رواية جديدة 

حرب نواعم (قواعد عشق النساء)

تنشر حصريًا 

على مدونة رواية وحكاية 

قبل أي منصة أخرى

الفصل الأول

1 

تم النشر الخميس

29/2/2024

❈-❈-❈

""المكان في إحدى مدن الصعيد الجميلة, غمرت الشمس الثرايا الكبيرة الضخمة التي تشبه قصور ألف ليلة وليلة  وتقع في منتصف البلدة 

كل جزء فيها يشهد بالعراقة والأصالة لصاحب المكان الذي توارثه عن والده, الثرايا مكونة من خمسة طوابق  تطل من أعلى كأنها رجل حكيم  

يطل على المدينة  وتتفقد أحوالها من علو, 

الطابق الثاني 

فتحت داليا النافذة وهي

تنظر إلى زوجها 

""قوم يا عمدة الشمس ملت الدنيا لسه بردوا مشبعتش نوم٠ 

لم يجب الزوج مما دفع داليا أن ترفع الغطاء قائلة 

""واه عاد اي أول يوم أحسك مش عايز تقوم اي الكسل دا كله؟ صحيح بس النهاردة مهم اوي انك تقوم دا المحافظ هيكون موجود بعد ساعة 

نهض الزوج من الفراش ثم قال 

"صباح الخير يا بت عمي 

اخفضت داليا عيناها خجل 

""صباح الرضا يا عمدة البلد والدنيا كلها ٠""""

نظر لها في هدوء ثم قال 

"تعرفي كنت ناوي اطنش الدنيا كلها واقعد وياك النهاردة اي رايك  يا بت عمي؟"""  

احاطت داليا بعنقه قائلة: 

""واه اي الكلام دا؟  ويقولوا داليا خيبت العمدة قاسم، ويقولو عليا مرا خايبة متوهه, لا لا دا حتى عيبه في حقي أنا يا عمدة البلد٠

أبتسم قاسم في مكر وتابع :  

"" هي الناس مبطلة كلام, ومن متا وأنت شاغلك كلامهم يا بنت الجارحي, بقالهم  سبع سنين شايفيني سداد في شرقها وغربها وأنت على ذمتي وأنا شايف شغلي يعني الناس مش شايفين 

الأيام اللي عدت واللي كان  فيها يا بنت عمي وهيشوفوا النهاردة بس ؟

داليا أخرجت فوطة من الدولاب وضعتها على كتف قاسم: 

"" ايوا يا واد عمي هيقولوا ويعملنا صوان كمان, يمكن زمان كانوا يقولوا علينا صغار يوم ما اتجوزنا كنا لستنا ٢٢ سنة  دلوقت كبرنا والناس تحاسبنا اكتر ٠"""

نظر لها قاسم بطرف عينيه: 

""محدش بيحاسب العمدة  في البلد كلها غير داليا, شوفي  الجاه والسلطان دا كله وبنت عمه هي القاضي عليه, دا أنت واعره اوي ٠""'

ابتسمت داليا ثم قالت: 

""ولو قلت لك انك أنت اللي سلطان قلبي ومالك روحها كمان٠

نظر لها قاسم في حب ثم وضع يد على شعرها: 

""فاكرة يا داليا لما كنا بنجري في الغيطان زمان وتقولي لي أرجع مش هتحصلني, نجوم السما اقرب لك مني أنا يا واد  اديني حصلتك و اتجوزتك٠""

رفعت داليا رأسها له

""أنت سعادتي وفرحتي كلها٠

أمسك قاسم بيدها في دلال

""مبعرفش اقول كلام حلو أنا كدا زيك أنت ٠""""

ضحكت داليا ثم قالت: 

" يعني عمدة ويتكلم الناس كلها ولحد عندي أنا مأنتش عارف تتكلم كلام حلو إياك ,هروح أشوف الفطار وأحضر لك فنجان القهوة يا عمدة٠

قام قاسم بجذب يد داليا ولكنها قالت في دلال: 

""هجهز الفطار أنا المحافظ جاي، مش عايزاك تتأخر على الناس, بلاش الناس تقول مرات العمدة خيبته٠

هبطت داليا إلى الطابق السفلي وهي تنادي : 

""نبوية نبوية الفطار جهز ولا اي ؟

ظهرت سيدة بدنية ممتلئة الجسم من المطبخ تجر جسدها جر 

""جاهز يا ست الكل فطار الملوك عسل وقشدة وفطير خير العمدة قاسم الجارحي وخيرك يا ست هانم٠ 

أشارت لها داليا في نبرة تحذير 

""اسمعي  عاد عايزة غدا  يشرف, في ناس أكابر هنا جايين من مصر واكيد راح يجوا علينا هنا   بعد ما العمدة يخرج من هنا  الكل يشتغل بايده وسنانه، أكل بلدنا يتعمل  وأكل البندر كله كله يتعمل فهمتي عاد؟  اكيد هيجيب الناس اللي نازلين البلد على الثرايا هنا, لازم الكل يحكي عن بيت العمدة وكرمه والعز اللي احنا فيه٠

وضعت نبويه يد  على عينيها :

""من عنيا يا ست الكل, أنا ودلال وسمحة  هنعمل كل حاجة وحياتك ل نرفع راسك, يجعل اسم العمدة مرفوع ديما ربنا يعوض عليكم بالخلف الصالح٠""

نظرت داليا إلى نبوية في غضب وشعرت بغصة مرة  حادة تجتاح كيانها كله وسهام ألم في قلبها

""طيب امشي انجري من هنا  يا لا شوفي شغلك٠

وضعت نبوية يد على فمها 

""يا لهوي يقطعني والله ما قصدي يا ست هانم٠""'

صرخت داليا في وجهها 

"غوري من وشي غوري قلت لك ٠"""

جلست داليا على اقرب مقعد في الصالة والتقطت زفير وشهيق 

متعدد المرات تحاول أن تكبت  غضبها وقهرها وقلة حيلتها سبع سنوات 

كاملة من الحرمان من الأطفال, سبع سنوات كاملة تطرق باب الأطباء 

في الخفاء وفي العلن

سبع سنوات تحرص على الاهتمام فيها بزوجها أشد إهتمام وتعطيه كل الحب والود والحنان 

حتى تملأ فراغ أوقاته 

وتحاول تعويض الحرمان لديه ولكن هل هذا كاف؟؟ هو رجل  

في حاجة إلى ابن من صلبه يحمل اسمه ويكون له عون ونجاه  ويكمل مشواره كما فعل هو خلف أباه,

جذب داليا من أفكارها 

صوت خطوات قاسم الواثقة التي تهبط على الدرج في قوى وحسم 

رفعت  رأسها إلى أعلى تنظر إلى زوجها  كان قاسم قد ارتدي ملابسه كامله  البذلة الزرقاء يعلوها العباءه السوداء, وظهرت ازرار قميصة الذهبية  وقد زين معصمه بساعة ذهبية فقالت وهي تنظر إلى المطبخ

""الفطار يا نبوية بسرعة خلصي بدل ما والله يكون آخر يوم ليك هنا٠"""""

حملت المرأة الصينية فوق رأسها واقتربت منهم في حين جاءت سمحه بصينية القهوة 

""حالا يا ست هانم حالا يا ست الكل٠

أشارت داليا إلى نبوية وسمحه: 

"يا لا ع المطبخ  أنت وهي ولا ناويين تقعدوا مع العمدة وتفطروا معاه ولا تاخدوا صورة معاه هو كمان ٠"""""

انصرفت كل من  الخادمتين في سرعة وكل منهم تنظر إلى الأخرى  في غيظ شديد 

 نظر قاسم إلى دلال في عمق وقال: 

"في اي مالك ما كنت بخير؟

وضعت داليا يد في شعرها الأسود وقالت:

""مافيش بشد شوية ع الخدامين علشان يشوفوا شغلهم، مش عجبني المياعة اللي هما فيها, اي  أكل وقلة مرعى أنا عارفاهم كويس اوي ٠""""" 

قرب قاسم القهوة من فمه ونظر لها نظرة جانبية 

""طيب اعملي اللي انت عايزاه بيتك واتصرفي براحتك ٠""""

أمسكت داليا يده في رفق 

""اي هتشرب القهوة ع الريق كدا؟ دا حتى غلط ع صحتك ولا اي ٠""" 

ألقى قاسم نظرة على يد  داليا ثم ازاحها في لطف  رشف بعض القهوة 

""مزاجي كدا٠""""

تنهدت داليا في استسلام 

""طيب زي ما انت عايز اعمل براحتك يا غالي ٠"""

شرب قاسم القليل من القهوة ثم قال وهو ينهض فجأة 

"""أنا همشي بقا علشان يدوب ميعاد افتتاح محطة القطر بعد تجديدها٠"""

قالت داليا في استنكار 

""أنت لسه مكلتش لقمة واحدة تصلب بيها طولك, لازم تاكل اي حاجة٠"""

نظر لها قاسم في جدية 

""متخافيش صالب طولي وحافظ مركزي٠"""

تمتمت داليا وهي تضع يد على كتفه :

""ديما يا حبيبي٠"""

سارت داليا خلفه عدة خطوات ثم قالت وهي تضع يد على ذراعه 

""هنجهز الغد هنا, لو حابب تجيب كل الضيوف هنا٠"""

أشار قاسم له بيده في حين تابعت هي 

"خلي بالك من نفسك٠"""

أبتسم قاسم وقال 

""طيب هخلي بالي من نفسي وأنت كمان خلي بالك من نفسك٠"""

ثم قال بالنداء على السواق 

""يا مصيلحي، يا مصيلحي يا لا علشان نلحق الناس اللي جاية دي ونستقبلهم ع مدخل البلد ٠"""

مصيلحي جاء يهرول وهو يقول في صوت مليء بالفرح 

""يا صاحب الرضا يا سعادة البية يا سلام دا انا من امبارح بحكي للبلد كلها أن أنا بقيت السواق الخصوصي بتاعك٠""""

أشار قاسم له في جدية

""طيب يالا علشان نلحق الناس وبلاش هري كتير، ولو عايز تثبت نفسك وياااي وريني سرعتك وسواقتك الصح  ٠""""

الصفحة التالية