رواية جديدة 

زوج مؤقت

تنشر حصريًا 

على مدونة رواية وحكاية 

قبل أي منصة أخرى

 الفصل الرابع

2

تم النشر السبت

25/11/2023

عودة للصفحة السابقة

❈-❈-❈

(في شقة فريد)

فور أن فتح فريد الشقة المخصصة لزواجه من نهال حتى أغلق الباب في سرعة وقال وهو يستنشق رائحة السجائر القوية التي تنبعث من إحدى الغرف:

_سمر! سمر ريحة السجاير بتاعتك بتقول انك هنا 

ظهرت سمر من إحدى الغرف ثم نظرت له في سخرية وقالت: 

_مالك مرعوب كدا، خايف العروسة تشوفني 

هتف فريد في سخط وغضب:

_دام أوف يو( اللعنة عليك) سمر انت ليه مصممة على الطريقة دي احنا عملنا ديل( اتفاق) وخلصنا لو مش عاجبك الغيه 

هتفت سمر وهي تنظر له في غضب:

_واي اللي مش عجبك دلوقت؟ ما كل حاجة ماشية زي ما اتفقنا احنا مع بعض من غير ما هي تعرف وصورتك لسه قدامها سليمة ومتهزتش اي الحكاية يا وارد أمريكا يا خواجة افندي 

زفر فريد في ضيق ثم تابع: 

_بتتصلي وهي معايا، بتدخلي الشقة من غير ما تعرفيني ما انت عارفة ان احنا بنجهز وخلاص الفرح بعد يومين وبعدين 

انت خدت نسخة  المفتاح دا ازاي؟ 

هتفت سمر في ضيق: 

_ أنت نسيت أن نسخة من  مفتاح الشقة دي معايا من أول يوم دخلنا هنا سوا

لم يجب في حين تابعت هي: 

 أنا بتصل بيك لاني بحس اني محتاجة لك، الوقت امتا؟ مش مهم

هي معاه ولا لأ ؟بردوا مش مهم ما هي عارفة أن أنا فرد من شلتك 

هتف فريد في عصبية: 

_وأنت عارفة كمان انها مش عايزة يكون ليا علاقة بيكم، 

نظرت له سمر في سخرية وتابعت: 

_وخصوصا سمر مش كدا؟ بالعموم أنا هخرج واضح اوي أن مزاجك الليلة دي مش تمام 

قبل أن تصل إلى الباب كانت يد فريد تجذبها حتى تعود إلى الداخل مرة ثانية وهو يهتف: 

_ما هو أنا علشان عايزك معايا بقول ناخد حذر، انت عارفة من أول يوم أن لازم اتجوز نهال 

هتفت سمر في مكر'

_لازم تتجوزها علشان مينفعش معاها غير الجواز صح كدا؟ 

نظر لها فريد في هدوء ثم تابع: 

_علشان حاجات كتير تانية 

تابعت سمر في سخرية: 

_الفلوس بتحب الفلوس صح كدا، والتسهيلات ورجال الأعمال اللي هنا وهناك 

لم يجب فريد في حين قالت سمر وهي تتجه إلى إحدى الزوايا: 

_ذوقها مش بطال، بس هي ليه مجبتش بار هنا؟ هي متعرفش انك بتشرب ولا اي؟  

لحق فريد خطاها ثم قال وهو يلف  يده على  خصرها: 

_أنا  مبشربس غير لما نكون أنا وأنت بس مع بعض 

سمر في دلال: 

_أها، فهمت 

فريد وهو يجذبها إلى إحدى الغرف: 

_اي الوقت كله هنقضيه كلام ولا اي؟ 

سمر:

_اللي يشوف لهفتك عليا ميشفش كلامك اللي يوجع قلبي وانت عارف ان بحبك وراضية بكل حاجة معاك، أي حد غيري مش هيستحمل المعاملة دي 

فريد: 

_ما قلت لك يا أس أس، أنت حد مهم (فري امبورت)  في حياتي،   في حياتي وأوقاتي كلها   أن أنت زي المارون جلاسية حلو اوي مقدرش أستغني عنه لازم يكون في حياتي لازم ضروري بس بعد الأكل الأساسي مشكلتك يا جميلة ان شفتك بعد الأكل الأساسي مباشرة 

وعلشان كدا لازم أحلي بيك( يو ار ماي سويت) 

سمر في مكر وهي تضع يدها على عنقه: 

_طيب وهنحلي فين بعد كدا ؟ 

فريد: 

_ أكيد مش هنا، دي شقة الزوجية، ومينفعش مطلقا يكون فيها حد غير نهال، في اي فندق أكيد  أو نجيب لينا شقة خاصة بينا بس وعد مني مش هنسيب بعض نهائي

بعد مرور ساعة كان الهاتف الخاص ب فريد لا يكف عن الرنين اعتدلت سمر على الفراش ثم وكزت فريد قائلة: 

_حبيبي الفون مش مبطل رن 

اشاح فريد بيده في كسل  وهتف ببعض السباب والشتائم، مما جعل سمر تتابع: 

_أكيد العروسة عايزة تاخد رايك في حزمة الفرح؟ أو عايزة تسمع كلمة حب منك

لم يجب فريد في حين قالت سمر في كسل: 

_لو مقمتش هرد أنا وهتبقى فضيحة أو اقول لك أنا هقفل الفون دا وأنت ابقى قولها أن الفون فصل شحن 

التقطت سمر الفون ثم نظرت إلى الشاشة وشاهدت رقم المتصل وقالت في صوت به استنكار: 

_مش معقول مش عارفين نرتاح ولا ننام، دي ماما يا فريد اللي بتتصل 

ما كادت تتم عبارتها حتى توقف الرنين فجأة وما كادت تضع الهاتف جانباً حتى استمعت إلى صوت صفارة الرسائل فقالت: 

_احسن حاجة عملتها أنها سابت رسالة معنى كدا انها مش هتتصل تاني 

نظرت سمر الى فريد الغارق في النوم ثم التقطت الهاتف وفتحت الرسالة قرأتها مرة وأثنان ثم ابتسمت وتابعت:

_ خير فعلاً وأنا شايفة أن الوضع دا هو اللي صح

تقلب فريد في الفراش ثم تمتم ببعض كلمات استطاعت سمر أن تسمع كلمة نهال بينها فقالت وهي تهمس في أذنه: 

_لا يا حبيبي نهال مش هنا أنا سمر اللي جنبك 

ثم أطلقت ضحكة خبيثة ماكرة تنم عن حقد دفين في قلبها وقالت: 

_تعرف أن أنا سعيدة ومبسوطة سعيدة أوي

وضعت سمر يد على صدر فريد العاري وقالت:

_الصبح يا بيبي لازم تشوف رسالة ماما

ثم أكملت في إصرار تنزف منه رائحة التشفى: 

_مش همشي من هنا غي.ر لما تقرأ الرسالة بنفسك

كانت الساعة قد أشارت إلى الثانية عشر ظهراً حين استيقظ فريد ابتسمت له سمر التي كانت تجلس إلى جواره بملابس شفافه جداً وقالت في هدوء: 

_فرح سعيد عليك يا قلبي

نظر لها فريد في مكر  ثم تابع: 

_سو وات؟ بلاش تقلب المزاج دا يا أس أس 

وضعت سمر يدها حول عنق فريد وقالت: 

_أنا حقيقي مبسوطة أوي أوي وكلمة مبروك دي من قلبي عارف ليه؟ 

نظر لها فريد في انتظار اجابتها للسؤال ولكن هاتفه رن مرة ثانية مما دفعها أن تقول له: 

_مين اللي متصل؟ 

نظر لها فريد في لهجة تحذير وقال:

_نهال مش عايز أسمع كلمة منك هنا مفهوم؟ 

وضعت يدها على فمها وتابعت: 

_مفهوم يا حبيبي طلباتك أوامر 

نهال:

_مورنينج ماي فويتشر هاسبند 

فريد: 

_مورنينج ماي وايف 

نهال: 

_مش عايزة تأخير اليوم على ال كاميرا مان علشان صور المناظر الطبيعية بتاعت الفرح 

فريد: 

_اطمني يا حلوة ساعة بالضبط وهاكون موجود، وبعدها نطلع مباشر على قاعة الفرح

نهال: 

_اوكي في انتظارك لف يو 

فريد: 

_مي تو 

نظر فريد إلى سمر وقال: 

_سمر رتبي السرير كويس والأوضة من فضلك 

هزت سمر كتفها بعدم اكتراث وقالت: 

_ليه يا حبيبي هو حد جاي يزورك الليلة؟ 

فريد: 

_مش عايز هزار النهاردة الفرح خلاص انا هضبط كل حاجة قبل ما امشي علشان نهال متاخدش بالها من حاجة أو تشك في حاجة  

نظرت له سمر في عمق  ثم انفجرت ضاحكة وتابعت: 

_في رسالة من الماما من امريكا ولازم تقراها في قرار مهم لازم يتنفذ النهاردة، يدوب تقراها علشان مافيش وقت اضافي مع الأسف دي لحظات فارقة في العمر، لحظات مصيرية يا فري

فتح فريد الرسائل ثم جلس على الفراش وقد غرق في التفكير رفع نظره الى   سمر ثم قال: 

_أنت قريت الرسالة يا سمر صح؟ 

رفعت سمر رأسها إلى أعلى وتابعت: 

_ ايوا يا حبيبي قريتها، وعرفت كل حاجة، غريبة أن الليل دا كله مفاجات مش على البال ولا الخاطر، أنا خلاص  جهزت لك كل حاجة يا بيبي علشان تعرف أن سمر مخلصة ليك، يا لا 

علشان مش تتأخر على ميعادك يا لا يا بيبي

ران صمت بينهم عشر دقائق كاملة قبل أن تقول سمر: 

_أنا عارفة قرارك يا فريد، مافيش داعي لكل اللي بتعمله دا، الماما منتظراك الليلة واي تأخير هيكون فيه ضياع حقيقي 

هتف فريد وهو ينظر إلى صورة نهال المعلقة على الحائط في حسرة: 

_باط(لكن)!!؟ دا قرار صعب أوي، دي نهال مش حد تاني  

وضعت سمر يدها على كتف فريد وقالت: 

_صعب عليك أن آخر نقطة في خطتك متنفذتش صح كدا؟

نهال  العنب الحلو  منزلش طعمة في بقك يا جان فريد لسه، هو دا اللي تعبك بس، مش حبها في قلبك ولا غرامك بيها 

ولو قلت كدا للدنيا كلها مش هتكدب عليا أو على ماما، أسمع يا فريد أنا عارفة تفكيرك كويس الأهم الأول  المصلحة الاول الهدف اللي توصله واي هي الطرق اللي بيها يتنفذ  قراراتك كلها كانت علشان غرض واحد يقوي موقفك ودلوقت أنت قدام قرارين مين اللي يختاره فريد والقرا هو  محسوم  أصلاً من قبل ما يتعرض علشان كدا ال ماما اختارت وال بابا كمان، يا لا يا فريد واذا كان على القرار التاني  هو  كدا خلاص انتهى واتحرق جيم أوفر يا خواجة  

فريد: 

_لا  أكيد في حل أنا لازم أكلم ماما مش معقول اللخبطة دي 

سمر: 

_حبيبي ماما مش منتظرة كلام منك أو حتى هتتناقش معاك، بلاش جدال مالهوس لازمة، ماما خلاص أصدرت لك الأمر، وأنت كمان مأيد كلامها وقراها دي فرصة مش هتتعوض تاني زي ما هي قررت ولقطت الفرصة ليك  

يا لا وأنا هاكون معاك لآخر لحظة 

وقفت أمامه مباشرة ثم فردت ذراعيها عن آخرها وهي تقول في سخرية : 

_غريبة اوي اني عمري ما حطيت في تفكيري أن في حد بيكرهه نهال غيري طلعت ال ماما اكتر واكتر