قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل السابع

صعدت لغرفة نادين مرة أخرى بعد أن أوصلت الطبيبة للخارج كما طلبت منها أمها

لتقول بهية

ها يا فاطمة وصلتي الدكتورة؟؟

لتهتف فاطمة بينما تنظر لنادين الراقدة على الفراش

ايوة يا مه وصلتها اطمني، المهم دلوك نادين عاملة ايه وفاقت ولا لاه

بهية

اطمني هي نايمة بس من تعب الألم والوچع اللي عتحس بيه لكنها بخير الحمد لله

قالتها وصمتت قليلا ثم اردفت

عيني ع أهلها لو جم وشافوها بالوضع ديه عيتحسروا كتير أي متأكدة ، البت كانت زينة وزي الفل وفرحانة بشوفة اهلها فجأة اتبدلت الأحوال في غمضة عين وقوم ايه نلاقي نوارة هي أول واحدة جارها تسعفها أني الموضوع ديه مش راكب في دماغي

هزت فاطمة رأسها وقالت

قصدك ايه ياما

بهية بتفكير

 قصدي ان نوارة ليها دخل في تعب نادين يا بتي والله اعلم

فتحت فاطمة فمها على وسعه

واه ياما قصدك ان نوارة كانت اهنه واتحدتت مع نادين وبسببها تعبت نادين بالشكل ديه

بهية بشك

 بالظبط اكده وكلامي ديه لسببين اولهم ان نادين كانت زينة النهاردة اكتر من اي يوم علشان شوفة أهلها البت يا حبة عيني اول ما عرفت انهم چايين روحها اتردت ليها ،،، وتاني سبب ان نادين من يوم ما چت الدار اهنه وهي مشالتش الشال من على راسها واصل عمرها ما سمحت لحد فينا انه يشوف راسها مكشوفة أبدا ولأي سبب من الأسباب ، لكن لما دخلنا عليها دلوك راسها كانت مكشوفة وديه اللي خلاني اشك ف الموضوع

لتقول فاطمة

ما تظلميش نوارة ياما مش يمكن من شدة ألم نادين ف الوجت ديه وقع منيها ديه كل الحكاية

بهية

الكلام ديه لو كان الوجع موجود في راسها كنت هجول من مسكة راسها سقط عنيها  الشال لكن ألمها كان  في صدرها ايه اللي يوجع شالها من على راسها في الحالة داي ؟؟

حاولت فاطمة ابعاد امها عن التفكير ف أمر أن لنوارة دخل فيما حدث لنادين فابتسمت بخفة وقالت

واه ياما انتي عتشتغلي محقق ع اخر الزمن كأنك المحقق كونان في زمانه، انتي مش سألتي نادين وقالتلك ان نوارة سمعتها وجت ع الصوت زيينا يبقة هتشغلي دماغك وتوجعي راسك ليه بس، الحمد لله انها بخير وازمة وعدت الحمد لله ربنا يسلمها ويعافيها يارب

بهية اتنهدت بهدوء

 اللهم امين، تعرفي يا بت يا فاطمة رغم اني مكنتش حابة الچوازة داي علشان عارفا ان اخوكي وافق ع عينه وكمان علشان خاطر اني بحب البت نوارة ومحبش أبدا اشوفها مقهورة الا اني حبيت البت نادين اكده لله في لله معرفاشي ليه، ربنا قرب القلوب من بعضيها فدخلت قلبنا طوالي

فاطمة بحب

 عندك حق يامه فعلا نادين طيبة وتتحب والله خسارة فيها المرض ديه ياما

بهية

 المرض ملوش عزيز يا بتي ربنا يعافينا ويعفوا عنا يارب

فاطمة

اللهم امين... اه صحيح ياما اني عايزة اروح اشوف البت زهرة

بهية حبكت النهاردة وانتي عارفة ان چايلنا ضيوف

فاطمة أصلها شكلها تعبانة وانس عايزة اروح اطمن عليها ياما

بهية لاه بكرة ان شاء الله اني عايزاكي النهاردة امعاي تستقبلي الضيوف

فاطمة يامه اني معرفاشي هيجوا امتا بالظبط هخطف رچلي فركة كعب وهرجع طوالي وربنا مهعوقشي

بهية طيب ماشي ابقي روحي شوفي بس الاول اصبري لما اهل نادين يوصلوا وتسلمي عليهم، مش من الأصول يا بتي انك تعرفي انهم چايين وتمشي من غير ما تسلمي عليهم

فاطمة بقلة حيلة ماشي يامه هستنى وامري لله

❈-❈-❈

أنهت الإتصال بقلب يملؤه الأسف والأسى عما تنوي فعله بصديقتها وقالت بصوت مغلوب ع امره

اديني اها نفذتلك طلبك انت اكده مرتاح

ىد عليها والابتسامة الصفراء ع وجهه

لاه لسه مهرتاحش الا  لما تاچي وتتم الخطة

هتفت زهرة بحنق اني عملت اللي طلبته مني وانتهينا، مليش صالح بعد اكده بأي حاچة تاني بعد عني خليني اعاود داري

أمسكها جلال من رسغها بقوة وهو يقول

لااه تروحي فين انتي عايزة تغفليني وتروحي تجوليلها الحقيقة ديه بعدك

ابتلعت ريقها بخوف فهذا ما كان في نيتها من الاساس أن تخبر صديقتها بالحقيقة وتحذرها من القدوم ولكن بعد عن تبتعد عن هذا اللعين

لتقول بتوتر ااا قصدك ايه وبعد يدك داي عني

ظل مثبتا يده الخشنة على رسغها وهن يقول قصدي انك هتفضلي مشرفة امعاي اهنه ف العربية لحد ما اللي اني عايزه يتنفذ وبعد اكده تقدري تعاودي لدارك كيف ما بدك

لتهتف زهرة بمرارة

لاه بالله عليك أني عايزة امشي معيزاش افضل اهنه فوتني يا واد عمي الله لا يسيئك

زجرها وهو يدفشها بيده بطلي يا حزينة انتي نواح كيف العيال الصغار أني قلت مش هتتعتعي من اهنه الا لما اتأكد ان كل شىء ماشي مظبوط بطلي لك وتح كاتير علشان اني بزهق

هتفت بخوف وهي ترتعش

قصدك ايه  ااا اني لازمن ارچع الدار أمي هتجلج علي

جلال بشر قلتلك مش هتعتعي من اهنه همي جدامي على العربية ننتظر اتصال منيها تجولك انها چاية

حاولت زهرة التملص من قبضة يده الا انه كان محكم القبض ع يدها وقال بتحذير

همي جدامي من سكات بدل ما افرچ عليكي السوق كلياته واني بعفس فيكي ضرب

فما كان منها إلا أن ذهبت معه ودمعاتها على خدها من القهر

وبعد عدة دقائق جاءها اتصال من فاطمة

فنظر جلال للشاشة بلهفة اهي بتتصل ردي عليها بسرعة يلا يا بت واياكي صوتك يبان عليه حاچة

ولما أجابت زهرة قالت فاطمة

زهرة حبيبتي معلهش والله حاولت اچيلك بس غصب عني معرفاشي دلوك چايلنا ضيوف وأمي ميرضياشي افوتهم وامشي، انتي عارفة اني متأخرش عنيكي ، فأول ما ياچو واسلم عليهم هجيلك ع المكان اللي جولتيلي عليه طوالي ماشي يا قلبي

نكز جلال زهرة ف كتفها و التي كانت تستمتع لصديقتها وتبكي

ردي اخلصي

لتقول زهرة بصوت تجاهد ف الخروج

ماشي يا فاطمة اني في انتظارك

فاطمة المهم طمنيني عنيكي لاحسن أني قلقانة عليكي جوي وصوتك موغوشني

لتهتف زهرة بمرارة  تعبانة يا فاطمة ومحتاچاكي جوي

فاطمة يا حبيبتي والله هچيلك من عنيا ربي يهون عليكي ، معرفاشي بيه قلبي فيه نغزة غريبة يارب تكوني بخير

لم تستطع زهرة التماسك اكثر فقالت لتنهي الاتصال

اا اني لازم اقفل دلوك معلهش يا فاطمة كلميني لما تكوني اهناك

فاطمة طيب ماشي هدعيلك والله يفرچ كربك

❈-❈-❈

بعد ساعتين فاقت نادين من نومها لتنظر حولها بتيه

وبعدها أدركت ماذا حدث فنهضت من مكانها بفزع

لتقول فاطمة التي تجلس معها بطلب من امها

واه يا نادين في ايه مالك فيكي حاجة بتوجعك جمتي مخضوضة ليه أكده

لتهتف نادين بتلهف

اا فاطمة انا نمت قد ايه ماما وبابا جم ولا لسه

لتهتف فاطمة لاه لسه اطمني واجعدي ارتاحي

تنهدت نادين براحة

ما هي الا لحظات حتى استمعتا لصوت بوق السيارات

لتهتف فاطمة بحماس

دي صوت عربية حمزة خوي

لتحاول نادين الوقوف وهي تقول بفرحة

فاطمة بابا وماما جم اخيرا ياااه وحشوني اوي

لتهتف فاطمة باسمة حمدا لله على سلامتهم يا حبيبتي

وقفت نادين ع الارض مبتعدة عن الفراش

فاطمة من فضلك ساعديني البس واستعد علشان انزلهم مش عايزاهم يعرفوا اني كنت تعبانة من فضلك

فاطمة حاضر اطمني امي وصتني بردك منجبش سيرة انك تعبتي

❈-❈-❈

بمجرد أن دلف والد ووالدة نادين لداخل دار الحج عيسى حتى وجدوا بهية والحج عيسى في انتظارهم

لتقول بهية بترحاب يا اهلا وسهلا الدار والبلد كلياتها نورت بقدوم الغاليين

لتهتف فاتن باسمة الدار منورة بأصحابها يا ست بهية اخباركم ايه

بهية احنا الحمد لله بخير طول ما انتم   بخير أنستونا ونورتونا والله

الحج عيسى لوالد نادين

نورت يا صاحب عمري عامل ايه يا غالي منور يا نبيل يا بني

نبيل اهلا بيك يا حج

والد نادين

الحمد لله في نعمة والله يا حچ طمني على اخبارك انت واخبار عيالك واهل بيتك ونادين بنتي

الحج عيسى

الكل بخير الحمد لله تسلم وتعيش

لكزت بهية نوارة في كتفها وهي تهمس

رحبي بضيوفك يا نوارة

لتقول نوارة بغيظ مدارية اياه

اهلا بيكم نورتونا الدار نورت والله

لتهتف فاتن

 اهلا بيكي انتي نوارة مرات حمزة مش كدا

لترد نوارة ايوة أني مرته وام عياله وست الدار الصغيرة وخالتي بهية هي ست الدار الكبيرة اهنه

طالعتها فاتن بخوف ع ابنتها منها ومن حدة ردها

لتهتف سمر لتزيل ذاك الجو الملبد الذي كاد يملأ الارجاء

ااا هي نادين فين ليه نايمة ولا ايه

لتستمع صوت نادين تقول ع الدرج بصوت فرح

ماما بابا

وهمت لتركض ع الدرج لتقول فاطمة

واحدة واحدة يا نادين هتجعي اكده يا بنتي

ركضت نحوها فاتن بلهفة

نادين بنتي ونور عيني

وصلتا إلى بعضهما البعض وابتدرتا بعضيهما بالأحضان

نادين

ماما حبيبتي وحشتيني اوي

قبلتها فاتن بين عينيها

نادين يا روح قلبي طمنيني عنك عاملة ايه واخبار صحتك ايه انتي كويسة؟؟

نادين بابتسامة اطمني يا ماما والله انا كويسة خالص

 ليقترب منها ابيها

وحشتيني يا نور عين ابوكي انا كنت مطمن عليكي ف كنف الحج عيسى

اقتربت منه نادين والقت نفسها بين احضانه

وحشتني اوي يا بابا عامل ايه

والدها

الحمد لله يا نور عيني طمنيني انتي عنك

نادين والله انا كويسة جدا ولما شوفتكم بقيت احسن

اقترب نبيل منهم

ايه يا نادو وانا وسمر مفيش وحشتونا احنا كمان ولا ايه

لتهتف نادين بفرحة وهي توزع نظراتها بينه وبين سمر

يا بني دورك جاي كله بالدور دا انت وسمر الكوم الكبير وحشتوني اوي اوي ..

لتبتسم سمر وتقترب من نادين وتقول باكية

وحشتيني اوي يا نادو احنا عمرنا ما اتفرقنا عن بعض ، بعادك فرق معايا جامد ومفتقداكي اوي

لتحتضنها نادين

وانا والله جدا... يا بنتي انا مكنتش بقدر ابعد عنك لحظة مفتقداكي اوي

لتهتف فاطمة بحسها المرح

بقا اكده يا نادين بردك ايوة ماهو فعلا من لي احبابه نسي اصحابه تنكري اني كنت باچي اجعد معاكي ادوشك قصدي اسليكي

لتضحك نادين

انتي قلبي يا فاطمة والله حبيتك اوي ومقدرش استغنى عنك فعلا

لتقول سمر

 ازيك يا فاطمة نادين علطول تحكيلي عنك

فاطمة

 يا ترى بالخير ولا بالشر حاكم هي تفرق معاي كتير

لتضحك نادين

هضربك يا فاطمة انتي حرة

ضحكت فاطمة

 ههه اني بضحك معاكم اني عارفة اني نسمة يا بنتي

نادين

 ياعيني على التواضع

لتقول بهية

بت يا فاطمة تعالي وفوتي اهل نادين يشبعوا منيها يا بت واحنا هنحضروا الوكل .. ديه نوراة مرت حمزة عاملاهم الحلو كله

فاتن

 طبعا انتم اصحاب الكرم والجود كله، بس والله ملوش لزوم تتعبوا نفسكم

بهية

ان مكانش نتعب لحبايينا نتعب لمين يعني

فاتن

ربنا يبارك فيكم يارب

بعدها

جلست نادين مع اهلها ف فرحة عارمة

بينما ذهب فاطمة لتساعد والدتها ف المطبخ وهمت نوارة لتذهب معهم متجاهلة وجود حمزة تماما

لتجده ينادي عليها

نوارة

لتقتل نوارة بتقل مصطنع

خير يا حمزة

حمزة

تعالي عايزك

 لتهتف نوارة بصوت رخيم

 معهلش مفضياشي دلوك اصلي لازمن اضايف أهل ضرتي واشرفك جدامهم

شدها حمزة من يدها ليقف معها بعيدا عن مرأى امه والجميع

تعالي يا نوارة عايزك

لتحاول نوارة التملص من يده

واه بجولك مشغولة دلوك يا حمزة روح لمرتك التانية واطلب منها تعملك اللي انت عايزه وفوتني في حالي

رفع حمزة حاجبه وقال باستنكار

اممم دي نغمة چديدة داي اول مرة اسمعها من نوارة حبيبتي وام عيالي

لتهتف نوارة بحنق

ام عيالك ايوة لكن حبيبتك داي اشك

ليمسك حمزة يدها ويقول بحب

كنك تنكري اياك انك حب عمري ونبض قلبي كماني

لتزيح هي يدها هذه المرة بعصبية

بلاش تضحك على حالك يا حمزة علشان أني فاهمة اكويس ومحتجاشي حد يضحك عليا بالكلمتين بتوعك دول

ليقابل حمزة عصبيتها تلك بهدوء شديد

مهواش ضحك عليكي يا بت الناس أبدا، انتي نوارة قلبي وضي عيني وحب عمري اللي مهحبش غيره

عبرة تلو الاخرى حاولت ان تتزاحم بين جفني نوارة  لهتفت بوجع

حب عمرك واتچوزت عليا مش اكده جول كلام يتعقل الله يرضى عنيك يا حمزة

مد حمزة يده ومسح تلك الدمعة التي سقطت من أعينها رغما عنها وقال بحب لم يستطع مداراته

اقسملك بالله انك حبيبتي وروحي وعمري كماني يا نوارة مش عايز يكون عنديكي شك ف اكده، ولا عايز كماني اشوف دموع الوجع اللي في عيونك داي

لتعود نوارة إلى إباءها مرة اخرى

لاه دي مهياش دموع وچع ولا حاچة.. ديه اني كنت بقطع بصل ووااا

نوبة ضحك اصابت حمزة وقال

ههه كنه بصل اياك مهياش غيرة على حبيبك؟؟؟ يا شيخة قولي كلام غير ديه

لتهتف نوارة بمرارة

ايوة غيرة يا حمزة ارتحت أني بغير ع چوزي وأبو عيالي ومطيقاشي  واحدة تانية تكون چار چوزي حتى لو بالاسم بس

استغرب حمزة من كلامها هذا وقال ف نفسه

حتى ولو بالاسم قصدها ايه داي، وهل عرفت اللي فيها ولا حكايتها ايه داي

فاق من شروده ليجدها تحاول جمع شتات نفسها والرحيل من امامه

ليمسك بيدها ثانية استنى يا نوارة جلتلك عايزك

نوارة

واني جلتلك مفضياشي يا حمزة عندنا ضيوف لازمن اضايفهم لاني ست الدار اهنه وعمر ما حد هياخد مكاني بتاتا

ليبتسم حمزة قائلا

الحمد لله ان عقلك رچع لراسك وعرفتي انه مهمن كان محدش لا هياخد مكانك لا اهنه ف الدار ولا ف جلب چوزك كماني

همت نوارة لترد على حديث حمزة لكنها تفاجئت ببهية تقدم نحوهم

بت يا نوارة انتي اهنه يا بت واني بدور عليكي تعالي علشان هظبطوا السفرة ونقدم الاكل للضيوف

ليقول حمزة

لاه ياما سيبيها اني عايزها في كلمتين مهمين قومي انتي بالواچب انتي وفاطمة وسيبيلي نوارة اليوم بطوله النهاردة

لتنظر له نوارة بعدم فهم لمقصده

بينما تقول بهية

كلام ايه ديه يا حمزة، محبكتش والناس عندينا يا بني، بكرة اعمل اللي يلد عليك

ليقول حمزة بحسم

لاه ياما نوراة استقبلتهم احسن استقبال وبكفاياها لحد اكده اني عايزها وعايز العيال

بهية بعدم فهم

خير يا ولدي ديه مكانش كلامك بأن نوارة تكون على راس الكل وجت الضيوف ما ياجو

حمزة ايوة يامه غيرت رأيي أني شايف نوارة متأزمة من الموضوع ديه واخداه بحساسية واني مهقدرش اكسر قلبها اكتر من اكده بكفياها لحد اكده وچع اني بتوچع علشانها

لتسقط دمعات نوارة بغزارة فلا تستطيع أن تكبتها اكتر وتنظر لزوجها بقهر دون كلام

ليأذها حمزة بين يديه يهدهدها وكأنهت طفلة صغيرة يحاول ارضاءها

بالله عليكي ممتحملش اشوف دموعك داي اكتر من اكده، يا بت دا انتي حبيبتي ونوارة قلبي، هفضل اقولك اكده لحد امتا بس

بهية باستغراب هو ايه اللي بيحصل ديه، ونوارة ماهي كانت كويسة من شوية ايه اللي چد يعني

حمزة

متشغليش بالك انتي ياما روحي شوفي ضيوفك وانسي نوارة النهاردة اني هاخدهم وخارج

بهية واه وهتفوت ضيوفك يا ولدي

حمزة لاه ياما ضيوفي چايين لبنتهم هفضل قاعد معاهم اعمل ايه، سيبهم ياخدوا راحتهم معاها، وأني أخد راحتي مع مرتي وعيالي

بهية بحكمة

ربنا يسعدك يا ولدي وريح بالك انت ومرتك يا رب ماشي اعمل اللي تعمله اني متأكدة انك وازن امورك زين

حمزة ربنا يباركلنا فيكي يا ست الدار

ما ان رحلت بهية حتى أطلقت نوارة نظرات كلها استفسار تجاه زوجها

ليقول ايه مالك هتبصيلي ليه اكده يا حبيبتي

لتهتف نوارة بصوت خافت

بجيت مستغربة عمايك ، مبقتش عارفة انت فعلا بتحبي ولا بتحبنيش ، انت قاسي ولا طيب، مهتم بيا ولا هاجرني ولا حكايتك ايه بالظبط، جننتي معاك يا واد الحج عيسى

ابتسم حمزة وقال مداعبا

وماله ما هو أصل اللي بيحب لازم يتجنن واني مجنون بحب مرتي

لتقول هي

مرتك نادين ولا مين حدد بالظبط

ليهتف حمزة متناسيا ما عزم عليه ف السابق

اني مليش غير زوجة واحدة وبس هي انتي يا نوارة

لترمش نوارة عدة مرات وتطالعه بعدم فهم

والله انت هتجنني يا حمزة او بتضحك عليا بالكلام

ليعرف حمزة انه ما بات يستطيع ان يستمر ف عقابه اكثر فيقول

سيبك مين ديه كله واطلعي چهزي نفسك انتي والعيال ، احنا من زمان مخرجناشي مع بعضنا واليوم بم اني مفيش شغل فهستغله وهفسحكم فسحة انما ايه

لتقول خوارة بحزن

لاه مليش نفس اخرج ولا أعمل ايتوها حاچة عايزة تخرج خد عيالك وروح هما فعلا محتاجين يغيروا جو

حمزة احاط عنقها بيده وقال باسما

وهي الفسحة تبقى  فسحة من غير ام العيال بردك

نوارة بإباء لاه معيزاشي اروح معاك ف مكان اني طالعة اوضتي اتغمد ولا اروح في اي مصيبة

ليبتسم حمزة وهو مازال يضع يده على كتفها

يابوي على التقل يا ناس، يلا يا بنت الحلال متضيعيش الفرصة داي منينا، خلينا نقضيلنا يوم حلو سوا

لتقول نوارة قلتلك لاه يا حمزة مفيش يوم  حلو هيعدي عليا ونادين اهنه في الدار وعلى زمتك

ليقول حمزة بانزعاج

يا بنت الناس ايه اللي جاب سيرة نادين دلوك سيبيها اللي فيها مكفيها ليه بتحبي توچعي في قلبك كل اشوية

نوارة انت السبب ف الوچع ديه فمتلومش غير نفسك

قالتها وانسلت سريعا من بين يديه وصعدت إلى أعلى حيث غرفتها

ليمسح حمزة بيده على شعره

يابوووي على التعب اللي هتشوفه يا حمزة، بس خليك فاكر انك السبب فعلا زي ما قالت فاتحمل بقا

قالها وتنهد بقلة حيلة وصعد خلفها وهو يقول انت المستعان يارب

❈-❈-❈

بعد عدة ساعات اقتربت فاطمة من أمها

اما أظن اكده عداني العيب وخلصت مهمتي اهنه ع اكمل وچه اروح بقا اشوف زهرة واطمن عليها واعاود طوالي

لتقول بهية بينما تجلس بتعب

طب استني لما اشوف اخوكي عز ولا أي حد يوصلك، صحيح عز مبانش من صباحية ربنا ولا حتى چه سلم على الجماعة ولا ابوكي شيعله حد يناديه

فاطمة سيبيه ياما يعمل اللي يلد عليه مهواش صغير، وكفاية ابوي وحمزة اهنه وقاموا بالواچب

بهية بس الأصول أصول يا بتي واخوكي راچل لازم كان يظهر ويسلم عليهم

لتقول فاطمة وهي تتنهد بحزن من أجل اخيها

هيلقى ياجي ياما ف اي وقت ويسلم عليهم ما هما هيجعدوا اهنه لكم يوم متكبريش الموضوع وسيبيني اروح بقا

بهية شوف البت وعمايلها، اصبري لما ام الخير ترتاحلها هبابة وتاچي معاكي اني مهآمنش افوتك تروحي لحالك

لتقةل فاطمة بحنق

لاه ياما أني مهستناشي اكتر من اكده اني رايحة لوحدي مبقيتش صغيرة كل لما أخطي من عتبة الدار تشيعي حد ورايا كأن حد هيخطفني مثلا

لتقول بهية بحنق هي الأخرى

والله وكبرتي وبقا ليكي لسان تعارضي أمك بيه، روحي يا فاطمة يا بتي بش اوعاكي تتأخري وأني اقطعم رقابتك

لتبتسم فاطمة وتقبل يد امها تسلميلي يامه والله مهعوقش ابدا ، اني ماشية دلوك

بهية بوجل في امان الله يا بتي

وبينما فاطمة تخرج من عتبة الدار حتى تتصل بزهرة التي تجلس ف سيارة جلال مضطرة لأن تتنفس ذاك الهواء الملوث بدخان السجائر التي يشعلها جلال والبسمة لا تفارق وجهه كلما يتخيل ما الذي سيحدث لأخت عز الدين غريمه

فاطمة زهرة انا خرجت من الدار قابليتي يلا في المكان اللي قلتي عليه

لتقول زهرة ف نفسها

ليه يا فاطمة جيتي ياريتك اتصلتي اعتذرتي انتي مش عارفة ايه اللي هيجرالك حسرة عليكي يا فاطمة ومني أني لله

ليقود جلال السيارة بحماس شديد وهو يقول

اسمعي هناك هتعملي اللي قلتلك عليه ووقتها يكون مهمتك خلصت وتجدري تعاودي دارك كيف ما بدك ، وزي ما قوتلك لو حد شم خبر بس بالموضوع ابقي اقري الفاتحة على روح اخوكي

لتتنهد زهرة بقلة حيلة وبؤس من أجل ما سوف تلقاه فاطمة على يد ذلك المتوحش

❈-❈-❈

نهض راضي من مجلسه واقفا

ليقول عز رايح فين يا راضي

ليهتف راضي بحنق ايه كني مفيش ورايا غيرك ولا ايه، خلفتك ونسيتك اياك

عز

 يا زفت قلتلك رايح فين ترد من سكان وبلاش كلام كتير وطولة لسان

راضي

يابوي على الصحاب يا ناس، ايه كنك هتشتريني لحسابك طول اليوم ولا ايه

عز

غور من وشي يا راضي جتك الهم

ضحك راضي

ماشي مقبولة منك يا ابو الصحاب، أني رايح مصلحة مهمة اكده چت على بالي وراچع طوالي فتك بعافية هتفضل اهنه ولا هتروح انت فين

نهض عز هو الآخر وقال بتيه

مش عارف اروح فين الدنيا حاسسها بقت زي خرم الابرة وكاتمة ع نفسي

راضي

هتفرج بإذن الله يا صاحبي انت بس قول يارب

❈-❈-❈

هتف نبيل يسأل اخته

نادو فاطمة اخت جوزك دي في سنة كام ومعاها ايه احكيلي عنها اكتر

لتنظر نادين لأخيها بغيظ ومن ثم تنظر لسمر

ااا سمر تعالي عايزاكي نتكلم سوا شوية ، بعد اذنك يا بابا ممكن ؟؟

أحمد خدي راحتك يا بنتي، سمر جاية علشانك أنتي واحنا الحمد لله اطمنا عليكي

نهضت نادين مع سمر

ليقول نبيل

نادو مردتيش عليا

لتقول نادين بحنق بعدين يا نبيل بعدين

وترحل مع سمر نحو الحديقة الخلية حيث منحل العسل

لتضحك سمر بينما تسير معها

ايه يا بنتي مالك ما تردي عليه وتريحيه

نادين بغيظ

دا اخويا دا بجد مستفز اوي يا سمر معقولة مش شايفك مش شايف حبك ليه للدرجة دي اعمى

لتقول سمر بعقلانية

مش شرط علشان انا كنت حاسة من ناحيته بحاجة انه لازم يبادلني نفس الشعور، مش هنضربه على ايده يعني

نادين بغيظ بصراحة نبيل اعمى اوي وانا متغاظة منه

سمر كبري دماغك انا خلاص والله بحاول اشيل الموضوع دا من دماغي خلاص وايقنت تماما ان نبيل مش هو نصيبي اللي ربنا كاتبه ليا

نادين لا انا هحاول الفت نظره

سمر لا اوعي ازعل منك والله يا نادو

لتقول نادين بأسى بتلوميلي يا سمر اني ببعد عز وبوجع في قلبي وانتي بتعملي نفس اللي انا بعمله بالظبط

❈-❈-❈

اتصلت فاطمة بزهرة

زهرة يا بنتي انا بايني كدا توهت يخربيت شيطانك كنا اتقابلنا ف دارك وخلصنا أني مبقتش عارفة اني فين

زهرة

اوصفي المكان اللي انتي فيه دلوك واني هچيلك

فاطمة نظرت حولها

معرفاشي هو مكان أكده زي طريق بس ميفيهوش خلق خالص بس فيه ترعة اكده ومكنة ماية وفيه عشة قريبة مني

ليلكز جلال زهرة التي بعد يده عنها فيهمس هو

ايوة وصلت اكده يلا روحيلها

زهرة تمام انتي أكده وصلتي اني چايالك

فتطمة تمام متعوقيش اني خايفة من المكان ديه

وصلت لها زهرة لتهتف فاطمة براحة

كويس انك چيتي اني خفت اهنه لوحدي ،فيكي ايه اشكيلي وجبتينا المكان ديه ليه

لتبتلع زهرة ريقها وتنظر لذاك الذي يختبأ ف مكان ما ويحذرها بعينيه

فتقول ااا تعالي اهنه في العشة داي وهجولك كل حاچة

فاطمة ماشي تعالي

وقفتا امام العشة لتقول زهرة بتردد لكنها قالت ع اي حال

ادخلي اهنه يا فاطمة وأني راچعة حالا

فاطمة زهرة انتي امرك غريب ليه النهاردة، هتروحي فين وتفوتيني لحالي اهنه، لاه أني هاجي معاكي

زهرة يا بنتي راجعالك طوالي هچيب الحاچة المهمة اللي لازم تعرفيها وهرچعلك

مطت فتطمة شفتيها بقلة حيلة ولأنها تثق في زهرة قالت ماشي هدخل استناكي جوة بس بالله ما تعوقي امي هطين عيشتي

رحلت زهرة من امامها وقلبها مكسور بائس على المصير التي ستلقاه فاطمة بالداخل فأي مصير ستواجهه فاطمة؟؟؟

ليتصل جلال بأحد رچالة

واد انت وهو نقذ اللي اتفقنا عليه خلاص العصفورة وجعت في الجفص ولا حدش سما عليها

..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة