قراءة قصة أحببتها مرتين القصة الأولى من سكريبتات بقلم أسماء عبد الهادي كاملة

تنشر حصريًا على مدونة رواية وحكاية قبل أي منصة أخرى

قصة أحببتها مرتين 

القصة الأولى من سكريبتات 

بقلم أسماء عبد الهادي 

 رواية جديدة قيد النشر

من قصص و روايات 

الكاتبة أسماء عبد الهادي 

الفصل الأخير

ادهم رجع من شغله لقا رشا مغيرة نظام البيت بالكامل 

ادهم

 ايه دا يا رشا ايه اللي عملتيه دا بس

رشا 

ها ايه رايك يا ادهم بزمتك مش كدا افضل من الاول بكتير كدا بقا اشيك واحسن بكتير 

ادهم 

لا اله الا الله الوضع الاول كان على زوق ريم ليه بتغيري في نظامها دا بيتها وكانت عاملاه ع مزاجها 

رشا اتضايقت بس محبتش توضح 

اا يا ادهم ريم مش موجودة دلوقتي لما ترجع دا ان رجعت تبقا تغير الوضع تاني زي ما تحب لكن هي مش موجودة فمفيش مانع من شوية تغيير للافضل 

وكملت ف سرها 

مش هتفضل كاتمة ع نفسنا حتى وهي مش موجودة انا لو عليا عايزة امحي اي اثر لوجودها بعد كل محاولاتي دي علشان اوصل لقلبك يا ادهم انت لسه فاكرها وبتعملها حساب البنت دي اكيد سحرالك اه لو اشوفها وانا افعصها بايديها وادوسها تحت رجلي 

ادهم سابها وطلع اوضته فجاله اتصال من احمد ابنه كان فيديو كول اتكلم معاه ومع معاذ وكانت ريم واقفة 

احمد 

بابا انت وحشتني اوي مش بتيجي ليه من وقت من جيت عند خالو انا مش شوفتك الا مرة واحدة 

ادهم 

اسف حقك عليا يا احمد من هنا ورايح مش هتبعد عني ابدا معاذ هات احمد وتعالى احمد هيرجع البيت تاني لو عايز تشوفه تعالى ف اي وقت 

احمد 

لا يا بابا انا لو جيت ذكرى تيجي معايا مش عايز ابعد عنها لحد ما ماما ترجع 

ادهم 

خلاص ماشي مفيش مشكلة هاتها معاك هنا عادي ولل ايه رايك يا معاذ 

معاذ بص لذكرى اللي هزت راسها بالموافقة وهي مش عارفة ليه وافقت انها تروح هناك عند ادهم حاجة كانت بتشدها لأدهم متعرفش سببها 

معاذ 

تمام موافق يا ادهم ذكرى تيجي مع احمد لكن كبيبي سيتر مش شغالة يعني مش مطلوب منها تعمل حاجة عندك غير انها تهتم بأحمد وبس 

ادهم 

تمام طالما احمد متعلق بيها وعايزها تكون معاه ف اي مكان تمام موافق بيها كبيبي سيتر اما عن الخدم فعندنا هنا كتير 

وبالفعل استعدت ريم علشان تروح مع احمد لبيت ادهم 

ولما وصلوا البيت ادهم حضن احمد بحب واشتياق واحمد اول ما شاف رشا 

همس لريم 

خدي بالك طنط رشا دي انا مش بحبها ابدا خدي بالك منها علشان انتي كمان مش هتحبيها خالص 

ابتسمت ريم وقالت 

تمام احمد لو محبش حد انا كمان مش هحبه بس صدق عندك حق هي مش مريحة فعلا تعالى نطلع ع اوضتك انت عارف هي فين 

احمد 

اه عارف هي فين يلا تعالى هوريكي كل العابي وحاجتي اللي ماما عاملاها ليا

وبالليل لما احمد اتعشى ونام ذكرى مجالهاش نوم كانت حاسة بالملل فقررت تنزل تتمشى شوية ف البيت وتاخد فكرة عنه وتستكشفه 

وهي تحت سمعت صوت دوشة ف المطبخ فكرته حد من الشغالات 

انا هروح اقعد معاها وندردش شوية انا لسه متعرفتش ع حد منهم 

ولما دخلت المطبخ قالت 

مساء الخير 

ادهم كان واقف عند البوتجاز 

مساء النور 

ريم بحرج 

ايه دا ادهم بيه انا اسفة انا فكرتك حد من الشغالات علشان كدا جيت اتكلم معاها 

ادهم 

ايه اللي منزلك دلوقتي سايبة احمد لوحده ليه 

ريم 

اا احمد نام وانا نزلت شوية مجاليش نوم حسيت بالملل فقولت اجي اتكلم مع واحدة من البناات هنا 

ادهم 

كلهم نامو مفيش حد صاحي ف الوقت دا 

ريم لاحظت ان ادهم بيعمل قهوة فقالت 

اا تحب اعملهالك متقلقش انا بعرف اعمل قهوة كويس اوي بعملها لمعاذ بيه وبتعجبه 

ادهم بعد علشان تعمله القهوة وقعد ع الكرسي 

مأظنش هتعرفي تعمليها زي ريم ما كانت بتعملهالي 

ولما خلصت ريم وقدمتله القهوة 

اتفضل يارب تعجبك 

اول ما ادهم داقها برق وكان هيتجنن

ازاي دا انتي عرفتي تعمليها كدا ازاي اتكلمي 

ريم 

ازاي ايه مالها القهوة مش عاجبه حضرتك؟؟ 

ادهم 

انتي دايما تعملي القهوة بالقرنفل!!! حد قالك اني بحب اشربها كدا 

ريم اتوترت 

ااا انا اسفة والله مكنتش اعرف ان حضرتك مش بتحب القرنفل انا مش عارفة ازاي انا عملته كدا 

ادهم 

انا فعلا بحبه كدا يا ذكرى علشان كدا سألتك مين قالك تعمليها كدا دا بالظبط زي ما بحبه ياااه فكرتيني بريك اوي هي كانت اكتر واحدة بتعرف تعمل القهوة اللي بتمزجني 

ف الوقت دا صحيت رشا من نومها ولما سمعت صوت ادهم ف المطبح راحت ع هناك وسمعت كلامه لريم 

فقالت 

والله عال الحلوة دي من اول يوم ليها هنا وهي بترسم ع كتير دا انا كنت طينت عيشتها ما كان ناقص الا الخدامة كمان اللي تقف ف طريقي ان ما ورينك شغلك يا ذكرى الزفت مبقاش انا رشا

ادهم لما شاف رشا قام وقف وقال 

انا طالع اوضتي اكمل شغلي وانام 

رشا متكلمتش لكن اول ما ذكرى جت تعدى قالت 

لا وعاملة ليه القهوة اللي بيحبها كمان اتسهوكي يا بت اتسهوكي 

ذكرى 

حضرتك بتكلميني انا 

رشا 

لا بكلم خيالك ايوا بكلمك انتي.. انتي هتتغابي عليا يا بت انتي اسمعي ادهم بيه خط احمر اوعي تتعدي حدودك معاه انتي فاهمة ادهم دا بتاعي وبس استحالة حد ياخده مني 

ذكرى بصت لها وسابتها ومشيت 

وراحت ع اوضة احمد وهي بتقول 

البنت دي مش سهلة وأهدافها خبيثة اعتقد كدا مكنتش بتحب ريم والدة احمد وكمان ممكن تكون ليها يد ف اختفاءها انا متأكدة لانها استغلت الفرصة كويس اوي انا لازم انتبه لها ام احمد لازم ترجع ليه 

تاني يوم 

صحيت رشا لقت ريم مرجعة كل حاجة ع وضعها الاول قبل ما رشا تعدله 

رشا فضلت تزعق وتصرخ فيها 

مين اللي ادالك الاذن انك تعملي كدا انتي فاكرة نفسك مين علشان تغيري الاثاث من غير ما حد يطلب منك دا انتي فاكرة نفسك ايه مجرد خدامة زبالة لا راحت ولا جت انتي عارفة لو اتكررت تاني انا هعمل فيكي ايه 

احمد كان متضايق وماسك رجل ذكرى بخوف 

ف الوقت دا جه معاذ وسمع اللي رشا بتقوله فقال 

انتي اللي ازاي تكلميها بالاسلوب دا انتي اللي فاكرة نفسك فين علشان تفضلي تتنططي وتعملي اللي انتي عايزاه دا بيت اختي ها اوعي تنسي دا واختي ريم هترجع قريب لبيتها ولجوزها وابنها اوعي تنسي دا ابدا وذكرى هنا مش خدامة ذكرى هنا بيبي سيتر لأحمد وبس يعني مليش اي دعوة بيها تماما ذكرى اتفضلي اطلعي اوضة احمد وانا جاي احصلكم دلوقتي 

ادهم رجع وقال 

ف ايه ..ايه اللي بيحصل مالك يا معاذ بتزعق ليه كدا في ايه 

رشا بمسكنة 

تعالى يا ادهم الحقني شايف معاذ اللي مش فاهمة هو جاي هنا ليه اصلا وانت مش موجود وجاي بتهجم عليا ويزعقلي ولا كأن البيت بيته وعمال يشخط وينطر مستغل انك موجود انا سكتله بس علشان هو اخو ريم حبيبتي 

معاذ 

ولا تقدري تعملي حاجة وبعدين بأي حق تتكلمي ثانيا انا جيت جنبك انتي اللي بتزعقي للبنت الغلبانة و عاملة فيها صاحبة بيت 

رشا 

ادهم البنت زي ما انتوا بتقولوا جاية هنا علشان احمد وبس مرة الاقيها بتعمل القهوة ليك وبتودد اوي ومرة تغير نظام الاثاث وترجعه زي ما كان 

ادهم بص حواليه بإعجاب 

والله البنت دي بتفهم رجعته زي ما كانت ريم عاملاه بدل العبط اللي رشا كانت عاملاه وكان كل قطعة ف وادي 

رشا 

بتقول حاجة يا ادهم 

ادهم 

لا مش بقول هي مكانتش بتتودد ولا حاجة هي كانت داخلة المطبخ ولقيتني بعمل قهوة فعرضت عليا ... البنت كلها زوق ومحترمة مكانتش بتتودد ولا حاجة انتي اكيد فهمتي غلط فياريت متكبريش المواضيع علشان والله انا فيا اللي مكفيني 

معاذ بص لرشا بحدة وطلع فوق 

وادهم قال أنا هطلع اشوف احمد وبعدين ادخل انام 

رشا 

اوف بقا بقا البتاعة دي قدرت تستخوذ ع اهتمامهم وانا لا البنت دي لازم تمشي من هنا انا لازم اخد بالي منها كويس 

وتاني يوم 

ع الفطار احمد ومعاذ كانو بيفطروا فادهم قرر ينضم ليهم 

ريم اول ما شافته قامت وقفت بحرج اا انا اسفة يا ادهم بيه بس احمد اللي اصر اني اقعد افطر معاه 

ادهم 

خليكي زي ما انتي مفيش مكشلة يا ذكرى عادي 

ريم مدت ايدها علشان تحط كوباية اللبن لأحمد 

فنعصمها اتكشف قدام ادهم وشاف ندبة ع ايدها فقال الندبة دي مش غريبة عليا انا شوفتها فين قبل كدا 

فلاش باااك 

ريم كانت زعلانة 

ادهم 

حبيبة قلبي زعلانة ليه ممكن اعرف 

ريم شاورت ع الندبة 

شايف ايدي اتشوهت يا ادهم معقولة تحب واحدة مشوهة اكيد هتقرف مني 

ادهم مسك ايديها وباسها بحب 

ليه بتقولي كدا يا قلبي دي الندبة دي اللي هتخليكي مميزة عن البنات كلها بصي للجانب المليان انا لو هي مضايقاكي نعمل عملية تجميل انما اما شايفها حاجة مميزة مش مضايقاني خالص 

ريم 

خلاص طالما مش مضايقاك لا مش هشيلها انا هتقبل وجودها ف ايدي 

فاق ادهم من ذكرياته وقال 

الندبة دي نسخة طبق الاصل من الندبة ف ايد ريم معقول دي صدفة!!!  

معقول دي ممكن تكون ريم وحاجة حصلت لها ؟؟ الندبة انا مش هتوه عنها انا حافظها كويس اوي .. جرى ايه يا ادهم انت علشان ريم وحشتك ومش عارف هي فين هتشك ف اي حد انه هو مراتك لا بس انا لازم اتأكد ريم مراتي بسبب الحادث اللي اتعرضت ليه ضهرها بقا فيه ندبة زي ايديها ندبة طولية ف كتفها اه لو اعرف اشوف الندبة عند ذكرى قلبي هيرتاح 

وفضل ادهم عقله وباله بموضوع الندبة وان ذكرى ممكن تطلع ريم مراته 

وخاصة انه مش عارف ليه منجذب ليها وحتى احمد كمان 

ادهم كان نايم ف السرير 

حب احمد ليها وتعلقه بيها وكمان معاذ عرفت القهوة بتاعتي بالمظبوط وكمان غيرت الاثاث زي ريم بالظبط والندبة اه من الندبة 

ونام ادهم وتاني يوم الصبح 

راح ع اوضة ذكرى وهي اتخضت من دخوله الاوضة 

ال ادهم بيه فيه حاجة حضرتك عايز حاجة اعملها ليك اعمل صحي!! انا لسه منيماه حالا دلوقتي 

ادهم مكانش بيعمل حاجة غير انه بيقرب من ذكرى وذكرى تبعد بخوف 

ادهم بيه حضرتك عايز ايه بالظبط 

ولما خلاص خبطت ف الحيط ادهم مد ايده علشان يشوف كتفها 

ذكرى برقت ومدت ايدها وعطته بالقلم 

انت بتعمل ايه انت اتجننت 

هنا ادهم فاق من نومه وهو بينهج 

ااه الحمد لله انه مجرد حلم مش حقيقة انت كنت ناوي تعمل ايه يا ادهم انت عايز تعتدي ع البنت علشان تتأكد انت عايز تكون متحمرش بس انا لازم اتأكد بس لقيتها انا هستعين بأحمد 

وراح الاوضة عند احمد 

احمد حبيبي صباح الخير يا قلبي 

احمدصباح الخير يا بابا 

ادهم 

هي فين ذكرى مش شايفها يعني 

احمد 

نزلت تحت تجيبلي الفطار ودا لانها هتروح مشوار مهم وكانت هتستأذن من حضرتك 

ادهم 

طيب كويس انها مش موجودة اسمع يا احمد انا محتاج منك خدمة انا محتاج انك تعرف اذا كان في كتف ذكرى ندبة زي ندبة ماما ولا لا 

احمد 

اه فيه انا شوفته زي بتاعة ماما بالظبط 

ادهم بصدمة 

ايه انت بتقول ايه يا احمد وازاي تعرف حاجة مهمة زي دي ومتقوليش 

احمد 

اقولك ايه يا بابا عيب 

ادهم 

اه صح عيب ...هنقول ايه انا بايني اتجننت انا كدا اعمل ايه دلوقتي في الحيرة دي بس لو هي فعلا ريم ليه وشها متغير ليه مش عارفانا ايه اللي بيحصل بالظبط ... احمد اسمع اوعا تقول لذكرى اني سألتك ع موضوع الندبة مفهوم

احمد 

حاضر يا بابا متقلقش مش هقولها حاجة

ف الوقت دا جت ريم ومعاها صينية الفطار 

احمد يلا علشان تفطر .. اا ادهم بيه هنا طيب كويس كنت لسه هدور عليك علشان استأذنك اروح مشوار مهم عند الدكتور وهرجع علطول 

ادهم 

مفيش مشكلة يا ذكرى تحبي ابعت معاكي العربية بالسواق 

ذكرى 

لالا متشغلش بالك انا هعرف اروح لوحدي 

ادهم 

لا ان كان كدا هبعت معاكي العربية بالسواق يجيبك ويرجعك 

ذكرى

شكرا جدا لحضرتك 

ولما لبست ونزلت رشا سمعت ادهم بيقول للسواق 

اسمع تودي ذكرى للدكتور وتخليك قاعد تستناها لحد ما تخلص وترجعها ع هنا مفهوم 

السواق 

اوامرك يا ادهم بيه 

رشا 

دكتور دكتور ايه دا البنت دي انا لازم اعرف عنها كل حاجة ممكن تقول انها رايحة للدكتور لكنها رايحة لمكان تاني خالص انا هروح وراهم اعرف ايه اللي بيحصل بالظبط 

وجريت بسرعة ركبت عربيتها ومشيت ورا عربية ريم 

واول ما ريم وصلت قالت للسواق 

ع جنب هنا يا اسطى ايوا هو دا المكان هتستناني زي ما ادهم بيه قالك ولا ايه نظامك هتروح وتجيلي تاني 

السواق 

لا انا هستناكي تحت يا ذكرى حاولي متتأخريش بس 

ونزلت ريم ودخلت العيادة 

فرشا شهقت بصدمة 

ايه دا دي عيادة الدكتور اياه ازاي دا والبت ذكرى بتعمل ايه هنا عند دكتور التجميل ؟!! لا انا لازم اشوف اللي بيحصل وراحت وراهم بسرعة 

ولما دخلت ريم عند الدكتور سلم عليها 

اهلا اهلا بجميلتنا عاملة ايه وايه الاخبار 

ريم 

كويسة الحمد لله يا دكتور بس فيه حرقان بسيط ف وشي علشان كدا جيت اتابع

الدكتور 

طيب خليني اشوف كدا.. لا الحمد لله دا طبيعي جدا هكتبلك علاج وهتبقي زي الفل بس قوليلي بتحسي بصداع او اي حاجة من دي 

ريم 

اه ف الاونة الاخيرة صداع شديد ملازمني وحاجات غريبة بتحصل بحس ان فيه حاجات مألوفة عليا حاجات عملتها قبل كدا وحاجات حصلت قبل كدا بس مش فاكرة حاجة هل يا دكتور دا مؤشر لاني افتكر حقيقتي وانا مين 

الدكتور 

فعلا ممكن يكون دا مؤشر قوي جدا لانك هتستعيدي ذاكرتك قريب جدا ابشري 

ريم 

شكرا جدا لحضرتك يا دكتور عن اذنك 

رشا شهقت بصدمة بعد ما سمعت كل حاجة ونزلت بسرعة قالت للسواق 

اسمع ذكرى هتنزلك دلوقتي حاول تعطلها لحد ما انزل اوعى تمشوا من غيري واوعا تقولها انكم بتستنوني فاهم 

السواق 

ماشي يا هانم 

وطلعت هي للدكتور اللي اول ما شافها كشر 

اهلا يا هانم خير 

رشا 

هيجي الخير منين وانت بتلعب بديلك من ورايا يا دكتور الغبرة انت ضحكت عليا وقولتلي البنت متعرفش عنها حاجة وهي بتجيلك وانت بتابع معاها 

الدكتور اتوتر 

ااا انتي بتقولي ايه انا معرفش حاجة عن اللي بتقوليه دا ومليش دعوة بأي حاجة وانتي معندكيش اي دليل 

رشا 

هنضحك ع بعض انا شايفاها خارجة من عندك دلوقتي 

الدكتور هي مين مش هيا مش هيا ابدا 

رشا 

انا بقا متأكدة انها هي نفس الندبة ف ايديها كلهم بيحبوها ومتعلقين بيها يبقى هي بس هي مش فاكراهم تكونش فقدت الذاكرة ؟؟ 

الدكتور بلع ريقه واتوتر لانه مش عايز يفتح ف الموضوع دا تاني عايزه ف طي النسيان 

رشا 

اسمع يا دكتور لو اعترفتلي بكل حاجة انا هخلص الموضوع من ناحيتي ومش هجيب سيرتك ف حاجة بس قولي هي دي ولا لأ 

الدكتور هز راسه وهو بيقول 

بالله عليكي انتي طلبتي طلب وانا عملته حلي عني وانسيني بقا كانت غلطة ساعة شيطان وياريني ما عملتها يا ريتني 

رشا فضلت تضحك وهي مبسوطة 

ههههه حلو اوي انها فاقدة الذاكرة كدا ادوس عليها تحت جزمتي ولا يهمني حد ومحدش عارفها 

ولما خرجت قالت 

لا البنت بدأت تستحوذ ع اهتمامهم وممكن ادهم يدور وراها او الذاكرة ترجع لها انا لازم اتخلص منها وع وجه السرعة 

وصلت العربية وقالت للسواق روح انت وانا هاخد ذكرى ونروح مشوار ونرجع بالعربية تعالي معايا يا ذكرى هبعتك مشوار تعمليه ليا 

ذكرى 

تمام مفيش مشكلة بس ياريت منتأخرش علشان احمد 

وبالفعل ركبت ذكرى مع رشا ورشا وقفت ف مكان معين وقالت لريم انزلي 

ذكرى 

 انزل اروح فين انا مش فاهمة 

رشا 

فيه حد هيقابلك هيعطيكي حاجة ليا هاتيها وتعالي 

ريم 

تمام ماشي

ولما نزلت ذكرى بتستنى زي ما طلبت رشا 

رشا كلمت حد وقالت 

نفذ اخبطها بالعربية اقضي عليها مش عايزاها عايشة وقعها وطير انت

وبالفعل جه الراجل اللي تبعها وجه يخبط ريم عربية ادهم لحقته وخبطت فيه بدل ما يخبط هو ف ريم 

ريم اتخضت لما سمعت صوت الصدام ورجليها اختلت ووقعت 

ادهم اول ما شافها بتقع نزل بسرعة من العربية وراح عندها 

بس كانت وقعت واغمى عليها 

رشا 

ايه اللي جاب ادهم هنا اوف بقا بس الاحسن ان ريم وقعت يارب تموت ونخلص 

ادهم شالها وداها العربية وخدها ع المستشفى وهو بيقول لزياد ف الفون هات الكلب اللي كان هيخبطها وجيبه ع المخزن هي والكلبة التانية وكلم معاذ يجيلي ع المستشفى وخلي مراتك تاخد بالها من احمد مش مضمون اسيبه ف البيت ابدا 

وف المستشفى 

طمني يا دكتور جرالها ايه 

الدكتور

للاسف كسر ف الساق جبسناه وشهر وتخف ان شاء الله غير كدا هي كويسة الحمد لله وهتفوق كمان دقايق

ادهم 

طيب الحمد لله ممكن اطلب منك طلب يا دكتور ممكن نعمل تحليل الدي ان اي ليها ول ااا 

ف الوقت دا معاذ جه 

فقال ادهم 

وللأستاذ دا 

الدكتور 

تمام اتفضل معايا يا حضرت علشان ناخد العينة

معاذ 

عينة ايه دي 

ادهم 

روح بس معاه ولما تخلص انا هفهمك ع كل حاجة يا دكتور هعطيك اللي انت عايزه بس تطلع النتيجة ف اسرع وقت

بعد ما معاذ خلص التحليل خرج لادهم 

ممكن افهم فيه ايه وايه اللي بيحصل يا ادهم وتحليل ايه دا وفين ذكرى روحت البيت ملقتهاش واحمد قالي انها عند الدكتور 

ادهم 

اقعد يا معاذ لان دا حوار كبير هحكيه ليك من أوله اقعد 

ولما حكاله كل حاجة هو شاكك فيها 

معاذ قام وقف 

ايه انت بتقول ايه ذكرى تبقة اختى ريم انت بتهزر صح ريم اختي بقا شكلها شكل حد تاني وشها راح فين وكمان مش فاكرانا فاقدة الذاكرة دا حقيقة ولا خيال انت بتقول ايه

ادهم 

اهدا يا معاذ هنفهم كل حاجة من الحقيرة رشا انا حجزتها هي والواد اللي كان عايز يخبط ريم اتأكد بس انها فاقت واروحلها اقررها ع كل حاجة 

معاذ ايه فاقت هي عملت في ريم ايه تاني موتها ع ايدي اقسم بالله 

ادهم 

بعتت حد يخبط ريم بالعربية بس انا لقتها بس ريم من الخضة وقعت للاسف رجليها انكسرت والدكتور قال شوية وتفوق 

معاذ كان هيتجنن من كل اللي بيسمعه وجري بسرعة على جوا لقا ريم فايقة وبتعيط

حضنها بسرعة ريم اختي حبيبتي 

ريم 

معاذ انت جيت انا محتاجة ليك اوي يا معاذ 

ادهم مكانش مصدق 

ريم انتي رجعت لك الذاكرة واخيرا افتكرتينا كل شكوكي كانت صح 

ريم هزت راسها ولفت وشها الناحية التانية 

لا لا يا ادهم انت مش هتشوفني كدا دا مش وشي الحقيقي ابعد امشي مش عايزاك تشوفني غير لما ارجع لطبيعتي

ادهم 

انتي بتقولي ايه يا حبيبتي انا متقبلك ف كل الأحوال ومهما كان ومهما حصل مش هسيبك ابدا 

ريم فضلت تعيط وانهارت 

انا عايزة وشي الحقيقي احمد مش عارف يتعرف عليا كدا يا ادهم انا عايزة ارجع ريم زي ما كنت 

حاول معاذ وادهم يهدوها لكنهم فشلوا فجه الدكتور وعطاها مهدىء وبعدها قال نتيجة التحليل طلعت واا 

ادهم 

ملوش لزوم احنا اتأكدنا من كل حاجة 

وساب ريم ف المستشفى وخرج هو ومعاذ لرشا وقرروها بكل حاجة وادهم من عصبيته نزل فيها ضرب كانت هتروح فيها لولا زياد ومعاذ لحقوها وبلغوه البوليس 

وراح ادهم للدكتور واجبره يعمل العملية لريم 

فقال 

هو ينفع بس فيها خطورة كبيرة العملية اثرت ع الذاكرة الله اعلم هتأثر ع ايه تاني لكن اني اقدر ارجع وشها ١٠٠ ف المية صعب ممكن يحصل نسبة تشوهه 

ادهم ايه انت بتقول ايه يعني انت بوظت مراتي منك لله اعمل فيك ايه انت مش هيكفيك عمرك كله ريم مش متقبلة شكلها الجديد ابدا 

وبعد فترة ادهم اتفق مع دكاترة كبار ف عالم التجميل واجمعوا انها مش هترجع بنسبة ١٠٠ ف المية مع وجود فرصة اكبر للمضاعفات وادهم قال لريم انه متقبلها بأي شكل هتكون فيه لكن ريم كانت مصرة ترجع لشكلها علشان احمد 

وبالفعل عملوا العملية وقدرت ريم تستعيد جزء كبير من شكلها مع تغيير بسيط لكن تقدر تتعرف عليها لما تبصلها 

لكن للاسف العملية اثرت ع الحنجرة وصوتها بقا مختلف وفيه بحة 

ريم انصدمت اول ما عرفت 

ادهم 

اقسم بالله انا موافق والله مش زعلان ومتقبل اي حاجة يا ريم كلنا معرضين للتشوه كلنا معرضين لاي حادثة بس الاهم اننا نتقبل نفسنا ع وضعنا ريم انا معاكي وبحبك ع اي حال تكوني فيه المهن تكوني معايا يا حبيبتي مش عايزك تزعلي ابدا والمجرمين كل واحد أخد جزاءه العادل متقلقيش 

بعد فترة من العلاج اجيرا رجعت ريم لبيتها وابنها ولاخوها معاذ واخيرا اتلم شمل الاسرة من تاني 

احمد 

تعرفي يا ماما اني حبيت ذكرى اوي ونفسي ترجع 

ريم 

كشرت يعني امشي انا دا انا صحيت بصوتي علشان ارجع لشكلي الحقيقي رضيت بالتشوه علشانك يا احمد 

احمد حضنها 

انتي احلى ماما ف الدنيا 

تمت

إلى حين نشر القصة الجديدة للكاتبة  أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏