قراءة رواية البطة السودا كاملة

تنشر حصريًا على مدونة رواية وحكاية قبل أي منصة أخرى

ربا طلعت اوضتها وهي منهارة من البكا كل لما تحاول تبقا قوية وتتجاوز اللي بتمر بيه وسط عيلتها يعملوا موقف معاها يرجعوها لنقطة الصفر 

فضلت تعيط لحد ما نامت من التعب 

من غير أكل ومن غير حتى ما تغير هدومها 

وتاني يوم الصبح صحيت ع رنة من موبايلها فبصت ف الفون لقت سماح اتصلت عليها مرات 

ربا 

يااه سماح اتصلت كل دا وانا مسمعتوش اكيد قلقت عليا انا لازم اكلمها 

واتصلت بيها 

سماح ايه يا ربا كل دا انتي فين انتي لسه في محاضراتك ولا ايه مكلمتنيش امبارح خالص قلقت عليكي انا حتى شحنت كارت ب١٠ جنيه علشان افتح نت واشوفك بردو ملقتكيش متصل 

ربا 

معلش يا سماح غصب عني راحت عليا نوما ومسمعتش الفون والله حقك عليا 

سماح 

استني لحظة راحت عليكي نوما يعني ايه يعني انتي مش ف الكلية دلوقتي 

ربا 

لا انا في اوضتي لسه نايمة صحيت ع اتصالك 

سماح 

ليه 

ربا 

ليه ايه يا سماح اه قصدك ليه مروحتش بقولك راحت عليا نوما 

سماح 

لا بتهربي يا ربا حصل ايه امبارح لما فاتحتيهم اتكلمي... انتي كان كلك حماس اكيد مش هجيلك نوم من حماسك..امبارح مفتحتيش نت ونايمة طول الليل والنهار ومروحتيش كليتك يبقى حصل حاجة قوليلي يا ربا مالك 

هنا ربا انفجرت ف البكا 

عااا سماح انا محتاجاكي اوي انا ضعيفة اوي مبقتش قادرة اتحمل انا عايزة ارجع اعيش معاكي تاني مش متحملة اعيش هنا سماح تعالي خديني 

سماح بتأثر 

يا حبيبتي... حسبي الله ونعم الوكيل في اللي وصلوكي للحالة دي اهدي بس يا ربا واستهدي بالله انا هجيلك فعلا بس علشان نتقابل ونقعد نتكلم قومي البسي وتعالي عند الكافيه اللي بنتقابل فيه يلا 

ربا 

مش قادرة يا سماح مش قادرة اتحرك من مكاني مش عايزة اشوفهم مش طايقاهم 

سماح 

لو كان ينفع اجيلك عندك كنت جيت بس مش عايزة احرج نفسي او اسببلك المشاكل قومي كدا اتوضي وصلي الصبح اللي فاتك وتعالي انا هستناكي يلا يا ربا يلا ....

....

بعد حوالي ساعة كانت ربا قاعدة مع سماح ف الكافيه 

سماح 

جرا ليه يا ربا احنا مش اتفقنا نكون اقوى من كدا ويا شجر ما هيزك ريح فيه ايه بقا بكل دا 

ربا ببكا 

مش عارفة مش عارفة يا سماح كلامهم حطمني اتحمست واتوقعت رد فعل غير دا اتصدمت قلبي اتكسر زيادة فوق كسره متحملتش يا سماح 

سماح 

انا بقا اتوقعت رد الفعل دا وعلشان كدا كنت هتجنن واطمن عليكي امبارح يا بنتي افهمي بنتهم اللي بيحبوها فاشلة وملهاش ف التعليم ولا فالحة ف حاجة غير اللبس والشرا عمال ع بطال فجأة تيجي انتي البطة السودا تقوليلهم في وشهم انك افضل منها وانك الدكاترة كلهم بيشهدوا بتفوقك ورشحوكي لمنحة وكلام من دا... عمرهم ما هيفهموا ولا هيقدروا لأنهم ببساطة كانوا بيتمنوا ربع نجاحك دا لبنتهم فرد فعلهم طبيعي 

ربا 

بس انا بنتهم يا سماح 

سماح 

شرعا وقانونا بنتهم لكن القلوب والحب مش بإيد حد هتعملي ايه 

ربا 

علشان كدا قولت ابعد اسيبلهم البيت 

سماح 

تروحي فين ترجعي للملجأ ولا للخرابة اللي كنا عايشين فيها ترجعي للبهدلة تاني لا مش هسمحلك انا اتفقت معاكي ع ايه تخلصي دراستك وتشتغلي وتستقلي بحياتك وبعدها لو حابة تبعدي ابعدي مش هلومك وقتها لكن دلوقتي فلوسهم ومركزهم مهمين ليكي علشان تكملي دراسة .. اومال انتي فكرك ايه هترجعي لاهلك كدا وتعيشي ف تبات ونبات كدا ف خط مستقيم دايركت من غير اي منغصات ولا عقبات تقف ف طريقك... لازم تثبتي انك قوية وانك قدها قاومي وحطي حلمك قدامك وبس 

ربا 

هو فين حلمي دا ما رفضوا خلاص الفكرة وانا كنت شايفاها فرصة مثالية مش هتتعوض ولا هتتكرر مرتين 

سماح 

ربا هما يعرفوا عنك حاجة؟؟؟ لو غبتي شهر هيحسوا؟؟؟ متجبيش سيرة الترشيح وادخلي المسابقة ولو حصل ان شاء الله وحصلتي ع المنحة سافري وقولي انك مسافرة ف اي حاجة تقضي يومين من تعب المذاكرة او حتى قولي الحقيقة بس بعد ما يحصل يعني تحطيهم قدام الامر الواقع مش هيقدروا يعملوا حاجة المهم متستسلميش ابدا

ربا 

انتي شايفة كدا يا سماح 

سماح 

هو كدا وابو كدا وام كدا لو حبيتي 

ربا ضحكت رغما عنها 

فسماح ضحكت 

ايوا كدا اضحكي يا شيخة خلي الدنيا تنور من تاني طب وربنا لما بشوفك زعلانة الدنيا بتسود حواليا 

ربا قامت من مكانها 

سماح بخضة 

ايه رايحة فين 

ربا حضنت سماح جامد 

بحبك يا سماح بحبك اوي بجد 

سماح هديت شوية وقالت 

يا بنت المجانين وربنا اتخضيت اصلك قومتي مرة واحدة خضتيني 

....

سليم لما رجع من الشركة وقعد ع السفرة لان دا وقت الغدا وسأل على بتول قال للشغالة 

هي بتول لسه مرجعتش من برا ولا اي

الشغالة 

لا يا سليم بيه مرجعتش لسه 

سليم

غريبة راحت فين دي من غير ما تقولي وكمان سالت عليها في الشركة قالوا إنها مشيت من بدري ...

فقرر يتصل بيها 

ورن اكتر من مرة لكن مفيش اي رد 

وبعدين يا بتول انتي فين معقولة تروحي مكان من غير ما تقوليلي يا ترى انتي فين وبتعملي ايه 

فتون سمعت كلام سليم وابتسمت بمكر 

اتمنى تكون غارت وخلصنا منها.. اما اروح اكمل ع سليم يمكن يجيلوا ذبحة صدرية وريحنا منه هو كمان 

قربت منه وقعدت ع السفرة 

ايه مش بتاكل ليه يا حج مستنى بتول بردو بعد كل اللي عملته دا ولسه في قلبك وبتفضلها على اولادك الرجالة اللي عايزين مصلحتك وشايلين اسمك 

سليم 

عايزين مصلحتي ولا منتظرين موتي يا فتون... خلينا نتكلم ع المكشوف افضل 

فتون 

بعيد الشر عنك يا حج متقولش كدا دا انت الكل ف الكل وانت اللي شايل كل حاجة هما من غيرك ولا حاجة والله انت لو جرالك حاجة الشركة هتقع ومش هيعرفوا يوقفوها زي ما بتعمل انت 

سليم 

في دي معاكي حق اولادي الرجالة اللي بتقولي عليهم ميعتمدش عليهم يا فتون لكن انتي غيرهم انتي العقل المدبر ليهم انتي اللي تنفعي رئيسة مجلس الادارة مش سراج 

فتون عنيها لمعت بحماس 

اا انت بتقول ايه يا حج قصدك ايه 

سليم 

اللي فهمتيه يا فتون بالظبط انا لو حبيت اسلم الشركة لحد غير بتول بنتي هتكون انتي مش سراج سراج طايش وعصبي وبيصرف بهمجية وتهور انتي اعقل منه وبتعرفي تتصرفي ف المواقف الحرجة 

فتون بحماس 

انا تحت امرك يا سليم بيه من ايدك دي لايدك دي

سليم 

لا مش بالسهولة دي لازم تثبتي ليا انك قدها 

فتون 

اللي يرضيك ايه اعمله وانا مستعدة 

سليم بمكر 

ملف المناقصة بتاعة شركة السعدني لو عرفتي تخليها ترسي علينا احنا اعتبري نفسك رئيسة مجلس الاداره والمسؤولة بالكامل عن الشركة كلها من بعدي 

فتون بفرحة كبيرة 

والله بجد يا سليم بيه . اا انا هعمل كل في وسعي علشان اخلي المناقصة دي لينا

سليم 

ياريت تبدأى من دلوقتي 

فقامت فتون بفرحة ونسيت حتى تاكل 

اما سليم فكرر الاتصال ببتول

 ....

ربا كانت لسه قاعدة من سماح 

سماح 

ايه انتي مش جعانة من امبارح ما تطلبينا فطار خلينا نفطر انا هموت من الجوع 

ربا 

بس كدا حاضر احلى فطار لأحلى موحا ف الدنيا 

وبالفعل قعدوا مع بعض ياكلوا وف الوقت دا جه اتصال لسماح فلما ردت عليه وشها قلب وقالت ايه !!! انت بتقول ايه... في مستشفى ايه انطق بسرعا يا ستير استر يارب يا ستير استر يارب 

ربا وقفت بخضة 

ايه في ايه يا سماح مين اللي تعب وراح المستشفى 

سماح 

فاكرة عمر اشرف يا ربا... الواد عمر السباك اللي طول عمره طيب وماشي ف حاله بيقولوا عمل حادثة واتنقل المستشفى بس مستشفى غريبة كدا اول مرة اسمع بيها 

ربا 

ايه حادثة ربنا يسترها وينجيه يارب 

سماح 

معلش يا ربا انا من الاصول اني اروح اطمن عليه انتي عارفة ان عمر عشرة عمر ومتربي معانا ف الملجأ معلش هسيبك اطمن عليه وهرجعلك تاني 

ربا دفعت تمن الاكل وسابته ع الترابيزة وهي بتقول 

لا انا جاية معاكي انا كمان عايزة اطمن على عمر 

... في مستشفى الدكتور زايد 

بتول كانت نايمة ع السرير بتعب 

الوا ايوا يا بابا انا اسفة اني قلقت حضرتك عليا 

سليم 

انتي فين يا بتول مبترديش ليه يا بنتي 

بتول 

بسيطة يا بابا مفيش حاجة يا حبيبي بالليل كدا ان شاء الله ربنا يسهل 

سليم 

انتي فين يا بتول وصوتك ليه مش عاجبني 

بتول 

انا كويسة والله يا بابا بس فيه حاجة كدا حصلت مش هعرف ارجع البيت 

سليم 

بتول يا بنتي فيكي ايه فيه حاجة حصلت 

بتول 

كنت راكبة العربية وراجعة ع الشركة عربية قفلت عليا وللأسف خلتني دخلت في السور 

سليم بخضة 

ايه بتول انتي عاملة حادثة وانا معرفش طول الوقت دا 

بتول 

والله يا بابا انا كويسة تعبانة شوية من الصدمة وكدمات كدا بسيطة ف ايدي لكن الحمد لله عدت ع خير 

سليم 

انتي فين في اي مستشفى هجيلك بسرعا 

بتول 

متتعبش نفسك يا بابا انا جاية بالليل ان شاء الله 

سليم 

اتكلمي يا بتول في اي مستشفى 

بتول 

في مركز زايد يا بابا بالله عليك هدي اعصابك علشان متتعبش 

سليم 

انا جايلك حالا 

...

ولما اخد العربية بالسواق ووصل لمركز زايد وقابل بتول اللي كانت نايمة ع السرير وساندة ضهرها وايدها متجبسة

بتول بنتي جرالك ايه 

بتول اتعدلت ف القعدة 

انا كويسة والله يا بابا مفيش حاجة تستدعي قلق حضرتك دا كسر بسيط ف ايدي وان شاء الله يخف بسرعا 

سليم 

احكيلي اللي حصل ومين الكلب اللي كان بيقفل عليكي دا 

بتول مش عارفة يا بابا بس حاساه كان متعمد يعمل كدا كان مصر يتبعنا كل ما ابعد عنه يزنق عليا العربية لحد ما خلاني دخلت ف السور بس الحمد لله جت سليمة لكن عمر للاسف اتبهدل يا بابا لإني دخلت ف السور بجنب العربية 

سليم بصدمة 

ايه عمر انتي لقيته؟؟ 

بتول بأسى 

ياريت يا بابا للاسف مطلعش هو انا كنت بقابله ع امل انه عمر ابني لكن مطلعش هو 

سليم 

ما يمكن اللي حصل دا مدبر يعني اللي كدب عليكي وقالك انه عمر دا تبعهم 

بتول 

لا يا بابا دا شاب كويس خالص بيدور ع اهله وعايش طول عمره ف ملجأ لما عرف انه مش عمر اللي بدور عليه اتأسفلي وكان هيمشي بس انا عرضت عليه اوصله وياريتني ما عرضت دا الولد اتبهدل اوي يا بابا صعبان عليا أوي هو في سن عمر ابني .. كل لما اتخيل انه ممكن يكون عمر ابني وهو اللي جرااله دا بتجنن يا بابا.. يا حبيبي يا عمر يا ترى انت فين دلوقتي انا متأكدة انك عايش يا حبيبي 

سليم اخد بتول بنته ف حضنه لانها انهارت ف البكا 

ان شاء الله نلاقيه يا حبيبتي وهتقري عينك بيه متعطيش علشان خاطري خليكي قوية زي ما عرفتك طول عمري يا بتول

بتول ببكا 

عمر شاب غلبان اوي يا بابا متسيبوش ارجوك 

سليم 

متقلقيش هوصي يتعمله اللازم لحد ما يخف ويقول ع رجله من تاني

بتول 

ربنا يخليك لينا يا بابا 

....

اما بعد فترة وصلت سماح وربا لاوضة عمر 

سماح 

لو سمحتي يا اختي احنا بنسأل عن عمر اشرف دي اوضته!! 

الممرضة 

انتوا قرايبه!! 

سماح

ايوا قرايبه ممكن ندخله من فضلك 

الممرضة 

هو حالته مش مسموح ليه بالزيارة ق الوقت الحالي بس احنا منتظرين حد ينزل الحسابات دلوقتي لانه محتاج عملية ولازم تتعمل ضروري 

ولسه ربا وسماح هيتكلموا جه سليم وقال 

جهزوا عمر للعمليات حالا اعتبري كل حاسبه من دلوقتي لحد ما يخرج من المستشفى مدفوع ومقدما كمان 

الممرضة 

سليم بيه اهلا وسهلا نورت المستشفى حضرتك مدام بتول الحمد لله كويسة 

سليم 

نفذي اللي قولت عليه اظن انه جاي مع مدام بتول يعني كان يتعمل ليه كل المطلوب وع وجه السرعة 

الممرضة 

حصل والله يا سليم بيه متأخرناش عنه لحظة واللي مأخر العملية هو انتظار نتيجة التحاليل والفحوصات

سليم 

تمام اعملوا المطلوب وانا بنفسي هتابع حالته 

الممرضة 

تحت امرك يا سليم بيه عن اذن حضرتك 

ولما مشيت الممرضة سماح قالت 

كتر خيرك يا بيه والله عمر غلبان غلب ومحلتوش حاجة خالص طول عمره متربي ف ملجأ ... بس متأخذنيش يعني في السؤال هو حضرتك والد مدام بتول اللي خبطته بالعربية!! 

سليم 

بتول بنتي مخبطتوش بالعربية .. لانه كان راكب معاها في الاساس وهما الاتنين اللي عملوا الحادثة 

سماح 

اه انا اسفة والله يا بيه اني ظنيت فيكم كدا.. ومدام بتول اخبارها ايه 

سليم 

ولا يهمك بتول الحمد لله بخير وان شاء الله عمر يقوم منها بالسلامة 

سماح 

يارب ان شاء الله دا غلبان وطيب اوي والله العظيم عمره ما زعل حد ولا أذى حد 

سليم 

انتوا كنتوا معاه ف الملجأ ؟؟ 

سماح

 ايوا يا بيه احنا متربين سوا 

سليم 

هز راسه وعطالها الكارت بتاعه 

دا الكارت بتاعي وفيه ارقامي لو احتاجتوا اي حاجة ف اي وقت كلموني قولوا بس للي هيرد عليكم انكم تبع عمر اشرف مش اسمه كدا 

سماح 

ايوا يا بيه ختر الف خيرك وربنا يباركلك في مدام بتول يارب 

ولما مشي سليم سماح قالت لربا 

شوفتي يا ربا ربنا بيوقف للطيبين اولاد الحلال ف الاوقات الصح الحمد لله ربنا يقوم عمر بالسلامة

ربا 

يارب يا سماح يارب

...

رجع عمر للبيت بعد ما خلص شغله وكان واضح على ملامح وشه انه فيه حاجة شاغلاه قعد معاهم ع الأكل ومش مركز ف اللي بيقولوه 

الام 

فيه حاجة يا عمر .. 

عمر 

ها حاجة ايه يا امي 

الام 

بالك مشغول بإيه يا ابني بتدور على عروسة لو عايز عروسة شاور بس وانا اجيبلك مليون واحدة تختار منهم 

عمر 

بدور على نفسي الأول يا امي 

الام شايفك بدأت تدور ف دماغك على موضوع أهلك وانت مين بعد ما كنت مش عايز تفتح الموضوع دا تماما 

عمر 

عندك حق يا بابا مش عارف ليه الموضوع دا دلوقتي شاغل دماغي فجأة وانا ف المواصلات سمعت بنت اسمها بتول ودلعها تولا حسيت ان الاسم مألوف رغم اني مقابلتش قبل كدا حد بالاسم دا

الام بفرحة 

قول بجد يا عمر اخيرا ذاكرتك رجعتلك 

عمر 

مش عارف يا امي بس دا اللي وصلني لكن مش فاكر اي حاجة تاني وعلشان افتكر لازم حد يحفز ذاكرتي ممكن تحكولي انتم ازاي لقيتوني بالظبط!! 

الام وهي بتفتكر اللي حصل زمان 

فلاش باااك 

ناجي كان مسند مراته اللي كانت تعبانة في الوقت دا واخدها المستشفى 

اتحملي شوية يا سامية خلاص قربنا نوصل المستشفى ونطمن عليكي 

سامية 

مش عارفة روحي رايحة ليه كدا يا ناجي 

ناجي 

اكيد الضعط على عليكي تاني انتي لما بتزعلي الضغط بيعلى عليكي حاولي تتحكمي في زعلك شوية

سامية 

حد بيقدر يتحكم ف نفسه اهو الزعل بيجي لوحده الحمد لله مقدرش اقول غير الحمد لله 

ناجي 

ربنا يجعلك من الحامدين يارب 

ولما وصلوا المستشفى والدكتور فحصها وقاسلها الضغط 

لازم تهتمي بنفسك اكتر من كدا وعلاج الضغط يكون عندك باستمرار اشوفك الاسبوع الجاي ان شاء الله 

ناجي 

ان شاء الله يا دكتور انا بنفسي ههتم بيها 

واثناء ما هما ماشين وخارجين من المستشفى شافوا عربيا الاسعاف بتدخل المستشفى ووقفت وخرجوا منها شايلين على الترولي ولد صغير بعمر ١٠ او ١١سنة 

وسعوا بسرعا الولد عامل حادثة وواقع عليه بوابة حديد 

الكل شهق بصدمة 

ياربي.. ربنا يستر ويعيش دا شكله حالته خطيرة ... دا متبهدل اوي يا عيني... الولد غرقان دم ... مش هيعيش 

سامية تابعت الموقف 

لا حول ولا قوة إلا بالله 

ربنا يسترها معاه يارب وينجيه منها 

ناجي 

يارب ربنا يعافيه ان شاء الله 

سامية 

بس مش غريبة مفيش حد من اهله معاه نازل من عربية الاسعاف في الحالات اللي زي دي بنلاقي الاهل واهل البلد كلهم جايين وراه 

ناجي 

الله اعلم ظروفه ايه يلا بينا احنا قبل الحر تعالي نجيب العلاج ونروح يلا 

سامية 

ماشي يلا بينا 

وخرجت وعنيها كانها بتدور على عمر الصغير عايزة تطمن عليه 

وبعد اسبوع جم تاني علشان المتابعة مع الدكتور لكن سامية كان شاغل أمر الولد الصغير بالها فسألت الممرضة 

الولد الصغير اللي جه ف الاسعاف من اسبوع وبوابة حديد وقعت فوقه اخباره ايه قولي انه عاش وربنا نجاه 

الممرضة 

اه قصدك عمر ايوا عمل عملية والحمد لله عايش 

سامية بفرحة 

طيب الحمد لله ربنا يطمنك يا بنتي.. وروح مع اهله؟؟ 

الممرضة 

مش عارفين ليه اهل للاسف لان الولد فقد الذاكرة الخبطى اثرت على مراكز التذكر عنده محدش يعرف عنه حاجة غير ان اسمه عمر وكان شغال مع عمال بناء لما البوابة وقعت عليه وهما بيرفعوه 

سامية 

يعني ايه الولد ملوش اه‍ل محدش سأل عليه خالص 

الممرضة 

عمال البناء قالوا إنه جالهم واترجاهم يشتغل معاهم لانه ملوش اهل.. اهله ماتوا وهو وحيد وعايز يصرف ع نفسه ويعيش دا كل اللي يعرفوه عنه كان بيباات معاهم ف موقع البناء يادوب كان جايلهم من اسبوع بس 

سامية وناجي اتأثروا بحالته وكل اسبوع في المتابعة يجوا يطمنوا عليه لحد ما خف تماما والدكتور قال انه ملوش لازمة انه يقعد ف المستشفى تاني 

سامية 

قولي يا عمر يا ابني انت عندك مكان تبات فيه او تروحله 

عمر بذاكرة خالية تماما 

مش عارف 

ناجي بص لسامية شوية اللي فهمت قصده وهزت دماغها فقال 

ايه رايك تيجي تعيش معانا يا ابني لحد ما ذاكرتك ترجعلك وترجع لأهلك 

هز عمر دماغه لانه كان حاسس وقتها بالضياع والخوف 

بااااك

سامية 

ومن وقتها وانت عايش معانا يا عمر ورافض تدور ع اهلك ولا عارف حتى هما مين 

عمر 

يعني انا ف الأصل أهلي ماتوا!!! كنت اعرفهم ومعروفين للناس لكن فقدتهم مرة واحدة ف حادثة مثلا علشان كدا خرجت ف السن دا ادور على لقمة عيش من عرق جبيني بدل ما اموت من الجوع!!! 

ناجي 

دا اللي واضح يا بني محدش يعرف حاجة غير كدا 

عمر عينه دمعت 

اهم حاجة ان كان ليا اهل وبيت واهلي معروفين اكيد لو رجعتلي الذاكرة هعرف مين هما وانا انسب لمين فعلا انا مش ابن حرام ولا مقطوع النسب 

ناجي 

انت كان باين عليك وقتها انك مش بتاع بهدلة يا عمر اظن ان اهلك كانوا ناس كويسين صدقني شكلك فقدتهم فجأة وبقيت لوحدك مسؤل عن نفسك علشان كدا خرجت للشارع...

عمر 

لازم احفز ذاكرتي لازم اعرف ع الأقل انا مين.. انا كدا ولا كدا مش مستني اشوف اهلي لانهم زي ما بتقولوا ماتوا لكن ع الاقل اعرف انا مين 

ناجي 

او حتى قرايبك يا عمر

عمر 

لو كان ليا قرايب كانوا ليه سابوني اخرج الشارع اشتغل بنفسي بعد موت اهلي مأظنش ان قرايبي كان ليهم اي دور ف حياتي

قالها وسكت فجأ وقال 

او يمكن قرايبي هما السبب ف موت اهلي فجأة وتشردي!! انا لازم اعرف الحقيقة لازم افتكر ... الحل كله عندي لازم ذاكرتي ترجعلي 

ناجي بعد السنين دي كلها ممكن ترجع!! 

عمر 

انا مكنتش مهتم مكنتش بحفزها لكن بعد ما حسيت باسم تولا مألوف لازم احفظها تاني لازم اعرف عيلتي ع الأقل 

ناجي واحنا معاك عايز تعرف ايه واحنا نساعدك 

عمر 

موقع البناء اللي كان بيتبنى ممكن تودوني ليه يمكن افتكر حاجة 

سامية 

الحال مبقاش زي زمان يا عمر الموقع بقى عمارة دلوقتي 

عمر 

معلش ودوني عنده لعل وعسى 

ناجي يوم الجمعة ان شاء الله يوم اجازتك اخدك ليه اهو نمسك اي طرف خيط

يتبع

إلى حين نشر الفصل الجديد للكاتبة  أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏