قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل التاسع عشر

2

تم النشر بتاريخ السبت

 25/11/2023

أتى أحد الرجال مهرولا على وجهه أثار القلق والزعر 

مما أثار الخوف في قلب الحج عيسى وحمزة وكل الحضور ف ذلك الوقت 

وقال

الحق يا حچ عيسى لقينا  عز بيه عيتعارك مع حد عراك واعر جوي ورفض ان حد من رجالته يتدخل واصل او يساعده

ليهتف عز بانزعاج 

وديه وقت عراك وطيش يا عز.. ديه وقته يا واد ابوي هتموت ابوك بحسرته بسبب عمايلك داي 

ليهتف الحچ عيسى بغضب

عيتعارك مع مين ديه وعايز ايه منيه وايه الحكاية بالظبط 

الرجل 

معارفشي يا حچ عيتعاركوا عند البحر والدنيا ليل مشايفشي اللي معاه وكماني كنه ملثم عيحط العمة مداري بيها وشه بس اا ااا 

الحچ عيسى بس ايه انطوق وانت يا حمزة روح امعاد ورچع اخوك لعقله بدل ما اني اللي عتدهل النوبادي وميهيعجبوشي اللي هعمله وقتها 

حمزة ماشي يا بوي 

ليقول الرجل 

بعد ما فضلوا يتعاركوا كتير ومحدش عارف يوقفهم ياحچ وقعوا التنين ف المية وبردك مكفاهمشي ديه فصلوا يتعاركوا في البحر لحد ما وصلوا للدوامات 

هنا انخلع قلب الحج عيسى على ولده وقال بزعر مماثل للزعر الذي اصاب قلب حمزة في ذلك الوقت 

عتقول ايه الدوامات وهو بحالته داي 

اخذ الرچل نفس طويل وقال بأسى فضلنا انادي عليه اني وبقية الرچالة لحد مفيش ليهم أي أثر او حس حتى 

ليتحرك حمزة من مكانه بسرعة وبخوف ع اخيه ويركب سيارته ويذهب بها ف اتجاه اخيه 

ليجد الرجال محيطون المكان ويتهامسون بصعبانية وبعضهم من يضرب كفا بكف على ما حدث له 

ترجل من سيارته سريعا وظل ينظر للماء بوجل 

ليقول احدهم 

اطمن يا حمزة بيه عيظهر ان شاء الله جايز الدوامات نطرته اهنه ولا اهنه لكنه عيظهر متقلقشي 

هم حمزة بازاحة ملابسه عن جسده ليقفز في الماء بحثا عن اخيه لكن اثناه بعض الرجال 

متتعبش حالك يا حمزة بيه كل الرجالة نطت في المية قبل سابق ودورنا عليه افكل مكان وملوشي اي أثر 

كاد حمزة ان يجن كيف لم يستطيعوا العثور عليه هو يعلم ان الذي تبلعه تلك الدوامات المميتة مفقود لكنه لم يتصور ان يحدث لأخيه هذا 

وقف كالمكبل الأيدي لا يستطيع الحراك مسلوب الارادة إلى أن وصل الحج عيسى وصاحبه أحمد وبعد الرجال 

ليهتف أحمد 

حمزة ها طمني ايه الاخبار لقيتوا عز يا ابني 

كانت نظرات حمزة وتعبيرات وجهه كفيلة بالرد على سؤاله

ليبتلع احمد ريقه بخوف وهو يقول لازم بسرعة نتصل بالمختصين يكثفوا البحث في المكان الخطر دا ، ان شاء الله نلاقيه ويكون بخير كمان 

ساد الهرج والمرج في المكان وكأنها اندلعت صافرة الطوارىء تدوي في الأجواء والجميع يعمل على قدم وساق لا يكل ولا يمل ويبحث في كل مكان 

واما الحچ عيسى فلم تعد تحمله قدماه فجلس على كرسي احضره له ولده حمزة  ليجلس امام البحر بعد رفضه العودة للدار لحين العثور على ولده عز 

انتشر الخبر في أنحاء البلدة كلها 

فهناك من فرح بالخبر وانتشى لهذا اشد انتشاء الا وهو جلال الذي كان وما يزال يخطط للانتقام منه 

على الله فعلا تكون غرقت وروحك طلعت واترحمت من اللي كت ععمله فيك يا ابن الحچ عيسى فلت من يدي بس يالا ديه أني فرحان فيك فرحة ما بعدها فرحة 

❈-❈-❈

علت اصوات العويل والصرخات والبكاء أنحاء دار الحج عيسى من النساء المكلومات إثر اختفاء عز 

واولهم الحجة بهية التي كادت ان تفقد روحها باختفاء ولدها وقرة أعينها

ولداااي عز يا ولداااي حوصلك ايه يا ضنايا يا غااالي ااه يا ولداااي .. هاتولي ولدي هاتولي عز ولدااي 

اعقبها صرخات نوارة والنساء الاخرى والقريبات من العائلة 

اما نادين فما ان استمعت للخبر حتى اغشي عليها فلم تتحمل ما حدث لحبيبها البعيد صحيح هي من سعت لابعاده عنها لكنها لم تتحمل ان يصيبه مكروه أبدا

❈-❈-❈

دلف غرفته والشرر يتطاير أمام اعينه والحنق والغضب يكسو كيانه 

هم لتخريب كل شىء في الغرفة قد  جهزه خصيصا لها لكنه لم يشأ ان يظهر بهذا الضعف أمامها فحاول التحكم في غضبه بكل ما يمتلك من قوة 

ارتمى على الفراش بكل قوته وهو يقول 

واه يا غبي كنك عتحلم لاه وعمال تبني واتخطط واهو كل حاچة اتهدت فوق راسك وراس اللي خلفوك كمان، بس تستاهل اللي يچرالك علشان تبقى بعد اكده تفكر تبص للي في مستواك ومن توبك،

وضع يده اسفل رايه وقال بأسى 

بس اعمل ايه القلب وما يهوى، قلبي اللي اختارتها ومليش عليه سلطان متصورتش اتچوز غيرها لو هفضل عمري كله عاذب .. ليه اكده يا فاطمة ليه تعملي في قلبي اكده قلبي مهيصعبش عليكي تكسريه اكده وتوؤديه بالحيا 

في ذلك التوقيت استمع لطرقات خفيفة ع شباك غرفته 

فاستغرب مضيقا اعينه 

مين ديه اللي مشافش بربع جنيه رباية وعيخبط ع  شباك عريس في ليلة فرحه أكده وربنا لأوريه مقامه السو ديه بس يستنى عليا أغير خلجاتي وعخرجله 

قالها وهو يضحك من نفسه ساخرا 

عريس!! قال عريس اياك خيبة عليك وعلى حالك المايل يا راضي هي الدنيا مهياش عايزة تضحكلك ليه يا منحوس حتى في ليلة فرحك اخدت اكبر مقلب في حياتك 

انهى ارتداء ملابسه ليسمع لتلك الخبطات البسيطة من جديد فهم بفتح الشباك والشجار مع من خلفه 

ليتفاجىء بصوت يعرفه جيدا قول لفاطمة تندلى الاوضة التانية ودخلني ابسرعة يا راضي مفيش وقت 

تفاجىء راضي بما يراه ويسمعه 

واه الله يخرب عقلك اكتر ما هو مخروب مالك يا واكل ناسك عامل في نفسك اكده ليه ومتخفي كيف المجرمين ليه ايه عامل عاملة ولا ايه

قالها ثم ضحك وقال ايوة ايوة صوخ انت هارب من چوازتك من زهرة يا حزين 

رفع عز حاجبه بامتعاض وازاح يد راضي وقفز لداخل الغرفة ليختبأ في داخلها 

ليهتف راضي بغضب 

واه واه يا جليل الحيا والرباية انت رايح فين اكده انت نسيت حالك ولا ايه 

عز بانزعاج وهو يزيل اللثمام من على وجهه 

منسيتش انك متنيل متچوز اختي بس في نفس الوقت عارف هتعمل امعاك ايه وتفوتك لحالك كيف ما اني شايفك دلوك يا حزين هو اني تايه عن البقرة اختي ولا على اللي عتعمله 

جلس راضي بضيق 

يعني كنت عارف انها هتعمل اكده طب ليه يا واد عمي مقلتليش ليه منبهتنيش بدل ما اني كنت داخل على عماي اكده وفرحان بحالي اوم الاقيني انطس في حيطة سد كيف الاعمى اللي انكب على وشه مبقاش عارفله طريق والدنيا كلياتها بحالها ضاقت بيه 

عز بجدية 

سيبك من موضوعك دلوك وركز في موضوعي وافهم أني چايلك ليه علشان عايزك تشوفلي مكان اقعد فيه اليومين دول 

راضي بانزعاج 

تقعد فين ديه ابوك لو شافك بعد هروبك ديه مش بعيد يطوخك عيلرين ويرتاح منك 

هتف عز بوجل اومال لو عرفت اني عملت ايه علشان اهرب من اساسه هتقول ايه 

راضي اشجيني حاكم اني مصاحب معتوه او مخبول ايهما اقرب 

 ..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة