قراءة رواية نجم معتم كاملة

تنشر حصريًا على مدونة رواية وحكاية قبل أي منصة أخرى

رواية نجم معتم

 رواية جديدة قيد النشر

من قصص و روايات 

الكاتبة نهى عادل 

الفصل الرابع

سليم القلب مؤتمن حتى في عداوته،

ومرضى القلوب لا يؤتمنون حتى في صداقتهم ..

 

 

في بيت رضوان

ما زالت نرمين تتحدث مع صديقتها في الهاتف التي أردفت قائلة:

_حاولي يا نيرو تيجي  شادي أخويا خارج معانا  و الصراحة نفسه يشوفك

لمعت عيون نرمين بالسعادة حين ذكرت لها منار  إسم أخيها شادي

خجلت نرمين قائلة بتهرب:

_عيب يا ميرو أنا مش بتاعت الكلام  ده

قهقهت منار قائلة:

_آه منا عارفة من ساعة ما شفتي شادي و انتِي مش مبطلة سؤال عنه

هتفت منار قائلة:

_اخلصي بقا جاية ولا لأ علشان لو مش جاية ممكن نأجل الخروج ليوم تاني

أجابتها نرمين  قائلة:

_مش هاينفع يامنار أمشي علشان يحيى يا عالم هيقعد كام سنه من غير ما اشوفه

_خلاص على راحتك يا نيرو نبقى نخرج  في وقت تاني سلام يا حبيتي ومتخفيش هسلم على شادي

أردفت بها منار و هي تقوم بإنهاء المكالمة

بعد انتهاء المكالمة ألقت نرمين الهاتف  قائلة بغضب:

_أف بقا يارب اليوم يخلص ما هي مش ناقصه نصايح من الست الطرشة اللي برة يلا أنا ماليش دعوة بيها أقوم اغيرهدومي و أطلع قبل ما ماما تدخل تجبني من شعري

 

 

❈-❈-❈

 

بينما في الخارج

دلفت عائشة  و خلفها مبسوطة بعد أن قامت نادية  بفتح الباب

_ يا أهلا و سهلا البيت نور تعالوا اتفضلوا

قالت هذا وقامت باحتضان أختها  ترتب على ظهرها بحنان بينما نظرت إلى مبسوطة  و أكملت

_عاملة إيه يا حبيتي يعني لولا سفر يحيى مكنتش أشوفك

و قامت بضمها هي الأخرى بحب أموي حقيقي

ابتسمت لها مبسوطة قائلة:

_ماعلش يا خالتي أنا عارفه إني مقصرة في حقك بس غصب عني ظروف الشغل

هتفت نادية  بترحيب قائلة:

_اتفضلوا اقعدوا  على ما ادخل احضر الفطار على ما يجي يحيى و رضوان من صلاة الجمعة.

أردفت مبسوطة قائلة:

_أمال فين نرمين يا خالتو لسه نايمة

تنهدت نادية  برغم أنها تعلم بأن نرمين استيقظت من نومها إلا أنها لم تخرج حتى عندما علمت بوجود خالتها و ابنتها مبسوطة أردفت قائلة بقلة حيلة:

_نرمين نايمة يا مبسوطة انتي عارفة الثانوية العامة طول الليل قاعدة بتذاكر

_ربنا معاها و يجبر بخاطرها  وتدخل الكلية اللي نفسها فيها نرمين شاطرة و قدها

كلمات نطقت بها مبسوطة بصدق

آمنت نادية و عائشة على دعاء مبسوطة

بعد قليل و بعد انتهاء صلاة الجمعة

دلف رضوان و معه يحيى ابنه من باب الشقة بعد أن طرق على الباب لأنه يعلم بأن مبسوطة و عائشة بالداخل

قامت نادية  بفتح الباب لهم

أردف رضوان قائلا:

_و أنا بقول البيت منور ليه اتاري الحبايب عندنا منورة يا أم مبسوطة منورة يا مبسوطة

هتفت عائشة قائلة:

_البيت منور بأهله يا أبو يحيى

نظر رضوان إلى مبسوطة  و أكمل:

_عاملة إيه يا مبسوطة

أجابته مبسوطة بوجهها البشوش:  الحمدلله يا عمو حضرتك عامل إيه

_الحمدلله يا بنتي

بينما تقدم يحيى و وقام بضم عائشة  ومبسوطة لتهتف نادية  قائلة:

_يلا يا جماعة الفطار جاهز

دارت عيون يحيى ولم يجد نرمين نظر إلى والدته قائلا:

_فين نرمين يا ماما هي لسه نايمة

ليسمع صوتها تغلق باب غرفتها قائلة:

_أنا أهو يا يحيى صباح الخير

ابتسم لها يحيى قائلا:

_صح النوم يا نيرو احنا بعد الظهر يا حبيبتى إيه مش  هتيجي تسلمي على خالتك و مبسوطة

ابتسمت نرمين بضيق قائلة:

_لا إزاي أنا جاية اهو

اقتربت من خالتها عائشة تضمها  قائلة:

_ازيك يا خالتو البيت نور والله

ابتسمت لها عائشة و ضمتها ترتب على ضهرها بحب أموي قائلة:

_الحمدلله يا نرمين البيت منور بيكم انتم عاملة إيه في مذاكرتك

خرجت نرمين من أحضانها تنظر بتكبر إلى مبسوطة التي تبتسم لها بحب قائلة:

_الحمدلله أنا ضمنة كلية الطب بإذن الله

غص قلب مبسوطة تذكرت حلم والدها الذي كان يتمنى أن تصبح مبسوطة طبيبة و لكن كان للقدر رأي آخر

ابتسمت مبسوطة قائلة:

_عاملة إيه يا نيرو أنا عارفه انك قدها بأمر الله وهتكوني أكبر دكتورة في مصر

أجابتها نرمين ببرود:

_منا عارفه ده الطبيعي

أردف رضوان قائلا:

_يلا جماعة الأكل برد نكمل كلامنا بعد الأكل.

جلسواعلى مائدة الطعام و شرعوا في تناول الطعام هتفت نادية قائلة:

_و أنتي عاملة إيه في الشغل يا مبسوطة

أجابتها مبسوطة قائلة برضا:

_الحمدلله يا خالتو كله تمام

بينما أردف رضوان قائلا:

_إيه  يا نادية سيبي الناس تاكل و بعدين لا كلام على طعام

قهقه الجميع بينما أردفت عزة:

_حاضر يا أبو يحيى لا كلام على طعام.

مر حوالي أكثر من ساعتين كانوا يجلسون يتحدثون في أمور كثيرة حتى حانت لحظة سفر يحيى 

قامت مبسوطة  و عائشة بمساعدة نادية في تجهيز الأشياء التي سيأخذها  يحيى معه اقترب  موعد سفر يحيى و الحزن العارم سيطر على البيت  و ساعدته مبسوطة في تحضير حقيبة سفره وحان و قت الوداع وقف يحيى ينظر إليهم يخفي حزنه بشده  بعد أن قام يحيى بتوديع والديه و قف أمام مبسوطة سحبها داخل أحضانه يرتب على ظهرها بحنان شديد  دموعها تنهمر بغزارة في مشهد تأثر فيه الجميع تنهد يحيى قائلا:

_كفاية يا مبسوطة أنا ممكن بسبب دموعك ألغي السفر يا حبيبتي

تنهدت مبسوطة  وقامت بمسح دموعها و خرجت من أحضانه قائلة: 

_لا أنا مش بعيط أهو  تروح و تيجي بالسلامة خلي بالك من نفسك يا حبيبى

ابتسم لها قائلا:

_و أنتي كمان خلي بالك من نفسك وأنا إن شاء هظبط أموري في السكن و أتصل عليكم كل يوم

نظر والده في ساعته قائلا:

_يلا يحيى

أوما برأسه قائلا:

_حاضر يا بابا

وخرج يحيى مع والده إلى المطار و بقت السيدة نادية  و السيدة عائشه و مبسوطة و نرمين التي كادت أن تنفجر من مشاهدة يحيى أخيها وهو يتحدث مع مبسوطة

نظرت نادية إلى نرمين التى كانت تنظر بغضب إلى مبسوطة قائلة:

_نرمين اعملي لينا شاي

هتفت عائشة  قائله:

_شاي إيه لا إحنا اتاخرنا يادوب نروح نصلي العشاء و اخد العلاج و أنام وكمان مبسوطة عندها شغل بدري

_ طيب ما تباتوا معنا

نطقت بها نادية بكل حب

أجابتها مبسوطة قائلة:

_ماعلش يا خالتي الأيام جاية كتير بس فعلا أنا ورايا شغل الصبح بدري أنا و ليلى

هتفت عزة قائلة:

_ربنا معاك يا حبيبتى و يسترها معاك و مع اللي زيك و يوعدك بابن الحلال اللي يعرف قيمتك يارب

آمنت عائشة على دعاء نادية  وخرجوا متجهين إلى منزلهم.

❈-❈-❈

في إحدى النوادي الليلية

جلست مايا و أمامها صديقتها المقربة نسرين ترتدي فستان من اللون الأحمر بفتحة صدر كبيرة يصل إلى ركبتها  تحتسي الخمر غاضبة تعجبت نسرين فهي  لأول مرة ترى مايا بهذا الشكل

أردفت قائلة:

_مايا مالك أول مرة اشوفك بالحالة دي

ارتشفت مايا الكأس دفعة واحدة و أردفت قائلة:

_وسيم ضيع عليا صفقه العمر كان النسبة  لوحدي خمسة مليون دولار

اتسعت عين نسرين قائلة:

_كام خمسة مليون مرة واحدة يا بت اللعيبه

ابتسمت مايا بتهكم

_اهو من قرك راحوا عليا يا فقرية

لتسمع صوتا من خلفها يقول:

_ومين اللي قال أنهم راحوا عليكي و إن المبلغ خمسة مليون دولار بس

نظرت مايا و نسرين إلى الخلف و ابتسامة خبيثة تزين وجهها.

_ صفوت باشا يا أهلا مكنتش أعرف إنك بتيجي هنا

نظر لها صفوت ومد يده وجذب يديها وقبلها ببطء

لمعت عيون مايا بمكر قائلة:

_أحب اقدم لك  يا نسرين صفوت الشافعي أكبر و أهم مخرج في العالم

قهقهه صفوت قائلا:

_ميرسي يا مايا

ابتسمت نسرين و هي تمد يديها:

_تشرفنا مستر صفوت

قبلها هي الأخرى قائلا:

_الشرف ليا طبعا إني اتعرفت عليك

قال هذا و ضغط على يديها

خجلت نسرين و قامت بسحب يديها  فهي لم ترتح إلى نظرات صفوت

أردفت قائلة  بتهرب:

_مايا أنا اتاخرت و لازم أمشي  بعد اذنك و بكره هكلمك 

كل هذا و نظر صفوت مصوب تجاه نسرين

هتفت مايا قائلة:

_تمام يا نسرين  بكره ابقى اكلمك

قالت هذا  و نظرت بمكر إلى صفوت فهي تريد أن تجلس معه بمفردها لكي تتحدث معه.

بينما أردف صفوت قائلا:

_ما لسه بدري يا نسرين ولا اذا حضرت الشياطين ذهبت الملائكة

ارتبكت نسرين  أكثر من نظرت صفوت الجريئة قامت بسحب حقيبتها قائلة بتهرب:_

ماعلش أصلا متأخرة فرصة سعيدة إني اتعرفت على حضرتك  سلام يا مايا

قالت هذا و هرولت تخرج  من النادي

بينما نظر صفوت في أثرها و أخرج  هاتفه و ضغط على بعض الأزرار ثم وضعه مرة أخرى  في جيبه.

ونظر إلى مايا قائلا:

_هااااا يا مايا إيه رأيك في عشرة مليون دولار

اتسعت أعين مايا قائله:_

عشر عشرة مليون دولار مرة واحدة و إيه المقابل

ابتسم بثقه قائلا:

_تعالي نرقص و أقول لك على المقابل

 

❈-❈-❈

صباح اليوم التالي

استيقظت مبسوطة  بتكاسل و إرهاق نهضت من على الفراش و جذبت هاتفها  عندما و جدت الشاشة  تضاء قامت بارتداء سماعتها و قامت  بالرد على  ليلى   قائلة:  صباح الخير  يا ليلى

هتفت ليلى قائلة بغضب:  ينفع كدة يا ست مبسوطة بقالي كتير برن عليك بس الهانم نايمة و  لا على بالها إن احنا ورانا شغل شفت بدري

ابتسمت مبسوطة  و قامت بابعاد الهاتف عن أذنها حتى تنتهي ليلى من حديثها

إلى أن صرخت ليلى قائلة:  انتي روحتي فين اوعي تكون نمتي تانى عاااااا

قهقهت مبسوطة قائلة:

_اهدي يا ليلي خدي نفسك كدا يا حبيتي و بالراحة اتكلمي

وبالفعل أخذت ليلى نفسها و أكملت قائله:

_أهو عملت زي ما قولتيلي، إيه اللي اخرك بقا

تنهدت مبسوطة قائله:  جينا متأخر امبارح من عند خالتي بعد ما يحيى سافر

شعرت ليلى بغضه في قلبها و لكنها تذكرت كلام مبسوطة و أن الله سيعوضها و يجبر بخاطرها  أردفت قائلة: ربنا معاه المهم يلا علشان المدير الجديد  ده مش نازل لي من زور ومش عارفة ليه حسة إنه عايز يخلينا نسيب الشغل   و مستني لنا على غلطة أنا لبست أهو هطلع افطر و ابقى اخبط عليك

هتفت مبسوطة قائلة: 

_حاضر هاقوم  ادخل الحمام أتوضأ و اصلي الضحى و حتى هفطر في الشغل

بعد أن قامت مبسوطة بغلق المكالمة مع ليلى نهضت من على الفراش و انتصبت واقفة وسارت متجهة إلى الحمام اختفت دقائق و خرجت ارتدت ملابسها و أدت فرضها  وخرجت من غرفتها لتجد والدتها تقوم بوضع الأطباق على الطاولة الصغيرة المتواجدة في الردهة

أردفت قائلة:  تاني يا ماما تعبتي  نفسك تاني و بتحضري الفطار

ابتسمت لها عائشة قائلة: 

_طيب نقول صباح الخير الأول و بعدين  أنا كويسة يلا تعالي افطري قبل ما تروحي شغلك

ابتسمت مبسوطة بقله حيلة و جلست بجوار بوالدتها قائلة:

_أخدتي علاجك يا ماما وأهم حاجة علاج الضغط و القلب

نظرت لها عائشة قائلة:

_آه يا حبيتي أنا أخدت العلاج ربنا يخليك ليا، أنا عارفة إني بتقل عليكي و أنا عارفة الظروف كفاية إنك شايلة البيت كله على دماغك بعد وفاة جلال الله يرحمه طيب أنتي عارفه إنه في مشغل فتح على أول الشارع

و قبل أن تكمل حديثها أردفت مبسوطة قائلة:

_لا يا ماما عمرك ما هتنزلي تشتغلي الحمدلله ربنا سترها معانا

جذبت مبسوطة يد والدتها وقامت بتقبيلها و أكملت:

_أنا اشيلك فوق رأسي يا أمي و بعدين المرتب زاد والحمدلله، أهم حاجة  ادعيلي

رتبت عائشة  على ظهرها بحنان قائلة:

_ربنا يسعدك و يراضكي و يوقفلك ولاد الحلال

بينما في منزل ليلى.

خرجت من غرفتها بعد أن ارتديت ملابسها و أدت فرضها وجدت و الدتها السيدة عزة تقوم بتنظيف المنزل سارت بهدوء و خطوات بطيئة ووقفت خلفها بدون إصدرا صوت أردفت بصوت عالي و هي تقوم بقرص جنبها قائلة

:  صباحو فل يا زوزو

أنتفضت السيدة عزة تلتفت تنظر بغضب إلى ليلى قائلة:

_ في إيه  يا هبله خضتيني أنا عارفة ياما هايجيلي جلطه او أموت بسبب مقالبك دي يا بنتى حرام عليكي شعري ابيض

ابتسمت لها ليلى و قامت بضمها قائلة بمزاح:

_في إيه يا زوزو ده أنا حتى أسمع إن الشعر الأبيض هيبه كده و بعدين أنتي ماشاء الله عمرك ما بتكبري حتى شوفى نفسك في المراية

رفعت الأم يديها قائلة:

_خمسه في عينك الله اكبر أنتي بتحسديني يا ليلى لما أخلص ترويق البيت هروح أبخر نفسي يلا أمشي يا بنت من وشي مش كفاية مش نفعاني بحاجة

لوت ليلى شفتيها قائلة:

_الله مش بشتغل و بعدين مش أنا اللي بروق يوم الجمعة

دارت عيناها في المكان و أكملت:

_وبعدين فين بابا  يعني مش صبح عليا هو لسه نايم

أجابتها عزة قائلة:

_ابوكي راح يقبض المعاش و بعد كده هيروح يقعد مع عمك رضوان شوية و يجيب طلبات البيت و يجي

قبلتها ليلى من وجنتيها قائلة:

_تمام يا زوزو معاك ربنا بما أن النهاردة قبض بابا أنا عاوزة اكل حواشي من ايده ماليش دعوة أجي من الشغل يكون عمله

زفرت الام قائلة:

_يلا برة بره يا بت

هتفت ليلى وهي تسير إلى الباب قائلة:

_بالراحة طيب ما تزقيش

قالت هذا و قامت بفتح الباب و هرولت إلى الخارج لتقوم بالطرق على باب الشقة المقابلة لها بطريقة مضحكة حتى قامت مبسوطة بالفتح لها قائلة:

_في إيه على الصبح يا ليلو أهدي يا ماما الناس نايمة

لوت ليلى شفتيها قائله:

_بما إني صحيت لازم الكل يصحى ماليش دعوة و يلا بينا علشان اتاخرنا على الشغل.

أردفت مبسوطة قائلة:

_يلا يا اخرة صبري

 

❈-❈-❈

في منزل وسيم الشاذلي

استيقظ و سيم مبكرا بنشاط وحيوية دلف إلى الحمام أخذ حماما دافئا يجدد نشاطه وانعش به روحه، خرج من الحمام سار متجها إلى غرفة الثياب  ارتدي ثيابه ثم صفف شعره و نثر عطره المميز ثم قام بفتح إحدى الأدراج و أخرج نظاراته الشمسية و ارتداها مما زاده وسامة علي وسامته و أصبح أيقونه رجولة متحركة حقا لا يليق به إلا أن يكون نجم من نجوم هوليود سار متجها إلى خارج غرفته لينزل الدرج ابتسم بمكر عندما وجد والدته تتحدث في الهاتف علم بأنها تتحدث إلى أختها خالته السيدة نادية التي تعيش في انجلترا مع زوجها السفير عبد الحميد الهادي و بناتها فريدة و كاميليا اقترب من والدته التي شعرت بوجوده قائلة:

_طيب مع السلامة يا نادية و ابقي سلمي على عبدالحميد و البنات

قالت هذا و قامت بغلق المكالمة لتنظر له قائلة:

_صباح الخير يا وسيم صاحي بدري ليه وراك تصوير

انحنى وسيم و جذب يديها و قام بوضع قبلة قائلا:

_صباح الفل يا ست الكل، وصاحي بدري علشان هارون مسافر النهاردة و قولت لازم اقعد. معاه علشان اشوف مين هيجي بدل منه

ابتسمت بمكر قائله:

_بقول لك يا وسيم  إيه رايك لو تختار مدير اعمالك المرة دي بنت على ما هارون يجي أنت عارف هارون ده أنا اللي مربياه علشان كده يقدر يجي البيت هنا في اي و قت و ممكن يبات لأنه ابن عمك لكن بعد سفره مش هينفع راجل غريب يدخل الفيلا  هااا إيه رايك يا حبيبى

ابتسم وسيم فقد تحقق امنيته فهو كان يريد ان تكون مايا مديرة أعماله حتى تكون بجانبه طوال الوقت و لكن انصعق حين أكملت والدته حديثها قائلة:

_إن شاء الله بكره  هنزل إعلان فى أي جريدة بمواصفات معينه تنفع تكون مديرة أعمالك يا حبيبى

هتف وسيم قائلا:

_اظن يا أمي إن من حقي أنا اللي اختار الناس اللي هتشتغل معايا و أنا كنت بفكر في مايا

نظرت له بغضب و لكنها حاولت أن تسيطر على نفسها قائله:

_بص يا وسيم أنا فكرت في ارتباطك بمايا و بفكر و ممكن أنا بقول ممكن  إني مع الوقت اقدر اتقبلها في حياتك بس شروطي اللي هي مش هتنفع تكون هي مديرة اعمالك أنا بقول ننزل إعلان احسن ونختار واحدة يلا هات ورقه و قلم و اكتب الشروط ورايا كده

كان ينظر لها وسيم ببلاهة ماذا تخطط والدته، هي من الصعب الرجوع في كلمتها زفر بغضب و تحدث قائلا  :

_و ياتري إيه هي مواصفاتها يا ست الكل اشجيني

ابتسمت والدته باتساع قائله:

_أول حاجه تكون محجبة ومش بتحط مكيب تكون لبسها واسع و مش مهم التعليم ومش مهم تكون حلوة كمان

رفع و سيم حاجبه قائلا:

_و إيه كمان يا أمي قوليلي متخليش حاجه في قلبك مكتومه

كتمت والدته ضحكتها و أردفت قائلة بهدوء:

_الأخلاق يا وسيم أهم حاجه الأخلاق و طبعا بعد ما تختارها أنا لازم اوافق عليها و يلا يا حبيبي الحق روح مشوارك و عدي على الجريدة.

 

❈-❈-❈

 

في منزل مايا

دلفت إلى الداخل

وجدت و الدتها تجلس تنتظرها أردفت قائلة:

_صباح الخير يا مامي

قالت هذا و جلست بجانبها على الأريكة

بينما زفرت والدتها السيدة فاتن قائلة:

_و هايجى منين الخير  و أنت جاية و ش الصبح، كنت فين يا مايا

أجابتها مايا قائلة ببرود:

_كنت مع اصحابي يا مامي و بعدين هي  أول مرة يعني أتاخر أو أبات بره البيت خليكِ زي بابا اوبن ما يند

لوت السيدة فاتن شفتيها قائلة:

_وماله يا حبيتي  المهم و سيم ده هيجي  يطلب ايدك امتى مش كفاية الفلوس طارت هو كمان هيطير بعد. ما الناس كلها عارفة إنكم في حكم المخطوبين أنا بقول سيبك منه و شوفي حد تانى، مادام والدته واقفه في الموضوع مش هيتم

أردفت مايا قائلة بغضب::

_بموتي أبعد عن و سيم دا بتاعي و مهما حصل هتجوزه يعني هتجوزه

هتفت فاتن قائلة:

_يا بنتى باين أوي انه لا يمكن يرفض كلمة اللي متتسمي أمه فكري ده العيشة هتكون معاها صعبة

زفرت مايا قائلة ببرود:

_عارفة كل ده، بس مش بعد كل السنين دي و أنا بخطط و افكر ازاى اوقعه في حبي اجي دلوقتي و اقول خلاص، لا أنا مستحيل  اخليها تتنصر عليا أنا مش عارفة اللي زيها  عزرائيل سيبها  ليه

ابتسمت بانتصار و أكملت:

_بس أنا عندي خطة، اخلي بها وسيم يجي يخطبني و ممكن كمان يبقى كتب كتاب

نظرت لها فاتن  بقله حيلة:

_اوعي تعملي حاجه من غير ما يعرف ده ممكن ميوافقش و يجرحك قدام الناس أنت حره يلا ادخلى نامي شوية علشان عندنا بارتي الليلة و عايزاكي تكوني موجودة

ابتسمت مايا بأتساع قائلة:

_أوك مامي

يُتبع..