قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الثامن

كان يسير في طريقه وهو يتحدث مع نفسه 

لازمن اتصرف واخرجك من اللي انت فيه يا عز يا ابن الحچ عيسى وان معملتش اكده مبجاش لاصاحبك ولا استحج اكون اكده واصل 

قالها وهو يسير شاردا 

فوجد نفسه يصطدم بإحداهن دون أن تنتبه هي فلقد كانت تسير ع عجل  وما ان رآها وعلم انها زهرة حتى قال

واه حاسبي يا بت عمي مالك اكده بتچري كن غول عيچري وراكي، مش تاخدي بالك من الخلق او العربيات اللي رايحة وچاية مهياش حاچة زينة من بنت زينة زيك انها تمشي في الطريق باندفاع اكده اني عايز موصلوحتك

لتهتف زهرة وهي تقول بلهفة عندما رأته وكأنها وجدت ضالتها أخيرا فخرج صوتها متلعثما

اااا رررااضي اا ااا ككك كويس انن ااني شششوفتك ااا اني ككك كنت چايالك 

قالتها ونظرت خلفها بخوف 

ليهتف راضي باهتمام 

فيكي ايه يا بت عمي خير أمك واخوكي بخير 

لتبكي زهرة وهي تقول اااا رررراااضي ااا فااا... الححجها اااا الععع... فااا.. الحج 

فتح راضي فاهه بعته وعدم فهم 

عتجولي ايه منيش فاهم حاچة واصل اتكلمي متخافيش فيه ايه يا زهرة 

زهرة وهي تتلفت بخوف يمينا ويسارا 

ااا العشة يا راضي العععشة، فاااطمة هنااك الحقها بالله عليك 

اتسعت اعين راضي وقالت بلهفة 

فاطمة؟؟ فاطمة مين ، اوعي تقصدي فاطمة بنت الحج عيسى؟؟ 

هزت زهرة راسها والدموع تنزل كالشلال 

اا ايوة فاطمة الحقها بالله عليك روح دلوك للعشة انقذها منه 

غليت الدماء في عروق راضي وقال بخوف على فاطمة التي تسكن مهجته 

فاطمة مالها يا زهرة اتكلمي حلصها ايه وايه اللي وداها العشة 

لتبكي زهرة أكثر 

ااا چلال ربنا ينتقم منيه اقسم بالله غصب عني اا الحقها يا راضي 

صدمة إصابت قلب راضي على فاطمة محبوبته واخت صديقه وقال بوجل 

چلال !! فاطمة وقعت في شر چلال؟!

وبعدها ترك لساقه العنان وركض سريعا في اتجاه العشة 

❈-❈-❈

بعدما غادر راضي وتركه وحيدا شعر وكأنما هو تائه لا يدري ما يفعل فقرر العودة إلى الدار خلسة دون أن يدري به أحد ويجلس ف مكانه المفضل بجواره منحله وفي خلوته أسفل الشجرة حيث لا يراه أحد 

وبالفعل عندما وصل هناك وما ان اسند رأسه على جذع الشجرة 

محاولا تصفية ذهنه والتفكير بجدية في امره 

حتى تناهى صوتها إلى مسامعه 

فاعتدل ف جلسته 

معقول؟؟ معقول اني سامع صوتها ولا أني بتوهم يا ناس، اااه يا نادين حبك جنني عامل في قلبي كأنه لعنة أو سر معارفش أخرج منيه وبالرغم لخيانتك الا ان قلبي رافض يخرجك منيه بتاتا 

أعاد ظهره للشجرة مرة اخرى وأغمض أعينه ثانية في محاولة للاسترخاء الذهني لكنه استمع صوتها مرة اخرى 

لاه المرة دي بچد بالفعل أني سامع صوتها بتحكي ومع حد كماني 

أخذ يتلفت حوله حتى استطاع أن يلمح الفتاتان معا تجلسان إلى إحدى الطاولات ولم تنتبه له أبدا 

واه هي فعلا نادين قاعدة اهنه ومعاها سمر 

لم يطق أن يجلس في هذا المكان وتكون نادين في مقابلته هكذا وهو الذي يحاول أن يبعد قلبه عن حبها قدر استطاعته فكيف سيسمح لعينه بأن تراها لذا هم بالنهوض والمغادرة لكنه استمع لقول جعله يحس أذنه ع استماع المزيد من قولهم 

واه ايه اللي هيجولوه ديه 

هتفت سمر قائلة 

لا يا نادين انا مش بعمل زيك، انا نييل اخوكي مش شايفني وعمره ما حبني علشان كدا عمري ما هحاول الفت نظره غير اني هحاول ابعد قلبي عن التعلق بيه لكن انتي حالتك غيري تماما، نادين انتي وعز بتحبوا بعض فليه العذاب اللي انتوا فيه دا، نادين انا مش راضية أبدا على اللي بتقوليه ولا اللي بتعمليه دا ولازم كل حاجة تتعدل الوضع دا مينفعش يستمر انتي بتموتي بالبطىء انا خايفة عليكي 

ليهتف عز ف نفسه

لسه نادين بتحبني هل كانت فعلا بتحبني ولا بتشتغلني ولا كانت عاملاني كوبري لحد ما توصل للأفضل مني ،والله ما بقيت فاهم حاچة واصل 

لتهتف نادين 

عارفة اني اخترت الوجع لقلبي وقلب عز يا سمر، جايز انه مش تصرف حكيم مني لكني مش هسمح لعز ابدا انه يعز حقيقتي استحالة دا يحصل 

عز ف نفسه 

حقيقة ايه غير انك واحدة خاينة وغدارة؟؟؟ 

نادين

 انا اه بحب عز وعمري ما حبيت غيره ولا هحب بعده أبدا 

توتر عز ف مجلسه ورمش عدة مرات 

يا بوي يا مرارك يا عز مرت اخوك عتحبك وبتعترف بديه عادي اكده بدون خشى وهي ع زمة اخوك طب اروح اعمل ايه دلوك، اكسر دماغها واعرفها الادب ولا أعمل إيه، مهينفعش تسكت على وضع زي ديه، داي خيانة لأخوك، ايوة لازم توقفها عند حدها لإما تخليها تطلب الطلاق من حمزة وتغور من اهنه طالما مهياش عتصون چوزها ف غيابه وعتفچر اكده ومفيش حد قادر يلمها... يااه الحمد لله أن ربنا كشفها قدامي أني كان ممكن اتدبس فيها وهي فعلا طلعت واحدة متستاهلشي 

هم من مكانه والحمية تأخذه ليواجهها بفعلتها وليحدث ما يحدث هي في كل الأحوال لا تصلح زوجة لأخيه لكنه استمع لقولها الذي جعله يتخشب ف مكانه تتسع اعينه ف صدمة جلية 

لتقول نادين بألم الحب ولوعته

انا اه بحب عز وعلشان كدا استحالة يعرف بمرضي يا سمر انا معملتش كل دا علشان أبعده عني وعلشان ميعرفش بحقيقة مرضي، واتعذبت في بعده كل دا اكتر ما اتعذبت في مرضي علشان اجي دلوقتي واقوله الحقيقة استحالة 

سمر

 لازم يعرف يا نادين حرام عليكي حالك مش كفاية مرضك دا، يمكن لو عرف الحقيقة وقربتوا من بعض ألمك يخف وتتعافي بسرعة عن كدا، صدقيني انتي بتدمري نفسك بنفسك 

تنهدت نادين بأهة أسى 

للاسف انا فعلا غلطت جامد اوي صحيح انا اخترت الوجع والدمار لنفسي بس دمرت معايا ناس ملهمش ذنب، لما اضطريت اني اوافق ع حمزة علشان اقطع الطريق على عز انه يكون ليا ف يوم من الايام، لكني اتفاجئت اني اتجوزت اخوه ،لا وكمان اخوه طلع متجوز، يعني دمرت اسرة كانت عايشة بهدوء وسعادة وكل دا ع حساب ان عز ميعرفش الحقيقة، سمر مرضي مزمن والله اعلم هتعافى منه كليا ولا لا ،وبعد عملية الاستئصال انا ثقتي ف نفسي اتهزت وعلشان بحب عز عايزه ليه بنت تكون كاملة متكونش معيوبة ع رأي مرات خالو، انا خلاص قررت يا سمر ودا قراري النهائي، عز مش هيعرف حاجة مهما حصل ، لكني خلاص هطلب الطلاق من حمزة وهبعد من هنا، نوارة بنت كويسة بتعشق جوزها حرام اوجعها اكتر من كدا 

لتقول سمر بأسى

 وهتتطلبي الطلاق ازاي من حمزة وهل هو هيوافق او الحج عيسى او حتى عمو أحمد، ولا طنط فاتن اومال هما عملوا ليه كدا ف الاخر علشان بنتهم تطلق 

نادين 

طلاقي من حمزة امر واقع وانا متفقة معاه ع كدا زي ما حكيتلك الوضع اللي انا فيه غلط ولازم يتصلح مش علشاني علشان نوارة يا سمر تصوري نوارة وصل بيها الحال انها جتلي اوضتي تقص شعري وتخوفني؟؟ 

ارتدت سمر مكانها بخوف

يا خبر ايه هي حصلت تعمل كدا نادين انتي فعلا بقيتي ف خطر وفعلا مينفعش تفضلي هنا 

نادين بأسى 

مش علشان خايفة من نوارة وانما خوف عليها، نوارة هتفقد عقلها من حبها لحمزة وبتتصرف بدون وعي وربنا يكون ف عونها ، انا مش خايفة منها اصل هتعمل ايه اكتر من اللي انا فيه، هتقص شعري؟ هو فين شعري ما خلاص وقع كله من العلاج والكيماوي 

هنا صدمة وقفت في حلق عز ولم يستطع أن يبتلعها 

جلس مشدوها للحظات يحاول استيعاب ما يسمع بعقل لا يستطيع أن يعقل وأذن تأبى تصديق ما سمعت 

ايه نادين تعبانة وعملت كل ديه علشان متخلنيش اعرف بتعبها؟؟ حاولت تبعدني وتتجوز غيري علشان معرفش تعبها رغم حبها ليا؟؟؟ لاه وكمان بتاخد كيماوي وشعرها وقع؟؟ هي تعبانة ب.. ااا ... تعبانة ب... 

وعندما حاول عقله استيعاب حقيقة مرضها بالكانسر عافانا الله واياكم 

هتف بعدم تصديق

لاه مش ممكن ،، مش ممكن نادين تكون تعبانة اكده واني معرفش، مش ممكن نادين تكون حاسة بالوچع ديه واني مش جارها ، معقول حاولت تبعدني علشان حست ان مرضها مميت؟؟ واستئصال دا ايه ديه كمان وايه اللي استأصلته بالظبط لاااه اني مش قادر اصدق اللي بيحصل ، نادين طول الوقت ديه بتعاني المرض واني اللي بلوم فيها ومعتبرها خاينة وغدارة؟؟ هل للسبب ديه حمزة اخوي وافق يتجوزها بالرغم من انه عاشق لمرته وعمره ما فكر انه يعملها ويتچوز عليها؟؟ ايوة هو ديه السبب الوحيد اللي يخلي حمزة يوافق يتجوز ع مراته لانه عمره ما كان هيعملها ولو اتحدى العالم كلياته، حمزة اخوي راجل بقلب طيب مهيخلصوش يتعرض عليه يتجوز بنت مريضة بمرض صعب زي ديه ويرفض ابدا ، دلوك الخطوط كلياتها اتضحت جدام عيني خلاص 

أكملت نادين كلامها 

أنا هتكلم مع حمزة وهطلب منه اني ارجع معاكم خلاص بس يارب يوافق وميعترضش 

سمر

 ممم طالما متفقة معاه 

هيعترض ليه اظن انه ما هيصدق تطلبي منه طلب زي دا وخاصة انه بيحب مراته ووضعهم معتقدش انه كويس في وجودك هنا 

نادين

 تعرفي حمزة دا انسان انا مشوفتش زيه الحقيقة وحقيقي معجبه بيه كأخ كبير  ليا وفخوره اني عرفته وقلتها ليه ولكن بالرغم من ان حياته اتقلبت بوجودي الا انه مش راضي يتخلى عني فكرك اني مطلبش منه الطلاق وقت ما قلتله الحقيقة، طلبت طبعا لكن هو رفض، رفض يسيبني ف وضع زي دا، اقسم انه هيساعدني لحد ما اعمل العملية اللي الله اعلم هتنجح ولا لا .. لكن انا مش هينفع افضل اكتر من كدا نوارة كفاية عليها لحد كدا انا هفضل اتحايل عليه لحد ما يوافق ولو حبكت هقول لنوارة الحقيقة وارتاح انا حقيقي تعبت 

سمر بأسى

 هي فعلا لازم تعرف الحقيقة والله صعبانة عليا فعلا، وانتي صعبانة عليا علشان كدا مش نوارة اللي هتعرف لأ وعز كمان وانا اللي هقوله يا نادو 

نادين بحدة

 لا اوعي يا سمر بالله عليكي والله لو قولتيله هزعل منك بجد 

سمر بانفعال

 نادين بس بقا بالله عليكي كفاية كدا انا مش هطاوع عقلك دا تاني ابدا الحقيقة لازم تظهر للكل واولهم عز 

بكت نادين 

 لأ يا سمر بالله عليكي لأ ملهوش لازمة يعرف بعد كل دا، الكل اتوجع بسببي وعلشان ابعد عز فهاجي. بعد كل اللي حصل اقوله... لأ ،لازم اكمل للآخر، عز مش هيعرف هيفضل شايفني خاينة وغدارة لحد ما يتجوز غيري وينساني بقا 

بكت سمر هي الأخرى 

نادين مش معاكي ف اللي بتعمليه دا 

نادين 

سمر ارجوكي ساعديني اني ارجع بيتي وانسى كل حاجة ابدأ من جديد رحلة علاج مع تكوين انسانة جديدة بتحاول تخرج حبيبها من قلبها وتعيش ع ذكراه وبس 

سمر 

يااه ع الوجع اللي انتي فيه يا نادين اه يا وجع قلبي عليكي

احست نادين بالاختناق 

ااا سمر اانا تعبانة مبقتش قادرة اتحمل ولا طايقة هنا خديني اوضتي فوق من فضلك 

عاونتها سمر ع النهوض ومدت ايديها مسحت بها دمعات صديقتها المكلومة ومن ثم مسحت دمعاتها هي المتحسرة ع حالها 

اما ذاك العاشق فالصدمة الجمته 

شُلت أطرافه وحواسه كلها عن العمل والحِراك بعدما سمعه وبات قلبه يصرخ بحبها وكأنه ينادي ولكن بصوت غير مسموع 

نااااديييين حبيبتي 

ابصرها وهي تنهض وتتحرك ببطىء واعياء مع صديقتها 

فأدمعت عيناه بأسى ع محبوبته 

اااه يا حبيبتي بتعاني كل ديه واني مش حاسس ولا داري باللي فيكي سامحيني يا حبة القلب والشرايين سامحيني يا نبض قلبي وكل كياني، ياريت اللي فيكي يكون فيا وانتي لاه ، انتي متعرفيش باللي سمعته رغم انه كسر قلبي نصين بسبب حزني عليكي وع مرضك الا انه رد الروح لكياني من تاني ، رجعتي الدم ينبض ف عروقي اللي كانت خلاص جفت ومبقتش عايزة تتحرك او تعيش، رچعتي ليا الأمل اللي فكرته مستحيل، أني خلاص اتأكد انك چوازك من اخوي ما زال على ورق، انتي هتكوني ليا وبتاعتي ومهما كان السبب ولو هتحدى العالم كله علشانك لو حصلت اني اعادي الكل بس افوز بيكي مستعد اديكي من عمري ومن صحتي بس تكوني كويسة وبصحة وعافية ربي يعافيكي يا من تسكني الروح والفؤاد اااه يا نادين هحبك كيف أكتر من حبي ليكي دلوك

❈-❈-❈

هتفت بجدية مزعومة رغم من فرحتها بوجوده معها ومحاولته إرضاءها 

ممكن اعرف انت هتفضل قاعد جاري اهنه لحد امتا؟ ما تنزل تشوف مصلحتك ولا تضايف ضيوفك وتفوتني ف حالي 

رد هو بشوق لم يعد يتحمله

 لاه قتلك اليوم ديه ليكي انتي والعيال وبس ومنيش متعتع من اهنه الا لما تحني علي وتقومي تلبسي وننزل نغير جو كلياتنا 

لترد هي بانزعاج 

لاه قلتلك لاه يعني لاه معيزاشي، انت ايه حكايتك بالظبط يا حمزة، يعني تتچوز عليا وتهجرني ومتتكلمش معاي  وقال ايه بتعاقبني عل حبي ورد فعل طبيعي مني لازم يحصل وجاي دلوك وبكل بساطة عايز تتكلم معايا وفجأة اكده وبدون مقدمات وتلاقيني بتفاعل معاك لاه وموافقة ع اللي عتقوله وفاردة دراعاتي كماني وملهوفة عليك .. لااه يا حمزة انسى انت مهتسغلش حبي ليك وتستغفلني ابدا اني بردك عندي كرامة وبحس أني انسانة وليا مشاعر وانت جرحتها ومش بسهولة اكده الجرح يلتأم أبدا 

تنهد حمزة بأسى وصمت قليلا وقال 

عارف اني اذيتك يا نوارة واني چيت عليكي كتير ، بس ديه لاني عارفك وعارف قلبك الكبير وعقلك، مكنتش اتصور أبدا اللي عملتيه مكنتش اتصور  ان نوارة مرتي اني يطلع من خشمها العيبة متحملتهاش يا بت الناس ومعرفتش ابلعها ولا اعديها ليكي علشان اكده عملت اللي عملته، انتي اللي اتسببتي ف الفعل ليه زعلانة من رد الفعل بس 

ردت نوارة بحدة 

لاااه الفعل ديه انت اللي بدأته انت اللي اتجوزت ودبحنتي بسكينة تلمة تحت مبرر انها مريضة ،مريضة ربنا يشفيها اني ذنبي ايه قلي ذنبي ايه، اللي عملته رد فعل على عملتك يا حمزة وقلتلك متلومش دلوك الا نفسك، صحيح اني غلطت ومعترفة لكن الغلط الاكبر عليك انت وان كان أني لازمن اتعاقب فانت لازمن تتعاقب اضعافه على كسرة قلبي ووجعي وكل اللي عحس بيه ولا انت داريان بيه 

❈-❈-❈

 اتصل جلال بأحد رجاله ليتأكد من أن الخطة تسير ع ما يرام ام لا

هاه يا وله اخبار الدنيا ايه عندك الفار التاني وجع في المصيدة ولا لسه؟

ليهتف الرجل

ايوة توه دخل دلوك العشة وچاي چري لقضاه ، بس العجيب اننا مكناش عارفين نوصله كنا لسه عندور عليه، بس شكله اكده رچع لحاله وكأنه عايز يدخل الخية برچليه 

شرد جلال بتفكير 

لاه مهيچيش اكده چري لحاله معنى اكده ان حد خبره ومفيش غيرها زهرة بنت المخروب عمي قالتله رغم تحذيراتي ليها، وربنا ما هعديهالها وهحاسبها ع ديه كويس اوي، بس اكويس أنها قالتله واديها ساعدتنا ف خطتنا روح انت كمل اللي قلتلك عليه واني رايحلها اكتم خبرها بنت الايه داي لأنها شكلها مفهمتش تحذيري ليها زين 

❈-❈-❈

ظلت فاطمة تجوب المكان ذهابا وايابا

واه عليكي  يا زهرة روحتي فين بس وفوتيني اهنه، المكان ديه غريب وكأنه تبع حد بيجعد فيه وكماني حساه راچل كمان، يووه يا زهرة ديه مكان نتقابلوا فيه بردك، انتي عايزة تچيبي لينا مصيبة ولا ايه، ديه لو حد من أهلي عرف اني دخلت عشة زي داي كانوا قطعوا خبري ربنا يستر، ولا يكونش العشة داي تبع أخوكي خالد يووه تعالي واخلصي اني منيش مرتاحة اهنه 

دلف راضي لداخل العشة وعينيه تبحث عن فاطمة بخوف ولهفة من أن يصبها مكروه 

وما ان رأته فاطمة حتى صرخت بصدمة 

واااه راضي انت بتعمل ايه اهنه يخربيتك ازاي تدخل اكده ع حرمة من غير استئذان انت ايه يا جدع انت انت فوقت حدود الأدب والعقل كمان هي حصلت انت تدخل اكده كيف الحرامية أو عديمي الخشا او التربية اطلع من اهنه بسرعة يلاا 

تجاهل راضي حديثها وقال بلهفة 

فاطمة حد چالك اهنه او عمل فيكي حاچة عفشة؟؟ حد اتصدرلك بسوء اتكلمي 

لتمط فاطمة شفتيها بحنق 

محدش عمل اكده غيرك يا راضي، اني منيش قادرة اتخيل ان اخواتي مخدوعين ف واحد زيك ويكون ف علمك اني اول ما أخرج من اهنه هقولهم ع حقيقتك علشان تتعاقب  ع دخولك اكده مكان ميخصكشي ومن غير استئذان يا عديم المروءة والرچولة وكل حاچة 

رفع راضي حاجبه وقال بصوت رخيم 

محدش اهنه دخل من غير استئذان وبده يتعاقب ويتقرص ع ودانه ويندك ع راسه غيرك يا مصيبة انتي 

صاحت به فاطمة

 انت بتقول ايه يا راضي ما تحسن ملافظك اياك هو ايه اصله ديه واخرج من اهنه يلا 

راضي بانزعاج 

لاه حاسبي يا بت السكر اللي عيخرج من خشمك دا انتي من أول ما اني چيت وانتي قاعدة تغلطي فيا واني ساكتلك بمزاجي ، المفروض كت اديتك ع نافوخك علشان متعمليش عمتك داي تاني وتدخلي مكان غريب ميخصكيش وتجعدي فيه لحالك اكده انتي معتوهة يا بت انتي ليه اللي دخلك اهنه من اصله ها للدرجة داي خلاص دلخ مرىء بصحيح ومحتاجة صواميل مخك تتعدل علشان تمشي مظبوط 

هتفت فاطمة بحنق 

لاه والله العظيم انت فعلا اتعديت حدودك كلياتها انت مين انت علشان تكلمني اكده ولا جبت الجرأة داي كلها منين للدرجة داي، لاه وغلطان وبجح كمان أني مشوفتش في حياتي زي أكده واصل 

 رد راضي بحنق هو الاخر 

غوري يا بت اخرجي قدامي من اهنه بسرعة خليني ارچعك دارك مفيش وقت لحديتك الماسخ ديه واني هعرف ازاي اشوفلي صرفة معاكي واقطم بيها رقبتك ع عملتك داي بس مش وقته نلحق نخرج من اهنه قبل ما المصيبة التاني يعمل حاچة عفشة 

لتهتف فاطمة بعند

 لاه اني منيش متعتعة من اهنه أني منتظرة صاحبتي لمن ترچع  اللي لازمن يغور من اهنه هو انت وربنا انت نزلت من نظري ١٨٠ درجة خلاص 

راضي بعصبية 

يااابوي انتي يا زفتة انتي ايه كل ديه ومعتفهميش العشة داي عشتي يا مصيبة عشتي ايه مخك ديه مصدي ولا عامية معتشوفيش ولا عندكيش عقل توزي الامور زين 

ابتلعت فاكمة ريقها ونظرت حولها بتوتر 

ااا ايه العشة داي بتاعتك ازاي يعني مفهماشي 

رفع راضي شفتيه ساخرا 

بتاعتي زي الخلق ايه الغريب ف اكده العشة داي بتاعتي اني اللي بانيها خشبة خشبة وچريدة چريدة كماني 

اصيبت فاطمة بالصدمة والحرج 

اا يعني العشة داي عشتك بحق وحقيقي؟؟ يادي الكسفة والاحراج والنيلة على دماغك يا فاطمة يالهوي ياني دخلت عشة راچل غريب وجعدت فيها وربنا امي لو عرفت لتطين  عيشتي 

راضي 

لاه متخافيش اني اللي هقوم بديه بعون الله محدش هيعدلك غيري وديه اللي نويت اعمله بس ربنا يقدر الخير وييسر  الحال 

لم تفهم فاطمة قصده ولا نيته ف عزم أمره على أن يتقدم لخطبتها والزواج منها لذا قالت 

ااا أني اسفة يا راضي والله مكنتش اعرف أن داي عشتك اااني اااسفة 

راضي بحنق 

هو ايه اللي مكنتش اعرف يا زفتة انتي، الناس كلياتها تعرف ان داي عشتي ومحدش يستجرى انه يهوب ناحيتها هبابة بس ، لكن انتي اتعديتي الحدود وتجاوزتي كل توقعاتي فيكي عارف انك بت شايفة نفسك زيادة عن اللزوم لكن متصورتش انك تعملي عملتك داي 

صاحت به فاطمة

 والله مكنتش اعرف ان داي عشتك يا راضي هعرف منين ما انت عارف اني معرفش حاچة ف البلد واصل ولو مشيت فيها لوحدي اتوه 

راضي

 ولما انتي  مش عارفة اصحاب العشة داي دخلتيها ليه ها ايه اللي جابك اهنه 

فاطمة بدفاع عن نفسها 

ااا زهرة طلبت مني نتقابل اهنه والغريب انها مقالتش ان العشة داي تخصك، ااا انت متأكد ان الناس كلها تعرف ان داي عشتك 

راضي 

ايوة متأكد ومتأكد كمان ان زهرة تعرف ان داي عشتي الموضوع ديه ميخفاش عن اي حد ف البلد لا كبير ولا صغير كماني 

فاطمة بتيه

 اايه يعني ايه زهرة تعرف اني داي عشتك وتسيبني ادخل فيها وتفوتني لحالي كمان 

راضي

 كل ديه انتي لسه مفهمتيش 

ديه ملعوب منيها علشان تچر رچليكي لحد اهنه مستغلة عدم وجودي ف العشة في الوقت ديه لانه معروف اني بكون مطحون ف الارض دلوك ومبعاودش للعشة الا ف الليل وبس 

فاطمة

 ااا ايه تجر رجلي لإيه وانت قصدك ايه، 

راضي بانزعاج 

قصدي ان زهرة اللي بتظنيها صاحبتك باعتك لچلال ابن عمها ، استغلوا اني مبچيش اهنه بالنهار علشان تچيبك اهنه والكلب السو يخلو بيكي اهنه ويچيبلك العار 

وضعت فاطمة يدها ع فمها بصدمة 

ااا ايه يا خرابي لاااه انت بتقول ايه يا راضي، يا وجعة مربرة على دماغك ودماغ اللي خلفوكي يا فاطمة، چلال مين ديه كمان، لاااه ااا اني عايزة ارچع الدار لأمي، راضي بالله عليك رجعني الدار اني خايفة ومرعوبة من اللي قلته ديه مكنتش اتصور أبدا لاااه اا اني ...ااا

راضي بهدوء 

اهدي يا فاطمة محدش هيقدر يأذيكي طول ما اني على وش الدنيا، تعالي يلا هرچعك لدارك ف امان متخافيش طول ما انتي معاي وچلال الكلب ديه وقسما ما حد هيچيب رقبته غيري وزهرة حسابها معايا عسير على عملتها العفشة داي

فاطمة ببكا 

اني اسفة يا راضي اسفة على كل اللي قلته ف حقك 

راضي 

لاه هحاسبك عليه في وقته ديه... همي يلا نخرج من اهنه قبل ما حد يشوفك خارچة من عشتي وتبقى فضيحتك بچلاچل 

فاطمة

 يالهوي ياني وربنا امي ما هتسيبني اني اكده روحت في داهية

راضي

 أحسن تستاهلي قطم رقابتك على صدرك كماني فوتي قدامي يلا 

تقدم راضي امامها ليفتح الباب الذي لم يغلقه لكنه وجده موصد من الخارج 

واه الباب ديه معلق ليه مهيفتحش 

فاطمة بخوف

 اا قصدك ايه بأنه مهيفتحش اا اني عايزة ارچع داري افتحه بالله عليك روحني من اهنه 

راضي 

يعني أني بعمل ايه دلوك ها ما انتي بتنيل بفتحه اهو، اني متأكد اني مقفلتوش اصلا علشان يبقى مسوكر اكده هو ايه اللي بيحصل أهنه 

فاطمة

 لاه اني مش هينفع افضل اهنه لحظة اكسره يا راضي بالله عليك وخرجني 

راضي 

طب اصبري هنط من الشباك وافتحه من برا، لو كسرته هتجبيلي حقه اياك، الغلطة من اول غلطتك حد قالك ادخلي مكان غريب عنيكي يا معتوهة 

صمتت فاطمة لانها تدرك أنها اخطات بدخولها مكان لا تعرفه وهو معه حق في غضبه منها 

لكن ما ان تحرك راضي من مكانه حتى وجد الشباك يغلق بحدة ويتم وصده بواسطة شخص ما من الخارج 

راضي بعصبية

 واه هو ايه اللي بيحصل ديه مين الغبي اللي قفل شباك العشة داي ، ديه بيلعب ف عداد عمره بقة علشان هوب ناحية حاچة تخصني... انت ياللي برا افتح الشباك ديه وبطل عته انت كمان وربنا لو طولتك ماني سايبك أبدا افتح بقولك افتح يا بو سيبك من الملعوب السخيف ديه 

هتفت فاطمة بحزن 

راضي يعني ايه اكده العشة مسوكرة عليا واني وياك اهنه في مكان واحد ياحوستي ياني الناس هتأكل وشي وأمي مهتخليليش وربنا هتأكلني حصوات الارض حصواية حصواية 

راضي 

سيبك من كل ديه دلوك المهم نخرج من اهنه أني شامم ريحة غدر في الموضوع ديه وقفلة العشة علينا مهواش انذار خير أبدا 

فاطمة برعب

 قصدك ايه يا راضي لاه بالله عليك حاول تفتحه اكسره حتى 

وقبل أن يتحرك راضي من مكانه صرخت فاطمة

عااا راضي أنا شامة ريحة حاجة بتولع ، القش بتاع العشة بيولع يا راضي 

اتسعت أعين راضي على وسعهما فهو فهم ما يجري الآن 

فقال بشر

 واه يخربيتك دلوك فهمت معلوبك عايز تحرق العشة واحنا جواتها ، فاطمة استعدي احنا لازمن نخرج من أهنه بأقصى سرعة 

فاطمة بخوف

 ايه مين ديه اللي عايز يحرقنا لاه معيزاشي اموت محروقة بالله عليك خرجني من اهنه....

..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة