قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل العشرون

2

تم النشر بتاريخ السبت

 2/12/2023

فاطمة 

بس ااني سمعت صوت غريب جاي من اوضتك وكأنك بتكلم حد 

راضي بضجر 

يا ستي لا حد ولا سبت بكلم روحي من اللي بيحصلي ايه مكلمش روحي كمان واتچنن مثلا اياك 

تنهدت فاطمة باسى 

راضي أني اسفة مقصدش ازعلك اني عايزاك تفهمني ..أني مقصديش اهينك أو اقلل منيك لا سمح الله أني بس كل الحكاية اني اني... ااا 

اخرجها راضي من ارتباكها وقال 

ممحتجاشي اتبرري حاچة يا بت عمي قصدك وصل خلاص واني ع اتفاقي امعاكي شهر ولا تنين وكل واحد ايروح لحاله ها اكده مرضية يا بت الناس 

ل

ابتسمت له فاطمة برضا

ايوة مرضية شكرا ليك يا راضي بس اهم حاچة متكونش زعلان حاكم أني من وقتها واني بلوم في نفسي وبعاتبها علشان معبرش صوح 

هتف راضي ببلاهة وقال بلهجة هائمة 

خايفة على زعلي يا فاطمة يهمك زعلي اوي اكده 

فاطمة 

اكيد أني محبش ازعلك انت مهمن كان صاحب خواتي وقدمت ليا معروف لا يمكن انساه يبقى ازعلك ليه وعلشان ايه 

راضي

 طلعتي طيبة يا بت وانتي اللي فكرتك بجرة معتفهميشي 

كشرت بوجها وهتفت باستياء 

اني بقرة يا راضي! 

ضحك راضي 

يا بت بهرج امعاكي اني اللي بجرة وستين بجرة ها اكده مرتاحة 

ابتسمت فاطمة 

ان كان اكده ماشي 

جاء الدور على راضي ليكشر عن انيابه بقا اني بقرة يا بت يا فاطمة ينفع اكده تقولي عن چوزك حتى لو كان مؤقت بجرة طب والله ما راچع عنيكي 

تراچعت فاطمة وهي تضحك رغم خوفها من تهوره 

وربنا ما قلتها انت اللي قولتها بلسانك مش اني 

ضحك راضي وقال وهو يسير امامها 

طب تعالي ورايا ع الموطبخ ناكلو لقمة اكيد انتي چعانة ومكلتيش حاچة من الصبح واني ميرضنيش اتنامي بمعدة خالية اكده 

فاطمة

بصراحة ايوة اني چعانة فعلا 

راضي

وساكتة من الصبح يا بقرة مقلتيش ليه 

 وقفت فاطمة محلها

بردو بقرة 

تبتسم راضي 

لاه خلاص متزعليش تعالي يلا ناكلوا 

فاطمة لاه چيبلي طبقي واني هاكله چوا في الاوضة لحالي 

راضي 

ليه ما تاكلي امعاي تنسبني اني مهحبش اكل الحالي ولا اروح اشيع لأخوكي عز ياچي يونسني هو ا بدال مرتي!! 

فاطمة 

بس اني مش مرتك ولا نسيت الاتفاق 

راضي 

يا ستي فرضا يعني تمثيل عديها يا فاطمة وكلي ويياي ولا ميشرفكيش تقعدي تاكلي مع ابو چلابية معبية شقا وربنا داي چلابية چديدة نوفي مشتريها مخصوص علشان الفرح 

ضحكت فاطمة ولم تستطع السيطرة على ضحكاتها 

فكشر راضي 

واه عتضحكي ع ايه يا واكلة ناسك انتي عتتمسخري على طب تعالي اهنه

هتفت فاطمة باسمة 

خلاص خلاص هقعد اكل امعاك وامري لله 

راضي بحب 

ان كان اكده ماشي عفوت عنيكي 

فاطمة 

بس اني معرفش اقعد ع الطلبية امعاك انحرج 

راضي 

لاه اني چايبك طرابيزة خشب وكرسين لاني عارف انك عتحبي تاكلي على السفرة كيف ما كنتي عتاكلي في داركم ..اهم اهناك چنب التلاچة افرديهم واقعدي على ما اغرف الوكل 

همت فاطمة بفرد الترابيزة والكراسي وجلست باستحياء إلى أن وضع راضي الطعام أمامها وقال 

يلا كلي بسم الله الحجة بهية متوصتشي في وكل الفرح وكل كله مما لذ وطاب 

وجدها لا تقرب الاكل وتجلس بحرج فضحك 

يا بت كلي متتكسفيش ديه زي داركم تمام .. طب اقولك ادير وشي الناحية التانية علشان تاكلي ولا اعمل ايه 

فاطمة 

متعودتش اكل مع راچل غريب 

راضي 

بس اني مش غريب يا فاطمة اني چوزك وحلالك 

ارتبكت فتطمة ونهضت من مكانها وهي تفرك ف يدها 

اا لاه اني غيرت رأيي مبديش اكل أني هقوم 

امسك راضي يدها بحركة عفوية 

لاه وربنا ما يحصل ما هتروحي تنامي اكده ع معدة خالية ديه حتى عيبة افحقي اقعدي يا بت الناس ريحة الوكل لوحدها لا تقاوم حد قالك عني اني بخيل اقعدي 

ارتبكت هي من امساكه بيدها وقال بخجل 

طب سيب يدي واني هقعد 

راضي بمشاكسة 

ايه ديه  ايه اللي جاب يدك في يدي لا موآخذة اصل يدي اكده ساعات هتمشي وهي نايمة 

انفجرت فاطمة ضاحكة من خفة دمه التي لاحظتها وشعرت بالألفة بها 

فكشر راضي مدعيا الانزعاج

واه فيه ايه يا بت انتي فشك عامية اكده ليه كني كل ما اقول كلمة عتضحكي اياك كني بلياتشوا قدامك ولا اراجوز اجعدي الوكل برد يا واكلة ناسك محبوش بارد وهخليكي اتسخنيه من تاني 

جلست فاطمة والابتسامة ع وجهها 

لاه لاه يلا نلحقوا ساخن ابسرعة 

ابتسم راضي وجلس في مقابلتها وبدأ في تناول طعامه والبسمة لا تفارقه بوجود محبوبته إلى جواره والذي اقسم ان يفعل كل ما بوسعه لينال قلبها مهما كلف الأمر

❈-❈-❈

تعبت نادين بشدة وتم نقلها للمشفى في الحال بعد سماعها اختفاء عز وربما فقد أره للأبد 

ليذهب الجميع معها للمشفى امها وبهية ونوارة وسمر

جلست سمر تبكي صديقتها بألم 

يا حبيبتي يا نادو متحملتش ان عز يجراله حاجة أنا خايفة يجرالها حاجة بسبب الموضوع دا ربنا يستر يارب سلم يارب 

لتهتف بهية وهي تنعي حظ ولدها العكر 

حسرة عليك يا ولدي كان فيها ايه لما نعمل اللي انت رايده كان فيها ايه لما نچوزك اللي قلبك رايدها ليه نغصبك على حاچة انت مرايدهاش علشان بعدها يحصلك اكده، والبت اهي كمان رايداك يا حبة عيني بس عتعاند هي كمان لحد ما هتروح فيها جيب العواقب سليمة يارب ورچعلي ولدي بالسلامة اني قلبي حاسس انه ابخير والله قلبي حاسس، ارچع يا ولدي وأني بنفسي اللي عتقف لأبوك واخليه يچوزهالك يا عيني عليك يا ولدي ... عز يا ولدي انت فين مهتفوتش امك اكده وتوچع قلبي عليك ارچعلي يا ولدي بالله عليك 

لتقترب منها نوارة وتحتضنها

خلاص يا خالة بكفاياكي ان شاء الله هيلاقوه، عز ولد عيعرف يسبح امنيح وان شاء الله يكون موجود في حتة أمان متقلقيش والله اني متأكدة ان على الصبحية اكده هنسمع أخبار حلوة عنيه 

بهية بقلب يتآكل على ابنها 

يارب يا نوارة يارب .. ربنا يسمع منك وميخسرنيش ولدي أبدا 

❈-❈-❈

رجع غرفته منتشيا والابتسامة لا تغادر وجهه يطلق صفيرا بفمه تعبيرا عن سعادته وهو يتذكرها تأكل معه كان وكأنما حيز الدنيا وما فيها

يابوووي يا ولاد ديه حلم ولا علم.. بركاتك يا واد يا عز خطيت أول خطوة من خطوات سلم المچد يا واد عمي 

نهض عز من مكانه من الارض وهتف باستياء

صدق بالله انت معندكشي دم ولا عتحس كماني 

راضي بضجر 

واه فيه ايه يا بو انت خرجتي من المود عايز ايه

عز بضجر 

كنك راچعلي بيدك فاضية يا زفت فين الوكل اني على لحم بطني من الصبح عصافير بطني عتصوصو 

راضي 

والله لو كانت عتهوهو كماني اني مالي كنت خلفتك ونسيتك اياك أني مالي بيك تاكل ولا لاه اعملك ايه اتخمد وسيبني في روقاني متعكرش مزاجي انت وجودك اهنه غلط من اساسه 

دفشه عز باستياء

عارف يا زفت لو مجبتليش حاچة اكلها هعمل فيك ايه 

نهض راضي بانزعاج 

عارف اني مهخلصش منيك طيب هروح أجيللك حار ونار في جتتك ولو انك والله متستاهلي بعد العملة اللي عملتها بس يلا هچيبلك تاكل يمكن تكون داي اخر واجبة تاكلها بعد اللي عيعمله فيه ابوك، بعد اكده مهتاكلشي الا كل علقة وأختها 

عز بضجر 

بتفول في وشي يا زفت 

راضي 

داي الحقيقة يا واد عمي اللي عملته مهيعديش بالساهل أبدا واتحمل نتيجة تصرفاتك بقا أني مهدافعشي عنك بل بالعكس هقف معاهم وهشجعهم على عقابك كمان 

دفعه عز بعيدا عنه 

غور جتك هم سديت نفسي معايزشي حاچة منيك واصل 

ابتسم راضي بتسلية 

طب انزاح اكده هبابة خليني امدد جارك 

عز ليه ما عندك فرشتك نام فيها ولا هو تلازيق 

راضي ببسمة حالمة 

لاه فرشتي ممهوبهاشي الا وحبيبتي جاري غير اكده الفرشة محرمة عليا 

انفجر عز الدين ضاحكا 

يا بوي ع اللي حب ولا طالشي يا ناس 

ليهتف راضي بضجر 

الحال من بعضه يا ابو خالو الحال من بعضه 

عز وهو يحاول ان يغمض اعينه 

على قولك نام نام، ربنا يقرب البعيد يارب 

ونام كل منهم وهو يحلم بمحبوبته..

 ..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة