ا

امسكها من ذراعها عنوة واجلسها جواره وهو يقول 

اترزعي اهنه

ونظر لأمها قائلا بتحذير

 وانتي اياكي اسمع حسك لأقطع خبرك انتي وبتك فاهمة 

قالها ووجه حديثه للمأذون 

ما تهم يا عم الشيخ انت كمان ابدأ يلا 

هتفت زهرة بلوعة 

لاه يا عم الشيخ أني منيش رايداه هو متچوزني غصب مينفعش الغصب في الچواز ولا يچوز صوح يا عم الشيخ ارچوك اعمل حاچة بالله عليك 

مد جلال يده وصفعها على وجهها بحدة ليخرج الدم من فمها فتصرخ بوجع ويقول هو دول مبالاة وقسوة

اكتمي جبر يلمك قلتلك حسك مسمعوشي 

قالها ونظر للمأذون

 انجز يا عم الشيخ زي ما اتفقت معاك انجز خلصني 

ليقول الشيخ المهدد من قبل جلال وهو ينظر لزهرة التي لم تكف عن البكاء بأسى شديد 

توكلنا على الله معلش يا بنتي ارضي بالمكتوب وخلاص هنعملوا ايه، المهم دلوك أني بدي بطاقة العروس يا چلال بيه علشان اسجل البيانات عندي 

جلال لزهرة 

 بطاقتك فين يا بت قومي فزي هاتيها، ولا اقولك لاه انتي منتيش مضمونة، قومي يا حرمة هاتي شنطتة بتك اللي فيها البطاقة فزي 

لتوزع الام نظراتها الخائفة بين ابنتها وجلال 

وزهرة تشير لها بأعينها بأن لا تفعل 

 هدر جلال بحدة قومي فزي ولا اخلصلك على بتك قدامك دلوك 

فما كان من الام المكلومة الا انها أحضرت حقيبة ابنتها وهي تتوسل الى الله أن تحدث معجزة ما ويتم تخليصها من ذاك اللعين

أحضرت الحقيبة فاقترب منها جلال بحدة ونتشها من يدها وفحص محتوياتها حتى اخرج البطاقة منها ومن ثم القى بالحقيبة باهمال على الارض 

لتعرف زهرة ان هذه هي نهايتها لا محالة فتغمض أعينها باستسلام تام لمصيرها وتقول ف نفسها 

أني استاهل اللي بيحصلي دلوك، ديه حق فاطمة واللي عملته فيها وربنا بيخلصه ربنا مهيرضاش بالظلم ابدا، استغفرك يارب واتوب اليك انت اللي عالم اني معملتش اكده بكيفي سامحني يارب سامحني، أني راضية باللي قسمته ليا بس تكون راضي عني استغفرك يارب واتوب اليك 

هتف جلال وهو يناول البطاقة للمأذون 

اهي البطاقة يا شيخ يلا ابدأ 

المأذون تمام اكده محتاج كمان صور للعروسة 

جلال بنفاذ صبر 

ما تنچز يا شيخ في ليلتك اللي مهياش معدية داي، اكتب دلوك والصور هننقى نتصور وابعتهالك بعدين هو ايه اصله ديه طلعت روحي ، نطلع روحك يا بعيد 

الشيخ بخوف

اا طيب حاضر يا چلال بيه، بسم الله الرحمن الرحيم ااا 

ليستمع الجميع لصوت دربكة ما بالخارج فيقول جلال

واد يا برعي شوف فيه ايه برا وتعالى 

وما ان تقدم برعي خطوة حتى وجد الجميع عز الدين امامهم بطلته التي كلها حضور طاغي وبأعينه التي تشع قوة وصلابة

استغرب جلال وجوده ولوهة دب الرعب في نفسه 

اما زهرة وامها ففرحتا برؤيته واستبشرتا خيرا 

ليهتف جلال 

ايه اللي چابك اهنه يا واد الحچ عيسى 

ليقول عز بكل شموخ وقوة معهودة عليه 

اسمي عز الدين بيه يا چلال افتكر اسمي زين علشان عيتردد ع مسامعك كاتير من اهنه ورايح 

ليهتف جلال بانزعاج 

چاي عايز ايه دلوك يا عز الدين

عز الدين قلتلك عز الدين بيه ولا انت سامعك تقيل، لو اكده نظبطلك سمعك يمكن محتاچ تظبيط ولا حاچة وانت أظنك عارفني أقدر أظبته بسهولة ومهياش صعبة عليا 

ابتلع جلال ريقه بخوف لكنه لم يظهره 

لينظر عز الدين لزهرة التي تخشى ان ترفع اعينها في وجهه بعد ما فعلته بأخته واكتفت بدمعات غزيزة من الندم ، ومن ثم نظر مرة اخرى لجلال وقال ساخرا

إيه چيت علشان أحضر كتب الكتاب واكون شاهد كماني ولا كأنك هتكتب كتابك اكده من غير ما تعزمني، لاه مكنتش اتوقع ديه منيك ابدا، ولا انت مش صاحب واچب وأصول 

ليهتف جلال بحنق 

لاه اني مهعزمكشي ومنتاش مرحب بيك اهنه فغور يلا من دار عمي ملكش أي لازمة اهنه 

ليهتف عز ببرود شديد مكنتش اعرف انك قليل الزوق اكده يا چلال بس ملحوقة ماهو قليل الأصل والرباية يعمل أكتر من اكده وعامة هحاسبك على كل ديه في وقته متقلقشي 

جلال بغضب 

لم لسانك يا عز الدين ومتخلنيش أخرجك من اهنه بفضيحة كيف ما خرجت أختك فاطمة بعد عملتها مع راضي، لاه ولساتك ليك عين تتطلع في وشي بعد عملة اختك 

لتهتف زهرة مسرعة لاه ورب الكعبة فاطمة مع... 

ليضع جلال يده بحدة على فم زهرة ليخرسها بالقوة

اكتمي كتمة لما تكتم حسك يا بعيدة اكتمي 

ليهتف عز بهدوء كالذي يسبق العاصفة 

ايوة لساتي ليا عين ارفعها ولساتي أقدر امشي وسط الخلق من غير خزي ولساتي كماني الكل بيعملي ألف حساب حتى انت يا جلال يا منسي المهم سيبك من ديه كله وقولي كيف هتكتب كتاب زهرة من غير اخوها ما يكون موجود جارها في وقت زي ديه ها، ألا اخوها فين دلوك

نظرت ام زهرة لابنتها بخوف على ابنها لتجد أعين زهرة تزوغ هنا وهناك بفزع على أخيها 

ليهتف عز يكونشي حابسه علشان زهرة تسمع كلامك وتعمل عاملتها مع فاطمة بعد خوفها ع اخوها من انه يصيبه مكروه من بطشك!! 

لتصيح الام المكلومة بفزع 

ولدي ،، ولدي فين يا چلال عملت في ولدي الحيلة ايه حرام عليك، رجعلي ولدي يا عز بيه بالله عليك، احميه منيه 

ليهتف عز قولها ولدها فين يا چلال وليه عملت اكده 

ليهتف جلال بحنق 

انت هتاچي اهنه تتبلي عليا اياك أني معرفش حاچة عن اللي بتقوله ديه 

عز وهو ينظر لزهرة 

طب نسأل زهرة اكده ، حوصل يا زهرة ولا لاه 

لتقف زهرة بفمها الذي تورم من ضربة جلال وتقول بشجاعة دون خوف فهي الأن تعلم ان عز الدين سيحميها من بطش جلال 

صوح يا عز بيه كل اللي عتقوله حوصل، جلال هو اللي وزني اعمل اكده وغصبني عليه وهددني بخوي خالد انه هيقتله لو منفذتش اللي عيقول عليه لكن اقسملك بالله فاطمة حبيبتي ومرضاش ليها بالظلم والفضيحة أبدا بس غصب عني سامحني چلال شيطان محناش قده

جلال 

كلام ايه اللي هتقوليه ديه يا مخبولة انتي انت هتصدقها اني ايه اللي هيخليني أعمل اكده اصلا 

عز بغضب لانك كتلة شر متحركة شيطان على رأي زهرة 

واللي يأكد كلام زهرة هو خالد ، تعالى يا خالد 

شهقت الام وزهرة عند رؤية خالد الذي دلف للدار لتوه 

فتأخده امه بين يديها 

ولدي انت زين يا ضنايا طمني عليك 

ليهتف خالد بعصبية 

طلبت من رچالتك يحبسوني في الدوار ليه يا چلال عمنالك ايه تاني عايز مننا ايه ما تفوتنا في حالنا بقا انت ايه منك لله 

ليهتف عز ساخرا 

ايه يا چلال للدرجة داي بقيت بلطجي عتخطف واد عمك وتهدد اخته وتدبر وتخطط وتكيد لاختي كل ديه ليه ها عايز توصل لايه قولي، كل ديه علشان تكسرني عاد، بس تعرف محدش اهنه هيتكسر غيرك وهيتشن علقة لحد ما يبانله صاحب 

ليهتف جلال 

فكرة بس تعملها وأني ه... 

لم يكمل جلال كلمته وذاك لأن عز الدين سدد له ضربة افقدته توازنه واطاحت ببعض اسنانه من قوتها 

ليقول عز داي علشان زهرة واخوها خالد 

هم جلال بالنهوض 

انت قد اللي هتعمله ديه، اااني هوريك..

لم يكمل كلمته ثانية وذلك لأن عز الدين انهال عليه ضربا حتى ابرحه 

وداي علشان كل دمعة نزلت من عيون اختي 

أما بقا على اللي حصل وعن الفضيحة والشوشرة اللي عتعملها في اختي فداي حساب تاني خالص هتتحاسب عليه بطريقة تليق بمقامك اومال ايه هو احنا عندينا أعز منيك بردك نروقوا عليه 

اشار عز الدين لبعض رجاله 

خدوه للمكان اللي قلتلكم عليه معايزشي اي مخلوق يعرف مكانه سامعني 

رجال عز

امرك يا عز بيه

ليهتف عز اما رجالتك بقا فهيلعنوا اليوم اللي سمعوا كلامك فيه ونفذوا المكيدة لاختي، يتلموا كلياتهم ويترنوا علقة معتبرة 

رجال عز 

اللي تقول عليه هيتنفذ بالحرف يا عز بيه 

لتهتف ام زهرة بامتنان 

تسلم يا عز بيه ان شاء يخليك يارب، اني معارفاشي من غيرك كنا هنعمل ايه ، كانت بتي هتقضي بقية عمرها في مؤبد

لتهتف زهرة بندم 

حقكم عليا بالله عليك سامحني زخلي فاطمة تسامحني أني مستعدة لاي عقاب تقول عليه أني اللي استاهل 

ليهتف عز الدين بجمود 

أني لولا عارف أن چلال غصبك على اكده كمت قطعت خبرك ومع ذلك كان بامكانك تستعيني بيا ومكانش اللي حصل ديه كله حصل 

زهرة انت معاك حق يا عز بيه ، بس أني ضعفت غصب عني خوفت على خوي احنا مساكين ومسكورين الجناح وچلال شراني ومهيعرفش ربنا واصل 

عز هيتحاسب حتى لو حصلت ادفنه بالحيا المهم حق اختي يرجع، المهم اللي حصل ديه لو اتكرر تاني منيكي متولميش الا نفسك 

زهرة لاه توبا اقسملك بالله مهتتكررشي حتى لو حط السيف على رقبتي 

❈-❈-❈

#

توجهت فاطمة للخارج وهي تقول بحنق 

أني خلصت اللي چيت علشانه اهنه يا حمزة يلا بينا نعاود ع الدار 

استغرب حمزة اللهجة التي هي عليها وكذلك استغرب عدم خروج راضي معها 

ليهتف ف نفسه

هببت ايه يا راضي اثار حنق فاطمة داي مهتغضبشي بالساهل اكده 

لتهتف فاطمة على عجل يلا يا خوي نمشي 

هم حمزة من مكانه وقال بعلو صوته 

بالاذن  احنا يا راضي 

لم يجيبه راضي وانما ظل على وضعه مصدوما من كلمات فاطمة القاسية على قلبه 

وبينما حمزة يسير مع اخته في طريقه للدار حتى استمع لأحد رجاله 

الحق يا حمزة بيه، الواد بدوي عيقول انه شاف عز بيه وهو عيدور الضرب في چلال لحد ما وقع كيف البهيمة معيتحركشي وبعدين الرجالة شالوه وشكلهم اكده عيتاووه في أي خرابة 

لتتسع أعين حمزة بصدمة 

اييه، نيلت ايه يا عز يا متهور انت كان لازمن أعمل حساب تهورك ديه هتودي نفسك في داهية

لذا فما كان منه الا انه اسرع بخطاه للدار ليوصل اخته 

ادخلي دلوك يا فاطمة يلا همي 

لتهتف فاطمة فيه ايه يا خوي عز اخوي عيتعارك مع مين وحوصل ايه 

حمزة ملكيش صالح انتي همي على جوا يلا ولو حد سأل عليا قولي اني هتأخر النهاردة ومعاودش دلوك همي 

استجابت فاطمة لحديثه ودلفت للداخل ومن ثم غرفتها 

❈-❈-❈

توجه إلى حيث تجلس أخته وجلس جوارها 

نادو قاعدة لوحدك ليه 

نادين بهدوء

 عادي يا نبيل 

نبيل 

فين سمر مش كانت معاكي 

نادين دا صحيح بس راحت تعملي كوباية لبن بالعسل وزمانها راجعة 

شرد نبيل قليلا وقال 

تعرفي اني حظي وحش اوي، لما احب بسمة بنت عمتي تسيبني وتروح لغيري ، ولما افكر ف بنت تانية الاقيها اتجوزت مليش حظ ف الارتباط مش كدا 

نظرت نادين لأخيها بانزعاج لكنها لم تظهره فمن تحبه أمام أعينه لكنه لا يراها ولم يفكر فيها قط 

معلش يا نبيل كله في الاول والاخر نصيب وانت ملكش نصيب معاهم الله اعلم نصيبك هيكون فين جايز ربنا عايزلك الافضل

نبيل مكنتش هلاقي افضل من فاطمة اخت جوزك يا نادين جمال وجاه واخلاق بس للاسف جوزوها بسبب اللي حصل، تعرفي هي صعبانة عليا اوي ومتأكد انها مش موافقة على الجوازة دي وانها مجبرة توافق علشان كلام الناس 

نادين  فاطمة ربنا يكون في عونها ويصبرها على اذى الناس ولسانهم اللي مبيرحمش 

في تلك اللحظة ابصروا فاطمة تدلف لداخل الدار 

فقالت نبيل اهي فاطمة هناك اهيه 

لتهتف نادين باستغراب 

فاطمة معقول نزلتي امتا انا فكرتك نمتي 

اقتربت منهم فاطمة وقالت لاه اني كنت ف مشوار اكده مع حمزة اخوي يا نادين

ليهتف نبيل

انتي كويسة يا انسة فاطمة اسف على اللي حصلك 

فاطمة بجدية 

الحمد لله على كل حال، قدر ومكتوب يا استاذ نبيل مفيش مفر منيه 

نادين معلش يا حبيبتي كله هيعدي بإذن الله

فاطمة يارب ان شاء الله ، اني هطلع اريح ف اوضتي عن اذنكم 

نبيل اتفضلي 

في تلك اللحظة اتت سمر زفي يدها كوب الحليب الساخن 

نادو عملتلك كوباية حليب انما ايه معتبرة هههه مش هتصدقي اللي حصل 

ضحكت نادين وقالت ايه حصل ايه خربتي الدنيا في مطبخ الناس 

ضحكت سمر ولم تنتبه لوجود نبيل بينهم 

ههه لا فشر دا انا يا بنتي شيف كبير قد الدنيا 

نادين اومال عملتي ايه مش فاهمة دي كوباية لبن وعليها عسل مهياش معضلة يعني 

لتضحك سمر، وهو اللبن بيجي منين 

نادين بعدم فهم مش فاهماكي بيجي من البقرة يا ستي 

سمر بالظبط كدا اللي اخرني يا ستي ان امر الخير اقترحت عليا اعيش التجربة دي بنفسي وقد كان 

دهشت نادين

لا مش معقول ههه انتي عملتيها بجد يا سمر 

سمر اه والله العظيم كانت تجربة ممتعة بالرغم من اني كنت خايفة من البقرة اوي، لكن لقيتها وديعة خالص ومعملتش فيا حاجة وتمت المهمة بنجاح، وبقيت فلاحة صعيديه أصيلة خلاص  

ضحكت سمر وكذلك نبيل الذي قال 

ههه اكيد شكلك كان مسخرة ياريت كنت واقف كنت صورتك 

دهشت سمر لوجوده وسماعه حوارها 

هييىء انت قاعد هنا من امتا 

نبيل نعم هو ايه اللي قاعد هنا من امتا لابس طقية اخفا مثلا علشان كدا مش شايفاني 

سمر بانزعاج 

في ايه يا نبيل ما تتكلم معايا كويس ، انا حقيقي مأخدتش بالي انك موجود ودا لاني سايبة نادو قاعدة لوحدها، عامة نادو الحليب بالعسل بتاعك اهو انا طالعة 

نادين استنى يا سمر، سمر انتي يا بنتي استنى 

لكن سمر لم تجيبها فهتفت نادين بعتاب لاخيها 

عاجبك كدا يا نبيل اهي زعلت

نبيل وانا عملتها ايه يعني هي اللي اتقمصت ومشيت من غير سبب 

زفرت نادين بحنق ونهضت من مكانهت لتلحق بصديقتها

ابصرتها فاتن التي خرجت من غرفتها للتو 

نادو حبيبتي رايحة فين انا كنت جايلاك الاوضة اطمن عليكي 

نادين رايحة اشوف سمر يا ماما

فاتن ايوة فعلا شايفاها داخلة اوصتها وهي شايطة حتى مأخدتش بالها مني

نادين  كله من نبيل ابنك يا بابا بجد مش فاهمة هيشوف سمر امتا 

فاتن بانزعاج 

تاني يا نبيل انا كم مرة قولتله ولمحتله وهو ودن كن طين وودن من عجين زي ما بيقولوا 

نادين خلاص يا ماما متلمحيش ليه حاجة مفيش اصعب من الحب من طرف واحد، بلاش نعشم سمر بحاجة مش موجود ونسبة حدوثها تكاد تكون منعدمة 

فاتن الواد دا غبي هيضيعها من ايده ومش هيلاقي زيها اصلا 

نادين سمر تستاهل حد يحبها بجد يا ماما ونبيل ابنك لو فكر فيها هيفكر علشان جوازة والسلام وبس ودا اللي مرضاهوش لسمر ابدا 

فاتن ربنا يقدم اللي فيه الخير يا بنتي 

❈-❈-❈

دلف لداخل المندرة ليبصره جالس والهم يعتلي وجه 

فجلس جواره وقال ساخرا 

ايه يا ابني مالك اكده قاعد وشايل طاجن ستك ليه مكنتش سايبك اكده فيه حاچة حصلت اكيد علشان تقعد مسهم اكده ايه اللي فاتني احكيلي 

تنهد راضي بأسى 

 اختك مريدانيش يا عز واني مينفعش اجربها ع شىء هي مش رايداه ، كله الا الچواز يا واد عمي

انخرط عز الدين ضاحكا 

وانت شوفتها وقابلتها فين اياك 

راضي طلبت من حمزة اني اقابلها وصرحت ليها بالحقيقة لكنها صدمتني بأنها مهياش رايداني من اصله شوفت الخيبة اللي اخوك فيها يا عز 

هتف عز بجدية 

سيبك منها دي هبلة وكمان لو اتنططت اكده مش هطلقها منيك فمتزعلش نفسك وروق اومال داي الليلة هنمرحوا ع الاخر 

 راضي بعصبية 

انت بتقول ايه ياعز  هتجوزها غصب هي حصلت مثلا 

عز 

 مش هلاقي لاختي راجل زييك يصونها ويحميها ويحافظ عليها 

 ابتسم راضي لحديثه 

  بس اني مش رايدها تكون مغصوبة وزعلانة او مجبرة على اكده 

عز 

علشان انت بأف فين الرومانسيه والحب اللي وريتهولها هتحبك ازاي يا غبي وانت مقدمتش السبت علشان تلاقي الحد 

راضي بعدم فهم

قصدك ايه 

عز قصدي اتلحلح اكده ووقع مرتك في حبك يا بأف واكسب قلبها 

اتسعت ابتسامة راضي وقال ياسما وهو كذلك

في نلك اللحظة دلف حمزة والشرر يتطاير منه 

عز عملتها يا عز ووقعت العيلتين في بعضهم 

قالها وهو يلكم أخيه بلكمة قوية وع حين غرة