قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل السادس عشر

تم النشر بتاريخ

الخميس 9/11/2023

3

نبيل باستغراب ما يسمعه

ايه!! ولما انتي عايزة تتطلقي منه اتجوزتيه ليه ، ليه وافقتي

 

نادين باسى

كانت غلطة مني زي ما بقولك، لحظة ضعف مني وقتها وافقت ماما على طلبها ياريتني ما وافقت ياريتني يا نبيل مكانش حاجات كتير حصلت بس الحمد لله كل اللي بيحصل لحكمى يعلمها الله وحده

 

نبيل

طب وهنعمل ايه ف الإشعاعات اللي دايرة في البلد ان فيه علاقة بينك وبين عز وانكم اتفقتوا ع الجواز بعد ما يطلقك حمزة

 

نادين بهدوء مش هنعمل حاحة وهنسيب الايام هي اللي هتثبت العكس، لان ببساطة مش هيحصل ومش هتجوز عز انا هتطلق من حمزة وهمشي علطول من هنا ونرجع للقاهرة

استمعت نوارة لحديث نادين مع اخيها صدفة بينما كانت تبحث عن اطفالها بالجوار

وما ان سمعت نادين تتحدث عن خبر طلاقها من حمزة

حتى انشرح قلبها وعادت البسمة اليه مرة أخرى ودب  فيه الروح من جديد بعد ان كان شاحبا ميتا لا حياة فيه

ديه احسن خبر سمعته ف حياتي واخيرا الهم هينزاح وهتغور من اهنه بلا رچعة الحمد لله يارب الحمد لله، كنها كابوس وطابق على مرواحي، لاه اني لازمن احتفل بالخبر الجميل ديه واروق على حالي

 

قالتها وذهبت مسرعة لاحدى الخادمات تطلب منهم الاعتناء بأطفالها بينما هي شرعت للصعود لأعلى حيث تكون غرفتها

وبينما هي تهم بالصعود حتى استمعت لصوته غاضبا مزمجرا

نوارة استني عنديكي

التفتت اليه باسمة

اهلا يا عز يا خوي كيفك

طالعها عز بنظرات شرسة وقبل ان يتكلم شهقت نوارة بصدمة لما حدث لوجهه من أثار لكمات وتورم ظاهر للعيان

واه مين عمل فيك اكده ياخوي كفا الله الشر

طالعها عز بغضب

عايزة تعرفي مين اللي عمل فيا أكده

 

نوارة

 اوعاك يكون البو چلال بن المنسي ربنا يجحمه مطرح ما هو

 

عز وهو يرمقها بغضب

لاه اللي عمل أكده حمزة خوي چوزك يا نوارة

اندهشت نوارة وفتحت اعينها باستغراب

واه ليه اكده انتوا اتعاركتوا كيف زمان ولا ايه

 

عز بانزعاج

 عارفة بسبب ايه؟؟ بسببك

نوارة

 بسببي أني، ليه كفا الله الشر أني دخلي ايه بيناتكم انتم التنين

 

عز وهو ينظر لها بغضب وانزعاج

عملتيها مرة ومكفاكيش علشان تكرريها تاني يا نوارة، اتغاضيت عن عاملتك قبل سابق وقلت ميهمش يا واد يا عز داي بردك مرة اخوك وزي اختك والغلط وارد سامحها، لكن حوصلت ان الحقد والغل يعموكي للدرچة دي علشان تخوضي في أعراض الناس وبينات الخلق كلياتها كماني، ديه اللي مهسمحش بيه واصل ولا هسامح فيه

 

نوارة بتوتر وريبة

براحة عليا يا خوي الكلام اللي هتقوله ديه مهواش هين ابدا

 

عز بصوت عالي أشبه بالصراخ

عملتيها مرة كيف مستنكرة تعمليها تاني، عارفة اني من الاول بحب نادين ومكفاكيش انك توقعي بيني وبين اخوي، لاه دورتي الحديت بين الستات لحد ما الحكي خرج برات الدار، رغم انك عارفة ان ممنوع أي حرف يتقال چوة اهنه انه يخطي عتبة الدار صوح ولا لاه

 

نوارة ابتلعت ريقها وقالت محاولة الدفاع عن نفسها

لاه يا عز اقسملك بالله انت ظالمني محصلش حاچة من ديه واصل، ديه أني حتى مقولتش لأمي الموضوع ديه من اساسه ولا چبتلها سيرة احلفلك بالله وعلى المصحف كماني ولو ع اللي عملته قبل سابق اني ندمت عليه ومكررتوش تاني وربنا اللي يشهد

 

استغرب عز الدين حديثها فضيق ما بين حاجبيه وقال

كيف ديه ان مكانش انتي هيكون مين اللي سرب الكلام برا ومحدش يعرفه من اساسه غيرنا ما هو مش معقول أني اللي هدور في البلد أقول

 

نوراة بحزن لشك عز بها

معرفاشي يا خوي معرفاشي، بس لازمن تعرف اني عحب الدار اهنه واهلها ناسي وتاچ راسي، وسمعتها وسمعتك من سمعتي ولا يمكن اسىء ليكم واصل ومهمن كان ،مهخبيش عليك اني كنت حاقدة وناقمة على نادين علشان خدت چوزي مني، لكن متحصلش اني اعمل اللي عتقول عليه ديه، عن اذنك يا خوي

 

ابتأس عز الدين من فعلته واراد الاعتذار

اا اني اسف يا مرة اخوي اني عليت صوتي عليكي وكلمتك بحدة اكده لكن أني هتجنن مين اللي نشر الكلام ديه وازاي وصله علشان أكده شكيت فيكي انتي لانك الوحيدة اللي ليكي موصلحة ف ديه سامحيني

 

نوارة بهدوء

مسمحاك يا عز يا خوي عارف ليه، علشان اني كمان غلطت قبل سابق وانت سامحتني يبقى خلصانين يا خوي واحدة بواحدة بس اتمنى تكون امصدقني

 

عز

 مصدقك يا نوارة حقك على راسي يا ام الغوالي

 

نوارة

محصلش حاجة يا خوي، وربنا يكفينا شر الناس المؤذية يارب

❈-❈-❈

هتف نبيل بهدوء

نادين انا هروح اقول لبابا الكلام اللي قولتيه دا واستعدي بعد فرح فاطمة هنمشي علطول انا مش عارف اصلا الفرح هيتم ف معاده ولا هيأجلوه بسبب الموضوع دا والله كل يوم بنلاقي الامور بتتعقد

 

نادين بعقلانية

كل حاجة وليها حل ان شاء الله يا نبيل متشلش هم لحاجة، ربنا كبير اوي وهيحلها من عنده الناس دي طيبة اوي علشان كدا ربنا مش هينساهم أبدا وهيقف معاهم

 

نبيل وهو يغادر

ان شاء الله اطلعي انتي يلا ع اوضتك متقفيش كدا

 

نادين تمام طالعه اهو

 

وأثناء التفاتة نادين وتحركها من مكانها حتى ابصرت فتاة وسط الأشجار تضع طرف حجابها لثاما على فمها وتشير اليها

فتعجيت نادين ونظرت خلفها

انتي بتشاوريلي انا

هزت الفتاة راسها والتي لا يظهر منها سوى عينيها 

فاقتربت منها نادين بينما الاخرة تحاول الاختباء جيدا بين الاشجار

نادين

خير انتي مين وعايزة ايه

الفتاة وهي تتلفت حولها

أني عايزاكي في خدمة يا ست نادين

 

نادين بطيبة وتلقائية

اي خدمة انا معاكي في اي حاجة تحتاجيها، انتي هنا شغالة في بيت الحج عيسى مش كدا...

 

لم تكمل نادين كلمتها لانها وجدت تلك الفتاة تضع على فمها قطعة من القماش تكمم بها أنفاسها

حاولت نادين التملص منها والفرار بنفسها لكنها سرعان ما خارت قواها وغامت الدنيا من حولها و اختفت الأرض من تحت أقدامها وغابت عن الوعي سريعا....

 ..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة