رواية رومانسية جديدة زوج مؤقت

من روايات وقصص الكاتبة

 هالة محمد الجمسي

النادي في العاشرة صباحاً 

سمر وهي ترتدي شورت قصير اسود وبلوزة بلا اكمام وتقف وبيدها مضرب تنس في مواجهه أكرم 

سمر:

_ على اتفاقنا اللي يتغلب 

يعزم التاني على حسابه 

اكرم وهو ينظر لها في اعجاب:

_متفقين اليوم كله سوا 

سمر:

_اوكي 

اكرم وهو يشير إلى شخص ما قادم:

_مش دا فريد!؟ غريبة رجع امتا؟ 

سمر تنظر له بلا مبالاة ثم تقول:

_سيبك منه خلينا في الماتش اللي هنلعبه 

يقترب فريد منهم ثم يقول وهو ينظر إلى سمر:

_نايس تو سي يو( فرحان أني شفتك سمر 

سمر في لا مبالاة:

_اهلا 

فريد:

_ليه المعاملة دي؟ عايزة افهم 

نظرت له سمر في نفاذ صبر ثم قالت:

_عندي ماتش مهم مع كابتن اكرم 

ينظر فريد إلى اكرم وكأنه انتبه له للمرة الأولى ثم قال:

_أكرم المدرب صح كدا؟

نظر له اكرم في تحدي وتابع:

_ايوا أنا اكرم مدرب التنس في النادي 

فريد وهو ينظر إلى سمر:

_سمر بليز احنا صحاب و اللي حصل كان سوء تفاهم وأنا اعتذرت عنه، حاولت اقابلك كذا مرة وأنت رافضة 

سمر وهي تنظر له في ضيق وغضب:

_عايز اي يا فريد؟ أنا عندي ماتش 

فريد وهو ينظر إلى اكرم:

_عشر دقايق بس  

نظرت له سمر في ضيق ثم تابعت:

_بعدين يا فريد هشوف لو في وقت فاضي ليك 

فريد وهو ينظر لها في عمق:

_اديني مساحة بسيطة من وقتك الموضوع مش متحمل تأجيل 

ثم نظر إلى اكرم وقال:

_مجرد دقايق 

نظر  اكرم الى سمر في تساؤل في حين قالت سمر في نفاذ صبر:

_طيب معلش يا اكرم دقايق بس اقنع 

 فريد أن صداقتنا انتهت 

ابتعد اكرم بضع خطوات في حين قال فريد:

_معاملة سيئة رغم أن مش صدر مني أخطاء وأسلوب مش مفهوم يا سمر مع أن مش بثق غير فيك انت 

ارتفعت ضحكة سمر ثم قالت:

_ثقة!؟ لا واضح أن البداية فيها حوارات كبيرة 

فريد و  هو يهز يده في حزن:

_باد فيري باد (سيء جدا

مع أن كل اللي طلبة منك أمر بسيط 

سمر وهي تنظر له في إهتمام:

_حتى الوقت مبقاش ليك يا فريد، أنا عارفة كويس اوي  انت راجع علشان اي 

فريد وهو يزفر في غضب:

_سمر كل اللي طالبه مجرد اتصال بس 

سمر في عمق:

_اتصال ب مين؟ 

صمت فريد دقيقة ثم قال:

_أنا بس عايز اعرف رد فعلها بعد ما شفتها واتكلمت معاها هو دا كل اللي عايزه منك 

نظرت له سمر في دهشة ثم تابعت:

_أنت مجنون!؟ عايز تتواصل مع نهال تاني بعد اللي عملته فيها؟ انت فاهم اي؟! نهال قفلت صفحتك من بدري 

هتف فريد هو يهز كتفه علامة النفي؛

_امبوسيبل) مستحيل نهال بتحبني الشاب التاني دا عرفته امتا وفين علشان تحبه أو تنساني؟ 

سمر وهي تنظر له في دهشة:

_أنت  أكيد اتجننت غرورك صور لك خيالات عبيطة في دماغك،  هو انت فاكر أن كل حاجة في الدنيا دي تقدر تملكها، ولا مسلسلات امريكا هتنفع هنا، نهال مش علاقة ايام في حياتك وعدت زي بنات تانية وزي أنا، نهال كان ارتباط رسمي وكان مشروع جواز وأنت هربت وكنت عايز تهدها علشان معرفتش تطولها،

 أنت فاكر اي؟ هتستناك عمر؟! ولا هتسافر وراك؟ عيبك انك مش فاهم شخصية نهال 

ولا  أنت فاكر أن صفقة جوازك برا مش نافعه ليك شروطها راجع مصر تعوض حاجة ب حاجة؟

 

فريد وهو ينظر لها في هدوء:

_اللي حصل دا كان في وقت العقل كان مش مدرك للي بيعمله،  وهي لو عرفت اني رفضت جوازي مع بنت سيناتور امريكي اكيد هتفهم الأمر 

سمر وهي تمسك لجام لسانها قبل أن يفلت على سب فريد:

_أنت مش معقول تكون بتفكر زي الناس العادية

فريد وهو ينظر لها في عمق:

_اسمعي،  سمر كل حاجة في الحياة دي عرض وطلب واتفاق وأنا عرضت عليها ومنتظر بس الاتفاق

سمر في عدم تصديق:

_عرضت على مين!؟ نهال أنت كلمت نهال!؟ 

فريد هز كتفيه ثم رفع رأسه في غرور وتابع:

_أيوا شفتها من كام يوم، في بيتها وعرضت عليها عرض خاص 

سمر وهي ترفع المضرب في حسم:

_أنا عندي ماتش مهم، ومش فاضية للهري دا، أنا مش هروج اشاعات نيابة عنك ولا هصدق كلامك اللي مش نافع كدب عيل صغير

فريد أخرج من جيبه ميدالية من الذهب الخالص وقال وهو ينظر لها في عمق:

_دي هدية مخصوص ليك علشان بس تليفون ل نهال

سمر وهي تبعد يده عنها:

_لا يا فريد أنا مش هقدم لك اي خدمات من أي نوع  مرة تانية لاني لما بقفل صفحة مش برجع ليها تاني مهما حصل 

خصوصاً  لو الصفحة القديمة فيها نقط كتير سودا 

زفر فريد في ضيق ثم تابع:

_طيب وبالنسبة ل سفرك لأمريكا!؟ دا كان حلم من احلامك مش كدا؟ هحققه ليك لو كلمتي نهال

ابتسمت سمر في سخرية وتابعت:

_ياااه كل دا علشان تنول نهال، أنت اي؟  عايز تناولها  بأي شكل  وبأي طريقة  وتثبت لكل اللي يعرفوك  أنها رجعت لك تاني، وأنك الواد الجنتل اللي كل بنات مصر وأمريكا هيتجننوا عليك، انت مراهق عنيد صحيح لا مراهق مريض، عندك مرض نفسي ولازم تتعالج منه، انت عامل زي العيل اللي كسر لعبته بايده وعايزاه تاني بأي شكل علشان بس هو عايز،  غرورك دا هيدمرك، فريد بجد 

أنا مش  عايزة دوشة تاني في حياتي ولا في المكان اللي أنا فيه 

تبادل كل منهم النظرات ثم قالت سمر وهي تخبط الكرة بالأرض:

_انتهى وقتك يا فريد هنا من الاحسن انك ترجع امريكا صدقني رجوعك هنا غلطة كبيرة 

فريد وهو ينظر لها في برود:

_فكري في الامر وأنا منتظر رايك في الإ

تفاق أمر بسيط عايد عليه نفع كبير أنا في انتظارك  

غادر فريد في حين اقتربت سمر من اكرم وقالت:

_يا لا نبتدي الماتش 

نظر اكرم الى فريد ثم قال:

_هو منتظر اي!؟ 

هزت سمر كتفها بلا مبالاة ثم قالت في استهزاء:

_طول عمري اسمع عن البرود الأمريكي شفته كامل مع فريد

اكرم وهو ينظر لها في تحذير:

_انا مش بحب اكون حمار في الزفة اي الموضوع وحوار اي اللي بينكم ؟ 

سمر وهي تنظر له في تحدي:

_موضوعه خلص و ح وارته خلصت  وانتهينا وبلاش كلام عنه بعد كدا 

اكرم:

_يعني اي!؟ 

قالت سمر وهي تنظر له في حسم:

_هنلعب الماتش زي ما اتفقنا ولا هنقعد نتكلم عن الخواجة اللي فهمته أن وقته انتهى؟ 

اكرم وهو يبتسم:

_لا طبعاً هنلعب ماتش ونكمل اتفاقنا وطول اليوم سوا 

سمر وهي تستعد بمضرب التنس:

_تمام كدا وأنا هتغلب لك مخصوص عربون محبة 

سمر وهي ترفع رأسها علامة النصر:

_من قبل ما تلعب موافق تتغلب؟ 

قال اكرم وهو يغمز بعينه:

_اليوم كله مكسب معاك يا أمورة

الصفحة التالية