رواية جديدة 

زوج مؤقت

تنشر حصريًا 

على مدونة رواية وحكاية 

قبل أي منصة أخرى

 الفصل السادس

2

تم النشر الخميس

30/11/2023

العودة للصفحة السابقة

❈-❈-❈

توقفت السيارة أمام القاعة، تبادل الجميع النظرات، أخرجت ايفا من حقيبتها أنبوبة صغيرة بها مسك ودهنت  اصبع واحد فقط من يد نهال وهي تقول: 

_من الحسد والعين برقيك  يا حبيبتي

ثم قالت وهي تنظر ل سليم: 

_بتحب ريحة المسك؟! 

قال سليم وهو يهز رأسه علامة النفي: 

_لا 

هبط سليم أولا من السيارة بعد كلمات إيڤا، ثم مراد في حين قالت إيڤا وهي تساعد نهال حمل الفستان و  الخروج من السيارة: 

_الليلة دي لازم تكوني أميرة، ضحكتك لازم تكون منورة وشك، الفستان الأبيض دا لازم له طله محصلتش طلة الكل يتحاكى بيها، عينيك دي لازم تضحك اوي تنور للكل، نهال هي العروسة الجميلة اللي فاز بيها اللي يستاهل فهمتي يا بنتي؟ مش عايزن حد

يحس بحاجة، لازم الكل يقول إن نهال وسليم واخدين بعض عن حب، الليلة دي قصدي الكام ساعة اللي جايين هما اللي لازم تترد فيهم كرامتك لازم، وعلى أد الموقف  دا وصعوبته لازم تكون ضربتك ليه  

اوعي تتهز فيك شعرة، اوعي يا نهال تتاطي راسك ارفعي وشك واضحكي يا عروسة 

هزت نهال رأسها في استسلام وقالت: 

_خليك جنبي يا إيڤا 

قالت ايڤا وهي تعدل طرحة نهال' 

_طول العمر جنبك يا حبيبتي 

مع التصفيق الحاد من جانب المعازيم وأصوات الغناء دلفا سليم ونهال الى القاعة مع زغاريد إيڤا

التي كانت تحرص طول الوقت على التواجد في وجه نهال حتى تذكرها بكلماتها  

 وإبتسامة سليم التي حرص على رسمها في مهارة شديدة بين الناس 

أما مراد فلقد صافح كل من حضر زفاف ابنته وهو يؤكد لهم أن سليم رضوان هو الابن المثالي الذي اختاره زوج لابنته 

بعد أن قام بفسخ الخطوبة منذ شهر كامل 

على الشخص الآخر 

الذي لم يعد يذكر اسمه 

(زوجتك بنتي نهال البكر الرشيد على سنة الله ورسوله وعلى الصداق المسمى بيننا) 

قال المأذون وهو ينظر إلى سليم: 

رد يا بشمهندس وقول أنا قبلت 

نظر سليم إلى المأذون ثم إلى مراد وقال في ثقة: 

_قبلت 

ومع رش الملح مع الورد من إيڤا  أعلن المأذون زواج نهال وسليم

الرقصة السلو للعروسين بس فضوا المكان  

لو سمحتم يا جماعة

هتف المغني الشهير بتلك الكلمة، وقام بدعوة نهال وسليم، إلى الرقص وأطفئت الانوار، كانت لمسه سليم تجعلها تشعر برعشة قويه فهي تشعر أن الشخص غريب عليها بل دخيل أيضاً، لمسته تجعل كل جسدها يرتعد  أنها تشعر أنها غارقة في عالم من الفوضي قال سليم بضع كلمات حاولت نهال أن تفسر الكلمات ولكنها لم تستطع في حين نظر لها سليم في عمق قبل أن يردد وهو يهمس في اذنها بصوت قاسي: 

_كلها دقايق والرقصة تخلص وكل حاجة تنتهي، حاولي تركزي هنا وبعد كدا اسرحي بأفكارك زي ما انت عايزة، قدام الناس كملي التمثيل 

لم تجب نهال والقت نظرة على الأب الذي كان يبتسم وهو رافع الرأس 

مما جعلها تشعر ببعض الراحة والأمان وحين اصطدمت نظرتها ب سليم  كانت نظراته موجهه الى والدها أيضاً

مما جعلها تفهم أن سبب 

موافقة الشاب الغريب على الزواج منها هي  تلك النظرة التي تحتوي 

على التقدير والشفقة أيضاً

انتهي الفرح بعد أن تم توزيع الهدايا على جميع من حضر الفرح، وقالت ايڤا وهي تجلس في الكرسي الخلفي من  السيارة: 

_على البيت ولا اي يا مراد بيه 

قال مراد وهو ينظر إلى مراد: 

_على بيت العريس 

قالت نهال وهي تشعر بصدمة: 

_بابا ازاي؟ أنا 

قال سليم وهو ينظر لها بوجه جامد: 

_على الاتفاق اللي مع عمي مراد، هتفضلي ضيفة في بيتي وبس 

تنهدت نهال في عمق في حين قالت إيفا: 

_يا لا علشان في ناس واقفين على مسافة قريبة ومتنساش الكلاكسات وأنت سايق 

حملت إيڤا العبوات والأكياس وهي تعبر منزل سليم الذي ظهر موحش ومخيف وهو مظلم وقالت: 

_معلش يا بني أنا دقة قديمة، لازم أدخل انا قبل الكل، دي دخلة بنت من بيت ل بيت وأنا ليا دماغ ومش هرتاح غير لو عملتها، حتى لو الجواز مش كامل  للآخر قصدي:::

صمتت لحظة ثم قالت وهي تقبل خد نهال: 

_انا اللي ربيت نهال  واول يوم تبعد عني فيه، لازم اطمن معلش يعني هاعمل في بيتك  حاجة مش هتضر،  وبردوا 

   أحط عشا العرايس بنفسي في الأوضة  حتى لو متاكلش، بس أنا ندرت ولازم اوفي بالندر 

وفي حاجات كدا لازم اعملها علشان خاطر العروسة 

لم يجب سليم في حين دلفت إيفا مباشرة تبحث عن ازرار الإضاءة وقامت بوضع الورود في كل مكان في المنزل، مع روائح عطرية في كل مكان  ثم قامت برش الملح أمام كل الغرف، ثم 

وضعت في الحمام نوع معين من الصابون ذو رائحة نفاذة مع الكثير من الشامبوهات 

وقامت بوضع الكثير من الملابس في خزانة الهدوم وأخرجت مصحف كبير وضعته في الصالة الكبيرة وقامت على  إطلاق الكثير من البخور في إحدى الزوايا ثم قالت وهي تمد يدها للجميع: 

_اتفضلوا 

دلف الجميع إلى المنزل في حين قال مراد وهو يضع يد على كتف سليم: 

_أنا متشكر اوي يا بني 

قال سليم وهو ينظر له في شفقة: 

_اطمن عايزك تطمن 

قال مراد وهو ينظر إلى نهال المشغولة في الحديث مع إيفا: 

_انا عارف انك هتصون الأمانة 

على الجانب الآخر قالت إيفا وهي تمسك يد نهال' 

_اي في اي؟ متوترة ليه؟ أنا سائبة ليك في التلاجة كل العصاير الفرش واول ما النهار يطلع هاجي لك على طول يا بنتي والله لولا الاحراج من الراجل دا كنت طلبت أبات هنا 

قالت نهال وهي تنظر إلى والدها: 

_ الدنيا مقلوبة في نظري اوي، حاسة أن في طعنة في ضهري، حاجة غريبة أوي حساها، مش عارفة اتنفس حاسة اني بغرق في بحر رمل  مافيش حتى حرية اني احزن، اصل الحزن ساعات بيريح البكى على النفس كمان بيريح بيهدي نار الظلم اللي أنا حاساها يا إيڤا،  لما تعيش الحزن وياخد وقته  بدل ما تمثل انك فرحان التمثيلية دي مخلياني  مقهورة اوي من جوا،   بس مينفعش حتى 

اعيط، لازم أقف وأمسك نفسي وارفع رأسي مش علشاني وعلشان كرامتي وبس لازم  أعيش الوضع دا علشان بابا، مافيش حاجة مهونة عليا اللي انا فيه  النهاردة غير راس بابا اللي كانت أعلى من الكل النهاردة  حسيت براحة شوية  لما حسيت أن بابا مرتاح 

ربتت ايفا على كتفها وقالت: 

_اهدي كدا ومتفكريش دلوقت في أي حاجة حاولي تنامي 

 نظرت  نهال إلى سليم وتابعت: 

_وسط الغربة دي أنام؟؟؟