنها انا موافق المهم انها ترجعلي ومتبعدش عني تاني هي فين هي فين يا امين 

امين 

حاضر هسال عن مكان الاوضة اللي هيا محجوزة فيها 

واول ما عرفوا دخلوا الاوضة وقال سليم بلهفة اول ما شافها 

بتول بنتول بنتي الف سلامة عليها يا غالية بعيد الشر عنك يا حبيبتي طمنيني عليكي انتي كويسة فيكي ايه وحاسة بإيه ؟؟

بتول اول ما شافت ابوها لفت وشها الناحية التانية 

سليم كان عارف انها زعلانة منه فقال 

عارف انك زعلانة بس انا موافق موافق ترجعي القصر ومعاكي ابنك يا بتول المهم انك تكوني معايا يا حبيبتي ومنبعدش عن بعض ابدا 

هنا بتول صرخت جامد وقالت بجنون 

ابني اختفى عمر ابني قرر يبعد عني لما عرف انك عايز ترجعني القصر من غيره قرر يضحي علشاني عمر ابني سابني بسببك يا بابا مشي ومعرفش راح فين قلبت الدنيا عليه ومش لاقياه هيفيد بإيه رجوعي القصر ونعيمه من غير ابني وروحي وحتة مني الحياة المرفهة فيه هتكون مر علقم من غير عمر... عمر ابني راااح وانت السبب يا بابا 

قالتها ودخلت في نوبة بكا وحسرة شديدة 

سليم مقدرش يتحمل بكا بنته فضمها لصدره وقال 

هندور عليه هنلف البلد كلها حتة حتة وشبر شبر هبعت كل رجالتي علشان يدوروا عليه في كل مكان ان شاء الله مش هيعدي عليه الليلة دي الا لما يكون في حضنك متقلقيش 

بتول فرحت وقالت بصوت كله حماس 

بجد يا بابا !! 

سليم اتنهد تنهيدة حارة 

هعمل كل اللي اقدر عليه يا روح قلبي علشان تكوني سعيدة... بس ترجعي معايا القصر وكفاية بعد لحد كدا 

بتول بفرحة وافقت ودا لانها واثقة في نفوذ ابوها وعارفة انه لو وعدها انه هيدور ع ابنها فهو فعلا هيدور عليه 

علشان كدا قالت 

ماشي يا بابا انا موافقة.. موافقة ارجع مع حضرتك البيت 

وبعد سنين 

كانت بتول واقفة ف اوضة مكتبها في الشركة بتبص من الشباك بحسرة وبتكلم نفسها

ومن اليوم دا لحد النهاردة مش عارفين نلاقيك يا عمر عملت كل حاجة ممكن تتعمل عملت المستحيل بس مقدرتش الاقيك وبابا من وقتها حاسس بالذنب ليه ليه يا عمر بعدت وسبتني مش لاقية روحي من غيرك بس انا واثقة واثقة اني هلاقيك في يوم من الايام ولو بعد حين مش هيأس ولا همل من اني ادور عليك والاقيك يا ابني 

❈-❈-❈

اما بطة فكانت بتقضي معظم وقتها وحيدة في اوضتها محدش فاضي ليها من عيلتها ولا مهتم بيها لسه بيعاملوا وكأنها مش موجودة ولا كأنهم لقيوها 

بطة كانت بتكلم نفسها 

ليه ليه كل التجاهل اللي انا شايفاه منهم دا انا علطول بسمع عن البنت اللي بتكون ضايعة من اهلها وبيلاقوها بتكون بالنسبة ليهم روحهم بيولوها كل الاهتمام وبيعملوا ليها كل اللي تطلبه وبيكونوا ف قمة سعادتهم برجوعها ليهم ليه مش شايفة دا من اهلي هل اللي كنت اعرفه واسمع عنه مجرد اوهام وكلام افلام وروايات بس ولا دا لان اهلي ناس عملين جدا اهم حاجة عندهم الفلوس والمظاهر والمجاملات انما المشاعر دي اخر حاجة ممكن يفكروا فيها... طب اعمل ايه دلوقتي هل هفضل كدا محلك سر ف الاوضة هنا قاعدة بملل دا انا كنت ف الدار بستمتع بوقتي اكتر من كدا 

بعدها قامت وقفت وقالت 

لا لا مش هينفع ابدا استسلم للي بيحصل انا طول عمري بحلم اني الاقي اهلي واني ابعد عن الدار باللي فيها وعن الفقر والعوز والوحدة انا لازم استغل رجوعي لاهلي واعيش حياتي واستمتع بيها مش هنتظر من حد انه يسعدني هسعد نفسي بنفسي... انا هروح اطلب من بابا فلوس وهنزل اشتري كل اللي نفسي فيه واقدم للجامعة واكمل دراستي كمان لازم الحق مستقبلي واكمل اللي بحلم بيه طالما الفرصة جتلي واهلي الحمد لله طلعوا اغنيا يعني سهل احقق كل احلامي

قالت كلامها وراحت اوضة المكتب لابوها بكل حماس

وخبطت فريد قال 

ادخل 

فلما دخلت كشر وقال 

غير يا بطة عايزة حاجة اصلي مش فاضي دلوقتي مشغول 

ربا بحكمة

ااا معلش مش هعطلك يا بابا انا بس مفيش عندي لبس او اي حاجة وكدا فمحتاجة بس فلوس علشان اشتري اللي ناقصني متقلقش مش هجيب حاجة زيادة عن اللي هحتاجه 

فريد 

تمام ماشي خدي الفيزا دي هتكون خاصة بيكي هحولك فيها مصروفك الشخصي تعملي بيه اللي انتي عايزاه محدش هيحاسبك عليه 

فرحت ربا واخدت الفيزا وقالت 

طيب وبالنسبة لدراستي 

فريد 

مصاريف دراستك هتكون بردو من الفيزا قولتلك اعملي اي حاجة انتي حاباها بيهم 

ربا قربت من ابوها وباستها 

ربنا يخليك ليا يا بابا 

قالت كدا وخرجت وفريد فضل زي ما هو متحركش ولا حتى مشاعره اتحركت ناحية بنته اللي يا دوب لقاها امبارح بس بعد غياب سنين طويلة 

 ربا وهي خارجة وماسكة الفيزا في ايديها بحماس خبطت في بنت اسمها ليزا صديقة منار 

اووه مش تحاسبي يا متخلفة انتي وجعتيني 

ربا رفعت حاجبها باستنكار اللي سمعته 

هي مين اللي متخلفة يا غبية انتي... وبعدين انتي مين وبتعملي ايه هنا علشان يبقى عندك الجرأة انك تشتمي اصحاب البيت 

ليزا بسخرية 

هما فين أصحاب البيت دول قصدك انتي !! 

قالتها وشاورت بصباعها بسخرية

استحالة انتي تكوني صاحبة بيت انتي اخرك تكوني خدامة لست البيت الصغيرة منار هانم 

ربا فهمت ان البنت دي تبع منار لانها نفس العينة بالظبط ولسه هتتكلم 

كانت منار نزلت من اوضتها ووصلت لعندهم 

ليزا واخيرا جيتي انا بنتظرك من بدري 

ليزا مثلت انها هتعيط 

منار الحقيني صحبتك بتنضرب وبتتهان في بيتك يا رورو ومن مين من واحدة متسواش زي دي 

منار بعصبية 

نعم تنضربي وتنهاني؟؟ صاحبتي بتنضرب وبتتهان لا لا استحالة... 

قالتها وبصت لربا بشر

انتي ازاي تعملي كدا في صاحبتي انتي اتجننتي 

ربا 

يا بنتي انتي هتصدقيها دي كدابة 

منار بحدة

انتي اللي كدابة انتي عايزاني اصدقك انتي واكذب صاحبتي اسمعي يا بطة صحابي ملكيش دعوة بيهم انتي فاهمة والا هيكون ليا معاكي تصرف تاني 

ربا 

يا بنتي انا معملتش فيها حاجة خبطت فيها غصب عني وهي كبرت الموضوع 

ليزا 

دي كدابة يا منار متصديقاش هي اللي بتعمل كدا علشان غيرانة مني 

ربا رفعت حاجبها 

نعم اغير منك انتي اغير من ايه يا معصعصة ياللي زي عمود القصب 

ليزا 

شايفة يا منار الأسلوب البيئة بتاعها دا سامعة بتكلمني ازاي 

منار بغضب 

سامعة ومش هسكت على قلة ادبها دي انا لازم اقول لبابي او مامي يتصرفوا معاها 

ربا 

منار لو سمحتي انا مش قليلة الأدب صاحبتك اللي من البداية وبتغلط فيا 

منار 

انتي تسكتي خالص مش عايزة اسمع صوتك انتي فاهمة 

ربا 

منار متتكلميش معايا بالاسلوب دا من فضلك وبلاش تكملي من غير ما تعرفي الحقيقة 

في الوقت دا فريد خرج من مكتبه على صوت دوشة وسمع بعض الكلام 

اول ما منار شافته جريت عليه وقالت بمسكنتها المعتادة 

بابي تعالى شوف اللي حصل الاستاذة اللي اسمها بطة دي ضربت صاحبتي واهانتها في بيتي بقا دا معقول يا بابي هي دي الاخلاق اللي حضرتك ربيتني عليها دي ضيفة مينفعش نعاملها كدا خالص 

فريد بص لربا بغضب 

اللي سمعته دا حقيقي يا بطة!! 

لسه بطة هتتكلم يادوب هزت راسها بالنفي لقته بيزعق وبيقول 

مش معنى انك جاية من بيئة غير وانك تربيتك مختلفة انك متلتزميش بآداب البيت ولا تعملي حساب لأصحابه ولا تكرمي ضيوفه 

ربا 

بابا انا معملتش حاجة حضرتك انااا 

فريد

اشش انا شوفت كل حاجة بنفسي مش محتاج اسمع منك ولا كلمة وبقولهالك يا بطة لو اتكررت تاني هزعل منك مفهوم انا هسامحك بس علشان انتي لسه مش متعودة ع النظام هنا 

ربا كانت هتعيط بس مسكت نفسها 

والله انا معنلتش حاجة 

فريد اتفضلي دلوقتي على اوضتك ومتخرجيش منك خالص النهاردة 

قالها وبص لليزا وقال 

متزعليش يا ليزا حقك عل عمو يا حبيبتي 

ليزا بدلال 

ميرسي يا عمو يا قمر انت 

فريد 

انتي اللي قمرين يا روحي ها قوليلي والدك عامل ايه 

ليزا 

كويس يا عمو الحمد لله 

فريد

طيب الحمد لله يلا اطلعي مع منار او شوفوا انتوا رايحين فين يا حبايبي 

منار 

بابي احنا خارجين وممكن نتأخر شوية بليز الفيزا تقريبا فاضية مفيهاش الا ٥ الاف جنيه بس ودول ميعملوش حاجة 

فريد 

بس كدا عنيا حاضر قبل ما توصلي للمكان اللي انتي رايحاه هتلاقي الفيزا اتجددت 

منار طبعت بوسة ع خد ابوها 

ميرسي يا احلى بابي .. باي هطلع اجيب شنطتي من فوق وهنزل علطول تعالي معايا يا ليزا 

كل دا حصل قدام عين ربا اللي واقفة و مصدومة من فرق المعاملة ما بينها وبين منار 

فريد لاحظ انها لسه واقفة فزعق 

انتي لسه واقفة عندك بتعملي ايه ع اوضتك يلا 

بصتله ربا باستغراب 

وطلعت ع اوضتها وهي على اخرها وبتنفخ 

فجت الدادة وقالت 

متزعليش يا بنتي انا شوفت كل حاجة وعرفت انك معملتيش حاجة وليزا هي اللي اتبلت عليكي هي البنت دي طول عمرها كدا دايما بتجلب المشاكل هنا حتى مع الخدامين بتتبلى عليهم وبتخلي فريد بيه يجازيهم دي عادتها ولا هتشتريها لما بتيجي محدش بيحب يتواجد وهي موجودة بتنفادى اننا نكون ف نفس المكان علشان متسببش لينا المشاكل .. مش عايزاكي تزعلي ولا تحطي في دماغك ومش عايزاكي تبقي ضعيفة يا بنتي وخدي حقك بإيدك 

ربا 

اممم معاكي حق يا دادا انا هاخد حقي بنفسي 

وخرجت ربا برا الاوضة فشافت ليزا بتتكلم في الفون قدام اوضة منار 

فقربت منها ربا وقالت 

اوعي تكوني مفكرة انك بكدا انتصرتي عليا لا انسي وقسما برب العزة لو قررتيها تاني لانسفك من ع وش الارض ولا حد يهمني فاهمة يا بت ولا افهمك بطريقتي ها تحبي افهمك البيئة ممكن تعمل فيكي ليه 

ليزا خافت ورجعت لورا 

ها لالا مش هعمل فيكي حاجة تاني بس بليز ابعدي عني بليز 

ربا بصتلها بشر 

فقالت ليزا برعب وهي بتنزل السلم 

منار انا هستناكي تحت ف العربية 

ربا اول ما شافتها بتهرب 

ههه ناس متجيش الا بالعين الحمرا 

الدادة شافت اللي حصل فضلت تضحك 

ايوا كدا يا بنتي خدي حقك بإيدك 

في الوقت دا منار خرجت من اوضتها ولما جت تنزل زقت ربا جامد ف كتفها 

اوعي خليني اعدي ياباي عليكي ايه دا 

اتنهدت ربا بانزعاج 

مش عارفة اخده مني عداء ليه بس يا دادة 

الدادة 

منار شخطيتها كدا عنجهية ومغرورة مأظنش انك هترتاحي معاها بس بردو حاولي تكسبيها اعرفي مفاتيحها وادخليلها منها 

ربا هحاول 

الدادة 

عن اذنك هشوف اللي ورايا 

ربا ماشي يا دادا انا مش هعطلك 

بعد كدا بصت ربا قدامها لقت باب اوضة منار مفتوح فدفعها الفضول انها تدخل تشوفها واول ما شافتها انصدمت باللي شافته